Lajme aktuale nga vendi !

[Zero Cool]

Krasniqi: Procesi kundër Limajt, i politizuar





Kryeparlamentari i Kosovës, Jakup Krasniqi ka thënë se procesi ndaj deputetit dhe ish-ministrit të Transportit dhe Telekomunikacionit, Fatmir Limaj, është i politizuar.
Në lidhje me konfirmimin e aktakuzës për 10 ushtarë të UÇK-së, Krasniqi shpreson që gjykimi të shkon si duhet.

“Shpresoj që në fund vendimi i gjykatës do të jetë mbi bazën e ligjeve, fakteve, mbi bazën e dëshmive, jo mbi bazën e dëshirave të personave qoftë të brendshëm apo të jashtëm”, ka thënë ai, transmeton RTK.

Krasniqi ka folur edhe për sistemin e drejtësisë që sipas tij ai dëshiron që të duket më real dhe jo i politizuar.

“Sistemi i drejtësisë është i ndarë. Realisht sistemi i drejtësisë së Kosovës gjatë gjithë këtyre viteve ka qenë dhe si duket vazhdon të jetë mjaft i politizuar. Në kontinuitet në të gjitha pozitat që i kam pasur dhe në pozitën që kam, kam kërkuar nga politika që mos të ndërhyjë në çështjet e sistemit të drejtësisë”, ka thënë ai.

[Zero Cool]

Filloristët serbë: “Nuk e lëshojmë Kosovën”





Në veri të Mitrovicës, Zveçan, Zubin Potok dhe Leposaviq janë organizuar tubime protestuese që kanë zgjatur rreth gjysmë ore.
Kumtesa e Policisë së Kosovës bën të ditur se protestuesit ishin kryesisht nxënës të shkollave fillore dhe të mesme.

Sipas së njëjtës, ata janë shpërndarë të qetë dhe nuk është shënuar ndonjë incident.

Ndërkaq, siç raportojnë mediat ata kanë kënduar këngë me përmbajtje nacionaliste, siç janë “Kosova është zemra e Serbisë”, “Nuk e japim Kosovën” e të tjera.

Policia e Kosovës tha se nuk ka pasur paralajmërime zyrtare rreth organizimit të këtyre protestave.

[Zero Cool]

Ashton: Nuk duhet të përsëriten aksionet si në veri





Përfaqësuesja e lartë e Bashkimit Evropian për Politikë të Jashtme dhe Siguri, Catherine Ashton tha të martën se dialogu i filluar ka dhënë rezultate dhe duhet të vazhdojë në këtë frymë. Sipas saj, të dy vendet duhet të komunikojnë dhe të shpjegojnë të mirat e arritjes së këtyre marrëveshjeve, ndërkaq duke folur për aksionin e Qeverisë në veri tha se veprimet e tilla unilaterale nuk duhet të përsëriten më.


Baronesha Ashton këto komente i bëri në takimin me presidenten e Republikës së Kosovës, Atifete Jahjaga që po qëndron për vizitë zyrtare në Bruksel.

Ashton theksoi se është e qartë se Kosova ka të ardhme evropiane dhe kjo është rrugë normale e përcaktuar për të gjitha vendet e tjera, kriteret që duhet të përmbushen dhe që nuk janë të veçanta vetëm për Kosovën.

Ajo tha se Kosova duhet të ketë një bashkëpunim më të mirë dhe bashkërendim me misionin e EULEX-it dhe të KFOR-it. Sa i përket aksionit në veri të Kosovës, Ashton tha se “jemi të pakënaqur me aksionin unilateral në këtë pjesë dhe theksoi se kjo nuk duhet të përsëritet më”.

Ndërkaq, presidentja e Republikës së Kosovës, Atifete Jahjaga tha se Kosova dhe populli i saj duhet ta kenë një rrugë të qartë për liberalizim të vizave për marrëdhënie kontraktuale me BE-në dhe për bashkëpunimin ekonomik.

