Lajme Aktuale....

[Shqiptare_ne_Turqi]

Zëri i Amerikës
23-02-2009
Industria amerikane e filmit nderoi mbrëmë krijuesit dhe intrepretuesit më të mirë në Ceremoninë e 81-të të ndarjes së Çmimeve Oskar nga Akademia e Arteve në Hollivud.
Aktorja Kejt Uinslet
Në ceremoninë e mbrëmshme më tepër Çmime Oskar mori filmi “Slumdog millionaire”, i xhiruar në Indi, historia prekëse e një djali të varfër, që arrin të fitojë një konkurs njohurish pas shumë sfidash dhe akuzash. Ky film mori gjithsej 8 Çmime Oskar, mes tyre atë të filmit më të mirë dhe për regjisorin më të mirë.
Aktorja britanike Kejt Uinslet fitoi Çmimin Oskar për intrepretimin e rolit kryesor në filmin “The reader”.
Aktori amerikan Shon Pen fitoi Çmimin Oskar për interpretimin në rolin e personazhit Harvey Milk, politikanin e parë homoseksual që doli hapur në shoqërinë amerikane, në filmin “Milk”.
Oskarin për intrepretimin më të mirë të një roli dytësor e mori aktori Kith Lexher, i cili vdiq vitin e kaluar në moshën 28-vjeçare. Ai interpretoi personazhin e Xhokerit në filmin “The dark knight”.
Aktorja spanjolle Penelopi Kruz fitoi Oskarin për interpertimin e rolit dytësor në filmin “Viki Cristina Barcelona”.
Për kategorinë e filmit të huaj më të mirë Oskarin e mori filmi japonez

“Departures”.//lk

[Llapjani_HH]

Komunat serbe, më shumë kompetenca se ato shqiptare

"Komunat serbe do të kenë të drejtën të vendosin vetë për zgjidhjen e komandantit të policisë, e drejtë kjo që nuk e kanë komunat shqiptare", theksoi Izet Sadiku, këshilltar i ministrit të Pushtetit Lokal

22 Shkurt, 2009
Mitrovicë, 21 shkurt

Organizuar nga përfaqësues të Ministrisë së Administrimit dhe Pushtetit Lokal, në prani të përfaqësuesve të shoqërisë civile nga organizata serbe e shqiptare, zyrtarëve komunalë, por edhe përfaqësuesve të ICO-së, në Mitrovicë është prezantuar plani i Qeverisë së Kosovës për decentralizim, por shumë pak ide janë dëgjuar rreth implementimit të reformës së pushtetit lokal në praktikë.

Procesi të mos ketë elemente politike

Izet Sadiku, këshilltar i ministrit të Pushtetit Lokal, gjatë prezantimit i njoftoi serbët se oferta e tyre u jep kompetenca shtesë komunave serbe, për dallim nga komunat shqiptare, duke ju ofruar shërbime dhe pushtetin më afër qytetarëve. "Komunat serbe do të kenë të drejtën të vendosin vetë për zgjidhjen e komandantit të policisë, e drejtë kjo që nuk e kanë komunat shqiptare, të menaxhojnë me shëndetësinë sekondare dhe t'i kenë plan-programet e tyre në arsim", theksoi Sadiku. Ai tha se deri më tani askush nuk ka ofruar plan më të mirë sesa Qeveria e Kosovës për pushtetin lokal. Me atë rast, ai njoftoi se, sipas Ligjit për reformën e pushtetit lokal, një kryetar i komunës serbe (me 3 apo 4 mijë banorë) do të ketë më shumë kompetenca sesa kryetari i Beogradit, apo i Tiranës. Njëherësh ai u ka thënë qytetarëve serbë se janë shumë të interesuar nëse në të ardhmen në një komunë serbe në Kosovë do të investojë Serbia. "Ndërkombëtarët kanë ofruar bashkëpunim në këtë drejtim, por Qeveria do të përdorë të gjitha mjetet për realizimin e tij dhe vetëm nëse nuk ka rrugëzgjidhje do të kërkojnë ndihmën e autoriteteve ndërkombëtare, gjegjësisht ICO-së, që ka shprehur gatishmërinë për të ndihmuar", tha Sadiku. I pranishëm në këtë prezantim ishte edhe përfaqësuesi i ICO-së në Mitrovicë, David Slin, i cili shprehu mendimin se procesi nuk duhet të ketë elemente politike. "Ky proces është pjesë e rëndësishme e planit të Ahtisarit dhe planit të Qeverisë së Kosovës, në mënyrë që të gjithë qytetarët të kenë qasje në shërbimet nga komunat afër tyre", tha Slin, duke premtuar ndihmë në çdo gjë që vjen nga niveli qendror për pushtetet e nivelit lokal.

Harrojnë decentralizimin, flasin për siguri

Slin ka theksuar se reagimet që stafi i tij merr në terren në lidhje me procesin e decentralizimit janë pozitive, që kanë treguar se qytetarët serbë janë duke iu ofruar këtij procesi pa politikë. "Kur flasim për veriun e Kosovës, është situatë e vështirë, por kjo fazë mendoj që duhet të përshkruhet si diçka e shpjegueshme, së fundi kemi pas disa reagime nga serbët se decentralizimi ofron shumë, puna në veri është në vijim e sipër", theksoi Slin. Ndonëse përfaqësuesit e Qeverisë kishin ardhur në këtë takim që të marrin ide se si do të veprohet për zbatimin e planit të tyre, ata janë larguar pa marrë asgjë me vete, pasi që qytetarët nga të dy anët kanë diskutuar për çështje të tjera, në veçanti për sigurinë në qytetin e ndarë të Mitrovicës.
F.Beka
Kosova Sot

[Llapjani_HH]

Klinaku: Kosova ti kërkojë Serbisë të drejtat e shqiptarëve të Preshevës

Institucionet e Kosovës duhet të kërkojnë nga Serbia që të respektojë të drejtat e shqiptarëve në Luginën e Preshevës për ti barazuar ato me të drejtat e pakicave serbe në komunat në veri Kosovës.Kështu është shprehur kryetari i Lëvizjes për Bashkim,Avni Klinaku duke shtuar se kjo lëvizje do të qetësonte marrëdhëniet Kosovë-Serbi.

"Institucionet e Kosovës do të duhej që t’i drejtojnë zyrtarisht Serbisë kërkesën për respektimin e drejtave të njëjta për popullin shqiptar në Preshevë, Bujanoc dhe Medvegjë, me popullin serb në Leposaviq, në Zubin Potok dhe Zveçan. Zbatimi i të drejtave të njëjta së pari do t’i relaksonte marrëdhëniet Kosovë-Serbi dhe pastaj do t’i hapte mundësinë që të negociohet për zgjedhjen përfundimtare që ne mendojmë që është e drejta e vetëvendosjes në të dy anët. Përjashtim në këtë çështje përbën qyteti i Mitrovicës", thote Avni Klinaku.Kryetar i Lëvizjes për Bashkim.

Aktivistë të Lëvizjes për Bashkim kanë shpërndarë në qendër të Prishtinës fletushka në të cilat paraqiten 6 pika që parashtrojnë alternativat për zgjidhjen e problemeve në Kosovë dhe të pakicave.
ALSAT

[Llapjani_HH]

Ekspertët: "PDK ka privatizuar FSK-në"

Ekspertët të Sigurisë akuzojnë PDK-në se ka "privatizuar" FSK-në


Ekspertë sigurie dhe parti opozitare fajësojnë Qeverinë e Kosovës për ecurinë e krijimit të FSK-së dhe protestat e ish-pjesëtarëve të TMK-së. Derisa Nuredin Ibishi, thotë se Qeveria është dashur të kishte plane konkrete për sistemimin e ish pjesëtarrëve të TMK-ës në shoqëri, Naim Maloku akuzon PDK-në dhe ministrin Mujota se e kanë "privatizuar" Forcën e Sigurisë së Kosovës. Maloku ka akuzuar Qeverinë e Kosovës se ka shkelur dispozita ligjore, ngase sipas tij nuk e ka formuar Komision ndërministror për këtë çështje siç është paraparë me ligj. Mesazhi.com


KEK-u shet lirë

Përderisa KEK-ut i kanë shkuar 51 milionë euro gjatë vitit 2008 vetëm për import të energjisë elektrike, nga eksporti nuk nxjerr as një të tretën e kësaj shume, për shkak se shet 4 fish më lirë se që blen. Zyrtarë të Korporatës ofrojnë shifra që ndryshojnë me ato që janë në dokumente

Energjia që eksporton Korporata Energjetike e Kosovës shkon gati katër fish më lirë se ajo që importon. Kjo korporatë, kontratën e fundit për eksport e ka bërë në muajin tetor, e cila ka vazhduar gati dy muaj.

Energjia që është shitur gjatë vitit 2008 ka pasur çmimin mesatar 36 euro për megavat, ndërsa ajo që është blerë, ka kushtuar rreth 112 euro për megavat.

Për shitjen e energjisë jasht tregut vendor nuk është njoftuar opinioni, siç bën KEK-u kur është fjala për import. Por interesimit të gazetës për të kuptuar këtë çështje, zëdhënësi i korporatës, Viktor Buzhala i ka prezantuar shifra të ndryshme me ato që “Express” ka siguruar nga burimet zyrtare brenda zyrës për tarifa. Një dokument i kësaj zyre tregon për një çmim mesatar të eksportit gjatë vitit 2008 që është 36 euro për magavat.

Ndërkaq, një çmim shumë më të lartë e prezanton zyra për informim e kësaj korporate.

