Lajme Aktuale....

[Llapjani_HH]

Ngriten pensionet dhe pagat e punëtorëve të adiministratës publike

Qeveria e Kosovës vendosi sot që të rris pagat për punonjësit e administratës publike për 10 përqind dhe ngritjen e pensioneve deri në 12 përqind. Kryeministri Hashim Thaçi tha se ngritja është në përputhje me ngritjen e përgjithshme ekonomike në vend dhe zbatimi i saj pritet të fillojë në pagat e muajit janar.
Mijëra të punësuarit në administratën publike prej këtij muaji do të kenë paga për 10 përqind më të larta. Vendimi është marrë në mbledhjen e sotme të qeverisë dhe kryeministri Hashim Thaçi e vlerësoi të rëndësishme.
Ngritja e pagave në sektorin publik është deklaruar nga qeveria Thaçi si njëri ndër prioritetet kryesore. Gjatë vitit të kaluar janë rritur pagat e punonjësve të arsimit por megjithë ngritjet paga mesatare në administratën publike konsiderohet e ultë. Po sot qeveria vendosi që të ngris edhe pensionet. Varësisht nga kategoria ngritja do arrijë deri në 12 përqind. Qeveria miratoi sot edhe rregulloren për organizimin e punës në Sekretariatin e Këshillit të Sigurisë së Kosovës dhe disa projektligje, si dhe vendosi që të ndajë edhe 100 mijë euro për ndërtimin e shtëpive në lagjen “Kroi i Vitakut” në veri të Kosovës.
RTK


Banorët e Lagjes së Boshnjakëve kërkojnë zgjidhje për veriun

“Pasi që ju nuk po na ruani, erdhëm ne që t’ju ruajmë”, “Kthim të banorëve në veri”, “Ndaloni strukturat paralele kriminale”, janë disa nga parullat me të cilat banorët e Lagjes së Boshnjakëve protestuan para Qeverisë së Kosovës. Banorët e Lagjes së Boshnjakëve kanë kërkuar nga institucionet e Kosovës që sa më shpejt të dalin me një zgjidhje për veri dhe t’i plotësojnë kërkesat e tyre.
Fevzi Beqiri, përfaqësues i “Lagjes së Boshnjakëve”, ka thënë se kemi ardhur të protestojmë para qeverisë për shkak të gjendjes së tmerrshme prej pas luftës. Ai tha se protestuesit kanë bërë me dije se do të ndalojnë kujdestaritë, por nëse ndodh ndonjë dhunë, djegie, apo vrasje, atëherë përgjegjësia do të bie mbi Qeverinë e Kosovës dhe autoritetet ndërkombëtare në Kosovë. Beqiri tha se është kërkuar nga institucionet që sa më shpejt të dalin me një zgjidhje për veri dhe t’i plotësojnë kërkesat e tyre dhe të mos heshtin sikurse kanë heshtur që nëntë vjet që prej pasluftës.
RTK


Prishtine, pjesëtarët e TMK-së sot në ditën e dytë të protestave

PRISHTINE- Mbi 200 ish-pjesëtarë të Trupave Mbrojtëse të Kosovës protestuan sërish sot para ndërtesës së Qeverisë në Prishtinë. Ata kërkojnë ngritjen e një komisioni që të rishqyrtojnë vendimin për mospranimin e tyre në Forcën e Sigurisë.

Protestuesit kërkuan takim me kryeministrin Hashim Thaci dhe kërcënojnë se nëse nuk do të ketë ndonjë zgjidhje për ta atëherë "brenda 24 orëve do të shkatërrojnë gjithë atë që kanë dhuruar për 20 vjet për ndërtimin e shtetit".
Ish-pjesëtarët e TMK`së u bënë thirrje zyrtarët të Ministrisë së Forcës së Sigurisë, që të mos e vazhdojnë rekrutimin pjesëtarëve të rinj, pa u zgjidhur problemi i tyre.

Aktualisht një delegacion prej 6 anëtarësh përfaqësues të protestuesve po bisedojnë me kryetarin e Komisionit për Siguri në Kuvendin e Kosovës, Rrustem Mustafa.

Incidentet po shoqërojnë fillimin zyrtar të punës së Forcës së Sigurisë në Kosovë më 21 janar 2009.

Mbi 100 pjesëtarë të ish-Trupave Mbrojtëse të Kosovës që u pasuan nga Forca e Sigurisë protestuan të enjten, 22 janar, në Prishtinë në shenjë pakënaqësie me mospërfshirjen e tyre në FSK dhe mënyrën e përzgjedhjes së pjesëtarëve të kësaj force. Forca e Sigurisë e Kosovës do të numërojë 2500 pjesëtarë, do të përfshijë rreth 1000 ish pjesëtarë të TMK-së.

Po në mbrëmjen e së enjtes një shpërthim i fuqishëm dëmtoi kazermën e FSK-së në Pejë. Sipas policisë së Kosovës
Mjeti shpërthyes dyshohet të jetë predhë ose mortajë dore. Një grup hetimor po mbledh provat për të zbuluar autorët e kësaj ngjarjeje.
BalkanWeb


Kosovë, shpërthim në kazermën e FSK-së në Pejë

• Shpërthimi ndodhi nje ditë pas fillimit zyrtar të punës së FSK-së në Kosovë. Mësohet se nuk ka të lënduar por dëmet materiale konsiderohen të jenë të mëdha. Autoritetet e policisë kanë bllokuar zonën ku gjendet kazerma e Forcës së Sigurisë dhe kanë filluar hetimet.


PEJE- Një shpërthim i fuqishëm ndodhi mbrëmë në kazermën ku janë vendosur Forcat e Sigurisë së Kosovës, në Pejë, në perëndim të kryeqytetit të Prishtinës.

Policia thotë se nuk ka të lënduar por dëmet materiale konsiderohen të jenë të mëdha. Ende nuk ka të dhëna mbi motivet e kësaj ngjarjeje, të dyshuar apo të arrestuar për këtë akt kriminal

Zëdhënësi i Policisë së Kosovës për rajonin e Pejës Avni Gjevukaj tha për Kohavisionin se policia është në vendin e ngjarjes dhe është duke i vazhduar hetimet.
Autoritetet e policisë kanë bllokuar zonën ku gjendet kazerma e Forcës së Sigurisë dhe kanë filluar hetimet.

Sulmi ndodhi një ditë pasi Forcat e Sigurisë së Kosovës morën zyrtarisht punën duke zëvendësuar mbi 3000 trupa të TMK-së

Ende nuk është e qartë se kush mund të jetë pas sulmit. Serbia- e cila nuk njeh pavarësinë e Kosovës dhe insiston që ajo të jetë pjesë e saj- ka deklaruar se do të dërgonte një notë proteste në Organizatën e Kombeve të Bashkuara kundër krijimit të FSK-së.
Sipas Beogradit FSK paraqet rrezik për stabilitetin në tërë Ballkanin Perëndimor.

Krijimi i FSK-së ka lënë të pakënaqyr edhe disa nga ish anëtarë të TMK-së. Të enjten dhjetëra ish anëtarë të TMK-së protestuan pasi mbetën jashtë FSK-së.

Komandat Lejtant Gjeneral Sulejman Selimi, një ish ushtar i UCK-së ka thënë se FSK do të përbëhet nga 2500 trupa me armatim të lehtë, të cilët do të ruajnë sigurinë në Kosovë nën mbikëqyrjen e 15 mijë trupave paqëruajtëse të NATO-s.
BalkanWeb

[Llapjani_HH]

Haradinaj: Të dyfishohet numri i pjesëtarëve të FSK-së

Kryetari i AAK-së, Ramush Haradinaj, shprehu të premten pakënaqësinë me mossistemimin e ish-anëtarëve të UÇK-së e TMK-së në Forcën e Sigurisë së Kosovës (FSK).

Sikur raporton KosovaLive, Haradinaj gjatë një vizite në Gjilan, tha se institucionet e Kosovës është dashur të insistojnë që numri i pjesëtarëve të FSK-së të rritet në 5 mijë sish, pasi sipas tij, numri aktual është i vogël.

Sipas kreut të AAK-së, numri prej 2 500 pjesëtarësh mjafton për fillim, por më pas Kosova duhet t’i fillojë bisedimet me NATO-n dhe partnerët e tjerë për të dyfishuar këtë numër.

Ai tha se në dinamikën e sigurisë, nëse në Kosova ka mbi 15 mijë ushtarë të KFOR-it, kjo është një tregues se Kosova ka nevojë për numër më të madh të pjesëtarëve të FSK-së.

Haradinaj i konsideron si shumë të ligjshme shqetësimet e ish-anëtarëve të TMK-së, të cilët nuk janë përfshirë në forcën e re, ndërsa kërkoi që zgjedhja e problemit të tyre të bëhet përmes institucioneve. Ai me këtë rast kritikoi kryeministrin Thaçi dhe ministrin e FSK-së, Mujota se “po merren vesh me telefon se kënd ta sistemojnë e kënd jo në FSK”.

