Lajme Aktuale....

[Lona]

Ruecker: Ban Ki-Moon është i njoftuar me aspiratat e kosovarëve për pavarësi Sekretari i përgjithshëm i Kombeve të Bashkuara Ban Ki-Moon është i njoftuar me aspiratat e udhëheqësisë kosovare që pas 10 dhjetorit të shpallet pavarësia e Kosovës, ka deklaruar shefi i UNMIK-ut, Joachim Ruecker.
Por, gjatë një konference për shtyp në Prishtinë, Ruecker nuk ka pranuar të flasë se cili do të ishte reagimi i tij dhe i administratës ndërkombëtare në rast të shpalljes së pavarësisë së Kosovës.
Ruecker gjithashtu u bëri thirrje serbëve të Kosovës që të dalin në zgjedhje, ndërsa i ka cilësuar si jodemokratike thirrjet e Beogradit drejtuar këtij komuniteti për bojkotimin e zgjedhjeve.

Benazir Buto në arrest shtëpiak
Islamabad, 9 nëntor - Policia pakistaneze, e mbështetur nga makina të blinduara, ka rrethuar shtëpinë e ish kryeministres së vendit, Benazir Buto. Njoftohet se ajo ndodhet në arrest shtëpiak. Ky veprim u ndërmorr vetëm pak orë para se znj. Bhutto, si pritej, të drejtonte një protestë masive të mijëra mbështetësve të saj në qytetin Rawalpindi. Korrespondentja e BBC së, Barbara Plett që ndodhet në qytet, thotë se ndaj znj. Bhutto, nuk është lëshuar fletëarrest zyrtar. Por zëdhënësi i saj thotë se faktikisht, ajo ndodhet në arrest shtëpiak.

Sakashvili pranon zgjedhjet, arrestimet vazhdojnë Tbilisi, 9 nëntor - Opozita ka përshëndedur paralajmërimet e presidentit të Gjeorgjisë Mihail Sakashvili që në janar të mbahen zgjedhjet e parakoshme presidenciale. Pas protestave disaditëshe, Sakashvili tha se zgjedhjet presidenciale dhe referendumi për zgjedhjet parlamentare do të mbahen më 5 janar. Ndërkohë forcat policore kanë vazhduar arrestimin e udhëheqësve opozitarë, me shpjegimin për gjoja lidhje të afërta me shërbimin sekret rus. SHBA kanë kërkuar heqjen e shpejtë të gjendjes së jashtëzakonshme në Gjeorgji. Edhe mediat duhet të punojnë të lira, thuhet në Uashington, pas mbylljes së shumë radiove dhe televizioneve.

Çavez ndërmjetëson në lirimin e pengjeve në Kolumbi Karakas, 9 nëntor - Presidenti i Venecuelës Hugo Çavez ka nisur negociatat me përfaqësuesit e organizatës kryengritëse të Kolumbisë, FARC, për lirimin e pengjeve. Çavez i ka ofruar para disa muajve Qeverisë në Bogota shërbimet si ndërmjetësues. Ai do të mundësojë shkëmbimin e 50 pengjeve me 500 kryengritës të arrestuar të FARC ut. Ndër pengjet është edhe ish kandidatja për president të Kolumbisë, Ingrid Betancourt. Bisedimet e fundit të drejtëpërdrejta mes Qeverisë dhe përfaqësuesve të kryengritësve janë zhvilluar në vitin 2002.

Opozita në Birmani është për bisedime me juntën ushtarake
Rangun, 9 nëntor - Udhëheqësja e opozitës në Birmani, Aung San Suu Kyi e cila për 18 vjet me radhë është në arrest shtëpiak, ka shprehur gatishmëri për bisedime me përfaqësuesit e juntës ushtarake. Bartësja e çmimit Nobel për paqë tha se me qeverinë do të bashkëpunojë në interesin e popullit. Suu Kyi është takuar më parë me të dërguarin special të OKB, Ibrahim Gambari, në një objekt qeveritar. Për sot është planifikuar takimi i saj me ministrin e punës, të cilin hunta e ka shpallur si përson për lidhje me opozitën. Su Kyi është lejuar që për herë të parë pas tre vjetësh të bisedojë edhe me përfaqësuesit e partisë së saj Liga kombëtare për demokraci.

