Lulzsec dhe Anonymous

[Zero Cool]

Britani, arrestohen katër hakera





Falë një aksioni blic, policia e Scotland Yard ka vënë në pranga katër hakera, që dyshohet të jenë pjesë e grupeve Anonymous ose Lulz Security.
Operacioni u zhvillua njëkohësisht në Doncaster, Warminster, Northampton dhe Londër, ndërsa njoftohet se të dyshuarit po merren në pyetje nga policia e krimit elektronik me qëndër në kryeqytet.

Katër hakerat dyshohet se kanë qënë pjesë e sulmeve kibernetike ndaj Amazon, PayPal, CIA-s dhe senatit amerikan.

[Zero Cool]

Hakerat japin alarm fals për sulme në 11 Shtator





Pak përpara nisjes së ceremonive zyrtare për viktimat e 11 Shtatorit, një grup hakerash kanë thyer sistemin e sigurisë së NBC në Twitter dhe kanë shkruar se “Amerika është nën sulm”.


Sipas këtij mesazhi, një tjetër avion do të godasë sheshin “Ground Zero” në orën 6 të mëngjesit. Por pasi është mësuar ky fakt, inxhinjerët e NBC-së kanë mbyllur adresën e Twitter deri në riparimin përfundimtar të tij. Pas kësaj i gjithë stafi i NBC ka kërkuar ndjesë.

Sulmi kibernetik është marrë përsipër nga një grup hakerash të quajtur The Script Kiddies, dikur ish-pjestarë të Anonymous.

[Zero Cool]

Anonymous paralajmëron “Ditën e Hakëmarrjes”






Grupi i haktivistëve i njohur si Anonymous është gati për të shkrepur armët e saja sërish, duke kërkuar hakmarrje për padrejtësitë në botë dhe duke tentuar të sulmojë ata që dëshirojnë të lëndojnë të pambrojturit.
Por ku qëndron çështja tani? Sipas Anonymous një protestë që eci në mënyrën e gabuar ka lidhje ne këtë mes. Një grup prej rreth 1,000 personash kanë vendosur vetën e tyre në Bowling Green Park në Lower Manhattan si pjesë të demonstratës “Occupy Wall Street”, që në fakt ka tentuar si protestë të tërheq mbi 20,000 protestues.
Anonymous ka pretenduar se protesta që ka filluar në mënyrë paqësore, “ka ndryshuar në shpejtësi pasi policia nisi dhunë. Si filloi shiu, polic të armatosur rëndë u futën në mesin e protestuesve, larguan kurthat e përdorura për të maskuar pajisjet e gazetarëve, arrestuan gazetarë të pavarur, konfiskuan pajisje të gazetarëve dhe shfrytëzuan dhunë të tepruar kundër tyre dhe arrestuan protestues paqësor dhe të pafajshëm, disa prej të cilëve u abuzuan dhe u lënduan”.
Në lidhje me këtë Anonymous ka paralajmëruar “Ditën e Hakmarrjes” që është paraparë të ndodh me 24 shtator, gjatë mbrëmjes. “Anonymous dhe grupe tjera do të lansojnë një sërë cyber-sulmesh kundër caqeve të ndryshme duke përfshirë Wall Street Journal, institucionet bankare të korruptuara dhe departamentin policor të Nju Jorkut” thuhet në postimin e grupit në Pastebin.

[Zero Cool]