“Çmimi mesatar gjatë vitit 2008 është sjellë rreth 51 euro për megavat, që është mjaft i volitshëm”, tha zëdhënësi i KEK-ut, Viktor Buzhala.
Kontrata e fundit e nënshkruar për eksport ka qenë pak para se të fillojë dimri, pikërisht në kohën kur korporata e energjisë ka nënshkruar kontrata për import.

Me nënshkrimin e kësaj kontrate, më 29 tetor të vitit 2008, KEK-u është marrë vesh që t’ua shesë energjinë kompanive nga të cilat kryesisht edhe blen këtë produkt. Kompanisë çeke, EFT, sipas kontratës, ia shet energjinë elektrike me 42,67 dhe 43, 10 euro për megavat, përderisa po nga e njëjta kompani, një megavat e blen 123-128 euro. “Espada” po ashtu çeke ka blerë nga KEK-u energji me nga 41 euro dhe shet me 129.5 euro për megavat. Zvecerianja EGL, në kontratat e fundit për eksport dhe import ka çmimin më të lirë. Blen me 40,75 euro për megavat dhe e shet 119.7.

Edhe kompania serbe, Rudnap, e blen 42,11 euro nga Kosova dhe i shet 119- 132 euro për megavat. CEZ-i paguan 41,14 euro, ndërsa “Reatia Energjia” nga 46 -48,2 euoru.

Zyrtarë të KEK-ut thonë se kjo energji shitet pas mesnatës, përkatësisht në kohën kur në treg rritet oferta dhe çmimi bie në mënyrë drastike.

“Pasi kjo energji është shitur vetëm në një periudhë të caktuar të ditës, pra kur ka teprica në vendet e rajonit dhe për këtë arsye është e lirë”, tha Buzhala.

Buzhala po ashtu tha se kjo energji zakonisht eksportohet gjatë sezonit të verës. Por, sipas dokumentit, eksporti është kontraktuar me blerësit që kanë ofruar çmim më të lartë. Sipas saj, KEK-u nuk ka mundur që një megavat ta shesë më shtrenjtë se 48 euro, ndërsa ka pasur momente kur nuk ka arritur lartësinë as 41 euro për megavat.

Sipas Buzhalës, kjo korporatë për momentin nuk është duke eksportuar energji. Ajo vetëm po realizon këmbime me Shqipërinë.

Po ashtu, njëri na problemet që vazdimisht e pëcjell KEK-un, është blerja e energjisë emergjente.Ajo, pothuajse asnjë vjet nuk ka bërë kontrata afatgjata, që kontraktimet vjetore të bëhen në fillim të vitit dhe në këtë mënyrë të arrijë çmim më të ulët për import.

Blerja e energjisë nga operatorët e jashtëm kryesisht paguhet me paratë e Buxhetit të Kosovës.
Gazeta Expres

Shkieve ju shesin rrymën me qmim të lirë, ndërsa kunsumatorve Shqiptar ja u dyfishojn qmimet plus asaj nuk ka rrymë.
Veq përpara KEK me gjithë qeverin, e bani pazare me shkie në kurriz t'Shqiptarëve.
Qisaj i thohet "patriotizëm"

[Llapjani_HH]

Prishtina shmang UNMIK-un

UNMIK-u nuk heq dorë nga përpjekjet për të bindur Prishtinën dhe Beogradin në zhvillimin e bisedimeve teknike, që për bazë kanë planin gjashtëpikësh të Ban Ki-moonit, bën të ditur Radio Evropa e Lirë.

Sipas kësaj radioje, shefi i UNMIK-ut, Lamberto Zannier është duke kërkuar që të takohet me liderët kosovarë për t’i informuar ata mbi bisedimet që ka pasur me zyrtarë të Beogradit dhe të Brukselit.

“Plani i PSSP-së është që sa më shpejt që të jetë e mundur të informojë Qeverinë këtu në Kosovë me takimet e tij në Bruksel dhe Beograd”, ka thënë për këtë radio zëdhënësi i UNMIK-ut, Alexander Ivanko, i cili pranon se të hënën ishte anuluar një takim mes Zannierit dhe zëvendëskryeministrit Hajredin Kuçi.

Sidoqoftë, Ivanko thotë se është koha që të dy kryeqytetet t’i nisin konsultimet teknike. “UNMIK-u është i gatshëm që të ndihmojë në çdo mënyrë që është e pranueshme për Prishtinën dhe Beogradin”, u shpreh Ivanko.

Por, përpjekjet e Zannierit hasin në vesh të shurdhër, meqë Qeveria e Kosovës nuk është e interesuar për ndërmjetësim të UNMIK-ut në bisedimet eventuale mes Prishtinës dhe Beogradit. Zyrtarë të lartë të ekzekutivit shprehen se për këtë çështje pranojnë si ndërmjetës vetëm SHBA-të dhe Bashkimin Evropian.

“Ne nuk kemi qasje personale kundër z. Zannier. Përkundrazi, ne e respektojmë autoritetin e tij, e respektojmë misionin e UNMIK-ut si të suksesshëm, që ka qenë deri më tani, por ajo që do të themi është se UNMIK-u nuk ka nevojë për një mandat të ri dhe nuk ka nevojë që të ngarkohet me aktivitetet që do t’ia zgjasnin jetën”, ka thënë ndër të tjera zëvendëskryeministri Hajredin Kuçi.
Telegrafi


OKB-ja së shpejti nisë punën për zbatimin e 6-pikëshit

Organizata e Kombeve të Bashkuara së shpejti do të nisë punën për zbatimin e planit 6-pikësh. Diskutimet për këtë çështje do të përfshijnë UNMIK-un, EULEX-in, ICO-n, KFOR-in, OSBE-në dhe qeveritë në Prishtinë dhe Beograd.

Në një letër kërkesë të Zyrës qendrore të OKB-së në New York, të cilin e ka siguruar KTV-ja, përshkruhet agjenda e zyrtarit të lartë politik, udhëheqës i Deskut të Kosovës, Marco Bianchini, në Prishtinë dhe në Beograd gjatë 4 ditëve.

Në letrën konfidenciale thuhet se temë diskutimi do të jetë zbatimi i planit 6-pikësh, rikonfigurimi i UNMIK-ut dhe roli i tij në raport me aktorët e tjerë ndërkombëtarë.

Dokumenti hedh poshtë pohimet e vazhdueshme të Qeverisë së Kosovës se plani 6-pikësh tashmë ka “vdekur”. /ktv/
Telegrafi


Vazhdon shkelja e Marrëveshjes së CEFTA-së

Shkelja e Marrëveshjes së vetme për Tregtinë e Lirë CEFTA-së është duke vazhduar. Shteti ynë fqinjë Maqedonia sërish po i vë barriera produkteve kosovare duke pamundësuar eksportimin tyre në shtetin maqedonas.

Është kompania prodhuese e pijeve “Bibita”, ajo e cila ka ngritë sërish këtë çështje nëpërmjet një njoftimi zyrtar ndaj diskriminimit që po i bëhet palës kosovare dhe ka kërkuar nga institucionet e Kosovës të respektohet Marrëveshja e CEFTA-së.

“Ngarkesa e cila i bëhet produkteve të tyre është taksa prej 10% gjë e cila konsiston me përmbajtjen e detyrimin që parasheh CEFTA. Ndërkohë një fenomen i cili është paraqitur me rastin e hyrjes së produkteve me origjinë nga Kosova ju është shtuar edhe një obligim (takse) shtese për pagese te detyrimeve me një tarife enorme qe është 50%-shi i vlerës se mallrave, çfarë nënkupton 40% më tepër se sa që paguan shteti maqedonas për hyrje në Kosovës”, thuhet në një njoftim zyrtar të kësaj kompanie .

Tutje në njoftim thuhet se, një gjë e tillë dëmton shumë prodhuesit kosovar dhe se si e tillë bëhet pengesë për te qenë konkurrent ne tregun e rajonit.

“Sipas hulumtimeve të bëra nga ana e kompanisë sonë, në tërë dokumentin mbi marrëveshjen CEFTA nuk mund të hasim në ndonjë specifikacion i cili vërteton pagesë në shkallë prej 50% të vlerës së detyrimeve “ex Works” të mallrave në eksport”.

Në njoftimin zyrtar të Kompanisë “Bibita” po ashtu thuhet se në vetë Marrëveshjen CEFTA thuhet se mallrat të cilat si lëndë të parë kanë produktet jugore të cilat nuk rriten në Kosovë nuk mund të jenë origjinuese.

“Kjo nënkupton se jemi të obliguar të paguajmë detyrimet doganore vetëm në Doganë, TVSH dhe akcizë nëse aplikohet mirëpo, jo në një shkallë enorme prej 50% prej nga edhe nuk specifikohet askund ne marrëveshje.

