Lajme aktuale nga vendi !

[Zero Cool]

PDSH reagon ndaj kërcënimeve të Dacicit





15:49 / 18.09.2011

Ministri i Brendshëm serb, Ivica Dacic ka paralajmëruar se Serbia do të marrë si masë reciproke bllokimin e kalimeve kufitare ndërmjet Kosovës dhe Serbisë.
Menjëherë pas këtij deklarimi, kanë reaguar përfaqësuesit politikë të Luginës së Preshevës.

Partia Demokratike Shqiptare apelon te shqiptarët e Luginës së Preshevës që të mos bien pre e provokimeve eventuale të policisë dhe xhandarmërisë serbe dhe të jenë vigjilent gjatë kalimit të kufijve në drejtim të Republikës së Kosovës.

”Kërkojmë nga NATO-ja që ta rikthejë zonën e lirë tokësore të sigurisë, nga marrëveshja e Kumanovës, me të cilën do të pamundësonte realizimin e këtyre veprimeve të errëta të qeveritarëve serb”, thuhet në kërkesën e kësaj partie.

PDSH gjithashtu reagon ndaj ministrit serb të arsimit, Zarko Obradovic, për ndërhyrjen e tij joprofesionale në ndryshimin e Abetares Shqiptare.

[Zero Cool]

Thaçi dhe Jahjaga kërkojnë ndaljen e Serbisë


Nga Express më 18 shtator 2011 në ora 19:40
Sekretari i përgjithshëm i Kombeve të Bashkuara, Ban Ki-Mun, gjatë një takimi në Nju Jork me delegacionin shtetërore të Kosovës, ka shprehur mbështetjen e tij ndaj procesit për vendosjen e rendit dhe ligjit në tërë territorin e Kosovës dhe ka kërkuar vazhdimin e dialogut me Serbinë.

Delegacioni shtetëror i Kosovës, në përbërje të të cilit janë presidentja Atifete Jahjaga, kryeministri Hashim Thaçi dhe ministri i Punëve të Jashtme, Enver Hoxhaj, janë takuar të dielën në Nju Jork me sekretarin e përgjithshëm të Kombeve të Bashkuara Ban Ki-Mun me të cilin kanë biseduar për zhvillimet e fundit në vend, pas vendosjes së policëve dhe doganierëve në dy pikat kufitare në veri.

Në këtë takim delegacioni shtetëror i Kosovës ka informuar numrin një të Kombeve të Bashkuara në lidhje me dërgimin e doganierëve dhe policëve në veri, i cili është bërë në bashkëveprim me EULEX-in dhe KFOR-in, me qëllim të vendosjes së rendit dhe ligjit edhe në këtë pjesë të vendit.

Me këtë rast delegacioni shtetëror i Kosovës kërkoi nga Ban Ki-Mun përkrahjen e tij ndaj institucioneve legjitime të Kosovës për ta shtrirë rendin dhe ligjin në veri, si dhe kërkuan që të bëjë presion ndaj Serbisë që të heqë dorë nga mbështetja që po u jep strukturave paralele serbe në veri.

Nga ana e tij Ban Ki-Mun i dha mbështetje procesit për vendosjen e rendit dhe ligjit në tërë Kosovën dhe njëherësh kërkoi nga ta që ta ruajnë rendin dhe qetësinë, të jenë konstruktiv dhe të vazhdojnë dialogun me Beogradin për çështje praktike, i cili po ndërmjetësohet nga Bashkimi Evropian.

Ndryshe, delegacioni shtetëror i Kosovës ka udhëtuar dje për në SHBA, gjatë së cilës do të kenë një varg takimesh bilaterale me liderët e vendeve të ndryshme gjatë sesionit vjeshtor të Asamblesë së Përgjithshme të OKB-ve si dhe me udhëheqës të lartë amerikanë. (KP)

[Zero Cool]

KFOR-i kontrollon në Zubin-Potok





Pjesëtarët e KFOR-it nga sot kontrollojnë në detaje të gjithë udhëtarët dhe automjetet të cilat nga Mitrovica e veriut drejtohen në Zubin-Potok.
Ata kanë vënë një punkt kontrolli në rrugën që kthehet te fshati i banuar me shqiptarë, Çabër, ku sot në mëngjes janë mbledhur një numër i madh serbësh.

“Serbët kanë frikë se edhe kjo rrugë do të bllokohet dhe ata do të ndahen nga Mitrovica, ku shumë nga ata shkojnë në shkollë dhe punojnë”, transmetojnë mediat e Beogradit.

Në këtë rajon rrugët janë të bllokuara në shumë vende nga serbët, e më së shumti në Zupç në rrugën që e lidh Zubin-Potokun me jugun e Mitrovicës.

[Zero Cool]

Qeveria serbe vendos të mbledh tatim në Veriun e Kosovës






Nga Express më 19 shtator 2011 në ora 10:07
Në numrin e sotëm e përditshmja serbe “Politika” shkruan për vendimin e Beogradit që pas 12 vitesh ta kthejë veriun e Kosovës nën juridiksionin tatimor serb.

“Politika” shkruan se Qeveria e Serbisë në një mbledhje të mbajtur te premten ka vendosur që ta kthejë veriun e Kosovës në sistemin tatimor të Serbisë.