FBI arreston një tjetër “anëtarë” të LulzSec





FBI gjatë ditës së enjte ka arrestuar një të dyshimtë si anëtarë të grupit të hakerëve LulzSec, i cili dyshohet se ka lidhje me sulmet virtuale të mëhershme kundër sistemeve kompjuterike të Sony.
Cody Kretsinger, 23 nga Phoneix, është arrestuar dhe paditur me akuzën se ka ndihmuar LulzSec në sulmin kundër serverëve të Sony mes datës 27 maj dhe 2 qershor. Grupi i hakerëve ka arritur të dëmtojë të dhëna personale të më shumë se një milion konsumatorëve të Sonym të cilat më pas grupi i ka postuar online.
Gjithashtu të enjten FBI ka arrestuar dy të tjerë të dyshuar si të ndërlidhur me grupin e hakerëve Anonyomous për të cilët lidhet akuza se kanë ndihmuar në sulmin ndaj një ueb faqeje shtetërore në Kaliforni.
Arrestimet janë ngjarjet më të fundit që kanë shënuar hetimet e autoriteteve për të thyer grupin e hakerëve që kanë ekspozuar lëshime të mëdha të sigurisë në sisteme qeveritare dhe të korporatave. Në korrik, autoritetet kanë arrestuar 14 të dyshuar si anëtarë të Anonymous nën akuzën se kanë kontribuar në dëmtimin e ueb faqes së PayPal për katër ditë, pasi kjo e fundit pati stopuar llogaritë e Wikileaks’it.
Autoritetet kanë shtuar se Kretsigner, i njohur si “recursion” besohet të ketë qenë anëtarë apo ish anëtarë i LulzSec, që ka marr përsipër sulmin ndaj faqes së PBS. Ai është paditur për konspiracion dhe qasje të paautorizuar në një kompjuterë të mbrojtur. Sipas FBI ai thuhet të ketë përdorur Proxy server për të maskuar IP’n e kompjuterit të tij, dhe më pas ka marrë informacionet prej rrjetit të Sony duke shfrytëzuar injektim SQL – një teknikë e përdorur nga hakerët për të zbuluar lëshime dhe për të vjedhur informacione. Padia vazhdon më tej duke shtuar se Kretsinger ka fshirë hard diskun e kompjuterit që ka sulmuar në mënyrë që të evitojë hetimet nga forcat ligjore.
Nëse ai shpallet fajtor nga ana e gjykatës atëherë ai mund të dënohet me deri në 15 vite burg.

[Zero Cool]

Anonymous kundër pedofilëve


Ekipi tashmë i njohur shumë mirë, Anonymous, rrëzoi javës që shkoi Freedom Hosting-un që siguronte shërbime të hostingut për mbi 40 ueb faqe pedofilësh, në mes i të cilëve është edhe Lolita City, sipas disa pohimeve faqja më e madhe e pedofilëve në Internet.


Përveç kësaj, kanë arritur të mbledhin të dhënat rreth 1,589 shfrytëzuesve të këtyre faqeve të cilët janë ruajtur si dëshmi për organet e interesuar përgjegjës.

Aktin e bën të pazakontë fakti se bëhet fjalë për një grup hakerësh të cilët përndryshe përfaqësojnë anonimitetin e shfrytëzuesve në Internet, dhe për shkak të kësaj faqet e tyre janë të hostuara në darknet – rrjet ky privat i kriptuar në Internet që është menduar pikërisht për të pamundësuar gjetjen e shfrytëzuesve. Bëhet fjalë për rrjetin e anonimizuar të Torit të cilin fillimisht e pati zhvilluar marina amerikane, e tani përdoret edhe nga ofruesit e shërbimeve të hostingut për përmbajtjet e ndryshme.

Tor bën ridrejtimin e qarkullimit përmes grupit të serverëve vullnetarë që janë të shpërndarë nëpër Internet dhe në këtë mënyrë vështirëson mbikëqyrjen e përmbajtjeve dhe pjesëmarrësve në qarkullim. Tor gjithashtu ka edhe TDL-në private .onion në të cilën qasen përmes HSP-së (hiden service protocol) dhe faqet janë të dukshme vetëm për shfrytëzuesit e Tor gatewayit sikurse që është tor2web.org.

Natyrisht, Tor nuk përdoret vetëm nga pedofilët, por edhe shumë shfrytëzues të cilëve u është pamundësuar komunikimi në Internet, sikurse që janë blogerët në vendet arabe dhe vendet tjera të botës ku shikohet ndryshe shprehja e lirë e qëndrimeve që janë në kundërshtim me qëndrimet zyrtare.

Mirëpo, anonimiteti që ofron Tor nuk është krejtësisht i garantuar, kështu që edhe pse IP adresat janë të fshehura, ato kanë shenjën digjitale i cili mund të përdoret për identifikimin e shërbimeve të hostuara në një lokacion dhe përmes kësaj mund të përcjellën edhe vizitat në këtë lokacion. Po kështu, rrjeta tor është njëlloj e lëndueshme në hackimin e faqeve sikurse dhe Interneti “i zakonshëm”.

Sipas shkrimit në faqet e Arrs Technica, Anonymous ka filluar operacionin e vet kundër Lolita City 14, kur në faqet The Hidden Wiki në rrjetin Tor kanë zbuluar lidhjet drejt pornografisë me fëmijë. Ekipi nga Anynomus së pari ka hequr lidhjet, e kur administratorët i kishin kthyer prapë kanë vendosur të bëjnë rrëzimin e faqes përmes sulmeve DoS. Gjithashtu kanë vërejtur se faqet ndodhen tek ofruesi i hostingut Freedom Hosting nga të cilët kanë kërkuar ndërprerjen e hostingut për faqet. Këta e kishin refuzuar këtë gjë, e pastaj Anonymous ka nisur me sulmet me SQL dhe nxjerrjen e bazës së shfrytëzuesve të këtyre faqeve, pas cilës gjë kanë nisur edhe DoS-in.