Në Brazil zbulohet hapsirë e madhe me naftë Brazilia, 9 nëntor - Buzë bregdetit të Brazilit është zbuluar një sipërfaqe e madhe me naftë, me të cilën ky vend mund të radhitet ndër dhjetë prodhuesit më të mëdhenjë në botë. Organizata shtetërore për karburante, Petrobras kumti në Rio de Janerio se fusha e zbuluar përmban deri në tëtë miliardë barelë vaji të lehtë. Për faktin se sasitë e zbuluara gjenden në thellësi të mëdha, vlerësohet se prodhimi nuk mund të fillojë para katër vitesh, kumtoi Petrobrasi

[Lona]

Pas përplasjes së një anije-tanker në Bej brixh në San Francisko janë derdhur 220.000 tonë mazut Mbi 220.000 tonë mazut janë derdhur në gjirin e San Franciskos pasi që një anije-tanker kineze është përplasur në një nga shtyllat e urës Bej brixh, e cila e ndërlidh San Franciskon me Ouklendin.

Njolla ka arritur 40 milja në veri të qytetit dhe është kanosje për një nga ekosistemet më me kujdes të ruajtura nga bregu i Kalifornisë. Janë mbyllur tetë plazhe. Rreth 30.000 tonë të derivatit veçmë janë pastruar.

Në aksion vazhdojnë tetë anije-pastruese.

"Sipas standardeve kjo ndotje është mesatarisht e rëndë, por për gjirin e San Franciskos kjo është katastrofë", konsideron shefi i portit në qytet, Uilijam Uberti.

Ende nuk është e qartë pse anija është përplasur në urë.
/Botuar më: 09 Nov 2007/V.H.

EU thotë se ka marrë mbështetje nga qendrat evropiane për zgjidhjen e statusit

Ekipi i Unitetit mbrëmë vonë është kthyer në Prishtinë nga turneu diplomatik në disa qendra evropiane. Me të mbërritur në aeroportin e Prishtinës, kryesuesi i Ekipit Presidenti Fatmir Sejdiu, tha se kanë marrë mbështetje nga Lisbona, Roma dhe Berlini për përfundimin sa më të shpejtë të zgjidhjes së statusit të Kosovës.



Ai theksoi se të gjitha veprimet e institucioneve të Kosovës pas 10 dhjetorit, kur përmbyllet procesi shtesë i negociatave për statusin, do të merren në koordinim me bashkësinë ndërkombëtare.

"Për ne është me rëndësi që të mbajmë këtë hap dhe këtë dinamikë të punës që kemi dhe sigurisht se do të konsultohemi drejtpërdrejt edhe me SHBA-të, me Brukselin, me të gjithë vendet që janë në Bashkimin Evropian që kanë pozicione kyçe dhe të rëndësishme duke pasë respekt ndaj gjithë vendeve tjera të BE së dhe botës demokratike që kanë qenë dhe janë me Kosovën", u shpreh Presidenti Sejdiu.

Presidenti përsëri hodhi poshtë çdo ide tjetër për zgjidhjen e statusit të Kosovës pos pavarësisë së saj, duke theksuar se Kosova është rast i veçantë. Sejdiu shpjegoi se deri nga fundi i procesit do të mbahen edhe dy takime më 20 nëntor në Bruksel, dhe takimi i fundit më 26 nëntor.
/Botuar më: 09 Nov 2007/V.H.

[Lona]

MPB do t'i prezantojë armët e konfiskuara në aksionin "Stuhia malore"
Ministria e Punëve të Brendshme sot në kazermën Gjorqe Petrov do t'i prezantojë armët e konfiskuara nga aksioni "Stuhia malore".