Në këtë mbledhje po ashtu është vendosur që të anulohet rregullorja rreth veprimeve doganore në pikat kontrolluese (referencë pikat 1 dhe 31) që do të thotë se tash e tutje Qeveria e Serbisë do të mbledhë TVSH-në edhe në veri.

Borislav Stefanoviç, në prononcim për Politika, ka thënë se “me këtë dëshmohet se veriu i Kosovës nuk është në duar të kriminelëve dhe se qytetarët e veriut të Kosovës janë të barabartë me bashkëqytetarët e tyre në Serbinë Qendrore”.

Siç dihet, ky vendim shkelë Rezolutën 1244, në të cilën thirret aq shpesh Beogradi.

[Zero Cool]

Sot nuk kthehet reciprociteti





Nga Express më 19 shtator 2011 në ora 10:06
(E plotësuar) Kamionët me mallra serbe do të vazhdojnë të hyjnë edhe më tej në territorin e Republikës së Kosovës pa i penguar askush. Qeveria e Kosovës nuk do ta kthejë masën e reciprocitetit as sot, megjithatë kjo mund të ndodhë gjatë ditëve në vijim nëse Qeveria e Serbisë vazhdon të mos i njoh vulat doganore të Kosovës.

Zëvendëskryeministrja, njëherësh ministre e Tregtisë dhe Industrisë, Mimoza Kusari Lila ka konfirmuar për Telegrafin se Qeveria e Kosovës nuk do ta rikthejë reciprocitetit për mallrat serbe as sot.

Sipas saj nëse Qeveria e Serbisë vazhdon të mos i njoh vulat doganore të Kosovës, reciprociteti do të jetë çështje ditësh.

“Masa e reciprocitetit nuk do të kthehet sot, por nëse autoritetet serbe nuk i pranojnë vulat është çështje e ditëve kur kthehen masat prapë”, theksoj Kusari Lila.

Ndryshe, pas arritjes së marrëveshjes në Bruksel ndërmjet Prishtinës dhe Beogradit, qeveria e Kosovë s ka hequr masën e reciprociteti që nga e premtja. Vetëm brenda tre ditësh rreth 50 maune me mallra serbe kanë hyrë në territorin e Kosovës, ndërkaq asnjë me mallra kosovare nuk ka mundur të hyjë në Serbi.

Rrethohet Çabra

KFOR-i po vazhdon me kontrolle të detajuara në shumë pjesë në veri të Kosovës. Makina dhe njerëz po kontrollohen vazhdimisht nga ushtarakët e KFOR-it.

Madje në mëngjes kanë arritur të largojnë një numër të madh të serbëve nga fshati i banuar me shqiptar, Cabër.

Shqiptarët nuk kanë arritur të largohen nga shtëpitë për në shkolla apo në vendet e tyre të punës. Makinat dhe njerëzit po kontrollohen nga Mitrovica në drejtim të Zubin Potokut.

[Zero Cool]

LDK: Qeveria rrezikon trashëgiminë kulturore






Nga Express më 19 shtator 2011 në ora 11:16
Qeveria e PDK-së po e shfaq haptas tendencën që Kosovën ta zhveshë nga kujtesa historike dhe nga trashëgimia e saj kulturore, thotë partia më e madhe opozitare, Lidhja Demokratike e Kosovës (LDK).

Në një komunikatë të lëshuar nga LDK, thuhet se, Qeveria pasi krijoi komisione politike në MASHT për zhveshjen nga kujtesa historike, tash ekipi i PDK-së në MKRS po këmbëngul që Kosovën ta zhveshë edhe nga trashëgimia e saj kulturore.

“Duke shmangur trajtimin institucional të trashëgimisë kulturore, me një Këshill Nacional për Trashëgiminë, gjysmak në numër dhe jofunksional në ushtrimin e përgjegjësive, si dhe pa një strategji institucionale për evidentimin, ruajtjen dhe konservimin e trashëgimisë kulturore, Ministria po e dëmton rëndë historinë kulturore të vendit”, thuhet në komunikatë.

Sipas LDK-së, kjo ministri, ka pranuar botërisht se jo vetëm që nuk di të hartojë politika nacionale për ruajtjen, mbrojtjen dhe prezantimin e trashëgimisë kulturore të Kosovës, por nuk e di as sa objekte të trashëgimisë kulturore të Kosovës duhet mbrojtur me ligj dhe për cilat duhet kujdesur shteti.

“LDK-ja dëshiron të tërheq vëmendjen e elitave kulturore se mungesa e një vizioni për mbrojtjen e trashëgimisë kulturore, krahas nënshtrimit të turpshëm për historinë nacionale, përbën aktin e dytë të Qeverisë Thaçi për heqjen e qëllimshme dorë nga tradita kulturore dhe nga kujtesa e saj historike. Identifikimi që shkrimtari Ismail Kadare u bën rrënuesve të traditës kulturore si ‘rimohues të shqiptarizmës’ dhe kohës së tyre si ‘gjashtëminutësh’ brenda të cilit ata arrijnë sa t’i heqin ikonat kulturore nga institucionet nacionale, është thirrja e skajshme e një artisti rrezikun që i sjell kulturës kjo strukturë e instluar në Ministrinë e Kulturës”, thuhet në komunikatën e leshura të hënën për media nga LDK.

