Lajme Aktuale....

[Llapjani_HH]

BE e vendosur për shtrirjen e EULEX-it në Kosovë edhe pa pajtimin e Prishtinës

Bashkimi Evropian është i vendosur që edhe pa pajtimin e Prishtinës zyrtare të shtrijë misionin e saj EULEX në Republikën e Kosovës, por jo edhe në pjesën veriore të vendit. Sipas burimeve të RTK-së, BE-ja, dhe OKB-ja, janë në pritje të zbutjes së qëndrimit të udhëheqjes së Kosovës, ngase shtrirja e Eulex-it, sipas tyre është në interes të të gjithë shtetasve të saj.

Bashkimi Evropian insiston se misioni EULEX-it duhet tё nisё nё muajin dhjetor, me apo pa marrëveshje nё lidhje me 6 pikat e sekretarit tё pёrgjithshёm tё OKB-s Baan Kii Moon. Kёtё e konfirmuan zyrtarë nga vendet anëtare tё BE-sё tё cilёt precizojnë se nё mungesë tё marrëveshjes misioni evropian mund tё nisё nё Kosovë duke mos u pёrfshirё kёtu veriu i vendit. Brukseli edhe mё tutje beson se do arrihet marrëveshja deri nё fund tё muajit nёntor, pёrkatёsisht se liderët e Kosovës do e pranojnë planin 6 pikёsh. Megjithatë po dominon brengosja pёr shkak tё siç thuhet, politizimit tё tepёrt tё kёsaj çёshtjeje. Nё kёtё kuadёr, diplomatёt e vendeve anëtare tё BE-sё tërheqin vërejtjen se nё situatën e krijuar, prononcimet e pamatura tё zyrtarëve serbë po kontribojnё nё ndërlikimin e tёrё procesit.Bashkimi Evropian nuk e fsheh mё se me palën kosovare, siç thuhet, po punon qё tё bindet nё pranimin e 6 pikave dhe e tёrё kjo tё kalojё pa pasoja, duke u insistuar gjithnjë se EULEX-i ёshtё nё tё mirёn e gjithё qytetarëve tё Kosovës dhe se me zvarritje humbin vetёm kosovarёt. (Gjeraqina Tuhina)
RTK

Haradinaj: Kosova, një plan të vetin nëse ndërkombëtarët miratojnë planin e OKB për EULEKS


Nëse bashkësia ndërkombëtare miraton planin me gjashtë pika të Ban Ki Mun pa pëlqimin e palës kosovare, atëherë Kosova duhet të përgatisë një plan të vetin për t'u përballur me situatën që mund të krijohet. Kështu u shpreh kryetari i AAK-së, Ramush Haradinaj, sipas të cilit liderët e vendit, duhet të kishin krijuar tashmë një grup ekspertësh për t'u përballur më lehtë në negociatat me bashkësinë ndërkombëtare.

“Mendoj që institucionet e Kosovës, duhet ta ftojnë ekspertizën, kuadrot e vendit, për ta pasur një plan konkret se si duhet të dalim nga një gjendje e tillë e krijuar, nga kjo krizë" tha Haradinaj.
Haradinaj tha se EULEX-it mund të shtrihet në tërë territorin edhe pa këtë plan, por lipset një vendosmëri e aktorëve kryesor në këtë proces.

“EULEX-i në Kosovë është në një bazë ligjore shumë të fuqishme, është me dakordim të të gjitha vendeve pjesëmarrëse në EULEX dhe po ashtu është me dakordim nga Kosova dhe me fuqinë ligjore kushtetuese të vendit. Pra EULEX-i ka mundësi me u shtri në të gjithë Kosovën, kërkohet një vendosmëri e aktorëve të përfshirë në këto aranzhime" tha Haradinaj.

Opozita kosovare ka mbështetur Presidentin dhe Kryeministrin në qëndrimin e tyre refuzues ndaj planit me 6 pika të Ban Ki Munit.

Shkëlzen Osmani
ALSAT

Kosovë, shpërthim në oborrin e selisë së KE. Nuk ka të plagosur. Thaçi dënon ngjarjen

Një shpërthim i fuqishëm ka ndodhur rreth orës 17:00 në oborrin e selisë së Përfaqësuesit Civil të Bashkimit Evropian në Kosovë. Nga shpërthimi janë dëmtuar xhamat e katit të parë të godinës ku gjendet edhe zyra e Pieter Faith, por që sipas policisë përveç dëmeve materiale nuk është lënduar asnjë persona, as sigurimi i objektit.

Presidenti Fatmir Sejdiu dhe Kryeministri Hashim Thaçi kanë mbajtur një konferencë të jashtëzakonshme për shtyp ku kanë dënuar me tone të ashpra këtë shpërthim, ndërsa kanë thënë se ata që e kanë bërë këtë janë armiqtë më të mëdhenj të shtetit të pavarur të Kosovës.
ALSAT

[Llapjani_HH]

Dënohet në mënyrën më të ashpër shpërthimi para selisë së Zyrës Civile Ndërkombëtare

Shpërthimin e mbrëmshëm para selisë së Zyrës Civile Ndërkombëtare (ICO), i cili fatmirësisht ka kaluar pa viktima e dëme në njerëz, pos udhëheqësve më të lartë të vendit, në mënyrën më të ashpër e kanë dënuar edhe Franca, e cila kryeson Bashkimin Evropian, pastaj Ambasada Amerikane në Prishtinë, SHP i TMK-së, partitë politike të vendit tonë, si dhe vetë zyrtarët e këtij misioni në Prishtinë.
Presidenti Fatmir Sejdiu dhe kryeministri Hashim Thaçi mbrëmë e kanë dënuar ashpër shpërthimin para selisë së Zyrës Civile Ndërkombëtare, duke vlerësuar se kryesit e këtij akti të shëmtuar janë armiq të Kosovës. Asnjë shpërthim apo përpjekje e tillë e ultë, nuk mund të zbehë politikën bashkëpunuese dhe pro perëndimore të Kosovës, kanë konstatuar para gazetarëve liderët shtetërorë, duke kërkuar zbardhjen e rastit.

Përmes një kumtese për media, zëdhënësi i ICO-EUSR, Endi MekGafi e ka konfirmuar lajmin dhe ka sqaruar se asnjë anëtar i stafit të ICO-së nuk është lënduar nga shpërthimi. Zyrtarët e ICO-së kanë falënderuar institucionet e vendit për mbështetje, për sigurinë e stafit të të gjitha misioneve ndërkombëtare që punojnë këtu, por edhe kanë kërkuar më shumë siguri për misionet ndërkombëtarë në Kosovë.

"ICO dhe përfaqësuesi special i BE-së do të vazhdojnë punën për të mirën e të gjithë popullit të Kosovës dhe stabilitetit në rajon", thuhet në fund të komunikatës.

Franca që kryeson Bashkimin Evropian ka dënuar ashpër sulmin ndaj Zyrës Civile Ndërkombëtare në Prishtinë."Kryesia e Bashkimit Evropian dënon ashpër këtë sulm", thuhet në kumtesë në të cilën gjithashtu vihet në pah "vendosmëria e BE-së për angazhimin në ndërtimin e shtetit juridik në Kosovë për të mirën e të gjithë qytetarëve

Ambasada Amerikane në Prishtinë, në mënyrën më të ashpër dënon, shpërthimin që ndodhi mbrëmë në Zyrën Ndërkombëtare Civile në Prishtinë. Akte të tilla të dhunshme, jo vetëm që rrezikojnë jetët, por edhe ndërlidhin përpjekje negative në paraqitjen e Kosovës si imazh të keq, në tërë botën. thuhet ne një reagim të Ambasadës amerikane ne Prishtinë.

Shtabi i Përgjithshëm i TMK-se ka dënuar ashpër sulmin ndaj Zyrës se ICO-se në Prishtinë dhe njëherit ka kërkuar ndërmarrjen e masave urgjente të organeve të Policisë dhe të Drejtësisë në kapjen sa më të shpejtë të kryerësve qyqarë të kësaj vepre kriminale.

Shpërthimin e mbrëmshëm e kanë dënuar ashpër edhe subjektet politike të Kosovës.
RTK

Qudi, pse more nuk po guxojn me i gjykue veprimet terroriste të shkieve në Mitrovicë F.Sejdiu dhe H.Thaçi, apo janë duke punuar këta vetëm për shkiet?


Të shtëna në veri të Mitrovicës

Raportohet për një incident në mes fshatrave Suhodoll, të banuar me shqiptarë, dhe atij Bërxhani, të banuar me serbë.

E shtunë, 15 Nëntor 2008 15:39

Policia e Kosovës raporton për një incident që ka ndodhur sot në mëngjes mes fshatrave Suhodoll të banuar me shqiptarë dhe atij Bërxhani të banuar me serbë në veri të Kosovës.

Zëdhënësi rajonal i Policisë, Besim Hoti tha se rreth orës 10:30 nga fshati Bërxhani janë shënuar të shtëna, por pa pasoja në njerëz apo dëme tjera materiale. Këto të shtëna, sipas policisë, kanë mund të kenë pasur si qëllim ngritjen e tensioneve dhe ndërprerjen e punimeve në shtëpinë e Ali Kadriut në Suhodoll.