Ministrja e Punëve të Brendshme Gordana Jankullovska gjatë prezantimit do të takohet edhe me disa pjesëtarë të Njësitit për sistemim të shpejt, të cilët marrin pjesë në aksionin e rajonit të Malësisë së Sharrit.

MPB kumtoi se në prezantim janë ftuar atashe policorë në përfaqësitë e huaja diplomatike në vend.
/09 Nov 2007/V.H.

Pas përpasjes së një anije-tanker në Bej brixh në San Francisko janë derdhur 220.000 tonë mazut
Mbi 220.000 tonë mazut janë derdhur në gjirin e San Franciskos pasi që një anije-tanker kineze është përplasur në një nga shtyllat e urës Bej brixh, e cila e ndërlidh San Franciskon me Ouklendin.


Njolla ka arritur 40 milja në veri të qytetit dhe është kanosje për një nga ekosistemet më me kujdes të ruajtura nga bregu i Kalifornisë. Janë mbyllur tetë plazhe. Rreth 30.000 tonë të derivatit veçmë janë pastruar.

Në aksion vazhdojnë tetë anije-pastruese.

"Sipas standardeve kjo ndotje është mesatarisht e rëndë, por për gjirin e San Franciskos kjo është katastrofë", konsideron shefi i portit në qytet, Uilijam Uberti.

Ende nuk është e qartë pse anija është përplasur në urë.
/Botuar më: 09 Nov 2007/V.H.

Bregu lindor i Anglisë kërcënohet nga vërshime për shkak ardhjes së një batice të fuqishme

Pjesë të bregut lindor të Anglisë në Detin Verior janë të ekspozuar nga kanosja nga vërshime të mëdha për shkak ardhjes së një batice të fuqishme, e gjatë rreth tre metra.

Qeveria britanike për shkak kësaj ka urdhëruar masa urgjente për mbrojtjen e njerëzve dhe evakuimin e popullatës që jeton në rajonet që mund të kaplohen nga ardhja e ujit.

Mbrëmë në Londër mbajtën mbledhje komisioni qeveritar për gjendje të jashtëzakonshme "Kobra" dhe Agjencia për mbrojtjen e të mjedisit të jetesës, të cilat në kumtesën që është lëshuar më vonë, paralajmërojnë në "rrezikun e jashtëzakonshëm" me të cilin mund të ballafaqohen njerëzit dhe zona të bregut lindor të vendit.

Në situatë më të keqe ndodhen rajonet e lindore angleze Norfolk dhe Safolk dhe rajoni i Greit Jormut, ku policia veç më ka urdhëruar evakuim të rreth 10 mijë njerëzve.

Në vitin 1953, në vrullin e baticës së madhe, lartësia e së cilës ka arritur 3,2 metra, kanë humbur jetën 307 njerëz në zonat Norfolk, Safolk, Saseks dhe Kent.
/09 Nov 2007/V.H.

Myslimanët kërkojnë ndërtimin e xhamisë në Athinë

Unioni i myslimanëve në Greqi ka protestuar ndaj vonesave lidhur me ndërtimin e një xhamie në Athinë si dhe të një varreze myslimane në kryeqytetin grek.

Udhëheqësit e këtij unioni, me një notë proteste drejtuar ministrit grek të Arsimit, Euripidhis Stilianidhis, kanë shprehur pakënaqësinë e tyre për vonesën e qeverisë greke për një çështje e cila është miratuar me ligj nga kjo qeveri një vit më parë, por që tashme duket se ka “ngrirë” dhe ka mbetur e harruar në sirtarët e ministrive. Qindra-mijëra myslimanë në Athinë vazhdojnë të kryejnë ritet e tyre fetare nëpër palestra sportive dhe ambiente të marra me qira, pavarësisht nga fakti se si qeveria greke ashtu edhe kisha greke kanë miratuar ligjin për ngritjen e një xhamie në Athinë, e para pas rreth 150 vjetësh, në zonën e Botanikut. Edhe për çështjen e një varreze myslimane, Sinodi i Shenjtë, duke i ofruar një sipërfaqe të pronave të saj në zonën Skistos, ka pranuar ndërtimin e një varreze myslimanësh qysh prej dhjetorit të vitit 2005, por asgjë nuk është bërë që prej asaj kohe.
/09 Nov 2007/V.H.