[Zero Cool]

Beogradi: S’ka takim Thaçi – Tadic






Nga Express më 19 shtator 2011 në ora 12:43
Kabineti i presidentit serb, Boris Tadic, ka hedhur poshtë shkrimin e së përditshmes kosovare "Zëri", se në margjinat e Asamblesë së Përgjithshme të Kombeve të Bashkuara, mund të ndodhë takimi i Tadicit me kryeministrin e Kosovës, Hashim Thaçi.

“As nuk është planifikuar, as nuk është e mundur, as nuk do të ketë takim ndërmjet Tadicit dhe Thaçit”, u është thënë mediave serbe nga kabineti i presidencës së Serbisë.

"Zëri" ka shkruar se “vizita e Thaçit në Nju Jork mund të ndihmojë në arritjen e marrëveshjes për largimin e barrikadave rrugore në veri të Kosovës".

Një marrëveshje e tillë, sipas gazetës, mund të arrihet pas takimit me Tadicin dhe nën ndërmjetësimin e përfaqësuesve të lartë të Bashkimit Evropian dhe të Shteteve të Bashkuara. (REL)

[Zero Cool]

Thaçi dhe Jahjaga takohen me Hillary Clinton



Gjatë një takimi të mëhershëm të kryeministrit Thaçi me sekretaren e jashtme të shtetit amerikan, Hillary Clinton.


Nga Express më 19 shtator 2011 në ora 13:02
Kryeministri i Republikës së Kosovë, Hashim Thaçi dhe Presidentja e Kosovës, Atifete Jahjaga pritet që sot të takohen në New York me sekretaren e jashtme të SHBA’ve, Hillary Clinton.

Sipas burimeve të Expressit, Thaçi dhe Jahjaga pritet që të diskutojnë gjendjen aktuale në veri të Kosovës, por edhe për probleme politike dhe aktuale në vend.

Takimi në mes të Thaçit dhe Jahjagës është në vazhdën e takimeve që kryeministri dhe presidentja janë duke i zhvilluar në sesionin e përvitshëm në asamblenë e Kombeve të Bashkuara.

Ndërkohë burime të Expressit kanë thënë po ashtu se nuk pritet që të këtë një takim në mes të kryeministri Thaçi dhe presidentit serb, Boris Tadic.

Këtë lajm e ka mohuar edhe kabineti i presidentit serb ku një media kosovare kishte shkruar se Tadic dhe Thaçi do të takohen në New York ku edhe do të mund të diskutohet për heqjen e bllokadave të serbëve në Veri të Kosovës.

[Zero Cool]

Ndihmohen me ushqime banorët e veriut



(Foto: Reuters)


Nga Express më 19 shtator 2011 në ora 13:11
Pas bllokadave të vendosura nga strukturat paralele serbe në vendet kyçe të qytetit të Mitrovicës, me çka janë krijuar probleme të mëdha për qarkullim për banorët që jetojnë në lagjet e veriut, sidomos për qytetarët shqiptarë, Komuna e Mitrovicës ka siguruar një kontingjent ushqimesh për ta.

Artikuj të ndryshëm ushqimorë janë ndarë për banorët e Kodrës së Minatorëve, por edhe për ata të Lagjes së Boshnjakëve.

Zyrtarët komunalë thonë se aktualisht problemet më të theksuara për lëvizje i kanë banorët e Kodrës së Minatorëve, meqë autobusi me të cilin kanë qarkulluar për në jug, prej 16 shtatorit nuk ka mundur të dal në këtë lagje.

Drejtori i Drejtorisë për Mbrojtje dhe Shpëtim, Behxhet Bala thotë se ka pasur kërkesa prej banorëve të atjeshëm për artikuj ushqimorë.

Ai tregon se nga drejtoria e tij për këta banorë janë siguruar rreth 60 pako ushqimore.

“Në një pako ushqimore për familjet që jetojnë në Kodrën e Minatorëve ka pasur miell, vaj, sheqer, krip etj”, ka thënë Bala.

Sipas tij, përveç banorëve të kësaj lagjeje, janë ndihmuar edhe banorët e Lagjes së Boshnjakëve.

Ndërkaq, drejtori i Drejtorisë për Integrime Evropiane dhe Mirëqenie Sociale, Kastriot Jashari tha se nga drejtoria e tij janë siguruar rreth 200 pako ushqimore për familjet që jetojnë në atë pjesë të qytetit.

“Kemi kërkuar një listë nga përfaqësuesit e lagjes dhe më pastaj kryefamiljarët kanë mundur të marrin ushqimet”, tha ai.

Jashari theksoi se me kontingjentet e ndihmave që ka siguruar komuna për qytetarët e veriut, të cilët kanë probleme me furnizim për shkak të bllokadave të vendosura në rrugë nga grupet ekstremiste serbe, janë ndihmuar qytetarët pa dallim të përkatësisë etnike.

“Pako ushqimore përveç shqiptarëve, kanë marrë edhe pjesëtarët e komunitetit boshnjak dhe serbë, që jetojnë në Lagjen e Boshnjakëve dhe zonave përreth ”, ka thënë Jashari.

Në anën tjetër, banorët falënderuan komunën për ndihmën e dhënë, duke thënë se banorët shqiptarë në këto lagje në përgjithësi jetojnë në gjendje të rëndë ekonomike dhe këto ndihma janë të mirëseardhura për ta.