Ajo tha se kjo e ka simbolikën, sepse Kosova është pjesë e Evropës dhe ka të ardhme evropiane dhe gjithashtu edhe se ndihma e deritashme e bashkësisë ndërkombëtare në Kosovë ishte sukses.

Presidentja Jahjaga tha se dialogu ndërmjet Kosovës dhe Republikës së Serbisë, i ndërmjetësuar nga BE-ja, duhet të ketë sukses dhe rezultatet tashmë po shihen dhe duhet të punohet më shumë në komunikim për shpjegimin e marrëveshjeve dhe dobitë që sjellin ato për qytetarët e të dyja vendeve.

Ajo tha se misioni i EULEX-it do të jetë i suksesshëm kur ta përmbyllë misionin dhe t’i bartë kompetencat në institucionet e Kosovës dhe kjo sipas saj mund të arrihet vetëm në bashkëpunim të ngushtë me të gjitha strukturat e institucionet e Republikës së Kosovës.

Të dyja bashkëbisedueset u morën vesh që komunikimi ndërmjet Republikës së Kosovës dhe BE-së të jetë më i shpeshtë dhe më i rregullt, të evidentohen përparimet dhe të gjenden zgjidhjet praktike.

[Zero Cool]

Veriu vazhdon të ndikohet nga strukturat kriminale serbe





Komandanti i KFOR-it, Erhard Buhler ka deklaruar se veriu i Kosovës vazhdon të ndikohet nga strukturat kriminale.


Buhler i cili përfundon mandatin e tij në krye të këtij misioni tha se në këtë pjesë të Kosovës është vërejtur zvogëlim i ndikimit politik, mirëpo ka rritje të kriminalitetit.

Në një takim me gazetarë, gjenerali gjerman Buhler, ka përjashtuar mundësinë që Beogradi të ketë ndikim tek këto grupe kriminale që veprojnë në veriun e Kosovës për qëllime përfitimi.

Sa i përket bllokimit të rrugëve, Buler ka deklaruar se ata njerëz janë të frikësuar dhe të urdhëruar nga grupet kriminale, ndërsa shtoi që nëse rrezikohet siguria e pjesëtarëve të KFOR-it, do të intervenohet për zhbllokimin e rrugëve.

Komandanti i KFOR-it, Erhard Buhler ka thënë se ka mundësi që të shtyhet edhe afati i marrëveshjes për kthimin e policëve dhe doganierëve në pikat 1 dhe 31 deri në krijimin e kushteve. Ndërsa lidhur me hetimet që po bëhen për kapjen e vrasësve të policit Enver Zymeri dhe djegien e pikës kufitare në Jarinje, Buler tha se personat që po kërkohen nuk janë në Kosovë.

[Zero Cool]

Dell: Strukturat paralele në veri do të zhduken





Ambasadori amerikan në Prishtinë, Christopher Dell, ka folur të martën për zhvillimet e fundit në veri të Kosovës. Ai tha se javëve të fundit është parë sesi liderët lokalë dhe institucionet e Kosovës mund të punojnë së bashku për të ndërtuar një ambient të sigurt.


“Mendoj se përparësia pas 25 korrikut qëndron pikërisht në faktin sesi liderët politikë të përgjegjshëm, pastaj udhëheqësit religjiozë të të gjitha komuniteteve në Kosovë, vendosën besimin në institucione. Dhe si rezultat nuk pamë dhunën ndëretnike sikurse në vitin 2004, por pamë një vend stabil, paqësor dhe rezistues ndaj atyre që tentuan të provokojnë konflikt ndëretnik midis komuniteteve”, ka thënë ambasadori Dell, raporton Radio Evropa e Lirë.

