Barcelona

[LaCoStA]

Nuk del gjallë nga Mestalla



Valencia edhe njëherë i ka treguar Barcelonës se stadiumi Mestalla është i pa kalueshëm për katalanasit, pasi Los Che kanë arritur të nxjerrin një barazim prej 1-1 në ndeshjen e parë gjysmëfinale të Copa del Rey.

Pjesa e parë ishte tejet dinamike, ku dhe u vendos epilogu i këtij takimi.
Një asistim të Jeremy Mathieu e shfrytëzoi Jonas, që i dha epërsinë Valencias dhe ndezi Mestallan (27’).

Në vazhdim të takimit Barcelona humb një rast të volitshëm, nga i cili fiton një korner, e ku i suksesshëm tregohet ikona dhe vigani Carles Puyol që shënoi për 1-1 në imnutën e 35-të.

Në vazhdim të takimit katalanasit tentojnë të rikthejnë gjithçka në favor të tyre, mirëpo edhe Lionel Messi e huqi një penalti për të lënë gjithçka të hapur për ndeshjen kthyese.

Sfida kthyese zhvillohet pas një jave në Camp Nou, ku Barcelona pranë këtij rezultati është favorite për t’u kualifikuar në finale të Copa del Rey.

[LaCoStA]

Guardiola: Nuk kishim nevojë për blerje



Trajneri i Barcelonës, Pep Guardiola, nuk e ka problem që e ka kaluar afatin kalimtar të janarit pa asnjë blerje.

“Ne kemi menduar për këtë, por unë i vlerësoj lartë lojtarët rezervë dhe dua t’i shfrytëzoj ata. Nuk kam dyshime në futbollistët nga skuadra B”.

“Nëse kemi lëndime, ne do t’u japim shans të rinjve. Cuenca, Sergi Roberto, Dos Santos, Bartra, Montoya... kurdo që ata luajnë, ata bëjnë një punë të mirë”, ka deklaruar Guardiola.

[LaCoStA]

Guardiola: Barazimi më i mirë se fitorja



Trajneri i Barcelonës, Pep Guardiola, ka thënë se barazimi 1-1 ndaj Valencias është një rezultat më i mirë se sa fitorja, pasi kjo do të bëjë që skuadra të kërkojë fitore në ndeshjen e kthimit.

Blaugranët patën rastin të shënojnë fitore në ndeshjen e parë gjysmëfinale të Kupës së Mbretit të zhvilluar në Mestalla, por Lionel Messi nuk ishte i saktë nga pika e bardhë.

“Është mirë të shkojmë në Camp Nou me këtë rezultat, pasi kjo na detyron neve ta fitojmë ndeshjen. Kur ju keni avantazh 2-1, siç kishim kundër Real Madridit, ju duket sikur e keni fituar sfidën”.

“Ne do të llogarisim në mbështetjen e tifozëve për të arritur në finale. Ajo çfarë gjithmonë përpiqemi është të gjejmë fitoren”, ka thënë Guardiola pas takimit të mbrëmshëm.

[LaCoStA]

Pique: Ishim dominues ndaj Valencias



Mbrojtësi i Barcelonës, Gerard Pique, thotë se ata ishin dominues në ndeshjen e mbrëmshme ndaj Valencias, pavarësisht se nxorën vetëm një barazim 1-1.

Mysafirët kontrolluan ndeshjen e parë gjysmëfinale të Kupës së Mbretit në Mestalla dhe madje kishin edhe një penalti të humbur.

“Ne dominuam ndeshjen, ata ishin të fuqishëm në mbrojtje por gjithmonë është vështirë të fitosh këtu. Ne kishim shanset tona, por është një rezultat i mirë për ndeshjen e kthimit [në Camp Nou]”, ka thënë Pique.

[LaCoStA]

Mascherano: Sfida është në duart tona





Mesfushori i Barcelonës, Javier Mascherano, mendon se barazimi 1-1 ndaj Valenmcias në ndeshjen e parë gjysmëfinale të Kupës së Mbretit është një rezultat i mirë.

“Është një rezultat i mirë, por mund të kishte shkuar edhe më mirë duke marrë parasysh lojën që ne bëmë. Ne luajtëm kundër një rivali të shkëlqyeshëm dhe ne kishim shanse të mira. Ndonjëherë topi thjesht nuk shkonte në rrjet”.

“Gjëja më e rëndësishme është se ne luajtëm një ndeshje të mirë dhe krijuam shanse shënimi. Sfida tash është në duart tona dhe kjo është më e rëndësishme. Kjo varet ekskluzivisht nga ne”, ka thënë Mascherano.