[Zero Cool]

Selimi: MPB-ja jo reale ndaj situatës






Nga Express më 19 shtator 2011 në ora 10:06
(E plotësuar)Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës ka diskutuar të hënën në një mbledhje të saj për gjendjen në Mitrovicë, ku u vlerësua se gjendja në veri nuk është edhe aq e kënaqshme pas intervenimit të Qeverisë në atë pjesë të vendit, por thanë që është mirë t’i jepet ende kohë Qeverisë dhe mekanizmave të tjerë të përfshirë në atë aksion, që të japin rezultatet e tyre, ngase, sipas tyre, aksioni ende është duke u implementuar.

Kryetari i këtij Komisioni, Ahmet Isufi vlerësoi se komisioni që ai drejton, qysh në fillim e ka përkrahur nismën e Qeverisë për ta kthyer rendin dhe ligjin në atë pjesë të Kosovës, duke shtuar se kontributi i komisionit nuk do të mungojë në asnjë rast.

“Meqë kemi të bëjmë me një proces të ndjeshëm, sa i përket angazhimit të institucioneve të Kosovës në veriun e Kosovës, konsideroj se duhet të kemi një angazhim tonin si komision, në mënyrë që të vlerësojmë situatën dhe hapat që duhet t’i ndërmarrë Qeveria e Kosovës, në këtë rast Ministria e Punëve të Brendshme dhe institucionet ndërkombëtare për të pas një funksionim normal të jetës dhe të zbatimit të ligjit dhe rendit të veri të Kosovës. Si komision, ne që në start e kemi përkrah aksionin në veriun e Kosovës, në mënyrë që atje të zbatohet rendi dhe ligji, janë bërë veprime të cilat kanë pasuar me përkrahje të KFOR-it dhe EULEX-it, por konsiderojmë se do të ishte mirë që tani e tutje të bëhen edhe hapa të tjerë, të cilët mundësojnë lëvizjen e lirë të qytetarëve, duke i hequr barrikadat dhe ky është edhe obligim edhe i institucioneve të vendit dhe atyre ndërkombëtare, sepse bashkërisht kanë obligime para qytetarëve të Kosovës, por edhe para misioneve të tyre që kanë në Kosovë”, tha ai.

Për t’i dhënë hapësirë kohore këtij plani është pajtuar edhe një ndër anëtarët e këtij komisioni, Fatmir Xhelili, i cili tha se ende është herët te jepen vlerësime lidhur me zbatimin e tërësishëm të planit.

“Situata në veri është bukur e komplikuar dhe është situatë, në të cilën duhet me u marrë shumë segmente me të, gjithdimensionale, por edhe shumë faktor duhet të participojnë për mu ndryshuar situata në veri. Qeveria dhe shteti jonë nuk ka tentuar gjithherë me zgjedhë këtë problem, me metoda policore dhe me formën destructive. Plani i veprimit është duke u zhvillu dhe mendoj se duhet të presim kohë për m’i pa rezultatet e këtij plani të veprimit”, tha ai.

Ai ka shtuar se nuk ekziston vetëm në një qendër për vendimmarrje, por janë disa qendra të vendimmarrjes për ta zgjidhur problemin e veriut të Mitrovicës, prandaj edhe koordinimi me faktorët e përfshirë është i nevojshëm.

Vërejtje lidhur me shtrirjen e pushtetit të Qeverisë në veri të Mitrovicës dha Rexhep Selimi, anëtar i këtij komisioni nga Lëvizja Vetëvendosje, duke thënë se Qeveria nuk e ka vëzhguar nga afër gjendjen atje.

“Në veri nuk janë vetëm problemi i dy pikave kufitare, gjithsesi ky problem është shumë më i madh, është krucial, por atje ka edhe probleme të tjera, atje është një vijë shumë e gjatë gjeografike ndërshtetëror total i pambuluar, atje është 1/5 e territorit jashtë kontrollit të institucioneve të Kosovës, atje ka edhe 4 mijë banorë, përveç banorëve rezidentë serbë, ka edhe 4 mijë banorë të cilët po vazhdojnë të jenë të kërcënuar, të shantazhuar, të rrezikuar për jetët e tyre”, tha ai.

Selimi nuk la pa kritikuar edhe Ministrinë e Punëve të Brendshme, duke thënë nuk po paraqitet gjendja reali siç është në veri.

“Gjendja në terren është edhe më alarmante, për aq sa paraqitet në raportet e Ministrisë së Punëve të Brendshme”, tha ai.

Në fund të diskutimit rreth veriut u dhanë edhe disa rekomandime për Qeverinë e Kosovës lidhur me planin për veriun, duke ia bërë me dije se Komisioni Parlamentar për Punë të Brendshme, Siguri, jep mbështetje për planin dhe vendosjen e institucioneve në veri dhe rekomanduan që barrikadat të hiqen nga veriu, si dhe të instalohen të gjithë mekanizmat institucional në veri të Republikës së Kosovës. (Kosovapress)

Krasniqi: Kosova të bllokoj hyrjen e mallrave serbe

Lejimi i hyrjes së mallrave serbe në Kosovë pas marrëveshjes për vulat, ka nxitur reagime në Prishtinë për shkak se kjo marrëveshje po realizohet njëanshëm, pasi Serbia po i kthen mbrapsht kamionët më mall nga Kosova.