[Fshatari]

Danaj: Nacionalizmi maqedonas nuk pranon bashkejetesen me shqiptaret

Drejtori i Institutit te Prognozave politike rajonale, Koço danaj e ka cilesuar daten 7 nentor 2007 si daten kur naxcionalizmi maqedonas i drejtuar nga Gruevski dhe Cervenkovski shkelin perfundimisht mbi marreveshjen e Ohrit duke e shndrruar ate ne nje leter pa vlere. Deklarimi u be pas masakres se forcave speciale dhe atyre te motorizuara maqedonase kunder popullit shqiptar ne Malesine e Tetoves nen pretekstin e ndjekjes se krimineleve.
Danaj u shpreh edhe per qensdrimin e partive politike shqiptare ne maqedoni. Sipas tij: Per kryetarin e PDSH, Menduh Thacin, dita e masakres mbi shqiptaret eshte dita me e turpshme e karieres se se tij politike. Me deklaratat arrrogante te aprtise se tij ne mbrojtje te nacionalizmit dhe ultranacionalizmit maqedonas kjo parti u shkeput nga interesat kombetare te shqiptareve duke pare vetem interesat pushtetore. Kjo ka qene dita me e turpshme edhe per Ali Ahmetin, kryetarin e BDI. Deklaratat e tij dhe te partise se tij per masakren maqedone ishin deklarata prej frukacakesh. Ato tregojne se ata nuk jane me ne gjendje te mbroje interesat kombetare te shqiptareve, por vetem ato pushtetore.
Danaj eshte shprehur se perderisa maqedonet dhe politika e tyre nacionaliste dhe primitive nuk duan te jetojne me shqiptaret mbi bazen e barazise, edhe shqiptaret nuk kane pse te pranojne te jetojne me ata si qytetare te dores se dyte dhe bujkrober moderne. Shqiptaret nuk jane bekshinj te maqedonise, por qyxtetare te denje te Europes te cilet me mjete demokratike dhe vetem demokratike, do te dine te mbrojne te drejtat e tyre edhe ne Maqedoni. |||Lajme.Net|||

[hasanmehmeti]

Myslimanët në veri të Italisë, ditëve të premte, kishën do ta transferojnë në xhami
IRIB - Kisha e një qyteze në veri të Italisë, që nga dita e premte do të transferohet në xhami për myslimanët. Sipas gazetës italiane "Coriere Della Sera", papa Aldo Danieli, klerik i kishës Santa Maria Esonta në rajonin Paderno në afërsi të qytetit Treviso, ka vendosur që këtë kishë, ditëve të premte ta transferojë në xhami në mënyrë që myslimanët aty të falin namazin e së premtes. Në reagim të akuzave ndaj tij duke e quajtur atë përkrahës të muslimanëve, papa Danieli, deklaroi se Papa i ndjerë Gjon Pali i dytë, muslimanët i konsideronte vëllezër. Ando Danieli deklaroi: Unë, e dua më shumë një musliman i cili fale namazin dhe i lutet Zotit, nga një i krishterë i cili mohon Zotin. Në Itali jetojnë rreth 1 milionë muslimanë.