Në po të nijetin njoftim thuhet se dokumenti i CEFTA-së po ashtu është e cekur që për kreun tarifor 2202 për mallrat nga Kosova taksa është zero dhe se nuk ka ndonjë informatë shtese se duhet të aplikohet ndonjë detyrim tjetër.
Telegrafi


Qeveria u ka hyrë në borxh shërbyesve civilë, që punojnë në Departamentin për prodhimin e dokumenteve

Qeveria u ka hyrë në borxh shërbyesve civilë, të cilët punojnë në Departamentin për prodhimin e dokumenteve. Ka dy muaj që Ministria e Brendshme nuk ua ka paguar mjetet shtesë për shkak të orarit të zgjatur që ata kanë punuar. Një punonjëse e Qendrës komunale të regjistrimit civil në Prishtinë në kushte anonimiteti i ka thënë KTV-së se shërbyesit civilë po punojnë nga 12 orë në ditë dhe për këtë çështje ka ekzistuar marrëveshja për pagesën shtesë. Ajo nuk ka pranuar të fliste publikisht për shkak të, siç ka thënë, presionit të vazhdueshëm nga Ministria e Brendshme për të mos folur për këtë çështje. Megjithatë, reagimi i ministrit për këtë çështje ka qenë befasues. Ministri Pajaziti ka deklaruar se pagesa është vetëm çështje procedurale.
KTV

[Llapjani_HH]

Maqedonia sërish barriera për produktet kosovare

Qeveria e Maqedonisë vazhdon të përdorë standarde të dyfishta ndaj shtetit fqinjë Republikës së Kosovës.

Pas sigurimeve shëndetësore të cilat zbatoheshin vetëm për shtetasit e Kosovës, absurdi i radhës është vendosja e barrierave produkteve kosovare për të pamundësuar eksportimin e tyre në Maqedoni.

Kjo politik antishqiptare ka revoltuar së tepërmi kosovarët, posaçërisht kategorinë e biznesmenëve që pretendojnë konform marrëveshjes për Tregtinë e Lirë CEFTA të zgjerohen edhe në Maqedoni.

Ata thonë se shkelja e Marrëveshjes së vetme për Tregtinë e Lirë CEFTA-së është duke vazhduar dhe se Maqedonia sërish po i vë barriera produkteve kosovare duke pamundësuar eksportimin tyre në shtetin maqedonas.

Është kompania prodhuese e pijeve "Bibita" ajo e cila ka ngritë sërish këtë çështje nëpërmjet një njoftimi zyrtar ndaj diskriminimit që po i bëhet palës kosovare dhe ka kërkuar nga institucionet e Kosovës të respektohet Marrëveshja e CEFTA-së.

"Ngarkesa e cila i bëhet produkteve të tyre është taksa prej 10% gjë e cila konsiston me përmbajtjen e detyrimin që parasheh CEFTA. Ndërkohë një fenomen i cili është paraqitur me rastin e hyrjes së produkteve me origjinë nga Kosova ju është shtuar edhe një obligim (takse) shtese për pagese te detyrimeve me një tarife enorme qe është 50%-shi i vlerës se mallrave, çfarë nënkupton 40% më tepër se sa që paguan shteti maqedonas për hyrje në Kosovës", thuhet në një njoftim zyrtar të kësaj kompanie .

Tutje në njoftim thuhet se, një gjë e tillë dëmton shumë prodhuesit kosovar dhe se si e tillë bëhet pengesë për te qenë konkurrent ne tregun e rajonit. (INA)
Mesazhi.com

[Llapjani_HH]

Kosovë, serbët, gurë makinës së kreut të policisë

• Zyrtarë të lartë të policisë së Kosovës janë penguar të futen në Leposavic. Drejtori i policisë së Kosovës ka deklaruar se serbët kanë goditur me gurë makinën e tij duke bërë të pamundur hyrjen në zonë. Lajmi u bë i ditur nga mediat serbe , sipas të cilave, banorët serbë të Leposavicit kanë bllokuar hyrjen në komunë.

LEPOSAVIC- Mediat serbe kanë bërë të ditur se Serbët në Leposavic kanë penguar një vizitë të zyrtarëve të lartë të Policisë së Kosovës në këtë qytezë veriore.
Disa qindra banorë lokalë kanë bllokuar hyrjen në Leposavic, duke bërë që kolona me vetura, e cila udhëhiqej nga drejtori i Policisë së Kosovës, Sheremet Ahmeti, të kthehej në Prishtinë, pas vizitës në Portën 1 në kufi me Serbinë.
Ahmeti ka deklaruar për agjencinë “FoNet” se serbët lokalë e kanë gjuajtur me gurë makinën e tij, duke bërë të pamundur vizitën e tij në këtë zonë, e cila kishte për qëllim njohjen me kushtet e punës së policëve në këtë pjesë veriore të Kosovës në kufi me Serbinë.
Incidenti është konfirmuar edhe nga Policia e Kosovës, e cila ka thënë se për shkak të protestës së rreth 200 serbëve, Ahmeti e ka anuluar vizitën në Leposavic.
Kjo komune përbëhet nga rreth 15 mijë banorë, shumica serbe. Atje jetojnë edhe rreth 400 shqiptarë të cilët banojnë në tre fshatra të kësaj komune, në Bistricë, Cerajë dhe Koshtovë, pothuajse të izoluar nga pjesa tjetër e Kosovës. Nga ana tjetër, institucionet e Kosovës nuk kanë arritur ende ta shtrijnë autoritetin e tyre në këtë pjesë të vendit.
Balkanweb


Opozita e shqetësuar për aktivitetet e fshehta të zyrtarit të lartë të OKB-së në Kosovë dhe Serbi

Askush në Kosovë nuk flet për aktivitetin katërditor të zyrtarit të lartë të OKB-së, Marco Binachini. Krejt çfarë thotë UNMIK-u është se italiani po qëndron në Kosovë për çështje të brendshme të UNMIK-ut dhe rikonfigurimin e tij. Megjithatë, hipoteza e UNMIK-ut rrëzohet nga dokumenti i publikuar në KTV, i cili flet qartazi për çështjet që do të diskutojë italiani, ku ndër të tjera është edhe kjo pikë: diskutimi dhe implementimi i planit gjashtëpikësh; Po ashtu, zyrtari i lartë është takuar në Kosovë larg vëmendjes së medias edhe më udhëheqës të të gjitha mekanizmave ndërkombëtarë në Kosovë, përfshi EULEX-in, ICO-n, KFOR-in e OSBE-në. Takime të ngjashme do të zhvillojë edhe në Beograd. Por, vizita e tij e ka shqetësuar tej mase opozitën kosovare. Megjithatë, presidenti i Kosovës, Fatmir Sejdiu, ka thënë se të gjithë ata që kanë për qëllim t’ ia vënë gjashtëpikëshin Kosovës e kanë gabim. Derisa Qeveria e Kosovës e konsideron ende të vdekur planin 6-pikësh, UNMIK-u e thotë të kundërtën. Më 23 mars do të mbahet edhe seanca e Këshillit të Sigurimit të OKB-së, ku sekretari i përgjithshëm, Ban ki Moon, do të prezantojë një raport të ri. Vizita e italianit Marco Bianchini po i shërben hartimit të raportit të Ban ki Moonit.
KTV


Kritikohet funksionalizimi i Ministrisë së Jashtme dhe rrjeti diplomatik

Kritika për funksionalizimin e Ministrisë së Punëve të Jashtme, ambasadave të Kosovës, për legjislacionin e politikës së jashtme, pengesat që po i shkaktohen vendit nga Serbia për mospjesëmarrje në organizatat ndërkombëtare janë disa nga konstatimet e nxjerra në raportin e institutit GAP “Një vit i politikës së jashtme të Kosovës”, në konferencën e organizuar nga Klubi për Politikë të Jashtme. Drejtori i GAP-it, Shpend Ahmeti, ka thënë se nuk duhet fokusuar në numrin e njohjeve, për në kualitetin e përmirësimit të interesit të qytetarëve dhe në qartësimin e përfaqësimit ndërkombëtar të vendit. Derisa në aspektin ekonomik, sipas Ahmetit, shtetet e rajonit po tallen me Kosovën. Kurse, kryetari i Bordit të Klubit për Politikë të Jashtme, Veton Surroi, ka deklaruar se Kosova ballafaqohet me mungesën e platformës për politikë të jashtme. Ka pasur tendenca që politika e jashtme të paraqitet si personalizuar, që është pasqyrim i padrejtë, ka potencuar Surroi. Ai ka deklaruar se pas shpalljes së pavarësisë në Kosovë po bashkëjetojnë tri statuse njëkohësisht: pavarësia, protektorati dhe ndarja e vendit, që po manifestohen edhe në politikën e jashtme. Ndërkohë, zëvendësministrja e Jashtme, Vlora Çitaku, ka shpalosur tri prioritetet e Ministrisë së Jashtme. Çitaku duke e quajtur Kosovën një shtet të sapolindur, ka ngjallur reagime te nënkryetari i parë i AAK-së, Blerim Shala. Ai ka kritikuar Qeverinë që nuk e ka vendosur diplomacinë, si njërin nga pesë prioritetet e ekzekutivit dhe ka shtuar se politika e jashtme është e kufizuar vetëm në deklarata se çështja e njohjes është punë e kryer, derisa gjendja faktike flet sipas Shala flet për të kundërtën.
KTV

[Llapjani_HH]

Burton: Dialogu Prishtinë- Beograd, çështje shumëdimensionale

Bashkësia ndërkombëtare është duke u përpjekur për të gjetur rrugë se si t’i ulë në tryezën e bisedimeve Prishtinën dhe Beogradin për çështje të mbetura pezull mes dy vendeve. Zëvendësi i Piter Feith në Zyrën Civile Ndërkombëtare, diplomati amerikan Fletcher Burton, ekskluzivisht për ALSAT u shpreh se dialogu Prishtinë- Beograd është një çështje e rëndësishme me përfshirjen e faktorëve të shumtë.