Duke e komentuar sulmin me granatë kundër kazermës së FSK-së në Pejë, Haradinaj tha se mungojnë ende informatat zyrtare se çka ka ndodhur vërtet mbrëmë atje. Por ai theksoi se nuk mund të ketë motiv që e legjitimon dëmtimin e rendit dhe ligjit, jetike për Kosovën.
Gazeta Express


LIB: Bisedimet e mundshme në ndërmjet Kosovës dhe Serbisë nuk janë teknike

Bisedimet e mundshme në ndërmjet Kosovës dhe Serbisë nuk janë bisedime teknike, por kanë prapavijë politike. Kështu ka vlerësuar Lëvizja për Integrim dhe Bashkim. Sipas kryetarit të këtij subjekti politik, Smail Latifi, këto bisedime zhvillohen për vënien në funksion të planit 6- pikësh të sekretarit Ban Ki moon. Kjo lëvizje gjithashtu ka paraqitur pikëpamjet e saj sa i përket shpërbërjes së TMK-së dhe formimit të FSK-së. Sipas LIB-it përzgjedhja e pjesëtarëve të Forcës së Sigurisë ka qenë e padrejtë dhe dëshpëruese për ish-pjesëtarët e TMK-së, sepse janë mohuar vlerat e krijuara me sakrifica në luftën çlirimtare.
KTV

[Llapjani_HH]

Sërish shpërthime në veri të Mitrovicës, por pa pasoja në njerëz

Dy shpërthime kanë ndodhur mbrëmë në veri të Mitrovicës afër ndërtesave të tre rrokaqiejve. Nga këto shpërthime nuk ka pasur të lënduar, por janë shkaktuar dëme materiale. Policia e Kosovës njofton se njësitë e saj kanë bërë sigurimin e vendit të ngjarjes, ndërsa teknikët e kriminalistikës kanë filluar menjëherë me procedimin e ekzaminimit të vendit të incidentit. Sipas policisë, shpërthimi i parë ka ndodhur rreth orës 20:00, ndërsa i dyti rreth orës 21:00. Të dy shpërthimet kanë ndodhur prapa ndërtesës së mesme të tre rrokaqiejve në distancë prej afro 5 metrash larg ndërtesës. Policia është duke zhvilluar hetime intensive për t’i zbuluar shkaqet, motivet dhe të dyshuarit e mundshëm të këtij akti kriminal, ndërsa në vend të ngjarjes janë dërguar njësitë policore në përbërje multietnike për t’iu përgjigjur shqetësimeve të banorëve.
KTV


Kosova nuk do të jetë në fokus të bashkësisë ndërkombëtare

Për një periudhë afatshkurtër, Kosova nuk do të jetë në fokus në bashkësisë ndërkombëtare, ka vlerësuar analisti amerikan John Zavales. Sipas tij, konflikti në Gazë dhe kriza globale ekonomike do të ndikojnë që Kosova të mos jetë në fokus të ndërkombëtarëve.

"Në këtë moment, madje edhe në vetë Ballkan, kujdes i madh do t’i kushtohet kontestit mes Athinës dhe Shkupit - rreth emrin zyrtar të Maqedonisë - sesa Kosovës. Të dyja palët në Kosovë, shqiptare dhe ajo serbe, do të përpiqen të ruajnë gjendjen e tanishme pa tronditje të mëtutjeshme”, ka thënë Zavales në një intervistë për “Zërin e Amerikës”.

"Nga këndvështrimi i shqiptarëve të Kosovës, ata në thelb kanë realizuar shumicën e dëshirave të tyre, ndërsa pavarësinë e Kosovës e kanë njohur më shumë se 50 shtete”, ka thënë ai.

Zavales ka thënë po ashtu se shqiptarët do të vazhdojnë të kërkojnë të drejtën formale për tërë territorin e Kosovës, ndërsa Beogradi do të vazhdojë t’i përmbahet refuzimit për ta njohur pavarësinë e Kosovës dhe do të vazhdojë të ruajë lidhjet e posaçme me bashkësinë serbe në Kosovë.

"E gjithë kjo paralajmëron lëvizjen drejt një lloj të ndarjes së qetë dhe joformale të Kosovës. Me afrimin e Serbisë drejt Bashkimit Evropian, statusi formal i pjesës veriore të Kosovës dhe enklavave, do të mund të bëhej më pak relevant, derisa Beogradi do të vazhdojë të mbështesë status-quo-në dhe marrëdhëniet e tanishme me pjesën veriore të Kosovës dhe enklavat”, ka vlerësuar Zavales.
Telegrafi


Qeveria e Kosovës reagon ndaj kritikave për Agjencinë e Inteligjencës

Qeveria e Kosovës i ka quajtur joserioze kritikat e opozitës për vonesat në themelimin e Agjensisë së Intelegjencës dhe të Këshillit të Sigurisë së Kosovës. Zëdhënësi i qeverisë Memli Krasniqi tha se kryeministri Thaçi është treguar i kujdesshëm në themelimin e këtyre dy agjensive, me qëllimin që në krye të tyre të emërohen profesionistë.

"Vendimi i Qeverisë së Kosovës dhe në radhë të parë i kryeministrit Hashim Thaçi dhe i Presidentit të vendit, të cilët janë të thirrur dhe kanë kompetenca ekskluzive Kushtetuese për të bërë emërimin e udhëheqësve të Agjencisë së Inteligjencës ka qenë që të themelohet një agjenci profesionale, një agjenci me njerëz adekuat siç kërkohet me ligj dhe jo të ngutemi dhe të bëjmë një agjenci kaq të rëndësishme dhe ta bëjmë dosido", tha Memli Krasniqi, Zëdhënës i Qeverisë së Kosovës.

Partia Social Demokrate e ish kryeministri Agim Çeku ka kërkuar që të këto dy struktura të sigurisë së Kosovës të mos politizohen. "Institucionet e Kosovës duhet të kenë prioritet ndërtimin e sektorit të Sigurisë dhe të mos tentojnë në asnjë formë politizimin e tij. Sa më shpejtë të zgjedhën drejtuesit e agjencisë së inteligjencës dhe të kompletojnë sa më shpejt të gjithë fushën e sigurisë", tha Gëzim Kasapolli zëdhënës i PSD-së.

Megjithë presionin e opozitës, qeveria nuk ka bërë të ditur ende datën e themelimit të Agjencisë së Intelegjncës dhe të Këshillit të Sigurisë, institucione këto që pritet të marrin në dorë sigurinë e Kosovës.
ALSAT


Thellohen përplasjet mes kryeministrit Thaçi dhe kreut të AAK, Haradinaj

Thellohen përplasjet mes kryeministrit Thaçi dhe kreut të AAK-së Haradinaj. Ky i fundit gjatë vizitës në Mitrovicë tha se ndjen keqardhje për gjendjen e rëndë të sigurisë në Kosovë, një ditë pasi kryeminsitri u shpreh se ndjen keqardhje për gjendjen në të cilën gjendet Haradinaj.

"Ne kemi total politikë të dështuar në siguri, rend dhe ligj. Por, një Qeveri me një plan, një Ministër të Jashtëm si Veton Surroi, një Ministër për Tranzicionit si Blerim Shala, ne nuk do të kishim këtë konfuzion që e kemi sot", tha Ramush Haradinaj, Kryetar i AAK-së.

Thaçi dhe Haradinaj kanë nisur një tjetër betejë, atë për anëtarësinë në partitë respektive. "Gjatë kësaj jave Dega në Vushtrri e PDK-së ka pranuar në radhët e veta një numër të madh anëtarësh të rinj duke përfshirë edhe strukturat dhe ish kandidatët për kryetar komune të AAK-së, LDD-së, Partisë Ora...Kërkesat janë të shumta dhe vetëm nga AAK janë 5 degë tjera që kanë adresuar kërkesat e tyre për t'u bërë pjesë e PDK-së", deklaroi Blerand Stavileci, Zëdhënës i PDK-së.

"Normal që njerëzit po vijnë prej partive të reja. Normal që po vijnë prej PDK'së, po edhe prej partive tjera, por nuk është kjo thelbi. Thelbi është që njerëzit po besojnë në atë që po e them, edhe po binden çdo ditë e më shumë që me një Qeveri çfarë e kemi - jemi humbës si Kosovë", tha Ramush Haradinaj, Kryetar i AAK-së.

Beteja PDK-AAK për anëtarësinë nisi javën e kaluar kur kryeministri u shpërndau librezat anëtarëve të Degës së AAK në Drenas, tw cilwt kaluan në PDK, e më pas edhe anëtarëve të partisë së Haradinajt në Vushtrri. Pak ditë më pas Haradinaj u kundërpërgjith duke u shpërndar teserat e AAK-së mbi 100 anëtarëve të PDK-së në Ferizaj.
ALSAT

[Oqeani]

U mbajt Seanca e jashtëzakonshme e tre Kuvendeve të këshilltarëve shqiptarë të Preshevës, Bujanocit dhe Medvegjës

Kuvendi i Këshilltarëve shqiptarë të Preshevës, Bujanocit dhe Medvegjës nxorrën një deklaratë politike e cila kërkon:

1. Lirimin e pakusht të të arrestuarve, gjgjësisht ndërprerjen e Procedurës nga ana e Prokurorisë për krime të Luftës në Beograd, duke e konsideruar atë si jolegjitime dhe të montuar politikisht.

2. Zbardhjen e të gjitha krimeve të kryera ndaj popullatës civile shqiptare në Luginë të Preshevës në periudhën 1999-2001.

3. Rrespektimin e plotë të Amnestisë ndaj ish pjestarëve të UCPMB-së

4. Mbështetë iniciativën e eskpertëve ndërkombëtarë në Prishtinë që dosja e të arrestuarve në Prishtinë që dosja e të arrestuarve të procosohet nga Gjykata për të drejtat e njeriut në Strasbur

Është paralajmëruar protestë gjithë popullore e organizuar nga subjektet poltike e cila do të mbahet në Preshevë me datë 26 janar në qendër të Preshevës në ora 13.