[LaCoStA]

Thiago: Barca nuk varet nga Messi



Mesfushori i talentuar i Barcelonës, Thiago Alcantara, ka deklaruar se katalanasit nuk varen nga supersulmuesi Lionel Messi, pas rezultateve të këqija në ndeshjet e fundit ku ‘el Messiah’ ka humbur shkëlqimin e tij.

“Messi është lindur të jetë fitues. Ndaj Valencias ai ishte mjaft i guximshëm për të marrë përgjegjësinë e penaltisë. Ai nuk shënoi, por kjo nuk është problem. Ne kemi lojtarin më të mirë në botë në ekip, por dua të them se nuk varemi nga ai”.

“Ne kemi forca të mëdha në lojtarët tanë, kemi Xavin kemi shumë lojtarë që mund të bëjnë diferencën. Sigurisht që nuk varemi nga Messi”, tha Alcantara.

[LaCoStA]

Thiago: Do ta tejkalojmë Realin



Mesfushori i Barcelonës, Thiago Alcantara, beson se Blaugranët mund të tejkalojnë liderët aktual në La Liga, Real Madridin, përkundër diferencës prej shtatë pikësh.

Real Madridi ka përballë Getafen të shtunën mbrëma, kurse Barcelona pret Real Sociedadin në Camp Nou, ndërsa Thiago mendon se në vazhdim të sezonit është e mundur që katalanasit të shkrijnë epërsinë prej shtatë pikësh të Los Blancos.

“Natyrisht se mund të kthehemi në pozitën e parë. Ne mund të arrijmë gjëra të mëdha, këtë e ka treguar ky ekip viteve të fundit”, potencoi Thiago.

[LaCoStA]

Guardiola: Messi superior, edhe kur nuk shkëlqen



Trajneri i Barcelonës, Pep Guardiola, ka deklaruar se superylli Lionel Messi është superior ndaj lojtarëve të tjerë edhe nëse nuk shkëlqen.

“Leo gjithmonë është i mirë, ai është shumë konkurrues. Ai ka përjetuar shumë gjëra dhe ai gjithmonë luan mirë, tashmë e dini mendimin tim. Edhe pa qenë në formën më të mirë, ai është superior për lojtarët tjerë. Ai shpeshherë merr përgjegjësi pa pasur nevojë”.

“Kur vjen puna te penaltitë, ai është fantastik. Shpresoj që kur ai të pensionohet, ai do të mbajë rekordin e tij të mirë. Ne duhet at ndihmojmë atë, ka nevojë për ndihmën e të gjithëve. Ne të gjithë ndihemi mirë kur ai është në fushë”, ka thënë Guardiola.

[LaCoStA]

Fiton Barcelona






Barcelona ka regjistruar fitore prej 2-1 përballë Real Sociedadit në takimin e të shtunës mbrëma të zhvilluar në Camp Nou, ndërsa kjo ishte fitorja e parë pas tri barazimeve radhazi në të gjitha garat.

Përkundër rezultatit dhe dominimit të lojës, nuk ishte ajo Barcelona e spektaklit dhe gjatë kësaj ndeshjeje u vërejt një lloj krize në fazën ofensive të katalunasve, ndërsa kjo është normale kur kihen parasysh mungesat e skuadrës.



Vendasit krijuan epërsi të hershme (9’) me anë të Cristian Tellos, i cili pranoi një top nga Leo Messi për të shënuar golin e parë me fanellën e Barcës, dhe ky ishte goli i vetëm në pjesën e parë.

Në gjysmën e dytë, pas rasteve të shumta të humbura, futbollisti që mban epitetin më të mirit në botë, Lionel Messi, arriti të realizojë.



Argjentinasi pranoi një krosim të jashtëzakonshëm të Daniel Alves për të dalë fitues përballë portierit Bravo (72’), i cili ia mohoi shumë raste të mëparshme.

Mirëpo, ende pa përfunduar festa e Blaugranëve, Antoine Griezmann shfrytëzoi një gabim të lojtarëve vendas dhe pasoi te Carlos Vela, ndërsa ky i fundit e rihapi takimin (74’).

Megjithatë, katalunasit e ruajtën rezultatin deri në fishkëllimën e fundit të gjyqtarit për të rrëmbyer tre pikë të plota.

Barcelona pozicionohet në vend të dytë në tabelën e La Ligas, me shtatë pikë diferencë nga lideri Real Madrid.