“Është përherë një çështje e rëndësishme dhe gjithmonë një lidhje shumëdimensionale. Si Prishtina po ashtu dhe Beogradi, por edhe qendra të tjera ndërkombëtare përfshirë Brukselin luajnë rol të rëndësishëm. Është një çështje e komplikuar që ka shumë dimensione. Por gjëja më e rëndësishme është që ne po vazhdojmë ta forcojmë këtë lidhje” tha zv/shefi i Zyrës Civile Ndërkombëtare, Fletcher Burton.

Krahas detyrës së shefit të Zyrës Civile, Piter Feith është njëkohësisht dhe Përfaqësues i Posaçëm i BE në Kosovë, kapacitet me të cilin pritet të marrë përgjegjësi në procesin eventual të dialogut Prishtinë- Beograd.
ALSAT


Përzgjidhen kandidatët për gjyqtarë të Gjykatës Kushtetuese të Kosovës

Përmes një komunikate për opinion, Zyra për marrëdhënie me media dhe publikime e Kuvendit të Kosovës ka njoftuar se komisioni i posaçëm për shqyrtimin e emërimit të gjyqtarëve të Gjykatës Kushtetuese të Kosovës, në mbledhjen e mbajtur sot, më 06.03.2009, vendosi që kandidatët e përzgjedhur të ftohen në intervistë, e cila do të mbahet më 10.03.2009 në ora 10.00 në ndërtesën e Kuvendit të Kosovës.

Lista e kandidatëve të mundshëm për gjyqtarë të Gjykatës Kushtetuese të Kosovës


1. Enver Hasani
2. Feriz Gërvalla
3. Abdullah Robaj
4. Altay Suroy
5. Kadri Kryeziu
6. Haxhi Durguti
7. Zait Xhemaili
8. Emrush Kastrati
9. Agim Krasniqi
10. Qemajl Juniku
11. Halit Muharremi
12. Selim Nikçi
13. Zijadin Spahiu
14. Rifat Abdullahu
15. Muharrem Shabani
16. Idain Smailji
17. Fejzulla Berisha
18. Hava Ismajli
19. Fadil rracaj
20. Idriz Gërvalla
21. Ali Qosja
22. Halim Sylejmani
23. Riza Smaka
24. Iliriana Islami
25. Anton Nokaj
26. Osman Tmava
27. Ramadan Bunjaku
28. Bajram Ukaj
29. Gjylieta Mushkolaj
30. Muhamet Shala
31. Gjyltene Sylejmani
32. Ariana Zherka – Hoxha
33. Mazzlum Baraliu
34. Zef Prekë Prenaj
35. Ejup Kamberaj
36. Vjosa Nimani
37. Nexhat Elezi
38. Luan Vokshi


Zyra për marrëdhënie me media dhe publikime.
RTK

[krijuesiii]

...edhe Papa ka nise me gjete rrugen ne Islam inshalla e udhezone Zoti ne te verteten...

Vatikani ofron sistemin financiar Islam për Bankat Perëndimore
Vatikani thotë se sistemi financiar Islam mund të ndihmojë në kalimin e krizës ekonomike si alternativë ndaj kapitalizmit.
E premte, 06 Mars 2009 21:05


Gazeta e përditshme e Vatikanit "L'osservatore Romano", raporton se sistemi bankar Islam mund të ndihmojë për kalimin e krizës globale ekonomike.

Vatikani tha se bankat duhej të shikonin rregullat etike të financave Islame për të rikthyer vetëbesimin në mesin e klientëve të tyre në kohën e krizës globale.

"Parimet etike Islame mbi të cilat janë të vendosura financat Islame mund të i ofrojnë bankat më afër klientëve dhe të fryma e vërtetë e cila duhet të shënoj çdo shërbim financiar," thuhet në gazetë.





Papa Benedikti XVI gjatë një fjalimi vitin e kaluar në lidhje me përplasjet e tregjeve financiare tha "paratë humbin, nuk është asgjë" dhe konkludoi se "realiteti i vetëm i qëndrueshëm është fjala e Zotit."
Vatikani ka qenë në përcjellje të situatës financiare globale duke e kritikuar tregun e lirë për rritjen e tepërt dhe të keqe gjatë dy dekadave të kaluara.

Edhe gazeta Austriake "Heute" ka publikuar një lajm të shkurtër ku shkruan:
Vatikani rekomandon të Drejten Islame për Bankat

Pa rritje të Kamatës, pa Spekulime: Bankat le t'i përmbahen Sheriatit Islam, shkruan Gazeta e Papës.




http://www.mesazhi.com/news_detail.php?id=10325

[Llapjani_HH]

Prishtinë, organizohet akademia përkujtimore në 11-vjetorin e epopesë së UÇK

Me moton "Bac u kry", nën patronatin e kryeministrit Hashim Thaçi në Prishtinë u mbajt akademia përkujtimore në 11 vjetorin e Epopesë se UÇK-se.
Njëri nga nipërit e komandantit legjendar Adem Jashari, Bekim Jashari, kritikoi institucionet për organizim të dobët të përvjetorit, ku ndryshe nga vitet tjera, nuk pati as parakalim te Gardës. Bekimi duke ju duke ju referuar motos së akademisë tha, "Bac, ende nuk u kry".

"6 vite para rënies ti o xhaxha e formove një ushtri për ta çliruar këtë vend, në mënyrë që të jetojmë të lirë, të kem të drejtë të nderojmë dëshmorët, ata që na ndihmuan, ata që na bënë të marrim frymë lirshëm. Por ajo ushtri të cilën ti e formove dhe që u trashëgua vit pas viti sot në 11 vjetorin e rënies nuk u lejua që të bënë as parakalim dhe as të nderoj te varrezat tua”, tha Bekim Jashari, Nipi i Adem Jasharit.

"Jemi mbledhur sot, për të kujtuar dhe nderuar veprën dhe jetën e një njeri dhe të familjes së tij që nuk u përul por i përballoj sfidat dhe që është më meritori për lirinë e popullit të tij të shtypur. Pra ky është babai i pavarësisë së Kosovës komandanti legjendar Adem Jashari”, u shpreh Hashim Thaçi, kryeministër i Kosovës. Garda e Kosovës e cila ishte pjesë përbërëse e TMK-së, tani pas krijimit të Forcës së Sigurisë së Kosovës, nuk bënë pjesë në këto forca.
ALSAT


Jasharët me sloganin "Bac nuk qenka kry", Thaçi: Nuk jam përgjegjës për situatën

Nuk jam përgjegjës për situatën e krijuar, kështu është shprehur kryeministri i Kosovës Hashim Thaci një ditë pas prezantimit të vëllait të Heroit legjendar Adem Jashari në ceremoninë përkujtimore të vdekjes së tij me slloganin “Bac nuk qenka kry” të cilin Bekim Jashari e ka përdorur në shenjë proteste për shkak të mosleijimit të Forca e Sigurisë së Kosovës për të bërë homazhe para varreve të familjes Jashari ashtu siç kanë bërë tradicionalisht pjesëtarët e ish Trupave të Mbrojtjes së Kosovës.

"Ne po e ndërtojmë shtetin tonë të ri. Unë dua të besoj se edhe komandanti i FSK-së, z. Sylejman Selimi, edhe ministri i mbrojtjes, Mujota, edhe komandanti i Forcave të Armatosura të Republikës së Kosovës, Presidenti Sejdiu do të deklarohen rreth kësaj çështjeje", u shpreh Hashim Thaçi.Kryeministër i Kosovës.

Por nënkryetari i Aleancës për Ardhmërinë e Kosovës Avni Arifi, e quan të papërgjegjshëm vendimin e organizatorëve për të mos ndjekur traditën e parakalimeve ushtarake në ditët e përkujtimit të viktimave të familjes Jashari.

"Si duket ka ekzistuar një gatishmëri dhe përgatitje nga FSK për ta ruajtur atë traditë që ka ekzistuar më herët, mirëpo ajo në momentin e fundit ajo është anuluar. Është e çuditshme pse ëshët anuluar aq më parë kur kjo është organizuar nën patronatin e Zyrës së Kryeministrit. Është një papërgjegjësi totale. Ndoshta i bashkangjitemi asaj thënies “Bac, ende nuk është kry.
Cdo vit,manifestimi përkujtimor “Epopeja e UÇK-së” është zhvilluar me paralakalimin e pjesëtarëve të ish Trupave të Mbrojtjes së Kosovës në stadiumin e qytetit në Prishtinë dhe me homazhe pranë varreve të dëshmorëve në Prekaz.Manifestimi treditor mbyllet sonte në Prekaz me atë që quhet “Nata e Zjarreve”, u shpreh Avni Arifi.Anëtar i Kryesisë/ AAK.
ALSAT


Operacioni “Hija”, zbulohet një rrjet i kontrabandës me armë

Pas një hetimi mbi pesë muaj të Drejtorisë Kundër Krimit të Organizuar të Policisë së Kosovës u zbulua rrjeti i kontrabanduesve me armë.

Hetuesit e Drejtorisë Kundër krimit të Organizuar kishin filluar muaj më herët hetimet kundër një rrjeti që dyshohet se operonte në Republikën e Kosovës duke bërë kontrabandim me armë.

Në një operacion të koduar me emrin "Hija", hetuesit e DKKO-së, të përkrahur edhe nga Njësiti Mbështetës Operativ, njësiti K-9 dhe Krim-teknika arrestuan 6 persona të dyshimtë: pesë shtetas të Republikës së Kosovës dhe një shtetas të Republikës së Shqipërisë.

Një i dyshimtë është arrestuar në pikën kufitare në Vërmicë, tre në Lipjan dhe dy në Podujevë.