"Ajo që është me rëndësi është se këto të shtëna nuk kanë pasur për cak objektin apo personin fizik", tha zëdhënësi Hoti. Ai tha po ashtu se nuk janë shënuar tubime të qytetarëve, dhe se policia vendore dhe ajo e UNMIK-ut e kanë vënë gjendjen nën kontroll dhe se pasdite gjendja përshkuhet të jetë e qetë.
Mesazhi.com

“Dnevnik”: EULEX do ta fillojë punën në Kosovë me 2 dhjetor

Pavarësisht rezultatit të bisedimeve në linjën Prishtinë-Bruksel-Nju Jork, misioni i EULEX-it do të fillojë punën në Kosovë më 2 dhjetor, shkruan gazeta e Novi Sadit “Dnevnik”, duke iu referuar burimeve nga Brukseli. “Në rast se nuk arrihet marrëveshja në Nju Jork, EULEX-i do të nisë punën më 2 dhjetor në pjesën e banuar me shqiptarë në Kosovë, derisa në enklavat serbe dhe në veri të Kosovës UNMIK-u do të vazhdojë të kryejë punën e tij”, shkruan kjo gazetë.
Gazeta “Dnevnik” thotë se posedon letrën e përfaqësuesit të lartë të BE, Havijer Solana, që do t'i dërgohet kryetarit të Kosovës Fatmir Sejdiut, ku ai e informon Sejdiun se do të jap shenjë për fillimin e punës së Misionit, më 2 dhjetor. "Shefi i EULEX-it ka ndërmend që pas lejes time, ta lansojë Misionin e BE për gjyqësi e polici në Kosovë më 2 dhjetor", ka cekur Solana.

Duke vënë në dukje se EULEX do ta ushtrojë detyrën e vet sipas Planit aksional, Solana thekson se ai do të jetë mision unik në Kosovë.

"Dëshiroj t'ju bindi se EULEX do të punojë në bazë të mandatit ekzistues me qëllim të zhvillimit dhe forcimit të sistemit shumetnik gjyqësorë, policinë shumetnike dhe shërbimin doganor. Në zbatimin mandatit të vet EULEX do të bashkëpunojë intensivisht me institucionet e Kosovës në fushën e sundimit të ligjit, e ky bashkëpunim do të jetë kyç për suksesin e Misionit", i rekomandon Solana Sejdiut. Në letër shtohet se mandati gjyqësorë i EULEX-it do të kontribuojë në lehtësimin e përparimit të Kosovës në integrimet e ardhshme me BE.

Gazeta "Dnevnik" po ashtu sjell edhe raportin e Sekretarit të Përgjithshëm të KB, Ban Ki Mun, i cili ditët e ardhshme do të prezantohet në KS, ku theksohet se serbët e Kosovës do t’i garantojnë KB.

"Serbët në Kosovë do të fitojnë garanci edhe më të forta nga ato që i ka parashikuar Plani i Ahtisaarit, sidomos në fushën policisë, gjyqësisë, doganës dhe mbrojtjes së Kishës Ortodokse Serbe", shkruan gazeta.

Në raportin e Ban Ki Munit, thekson gazeta, hapen dyert për hyrjen e EULEX-it në Kosovë, por gjithashtu sigurohet që serbët në Kosovë të mbeten nën kontrollin e drejtpërdrejtë të KB edhe përkundër ardhjes së Misionit të BE. Sipas kësaj gazete, parashikohet që një pjesë e parave që do të inkasohen nga doganat në dy pikat doganore në veri të Kosovës, të shkojnë drejtë në komunat me shumicë serbe./f. musliu/
RTK


Server: Kushtet për vendosjen e EULEX-it paraqesin baza për ndarjen e Kosovës

Drejtori i Institutit për Paqe i SHBA-ve me seli në Uashington, Daniel Server ka vlerësuar se kushtet për vendosjen e misionit të EULEX-it në Kosovë paraqesin baza për ndarjen e Kosovës. “Propozimi serb nuk është për status neutral, por përpiqet që të krijojë bazë për ndarjen e Kosovës dhe për kufizimin e mëtejmë të ushtrimit të sovranitetit të Prishtinës”, ka thënë Server.
Ai ka thënë se Bashkimi Evropian dhe SHBA-të nuk do të duhej të bëjnë presione shtesë ndaj Prishtinës për të pranuar kushtet serbe për vendosjen e misionit të BE-së.
RTK


Bugajski: Plani gjashtëpikësh – “bosnizim” i Kosovës

Plani gjashtëpikësh i Organizatës së Kombeve të Bashkuara, nëse zbatohet, rrezikon me 'bosnizimin' dhe ndarjen e Kosovës, ka thënë në Prishtinë, analisti Janusz Bugajski.

E shtunë, 15 Nëntor 2008 14:15

Këto komente, Bugajski i ka bërë gjatë një konference të organizuar në Prishtinë nga partia opozitare, Aleanca Kosova e Re.

Bugajski tha se plani gjashtëpikësh, pashmangshëm mund të çojë drejt ndarjes së veriut të Kosovës dhe mbështeti qëndrimin e Prishtinës zyrtare në kundërshtimin e këtij plani.

"Dyfishimi i autoriteteve ndërkombëtare të UNMIK-ut dhe EULEX-it në Kosovë, sipas të cilit, serbët në veri do të kishin nën kontroll policinë, gjykatat, doganat e çështje të tjera, çon kah një bosnizim i Kosovës", tha Bugajski.

Sipas tij, një skenar si plani gjashtëpikësh është shqetësues dhe vjen në kohën kur bashkësia ndërkombëtare po përpiqet ta shmangë ndarjen e Bosnjës, kurse, në anën tjetër, provon ta krijojë edhe një problem të ngjashëm në Kosovë.

"Mendoj se është e mundshme që me këtë plan të krijohet situata me autoritete të dyfishta, në të cilin Serbia inkurajon minoritetin serb drejt ndarjes apo krijimit të dy entiteteve në Kosovë", thotë Bugajski.

Duke e kundërshtuar këtë plan, nënvizoi Bugajski, Kosova më në fund do të dëshmojë se është subjekt i pavarur dhe jo vetëm objekt i politikave ndërkombëtare ndaj saj.

Bugajski u ka sugjeruar kosovarëve që të shtrijnë një ndikim më të madh tek administrata e re amerikane e presidentit Barack Obama, në mënyrë që të kuptohet seriozisht rreziku që i kanoset tërësisë së Kosovës nga plani gjashtëpikësh i Ban Ki Moonit, i akceptuar edhe nga Beogradi si dhe një pjesë e madhe e Bashkimit Evropian. /rel/
Mesazhi.com

[Llapjani_HH]

Clark: Nuk do ta dorëzoja pjesën veriore të Kosovës...

Ish-komandanti suprem i NATO-s, Wesley Clark ka thënë se SHBA-të do të vazhdojnë të përkrahin pavarësinë e Kosovës. Ai po ashtu ka thënë se, nuk do ta dorëzonte pjesën veriore të Kosovës dhe nuk do të merrej me Luginën e Preshevës...

E shtunë, 15 Nëntor 2008 13:42

Në një intervistë për RTV21, Clark ka vlerësuar se administrata e re amerikane e di mirë rëndësinë e Ballkanit, që sipas tij, është i rëndësishëm jo vetëm për siguri dhe stabilitet në Evropë por edhe në përparimin e paqes dhe demokracisë në rajon.

"Mendoj se do të ketë një përkujdesje të re nga Shtetet e Bashkuara për të plotësuar lidershipin evropian në Ballkan. Mendoj se do të shihni një përkujdesje të re të Amerikës rreth marrëveshjeve paqësore të Daytonit, siç ka ndodhur në Bosnje, dhe mendoj se do të shihni një fokusim të ri ndaj Kosovës dhe në marrëdhëniet që ajo ka me shtetet tjera në Ballkan", ka thënë Clark.

Ai po ashtu ka thënë se, "Shtetet e Bashkuara do të vazhdojnë rrugën e dy administratave të fundit, do të vazhdojë të përkrahë pavarësinë e Kosovës, dhe të inkurajojë fqinjët e Kosovës që të punojnë me shqiptarët në Kosovë dhe në Shqipëri gjithashtu, me qëllim të krijimit të lidhjeve të politikave ndërkombëtare me Ballkanin", që sipas tij, është një gjë e mirë për të njerëzit, për të gjitha vendet e ndryshme kudo në Ballkan.

I pyetur nëse përkrah tërësinë e Kosovës si më parë, pa ndonjë ndarje, Clark është përgjigjur: "Unë nuk do ta dorëzoja pjesën veriore të Kosovës, nuk do të merresha me Luginën e Preshevës. Po ashtu sinqerisht shpresoj se nuk do të mërzitemi për Maqedoninë. Ti lëmë ata të qetë. Këto janë kufijtë, pra ti lejojmë ashtu siç janë, të punojmë brenda tyre dhe të përpiqemi t'i bashkojmë të gjithë qytetarët, pa dallim të grupeve etnike, boshnjakë, romë, serbë dhe çfarëdo grupi tjetër...". /Telegrafi/
Mesazhi.com


Tirana zyrtare: Sulmi në Prishtinë, akt i shëmtuar

15/11/2008 - 13:26


• Nga Suela Gera

Tirana zyrtare e cilësoi sulmin e mbrëmshëm në Prishtinë si akt që synon të dëmtojë frymën e bashkëpunimit mes institucioneve të Kosovës dhe ndërkombëtarëve. Ministria e Jashtme nëpërmjet një njoftimi për shtyp vlerësoi autoritetet kosovare që dënuan këtë akt të shëmtuar.


TIRANE- Tirana zyrtare reagoi sot për shpërthimin e ndodhur pasditen e djeshme në ndërtesën e Zyrës Civile Ndërkombëtare në Prishtinë. Ministria e Punëve të Jashtme e cila drejtohet nga Lulzim Basha nëpërmjet një njoftimi për shtyp të publikuar sot shkruan:
“Ministria e Punëve të Jashtme dënon me forcë shpërthimin e mbrëmshëm tek ndërtesa e Zyrës Civile Ndërkombëtare në Prishtinë (ICO) dhe e konsideron atë një akt që, edhe pse i izoluar, synon të dëmtojë frymën e bashkëpunimit të institucioneve të Republikës së Kosovës me Zyrën Civile Ndërkombëtare dhe faktorin ndërkombëtar, si dhe vullnetin e dëshmuar tashmë për vendosjen dhe shtrirjen e EULEX-it në tërë territorin e Kosovës”.