[Oqeani]

U mbajt protesta gjithë popullore e organizuar nga subjektet politike dhe këshilli organizativ

[Llapjani_HH]

Japin dorëheqje tre eprorë të lartë të FSK-së

Ende pa u bërë një javë nga aktivizimi i Forcës së Sigurisë së Kosovës kanë dhënë dorëheqje të parevokueshme tre eprorë të lartë të FSK-së. Gjeneral brigade Fadil Kodra, dhe dy kolonelët Zenun Kodra dhe Raif Preteni kanë thënë se procesi jo transparent në përzgjedhjen e pjesëtarëve të TMK-së në FSK, ndërhyrja direkte e individëve të caktuar brenda bordit për rekrutim, lënia anash e shumë pjesëtarëve të TMK-së, i ka shtyrë ata të japin dorëheqjen. Ata u kanë shkruar një letër të cilën ua kanë dërguar presidentit të vendit Fatmir Sejdiu, kryeministrit Hashim Thaçi, kryetarin e Kuvendit të Kosovës Jakup Krasniqit, ministrit të FSK-së Fehmi Mujota, komandantit të FSK-së Sylejman Selimit si dhe bordit për rekrutim, selektim dhe përzgjedhje në FSK.
KTV


Kosova vendi i katër në botë për korrupsion, thotë Preteni

Bazuar në statistikat e fundit të organizatave të shumta ndërkombëtare, Kosova renditet vendi i katërt në botë për shkallën e korrupsionit, ka thënë Hasan Preteni, shef i Agjencisë Kundër Korrupsionit. Qeveria, gjyqësia dhe administrata e pushtetit lokal mbetën ndër institucionet më të përfshira nga korrupsioni, është thënë në konferencën për media të mbajtur në qendrën mediale në Çagllavicë.
KTV


Haraçija: Gjakova po mbetet pa FSK-në

Kryetari i Degës së LDK-së në Gjakovë, Astrit Haraçija ka reaguar nga Haga – ku është duke e vuajtur dënimin prej pesë muajve burg – duke shprehur habinë dhe dëshpërimin e tij me rastin e caktimit të vendeve të kazermave të FKS-së.

Haraçija, siç theksohet në një komunikatë për media të dërguar nga Zyra për informim e LDK-së, Dega në Gjakovë, ka reaguar ndaj anashkalimit të këtij qyteti me rastin e caktimit të kazermave për Forcat Mbrojtëse të Kosovës.

“Komuna e Gjakovës fjatë luftës së fundit ka pasur 1.800 ushtarë të UÇK-së, ndërsa menjëherë pas përfundimit të luftës me kontributin e banorëve të saj, këtu është ndërtuar kazerma më bashkëkohore për pjesëtarët e TMK-së. Po ashtu nuk duhet harruar faktin se Gjakova në këtë luftë ishte ndër komunat që pësoi më së shumti nga regjimi serb, pësime këto që po ndihen edhe sot kur shumë familje ende nuk dinë për fatin e bijve të tyre të zhdukur”, thuhet në reagimin e Haraçisë.

Duke i pasur të gjitha këto parasysh, Haraçija ka vlerësuar se, është e pakuptimtë, injoruese dhe e papranueshme se si nuk është paraparë që në Gjakovë të pozicionohet një strukturë organizative e Forcës së Sigurisë së Kosovës.

Ai ka akuzuar edhe pushtetin lokal, i cili sipas tij nuk ka bërë mjaft që kjo çështje të adresohet të strukturat më të larta shtetërore, ndërsa ka kërkuar nga Ministria e FSK-së, që në të ardhmen të përfshijë edhe Gjakovën në kuadër të planifikimeve organizative për FSK.
Telegrafi


Dështimi i përpjekjes serbe në Parlamentin Evropian

Kanë dështuar përpjekjet e Serbisë që nëpërmjet disa deputetëve të Parlamentit Evropian të ndryshonte tekstin e projektrezolutës për Kosovën, të paraqitur javën e kaluar në Komitetin për Politikë të Jashtme nga deputeti, Joost Langendijk, bën të ditur e përditshmja Koha Ditore.

Në këtë tekst, siç bën të ditur kjo gazetë, ishin paraqitur më shumë se 160 amendamente, më së shumti nga disa deputetë nga Rumania dhe Greqia – vende që nuk e kanë njohur pavarësinë e Kosovës.

Shumica e këtyre amendamenteve, siç mësohet – kishin për qëllim që Parlamenti Evropian të pranonte faktin se Pakoja e Ahtisaarit nuk është ndonjë dokument zyrtar, se ajo nuk është miratuar nga Këshilli i Sigurimit të OKB-së, se statusi i Kosovës nuk është përfundimtar, pasi që Kosova nuk është anëtare i asnjë organizatë ndërkombëtare etj.

Mirëpo, angazhimi i deputetit nga Holanda Langedijk, pastaj Grupit më të madh Demokristian në Parlamentin Evropian EPP, si edhe i disa deputetëve nga Hungaria, Belgjika dhe Gjermania, bëri që përpjekjet e tilla të diplomacisë serbe të mos kalonin në PE, bën të ditur KD.

Sidoqoftë, në variantin e fundit të tekstit të projektrezolutës, të votuar javën e kaluar, përshëndetet vendosja e EULEX-it në tërë territorin e Kosovës, ndërsa u kërkohet më shumë angazhim nga institucionet e Kosovës dhe ato të BE-së për stabilitet, siguri dhe zhvillim ekonomik.
Telegrafi

[Oqeani]

Të arrestuarve i shtyhet paraburgimi edhe për dy muaj

Beograd, (26 janar) - Siç njohton sot zëdhënsja e gjyqit të qarkut në Beograd, Ivana Ramiq, nëntë të arrestuarve nga Presheva të akuzuar për krime lufte i është shtyrë paraburgimi edhe për 2 muaj. Atyre iu është shtyer paraburgimi për të mos ndikuar tek dëshmitarët, për shkak të lartësisë së denimit për çka ata dyshohen si dhe rrethanave të vështira ku janë kryer këto vepra - tha Ramiq. Ata janë arrestuar me 26 dhejtor 2008 dhe akuzohen për krime të bërë në komunën e Gjilanit gjatë vitit 1999.

[Llapjani_HH]

Kryeparlamentari Krasniqi: Zhvillimet e fundit në FSK tepër shqetësuese

Kryeparlamentari Jakup Krasniqi tha se ka informacione se ka pasur shumë jo-profesionalizëm në përzgjedhjen e pjesëtarëve të FSK-së dhe kërkoi nga institucionet përgjegjëse që ta rishikojnë tërë procesin. Krasniqi i ka bërë këto deklarata pas mbledhjes së sotme të Kryesisë së Kuvendit të Kosovës. Ndërkohë, kryeministri Hashim Thaçi ka premtuar sot përmirësimin e, siç ka thënë, lëshimeve që kanë mundur të bëhen gjatë procesit të kalimit të ish pjesëtarëve të TMK-së në FSK.

Zhvillimet e fundit në Forcën e Sigurisë së Kosovës, që kulmuan me dorëheqjen e mbrëmshme të tre eprorëve të lartë të saj, kanë nxitur reagimin e institucioneve më të larat të shtetit. Kryetari i Kuvendi, Jakup Krasniqi, tha se zhvillimet e fundit në FSK, janë tepër shqetësuese për faktin se ka pasur devijim dhe shumë joprofesionalizëm gjatë procesit të kalimit të ish pjesëtarëve të TMK-së në FSK.

“Natyrisht ne jemi të shqetësuar me zhvillimet e kohës së fundit dhe do të dëshironim që të gjitha përgatitjet dhe procesi për anëtarësimin dhe formësimin e FSK-së të mos politizohet sepse nuk është në interesin tonë. Kërkesa jonë do të jetë që përgatitjet për anëtarësimin e kuadrove në FSK të bëhen mbi baza profesionale Nga ajo që kam dëgjuar kamë parë se ka devijime dhe jo-profesionalizëm në përzgjedhje“, ka thënë Krasniqi.

Rreth zhvillimeve në FSK, me ton më të butë ka folur sot edhe kryeministri Hashim Thaçi. Ai ka thënë se FSK është një forcë që po ndërtohet sipas standardeve të NATO-së. Numri një i qeverisë bëri thirrje që procesi i ndërtimit të FSK-së të mos politizohet ndërsa në mënyrë indirekte e pranoi se ka pasur lëshime gjatë procesit të kalimit të ish pjesëtarëve të TMK-së, në FSK.
“Jemi në kontakt të vazhdueshëm me autoritete të NATO-s që të gjitha lëshimet që kanë ndodhur të përmirësohen dhe ndërkohë do të vazhdojmë të punojmë bashkërisht me të gjithë. Dokumenti Ahtisari ka qenë i pranueshëm për të gjithë kështu që nuk duhet lejuar që kjo çështje kaq e madhe për vendin të politizohet për përfitime të ngushta politike“, ka theksuar kryeministri Thaçi.

Procesi i formimit të celulave të para të Forcës së Sigurisë së Kosovës është përcjell me mjaft kundërthënie. Qindra ish pjesëtarë të TMK-së kanë protestuar disa ditë të pakënaqur me mënyrën se si ka rrjedhur procesi i kalimit në FSK.
Mbrëmë, ndërkaq tre eprorë të lartë të FSK thanë se japin dorëheqje të parevokueshme nga kjo forcë.
Gjeneral brigade Fadil Kodra dhe kolonelët, Zenun Kodra e Raif Preteni, kanë dhënë dorëheqje të parevokueshme, duke thënë se arsye për këtë është procesi jo transparent në përzgjedhjen e pjesëtarëve të TMK-së në FSK. Ata janë shprehur se ka pasur ndërhyrje direkte të individëve të caktuar brenda bordit për rekrutim, gjë që ka ndikuar në lënien anash të shumë pjesëtarëve të TMK-së.
Dorëheqjet e fundit nuk janë pritur mirë në FSK. Enver Dugolli është zyrtar për informim i FSK-së.