[Zero Cool]

Anonymouse Vs Narko Kartelët


Grupi i hakerëve Anonymouse u kërcënua se do të zbulojë emrat e pjestarëve të narko-kartelit Zetas, nëse kriminelët nuk lirojnë një pjestarë të këtij grupi të hakerëve i cili ishte rrëmbyer.

Nëse deri të shtunën, 5 nëntor, Zetas nuk liron pjestarin e këtij grupi Anonymouse, ky grup do të zbulojë emrat e pjestarëve të këtij narko-karteli, qëndron në deklaratën e Anonymouse. Mesazhi është në gjuhën angleze dhe spanjolle, në formën e videos, ku grupi i hakerëve pretendonë se i dijë oficerët, gazetarët, shoferët e taksive dhe të tjerët të cilët punojnë për Zetas. Ato thonë se “Anonymouse janë të lodhur me këtë grup kriminel i cili është i përkushtuar në rrëmbime, vjedhje dhe grabitje”.

Personi i cili është rrëmbyer nuk është identifikuar , por Anonymouse paralamërojnë: “Keni bërë një gabim të madh me atë që keni rrëmbyer një pjestarë të Anonymuse. Lirojeni atë.”

“Nuk mund të mbrohemi me armë, por mundemi me makinat e tyre, shtëpitë, baret etj. Nuk është e vështirë. Ne e dijmë kush janë dhe ku mund ti gjejmë”, vazhdon mesazhi, duke u referuar në pronat e pjesarëve të kartelit.

Në video shfaqet një person i cili mban një maskë dhe flet në emër të Anonymouse. Video thuhet se është ngarkuar në internet në fillim të tetorit, por nuk egziston mundësia që të zbulohet origjina e saj. Për herë të parë ishte hetuar të premten, në ueb faqen për kundërzbulim global tink tenk Stratfor.

[Zero Cool]

Anonymous sulmuan Stratfor, dhe vodhën me mijra kartela krediti






Hakerët-Aktivist Anonymous arritën të vjedhin me qindra e-mail, fjalëkalime, kartela krediti dhe shum të dhëna tjera nga një kompani amerikane Stratfor. Sipas hakerëve, janë vjedhur mbi 200GB të dhëna. Faqja e kompanis është shuar, dhe janë suspenduar të gjitha aktivitetet e serverëve dhe e-mail adresat e Stratfor.

Një anëtarë i Anonymous thotë se kartelat e kreditit të vjedhura i kanë shfrytëzuar për të dhuruar miliona dollarë si donacione për bamirësi. Qëllimi, thonë hakerët, është që të festohet Krishtlindja. Megjithatë, shum rënd është të besohet se ato para do të arrijnë deri tek destinacioni i duhur, organizitatat për bamirësi, sepse mesiguri do të bllokohen këto transferime të parave.

Anonymous publikoi listën e kompanive private të Stratfor. Stratfor merret me raporte intelegjente të ndjeshme politike, ekonomike, analiza lufte nga shtetet të ndryshme, dhe normalisht kjo listë është sekrete. Më sakt, ishte sekrete. Siç mund të shikoni në atë listë, ndodhet edhe qeveria e Maqedonis. Tek të dhënat e vjedhura mund të shikoni disa emra, numra të telefonit, dhe kartela krediti si dhe fjalëkalime të disa politikanëve Maqedonas.

Nga Stratfor thonë se kjo list në fakt përmban klientët të cilët kanë blerë raporte nga kompania, por jo dhe lista e klientëve të cilët kanë bashkpunime më serioze me kompanin. Stratfor njoftoi se ka lajmëruar rastin tek autoritetet.

[Zero Cool]

Hakerët me satelit të vetin


Hakerët thuhet se janë duke planifikuar të luftojnë cenzurën e internetit duke dërguar satelitin e tyre komunikues në gjithësi dhe duke zhvilluar një rrjet të stacioneve tokësore për t’i përcjellë dhe komunikuar me ta.
Lajmi vjen pasi bota e teknologjisë është ende duke sfiduar dhe diskutuar ligjin e propozuar të cilin shumë po ia kanë frikën. Sipas BBC News, plani për satelit është diskutuar gjatë Chaos Communication Congress në Berlin. Ajo po quhet “Hackerspace Global Grid”.

Nëse nuk ju pëlqen ideja e asaj që hakerët të komunikojnë më mirë, aktivisti Nick Farr ka thënë se i vetmi motiv për projektin është dituria, që përfshin edhe zhvillimin e elektronikave të reja që mund të mbijetojnë në gjithësi, dhe të lansojnë vetura që mund t’i dërgojnë ata atje.