Më pas në njoftimin e Ministrisë së Punëve të Jashtme të Shqipërisë shkruhet se vlerëson reagimin e menjëhershëm të autoriteteve më të larta të Republikës së Kosovës ndaj këtij akti të shëmtuar dhe dënimin e tij nga ana e tyre.

“Duke rikonfirmuar mbështetjen maksimale për autoritetet e Republikës së Kosovës, Ministria e Punëve të Jashtme është e bindur se asgjë nuk do ta pengojë Kosovën për të ecur e sigurtë përpara në ndërtimin e institucioneve, të shtetit të së drejtës dhe zbatimin rigoroz të ligjit, si dhe në konsolidimin e shtetit të pavarur e demokratik, të integruar në familjen europiane dhe euroatlantike”

Për sulmin ndaj zyrës ICO reagoi dhe Bashkimi Europian. Franca që kryeson Bashkimin Europian dënoi ashpër sulmin ndaj Zyrës Civile Ndërkombëtare (ICO) në Prishtinë. "Kryesia e Bashkimit Evropian dënon ashpër këtë sulm", thuhet në kumtesë në të cilën gjithashtu vihet në pah "vendosmëria e BE-së për angazhimin në ndërtimin e shtetit juridik në Kosovë për të mirën e të gjithë qytetarëve, përmes policisë dhe misionit gjyqësor (EULEX) që është në vendsoje e sipër".

Ambasada Amerikane në Prishtinë, në mënyrën më të ashpër dënoi, shpërthimin "Akte të tilla të dhunshme, jo vetëm që rrezikojnë jetët, por edhe ndërlidhin përpjekje negative në paraqitjen e Kosovës si imazh të keq, në tërë botën". thuhet në reagimin e ambasadës Amerikane ne Prishtinë.

Sulmi ndaj ndërtesës së ICO-së ndodhi në një kohën kur Kosova dhe Bashkimi Europian po bisedojnë, por pa arritur rezultate lidhur me planin gjashtëpikësh të Sekretarit të Përgjithshëm të OKB-së, Ban ki Moon i pranuar edhe nga Beogradi për shtrirjen e EULEX-it.

Presidenti Sejdiu tha se nuk mund të thoshte nëse ka ndërlidhje ky sulm me bisedimet, por sic u shpreh ai, një ndërlidhje e tillë mund të bëhet vetëm nga ata që nuk ia duan të mirën Kosovës. Në një konferencë të përbashkët për shtyp së bashku me kryeministrin Hashim Thaci dënuan sulmin dhe kërkuan nga organet e rendit që të veprojnë me shpejtësi për ta zbardhur ngjarjen dhe për t’i vënë përgjegjësit para drejtësisë.

Shpërthimi brenda rrethojave të ndërtesës së Zyrës Civile Ndërkombëtare në Prishtinë, sipas Policisë së Kosovës ndodhi mbrëmë rreth orës 17.30 minuta. Nga shpërthimi nuk kishte viktima në njerëz, por vetëm dëme materiale. Zyra e Përfaqësuesit Civil Ndërkombëtar në Kosovë udhëhiqet nga diplomati Pieter Faith dhe funksionon në kuadër të misionit të Bashkimit Evropian. Kurse mandati i këtij misioni është që të mbikëqyr zbatimin e Pakos së Ahtisaarit nga ana e institucioneve të Kosovës.
(BalkanWeb)

Për planin e ban ki mu.it asnjë fjalë nuk e than, e për "sulmin" meniher reagojn se po tuten mos po reagon kush para tyre.
Ah Shqipëri e mjera Shqipëri
Ep Zot men ku ska.

[Llapjani_HH]

Njohja e Kosovës, Vatikani: Nuk do ta shqyrtojmë ende

15/11/2008 - 14:17

VATIKAN- Vatikani, tani për tani, nuk ka për qëllim të njohë pavarësinë e Kosovës dhe madje as nuk do ta diskutojë këtë cështje. Lajmi është bërë publik nga Sekretari i Shtetit të Vatikanit, Holy See.

“Ne besojmë se cështja është ende e hapur në Kombet e Bashkuara. Tani propozimet dhe planet se duhet të implementohen janë ende në fokus” raporton agjencia e lajmeve serbe.

Gjithashtu specifikohet dhe fakti që një pjesë e vendeve ende nuk kanë njohur pavarësinë e Kosovës dhe ky numër i vendeve “nuk është i vogël”

Në të njëjtën kohë Kisha Katolike uron që të mbajë marrëdhënie të mira me kishën ortodokse serbe dhe të vazhdojë dialogun i cili ka bërë progres” thekson Sekretari i Shtetit të Vatikanit .

Në gazetat e botuara të premten në Prishtinë raportohej se përfaqësuesi i Vatikanit në Kombet e Bashkuara kishte informuar ministrin e Jashtëm të Kosovës Skënder Hysenin se Selia e Shenjtë do të diskutonte me seriozitet mundësinë e njohjes së pavarëisë së Kosovës.

BalkanWeb

[Llapjani_HH]

Çeku: Ne nuk mund të pranojmë plan mbi plan, përpos atij të Martti Ahtisaarit

“Ne nuk mundë të pranojmë plan mbi plan, përpos atij të Martti Ahtisaarit, tha sot në një takim me gazetar Kryetari i PSDK-së, Agim Çeku. Arsye e qartë, pse plani nuk mund të pranohet është se Beogradi po benë përpjekje të drejtpërdrejtë që të dëshmojë se statusi i Kosovës nuk është i mbyllur dhe se Serbia ende ka sovranitet në mbi Kosovën. Ne kërkojmë që ky plan të shpallet joekzistent dhe të ndërpriten bisedimet rreth këtij plani”, u shpreh Çeku.
Plani 6 pikësh e ka origjinën e tij që nga 12 qershori i këtij viti, dalë nga letra e sekretarit të përgjithshëm të Kombeve të Bashkuara, Ban Ki Mun. Por ky plan është neglizhuar nga institucioneve tona, tha në një takim me gazetarë kryetari i PSDK-së Agim Çeku.
Ai tha se ka reaguar me kohë se si duhet t’i përgjigjemi kësaj letre, por fatkeqësisht ka pasur një përgjigje të zbehtë nga institucioneve tona. Andaj që nga ajo ditë Beogradi ka punuar që këtë plan ta kushtëzojë me shtrirjen e EULEX-it.
Ne si parti Social Demokrate kërkojmë nga institucionet e Kosovës t’i thonë jo bisedimeve rreth këtij plani, tha Çeku.

“Nga institucionet Kosovës që tani, që sot, ky plan 6-pikësh të shpallet inekzistent dhe duhet të ndërpriten bisedimet për përmbajtjen e këtij plani. Dje dëgjuam nga një zyrtar i lartë të qeverisë, tha se qëndrimi i qeverisë së Kosovës mund të ndryshojë nëse ndryshon përmbajtja e planit. Me këtë ata kanë lenë të kuptohet se mund të negociojnë përmbajtjen e planit dhe deri në fund të ditës mund ta kemi edhe një plan tjetër”, ka thënë Çeku. .

Ne propozojmë që institucionet tona ti bëjnë një ftes zyrtare EULEX-it, për shtrirjen e tij në tërë territorin e Kosovë dhe fillimin e misionit më 2 dhjetor, dhe se nuk duhet të pranojmë plan tjetër përpos atij të Ahtisaarit, u shpreh Çeku.
“Procesi i Ahtisaarit ka qenë proces i Kombeve të Bashkuara, ne kemi pranuar kompromise të shumta të dhimbshme, por i kemi pranuar dhe jemi duke dëshmuar se po qëndrojmë prapa zotimeve tona për zotimin e pakos se Ahtisaarit. Gjithashtu edhe Ban ki Mun e ka mbështetë pakon a Ahtisaarit, atëherë kemi të drejt të kërkojmë që edhe ata të qëndrojnë prapa zotimeve të tyre< ka thënë Çeku. .

Ky plan është përpjekje për vendosjen e nivelit të tretë të pushtetit në Kosovës dhe inicim i një procesi të ri negociator, prandaj e gjithë kjo të shpijë drejt ndarjes territoriale të Kosovës, tha kreu i PSDK-së Agim Çeku.
RTK

Ali Kadriu thotë se nuk kërkon lëmoshë nga Qeveria, por jetë të sigurt

Ali Kadriu nga fshati Suhadoll i Mitrovicës, gjatë një konference për gazetarë të mbajtur sot në qendër të Prishtinës, kërkoi nga Qeveria e Kosovës që ti mundësohet jeta e qetë dhe e sigurt jo vetëm për të, por edhe për banorët e tjerë të kësaj lagjeje. Ai tha se nuk ka nevojë për lëmoshë nga Qeveria e Kosovës, por për jetë të dinjitetshme dhe të sigurt.

Megjithë presionet e shumta nga Qeveria e Serbisë dhe UNMIK-u tash e 17 ditë që Ali Kadriut nga fshati Suhadoll i Mitrovicës, të mos i mundësohet renovimi i dy shtëpive të tij, ai sot bëri të ditur se pa marrë parasysh pengesat në të cilat do të hasë, nesër do ti vazhdojë punimet.

Shumën e premtuar nga kryeministri Thaçi, për ta ndihmuar Ali Kadriun në renovimin e shtëpive të tij, e quajti lëmoshë për të cilën ai theksoi se nuk ka nevojë.