Gjendje e rëndë për qytetarët Palestinë
IRIB - Organizata e OKB, përgjegjëse për të ndihmuar refugjatët palestinezë "Anrova", me anë të një raporti njoftoi për gjendjen e rëndë të qytetarëve palestinezë në Rripin e Gazës si pasojë e rrethimit të regjimit sionist. sipas këtij raporti, që nga muaji qershor e deri më tani, në Gaza janë mbyllur mbi 3000 dyqane dhe të paktën 8000 palestinezë kanë mbetur të papunë duke iu shtuar 120 mijë të papunëve palestinezë të cilët janë të papunë që para shtatë viteve. Karen Kaning Abu Zejd, komisari i lartë i organizatës Anrova, deklaroi se si pasojë e shtimit të izolimit të regjimit sionist, 90 % e barnave të nevojshme në Rripin e Gazës nuk ekzistojnë dhe populli i këtij rajoni është duke u përballur me një tragjedi të vërtetë humanitare. Ai shtoi se përpos këtyre problemeve, edhe rritja e çmimit të gjërave elementare për jetesë ka shtuar dukshëm presionin ndaj palestinezëve të cilët ndoshta në një të ardhme të afërt nuk do të mund të blejnë edhe bukën e gojës. Izolimi i Rripit të Gazës nga ana e regjimit sionist i mbështetur nga perëndimi, filloi që nga qershori i kaluar kur Hamasi mori në dorë kontrollin e Rripit të Gazës.

Irani dhe Kina do të ndërtojnë digën më të lartë në botë
IRIB - Irani dhe Kina bashkërisht do të ndërtojnë digën më të lartë në botë në Iran. Zv. Ministri i energjisë të RII z. Resul Zargar, deklaroi se me disa kompani kineze janë duke u zhvilluar negociatat për ndërtimin e digës dhe centralit "Bakhtiari" në perëndim të Iranit me vlerë prej 1.2 miliardë dollarë. Parashikohet që ky hidrocentral për prodhimin e energjisë elektrike të ketë fuqi prej 1500 megavat. Gjithashtu kjo digë me lartësi prej 315 metrash, pritet të jetë diga më e lartë në botë.

Aktivitetet e paligjshme bërthamore të regjimit sionist, kërcënim për LM
IRIB - Sekretari i përgjithshëm i Ligës Arabe z. Amru Musa, deklaroi se aktivitetet e paligjshme bërthamore të regjimit sionist, janë kërcënim për stabilitetin në rajonin e Lindjes së Mesme. z. Amru Musa, pasi kërkoi ndërprerjen e aktiviteteve bërthamore të regjimit sionist, deklaroi se kundërshtimi i traktatit NPT nga ana e regjimit sionist, është rrezik serioz për stabilitetin e LM. Ai dënoi edhe kritikat e regjimit sionist ndaj drejtorit të përgjithshëm të ANEA z. Muhammed Al Baradei dhe kërkesën për largimin e tij nga posti, dhe shtoi se Tel Avivi me këto akte vë në pikëpyetje organizmat ndërkombëtarë të cilët luajnë një rol shumë të rëndësishëm në ruajtjen e traktatit për ndalimin e prodhimit dhe përhapjes së armëve të shkatërrimit në masë NPT.

Vendet e paangazhuara dhe të grupit G-77 do të lëshojnë një deklaratë kundër regjimit sionist
IRIB - Vendet e paangazhuara dhe vendet e grupit G-77 do të lëshojnë një deklaratë të përbashkët ku do të dënojnë sulmet e fundit të funksionarëve të regjimit sionist kundër drejtorit të përgjithshëm të ANEA z Muhamed El Baradej. Zv/kryeministri i regjimit sionist Shaul Mofaz e akuzoi z El Baradej se ka mbyllur sytë përballë aktiviteteve bërthamore të Iranit dhe kërkoi dorëheqjen e tij nga posti drejtues i ANEA.
Përfaqësuesi i RII në ANEA z Ali Asghar Soltanie njoftoi se në takimin e ambasadorëve të vendeve të paangazhuara dhe të grupit G-77 në Vjenë u ra dakord që gjatë takimit të ardhshëm të KG të ANEA të miratohet një deklaratë e përbashkët ku të dënohen akuzat e pabaza të funksionarëve sionistë kundër drejtorit të përgjithshëm të ANEA.