Juve mund t’ju duket diçka e vështirë për të vendosur në gjithësi një satelit, por hobistët dhe amatorët kanë qenë në gjendje që gjatë viteve të fundit t’i dërgojnë në gjithësi duke shfrytëzuar balonë. Megjithatë, pa xhepa të thellë të agjencive nacionale apo të kompanive të mëdha ata do ta kenë të vështirë përcjelljen e pajisjeve.

Për t’i vendosur më mirë satelitët, grupi gjerman i hakerëve ka ardhur me idenë e një lloj GPS’i revers që mund të shfrytëzon një rrjet të shpërndarë të stacioneve të lira tokësore që mund të blihen apo ndërtohen nga individët. Këto stacione do të ishin në gjendje të saktësojnë pozitën e satelitëve në cilëndo kohë dhe të përmirësojnë transmetimin e të dhënave nga satelitët në tokë.

Skema e diskutuar nga hakerët përcjellë ligjin “Stop Online Piracy Act” SOPA të shpalosur në SHBA, të cilin e konsiderojnë shumica si kërcënim të lirisë online. Ashtu siç e thotë Tony Bradley prej PCworld, ligji është një kombinim i lëvizjes për të luftuar piraterinë e internetit dhe në fakt tejkalon skajshmërisht qëllimin e tij dhe kërcënon të drejtat kushtetuese dhe ligjore të qytetarëve.

[Zero Cool]

Dje:


Rrëzohet CIA.gov, Anonymous merr përgjegjësinë


CIA.gov është rrëzuar gjatë pasdites së të premtes dhe kishte mbetur në këtë gjendje për mbi dy orë. A e ka lëshuar Anonymous një sulm të ri në Agjencinë Qendrore të Inteligjencës së Shteteve të Bashkuara?


Shumë blogje ia kanë atribuuar këtë rrëzim grupit të hakerëve Anonymous. Të heshtur sa i përket çështjes, por sidoqoftë disa cicërima të bëra në Twitter nëpërmjet llogarive @AnonOps dhe @AnonymousIRC treguan që përgjegjësinë për këto sulme e merr Anonymous. Nëpërmjet këtyre dy llogarive u postuan dy lidhje, një tek një artikull në IT World dhe një në Russia Today, që të këta duke treguar për një sulm DDoS të dukshëm, të kryer duke e mbingarkuar uebfaqen me trafik dhe duke e shtyrë faqen që të dalë përkohësisht offline.

Gjatë të premtes së kaluar, më 3 shkurt, Anonymous publikoi një thirrje të FBI-së dhe e ndërmori një fushatë të hakimit duke shpartalluar uebfaqen e Departamentit Policor të Bostonit, duke marrë të dhëna nga Departamenti Policor i Salt Lake City, publikoi emaila që i përkisnin ndërmarrjes ligjore të Uashingtonit dhe e morën përgjegjësinë për secilin sulm.

[Zero Cool]

Interpol: Janë arrestuar 25 hakerë të Anonimusit





29.02.2012 08:45

Interpoli raporton se janë arrestuar 25 anëtarë të dyshuar të grupit ndërkombëtar të hakerëve Anonimus. “Operacioni demaskimi” ishte ndërmarrë në disa qytet në Evropë dhe në Amerikën Latine, në bashkëpunim me policinë nga Argjentina, Kili, Kolumbia dhe Spanja.

Qindra pjesë të pajisjeve kompjuterike, telefona mobilë, kartela kreditore dhe para të gatshme, janë konfiskuar gjatë 40 bastisjeve në 15 qytete.

Të dyshuarit ishin të moshës 17 e 40 vjeçare.
Interpoli nuk e ka shpjeguar natyrën e lidhjes së dyshuar të tyre me grupin Anonimus, që është një lëvizje e organizuar ndërkombëtare e akvitistëve të Internetit.

[Zero Cool]

Arrestohet hakeri famekeq


E marte, 06 Mars

Lideri i grupit te hakerave “Lulz Security”, bashkëpunëtoreve me te mëdhenj te Anonimous, është arrestuar ne Shtetet e Bashkuara te Amerikës nga punonjës te policisë kibernetike ne bashkëpunim me FBI-ne. Hektor Ksavier Monsegur, akuzohet për vjedhje parash dhe te dhënash personale te disa kompanive te mëdha, përfshi këtu edhe kompaninë “Sony” dhe “E-Bay”. Agjencia e lajmeve “Reuters”, shkruan se krahas piratit te njohur te kompiuterave, janë ndaluar edhe pese hakera te tjerë.