“Unë ato dy kulla i kam ndërtuar me pasuri të paluajtshme e lëmoshë nuk kërkoj nga askush. Qe 17 ditë unë atje shkoj dhe jam i rrezikuar”, ka thënë mes tjerash Ali Kadriu.
Në konferencën për gazetarë sot nuk ishte i pranishëm, avokati i tij Tomë Gashi, i cili është i angazhuar në këtë rast.


Ndryshe, dje Policia e UNMIK-ut i ka ndërprerë përkohësisht punimet në shtëpinë e Ali Kadriut në Suhodoll të Mitrovicës, pas të shtënave me armë zjarri që janë dëgjuar të vinin nga lagjet e banuara me serbë. Zëdhënësi rajonal i Policisë, Besim Hoti tha se të shtunën rreth orës 10:30 nga fshati Bërxhani janë shënuar të shtëna, por pa pasoja në njerëz apo dëme tjera materiale.

Këto të shtëna, sipas policisë, mund të kenë pasur si qëllim ngritjen e tensioneve dhe ndërprerjen e punimeve në shtëpinë e Ali Kadriut në Suhodoll. "Ajo që është me rëndësi është se këto të shtëna nuk kanë pasur për cak objektin, apo personin fizik", tha zëdhënësi Hoti. Ai tha se policia vendore dhe ajo e UNMIK-ut e kanë vënë gjendjen nën kontroll dhe se pasdite gjendja përshkruhet të jetë e qetë.
RTK

[Llapjani_HH]

Serbët kundërshtojnë meremetimin e shtëpisë së Ali Kadriut në lagjen “Kroi i Vitakut”

Një grup prej rreth 40 serbëve të veriut të Kosovës, sot në mëngjes ishin jnisur nga fshati Bergjan në drejtim të shtëpisë së Ali Kadriu, në veri të qytetit, duke kundërshtuar meremetimin e këtyre pronave. Në mes të rrugës ata janë ndeshur në kordonin e policëve ndërkombëtarë, të cilët nuk i kanë lejuar ata që të depërtojnë deri tek këto prona, ku Kadriu i shoqëruar nga dy punëtorë të tjerë vazhdonte meremetimin e tyre.
Radio Kosova e Lirë


Banditët serbë kanë shkrehur breshëri plumbash nga automatikët në lagjen "Lumbardhi", në Mitrovicë

Qendra Rajonale në Mitrovicë bën të ditur se më 15.XI.2008, pas mesnatgës në lagjen "Lumbardhi", kuarti i boshnjakve, saktësisht nga tri ndërtesat të cilat i pati ndertuar Qeveria e Serbisë pasi trojet i pati blerë nga shqiptarët të cilëve kohë pas kohe banditët serb iu bënin presion në forma të ndryshme. Nga këto tri ndërtesa banditët serb kanë shkrehur breshëri plumbash nga automatikët për çka janë shqetsuar pa masë banorët e kësaj lagje posaçërisht ata shqiptarë nga se kanë përvojë të hidhur me banditët serbë të cilët nuk zgjedhin mënyra që t'iu bëjnë presion shqiptarëve në mënyrë që ata të shesin shtëpitë e tyre ku ato shtëpi tani kishte me i blerë qeveria serbe e cila e ka synim spastrimin etnik. Pasi kanë pushuar të shtënat aty ka shkuar një patrullë e policisë të cilët kanë bërë një lëvizje me automjetin e tyre perreth ndërtesave në fjalë dhe janë larguar prej andej ku pastaj edhe një automjet i ushtrisë së KFOR-it ka lëvizur nëpër këtë lagjë dhe asgjë askujt. >>>
KMDLNJ, Qendra Rajonale në Mitrovicë, kërkon nga organet e sigurisë policia e UNMIK-ut, ajo e SHPK-së dhe KFOR-i që sa më parë t'i kapin akterët e të shtënave të datës 14 dhe 15.XI.2008 në mënyrë që të nxirrën para drejtësisë. Një gjë është e ditur se akterët e të shtënave të 14.XI.2008 sëpaku policët serb pjesëtar të SHPK-së ata i njohin shumë mirë, edhe disa policë shqiptarë të cilët patrollojnë në pjesën e okupuar të qytetit s'bashku me policët serb pra edhe këta i dinë saktsisht qerdhet e atyre që shkrehin breshri plumbash kur dhe ku t'iu teket. Duhet të përmendet se në lokalitetet ku shkrehën armë të ndryshme nga serbët, shlirshëm vepron MUP-i serb ku shef i operativës është Zharko Kosovac i njohur si ushtrues i dhunës mbi popullatën shqiptare, gjatë vitetve të 90-ta, gjatë luftës 1998/9 dhe pas lufte, poashtu epror i policisë së SHPK-së është edhe Xhavit (Rexho) Dervisheviq i cili është poashtu i njohur si ushtrues i dhunës mbi shqiptarët që nga 1990. Këta të dy me shumë tjerë serb kanë qenë ushtrues të dhunës posaqërisht mbi arsmin shqip. ( Halit Berani )
Radio Kosova e Lirë


Strukturat paralele në veri të Mitrovicës po lëshojnë edhe dokumente doganore

Kryetari i së Mitrovicës Bajram Rexhepi,akuzoi sot edhe një herë administratën e UNMIK-ut që, sipas tij, situatën rreth ndërtimit të shtëpisë së Ali Kadriut dhe shtëpive të tjera në lagjen "Kroi i Vitakut", e ka vështirësuar, duke kërkuar në veri, procedura të posaçme vetëm për shqiptarët. Andaj, Rexhepi sërish kërkoi nga përfaqësuesit e UNMIK-ut, që më me vendosmëri ta zbatojnë ligjin dhe të krijojnë kushte që Aliu dhe të tjerët t’i rindërtojnë shtëpitë e tyre, pa pengesa.

Ndryshe, Komiteti për Siguri i Kuvendit të Komunës, në mbledhjen e sotme vlerësoi se situata e sigurisë në komunë ka qenë e tensionuar gjatë fundjavës së shkuar, e cila nuk ka eskaluar falë maturisë dhe vetëpërmbajtjes së qytetarëve dhe angazhimit të strukturave komunale për të mbajtur gjendjen nën kontroll.

Rexhepi përkujtoi se të shtunën ka pasur të shtëna me armë zjarri, nga ekstremistët serbë në lagjen "Kroi i Vitakut", ndërkohë që në "Lagjen e Boshnjakëve" strukturat paralele serbe i kanë detyruar pronarët shqiptarë t’i mbyllin dyqanet e tyre, veprime këto që janë të dënueshme dhe të papranueshme, sepse janë reflektuar negativisht në situatën e sigurisë.

"E kuptoj qëllimin e ndërkombëtarëve që të ruhet paqja e siguria, që të mos ketë tensionime, që është edhe qëllimi ynë kryesor, për çka nuk i kursejmë angazhimet tona, por është e pakuptueshme që të mos reagohet, ndiqen dhe kapen grupet ekstremiste që shtinë me armë zjarri, edhe atëherë kur dihet lokacioni prej nga ata i bëjnë këto veprime të rënda kriminale", tha ai.

Ndërkaq, përfaqësuesi i doganave të Kosovës, bashkim Çitaku, kërkoi nga përgjegjësit për siguri që ta ndërpresin punën e paligjshme të strukturave paralele serbe në "lagjen e Boshnjakëve", të cilat të papenguara lëshojnë dokumente paralele doganore, që po e vështirësojnë qarkullimin e mallrave nga Kosova për në Serbi, veprim ky që është i papranueshëm. /L. Voca/
RTK


Azem Vllasi ambasador i Kosovës në Mal të Zi?

Ish-funksionari komunist, Azem Vllasi do të emërohet ambasador i parë i Kosovës në Mal të Zi, ka bërë të ditur të dielën gazeta malazeze "Dan", duke u thirrur në burimet e saj pranë qeverisë së Kosovës.

E hënë, 17 Nëntor 2008 08:49

Duke iu referuar këtyre burimeve, kjo gazetë po ashtu shton se Vllasi do të mund të emërohet në këtë detyrë qysh në pranverë të vitit të ardhshëm.

Gazeta më tutje citon Vllasin, të ketë thënë se, "me dëshirë do ta pranonte këtë post".

Mali i Zi e ka njohur pavarësinë e Kosovës më 9 tetor. Pas njohjes së Kosovës, Ministria e Punëve të Jashtme e këtij vendi ka bërë të ditur se me Kosovën do të vendosen marrëdhëniet diplomatike sipas procedurës normale, mirëpo nuk është precizuar ndonjë afat i caktuar. /Telegrafi/
Mesazhi.com

[Llapjani_HH]

Tirana zyrtare mbështet “JO”-në e Prishtinës

Shqipëria mbështet vendimin e institucioneve kosovare kundër planit 6-pikësh të OKB-së. Ministri i Jashtëm shqiptar, Lulzim Basha, ka thënë se Tirana zyrtare po i ndjek më vëmendje dhe shqetësim të madh zhvillimet në Kosovë.

E martë, 18 Nëntor 2008 09:06

"Prishtina ka vullnetin për të vazhduar dialogun dhe në implementimin e planit Ahtisaari. Shqipëria e mbështet këtë dhe kërkon vendosjen e shpejt të EULEX-it në gjithë territorin e Kosovës", ka thënë Basha.

Ai ka kundërshtuar edhe formën e zhvillimit të bisedimeve midis OKB-së e Beogradit dhe përjashtimit të Prishtinës për një periudhë të caktuar.

Reagimi i tij është i pari i një zyrtari të lartë të Shqipërisë për këtë çështje. /ktv/
Mesazhi.com

Si nuk po ju vjen turp mos me reague deri tani?
Athue edhe për këtë reagim të vonshëm mos kan lyp ndonjë shpërblim?