Përveç personave të arrestuar, gjatë operacionit "Hija" u konfiskuan:

mbi 4100 fishekë të kalibrit 7.62 mm
2 vetura Golf 2 me targa KS
1 furgon me targa të Republikës së Shqipërisë
Mbi 75.000 € të konfiskuara.

Operacioni i cili është duke vazhduar akoma, është kryer në lokacione të ndryshme në Kosovë si në Podujevë, Lipjan dhe Pikën kufitare në Vërmicë.

Si pjesë e operacionit Policia e Kosovës ka bastisur edhe tri shtëpi në komunën e Podujevës.

Operacione të tilla siç është ky i sotmi tregojnë përkushtimin dhe vendosmërinë e Policisë së Kosovës në luftë kundër krimit të organizuar.
Mesazhi.com

Sa t'zot jan këta policët e Kosovës kur janë në pyetje Shqiptarët.
Kurse shkiet luajn me minahedhës e armë tjera, e atyre nuk guxojn me ju thanë kurgja.
Veq me ba e me u plagos me armë të veta siq ndodhi dje a pardje i dërgojn në spital, e ndoshta ju blejn armë të reja ma të mira se ato që i kanë pas.

[Llapjani_HH]

Kryeministri Thaçi fton presidentin serb Boris Tadic në Prishtinë

• Një ftesë nëpërmjet medias i është bërë Presidentit serb, Boris Tadic nga kryeministri kosovar, Hashim Thaci. Në një debat e sipër për kthimin e pakicave serbe në Kosovë, Thaci i ka bërë ftesë Tadicit të takohen në zyrën e kryeministrit në Prishtinë

PRISHTINE-Kreu i qeverisë kosovare, Hashim Thaci fton Presidentin e Serbisë për vizitë zyrtare në Kosovë. Ftesa u bë gjatë një një debati të sotëm në Çagllavicë ku u debatua për kthimin e pakicave, në veçanti serbëve.
Në fjalën e tij Kryeministri Thaçi ftoi edhe presidentin serb Boris Tadic, për një takim në zyrën e tij në Prishtinë. Sic theksoi kreu i qeverisë kosovare “është koha t’i shtrëngojmë duart dhe të nisim krijimin e raporteve të mira fqinjësore e jo si në luftë të ftohtë”.
Kurse lidhur me debatin për kthimin e pakicave serbe në shtetin e Kosovës, Thaci theksoi mbrojtje dhe mirqënie për këtë kategori të larguarish.
“Çdo pëllëmbë e territorit të Kosovës, është atdhe i të gjithë qytetarëve të saj, pa dallim etnie. Andaj, përveç ftesës për kthim, Qeveria e Kosovës ofron edhe mirëqenie dhe mbrojtje për ata që dëshirojnë të kthehen në shtëpitë e tyre”.
Nga Beogradi zyrtar nuk ka ende asnjë reagim për këtë ftesë të Thacit që nuk dihet nëse është dërguar edhe në mënyrë zyrtare.
Thaci dhe Tadic janë takuar vetëm në praninë e ndërkombëtarëve në diskutime të ndryshme jashtë vendeve të tyre lidhur me cështjen e Kosovës. Edhe ndonjë shtrëngim duarsh i komentuar nga mediat pas këtyre takimeve është justifikuar nga liderët sipas interesave të tyre. Në një shtrëngim duarsh që Thaci ka patur me Tadic në korridoret e Këshillit të Sigurimit në OKB ne janar të vitit 2008, i pyetur më pas nga mediat, kryeministri kosovar është shprehur vetëm se “ne shtrënguam duart si dy udhëheqës të dy vendeve të pavarura”.
Ballakanweb


Më e zbehtë se asnjëherë u përmbyll “Epopeja e UÇK”-së, përgjegjësit heshtin

Është përmbyllur mbrëmë në Prekaz, me natën e zjarreve Epopeja e UÇK-së. Por manifestimi i sivjetmë, krahasuar me vitet e mëparshme ka qenë shumë i zbehtë edhe pse ka më shumë se një vit që jemi shtet. Mbrëmë në Prekaz nuk ka qenë i pranishëm kryeministri Hashim Thaçi nën përkujdesjen e të cilit është mbajtur Epopeja. Po ashtu kanë munguar edhe i pari i vendit, Fatmir Sejdiu, ministri i FSK-së Fehmi Mujota si edhe komandanti i FSK-së Sylejman Selimi. Gjithashtu gjatë ditëve të Epopesë nuk ka pasur parakalim të FSK-së gjë që ka ngjallur zemërim e familjes së komandantit legjendar Adem Jashari ndaj institucioneve të vendit. Publikisht këtë pakënaqësi e ka shprehur Bekim Jashari në akademinë e mbajtur para dy ditësh. Arsyejen pse nuk ka pasur parakalim të FSK-së, kryeministri Thaçi ka thënë se duhet ta japin presidenti Sejdiu, ministri i FSK-së, Mujota dhe komandanti i FSK-së gjeneral Selimi. Ndërkaq burime të Kohahvsionit në hierarkinë e lartë të FSK-së kanë thënë se për këtë çështje duhet të japë përgjigje kryeministri Thaçi.
KTV


FSK mes dy zjarresh

FSK është zënë në mes të dy zjarreve: të respektojë detyrat shtetërore apo emocionet kombëtare? Ajo marshon vetëm për festa shtetërore. Prandaj, ushtarët nuk u panë në Manifestimin “Epopeja e UÇK’së”. Të gjithë ishin në dijeni për këtë, por heshtën. Kryeministri Thaçi foli të shtunën, ndërsa kërkoi që këtë ta bëjnë edhe Presidenti Fatmir Sejdiu dhe Komandanti i FSK’së.

Nga Leonard Kerquki më 08.03.2009 në ora 8:02
Kryeministri Hashim Thaçi është deklaruar të shtunën për mungesën e ushtarëve të Forcës së Sigurisë së Kosovës në manifestimet për nder të “Epopesë së UÇK’së”, ndërsa ka kërkuar që për këtë çështje të flasin edhe Komandanti i FSK’së Sylejman Selimi, Ministri Fehmi Mujota, si dhe Komandanti Suprem i Forcave të Armatosura, Presidenti Fatmir Sejdiu.

Deklaratat e Kryeministrit vijnë një ditë pasi që institucionet e Kosovës u gjenden nën kritikat e Bekim Jasharit, anëtar i Familjes Jashari nga Prekazi, teksa po u drejtohej pjesëmarrësve në një akademi përkujtimore.

“Ne po e ndërtojmë shtetin tonë të ri. Unë dua të besoj se edhe komandanti i FSK’së, Sylejman Selimi, Ministri i Mbrojtjes Mujota, edhe Komandanti i Forcave të Armatosura të Republikës së Kosovës, Presidenti Sejdiu, do të deklarohen rreth kësaj çështjeje”, tha Kryeministri Thaçi, të shtunën.

Bekim Jashari, në Akademinë Përkujtimore të mbajtur të premten me rastin e 11 vjetorit të rënies së Adem Jasharit, ka shprehur pakënaqësinë me ato që ndodhën gjatë ditëve përkujtimore, duke ironizuar me slloganin “Bac, u kry”.

“Bac, nuk qenka kry”, ka thënë ai, duke protestuar publikisht për shkak se ushtarët e FSK’së nuk u lejuan të parakalojnë dhe të bëjnë homazhe para varreve të

Familjes Jasharaj, siç kanë bërë tradicionalisht pjesëtarët e paraardhëses së saj, TMK’së.

Burime të Express, të afërta me institucionet e Kosovës, kanë shpjeguar arsyet pse ushtarët e FSK’së nuk u panë në manifestimet e “Epopesë së UÇK’së”.

“Prania ndërkombëtare në vend ka kërkuar që një gjë e tillë të mos ndodhë”, ka thënë një burim i gazetës, të shtunën.

“Sipas tyre, FSK duhet të marshojë vetëm në festat shtetërore”, ka saktësuar burimi i Express.

Për këtë, sipas tij, kanë qenë në dijeni të gjithë liderët institucionalë të Kosovës.

Shteti i Kosovës lindi pasi që bashkësia ndërkombëtare u bind që Prishtina është e përkushtuar të ndërtojë një shtet shumetnik. Në këtë kontekst, institucionet e Kosovës, pas miratimit të Deklaratës së Pavarësisë, kanë miratuar dhjetëra ligje, ashtu sikurse kanë përgatitur Kalendarin e Festave Shtetërore në frymë të Pakos së Ahtisaarit.

Manifestimet përkujtimore për nder të rënies së Komandantit Legjendar Adem Jasharit dhe Familjes Jashari këtë vit janë organizuar nga Zyra e Kryeministrit.
Memli Krasniqi, Zëdhënës i Qeverisë, ka dhënë detaje.

“Në agjendën preliminare, ne e kemi paraparë marshin e FSK’së, por pastaj duket se ka pasur presione drejtpërdrejt në FSK, dhe kjo ka bërë që mos të mbahet marshi”, ka thënë Krasniqi për Express, të shtunën.

“Presionet kanë qenë nga faktori ndërkombëtar”, ka shtuar ai.

Zëdhënësi Krasniqi ka thënë se Qeveria është njoftuar para dy ditësh se nuk do të ketë marsh të FSK’së në manifestimet për nder të “Epopesë së UÇK’së”.

Zëdhënësi i FSK’së, Enver Dugolli, ka thënë se FSK është institucion që i përgjigjet Qeverisë.

“Në këtë drejtim, nuk kemi se çfarë të shtojmë”, ka thënë ai për Express.