Si pasoj e kësaj zyrtarët qeveritarë kanë thënë se rreciprociteti mund të kthehet nëse vazhdon kjo bllokadë, transmeton Indeksonline.

Për këtë qeveria ka marr përkrahje edhe nga Kryeparlametnari Jakup Krasniqi, i cili ka thënë se Kosova duhet të përdorë masa edhe më të rrepta për të ndalur hyrjen e mallrave serbe.

“Qeveria ka bërë mirë që ka treguar vullnetin e saj për të në bazë të marrëveshjes për hyrjen e mallrave serbe, por nëse Serbia vazhdon me bllokimin e mallrave të Kosovës atëherë varet prej Qeverisë të vendos ndoshta masa më të rrepta të reciprocitetit”, ka thënë Krasniqi.

Protestojnë duke bërë zhurmë me sirena

Një numër i punëtorëve të kompanisë “Kosmet Prevoz” në veri të Mitrovicës, kanë defiluar të hënën me autobusët e kësaj kompanie nga qendra e pjesës veriore të Mitrovicës, e deri në afërsi të fshatit Suhodoll.

Gjatë gjithë kohës vozitësit e autobusëve u kanë rënë sirenave, duke protestuar në këtë mënyrë kundër shtrirjes së pushtetit të Republikës së Kosovës në mbarë territorin e saj.

Protestat e kompanive serbe, si dhe të institucioneve tjera në veri, janë duke u bërë në bazë të orarit që kanë caktuar strukturat paralele të Serbisë.

Sot nuk kthehet reciprociteti

Kamionët me mallra serbe do të vazhdojnë të hyjnë edhe më tej në territorin e Republikës së Kosovës pa i penguar askush. Qeveria e Kosovës nuk do ta kthejë masën e reciprocitetit as sot, megjithatë kjo mund të ndodhë gjatë ditëve në vijim nëse Qeveria e Serbisë vazhdon të mos i njoh vulat doganore të Kosovës.

Zëvendëskryeministrja, njëherësh ministre e Tregtisë dhe Industrisë, Mimoza Kusari Lila ka konfirmuar për Telegrafin se Qeveria e Kosovës nuk do ta rikthejë reciprocitetit për mallrat serbe as sot.

Sipas saj nëse Qeveria e Serbisë vazhdon të mos i njoh vulat doganore të Kosovës, reciprociteti do të jetë çështje ditësh.

“Masa e reciprocitetit nuk do të kthehet sot, por nëse autoritetet serbe nuk i pranojnë vulat është çështje e ditëve kur kthehen masat prapë”, theksoj Kusari Lila.

Ndryshe, pas arritjes së marrëveshjes në Bruksel ndërmjet Prishtinës dhe Beogradit, qeveria e Kosovë s ka hequr masën e reciprociteti që nga e premtja. Vetëm brenda tre ditësh rreth 50 maune me mallra serbe kanë hyrë në territorin e Kosovës, ndërkaq asnjë me mallra kosovare nuk ka mundur të hyjë në Serbi.

Rrethohet Çabra

KFOR-i po vazhdon me kontrolle të detajuara në shumë pjesë në veri të Kosovës. Makina dhe njerëz po kontrollohen vazhdimisht nga ushtarakët e KFOR-it.

Madje në mëngjes kanë arritur të largojnë një numër të madh të serbëve nga fshati i banuar me shqiptar, Cabër.

Shqiptarët nuk kanë arritur të largohen nga shtëpitë për në shkolla apo në vendet e tyre të punës. Makinat dhe njerëzit po kontrollohen nga Mitrovica në drejtim të Zubin Potokut.

[Zero Cool]

Mitrovicë, serbë të armatosur në zonë





Zyrtarë të Komunës së Mitrovicës kanë informacione se në veri lëvizin lirshëm serbë të armatosur, të cilët po përhapin shqetësim mes njerëzve.

Sipas Telegraf, përfaqësuesit e strukturave politike dhe atyre të sigurisë në Mitrovicë në takimin e Komitetit lokal për vlerësimin e sigurisë publike vlerësuan se gjendja në veri vazhdon të jetë e qetë, por shumë e tensionuar. Në këtë takim u theksua problemi i banorëve, sidomos atyre joserbë që kanë mbetur të izoluar.

Nënkryetari i Komunës së Mitrovicës, Riza Haziri kërkoi nga strukturat e sigurisë që sa më shpejt të marrin masa për hapjen e rrugëve dhe eliminimin e barrikadave që janë vendosur në rrugët kryesore të veriut. “Nuk duhet lejuar një grup ekstremistësh që të sfidojnë në mënyrë kaq të rëndë rendin dhe ligjin”.

Policia e Kosovës me mbështetje të EULEX-it dhe KFOR-it është fokusuar në shtimin e masave të sigurisë në lagjet me popullatë të përzier në lagjet dhe fshatrat e veriut”.

Rreziku për tension në veri, i pranishëm

Policia e Kosovës e konsideron të qetë situatën në veri, megjithatë vlerëson se rreziku për tension është i pranishëm.