[Jana]

Gjobat në komunikacion, tani pagesa në vend përmes Raiffeisen Bank

“Ligji mbi komunikacion kërkon që qytetarët eventualisht gjobat e tyre t’i paguajnë në vendin e ngjarjes. Deri më tani nuk kemi pasur atë mundësi. 'Raiffeisen' e ka një ofertë që të instalojë nëpër stacionet tona policore disa pajisje që i ofrojnë qytetarëve pagesat e menjëhershme”, tha ministri Pajaziti. Sipas tij, marrëveshja lehtëson edhe kryerjen e shërbimeve tjera, por do të ketë edhe lehtësira për kredi të mundshme për policinë etj.
Ministria e Punëve të Brendshme (MPB) dhe “Raiffeisen Bank” kanë nënshkruar një marrëveshje bashkëpunimi, e cila do t’iu mundësojë qytetarëve të bëjnë menjëherë pagesat e gjobave, dhe do të ndihmojë në ngritjen e efikasitetit të Policisë së Kosovës në kryerjen e veprimeve të saja.

Ministri Zenun Pajaziti vlerësoi se institucionet e Kosovës kanë nevoja të mëdha për shërbime të ndryshme në përputhje me legjislacionin e ri dhe me arritjen e marrëveshjes në fjalë do të ketë lehtësira në kryerjen e disa shërbimeve.

“Mendoj se ky është një fillim i mirë me 'Raiffeisen', në të mirë të pjesëtarëve të policisë dhe qytetarëve. Ne, po ashtu, do të kemi bashkëpunim edhe me asociacione dhe institucione tjera financiare e bankare”, ka thënë ministri Pajaziti.

Ndërkaq, kryesuesi i Bordit Menaxhues të “Raiffeisen Bank” në Kosovë, Bogdan Merfea tha se marrëveshja do t’u mundësojë policëve të kryejnë punën sa më mirë, ndërsa qytetarëve lehtësira në kryerjen e shërbimeve të ndryshme.
“Do të ketë lehtësira për të gjitha palët që janë të përfshira në këtë sektorë, si për MPB, policinë e qytetarët, por edhe për vetë bankën tonë”, tha Marfea.

[Llapjani_HH]

Beogradi (pa leje) vendos linjën hekurudhore me veriun e Kosovës

Beograd, 15 dhjetor - Që nga dita e djeshme ka nisur qarkullimi i trenit të shpejtë në relacionin Beograd-Zveçan, i cili do të qarkullojë çdo ditë, shkruan në numrin e sotëm gazeta "Politika" e Beogradit, duke mos theksuar se me lejen e kujt qarkullon ky tren. Përfaqësuesi i strukturave paralele serbe Zoran Bogavac, i cili veten e quan "koordinator për nyjen hekurudhore të Fushë Kosovës", i ka deklaruar kësaj gazete se "rivendosja e kësaj linje hekurudhore është bërë në kuadër të aksionit për vendosjen e trafikut hekurudhor në relacionin Beograd - krahina jugore serbe". Por, "ambiciet" e këtij "koordinatori" serb janë edhe më të mëdha - që të vendosë linjën hekurudhore edhe deri në Fushë Kosovë, si dhe rivenbosjen e qarkullimit të trenit në relacionin Zveçan-Fushë Kosovë. Kjo linjë hekurudhore është pezulluar në mars të këtij viti me një vendim të UNMIK-ut, pasi Beogradi mori kontrollin e hekurudhave në veri të Kosovës. Bogavac thotë se "hekurudhat e Serbisë" janë të hapura për bisedime me UNMIK-un për vendosjn e trafikut edhe deri në Han të Elezit, por siç thotë kjo varet nga "UNMIK hekurudhat", përkatësisht siç janë riformuluar tash vonë si Hekrudhat eë Kosovës", thotë Bogavac.
QIK


Policët serbë i raportojnë vetëm EULEX-it

Një ditë pas shtrirjes së EULEX-it, katër stacionet policore në veri të Kosovës, Leposaviç, Zubin Potok, Zveçan dhe stacioni në veri të Mitrovicës, kanë vendosur të ndërpresin kontaktet zyrtare me Drejtorinë Rajonale të Policisë në Mitrovicë, bën të ditur e përditshmja “Koha Ditore”.

Këtë vendin, sipas kësaj gazete, komandantët e stacioneve policore në veri e kanë marrë, të mërkurën pasdite, pas takimit me kreun e policisë së EULEX-it, Rainer Kuehn, dhe me disa zyrtarë të tjerë ndërkombëtarë. Megjithatë, theksohet se gazeta nuk ka mundur të konfirmojë nëse vendimi i eprorëve policorë serbë është marrë pas marrëveshjes me EULEX-in, apo krye në vete si kundërpërgjigje për mosarritje të marrëveshjes.

Në këtë mënyrë policët serbë do t’i raportojnë vetëm EULEX-it, ndërsa vija e re e komunikimit të policëve serbë, interpretohet edhe si fillim i zbatimit të planit gjashtëpikësh për Kosovën, të sekretarit të përgjithshëm të OKB-së, Ban Ki-Moon. /Telegrafi/ 12:21 / 12 Dhjetor '08
Telegrafi


Serbët: SHISH lajmëroi atentatin ndaj Jeremiç

15/12/2008 - 09:12
• Lajmi alarmant është publikuar dje nga gazetat serbe, që vënë në dukje se informatat për këtë erdhën nga Shërbimi Sekret Shqiptar. Gazeta serbe "Vecer" shkruan se sipas agjentëve sekretë shqiptarë, ka plane për vrasjen e Jeremiç.

BEOGRAD-Ministri i Jashtëm serb për fundon në shënjestrën e një komploti të mundshëm kosovar. Lajmi alarmant është publikuar dje nga gazetat serbe, që vënë në dukje se informatat për këtë erdhën nga Shërbimi Sekret Shqiptar. Gazeta serbe "Vecer" shkruan se sipas agjentëve sekretë shqiptarë, ka plane për vrasjen e Jeremiç ndërsa ai ndodhet në udhëtimet jashtë shtetit. Ndërkohë, të kontaktuar nga "Gazeta Shqiptare", zyrtarë të Shërbimit Sekret Shqiptar deklaruan se nuk kanë asnjë të dhënë lidhur me këtë informacion të publikuar dje nga media serbe.
Gazeta "Press" si dhe gazeta "Javno", theksojnë se të dhënat janë konfirmuar edhe nga shërbimi sekret serb, sipas të cilit shefi i diplomacisë mund të bëhet objekt i një atentati edhe në Beograd. Agjencia serbe e shërbimit sekret, BIA, i ka kaluar këtë informacion sekret komisarit të policisë serbe, Milorad Veljoviç, shkruan gazeta "Press". Sipas të dhënave të agjentëve serbë, policia po përpiqet të intensifikojë masat e sigurisë për ministrin e Jashtëm, si gjatë kohës kur ai ndodhet në Serbi, ashtu edhe kur udhëton jashtë vendit. BIA ka siguruar disa informata operative të pakonfirmuara sipas të cilave, grupe ekstremistësh shqiptarë nga territori i Kosovës po planifikojnë një tentativë vrasjeje ndaj shefit të diplomacisë serbe. Kjo tentativë është planifikuar sapo të ketë një të hapur, zakonisht në kohën kur Jeremiç udhëton jashtë shtetit, por nuk përjashtohet edhe koha gjatë së cilës ministri ndodhet në vendin e tij. Gazeta shkruan gjithashtu se "shërbimi sekret serb këshillon shtimin e masave të sigurisë për ministrin dhe marrjen e masave në mënyrë që të mund të parandalohet një atentat i tillë". E gjithë kjo është bërë e ditur në dokumentin që agjencia i ka dërguar komisarit të policisë serbe, Milorad Veljoviç. Gazeta "Press" thekson gjithashtu se kërcënimet e ekstremistëve shqiptarë ndaj Jeremiç nisën pikërisht në kohën kur ai po sulmohet dhe kritikohet edhe nga ana e zyrtarëve të Bashkimit Europian, për shkak të këmbënguljes që po tregon në mbrojtjen e Kosovës si territor i Serbisë. Vuk Jeremiç është ministër i Jashtëm i Serbisë që prej majit të vitit 2007. Edhe pse pjesë e një brezi të ri të politikës serbe, ai njihet si një politikan dhe diplomat me gjuhë të ashpër dhe gjatë vitit të fundit ka bërë vazhdimisht deklarata kundër pavarësisë së Kosovës, ndërsa ka bërë të ditur se Serbia është gati të heqë dorë nga anëtarësimi në BE vetëm për Kosovën. Jeremiç e ka çuar çështjen e pavarësisë së Kosovës në Gjykatën Ndërkombëtare të Drejtësisë në Hagë dhe ka deklaruar se ka besim të plotë se kjo gjykatë do të mbështesë Serbinë në këtë çështje.
d.b/GazetaShqiptare/BalkanWeb

[Llapjani_HH]

Hyrja e trenit serb në Kosovë, Nexhat Daci: Autoriteti I Prishtinës është duke u zbehur

Hyrja e pakontrolluar e trenit të hekurullave të Serbisë në territorin e Kosovës tregon se autoriteti i Prishtinës është duke u zbehur dhe jo duke u forcuar. Kështu u shpreh kreu i Lidhjes Demokrtatike të Dardanisë Nexhat Daci, ndërkohë që kryetarja e Komisionit Parlamentar të Transportit Myzejene Selmanit tha se strukturat paralele serbe po mundohen ta shfrytëzojnë momentin deri në shtrirjen e plotë të EULEX. “Po humb autoriteti i Kosovës në vend që të forcohet. Me hyrjen e Kushtetutës në fuqi vazhdimisht po rëndohet pozita jonë edhe kombëtare edhe ndërkombëtare dhe siç ngjante përpara në kohën e UNMIK-ut, vinte çdokush (nga Serbia) dhe bënte çdo lloj fushate" tha Daci.