Diplomatët e liruar iranianë: Sjelljet e amerikanëve ishin çnjerëzore
IRIB - Njëri nga dy diplomatët e liruar iranianë, të cilët muaj më parë ishin arrestuar në konsullatën iraniane në Erbil të Irakut, ka thënë se sjelljet e ushtarëve amerikanë ishin çnjerëzore. Amerika pasi nuk arriti që të dëshmojë pretendimet e saj ndaj asnjërit nga iranianët e arrestuar, prej të cilëve shtatë ishin vizitorë dhe dy diplomatë, dje është detyruar t'i lirojë nëntë iranianë. Diplomatët e liruar nga burgu i amerikanëve në Irak janë Musa Çegini dhe Hamid Reza Askeri. Musa Çegini në prononcimin e tij për media është shprehur se ushtarët amerikanë ndaj tyre kanë përdorur mjete të ndryshme torturimi dhe se ata kanë shkelur të drejtat themelore të njeriut.

[Lona]

Zgjedhjet" e 17 nëntorit janë paradoksale dhe kundër historike!

Kristina Rasi

Kjo fushatë "zgjedhore" sa është paradoksale aq është kundër kombëtare dhe kundër historike për vetë faktin se këto parti politike i premtojnë elektoratit mrekullira pas 17 nëntorit, mrekullira që këto as teorikisht nuk janë të ndershme por, as praktikisht nuk janë dhe nuk munden me qenë të arritshme.