“Dorëheqjet nuk i kemi pritur mirë dhe nuk janë dorëheqje që i kontribuojnë procesit, mirëpo janë të tilla dhe nuk kemi çfarë të shtojmë. Mund të them se hapat e parë të formimit të FSK-së po përcillen me vështirësi por do të rezultojnë me sukses në të ardhmen“, ka thënë Dugolli, i cili ka shtuar se po punohet me partnerët e NATO-së që gabimet e bëra gjatë procesit të kalimit të prestarëve të ish TMK-së në FSK, të përmirësohen.
RTK


Përzgjedhja e pjesëtarëve të FSK-së, shqetësuese për krerë institucionesh e partish politike

Ulja e gradave duket të ketë qenë arsyeja kryesor e dorëheqjes së tre eprorëve të FSK-së, një ditë më parë. Të paktën ky është versioni që ka dhënë Ministria e FSK-së. Zyrtari për informim në këtë ministri, Enver Dugolli, ka potencuar se ka pasur shumë pakënaqësi si në mesin e të inkuadruarve në FSK, po ashtu edhe te ata që kanë mbetur jashtë saj. Ai ka bërë të ditur se gjeneral brigade Fadil Kodra dhe dy kolonelët, Zenun Kodra dhe Raif Preteni, para se të ofrojnë dorëheqjen e tyre i janë ankuar komandantit të FSK-së për shkak se nuk kanë qenë të kënaqur me uljen e gradave. Dugolli ndonëse ka vlerësuar lart kontributin e tyre, ka thënë se dorëheqjet e të tilla nuk mund ta zbehin procesin dhe punën e krijimit të Forcës së Sigurisë. Por, dorëheqja e tyre duket të ketë reflektuar te liderët shtetërorë, të cilët kanë kërkuar që të rishikohet tërë procesi. Kryeparlamentari Jakup Krasniqi këto zhvillime i ka vlerësuar tepër shqetësuese, ngase, sipas tij, ka pasur devijim dhe shumë joprofesionalizëm gjatë procesit të kalimit të ish-pjesëtarëve të TMK-së në FSK. Ndërkaq, kreu i ekzekutivit, Hashim Thaçi, ka premtuar përmirësimin e lëshimeve që kanë mundur të bëhen gjatë procesit të kalimit të ish-pjesëtarëve të TMK-së në Forcën e re. Për liderin e AAK-së, Ramush Haradinaj, është ripërsëritur gabimi dhe ka ndodhur e njëjta gjë si në kohën e transformimit UÇK-së në TMK. Madje ai ka thënë se është anashkaluar tërësisht rajoni i Dukagjinit, duke aluduar se në FSK-së janë pranuar individë nga rajonet ku qeveris PDK-ja. Më shumë se 1600 pjesëtarë të TMK-së kanë mbetur jashtë Forcës së Sigurisë. Ditë më parë ata kanë protestuar, duke kërkuar që të stopohet rekrutimi i civilëve në FSK si dhe të rishikohet procesi i selektimit, i cili, sipas tyre, ka qenë jotransparent.
KTV


Kermabon: Në veri nuk pyetet Policia e Kosovës

Policia që vepron në veri të vendit është nën një zinxhir komandues të Policisë së EULEX-it, që nënkupton se në atë pjesë të vendit nuk pyetet Policia e Kosovës. Kështu ka deklaruar shefi i EULEX-it, Yves de Kermabon, sipas të cilit stacionet policore në veri të Mitrovicës i raportojnë EULEX-it. Ai e ka lënë të hapur mundësinë që kjo të ndryshohet, por tani për tani për De Kermabon duhet të punohet shumë në terren me të gjithë zyrtarët e Policisë së Kosovës dhe institucionet kosovare. “Aktualisht kemi disa stacione policore në veri të Mitrovicës që raportojnë nëpërmjet zinxhirit komandues të EULEX-it. Kjo është situata e tanishme. Mirëpo, ne duhet të punojmë të gjithë, të shohim nëse duhet të vazhdojmë me këtë gjendje apo nëse duhet të kemi përmirësime në punë dhe të kemi më shumë efikasitet për Policinë e Kosovës”, ka thënë De Kermabon gjatë një vizite në Shtërpcë. Ai e ka vlerësuar të suksesshëm funksionimin e stacion policor në Shtërpcë, si një rast i mirë i bashkëpunimit ndërmjet shqiptarëve,
KTV


Prishtina e Beogradi gati për bisedime teknike

BERLIN-Autoritetet e Prishtinës dhe ato të Beogradit, pranojnë që të nisin një raund të ri bisedimesh për çështje teknike. Pavarësisht kësaj gatishmërie, të dyja palët dallojnë në qëndrimet rreth mënyrës sesi do t’i prezantohen njëri-tjetrit. Agjencia e lajmeve Dojce Vele bëri të ditur sot në një artikull të gjatë se Prishtina kërkon që këto biseda të trajtohen si dialog i dy vendeve fqinjë, Beogradi nuk pajtohet me këtë, ndërsa shtyn UNMIK-un dhe misionin evropian që të nisin dialog pa praninë e palës kosovare. Janë shumë çështje që Prishtina dhe Beogradi duhet t'i bisedojnë, pika këto të përfshira në planin gjashtëpikësh të OKB-së. Është çështja e doganave veriore të Kosovës, transporti, gjykatat, policia, trashëgimia kulturore e fetare serbe në Kosovë dhe vijat administrative të komunave më shumicë serbe. Në këtë mes edhe misioni i BE-së ka shfaqur gatishmërinë që të ndimojë këto bisdime, mirëpo pa e luajtur rolin e ndërmjetësusit.
Po sipas Dojce Veles, fundi i këtij muaji apo fillimi i muajit shkurt, është thënë se mund të jetë koha kur do të bëhen përpjekje serioze që pala kosovare dhe ajo e Beogradit të nisin një lloj dialogu teknik.

BE-ja e gatshme të ndihmojë

Peter Faith, shefi i zyrës civile ndërkombëtare në Kosovë thotë: "Bashkimi Evropian përfaqësuesit e kësaj organizate në Kosovë por edhe të tjerë nga komuniteti ndërkombëtar, janë të gatshëm të ndihmojnë që qeveria e Kosovës të zhvillojë dialog me vendet fqinjë të saj, sepse bashkëpunimi rajonal është vetëm fitimprurës."

Me Beogradin ka shumë çështje që mund të bisedohen

Gatishmëria e shefit të zyrës civile ndërkombëtare që të ndihmojë bisedat Prishtinë-Beograd, çmohet nga udhëheqësit e institucioneve të Kosovës, por sipas kryetarit të parlamentit të Kosovës, Jakup Krasniqi, pos institucioneve qëndrore të vendit askush nuk ka mandat që të nisë apo ndërhyjë në këto biseda.

Serbët e Kosovës shumë të interesuar që bisedimet të fillojnë sa më parë

Përfaqësuesit e serbëve të Kosovës nga ana e tyre, janë shumë të interesuar që bisedimet ndërmjet Prishtinës dhe Beogradit të fillojnë sa më parë, pikërisht mbi planin gjashtëpikësh të OKB-së. Kryetari i Këshillit Kombëtar të serbëve në Kosovën veriore, Nebojsha Joviq, thotë se “këto biseda mund të rezultojnë me shumë zgjidhje të cilat do të mundësojnë stabilitetin e komunitetit serb në Kosovë”.
Edhe analistët mendojnë se bisedimet teknike ndërmjet Prishtinës dhe Beogradit duhet të ndodhin, por rezultate sipas tyre nuk mund të priten nëse merren parasysh pervojat e bisedave të mëhershme ndërmjet Prishtinës dhe Beogradit.

Sidoqoftë, fundi i këtij muaji apo fillimi i muajit shkurt, është thënë se mund të jetë koha kur do të bëhen përpjekje serioze që pala kosovare dhe ajo e Beogradit të nisin një lloj dialogu teknik. Në këtë nismë thuhet se do të përfshihet aktivisht misioni i UNMIK-ut. E gjitha kjo për të realizuar atë që quhet plan gjashtëpikësh i Sekretarit të Përgjithshëm të OKB-së, Ban Ki Mun dhe në këtë mënyrë të përmbyllet me sukses misioni dhjetëvjeçar i administratës së Kombeve të Bashkuara në Kosovë.
BalkanWeb

[Llapjani_HH]

Moska kundër vendimit të NATO-s për formimin e FSK-së

Vendimin e NATO-s për formim e Forcës së Sigurisë së Kosovës, Moska e konsideron si të paligjshëm dhe në kundërshtim me të drejtën ndërkombëtare, pasi që vetëm Këshilli i Sigurimit i OKB-së mund të rregullojë organizimin e sistemeve në Kosovës, përfshirë këtu dhe sigurinë, ka deklaruar ambasadori rus në Beograd, Aleksander Konuzin. Në një intervistë për gazetën Danas, Konuzin ka shfaqur pritjet e tij që Këshilli i Sigurimit do të diskutojë për FSK-në në kuadër të raportit të ri të sekretarit të përgjithshëm të OKB-së për Kosovën dhe ka paralajmëruar se Federata e Rusisë do të shprehet kundër kësaj force. Sipas tij, krijimi i FSK-së është në kundërshtim me Rezolutën 1244, ku mes tjerash “precizohen çështjet e pranisë së forcave ndërkombëtare të sigurisë dhe demilitarizimit të Kosovës”, dhe përpjekje për zbatimin e planit të Ahtisaarit, i cili është “hedhur poshtë” në OKB.
KTV


Thikë pas shpine, nga Mali i Zi

Nga Zekirija Shabani më 27.01.2009 në ora 8:02

Ministri malazez Branimir Gvozdenoviç, në cilësinë e kryesuesit të sekretarit të CEFTA-s, i shkruan MTI-së se Kosova në këtë asociacion nuk mund të prezantohet pa UNMIK-un dhe nuk ka arsye që të debatohet për bllokadën e mallrave kosovare nga Serbi e Bosnja. Qeveria e Kosovës ende nuk e ka gati përgjigjen.

Mali i Zi, pasi e pranoi Kosovën si shtet të pavarur, me veprimet e mëvonshme dëshmon sikur lëkundet drejt thellimit të bashkëpunimit dhe të ndihmës.

Kjo po vërehet edhe përmes pengesave që i bën Kosovës në asociacionet ekonomike rajonale e evropiane. Gazeta “Express” mëson se ministri i Ekonomisë së Malit të Zi, Branimir Gvozdenoviç, njëherësh kryesues i sekretariatit të CEFTA-s, të hënën, i ka shkruar një letër ministrit të Tregtisë dhe Industrisë së Kosovës, Lutfi Zharkut, me të cilën thotë se Kosova nuk mund të përfaqësohet pa UNMIK-un në takimin e së martës të sekretariatit të këtij asociacioni në Bruksel.