“Është e vërtetë që transporti hekurudhor është pjesë e 6 pikëshit, por në dijeni tonën si Kuvend, qeveria nuk e ka pranuar 6 pikëshin" tha kryetarja e Komisionit per Transporte ne Parlamentin e Kosovës, Myzejene Selmani.

Deputeti serb Slavisha Petkoviq ka bërë përgjegjës EULEX-in për hyrjen e këtij treni në Kosovë pa lejen e autoriteteve të Prishtinës.“Nuk e di çfarë thotë 6 pikëshi për doganat dhe kufirin. Por nuk besoj që në planin 6 pikësh shkruhet se në këto pika doganore mjetet transportuese mund të kalojnë pa iu nënshtruar kontrollit doganor" tha Petkoviq.

Krahas policisë, drejtësisë dhe doganave, në marrëveshjen 6 pikëshe OKB- Beograd të cilën institucionet e Kosovës kanë thënë se nuk do ta zbatojnë, ka gjetur vend edhe transporti.

Përparim Isufi , E martë , 16 dhjetor 2008
ALSAT

[Llapjani_HH]

Kermabon: Vetëm zbatimi i sundimit të ligjit, e jo i planit të Ahtisarit

Beograd, 17 dhjetor - Shefi i EULEX-it Iv dë Kermabon është i shprehur i kënaqur që shtrirja e EULEX-it në tërë Kosovën ka kaluar pa asnjë incident. Ai tha se për momentin ka dy të tretat e personelit dhe teknikës, por beson se EULEX-i do të arrijë operacionalitetin e plotë nga fundi i dimrit, kur në terren do të ketë 3000 njerëz. Në një intervistë për gazetën e Beogradit "Veçernje novosti" Kermabon përsëriti se detyrë themelore e misionit që drejton është zbatimi i sundimit të ligjit dhe se në terren nuk do të zbatojë planin e Marti Ahtisarit. "Baza jonë ligjore askund nuk përmend planin e Ahtisarit", tha ai. Kermabon tha se duhet themeluar një "bazë të fuqishme për kontakt dhe bashkëpunim me njerëzit e Kosovës, andaj ka organizuar një seminar me personelin komandues të policisë në veri të Kosovës, sepse siç thotë "ka shumë mosmarrëveshje rreth misionit". "Njerëzit janë kundër misionit meqenëse nuk e kanë kuptuar se ç'është EULEX-i. Kur të shpjegojmë planet tona, mendoj se ka shpresë për bashkëpunim", thotë Kermabon.
QIK


Edhe Rusia mund t'i bashkohet EULEX-it?

Prishtinë, 17 dhjetor - Brukseli zyrtar nuk përjashton mundësinë që Rusia një ditë t'i bashkohet misionit EULEX në Kosovë. Një zyrtar i lartë i BE-së në Bruksel i ka thënë gazetës "Zëri" me kusht anonimiteti se Rusia mund të jetë pjesëmarrëse në misionin EULEX. Por sipas tij, zyrtarisht nga Moska nuk ka mbërritur asnjë kërkesë në Bruksel që t'i bashkohet misionit të BE-së. Ndërkohë thuhet se nga Kanadaja ka mbërritur kërkesa që t'i bashkohet EULEXit dhe se kjo kërkesë është në proces e sipër të negociimit.
QIK


Kuçi: Qeveria e Kosovës do të mbështesë dhe do të bashkëpunojë ngushtë me EULEX-in

Drejtuar nga zëvendëskryeministri i Republikës së Kosovës, Hajredin Kuçi dhe shefi i Misionit të EULEX-it, Yves De Kermabon, është mbajtur sot takimi, i pestë i radhës, i Bordit Koordinues për Sundimin e Ligjit. Tashmë nuk diskutohet për shtrirjen e EULEX-it, por që shtrirja e tij të jetë funksionale, operative dhe në Kosovë të sundojë rendi dhe ligji, ka thënë Kuçi pas takimit të sotëm.
Zëvendëskryeministri Hajredin Kuçi tha se Qeveria e Kosovës përgëzon shefin e EULEX-it, Yves de Kermabon dhe gjithë misionin e tij për punën e bërë në shtrirjen e misionit në gjithë vendin .
“Kjo është një simbolikë e mirë për vendosjen e rendit dhe ligjit në tërë territorin e republikës”, theksoi z. Kuçi , duke shtuar se Qeveria e Kosovës do të mbështesë dhe do të bashkëpunojë ngushtë me EULEX-in, qëllimi i të cilit është vendosja e rendit dhe ligjit.

Më tutje z. Kuçi tha se gjatë takimit është diskutuar për Ligjin kundër pastrimit të parasë, për Qendrën e Inteligjencës Financiare dhe Strategjinë e luftës kundër krimit të organizuar terrorizmit dhe narkotikëve.
Ai tha se ka një gatishmëri dhe një ambient të mirë për bashkëpunim midis Qeverisë dhe EULEX-it.
“Tashmë nuk diskutohet për shtrirjen e EULEX-it, por tash po mundohemi që shtrirja e këtij misioni të jetë funksional, operativ dhe në Kosovë të sundoj rendi dhe ligji”, theksoi zëvendëskryeministri Hajredin Kuçi .


Po ashtu, edhe shefi i Misionit të EULEX-it, Yves De Kermabon është shprehur i kënaqur me progresin e shënuar gjatë ditëve të kaluara.

“Ne kemi një bashkëpunim dhe një bashkërendim të mirë të veprimeve me Qeverinë e Kosovës”, u shpreh z. Kermabon. Po ashtu shefi i Misionit të EULEX-it, Yves De Kermabon ka lavdëruar angazhimin e zëvendëskryeministrit Hajredin Kuçi për koordinimin e mirë midis Qeverisë dhe EULEX-it, thuhet në një njoftim të lëshuar sot nga Zyra për informim pranë Kryeministrit.
RTK
Si mundet të bashpunoj qeveria me eulex-in kur ata thon se nuk do të zbatojn planin e ahtisarit të cilin e ka pranuar qeveria?
Pse po mundohen ta mashtrojn Popullin kinse nuk e kanë pranuar planin 6 pikësh?


Policët serbë nën komandën e EULEX-it, thotë Bogdanoviq

Ministri për Kosovën në qeverinë e Serbisë, Goran Bogdanoviq ka deklaruar se të gjithë pjesëtarët serbë të Shërbimit Policor të Kosovës, do të jenë nën zinxhirin komandues të EULEX-it, pavarësisht në cilën pjesë të Kosovës jetojnë dhe veprojnë.
"Nuk ka dilema. Për ne është i pranueshëm vetëm zinxhiri komandues, i cili vjen nga EULEX-i, e jo nga Prishtina", ka thënë ai për agjencitë serbe të lajmeve.
RTK


Faji i kujt është?

EULEX-i dhe UNMIK-u fajësojnë njëri-tjetrin për qarkullimin e trenave të Serbisë nëpër Kosovë.
Trenat e Serbisë hyjnë në Kosovë ilegalisht pa e pyetur askënd dhe për këtë nuk ndihet askush përgjegjës nga EULEX-i dhe UNMIK-u. Madje, këto 2 misione ia hedhin fajin njëra-tjetrës për trenin e Hekurudhave të Serbisë, që të dielën ka qarkulluar në linjën Beograd-Zveçan. Shefi i EULEX-it, Yves de Kermabon, ka deklaruar se për këtë çështje përgjegjës është UNMIK-u. Ndërkaq zëdhënësi i UNMIK-ut, Alexander Ivanko, ka pohuar se kjo çështje hyn nën autoritetin e policisë së EULEX-it, meqë ata janë vendosur tashmë në veri të vendit. Ndërkaq, zyrtarë të institucioneve kosovare kanë konstatuar se qarkullimi i trenave serbë në Kosovë nuk është zbatim i planit 6-pikësh. /ktv/
Mesazhi.com

[Llapjani_HH]

Reagime për trenin nga Serbia


Ministria e Transportit dhe Post Telekomunikacionit në Prishtinë thotë se hyrja e një treni nga Serbia në Kosovë, pa një marrëveshje paraprake mes dy vendeve, cënon sovranitetin e Kosovës.

Në fundjavë një tren i shpejtë ka arritur nga Beogradi në Zveçan, një komunë e banuar me shumicë serbe në veri të Kosovës, duke përshkruar rreth 40 kilometra rrugë hekurudhore të Kosovës pa njoftuar autoritetet e Prishtinës.

Zëdhënësi i UNMIK-ut, Aleksander Ivanko, tha se Beogradi nuk ka kërkuar lejen e Misionit të OKB-së për hyrjen e trenit në Kosovë.

"Për këtë çështje Beogradi nuk ka diskutuar me UNMIK-un dhe neve ne vjen keq për këtë. Ne nuk kemi qenë të informuar që ky tren do të vinte në Kosovë", tha për BBC-së zoti Ivanko.

Sekretari i Përgjithshëm i OKB-së, Ban Ki Moon, ka propozuar bisedime ndërmjet Prishtinës dhe Beogradit për çështjen e transportit, me qëllim të lehtësimit të qarkullimit të njerëzve dhe mallrave ndërmjet dy vendeve.

Por, sipas zëdhënësit Ivanko, bisedime të tilla nuk janë zhvilluar ende dhe, rrjedhimisht, nuk ka një marrëveshje që do të lejonte hyrjen e lirshëm të trenave të Serbisë në Kosovë.