Dugolli ka shtuar se FSK vetëm merr urdhra, e kështu ka ndodhur edhe në rastin e manifestimeve për “Epopenë e UÇK’së”.

“Ne kemi qenë në dijeni se nuk do të ketë marsh, pasi që ka ekzistuar një Këshill Organizativ, ku kanë qenë të përfaqësuar të gjithë. Aty ka qenë edhe

Zv.Komandati i FSK’së dhe ai na tregoi se çështje e marshit është diskutuar një herë, por është vendosur që të mos mbahet”, ka treguar Dugolli.

Nga përgjegjësia është shkarkuar edhe Presidenca e Kosovës.

“Organizimi ka qenë në patronatin e Qeverisë. Sa i përket diskutimet tjera, jo presione, jo çpresione, ne nuk i komentojmë”, ka thënë Xhavit Beqiri, Zëdhënës i Presidentit.

“Vetëm mund të themi se gjatë kohës kur është bërë organizimi, Presidenti nuk ka qenë në Kosovë, e që do të thotë se ne nuk kemi qenë të përfshirë në këtë çështje”, ka shtuar Beqiri, të shtunën.

Nga ana tjetër, opozita ka shfajësuar FSK’në, duke ngarkuar me përgjegjësi Zyrën e Kryeministrit.

Avni Arifi, anëtar i Kryesisë së AAK’së, në një prononcim për ALSAT tha se është e çuditshme se si u anulua marshi i FSK’së.

“Si duket ka ekzistuar një gatishmëri dhe përgatitje nga FSK për ta ruajtur atë traditë që ka ekzistuar më herët, mirëpo ajo në momentin e fundit është anuluar.

Është e çuditshme pse është anuluar, aq më parë kur kjo është organizuar nën patronatin e Zyrës së Kryeministrit. Është një papërgjegjësi totale. Ndoshta i bashkëngjitmi asaj thënies “Bac, ende nuk është kry”, ka thënë ai.

Manifestimi përkujtimor “Epopeja e UÇK’së” është përmbyllur të shtunën me atë që quhet “Nata e Zjarreve”. Manifestimi përkujtimor “Epopeja e UÇK’së” është zhvilluar çdo vit me paralakalimin e pjesëtarëve të ish Trupave të Mbrojtjes së Kosovës në stadiumin e qytetit në Prishtinë dhe me homazhe pranë varreve të dëshmorëve në Prekaz.
Gazeta Expres

Hmm e kush është fajtor në këtë rast?

[Llapjani_HH]

Mediat: Organe të kosovarëve janë shitur në Rusi

• Trafik i organeve është lajmëruar këtë herë, por jo nga Karla Del Ponte, a nga Beogradi. Një e përditshme maqedonase ka rrëfyer fakte që serbët përmes Maqedonisë dhe Bullgarisë kanë bërë tregti me organet e kosovarëve të vrarë, të cilat më pas kanë përfunduar në Rusi.

SHKUP-Ekzistojnë dyshime të mëdha se në periudhën 1998-1999, gjatë luftës në Kosovë, serbët përmes Maqedonisë kanë bërë tregti me organe njerëzore të shqiptarëve të vrarë kosovarë. Këtë bën të ditur në një artikull të saj gazeta “Lajm” e Maqedonisë.
Sipas burimeve që citon gazeta, serbët përmes Maqedonisë dhe Bullgarisë kanë bërë tregti me këto organe njerëzore, të cilat më pas kanë përfunduar në Rusi.

Këto dyshime edhe më shumë i ngre prania e “mjekëve” rusë në Maqedoni, në kohën e luftës në Kosovë. “Gjatë asaj kohe në Maqedoni janë vërejtur një numër i madh i mjekëve rusë”, thonë burimet e kësaj gazete.

Këto dyshime kanë zgjuar interes të madh edhe tek disa qarqe të Kosovës dhe nuk përjashtohet mundësia të fillojnë hetime për të ardhur deri tek e vërteta, thekson kjo gazetë.

Por, në Ministrinë e Punëve të Brendshme të Maqedonisë kanë deklaruar se nuk posedojnë informacione të tilla. Zëdhënësi i policisë, Ivo Kotevski tha se deri më tani tek MPB-ja nuk ka arritur ndonjë kërkesë për të filluar hetime për një gjë të tillë.

Autoritetet e Kosovës edhe sot e kësaj dite nuk dinë se ku janë me mijëra shqiptarë të zhdukur për të cilët që nga koha e luftës nuk ka asnjë gjurmë.

Ndryshe, para një jave Komisioni qeveritar për të zhdukurit në Kosovë ka bërë të ditur se rreth 20 shqiptarë nga Kosova, të vrarë, dyshohet të jenë varrosur në varrezat e Shkupit në Butel.

Sipas kryetari të këtij komisioni, Prenkë Gjetaj, dyshohet se këto kufoma, pasi janë vrarë nga forcat serbe në vitin 1999, janë hedhur në lumin Lepenc, e më pas lumi i ka dërguar në Maqedoni.

“Kemi informata se këto kufoma janë hedhur në lumin Lepenc, në vitin 1999, dhe për këtë ne e kemi njoftuar Ministrinë e Punëve të Jashtme, që këtë çështje ta trajtojë me homologët e tyre nga Maqedonia, në mënyrë që të na lejohet afrimi në ato varreza”, ka thënë Gjetaj.

Pas këtij reagimi të Prishtinës zyrtare Ministria e Punëve të Jashtme (MPJ) e Maqedonisë ka thënë se është e gatshme të bashkëpunojë me Kosovën për gjetjen e kufomave e rreth 20 shqiptarëve nga Kosova, që dyshohet se janë varrosur në varrezat e Butelit në Shkup.

Ministri i MPJ-së, Antonio Milloshovski tha se janë të gatshëm për bashkëpunim nëse bëhet një kërkesë e tillë nga pala kosovare.
Balkanweb

[Llapjani_HH]

Haradinaj akuzon qeverinë Thaçi për korrupsion dhe për mungesë të një plani qeverisës

Kryetari i Aleancës për Ardhmërinë e Kosovës Ramush Haradinaj ka akuzuar sot kryeministrin e Kosovës se po ndihmon në zhvillimet e korrupsionit dhe se qeveria e tij po punon pa një plan veprimi. Gjatë një debati me qytetarë në Prishtinë Haradinaj tha se “fakti që kryeministri Thaçi zhvillon takime të fshehta me biznesmenë serb në Shkup është komprometim jo vetëm i pozicionit të kryeministrit por shumë etikave tjera”.

Ish kryeministri Ramush Haradinaj ka akuzuar sot edhe një herë qeverinë Thaçi për korrupsion dhe për mungesë të një plani qeverisës. Haradinaj tha se Thaçi po i ndihmon zhvillimit të korrupsionit dhe se veprimet e tij të fundit e kanë komprometuar atë jo vetëm si kryeministër.

Një situatë e keqe, sipas Haradinajt, është në kompanitë publike pasi aty janë shpërndarë rrjete të caktuara si dhe veprime të cilat janë jotransparente.

Sipas Haradinaj postet politike në Kosovë janë personalizuar dhe se kjo qeveri ka tendencë të shantazhimit të mediave

Kreu i AAK-së Ramush Haradinaj tha se partia e tij po përgatit një plan qeverisës dhe veprimi që do t’iu ofrojë qytetarëve të Kosovës në zgjedhjet komunale dhe ato parlamentare. Sipas Haradinaj do të jenë debatet me qytetarë që do të përcaktojnë prioritetet e planit të partisë së tij.
RTK

I biri i Adem Jasharit jashtë FSK-së

Murat Jashari, përfaqësues i familjes Jashari nga Prekazi, në një intervistë për Bota Sot ka bërë të ditur ndër të tjera se, i biri i komandantit legjendar Adem Jashari, Lulëzimi, tash për tash nuk është përfshirë në Forcën e Sigurisë së Kosovës.

Duke folur në pjesën e fundit të kësaj interviste në vazhdime, Murati ka shpjeguar se burimet e të ardhurave të familjes Jashari janë kryekëput burime familjare.

“Janë burime tërësisht familjare. Pushteti qendror nuk ka nxjerrë ndonjë ligj për këtë çështje, kurse ai lokal paguan 500-700 € në emër të shpenzimeve që bëhet për delegacione të ndryshme. Asgjë nuk është rregulluar ligjërisht. Babai im është në parapension dhe Bekimi në Aeroport… Lulëzimi deri tash ka qenë në TMK…”, ka thënë ai.

I pyetur ndërkaq se ku është Lulëzimi tash, Murat Jashari ka thënë: “Për momentin Luli është pa punë, respektivisht nuk është inkuadruar në FSK…”

Në insistimin e gazetarit për të treguar nëse nuk ka dashur apo nuk është zgjedhur në FSK Lulëzimi, Murati është përgjigjur: “Është një problem që nuk dihet ende se ç`ka ndodhur. Kishte disa bisedime ditëve të fundit, nuk e di si do të jetë nesër”.

Në pyetjen se a do të thotë kjo se, edhe për djalin e Adem Jasharit ka dilema se mund të jetë në atë ushtri apo jo!!? Murat Jashari është shprehur: “Mund të thuhet kështu”.

Ndërkaq për vetvete, Murati ka thënë se ai personalisht përfaqëson familjen, kryesisht kryen punët e shtëpisë, pret delegacionet prej më të ndryshme… dhe vazhdon me doktoraturën.