Zëdhënësi Policisë së Kosovës për rajonin e Mitrovicës, Besim Hoti tha për Radio Kosovën se të hënën nuk është shënuar asnjë incident, ndërsa Policia bashkë me EULEX-in dhe KFOR-in e ka situatën nën kontroll.

Edhe një zëdhënës i forcës paqeruajtëse në Kosovë, Ralf Adamec tha se gjendja me gjithë tensionet mbetet e qetë.

“Ne nuk do të tregojmë agresivitet dhe do t’u japim kohë negociatave që do t’i zhvillojnë përfaqësuesit politikë dhe ne shpresojmë që ata po e bëjnë një gjë të tillë”, thotë zëdhënësi i KFOR-it.

Njerëzit që po qëndrojnë pranë barrikadave nëpër rrugë dhe po protestojnë kanë qenë paqësorë, ka thënë Adamec, ndaj, kjo sipas tij nënkupton që duhet t’i jepet kohë politikës që të zgjidhë këtë problem.

PDIU: Mbështesim operacionin në veri

Partia Drejtësi, Integrim dhe Unitet me anë të një deklaratë publikuar të hënën mbështet vendosjen e sovranitetit të shtetit të Kosovës në veri të vendit.

PDIU e konsideron si arritje të jashtëzakonshme vendosjen e policëve dhe doganierëve të Kosovës në pikat kufitare në veri për dy arsye të rëndësishme.

"Ky veprim është bërë në koordinim me praninë e bashkësisë perëndimore, të vendosur në Kosovë, KFOR dhe EULEX. Bashkëveprimi në çdo hap me praninë ndërkombëtare e përforcon aleancën e popullit të Kosovës me Perëndimin, diçka që është element thelbësor për zhvillimin e Kosovës dhe pranimin e saj përfundimtar në bashkësinë e shteteve", thuhet në deklaratë.

Serbët, të vendosur

Serbët e veriut të Kosovës duket se janë të vendosur që të mos lëvizin as një centimeter nga barrikadat që kanë bllokuar të gjitha rrugët që të çojnë në veri.

Agjencitë e lajmeve kanë raportuar se KFOR-i gjerman tashmë është duke u angazhuar që të sjellë në Kosovë dy autoblinda të cilët janë të specializuar për heqjen e barrikadave nga rrugët. Mirëpo ky lajm ende nuk është konfirmuar.

Shefi i delegacionit serb në bisedimet, Borko Stefanovic, i cili po viziton shpesh veriun këto ditë, citohet të ketë deklaruar se dialogu është mënyra e vetme që të zgjidhet kriza.

“Kërkojmë mundësinë që sa më parë të përgjigjet ndaj kërkesës sonë për të diskutuar rreth pikave kalimtare në Jarinjë dhe Bërnjak”, ka thënë ai.

Ndërkohë, kryenegociatorja kosovare në bisedime, Edita Tahiri e ka quajtur “politikë don-kishoteske” atë që bën homologu i saj serb, Borko Stefanovic.

Në anën tjetër, sekretari shtetëror për Kosovën në qeverinë e Serbisë, Oliver Ivanovic ka deklaruar se Beogradi nuk guxon dhe nuk mund të jetë për politikën deri në Ibër dhe prej Ibrit, por të jetë consistent në tërë territorin e Kosovës.

Ivanovic është shprehur i habitur se pse janë aq pasivë serbët që jetojnë në jug të Kosovës. Sipas tij, është shumë e rëndësishme që ata qartë dhe zëshëm të deklarohen dhe të tregojnë se çka mendojnë.

Teksa edhe gjatë së dielës në veri ka qendruar ministri serb për Kosovën Goran Bogdanovic, të tilla vizita janë ilegale për Ministrin e Brendshëm, Bajram Rexhepi dhe mund të cojnë deri në arrestime.

“Personat që hyjnë nëpërmjet rrugëve ilegalë janë ilegalë në Kosovë. Ne nuk kemi lëshuar urdhërarrest, por nëse takohemi me ta, mund të arrestohen. Nuk kemi synim të posacëm që të shkojmë t’i arrestojmë për ua kemi bërë me dije që kanë hyrë në mënyrë ilegale dhe mund të jenë objekt i arrestimit”, deklaron ministri Rexhepi.

Megjithëse situata e sigurisë gjatë ditës së diel ishte e qetë, gjatë gjithë kohës monitorimi i situatës bëhej nga helikopterët e KFOR-it. Po kështu forcat e sigurisë shiheshin në çdo cep të Mitrovicës.

[Zero Cool]

Shkolla e priftërinjve serbë, sërish në Prizren!


Në Prizren sot ka rinisur punën shkolla e priftërinjve ortodoksë, “Shën Qirili edhe Metodi”.





19 shtator 2011
Dita e parë nisi me regjistrimin e gjeneratës së parë të priftërinjve të ardhshëm! Të pranishëm në hapje ishin edhe Teodosije - peshkopi i dioqezës serbe Rashkë-Prizren - profesorët, nxënësit dhe prindërit e tyre, raporton “KiM”, sipas të cilës “tash aty janë krijuar kushtet për punë dhe për banim”.