Institucionet vendore nuk kanë qasje në veri të Kosovës, ndërsa hekurudhat në atë pjesë deri së voni kanë qenë përgjegjësi e UNMIK-ut.

Por, pas kalimit të kompetencave në fushën e sundimit të ligjit nga UNMIK-u te EULEX-i, nuk është e qartë se kush është përgjegjës për transportin hekurudhor në Kosovën Veriore.

Shefi i misionit evropian, Yves de Kermabon, ka thënë se lidhur me hyrjen e trenit nga Serbia në Kosovë duhet të pyetet UNMIK-u.

Ndërsa zëdhënësi i misionit të OKB-së, Aleksander Ivanko, i pyetur nëse UNMIK-u vazhdon të ketë përgjegjësi për hekurudhat në veri, u përgjigj:

"Meqenëse ne nuk e administrojmë më Kosovën, nuk kemi funksione ekzekutive dhe nuk do të kemi policë të UNMIK-ut në terren, kjo është çështje që duhet të diskutohet. Nuk mund t'ju përgjigjem me 'po' ose 'jo'", tha zëdhënësi Ivanko.

Reagimi i Prishtinës

Ministri kosovar i Transportit dhe Telekomunikacionit, Fatmir Limaj, i ka thënë BBC-së se ndërhyrjet e fundit të hekurudhave të Serbisë në ato të Kosovës janë vazhdimësi e reagimit të serbëve ndaj shpalljes së pavarësisë.

"Me ligjin mbi hekurudhat e Kosovës dhe me të gjitha ligjet në fuqi të këtij vendi, si në çdo vend tjetër, për lëvizjen e trenit apo ndonjë operatori tjetër duhet të ketë leje përkatëse. Në qoftë se nuk e kanë lejen e tillë, praktikisht nënkuptohet që është cenim i sovranitetit të vendit", theksoi ai.

Ministri Limaj tha se përmes një letre do të kërkojë nga autoritetet e EULEX-it dhe Ministria e Punëve të Brendshme që të mos lejojnë ndërhyrje të tilla të hekurudhave të Serbisë pa lejen e autoriteteve kosovare.

"Ne tani kemi njoftuar EULEX-in dhe presim që shtrirja e EULEX-it dhe policisë së Kosovës do të bëhet në ato pika doganore, kemi kërkuar nga Ministria e Punëve të Brendshme që të mos lejojë futjen e asnjë treni apo operatori pa pasur paraprakisht lejen e Prishtinës", tha ministri i Transportit dhe Telekomunikacionit, Fatmir Limaj.

Lideri opozitar, Nexhat Daci, ndërkaq e ka quajtur një lajm të keq ndërhyrjen e hekurudhave të Serbisë në hekurudhat e Kosovës.

"Po humb autoriteti i Kosovës në vend që të forcohet. Me hyrjen e Kushtetutës në fuqi, vazhdimisht po rëndohet pozita jonë edhe kombëtare edhe ndërkombëtare dhe siç ngjante përpara në kohën e UNMIK-ut, vinte çdokush (nga Serbia) dhe bënte çdo lloj fushate", tha zoti Daci.

Qëndrimi i Beogradit

Ndërkohë, Sekretari Shtetëror për Kosovën në qeverinë e Serbisë, Oliver Ivanoviq i ka thënë BBC-së se nuk ka asnjë pengesë ligjore që do të mund ta ndalonte qarkullimin e trenave nga Serbia në territorin e Kosovës.

"Kjo, në parim, nuk do të duhej të paraqiste problem, është njësoj si edhe qarkullimi i makinave apo kamionëve të Serbisë. Në këtë aspekt nuk ka kufizime, por është e qartë se në një moment treni do të jetë pjesë e kontrolleve që do të bëhen dhe unë mendoj se duhet të kontrollohet çdo makinë që kalon nëpër një linjë të paramenduar burokratike administrative. Tani për tani unë nuk mendoj se kjo shkel ndonjë dokument zyrtar, sepse deri tani treni ka ardhur deri në Leposaviç, ndërsa tani e ka zgjatur qarkullimin deri në Zveçan", u shpreh zoti Ivanoviq.

Ai thotë se Serbia nuk ka nevojë të kërkojë leje për qarkullimin e trenave të saj në Kosovë, të cilën e konsideron pjesë të territorit serb.

"Shqiptarët e Kosovës e kanë shpallur pavarësinë të cilën Serbia nuk e njeh. Kjo është pjesë e territorit të Serbisë sipas kushtetutës sonë. Hekurudhat e UNMIK-ut kanë pasur marrëveshje me hekurudhat e Serbisë, prandaj në aspektin e së drejtës kjo ka mbulesë", deklaroi Sekretari Shtetëror në Ministrinë Serbe për Kosovën, Oliver Ivanoviq.

Pas shpalljes së pavarësisë, punëtorët serbë të hekurudhave të Kosovës e kanë braktisur këtë ndërmarrje dhe iu kanë bashkuar hekurudhave të Serbisë.

Prej atëherë, kohë pas kohe trenat që vinin nga Serbia kanë hyrë deri në Leposaviç, që është qyteti më i afërt i Kosovës në kufirin verior me Serbinë.
Violeta Hyseni
BBC - Prishtinë

[Llapjani_HH]

nnNAT0: Prishtina po e vonon formimin e FSK së

Bruksel, 18 dhjetor - Shefi i Komitetit Ushtarak të NATO s, admirali Xhanpaolo di Paola, ka thënë se nga ana e NATO s përgatitjet për formimin e Forcave Kosovare të Sigurisë janë duke shkuar mirë. Ai ka theksuar se në proces ka vonesa për shkak se pala kosovare nuk e ka kryer ende pjesën e saj të punës. Duke folur në një takim me një grup të vogël gazetarësh të akredituar në NATO, admirali Di Paola ka theksuar se krijimi i Forcave të Sigurisë në Kosovë është një detyrë shtesë e operacionit të NATO s dhe shtetet anëtare janë duke dhënë kontributet e tyre për këtë qëllim.
QIK
KFOR-i në pritje të emërimit të komandantit të FSK-së

KFOR-i tha sot se është në pritje të emërimit të komandantit të Forcës së Sigurisë së Kosovës. Zëdhënësi Adriano Graciani konfirmoi shtyrjen që po ndodh në procesin e konstituimit të organeve drejtuese të FSK-së, por tha se aktualisht nuk parashihet ndonjë problem madhor.
Forcat shumëkombëshe të KFOR-it janë në pritje të emërimeve në kreun e Forcës së Sigurisë së Kosovës, në mënyrë që të fillojnë procesin e trajnimit të kësaj force. Zëdhënësi Adriano Graciani nuk përmendi afate kohore por tha se vonesat në emërime nuk mund të kompensohen.

"E dimë se ka një vonesë, por si ushtarakë ne merremi me gjëra praktike dhe në këtë rast gjëja praktike është se atëherë kur të emërohet komandanti i FSK-së neve na duhen 30 apo 36 ditë për të filluar trajnimin sepse ky është një proces gjithëpërfshirës dhe nuk ka gjasa që ndonjë vonesë të kompensohet", tha Graciani.

Graciani tha se në kohën e shtyrjeve, nuk po parashihet ndonjë problem madhor por kjo tha ai është vetëm për momentin.

“Ne po presim emërimin. Aktualisht nuk parashohim ndonjë problem madhor, por kjo është vetëm për momentin”, tha Graciani.

NATO do të jetë e angazhuar drejtpërdrejt në trajnimin dhe ngritjen e FSK-së si forcë që do të dalë nga shpërbërja e Trupave të Mbrojtjes së Kosovës. Për emërimin e komandantit të FSK-së sipas Kushtetutës përgjegjës janë kryeministri dhe presidenti. Zyrat e tyre kanë thënë se janë duke vazhduar procesin e konsultimeve për kandidatët. Zyrtarë të lartë të NATO ndërkohë kanë thënë këto ditë se edhe procesi i rekrutimit po pëson pasi komandanti parashihet të jetë në komisionet përkatëse për përzgjedhjen e forcës, prej rreth 2.500 pjesëtarësh aktivë.
RTK

Kuvendi i Kosovës miratoi sot gjashtë ligje

Kuvendi i Kosovës miratoi sot gjashtë ligje, ndërsa e shtyri projektligjin për Presidentin e Republikës së Kosovës. Kuvendi nuk miratoi as kërkesën e dy partive opozitare; AKR-së dhe AAK-së, për zhvillimin e një debati urgjent rreth shkeljes së sovranitetit të vendit nga ana e Serbisë. Kryeparlamentari Jakup Krasniqi, e cilësoi këtë si çështje jo të ngutshme dhe kërkoi nga deputetët që ta procedojnë kërkesën me shkrim.

Në fillim të seancës së sotme të Kuvendit, deputetja e AAK-së, Donika Kada Bujupi, kërkoi që të vihej në rendin e ditës edhe debati për gjendjen në veri, me theks të veçantë për shkeljen e sovranitetit të Kosovës, nga ana e Serbisë. Ajo tha se, ditëve të fundit, Serbia ka cenuar dhe ka shkelur territorin e Kosovës, me qëllim të propagandës dhe nxitjes së dhunës. Prandaj, deputetja Kada kërkoi që Kuvendi të debatojë dhe të miratojë një deklaratë ku kërkohet nga qeveria të mbrojë sovranitetit e vendit, siç është definuar edhe me Kushtetutë.


“Kërkesë për qeverinë dhe ministrinë e punëve të brendshme të marrin masa të menjëhershme që lëvizjet ilegale në vendin tonë të ndërpriten. Të shtrihet autoriteti kushtetues në mbarë Republikën e Kosovës, pa pritur vonesa të tjera, të cilat na dërgojnë drejt ndarjes së vendit”, tha Kada.