Dell po ashtu tha se Shtetet e Bashkuara janë të e përkushtuar për të parë zbatimin e plotë të Pakos së Ahtisaarit, përfshirë edhe krijimin e komunës së re të Mitrovicës së Veriut. “Siç e kemi parë në komunat e reja në Kosovë, liderët legjitimë të zgjedhur janë më të përgjegjshëm ndaj nevojave të qytetarëve”, ka deklaruar Dell. Sipas tij, ky është proces i duhur që përmes liderëve të zgjedhur, strukturat paralele në prapavijë do të zhduken, sepse qytetarët nuk do të kenë nevojë t’iu drejtohen atyre.

[Zero Cool]

Serbët e veriut thonë se Tadici veproi si tradhtar






Anëtarë të të ashtuquajturit Kuvend të bashkësive të komunave të Kosovës, kanë vlerësuar se veprimet e presidentit të Serbisë, Boris Tadic, të ministrit Goran Bogdanovic, dhe të shefit të ekipit negociator, Borislav Stefanovic, paraqesin “tradhti”.

“Ajo që bëjnë Stefanovici, Bogdanovici dhe Tadici, është tradhti dhe ata më nuk mund t’i përfaqësojnë serbët në Kosovë”, tha Lubomir Kragovic, kryetar i të ashtuquajturit Këshilli për Kosovë në Kuvendin e Serbisë, raporton REL.

Në takimin e të ashtuquajturit Kuvend të bashkësive të komunave, që u mbajt në pjesën veriore të Kosovës, u konkludua se marrëveshja për vulat, doganat dhe diplomat, e arritur në Bruksel, është e papranueshme për serbët.

[Zero Cool]

Draskovic: Kosova, fqinji më i afërt






Pa dërgimin e ambasadorit në Prishtinë, sepse këtë askush nuk e kërkon, Serbia duhet ta pranojë Kosovën si fqinjin më të afërt dhe më të veçantë- ka thënë lideri i Lëvizjes Serbe për Ripërtëritje (SPO), Vuk Draskovic.


Sipas tij, Serbia duhet të heqë dorë nga institucionet paralele në Kosovë dhe nga ruajtja e integritetit joekzistues territorial dhe suverenitetit shtetëror dhe të përqendrohet në mbrojtjen e të drejtave të serbëve në Kosovë dhe ruajtjen e trashëgimisë shpirtërore serbe, dhe të pranojë pjesën jostatusore të Planit të Ahtisaarit.

B92 raporton se ai ka thënë që Serbia shpenzon 400-600 milionë euro në vit për institucionet paralele, “gjegjësisht 4.000 euro për çdo serb në Kosovë, por këto para nuk arrijnë tek ata”, ndërsa ka shtuar se veriu i Kosovës është bërë parajsë e kriminalitetit, të cilin e organizojnë njerëzit nga shërbimet sekrete të Slobodan Milosevicit.

Ndërkohë, kryetarja e Komitetit të Helsinkit në Beograd, Sonja Biserko, ka theksuar se Beogradi duhet të tregojë gatishmëri që Kosovën, ta pranojë si parter të barabartë dhe në këtë mënyrë t’ia hapë rrugën vetes për në BE.

Në takimin e Komitetit të Helsinkit për të drejtat e njeriut është vlerësuar se Serbia për shkak të zhvillimit të saj dhe hyrjes në BE duhet thelbësisht ta ndërrojë politikën e vet, të pranojë realitetin në Kosovë dhe të hyjë në NATO.