Këtë e ka konfirmuar edhe zëvendëskryeministri i Kosovës, Hajredin Kuqi, i cili nuk ka dashur të komentojë për vendimet që do të merr Qeveria e Kosovës lidhur me këtë rast. “Ne e kemi marrë këtë letër dhe do të konsultohemi me institucionet vendore dhe ndërkombëtare për të dalë me një qëndrim”, ka pohuar Kuqi.

Për institucionet e Kosovës, letra e ministrit Gvozdenoviç është shqetësuese për faktin se Mali i Zi tashmë e ka njohur Kosovën si shtet. Megjithatë, zyrtarë të Ministrisë së Punëve të Jashtme të Kosovës thonë se qëndrimi i tij ndaj përfaqësimit të Kosovës në CEFTA nuk i rrezikon marrëdhëniet diplomatike që kanë ndërtuar këto dy vende.
Në bazë të kësaj letre, çështja e Kosovës lidhur me bllokimin e importit të produkteve kosovare nga Serbia dhe Bosnja nuk meriton të trajtohet në sekretariat, pasi që marrëveshja e CEFTA-s nuk është nënshkruar nga institucionet e Kosovës.

Burime të gazetës “Express” bëjnë të ditur se të martën dhe të mërkurën një delegacion i MTI-së do të qëndrojë në Bruksel, por pa përfaqësues të UNMIK-ut.
“Të premten pasdite UNMIK-u ka kërkuar që të jetë pjesë e delegacionit tonë, mirëpo ne ia kemi kthyer përgjigjen se nuk kemi nevojë për ta”, ka thënë birimi i gazetës.
Zëdhënësi i UNMIK-ut, Aleksandër Ivanko ka pranuar se kanë bërë kërkesë për të marrë pjesë në këtë takim, mirëpo ajo është refuzuar nga institucionet e Kosovës.
“Është çështje e tyre nëse duan që ne t’i përfaqësojmë apo jo”, është shprehur Ivanko.

Megjithatë, sipas tij, përfaqësimi i Kosovës në sekretariatin e CEFTA-s është precizuar atëherë kur është nënshkruar marrëveshja për anëtarësim në asociacionin rajonal për tregti të lirë.

“Kosova nuk mund të përfaqësohet në CEFTA pa UNMIK-un. Kështu precizohet në marrëveshje. Është çështje e Qeverisë së Kosovës nëse na fton ne të marrim pjesë”, ka pohuar Ivanko.

Drejtori i Institutit për Studime të Avancuara, Shpend Ahmeti, thotë se mënyra se si ka vepruar ministri i Malit të Zi ka qenë e pritur, pasi që institucionet e Kosovës me kohë nuk i kanë njoftuar vendet anëtare të CEFTA-s për realitetin e ri, pas shpalljes së pavarësisë.

“Institucionet e Kosovës janë vonuar që pas shpalljes së pavarësisë t’i njoftojnë vendet anëtare se UNMIK-u më nuk e përfaqëson atë”, thekson Ahmeti.

Sipas tij, e vetmja zgjidhje adekuate që mundë të bëjë pala kosovare është bllokimi i importit të mallrave nga Serbia dhe Bosnja e Hercegovina. “S’ka zgjidhje tjetër”, thotë Ahmeti, duke shtuar se me një hap të tillë do t’ua tërhiqte vëmendjen vendeve tjera anëtare që të merren më seriozisht me marrëveshjen për tregti të lirë.

Letrën e dërguar nga Gvozdenoviq, koordinatori për bashkëpunim ndërkombëtar në Odën Ekonomike të Kosovës, Safet Gërxhaliu e sheh si solidarizim i Malit të Zi me Serbinë dhe Bosnjën, të cilat muaj më parë kanë bllokuar importin e mallrave nga Kosova.

“Ky reagim më së miri paraqet realitetin ballkanik nga aspekti politik dhe ekonomik”, thekson Gërxhaliu. Edhe ai mendon se alternativa e vetme për të dalë nga kjo situatë është embargoja ndaj produkteve të këtyre vendeve e më pastaj të fillojë rinegocimi i marrëveshjes së CEFTA-s.
Gazeta Express


Parlamenti serb me 17 shkurt zhvendoset në Mitrovicë?

Nga Express më 27.01.2009 në ora 9:00

Në një vjetorin e pavarësisë së Kosovës me 17 shkurt 2009, Parlamenti i Serbisë do të zhvillojë një seancë plenare jashtë Beogradit.

Banorët e serb të veriut të Mitrovicës kanë drejtuar një kërkesë parlamentit serb, që ajo seancë të zhvillohet në veri të Mitrovicës.

Deri sot nuk ka ndonjë përgjigje nga Beogradi, por zyrtarë serb në Mitrovicë janë optimist se parlamenti i Serbisë do të zhvendoset në këtë ditë në Mitrovicë. Në këtë seancë, përmes një rezolute pritet të hidhet poshtë shpallja e pavarësisë së Kosovës. (Vorarlberg Online)
Gazeta Express

[Llapjani_HH]

Serbia u shkruan 80 vendeve për Kosovën

Serbia u kërkuar rreth 80 vendeve, të cilat ende nuk e kanë njohur Kosovën, që ta mbështesin në procesin në Gjykatën Ndërkombëtare të Drejtësisë ku do të trajtohet ligjshmëria e pavarësisë së Kosovës.

Në një letër të ministrit të Jashtëm, Vuk Jeremiç, nga vendet, ku bën pjesë edhe Rusia, kërkohet që t'ia paraqesin me shkrim gjykatës qëndrimin e tyre zyrtar lidhur me shpalljen e pavarësisë së Kosovës.

"Ju ftoj që ta konsideroni parashtrimin e një deklarate me shkrim në Gjykatën Ndërkombëtare të Drejtësisë, duke shprehur qëndrimin zyrtar të vendit tuaj për këtë çështje me rëndi absoluta para 17 prillit", citon shtypi i Beogradit letrën e ministrit Jeremiç.
RTK
Ky shkau nuk priton me i shkrue ka 80 letra.
Kurse Skender Hyseni vetëm rrinë edhe flen pa punuar asgjë, thuajse u zgjedhë ministër i fjetjes e jo ministër i punëve të jashtme.Vetëm japin deklarate false jo kan me na pranue n'këtë muaj jo n'tjetrin.Hajde rrenë hajde
Mjer Kosova në qfar ministrash u mbet

Malazezët të gatshëm të inkuadrohen në institucionet e Kosovës - kërkojnë t’iu kthehet statusi i pakicave

“Nuk ekziston asnjë pengesë kushtetuese dhe ligjore që e pengon organizimin dhe të drejtat e komunitetit malazez në Kosovë”, tha sot ministri i Pushtetit Lokal, Sadri Ferati, në debatin e organizuar në Ajvali me temën “Pozita e Malazezëve në Kosovë”, ku kanë marrë pjesë edhe përfaqësues të lartë të institucioneve të shtetit të Malit të Zi.

Në debat përveç udhëheqësve të institucioneve të vendit mori pjesë edhe një delegacion i lartë malazez i përbërë nga nënkryetari i Kuvendit të Malit të Zi Rifat Rastoder si dhe ministri për Mbrojtjen dhe lirinë e të drejtave të pakicave, në Qeverinë e Malit të Zi, Fuat Nimani.

Kryetari i Unionit të malazezëve në Kosovë Slobodan Vujiçiq tha se malazezët e Kosovës janë të gatshëm që të inkuadrohen në Institucionet e vendit dhe ka kërkuar që atyre tu kthehet statusi i pakicave ,status ky i cili nuk është precizuar në Kushtetutë.

“Ne e pranojmë dhe dëshirojmë që të marrim pjesë në mënyrë të barabartë në ndërtimin e shtetit të Kosovës, ku shteti ligjor dhe të drejtat e njeriut do të jenë primare”, ka theksuar Vujaçiq.

Ministri i Pushtetit Lokal Sadri Ferati gjithashtu ka theksuar në këtë debat se Qeveria e Kosovës është e gatshme t’iu përgjigjet dhe t’i pranojë kërkesat e komunitetit malazez në Kosovë.

“Ne jemi të gatshëm sot të ndryshojmë qasjen plotësisht nga vetë dëshira e malazezëve. Nuk ka asnjë pengesë, as kushtetuese e as ligjore, që edhe komuniteti malazez të organizohet dhe t’i promovojë vlerat e komunitetit malazez”, ka theksuar ministri ferati.

Rifat Rastoder, nënkryetar i Kuvendit të Malit të Zi, gjatë debatit u përqendrua kryesisht tek krijimi i kushteve për kthim, si dhe për një stabilitet të qëndrueshëm. Ai tha se Mali i Zi gjithmonë ka pasur dhe do të ketë marrëdhënie të mira me Kosovën.

“Nuk dyshojmë se këtu në Kosovë, pas gjithë asaj që ka ndodhur dhe pas të gjitha atyre përjetimeve të cilat në i kemi paguar shtrenjtë, sot jemi duke trokitur në dyert e hapura të institucioneve të Republikës së Kosovës”, ka thënë Rastoder.

Ditë më parë Kryetari i Malit të Zi, Filip Vujanoviq, ka kërkuar që malazezët në Kosovë ta kenë statusin e pakicave, duke bërë kështu kushtëzimin e hapjes së Ambasadës së Kosovës në Mal të Zi.

Këshilltarja e tij, e cila ishte pjesë delegacionit malazez, Sonja Shundiq, tha se deklarata e kryetarit malazez ende është aktuale, ndërkohë që në Mal të Zi gjenden edhe rreth 16 mijë persona të zhvendosur nga Kosova, prej të cilëve 5 mijë janë deklaruar si malazez.
Ky debat u organizua nga Unioni i Komuniteti Malazez në Kosovë dhe Fondacioni për Shoqëri të Hapur.
RTK


Feith nuk fiton përkrahje për letrën e Haradinajt

Përfaqësuesi civil ndërkombëtar, Pieter Feith nuk ka marrë mbështetjen e ambasadorëve të vendeve të Grupit Drejtues Ndërkombëtar, që të mos përgjigjen fare në letrën e kryetarit të AAK-së, Ramush Haradinaj rreth kohës së mbajtjeve të zgjedhjeve në Kosovë, bën të ditur e përditshmja Zëri.