I pyetur ndërkaq, nëse ka të ardhura, Murat Jashari është përgjigjur: “Të ardhura nuk kam. Babai investon ende në mua... E falënderoj. Ndonëse nuk e ndiej veten mirë, pasi jam edhe baba i tre fëmijëve. Le të shohim si do të jetë e ardhmja. Ardhtë si shpirti Juaj!”.
Telegrafi

[Llapjani_HH]

Flet Lulzim Jashari: Klanet e FSK-së

Nuk do të jetë pjesë e FSK-së. Arsyet për këtë janë të shumta. Ato fillojnë nga parragullësitë që janë bërë në përzgjedhjen e pjesëtarëve të saj dhe përfundojnë në një forcë që nuk ka lidhje me ish-UÇK-në dhe TMK-në. Thotë se ashtu si në TMK, edhe në FSK, ka klane. Një prej tyre është ai i gjeneralëve Sylejman Selimi dhe Rrahman Rama. Për herë të parë, Lulzim Jashari, djali i Komandantit Legjendar Adem Jashari, flet për këtë proces.

Express: Pse nuk jeni në FSK?

Lulzim Jashari: Ka shumë probleme që sillen në vazhdimësi, e që unë nuk jam në FSK. Janë disa parregullsi dhe shkelje të kritereve që janë bërë dhe për këtë arsye unë nuk kam aplikuar fare të jem pjesë e FSK-së.

Çfarë shkeljesh?

Lulzim Jashari: ...Kanë të bëjnë me kriteret që kanë qenë dhe shkeljet që u janë bërë atyre kritereve për seleksionimin dhe përzgjedhjen e pjesëtarëve të TMK-s në FSK. Aty shkruan se, edhe një dënim të veturës nëse e ka dikush, do të merret parasysh...

Express: Nuk janë marrë parasysh këto kritere?

Lulzim Jashari: Nuk janë marrë parasysh asnjë. Kriteri, mendoj që është shkelur prej së larti e poshtë dhe të mos keqkuptohemi dhe elaborojmë këtë për pjesëtarët me grada të ulëta, por tek ata me grada të larta, janë bërë shkelje të kritereve në rend të parë, e pastaj është vazhduar edhe te të tjerët.

Express: Duke pasur parasysh emrin tuaj, mendoni se pas do t’iu vijnë edhe të tjerë, që do ta zhveshin uniformën dhe do ta lënë FSK-në?

Lulzim Jashari: Ne kemi shumë pjesëtarë të cilët janë pranuar në FSK, e të cilët janë të shqetësuar për këtë që ka ndodhur. Të gjithë kanë menduar se do të ndodhë diçka tjetër. Këtu përkundrazi, vlerat e luftës dhe kontributet e njerëzve nuk janë respektuar askund. Kjo që është ndërtuar sot, nuk është ndërtuar mbi gjakun dhe sakrificën që është bërë më herët. Kjo është bërë në interes të bashkësisë ndërkombëtare, për interesa të veta, që është luftuar dhe po luftohet që ashtu siç është shprehur edhe Murati (Murat Jashari), në Kushtetutë, nuk janë përmendur as dëshmorët, asgjë tjetër. Dhe këtu ndodh një eliminim i elementit UÇK, i vlerave të luftës dhe gjithçka të kthehet në favorin dhe interesin e tyre.

Express: Por fakti se FSK-ja nuk do të jetë pasardhëse e TMK-së, është ditur shumë kohë më parë. Pse nuk keni reaguar më herët por tash?

Lulzim Jashari: Këtë nuk e kanë lejuar as ndërkombëtarët dhe as disa klane, që të mos ketë transformim....

Express: Çfarë klanesh?

Lulzim Jashari: Janë grupe të caktuara si udhëheqësit e TMK-së dhe FSK-së, të cilët në bashkëpunim me disa ndërkombëtarë, edhe i kanë krijuar ato klane qysh herët. Ata nuk i kanë treguar asnjëherë para komandantëve të zonave. Pastaj reagimet kanë qenë prej disa komandantëve të zonave që kanë qenë gjeneral brigade me grada dhe të cilët kanë qenë të shqetësuar. E ato shqetësime nuk kanë shkuar asnjëherë jashtë Shtabit të Përgjithshëm.

Express: A kanë emra këto klane?

Lulzim Jashari: Një prej tyre është gjeneral brigade Nuredin Lushtaku, komandant i Gardës së TMK-së, i cili më vonë ka dhënë dorëheqje, sepse nuk i ka marrë parasysh shqetësimet e këtyre të tjerëve. Këta që kanë shprehur shqetësimet, janë edhe gjeneral brigade si Bashkimi (Bashkim Jashari) e shumë të tjerë që kanë shprehur shqetësime rreth kësaj force që është duke u ndërtuar.

Express: Por Nuredin Lushtaku në njëfarë forme është vetëdistancuar me largimin tij nga FSK-ja?

Lulzim Jashari: Nuredin Lushtaku, kur e shikon që ka shkelje prej kreut të FSK-së që emërohet nga TMK-ja, dhe se nuk është duke u krijuar një forcë që kemi menduar se do t’i shërbejë vendit, Kosovës dhe qytetarëve tanë, e ka bërë këtë. Atëherë ne në atë moment e kemi parë, edhe klanet, edhe grupet e caktuara që kanë qenë dhe i kemi sot, në krye të FSK-së, e kemi parë se ata janë pjesë e asaj dhe janë përgjegjës për këtë tranzicion që është bërë.

Express: E keni fjalën për gjeneral Sylejman Selimin?

Lulzim Jashari: Rrahman Ramën, Sylejman Selimin..., e rend.

Express: A keni pasur kontakte nga zyrtarët e lartë të vendit që ju të jeni pjesë e FSK-së?

Lulzim Jashari: Unë personalisht kam pasur takime edhe me kryeministrin, z. Thaçi dhe kryetarin e Kuvendit, z. Krasniqi.

Express: Ju kanë bërë ftesë që të jeni pjesë e FSK-së?

Lulzim Jashari: Jo ftesë, por janë interesuar dhe më kanë pyetur Krasniqi dhe Thaçi se ku jam dhe si do të veproj. Unë u kam treguar me kohë se nuk do të jem pjesë e FSK-së.

Express: Reagimi i tyre, cili ishte?

Lulzim Jashari: Ka qenë bukur shqetësues. Por duke parë pozicionin tim personal dhe të familjes sime, ata kanë insistuar që unë të jem në këto procese. Ata ndoshta edhe e kanë ditur se çfarë force po ndërtohet dhe kanë insistuar shumë, se, siç thatë edhe ju, më parë është ditur se kjo nuk do të jetë vazhdimësi e UÇK-së dhe TMK-së.

Express: Tash me çfarë do të merreni?

Lulzim Jashari: Tash jam duke pushuar. Nuk po merrem me ndonjë aktivitet. Rri me shokët e mi, siç kam qëndruar edhe më herët. Po e shoh një situatë jo edhe aq të qetë. Duhet ta shoh situatën se si po rrjedh dhe disa gjëra të bien në vendin e vet. Të shoh nëse koha apo nevoja, mund të jem diku tjetër, por nuk e di.

Express: Jeni ndier keq kur në “Epopenë e UÇK-së” nuk ka parakaluar FSK-ja?

Lulzim Jashari: Tash ‘Epopeja e UÇK-së’ lidhet me familjen. Ndoshta po flas më shumë si qytetar i thjeshtë. Por kur luftohet me një uniformë dhe emblemë dhe mbi të ndërtohet gjithçka tjetër që vjen pas saj dhe i sheh ata djem, vajza, burra e gra që kanë dhënë jetën për Kosovën dhe ne sot nuk i nderojmë, kjo është bukur e rëndë. Ka qenë rëndë për të gjithë njerëzit. Për këtë nuk është faji te një person, por te të gjithë. Asnjë lule nuk e ka qitur mbi varret e dëshmorëve uniforma e FSK-së. Kjo të jep të kuptohet pse nuk jam brenda kësaj FSK-je.

Express: Ka spekulime se ju nuk jeni në FSK, për shkak të mospajtimeve tuaja me kryeministrin Hashim Thaçi?

Lulzim Jashari: Nuk ka të vërtetë këtu. Unë kam raporte shumë të mira me kryeministrin Thaçi. Ndoshta nuk pajtohemi në shumë gjëra, por nuk jam krejt në rrjedha që ta di se si i ka problemet. Por unë nuk kam ndonjë problem pse nuk jam në FSK. Kam raporte të mira të ndërtuara me kryeministrin, jo tash, por vite më parë, që nga koha e paraluftës.

Sqarim

Në intervistën me Lulzim Jasharin, djalin e komandantit legjendar Adem Jashari, është përvjedhur një gabim. Në pyetjen se ‘a kanë emra këto klane’, në vend të përgjigjes se “...një prej tyre është gjeneral brigade Nuredin Lushtaku, komandant i Gardës së Kosovës”, është dashur të jetë “...Nuredin Lushtaku në vazhdimësi ka shprehur shqetësimet për rrjedhat se si ka ecur TMK-ja dhe formimi I FSK-së...”.
Kërkojmë falje nga Lulzim Jashari dhe lexuesit
Redaksia
Gazeta Expres


Shillovasit rilidhen në rrjet, pa paguar borxhin

Serbët e fshatit Shillovë të Gjilanit, të martën ndërprenë protestat, pasi atyre u është lëshuar rryma pa asnjë marrëveshje paraprake për shlyerjen e borxhit të grumbulluar që prej vitit 1999.

Policia në Gjilan, konfirmoi të martën për ndaljen e protestave në fshatin Shillovë, pasi siç thanë zyrtarët e policisë, atyre u është lëshuar rryma.