[Zero Cool]

FBI arreston disa hakerë


Uashington, 07.03.2012 14:49

Disa pjesëtarë të grupit të hackerëve “LulzSec’, e cila është e lidhur ngushtë me grupin “Anonymous” janë arrestuar në SHBA dhe në Evropë. Sic raportohet, hackerët i kishte tradhtuar lideri i tyre, 28-vjeçari, LulzSeca Hector Xavier Monsegur, i njohur si “Sabu”.

Nga pesë personat e arrestuar njëri tashmë e ka pranuar fajin. Lideri i LulzSecut raportohet të ketë bashkëpunuar 9 muaj me FBI-në. Sipas televizionit “Fox”, kur ai kuptoi se mund të përfundonte prapa grilave për një kohë të gjatë, atëherë pranoi të bashkëpunonte me FBI-në. “Kjo është goditje shkatërruese për këtë organizatë”, deklaruan zyrtarët e FBI-së për “Fox News”-in.

Këto grupe të hackerëve kanë hyrë në sistemet e organizatave dhe të kompanive, siç janë: Sony, eBay, Senatin Amerikan, PBS etj. “Anonymous” dhe “LulzSec” kanë marrë përgjegjësinë edhe për sulmet e rrjeteve të FBI-së dhe të CIA-s.

[Kodra]

**********
**********
**********


Anonymous ka arritur të futet në Kartelin e lejeve për auto në Flensburg të Gjermanis.

Sistemi i këtij Karteli është ashtu i përpunuar, që kur të arrihen 18 pikë ( 18 shkelje të ligjit trafikor), vetëvetiu shtypet letra e cila pastaj dërgohet te pronarët e lejeve.

Frika e 9 milionëve pronar të lejeve, të cilët kanë shkelur ligjin është e papërshkruar, njofton t-online.


Unë i kam tri pikë


Kodra

[Zero Cool]

Mbi 1.5 milionë karta krediti të vjedhura


Përpunuesi i kartave të kreditit, Global Payments, lëshoi gjatë ditës së djeshme një deklaratë, duke treguar që sistemet e veta janë sulmuar. Lajmërimi erdhi pas raporteve që dolën që mijëra llogari të kartave të kreditit ishin marrë përgjatë makinave të kësaj ndërmarrje.

Gjatë javës së kaluar, Brian Krebbs, zbuloi që Visa dhe Mastercard ishin duke iu treguar bankave amerikane për hakimet e ndodhura në kartat e kreditit. Ndërmarrjet ishin duke i informuar institucionet që një përpunues i pambrojtur i pagesave ishte duke ua mundësuar kriminelëve kibernetikë sigurimin e të dhënave të lidhura me një numër të kartave të kreditit. Përpunuesit e prekur besohej që ishin vendosur në garazhet e vendosura rreth qytetit të Nju Jorkut. Pak kohë pasi doli raporti, Visa paraqiti një deklaratë që e pranonte këtë prishje. Në atë kohë, Krebsbs citon PSCU duke thënë që numri i përgjithshëm i të gjitha kartave të kreditit të vjedhura ishte mbi 50,000.

“Ne jemi duke bërë një përparim të shpejtë drejt përmbylljes së kësaj çështje,” tha shefi ekzekutiv i Global Payments, Paul R. Garcia. “Ne jemi të hapur për biznes dhe të vazhdojmë të përpunojmë transaksionet për të gjitha brendet e kartave.”

Garcia pranoi që numrat e llogarive të kartave të kreditit ishin vjedhur dhe numri i përgjithshëm ishte mbi 1.5 milionë sosh. Sidoqoftë, sipas Global Payments, emrat, adresat dhe numrat e sigurimit shoqëror që iu përkasin atyre llogarive mbesin të mbrojtura.

[Zero Cool]

Hakohen mbi 55.000 profile në Twitter


Një hacker i panjohur ka publikuar 55.000 fjalëkalime të profileve nga rrjeti social Twitter në Pastebin. Interesante është tek ky sulm fakti se janë sulmuar vetëm ato llogari ose profile të atyre që kanë bërë spam tek përdoruesit e thjeshtë.

Pothuajse gjysma e llogarive të sulmuar janë duplikat, ndërsa shumica e profileve tjera nuk jan duplikat por janë suspenduar nga Twitter.

Twitter aktualisht është duke ndërmarrë masat e nevojshme për siguri, duke resetuar fjalëkalimet e llogarive të hakuara. Rrjeti social gjithashtu këshillon përdoruesit e saj që të ndryshojn fjalëkalimet nëse vlersojn se profili i tyre është rrezikuar në ndonjë mënyrë.