Grupi Drejtues Ndërkombëtar (ISG), siç bën të ditur kjo gazetë, ka mbajtur të martën larg vëmendjes së opinionin publik një takim në nivel të ambasadorëve të shteteve anëtare të tij, në Prishtinë, ndërsa temë e diskutimit thuhet të ketë qenë situata në veri të Kosovës, në dritën e shtrirjes së misionit EULEX dhe tema e vendimit të presidentit Fatmir Sejdiu, të përkrahur nga vetë Feith, që zgjedhjet e përgjithshme në Kosovës, të organizohen në vitin 2011.

Feith, sipas burimeve të gazetës Zëri, ka kërkuar që shtetet anëtare të ISG-së (23 shtete) të mos përgjigjen fare në letrën që Ramush Haradinaj, kryetari i AAK-së, ua ka dërguar ministrave të jashtëm të shteteve anëtare të ISG-së, ku ka kundërshtuar vendimin e presidentit Sejdiu dhe përfaqësuesit Feith që në Kosovë të mos ketë zgjedhje të përgjithshme deri në vitin 2011.

Feith thuhet se nuk ia ka arritur qëllimit sepse nuk ka pasur konsensus në ISG për këtë çështje, gjegjësisht, sipas të gjitha gjasave, të diplomatët ka mbizotëruar përshtypja që vetë ministritë e jashtme të kryeqyteteve të tyre, duhet të adresojnë këtë çështje dhe të reagojnë ndaj letrës së Haradinajt, konstaton kjo gazetë, për të shtuar se kjo temë mund të trajtohet në takimin e radhës së ISG-së, që do të mbahet në nivel të lartë në Vjenë ose Bruksel, kah fundi i muajit shkurt.
Telegrafi


Të pafuqishëm ta ndalin trenin

Qeveria e Kosovës nuk ka mundur të bëjë asgjë për ndaljen e trenit në relacionin Zveçan – Beograd. Ajo ka kërkuar ndihmë nga ICO-ja dhe EULEX-i, por ato nuk i janë përgjigjur. Në ICO thonë kurrë nuk kanë marrë kërkesë të tillë. Treni vazhdon të funksionojë bashkë me kontrabandën

Tash sa javë drejtuesit e EULEX-it dhe ICO-së nuk janë marrë me veprimet ilegale të Serbisë në Kosovë. Konkretisht me trenin që qarkullon në relacionin Zveçan - Beograd, i cili është bërë linjë normale për qarkullimin e udhëtarëve dhe të mallrave.

Institucionet e Kosovës thonë se e kanë paraqitur këtë problem në të gjitha organet kompetente si ICO, EULEX, por kurrë nuk kanë marrë përgjigje. Në anën tjetër drejtues të ICO`së deklarojnë se nuk kanë marrë kurrfarë kërkese nga asnjë institucion i Kosovës.

Që nga dhjetori i vjetëm, ndërmarrja shoqërore Hekurudhat e Serbisë ka filluar me linjën hekurudhore Beograd -Zveçan. Kjo kompani ka futur nën kontroll edhe 38 kilometra hekurudhë me të gjitha stabilimentet. Ky akt është cilësuar si përgjigje e serbëve për shpalljen e pavarësisë së Kosovës.

Drejtuesit e Ministrisë së Transportit dhe Postë-Telekomunikacionit tregojnë se kanë bërë ç`mos duke u shkruar këtyre organizatave ndërkombëtare.

Endrit Shala, shef i kabinetit në MTPT, ka deklaruar se kanë mundur vetëm që të njoftojnë organet kompetente për të marrë masa për qarkullimin ilegal të trenit.
“Nuk di çfarë është bërë më tepër rreth kësaj pune, por ende nuk kemi marrë asnjë përgjigje nga EULEX dhe ICO”, tha Shala.

Ai tregoi se i kanë bërë të gjitha që kanë qenë nën kompetencën e tyre, por institucionet tjera si ICO, EULEX, pa përjashtuar edhe Ministrinë e Punëve të Brendshme, nuk kanë bërë atë të vetën. “Kaq ka qenë në kompetencën tonë”.

Zyra për marrëdhënie me publikun në ICO thotë se nuk ka marrë asnjë pyetje apo kërkesë nga institucionet e Kosovës për trenin ilegal të Serbisë. “Ne nuk kemi marrë prej askujt asnjë kërkesë në lidhje me këtë”, kanë deklaruar nga zyra për media.

Më herët rreth kësaj çështjeje ishte prononcuar vetëm UNMIK`u, i cili është distancuar prej kësaj ngjarjeje. “Beogradi as që na ka informuar e as pyetur për këtë tren dhe ne s`kemi mandat për të ndërhyrë rreth kësaj çështjeje”, ishte përgjigja e zëdhënësit Alexander Ivanko.

Institucionet kosovare janë të shqetësuara për shkak të qarkullimit të trenit në këtë relacion dhe kontrabandës që bëhet në atë pjesë të Kosovës. Ato kanë kërkuar nga shefi i EULEX-it në Kosovë, Yves De Kermabon dhe i ICO-së Pieter Feith për të ndërhyrë, por asnjëra prej tyre nuk është përgjigjur asnjëherë.

Treni Zveçan – Beograd qarkullon normalisht, dy herë në ditë bashkë njerëz dhe mallra nga Serbia në Kosovë.
Gazeta Express

[Llapjani_HH]

CEFTA, zbuten boshnjakët

Oda për Tregti të Jashtme e Bosnjës ka kërkuar nga Këshilli i Ministrave i këtij vendi që të mos pengohet tregtia e jashtme me Kosovën. Oda Ekonomike e Kosovës kërkon masa reciproke dhe vendime politike, ndërsa ajo e Serbisë njeh vetëm Rezolutën 1244

Biznesmenët e Bosnjës e Hercegovinës e kanë të qartë për humbjet që po pësojnë për shkak të një vendimi që ka të bëjë me marrëdhëniet ekonomike me Kosovën. Oda për Tregti të Jashtme ka kërkuar të martën nga Këshilli i Ministrave të mos pengohet tregtia e jashtme ndërmjet Bosnjës dhe Kosovës.

Mirëpo, Oda Ekonomike e Kosovës dhe ajo e Serbisë harrojnë interesat ekonomike dhe vëllimin e madh të shkëmbimit tregtar për t’i mbrojtur qëndrimet politike të vendeve përkatës.

Ndërkaq, një shkresë që të hënën erdhi në Ministrinë e Tregtisë dhe të Industrisë nga sekretariati i CEFTA-s ka sjellë në dyshim tregtinë e lirë në rajon. Sipas saj, Kosova nuk mund të përfaqësohet në këtë asociacion, ndërsa as që do të debatohet për embargon që Serbia dhe Bosnja e Hercegovina i bëjnë mallra nga Kosova.

Qeveria e Kosovës as të martën nuk ka dalë me qëndrim rreth këtij problemi, ndërkaq tre anëtarë të saj kanë udhëtuar për Bruksel ku mbahet takimi i CEFTA-s.

Mirëpo, ka gjasa që të ndryshojë qëndrimi i Bosnjës. Kryetari i Odës për Tregti të Jashtme, Milan Lovriç, i shkruan Këshillit të Ministrave se problemi tregtar me Kosovën ka ardhur për shkak të mospranimit të vulave të doganave të Kosovës në B e H. Për shkak të kësaj bllokade, në rast të aplikimin e masave reciproke nga pala kosovare, prodhuesit nga ky vend mund të humbin tregun prej të cilit marrin 30 milionë euro në vit.

Për tejkalimin e këtij problemi ai ka thënë se duhet punuar në kuadër të marrëveshjes së CEFTA-s, ashtu që biznesmenët nga Bosnja edhe më tutje të plasojnë prodhimet e tyre në Kosovë, por të mos pengohet as importi nga ky vend.

Ndërkaq, kryetari i Odës Ekonomike të Kosovës, Besim Beqaj theksoi se dalja e Kosovës nga marrëveshja e CEFTA-s nuk është zgjidhje, ndërsa bashkësia ndërkombëtare duhet të ndërmerr masa ndaj atyre që nuk e respektojnë këtë marrëveshje.

Ai ka përsëritur qëndrimin e komunitetit të biznesit se mosnjohjen e vulave të Kosovës nga Bosnjë dhe Serbia meriton ndërmarrjen e masave reciproke.

"Përfaqësuesit e biznesit, por edhe qytetarët tonë, duhet të kuptojnë se rruga e Kosovës në tregti nuk shkon vetëm përmes Serbisë", ka pohuar Beqaj.

Sipas tij, problemi i krijuar me vendet anëtare të CEFTA-s, pas letrës së fundit të udhëheqësit të sekretariatit të saj ministrit malazez Branimir Gvozdenoviç, kërkon ndërhyrje politike.

“Tani duhet vendim politik urgjent për ta çuar problemin për diskutim në Komisionin Evropian, për të qartësuar pozitën e Kosovës në mekanizmat ndërkombëtarë”, është shprehur Beqaj.

Ndërkaq, kryetari i Odës Ekonomike të Serbisë, Milos Bugarin, në një letër dërguar kreut të OEK-ut Besim Beqajt, fajëson institucionet e Kosovës për ndërrimin e vulave të doganës nga ato të UNMIK-ut në të Kosovës.

“Vulat e reja paraqesin shkelje të marrëveshjes së CEFTA-s, e nënshkruar në emër të Kosovës, me të cilën hiqen tarifat tregtare të motivuara politikisht”, thuhet në letrën e Bugarinit.