[LaCoStA]

Guardiola: Më tmerroi reagimi i Fabregasit për Busqutesin



Pep Guardiola për një moment ishte tmerruar kur i sapo futuri në lojë për skuadrën e tij Sergio Busquets pësoi një lëndim që në bazë të reagimit të tij dukej shumë i rëndë.

Por se lëndimi ishte tejet serioz tregoi edhe një reagim i Cesc Fabregasit i cili kishte kapur kokën me duar pasi e pa nga afërsia Sergio Busquetsin e lënduar. Duke e parë këtë reagim të Fabregasit trajneri Pep Guardiola kishte menduar se Sergio Busquets kishte thyer këmbën.

”Kur Cesc i hedhi duart e tij në kokë mendova se Busquets kishe thyerje të këmbës por fatmirësisht doli vetëm një prerje” deklaron Guardiola.

[LaCoStA]

Valdes: Kemi akademinë më të mirë në botë



Portieri i Barcelonës, Victor Valdes, mendon se katalanasit kanë akademinë më të mirë në botë, pas golit vendimtar të shënuar nga 20 vjeçari Cristian Tello në sfidën ndaj Real Sociedadit.

“Unë dua të përgëzoj Tellon për golin e tij të parë për ekipin. Ne kemi akademinë më të mirë në botë”.

“Ishte një ndeshje e vështirë, është shumë ftohtë, por ne luajtëm mirë. Ishte një rezultat i ngushtë, tifozët kanë vuajtur, por ne luftuam deri në fund. Në përgjithësi, ekipi ishte në formë”, tha Valdes.

[LaCoStA]

Guardiola i kënaqur me të rinjtë



Trajneri i Barcelonës, Pep Guardiola, u shpreh i kënaqur me performancën e të rinjve të Barcës në fitoren e ngushtë prej 2-1 ndaj Real Sociedadit në Camp Nou.

“Ne kemi mundur të barazojmë edhe sot, por kemi dhënë maksimumin dhe përsëri kemi treguar se jemi mjeshtrit e lojës së bukur, krijuam shumë raste. Ne kemi luajtur shumë bukur”.


“Tello ëoshtë anësor, një plumb më vete. Ai është shumë i shpejt dhe bën mirë në situatat një-në-një. Përgëzime edhe për Isaac Cuencan dhe Jonathan Dos Santos për performancën që kanë shfaqur, sepse nuk është e lehtë të luash sikurse që bënë ata”, deklaroi Guardiola.

[LaCoStA]

Emery: Messi nuk ka rënë nga forma



Trajneri i Valencias, Unai Emery, ka mohuar thëniet se Lionel Messi nuk ka qenë në formën më të mirë në ndeshjet e fundit të Barcelonës.

Analistë të ndryshëm sportivë kanë pohuar se niveli i argjentinasit ka rënë në ndeshjet e fundit, por kështu nuk mendon trajneri i Los Che, skuadër me të cilën Barca do ta zhvillojë ndeshjen kthyese të gjysmëfinales së Kupës së Mbretit në Camp Nou.


“Ai është lojtari më i mirë në botë, nuk mendoj se ai është në një moment të keq të formës”, u ka thënë Emery gazetarëve në një konferencë për media.


Për më shumë, ai ka kërkuar nga lojtarët e tij që të fokusohen maksimalisht në takimin e të mërkurës mbrëma.


Blaugranët kanë një përparësi, duke qenë se ndeshja e parë e zhvilluar në Mestalla përfundoi me rezultat 1-1.

[LaCoStA]

Giuly: Barca do ta fitojë Ligën e Kampionëve


Ish-anësori i Barcelonës, Ludovic Giuly, mendon se Balugranët do ta mbrojnë titullin edhe në edicionin e sivjetmë të Ligës së Kampionëve.

Katalunasit do të luajnë ndaj Bayer Leverkusenit në 1/8 e finales së garës më të madhe evropiane për klube, ndërsa francezi pohon se ata do të triumfojnë në fund.


“Fitimi i La Ligas do të jetë i vështirë, por Barca do ta fitojë Ligën e Kampionëve”.


“Të gjithë duan të luajnë te Barca, nuk ka asnjë klub si ky. Sistemi i klubit është i bazuar në shfrytëzimin e anësorëve të shpejtë. Nuk ka tjetër sistem si i Barcës”, është shprehur Giuly për Esports COPE.

[Gjumashja]

kur kane me lujt kunder realit oj moter :D