“Shën Qirili dhe Metodi” ka ndërprerë në Prizren punën më 1999, ndërsa në protestat e marsit 2004 objekti ishte djegur. Selia e shkollës deri tash ka qenë në Nish të Serbisë

[Zero Cool]

Komuna po realizon me përpikëri planin e Qeverisë për riatdhesim


Komuna është duke realizuar me përpikëri Strategjinë dhe Planin e veprimit të Qeverisë për personat e riatdhesuar






18 shtator 2011
Ekonomisti
Në një komunikatë për media thuhet se Komuna e Prishtinës ka qenë shumë azhure sa i përket implementimit të procesit të Ri-integrimit të personave të riatdhesuar. Me qëllim të zbatimit sa më të mirë të Strategjisë së Qeverisë dhe Planit të veprimit të Qeverisë për personat e riatdhesuar si proces me rëndësi nacionale, ajo ka angazhuar të gjitha kapacitetet e veta profesionale dhe teknike.

Ka qenë shumë efikas bashkëpunimi me Zyrën Komunale për Kthim,Komunitete dhe Rr-integrim (ZKKK ). “Zyra Komunale për Kthim, Komunitete dhe Ri-integrim në Komunë funksionon edhe pse me staf jo të mjaftueshëm dhe bënë vizita të rregullta te personat e riatdhesuar, po ashtu në objektin e Komunës ka broshura dhe informacione të mjaftueshme sa i përket ZKKK dhe shërbimeve që ajo ofron”, thuhet në komunikatë.

Sipas komunikatës në Komunën e Prishtinës janë lajmëruar dhe Ri-integruar në vitin 2011, gjithsej 10 familje me 43 anëtarë dhe 4 persona pa familje.
“Ne si Komunë kemi qenë azhur karshi kërkesave të personave të riatdhesuar ku në dispozicion është fondi në MPB dhe se çdo kërkesë e këtyre personave përmes Komunës i drejtohet Bordit të Ministrisë për shqyrtimin e kërkesave”, thuhet në komunikatë.
Nga këto kërkesa 8 janë aprovuar, 6 janë në shqyrtim dhe 1 na është refuzuar dhe është kthyer prapë në rishqyrtim. Po ashtu Komuna i ka zbatuar me përpikëri Udhëzimet Administrative, sa i përket lehtësimit të qasjes në shërbime si paisja me dokumentacion(gjendja civile), regjistrimit nëpër Shkolla po ashtu qasja e tyre në Shërbimet Mjekësore dhe Sociale , ku deri me tani se kemi patur asnjë ankesë .
ZKKK dhe Ri-integrim ka kryer edhe punën e vet sa i përket të kthyerve fjala për Komunitete tjera që jetojnë në Komunën e Prishtinës. Kthimet 2010/2011 janë të regjistruara 5 familje ashkali me 27 anëtarë por vlen të theksohet angazhimi ZKKK rreth Komunitetit pakice në përgjithësi të cilët janë kthyer edhe me herët. Po ashtu rol të rëndësishëm ka pasur e Komitetit për Komunitete duke ju mundësuar pjesëtareve të Komuniteteve dhe lehtësuar qasjen në shërbimet si pajisje me dokumentacion personal,familjar dhe pronësor.
Po ashtu përmes projekteve të ndryshme nga organizata si IOM,UNHCR,KAAD janë realizuar takime të ndryshme me lider dhe banore të komuniteteve dhe në baze të kërkesave të tyre janë realizuar edhe shumë projekte duke filluar nga ndriçimi i rrugëve, linjat e autobusëve, kanalizimi në fshatin Bernice, asfaltimi rrugës Bardhosh –Bernice e poshtme ,si dhe shume projekte tjera ne fshatrat ku janë te koncentruar komunitete pakice si Bardhosh , Lebane, Slivove si dhe lagjet Dodona.