Ai në këtë letër vazhdimisht thirret në Rezolutën 1244 të Këshillit të Sigurimit dhe thotë se ajo tregtinë me Serbinë e trajton si qarkullim të brendshëm.
Gazeta Express

[Llapjani_HH]

Veriu i Kosovës lidhet me sistemin elektroenergjetik të Serbisë

Zveçan, 2 shkurt - Një trafostacion i sapondërtuar midis Mitrovicës dhe Zveçanit sot është kyçur në sistemin elektroenergjetik të Serbisë. Sipas mediave serbe, kjo do të mundësojë furnizim "më të mirë dhe të sigurt" të veriut të Kosovës me energji elektrike. Kjo nënkupton se veriu i vendit është shkyçur nga sistemi elektroenergjetik të Kosovës. Këtë trafostacion e ka përuruar ministri serb i Energjetikës dhe Minierave Petar Shkundriq, një bashkëpunëtor i ngushtë i ish-diktatorit Slobodan Millosheviq, tani partner koalicioni i presidentit aktual serb, Boris Tadiq.
QIK


Feith, de Kermabon dhe Zannier shqyrtojnë një takim me Beogradin

Udhëheqës të pranisë ndërkombëtare në Kosovë pritet t'i propozojnë autoriteteve serbe një takim të nivelit të lartë në Beograd. Delegacioni i përbërë nga tre udhëheqësit e institucioneve ndërkombëtare, përfaqësuesi i lartë i BE-së në Kosovë, Pieter Feith, shefi i EULEX-it, Yves de Kermabon dhe ai i OKB-së, Lamberto Zannier, pritet që të kërkojë një takim me autoritetet qeveritare serbe, për të diskutuar çështjet e interesit të përbashkët të Kosovës me Serbinë, njofton BBC.
Takimi i nivelit të lartë me zyrtarët serbë paralajmërohet se mund të zhvillohet brenda këtij muaji, thonë zyrtarë ndërkombëtarë. Shefi i misionit të OKB-së në Kosovë, Lamberto Zannier, ka takuar në fundjavën e kaluar, zotëri Feith, pas vizitës në New York dhe takimit me ministrin e Jashtëm serb, Vuk Jeremiq. Ky i fundit i ka bërë ftesë zotëri Zannier për ta vizituar Beogradin dhe “për të filluar diskutimet mbi zbatimin e një plani gjashtëpikësh të OKB-së, sipas të cilit serbëve të Kosovës iu ofrohet një autonomi më e zgjeruar në fushën e drejtësisë, policisë dhe doganave”.

Drejtuesit e misionit të OKB-së në Kosovë, thonë se po shqyrtojnë mundësinë e përcaktimit të rolit të tyre në bisedimet e paralajmëruara mes Prishtinës e Beogradit dhe pjesëmarrjes së tyre në këto takime. Por autoritetet në Prishtinë kanë kërkuar një prani më të fuqishme ndërkombëtare në bisedimet me Beogradin, duke përjashtuar mundësinë e përfshirjes së UNMIK-ut në takime.

Zëvendëskryeministri i Kosovës, Hajredin Kuçi, i tha BBC-së se bisedimet me Beogradin zyrtar do të mund të zhvilloheshin vetëm në kuadrin e dy vendeve të pavarura dhe vetëm për çështjet teknike, me një ndërmjetësim të SHBA-së dhe të BE-së.

"Në Ballkan është treguar, e sidomos në Kosovë, se nuk mund të ketë ndonjë arritje nëse nuk ka ndonjë ndërmjetësim adekuat ndërkombëtar. Mbi këtë bazë ne mendojmë se një rol të veçantë duhej të luajnë SHBA-ja dhe BE-ja. Mendoj se është pajtueshmëri e të gjithëve se UNMIK-u është në përfundim të mandatit dhe të vetë misionit që ka qenë në Kosovë dhe çdo fillim nuk do të premtonte se ai do të ishte brenda, gjatë tërë kohës, në këtë sistem të ri dhe nuk është shumë i dobishëm. Nuk është qëllim yni që ta ringjallim UNMIK-un, por që ai ta përfundojë mandatin me dinjitet", citohet të ketë thënë zotëri Kuçi.

Por ndërkohë, zyrtarët ndërkombëtarë në Kosovë thonë se gjatë javës pritet një takim i Zannier me shefin e misionit evropian për drejtësi dhe polici, Yves de Kermabon, për të harmonizuar qëndrimin rreth vizitës së mundshme në Beograd. Ai ka kërkuar edhe një takim me udhëheqësit politikë të Kosovës për t'i njohur ata me takimin që ka zhvilluar në New York me ministrin e Jashtëm të Serbisë dhe për të diskutuar çështjen e fillimit të dialogut të shumëpërfolur me Serbinë.

Zyrtarët ndërkombëtarë thonë se ka pak gjasa që takimi i nivelit të lartë të zhvillohet në Beograd, posaçërisht duke marrë parasysh pozitën e përfaqësuesit të BE-së, Pieter Feith në Kosovë dhe përgjegjësitë që ai mban.

Kjo për faktin se zotëri Feith udhëheqë edhe me Grupin Drejtues Ndërkombëtar, një organ ky i krijuar pas shpalljes së pavarësisë së Kosovës, për ta ndihmuar atë në zbatimin e planit Ahtisaari, që është kundërshtuar nga serbët lokalë. /BBC/
RTK


Zannier përgatit bisedimet teknike, Qeveria thotë se nuk negocion për 6 pikëshin

Shefi i UNMIK-ut , Lamberto Zanier, është në pritje të përgjigjes nga zyra e kryeministrit për takim me kreun e Qeverisë dhe liderët tjerë institucional. Në këtë takim pritet të diskutohet për çështjen e bisedimeve teknike ndërmjet Prishtinës dhe Beogradit. Zëdhënësi, i UNMIK-ut, Aleksandër Ivanko, konfirmoi se kërkesa për takim është dërguar të premten por deri tani nuk kanë marrë përgjigje nga ana e Qeverisë.
Ndërkohë zëdhënësi i Qeverisë, Memli Krasniqi, tha se zyra e kryeministrit pritet të jap përgjigje pozitive sa i përket takimit me Zanierin, por ai përjashtoi çdo mundësi që Prishtina të hyjë në bisedime me Beogradin për çështjen e 6 pikëshit.

Zyra e shefit të UNMIK-ut në Kosovës, Lamberto Zaneir, e ka dërguar një kërkesë për takim me udhëheqësit institucional të vendit, për të diskutuar me ta, përmbajtjen e bisedimeve, të kreut të UNMIK-ut me zyrtarët serbë në Nju Jork, ku temë kryesore ka çështja e implementimit të raportit të Ban Ki Munit në të cilin është i përfshirë edhe plani gjashtë pikësh. Zëdhënësi i UNMIK-ut, Aleksandër Ivanko, ka konfirmuar sot se kërkesa është dërguar në zyrën e kryeministrit të premten dhe deri më tani nuk është kthyer përgjigjeje. Qëllimi kryesor i këtij takimi sipas Ivankos është informimi i liderëve kosovarë me përmbajtjen e diskutimeve të Zanerit me përfaqësuesit serbë në Nju Jork . Në këtë takim pritet të hapet edhe çështja e të ashtuquajturave bisedime teknike ndërmjet Prishtinës dhe Beogradit, por se kush do të ketë rol udhëheqës në këto bisedime ende nuk është vendosur.
“ UNMIK-u do të ketë rol në diskutimet teknike por marrë parasysh faktin se disa çështje tani më janë kompetencë e EULEX-it atëherë edhe akterët tjerë relevantë ndërkombëtarë duhet të involvohen dhe kjo është arsye pse Zanieri dëshiron të takohet me qeverinë por edhe me akterët tjerë ndërkombëtarë ”, tha Ivanko.
Ndërkohë zyra e kryeministrit të Kosovës, ka konfirmuar arritjen e kërkesës për takim. Zëdhënësi, Memli Krasniqi, tha se sipas të gjitha gjasave do të ketë përgjigje pozitive për takimin e kryeministrit me kryeadministratorin Zanieri. Mirëpo zëdhënësi i qeverisë përjashtoi çdo mundësi që Prishtina të pranoj hyrjen ne bisedime me Beogradit për të implementuar në teren raportin e Bani Ki Munit ku është i përfshirë edhe plani gjashtë pikësh. Krasniqi pohoi se për këtë cështje nuk do të lëshohet pe as para presionit që mund të behet nga ana e bashkësisë ndërkombëtare.
“ Institucionet por ne veçanti, kryeministri dhe presidenti kanë dëshmuar se nuk i binden asnjë presioni kur janë në pytje interesat e shtetit të Kosovës . Dëshmia më e mirë për këtë është procesi i negocimit për ato 6 pikat e famshme të cilat tashmë janë të vdekura , pikërisht për shkak të qëndrimit të kryeministrit dhe presidentit “, tha Kransniqi.
Çështja e bisedimeve ndërmjet Prishtinës dhe Beogradit lidhur me raportin Bani Ki Munit, ku është përfshirë edhe 6 pikëshi, është rihapur javën e kaluar nga ministri i jashtëm serb Vuk Jeremiq, gjatë një takimi të zhvilluar në Nju Jork me shefin e UNMIK-ut, Lamberto Zanieri. (E. Bajrami)
RTK


Nuk do lejojmë hyrjen e Kosovës në OSBE, thotë Jeremiç

Vendimet në OSBE merren me konsenzus dhe Serbia "asnjëherë dhe nën kurrfarë kushtesh nuk do pajtohet që të votojë për anëtarësimin e Kosovës në OSBE", ka thënë ministri i Jashtëm serb, Vuk Jeremiç.
Ai i bëri këto komente pas takimit me ministren e Jashtme të Greqisë Dora Bakoyyanis, e cila qëndron për vizitë në Beograd në cilësinë e kryesuesit të radhës të OSBE-së.Nesër Bakoyyanis pritet të qëndrojë në Prishtinë.
RTK

[Llapjani_HH]

Ministrja Pula bind serbët e Anamoravës të paguajnë faturat e energjisë

Përfaqësuesit e fshatit Stanishor dhe drejtuesit institucional të Qeverisë dhe pushtetit lokal kanë arritur një marrëveshje sipas të cilës, KEK do të kyç në rrjetin elektrik brenda ditës këtë vendbanim, ndërsa të gjitha amvisëritë e këtij fshati do të paguajnë avans 15-20 euro brenda një jave, gjatë së cilës do të bëhet edhe leximi i njësorëve. Në të kundërtën do të veprohet sikur me të gjithë konsumatorët tjerë.