Sipas banorëve serbë të Shillovës, ky fshat për tetë ditë nuk ka pasur rrymë, ndërkohë që atyre u është lëshuar rryma pa shlyer borxhin. Por, sipas zyrtarëve komunalë, pritet që të martën të nisin bisedimet për këtë mes përfaqësuesve të fshatit dhe udhëheqësve komunalë e zyrtarëve të KEK-ut.

Zëdhënësi i komunës së Gjilanit, Shefik Surdulli, tha se të martën pasdite në komunë do të mbahet një takim mes kryetarit të komunës, Qemajl Mustafa, menaxherit të KEK-ut dhe përfaqësuesve serbë të Shillovës ku pritet të diskutohet për arritjen e një marrëveshje të mundshme mes palëve.

Serbët e Shillovës kanë mbajtur premtimin për ndërprerjen e protestave nëse u lëshohet rryma, sikurse që kanë qenë këmbëngulës që të mos pranojnë asnjërin nga kushtet.

Policia edhe të martën ka dalë në vendin e ngjarjes ku janë zhvilluar protestat, në afërsi të Fabrikës për Ftohjen e Pemëve dhe Perimeve, por aty nuk ka pasur protestues.
Zëdhënësi i Policisë në Gjilan, Ismet Hashani, tha se pas pesë ditë të protestave, të martën janë ndërprerë protestat e serbëve të Shillovës, pasi atyre u është lëshuar rryma.

Në mesin e kërcënime të serbëve, ka qenë edhe ai që nëse serbëve të Shillovës nuk u lëshohet rryma ata do të shpërngulen për Serbi. Një ditë më parë, Lubomir Stanojkovic, udhëheqës i fshatit Shillovë, tha se atë ditë që këtij fshati i lëshohet rryma, serbët do të ndërpresin protestat.

Sipas banorëve serbë të Shillovës, ky fshat ka 350 shtëpi me 1.500 familje, kurse sipas zyrtarëve të distriktit të KEK-ut në Gjilan, në fshatin Shillovë janë të evidentuar 115 konsumatorë, të cilët KEK-u për mospagimin e energjisë së harxhuar elektrike i kanë borxh 684 mijë euro.

Dy ditë më parë, kryetari i komunës së Gjilanit, Qemajl Mustafa është takuar me një delegacion të fshatit Shillovë, me të cilët nuk është arritur asnjë marrëveshje, pasi ata kanë kërkuar lëshimin e rrymës pa asnjë kusht në çka nuk e kanë gjetur përkrahjen e kryetarit të komunës. (KosovaLive)
Gazeta Expres

[Llapjani_HH]

Zv.ministri i ri i Shëndetësisë, Nemanja Vujoviq, është ende nën hetime

Zëvendësministri i ri i Shëndetësisë, Nemanja Vujoviq, është ende nën hetime nga Njësiti për Krime Ekonomike i Policisë së Kosovës. Nga kjo njëri i është konfirmuar KTV-së se ai dyshohet për keqpërdorime me një tender në Ministrinë e Kthimit dhe Komuniteteve. Mirëpo, Vujoviq dhe partia e tij nuk e pranojnë. I riu i dhënë pas badi-billdingut, zv. ministri i sapoemëruar i Shëndetësisë, Nemanja Vujoviq, qeshet me akuzat që i vihen mbi supe. E pranon se ka punuar edhe në Ministrinë e Kthimit, e edhe në Ministrinë e Punës, që të dyja të udhëhequra nga serbë. Thotë se nuk ka pasur asnjë problem në Ministrinë e Kthimit të udhëhequr një herë nga Sllavisha Petkoviq, dhe pastaj nga Branisllav Grbiq, duke mohuar se ka pasur probleme me ligjin. Por, Kohavision e ka konfirmuar në Njësinë për Krime Ekonomike të Policisë së Kosovës dhe ai është ende nën hetime për periudhën në të cilën ka punuar si shef i Prokurimit në Ministrinë e Kthimit. Auditori Gjeneral, i udhëhequr atëherë nga Linda Casella, kishte nisur hetimet në nëntor 2006. Njësia për krime të rënda ekonomike e Policisë së UNMIK-ut besohet ta ketë marrë Vujoviqin bashkë me një person tjetër nga ministria dhe e ka marrë në pyetje për 2 dy ditë dhe dy net. Dyshimet janë hedhur për një tender të kësaj ministrie. Rasti i është kaluar Njësitit për krime ekonomike të Policisë së Kosovës, në fund të vitit 2007. Partia prej nga vjen Vujoviq i hedh poshtë të gjitha dhe bën akuza për ish-ministrat e Kthimit, Slavisa Petkoviq dhe Branislav Grbiq. Vujanoviq ka pasuar në postin e zv. ministrit të Shëndetësisë, Branislavi Grbiqin, i cili i është bashkuar Grupit parlamentar “Zajedno” e që udhëhiqet nga Slavisha Petkoviq.
KTV


Për kosovarët UNMIK-u diku bën e diku jo

Diku UNMIK-u nuk bën e diku bën. Institucionet e Kosovës janë pajtuar të fusin UNMIK-un në zgjidhjen e problemit të bllokadës që Serbia dhe Bosnja janë duke ua krijuar prodhuesve kosovarë. Burime të sigurta brenda qeverisë i kanë thënë KTV-së me kushte anonimiteti se brenda dy-tri ditësh pritet që vulat e reja me mbishkrimin Doganat e Kosovës t’i dorëzohen UNMIK-ut, e pastaj këta të fundit t’ ia dërgojnë të njëjtat shteteve të lartpërmendura. Po sipas këtij burimi, Komisioni Evropian u ka premtuar zyrtarëve të qeverisë të përfshirë në këtë proces se nëse administrata e UNMIK-ut do t’i dorëzojë vulat te Serbia dhe Bosnja, kjo çështje do të zgjidhet, pasi që institucionet e vendit nuk kanë ndonjë vendim tjetër në rast të refuzimit të serishëm të vulave të reja, sepse qeveria nuk ka shprehur gatishmërinë për të bllokuar hyrjen e prodhimeve me origjinë nga të dyja vendet. Nëse bazohemi në një deklaratë dhënë kohë më parë nga UNMIK-u, atëherë kjo çështje do të kryhet, pasi që ata kanë shprehur gatishmërinë që t’ u ofrojnë ndihmë Institucioneve të Kosovës. I gjithë problemi, sipas tij, ka nisur nga mosmenaxhimi si duhet i ndërrimit të vulës së Doganave të Kosovës me ato të UNMIK-ut nga Ministria e Ekonomisë dhe Financave dhe Doganat. Nga janari i këtij viti asnjë kamion nuk ka kaluar në dy pikat kufitare me Serbinë. Të gjendur para kësaj situate, disa kompani kosovare pas problemeve të shumta që u janë krijuar nga bllokada, ato kanë filluar t’i eksportojnë prodhimet në Maqedoni, për t’i futur pastaj në tregun e të dy vendeve të lartpërmendura me vulën maqedonase. E disa të tjera vulosin dokumentet me vulën serbe në enklava në Kosovës.
KTV


Kosovë, përplasje qeveri- opozitë për propozimin e Rohan

Partitë e opozitës në Kosovë kanë mbështetur propozimin e Albert Rohan, zëvendësit të Marti Ahtisaarit në bisedimet për statusin e Kosovës, për krijimin e një qeverie uniteti kombëtar, për t’u përballur me sfidat e mëdha me të cilat po ballafaqohet shteti i ri, një vit pas shpalljes së pavarësisë. Por zëvendës kryeministri Hajredin Kuqi e hedh poshte këtë mundësi.

“Faktikisht zgjidhja kishte me qenë për një qeveri teknike, qeveri ekspertësh që do ta luante rolin e përfshishmërisë së përgjithshme të spektrit politik, por edhe për të tejkaluar paaftësinë e qeverisë ekzistuese” thotë nënkryetar i LDD-së, Berim Ramosaj.

“Për shkak të proceseve nëpër të cilat po kalon Kosova, për shkak se ne jemi një shtet i ri i cili po përballet me sfida të llojllojshme dhe për t’i tejkaluar këto sfida, qofshin të brendshme apo të jashtme kemi thirrur në një unitet politik, jo vetëm në një unitet bashkëpunues, por edhe bashkëveprues. Kjo nënkuptonte edhe mundësinë e krijimit të një qeveria e cilado të kishte dhe do të kishte mbështetjen e të gjithë subjekteve politike për t’u përballur me këto sfida të natyrës politike dhe ekonomike” thotë - nënkryetar i AKR-së Ibrahim Makolli.

“Ne nuk veprojmë me inercion, në kuptimin e reagimit. Është normale që opozita mund ta thotë mendimin e vet. Ka momente kur ajo i shikon pikat, dalluese. Ndërsa ne tentojmë t’i gjejmë pikat takuese. Kosova ka një qeveri që ka fituar mbi dy të tretat në Kuvendin e Republikës, një qeveri që vazhdimisht jo vetëm që ka ruajtur stabilitetin institucional por edhe kohezionin nacional, një qeveri me ekspertë të shquar të fushave të caktuara. Në këtë qeveri janë të bashkuar edhe legjitimiteti politik dhe demokratik dhe ai profesional” thotë zv/kryeministri Kuqi.

Kuqi kundërshtimin për këtë propozim të Rohan e argumenton me faktin se qeveria aktuale është gjithpërfshirëse dhe respekton të drejtat e minoriteteve.
ALSAT