Edhe deputetja e AKR-së Rita Hajzeri, kërkoi debat në Kuvend, duke thënë se nuk është hera e parë që sovraniteti dhe integriteti i Kosovës cenohet nga Serbia.

“Nuk është hera e parë që sovraniteti dhe integriteti i shtetit të pavarur shkelet nga shteti serb, sidomos me shpalljen e pavarësisë së Kosovës. Prandaj mendoj se kjo është çështje urgjente të debatohet sot në parlamentin e Kosovës”, tha Hajzeri.

Por, kryeparlamentari Jakup Krasniqi e cilësoi këtë si një çështje jo të ngutshme dhe kërkoi nga deputetët, që kërkesat për debate t‘i bëjnë më shkrim, në procedurë të rregullta parlamentare.


“Çështjet që i ngritni nuk janë urgjente. Mund t’i bëni kërkesat me shkrim dhe ...edhe njëherë po them kërkesat që i keni bërë nuk janë urgjente, mund t’i bëni me shkrim dhe me procedura të rregullta mund të hyjnë dhe mund të debatohen në Kuvendin e Kosovës”, tha Krasniqi.

Duke u ndalur në çështjet midis Kosovës e Serbisë, deputeti Riza Smaka kërkoi nga qeveria të ngrisë aktpadi kundër Serbisë në Tribunalin e Hagës, për të gjitha krimet që ka bërë gjatë luftës në Kosovë. Ai tha se është parim valid juridik që pala e dëmtuar ka të drejtë gjithmonë të ankohet dhe të ngrejë padi.

“Përderisa shteti serb din të na padis neve, ta zëmë, për një kishë politike të ndërtuar në parkun e qytetit në Gjakovë, ndërsa 300 kulte fetare janë shkatërruar në Kosovë”, tha Smaka.

Ministrja e drejtësisë, Nekibe Kelmendi tha se duhet një vendim politik për një aktpadi të tillë.

“Si ministri jemi të gatshëm të formojmë grupin dhe të ngrisimi padinë në Tribunalin e Hagës, kundër Serbisë, për t’u konstatuar se në Kosovë është bërë gjenocid pikërisht nga forcat policore e ushtarake të Serbisë dhe eprorë më të lartë të saj. Mirëpo për këtë nevojitet një vendim politik dhe pastaj ne do të ecim përpara”, tha Kelmendi.

Nga ana tjetër, Kuvendi shqyrtoi dhe miratoi sot edhe gjashtë ligje. Ndërsa, pa pëlqimin e LDK-së, Kuvendi shtyri shqyrtimin dhe miratimin e Projektligjit për Presidentin e Republikës së Kosovës. Ky projektligj u shty me kërkesë të grupit parlamentar të PDK-së, i cili propozoi që ligji për presidentin të miratohet bashkë me ligjet për kryeministrin dhe ligjin për deputetët.

Kuvendi emëroi edhe anëtarët e Bordit të Pavarur për Rishqyrtimin e Ankesave Tatimore, me mandat dy vjeçar: kryesues, Skënder Kolgeci dhe gjashtë anëtarë: Miftar Shala, Ramadan Sejdiu, Ekrem Kastarti, Osman Sadikaj, Luljeta Baraliu dhe Hajrush Beqiri.
RTK

Vetëm për shkiet dhe bashkpuntorët e tyre qështja e kufirit nuk është qështje urgjente

A thue kërkesën për këtë qështje duhet ta bëjnë në gjuhën e shkieve apo e pranon Jakupi edhe në gjuhën Shqipe?

Ep Zot mend ku ska.

[Guri i madh]

[quote=Llapjani_HH]nnNAT0: Prishtina po e vonon formimin e FSK së

Bruksel, 18 dhjetor - Shefi i Komitetit Ushtarak të NATO s, admirali Xhanpaolo di Paola, ka thënë se nga ana e NATO s përgatitjet për formimin e Forcave Kosovare të Sigurisë janë duke shkuar mirë. Ai ka theksuar se në proces ka vonesa për shkak se pala kosovare nuk e ka kryer ende pjesën e saj të punës. Duke folur në një takim me një grup të vogël gazetarësh të akredituar në NATO, admirali Di Paola ka theksuar se krijimi i Forcave të Sigurisë në Kosovë është një detyrë shtesë e operacionit të NATO s dhe shtetet anëtare janë duke dhënë kontributet e tyre për këtë qëllim.
QIK
KFOR-i në pritje të emërimit të komandantit të FSK-së

KFOR-i tha sot se është në pritje të emërimit të komandantit të Forcës së Sigurisë së Kosovës. Zëdhënësi Adriano Graciani konfirmoi shtyrjen që po ndodh në procesin e konstituimit të organeve drejtuese të FSK-së, por tha se aktualisht nuk parashihet ndonjë problem madhor.
Forcat shumëkombëshe të KFOR-it janë në pritje të emërimeve në kreun e Forcës së Sigurisë së Kosovës, në mënyrë që të fillojnë procesin e trajnimit të kësaj force. Zëdhënësi Adriano Graciani nuk përmendi afate kohore por tha se vonesat në emërime nuk mund të kompensohen.




KOMANDANIT i FSK do emrohet po me vones se nuk po merren vesh SEJDIU edhe THAQI

SEJDU esht per SYLEJMAN SELIMIN po THAQI nuk po pranon se ky SULLTANI e ka than realitetin në gazeten zëri per hashen ,e tash HASHA esht i hithruar dhe po ka deshir qe komanden në FSK me ja derzue RRAHMAN RAMES

[Llapjani_HH]

NATO-ja afat deri të dielën për komandantin e FSK-së

NATO-ja u ka caktuar afat institucioneve kosovare për emërimin e komandantit të FSK-së

Sipas një zyrtari të lartë të NATO-s, admirali Fitzgerald ua ka përcjellë personalisht kërkesën presidentit Fatmir Sejdiu dhe kryeministrit Hashim Thaçi, në një takim që ka pasur javën e kaluar në komandën kryesore të KFOR-it, në Prishtinë

Shkruar nga Zija Miftari e Fatmir Aliu
e premte . 19 dhjetor 2008
Kohaditore.com


DioGuardi: Kosova, edhe më keq se Bosnja

Beteja e të ardhmes e Kosovës nuk do të jetë në rrugë, por në shtypin dhe parlamentet e vendeve të tjera, ka vlerësuar, Shirley Cloyes DioGuardi, këshilltare për çështjet e Ballkanit në Lidhjen Qytetare Shqiptaro-Amerikane.

Në një intervistë për Zërin e Amerikës DioGuardi ka thënë se, duhet kuptuar se Beogradi nuk ka menduar ndonjëherë se do të bllokonte pavarësinë e Kosovës, ngase sipas saj, synimi ka qenë ndarja e Kosovës, respektivisht marrja e veriut të saj.

“Unë jam e shqetësuar për klauzolat e planit (gjashtëpikësh të Ban Ki-moonit) që do ta lejonin një gjë të tillë. Plani lejon vendet e EULEX-it që të mos ta pranojnë sovranitetin e Kosovës, me idenë e qëndrimit të paanshëm ndaj statusit. Nga ana tjetër, si u rikthye në lojë rezoluta 1244 sipas së cilës Kosova është pjesë e Serbisë? Ndërkohë veriu nuk është nën kontrollin e autoriteteve të qeverisë. Nëse vazhdon kjo, do të bëhet fjalë për struktura paralele dhe një vend të ndarë etnikisht, edhe më keq sesa Bosnja. Ky nuk është drejtimi i duhur”, ka thënë ajo.

Ajo po ashtu ka kritikuar bashkësinë ndërkombëtare për sistemin e krijuar në Kosovë, i cili lehtëson krijimin e shumë lloj lidhjeve të ligjshme dhe jashtëligjshme mes serbëve të Kosovës dhe Beogradit.”Është koha që të vihet para përgjegjësisë komuniteti ndërkombëtar, duke pasur parasysh edhe çfarë po ndodh në Bosnje. Është një sistem i dështuar i cili nuk duhet përsëritur në Kosovë. Komuniteti ndërkombëtar duhet t’i bëjë ballë Beogradit dhe të kthehet tek parimet e deklaratës së pavarësisë, duke vendosur një demokraci të vërtetë në Kosovë”, ka shtuar DioGuardi.

Ajo ka kritikuar udhëheqësit e Kosovës për pasivitetin që kanë treguar kundruall ofensivës serbe. “Serbia ka punuar në mënyrë shumë aktive për të realizuar synimet e saj. Pothuajse e ka frenuar krejtësisht njohjen e pavarësisë, e cila deri tani është bërë nga 53 shtete, por nuk dihet sesi do të vazhdojë, po ndryshon realitetin në terren dhe mbi të gjitha po vazhdon propagandën antishqiptare. Ndërsa nga ana tjetër jemi përballë një pasiviteti të udhëheqësve të Kosovës dhe jam shumë e shqetësuar nga një fakt i tillë”, ka thënë ajo.

Ajo ka thënë se organizata të cilës i takon – që lobon për Kosovën në SHBA - tashmë ka vendosur lidhjet me zv/presidentin e zgjedhur Joe Biden, ndërsa do të rifillojë përpjekjet me Kongresin. Megjithatë ka shtuar se, ”përpjekjet tona nuk janë të mjaftueshme”.

Sipas DioGuardit, ka ardhur koha që politikanët shqiptarë të Kosovës dhe pjesëve të tjera të Ballkanit të ndërmarrin një fushatë të orkestruar të tërheqjes së opinionit publik. “Beteja e të ardhmes nuk është në rrugë, por në shtypin dhe parlamentet e vendeve të tjera”, ka përfunduar ajo.
Telegrafi