Ministrja e Energjisë dhe Minierave, Justina Shiroka–Pula, e shoqëruar nga ministri për Kthim dhe Komunitete Sasha Rashiq, kryetari i KK të Gjilanit Qemajl Mustafa, nënkryetari i KK-së Sergjan Jovanoviq dhe ud. i Drejtorit të KEK-ut, Arben Gjukaj kanë zhvilluar një takim me banorë të komunitetit serb të fshatit Stanishor dhe fshatrave përreth.

Qëllim i këtij takimi ishte diskutimi i gjetjes së një zgjidhje më të mirë që banorët serbë të fshatrave Stanishor, Kufc, Makresh, Strazhë dhe Draganc të hynë në sistemin e pagesës së energjisë elektrike, në mënyrë që KEK t'i kyç në rrjetin elektrik nga i cili i kishte shkyçur ditë më parë.

Përfaqësuesit e fshatit Stanishor para drejtuesve institucional e kanë cilësuar gjendjen energjetike në këtë vendbanim si alarmante për shkak të shkyçjes nga rrjeti elektrik që KEK i ka bërë këtij fshati para më shumë se një jave dhe disa fshatrave përreth të banuar me shumicë serbe.

Për këtë ata kanë kërkuar takim me përfaqësues të MEM-it, KK të Gjilanit dhe KEK-ut.

Ministrja Pula u ka thënë banorëve serbë se i vjen keq që ka ardhë te kjo gjendje, ndërprerja e energjisë elektrike për më shumë se një javë dhe për këtë ka ardhë të bisedojë me ta për të gjetur një gjuhë të përbashkët mirë të zgjidhjes së këtij problemi.

Ajo ka kërkuar që edhe banorët serbë ti përgjigjen pozitivisht vullnetit të mirë të Qeverisë, respektivisht Ministrisë së Energjisë duke pranuar leximin e njësorëve elektrik dhe fillimin e pagesës së rregullt të energjisë që nga janari 2009. Ndërsa KEK brenda ditës do të kyç këtë fshat në sistemin e energjisë.

Ndryshe ministrja Pula ka paralajmëruar banorët e fshatit Stanishor se nëse ata nuk fillojnë të paguajnë energjinë sipas marrëveshjes, ata sërish do të shkyçen nga rrjeti elektrik. Sipas saj, të gjithë konsumatorët e energjisë do të trajtohen në mënyrë të barabartë pavarësisht përkatësisë nacionale.

Ministri për Kthim dhe Komunitete, Sasha Rashiq u ba bërë thirrje banorëve serbë të paguajnë energjisë elektrike duke u premtuar se rastet sociale do të trajtohen individualisht nga Qeveria. Ai ka falënderuar ministren Pula për vullnetin e mirë që ka treguar për të zgjidhur këtë problem dhe ka premtuar se resori që ai drejton do të jap kontributin e vet në këtë drejtim.

Ndërkaq, kryetari i KK të Gjilanit Qemajl Mustafa ka përshëndetur angazhimin e Qeverisë dhe ka premtuar ndihmën e komunës për të përmirësuar inkasimin në këto vendbanime.
Telegrafi

Shqiptarët duhet të paguajn rrymën nonstop, pa marr parasysh a kanë mundësi a jo, kurse shkiet i lusin që vetëm nga Janari 2009 të paguajn nëse kanë mundësi.
Qyshtu KEK-u ja u falë borgjet shkieve prej 1999 e deri në 2009
Ah Kosovë e mjera Kosovë

[Llapjani_HH]

Javën tjetër, embargo mallrave serbe?

Komisioni parlamentar për ekonomi, tregti, industri, energjetikë, transport dhe telekomunikacion i ka rekomanduar Qeverisë së Kosovës që të vendosë masa të reciprocitetit ndaj Serbisë, e cila ka ndaluar në tregun e saj shitjen e mallrave “Made in Kosova” me vulë të Republikës.

Gjatë një takimi të këtij komisioni, ku mori pjesë edhe ministri i Tregtisë dhe Industrisë, Lutfi Zharku, është diskutuar lidhur me zbatimin e marrëveshjes së CEFTA-s dhe respektimin e standardeve gjatë zbatimit të akteve për tregti me naftë dhe derivate të naftës.

Zharku ka thënë se nuk janë ngutur me vendime, sepse është dashur edhe një konsultë me zyrtarët ndërkombëtarë, kur dihet se nënshkruese e shumë marrëveshjeve në emër të Kosovës është UNMIK-u.

Por ai i ka siguruar anëtarët e Komisionit se deri në fund të kësaj jave do të vendoset lidhur me masat. “Për produktet e Bosnjës do të jetë masa prej 10 për qind (doganë), ndërkaq me Serbinë ekziston mundësia e masave të njëjta, siç ka bërë ajo me mallrat e Kosovës”, tha ai, transmeton KosovaLive.

Anëtari i këtij komisioni, Fatmir Rexhepi (LDK), kërkoi nga ministri Zharku të dijë për strategjinë e përgatitur nga ekzekutivi i vendit lidhur me këtë problematikë, kur dihet se Serbia po fiton me miliona euro me mallrat që po i servon në Kosovë, ndërkaq Kosova po humb jashtëzakonisht shumë. “Nëse deri tash marrja e hapave konkret bëhej nga UNMIK-u, tash nuk ka arsyetim për këtë sepse këta hapa mund t’i marrin institucionet e vendit kur dihet se kemi shtetin dhe Kushtetutën tonë”.

Ndërsa Safete Hadërxhonaj e PDK-së kërkoi nga ministri të japë shpjegime se kur marrëveshjet e nënshkruara nga UNMIK-u do të kalojnë në kompetencë të institucioneve të vendit.

Kaqusha Jashari e PSD-së tha se Prishtina duhet t’i përgjigjet Serbisë me të njëjtat masa të bllokimit të mallrave apo edhe me ndonjë tjetër zgjidhje të përkohshme. Edhe Ethem Çeku i AAK-së insistoi që Qeveria të vendosë masat e reciprocitetit për mallrat nga Serbia. “Kur Serbia ka vendosë embargo për produktet tona atëherë edhe ne është dashur ta bëjmë një gjë të tillë”, ka thënë Çeku, bën të ditur KosovaLive.
Gazeta Express

[Llapjani_HH]

Izraeli mund të hakmirret

Van Crevald: "Izraeli ka mundësi për t'i goditur shumicën e selive evropiane me armatim nuklear".

Shkruan: Nadim Latki

Paralajmërimi dhe kërcënimi i një profesori dhe historiani ushtarak nga Izraeli për mundësinë e një hakmarrjeje ndaj holokaustit dhe të shfarosjes së miliona gjermanëve dhe evropianëve.

Në intervistën e botuar në gazetën Jerusalem Friday, profesori Martin Van Crevald ka deklaruar se Izraeli ka mundësi për ti goditur shumicën e selive evropiane me armatim nuklear.

Posedojmë disa qindra raketa dhe koka nukleare të cilat mund t'i lansojmë nëpër caqe të të gjitha drejtimeve, e ndoshta edhe deri te Roma. Shumica e selive evropiane janë caqet e forcave tona ajrore.

Creveldi profesor i historisë ushtarake në Universitetin Hebre të Jerusalemit thekson se si "dëbimi kolektiv" i Palestinezëve është strategji e vetme e paramenduar.

Të gjithë Palestinezët duhet të dëbohen. Njerëzit që angazhohen për këtë çështje (lexo qeveritarët izraelit) është se e presin njeriun e duhur në kohë të duhur. Para dy vjetëve vetëm 7 apo 8% të izraelitëve ishin të mendimit se kjo është zgjidhja më e mirë, ndërsa para dy muajve këtë mendim e ndanin 33%. Kurse, tani sipas anketimit të Gallupit ajo u shtua në 44%.

Profesori Creveld kishte theksuar se ka qenë i bindur që kryetari i qeverisë izraelite Ariell Sharoni dëshironte dëbimin e Palestinezëve.

Gjithsesi mendoj se ai dëshironte atë ta bënte. Ai dëshironte që konflikti të zgjerohej. Ai e dinte se çka do tjetër që kishim bërë nuk kishte me pas sukses.

Në pyetjen se a është i brengosur që Izraeli do të bëhet "shtet grabitqar", në rast se i dëbon Palestinezët, Profesori Creveld citoi fjalët e ish ministrit të mbrojtjes izraelite Mosha Dajan i cili kishte deklaruar: "Izraeli duhet të bëhet si qen i tërbuar dhe shumë i rrezikshëm për tu shqetësuar."

Creveld pohoi se Izraeli nuk brengosej shumë se mund të bëhet "shtet grabitqar."

Potenciali jonë ushtarake për nga forca nuk është në vendin e tridhjetë në botë, por në atë të dytën apo të tretën. Kemi forcë dhe aftësi që ta shkatërrojmë botën bashkë me ne. Dhe ju premtoj, se ajo do të ndodhë para rënies së Izraelit

Burimi: pakalert.wordpress.com
Mesazhi.com

Kush kupton gjuhën Angleze,këtu është origjinali

http://pakalert.wordpress.com/2009/0...pean-capitals/

Si dhe një shkrim tjetër interesant ku një zëdhënës i Izraelit thot se: Ne i kontrollojm Amerikanët budallenj

http://pakalert.wordpress.com/2009/0...pid-americans/