Edhe një shqiptar i dyshuar për vrasjen e Zymberit


Selvije Bajrami | 07-09-2011 00:06 CET



Një shqiptar nga jugu i Mitrovicës është në mesin e tetë personave të cilët deri më tani janë identifikuar si të përfshirë në vrasjen e policit të Njësisë Speciale, Enver Zymberi.
Se emri i një shqiptari është në listën e të dyshuarve e ka konfirmuar për “Zëri”, njëri nga dy kryesuesit e hetimeve të ngjarjeve të fundit në veri, kryeprokurori i Qarkut të Mitrovicës, Shyqri Syla.
Syla ka njoftuar për gazetën se shqiptari i përfshirë në “listën e zezë”, dyshohet për ndihmë kryesve të veprës penale, ngase i njëjti kishte tentuar të shkatërronte provat materiale, të cilat ishin përdorur gjatë kryerjes së veprës penale.
“Përveç gjashtë të dyshuarve për vrasje të cilët janë banorë të Zubin-Potokut e rrethinës së këtij qyteti, prokuroria ka në listë si të dyshuar edhe dy persona të tjerë, njëri serb dhe njëri shqiptar, të cilët dyshohen për veprën penale të dhënies së ndihmës kryesve për kryerjes së veprës penale”, ka njoftuar të martën Syla.
Shqiptari, i cili në jug të Mitrovicës udhëheq një sallon për shitjen e pjesëve të veturës si dhe serbi nga veriu, sipas Sylës, janë marrë në pyetje në cilësinë e të dyshuarve.
(shkrimin e plotë mund ta lexoni në numrin e sotëm të së përditshmes “Zëri”)

[Zero Cool]

Geci: Fajet i ka SHIK-u






Gani Gecit, ish-deputetit të Kuvendit të Kosovës, s'ka kush që ia heq nga mendja se çdo gjë që publikohet kundër tij, është e fabrikuar nga ish-Shërbimi Informativ i Kosovës. Madje ai është shumë i bindur se edhe në raportin e fundit të publikuar nga Wikileaksi, ku ish-ambasadorja amerikane në Kosovë, Tina Kaidanow, e cila atë e cilëson si “bandit”, ka gisht SHIK-u.

Në kabllogramin diplomatik të publikuar nga Wikileaksi, ish-deputeti i Kuvendit të Kosovës nga radhët e Lidhjes Demokratike të Dardanisë është përshkruar si njëri i dhunshëm. Por ish-deputeti Geci, në një rrëfim për Express, thotë se këtë epitet e ka “bakshish nga njerëzit e SHIK-ut”, për të cilët beson se tashmë janë të akuzuar për krime të ndryshme.

“Këtë ma kanë bërë njerëzit e PDK-së gjegjësisht të SHIK-ut dhe një pjesë e LDK-së”, thotë Gani Geci.
Ai thotë se në kabllogram përmendet rrahja e ish-kryetarit të Komisionit për buxhet të Kuvendit të Kosovës, Gani Kocit, e që sipas Gani Gecit, nuk e ka bërë kurrë, e madje nuk ishte as deputet në atë mandat.

“Gani Kocin unë e kam dajë dhe kam raporte shumë të mira me të. Unë nuk isha deputet në kohën kur flitet për rrahjen e tij”, thotë ish-deputeti Gani Geci. Ai sqaron se me zyrtarë amerikanë ka takime të rregullta javore, por nuk tregon se me kënd apo për çfarë takohet.

“Unë nuk jam spiun i asnjë ambasade, unë nuk i spiunoj shokët, unë çka flas, flas publikisht”, thotë Geci.

Anëtari i LDD-së tregon se ka një bashkëpunim të mirë me amerikanët në Kosovë. Për të qenë më bindës, ai thotë se në vitin 2001, familja e tij është nderuar me mirënjohje nga ish-Zyra amerikane (tani ambasadë) për kontribut në luftë dhe paqe. “Përveç kësaj, në tetor të vitit 2010, në Bonsteel është ngritur flamuri amerikan për mua, për kontributin që kemi dhënë si familje”, tregon ai.

[Zero Cool]

Pacolli s’i frikohet Thaçit







Nëse Behxhet Pacolli kandidon për president të vendit, ai nuk i frikohet kundërkandidatit të mundshëm, kryetarit të PDK-së, Hashim Thaçi.
Megjithatë, ai e ka lënë të hapur mundësinë e kandidimit, për siç thotë dy arsye, familjes dhe performancës së koalicionit aktual.
“Jo. Unë kam frikë vetëm prej Perëndisë dhe prej askujt tjetër. Nuk frikohem të përballoj çdo kandidat”, ka thënë Pacolli në një intervistë për Koha Ditore, i pyetur nëse do ta sfidonte Thaçin sikur ai të kandidonte për president.