Zyra Komunale për Integrime Evropiane ndërkaq punën e saj e bazon kryesisht në veprimet që dalin nga Plani i Veprimit për Partneritet Evropian ( PVPE) dhe kujdeset për zbatimin e këtij plani në Komunë .
Këtë vite me miratimin e PVPE-se në Mars 2011 ka filluar përmbushja e veprimeve me qëllim që të kemi një raport të progresit sa më të mirë, që nga Funksionalizimi i zyrave si ajo e njësisë për të drejtat e njeriut dhe barazi gjinore , zyra për Integrime Evropiane dhe ZKKK dhe Ri-integrim.
Përdorimi i dygjuhësisë po ashtu me miratimin e Rregullores ,
Trajnimi i stafit në fusha të ndryshme sidomos për procesin e Ri-integrimit dhe Trajnime nga IKAP.
Pjesëmarrja aktive e Drejtorive në Planifikimin e Buxhetit ,
Sa i përket përmirësimit të shërbimeve të Administrative – themelimi i 4 qendrave të regjistrimit civil të cilat funksionojnë dhe janë të lidhura me Internet dhe Intranet. Pjesëmarrja e publikut në proceset e vendimmarrjes veqanarishtë në planifikim e buxhetit -5 dëgjime buxhetore me qytetar me pjesëmarrje të kënaqshme ,
Rekomandimet e dhëna nga Auditori Gjeneral janë në proces të implementimit ,
Fillimi i regjistrimit on-line të bizneseve dhe krijimi i kushteve më të mira për biznes përmes themelimit të one-stop-shop ( Projekt i financuar nga ECLO dhe implementuar nga BSCK dhe Kuvendi Komunal),
Mbrojtja e të dhënave personale të shërbyesve civil ,
Transparenca sa i përket shërbimeve që ofron Zyra e Prokurimit duke filluar çdo akt prokurimi me vlerë të madhe , të mesme dhe të vogël në ueb-faqen e KRPP-së,
Gatishmëria e Komunës për bartje të kompetencave me Ministritë e Linjës,
Bashkëpunimi me OJQ-të lokale
Caktimi i Vend-gjuetie ( Vendimi me Nr. 01-324-1147 dt. 27.05.2011),
Gatishmëria për bashkëpunim të vazhdueshëm me AVUK-un,
Planet Rregullative në vete përmbajnë VNM-në,
Bashkëpunimi i Drejtorisë për Urbanizëm me Ministrinë e Mjedisit sa i përket vendbanimeve joformale.
Pas miratimit të Ligjit për PPP Komuna e ka bërë shpalljen për tri garazhe nëntokësore dhe është në fazën e dytë të tenderimit,
Sa i përket efiqiencës së energjisë elektrike Drejtoria e Shërbimeve Publike ka bërë zëvendësimin e 1000 trupave ndriçuese që kanë shpenzuar 400 ëat me ata që shpenzojnë 90 ëat,
Qasja në shërbimet sociale si dhe qendrat e mjekësisë familjare bëhen njëjtë për të gjithë qytetarët pa kurrfarë diskriminimi ( po ashtu në hartim e sipër Projekti me DFID-në për decentralizimin e të gjitha shërbimeve sociale) ,
Të gjitha shërbimet Komunale ofrohen në bazë të Statusit të Komunës dhe Rregullores Komunale për përdorimin e gjuhëve ( 12.02.2011 me Nr. 01-110-286) Rregullore në bazë të Ligjit për përdorimin e gjuhëve zyrtare .
“Po ashtu Zyra Komunale për Integrime Evropiane ka përgjegjësin për përgatitjen e projekteve që kanë financim nga Zyra Ndërlidhëse e Komisionit Evropian në Kosovë, me një bashkëpunim të ngushtë me Agjencinë Rajonal për Zhvillim ,GIZ-në ( Gjermane ) , ku është organizuar edhe numër i madhe i trajnimeve”, përfundon komunikata.

[e-uritura]

Nuk e di pse nuk egziston mundesia me e ndreq kete punen e Veriut te Kosoves ne njefare menyre me kompjuter.
Nuk keni ide sa atdhetare jem na. Veq nuk po na ipet shanca, se kerrdi kishim bo. Kund shka nuk kishim lane! Nuk kish guxu njeri i gjalle me na i shkel te drejtat tona. As me n`a hy n shpi, e me shku na ne pune me helikopter, edhe me u fry se na i kem pikat kufitare nen kontroll, kur nuk guxon me i largu gurt prej rruges tane. Rruges qe ka qene e jotja..

[Zero Cool]

LDK: Qeveria rrezikon trashëgiminë kulturore


Qeveria e PDK-së po e shfaq haptas tendencën që Kosovën ta zhveshë nga kujtesa historike dhe nga trashëgimia e saj kulturore.






19 shtator 2011
Kështu ka vlerësuar Ekipi i Ekspertëve të Kulturës i Lidhjes Demokratike të Kosovës, të cilët, përmes një komunikate për medie, kanë akuzuar sërish Ministrinë e Kulturës, për zhveshje nga trashëgimia kulturore.

“Pasi krijoi komisione politike në MASHT për zhveshjen nga kujtesa historike, tash ekipi i PDK-së në MKRS po këmbëngul që Kosovën ta zhveshë edhe nga trashëgimia e saj kulturore. Duke shmangur trajtimin institucional të trashëgimisë kulturore, me një Këshill Nacional për Trashëgiminë, gjysmak në numër dhe jofunksional në ushtrimin e përgjegjësive, si dhe pa një strategji institucionale për evidentimin, ruajtjen dhe konservimin e trashëgimisë kulturore, Ministria po e dëmton rëndë historinë kulturore të vendit”, thuhet në komunikatë.

Sipas partisë më të madhe opozitare në vend, kjo ministri, madje, ka pranuar botërisht se jo vetëm që nuk di të hartojë politika nacionale për ruajtjen, mbrojtjen dhe prezantimin e trashëgimisë kulturore të Kosovës, “por nuk e di as sa objekte të trashëgimisë kulturore të Kosovës duhet mbrojtur me ligj dhe për cilat duhet kujdesur shteti”.

LDK-ja, përmes kësaj komunikate, dëshiron të tërheq vëmendjen e elitave kulturore se mungesa e një vizioni për mbrojtjen e trashëgimisë kulturore, krahas nënshtrimit të turpshëm për historinë nacionale, përbën aktin e dytë të qeverisë Thaçi për heqjen e qëllimshme dorë nga tradita kulturore dhe nga kujtesa e saj historike.

“Identifikimi që shkrimtari Ismail Kadare u bën rrënuesve të traditës kulturore si “rimohues të shqiptarizmës” dhe kohës së tyre si “gjashtëminutësh” brenda të cilit ata arrijnë sa t’i heqin ikonat kulturore nga institucionet nacionale, është thirrja e skajshme e një artisti rrezikun që i sjell kulturës kjo strukturë e instluar në Minsitrinë e Kulturës”, thuhet mes tjerash në komunikatë.