[Zero Cool]

Borko i frikohet aksioneve të Kosovës







Shefi i ekipit negociator të Serbisë, Borislav Stefanovic ka filluar të frikohet nga aksionet e Qeverisë së Republikës së Kosovës. Ai ka akuzuar autoritetet në Kosovë se janë duke planifikuar dërgimin e zyrtarëve doganorë në doganat e veriut, për çka ka thënë se Serbia nuk do ta pranojë dhe sipas tij, kjo çështje as që është diskutuar në Bruksel.
“Shteti ynë ka informacione Prishtina po planifikon të dërgojë zyrtarët doganorë në doganat në veri. Kjo për ne është e papranueshme dhe mund të shkaktojë pasoja të rrezikshme”, ka thënë ai për Press.

[Zero Cool]

Wikileaks: Dell shmangu konfliktin ROSU-EULEX






Bazuar në Kabllogramet diplomatike të publikuara nga Wikileaks, thuhet se në vitin 2009, për pak sa nuk ka shpërthyer një përplasje e dhunshme e që do të kishte pasoja ndërmjet Njësisë Speciale të Policisë së Kosovës dhe asaj të EULEX-it.
Kjo përplasje është shmangur falë ndërhyrjes së ambasadorit amerikan në Kosovë, Christopher Dell, raportojnë mediat.

Gjendja ishte tensionuar kur Misioni Evropian i Sundimit të Ligjit (EULEX), kishte planifikuar të nënshkruante një protokoll me Serbinë, veprim që e kishte acaruar shumë kryeministrin Hashim Thaçi, i cili për këtë arsye kishte urdhëruar dërgimin e 25 pjesëtarëve të Njësitit Special në veri të vendit për të mbrojtur të kthyerit shqiptarë në shtëpitë e veta, ndërtimi i të cilave kishte nisur të bëhet.

Në atë kohë edhe EULEX kishte tentuar ta sfidojë Qeverinë e Kosovës, sipas kabllogrameve që tregojnë se ky mision kishte dërguar dy njësi që merren me trazira, të përbërë nga 100 pjesëtarë francezë, rumunë dhe polakë që ishin vendosur mbi lumin Ibër.

“Mirëpo, kthimi i forcave speciale të Policisë së Kosovës ishte bërë pas 20 orëve gjendjeje të nxehtë me EULEX-in, me një urdhër të kryeministrit Thaçi, i cili paraprakisht kishte marrë një telefonatë nga ambasadori amerikan”, thuhet në kabllogram.

[Zero Cool]

Tahiri: Stefanovic po i frikësohet opinionit për ta thënë të vërtetën






Shefja e delegacionit të Kosovës, Edita Tahiri për bisedime me Serbinë ka thënë se në rundin e fundit të bisedimeve në Bruksel janë marrë vesh për njohjen reciproke të vulave doganore, duke shtuar se marrëveshja do të zbatohet në përputhje me rregullat e CEFTA-s.


Për gazetën Blic në Beograd, Tahiri ka thënë se gjithashtu aty është edhe njohja e vulave doganore të Republikës së Kosovës që i ka përdorur Kosova pas shpalljes së pavarësisë bashkë me emërtimin e vulës doganore që e ka propozuar Serbia.

Duke u përgjigjur në pyetjen se a ka ndonjë dëshmi për pohimin se Serbia ka njohur vulat e Republikës së Kosovës, kryenegociatorja e Kosovës është përgjigjur: “Mund të kërkoni nga negociatori juaj Stefanovic që t’ua japë tekstin e marrëveshjes dhe do të shihni. Unë medieve tona do t’ua paraqes tekstin, e po presim letrën zyrtare të Cooperit me tekstin zyrtar”.

Ajo më tej ka njoftuar se pasi të jenë të gatshme palët, do të fillojë zbatimi i marrëveshjes e parimisht është marrë vesh që kjo të bëhet më 10 shtator kur dhe do të fillojë zbatimi i marrëveshjes për tregti të lirë.

Sipas Tahirit, mallin dhe automjetet do t’i kontrollojnë institucionet e Qeverisë së Kosovës, policia dhe dogana. “Natyrisht, do të bashkëpunojmë edhe me forcat ndërkombëtare të KFOR-it e EULEX-in”, është shprehur ajo.

Duke komentuar deklaratat e zyrtarëve serbë se është arritur marrëveshja vetëm për vulën dhe se marrëveshja është neutrale ndaj statusit, Tahiri ka thënë se që në takimin e parë është kërkuar që Serbia të njohë vulat ekzistuese në të cilat shkruante Doganat e Kosovës.

Stefanovic ka ofruar opsione të tjera si Vulat e EULEX-it. Kjo për ne nuk ka qenë e pranueshme. Mendoj se Stefanovic po i frikësohet opinionit në Serbi për ta thënë të vërtetën, ka vlerësuar Tahiri.

[Zero Cool]

Serbët e Izvorit paditin KFOR-in te Policia e Kosovës






Serbët në fashtin Izvor të komunës së Zveçanit kanë paditur KFOR-in për uzurpim të pronës.


Në këtë fshat KFOR-i ka vendosur një pikë kontrolli duke ndaluar në tërësi kontrabandimin e derivateve të naftës nga Serbia në Kosovë.

Serbët nga fshati Izvor afër Bajnskës, kanë paraqitur në Policinë e Kosovës 6 ankesa kundër KFOR-it, për shkak të uzurpimit të pronës private. Në policinë e Kosovës kanë thënë se ata nuk mund të reagojnë ndaj këtij rasti, për shkak të imunitetit që kanë ushtarët ndërkombëtarë.

Pas refuzimit të ankesës nga ana e policisë së Kosovës, banorët serbë ankesën ia kanë dorëzuar kryetarit paralel të komunës së Zveçanit, Dragisha Millovic, i cili e ka adresuar atë menjëherë në UNMIK dhe EULEX.

“Qytetarët kanë plotësisht të drejtë për të parashtruar një ankesë të tillë, sepse KFOR-i ka vendosur gjemborët në pronat e banorëve të fshatit Izvor pa pëlqimin e tyre”, ka thënë Milovic.

[Fshatari]

Postimi origjinal është bërë nga Zero Cool

Serbët e Izvorit paditin KFOR-in te Policia e Kosovës






Serbët në fashtin Izvor të komunës së Zveçanit kanë paditur KFOR-in për uzurpim të pronës.


Në këtë fshat KFOR-i ka vendosur një pikë kontrolli duke ndaluar në tërësi kontrabandimin e derivateve të naftës nga Serbia në Kosovë.

Serbët nga fshati Izvor afër Bajnskës, kanë paraqitur në Policinë e Kosovës 6 ankesa kundër KFOR-it, për shkak të uzurpimit të pronës private. Në policinë e Kosovës kanë thënë se ata nuk mund të reagojnë ndaj këtij rasti, për shkak të imunitetit që kanë ushtarët ndërkombëtarë.

Pas refuzimit të ankesës nga ana e policisë së Kosovës, banorët serbë ankesën ia kanë dorëzuar kryetarit paralel të komunës së Zveçanit, Dragisha Millovic, i cili e ka adresuar atë menjëherë në UNMIK dhe EULEX.

“Qytetarët kanë plotësisht të drejtë për të parashtruar një ankesë të tillë, sepse KFOR-i ka vendosur gjemborët në pronat e banorëve të fshatit Izvor pa pëlqimin e tyre”, ka thënë Milovic.

Kane gabue serbet. Kfori eshte partner i Policise, ushtrise dhe shtetit te Kosoves. serbet duhet me padit eulexin qe pesoi rende bashke me ta dhe gelltiti kumpirin e nxehte te ushtrise kosovare, ROSU.