Partitë politike pa kurrfarë turpi po dalin edhe ketë vit si në fushatat e më hershme parazgjedhore dhe i premtojnë popullit të varfër shumë "dhurata" të ndryshme, si: "pavarësia do vjen së bashku me Krishtlindjet", "pavarësia veçse nuk ka hyrë ende brenda, se ajo po na pret tek dera" e gjepura të tjera; premtojnë rrymë për 24 orë, premtojnë ujë, sistem shëndetësor, zhvillim ekonomik dhe shumë e shumë premtime të tjera dhe duke "harruar" se këto premtime i kishin bërë edhe në zgjedhjet e kaluara dhe asnjërën nga këto premtime as nuk i kanë arritur por bile as nuk janë në realizim e sipër!
LDK-ja, me dekada i premtoi elektoratit të saj se do e sjellë pavarësinë nëse votojnë edhe kësaj radhe për të , por pas zgjedhjeve pacifistët dinakë i "harrojnë" premtimet dhe vazhdojnë bashkëpunimin me të huajt bashkëpunëtorë të tyre që punojnë nëndheshëm kundër kombit shqiptarë në përgjithësi. Kjo parti me zë të mekur vazhdon më tej premtimet bajate se: "do të kenë mirëqenie sociale nëse ata vinë prapë në pushtet, do të ketë rrymë 24 orë, do të ketë zhvillim ekonomik si dhe shumë gjëra të tjera që populli ndoshta veç në ëndërr mund t’i shoh këto premtime, sepse realisht as nuk janë bërë deri sot, as nuk do të bëhen nesër.
Edhe AAK-ja, e cila për t´i shpëtuar rënies nga pushteti pa shtet hyri në koalicion me LDK- në e "famshme" ky koalicion u tregua shumë i dëmshëm jo vetëm për këtë parti e dalë nga lufta por në veçanti u tregua katastrofale për Kosovën. Them kështu, sepse realisht parlamenti "kukull" në duar të UNMIK-ut, i Kosovës mbeti pa opozitë të mirëfilltë e cila do t´i mbronte interesat e popullit përballë pozitës.
Kujtoj këtu faktin kur AAK-ja, i premtonte elektoratit se në ditët e para të fillimit të punës së parlamentit do ta shpallim pavarësinë dhe shumë premtime të tjera të cilat i ka marrë era...
Fatkeqësia e popullit qe vërtetë, kur ky subjekt politik e mori ministrinë e energjetikës dhe pastaj e caktoi njërin nga ministrat e saj!
AKK-ja, me ministrin, Et´hem Çekun, apo "Et´hem Terrin" siç e quan populli me të drejtë, dihet fare mirë në çfarë gjendje e solli energjinë e Kosovës, populli e din fare mirë se çfarë ka vuajtur këtyre viteve të fundit dhe çfarë pasojash kishte në ekonomi, në shëndetësi dhe në të gjitha fushat e jetës...
Kurse, tani për çudi: kjo parti pa kurrfarë turpi sërish del tani para elektoratit dhe premton energji 24 orë!!!
A nuk është kjo paradoksale, thellësisht antinjerëzore dhe antikombëtare?!
Kurse, satelitja titiste "reformiste", partia ORA, në zgjedhjet e fundit premtoi se do bëjnë ndryshme thelbësore!!!
Bile, ajo doli me slloganin shterpë duke u çjerrë se kinse: "ka ardhur "Ora" për Kosovën"!
Dhe, me tej " nëse votoni për partinë reformiste "Ora", kjo parti të bëjë mrekullira" - mirëpo, gjatë këtyre viteve sa ishte në parlamentin "kukull" ajo bëri "mrekullira" për të zi, duke i inkurajuar serbët kolonialistë në kishën e Deçanit se : - do t´jua falim 800 h tokë në shërbim të kishës suaj!
Pastaj, bëri "mrekullira" në decentralizmin, gjegjësisht në ndarjen e Kosovës në enklava etj...
Kurse, tani del me premtime marramendëse tejet paradoksale se do i hapi si 40 mijë vende të reja pune!!! Premtimeve të Veton Surroit dhe partisë së tij, mund t´ju besojnë vetëm të infiltruarit e ish-LKJ-së dhe të mashtruarit pacifistë...
Shihni, çka premton më tej sharlatani cinik për elektoratin e tij kur thotë edhe marrëzira të tilla : "për vende të punës ka hise për çdo qytetarë në "pasuritë shtetërore"deri ne 5 mijë Euro, si psh. në Kek , Postë, Aeroport, etj, këto ide janë shumë të dëmshme për faktin se kjo na e rikujton kohën "famëshme" të Titos.
Kjo dredhi e tij kurrsesi nuk mund dhe as nuk duhet të arrihet, këto janë veçse premtime boshe...
Kurse, simotra e saj, partia e Bexhet Pacollit "AKR"-ja , po përpiqet me çdo kusht që të vjen në pushtet, me makinacione të "reja" politike.
B. Pacolli, nuk ka hyrë në politikë për të mirën e Kosovës.
Ai, është një biznesmen me elemente shumë të dyshimta politike dhe për ta zhvilluar më tej biznesin e tij ka hyrë në politikë.
Ai, edhe në afishet e partisë së tij pa dorashka shkruan: "Bexhet Pacolli dhe firma "Mapetex", që të lë të kuptosh se ky zotëri donë me çdo kusht t´ju ikë taksave tatimore si në Kosovë ashtu edhe në vendet e tjera, kinse për faktin që ai me firmën e ti "Mabetex" ka shpenzuar për fushatën zgjedhore.
Edhe disa deklarata të tija publike janë shumë paradoksale, se ky zotëri donë të "zgjedhë" problemet e Kosovës në bashkëpunim me Serbinë dhe me Rusinë, kështu sipas tij: " Kosova s’ka nevojë për bashkësinë ndërkombëtare, pra, nëse ai vjen në pushtet është me se e sigurt se Kosova do ta "gëzojë" një antonimi , kjo do të shpie pastaj drejt turbullirave të më tejshme politike.
Po, kësaj valleje të harlisur tani po vallëzon vërdallë, Hashim Thaçi PDK-ja e tij e "qeverisjes nën hije" tani po mundohen me çdo kusht që të marrin pushtetin dhe të dalin nga hija në Kosovë!
Në këtë fushat "zgjedhore" ata premtojnë pavarësi , por shi për këtë udhëheqësi i saj "vizionar" i pasluftës, nuk e di as ditën , as datën, as vitin se kur do të arrihet kjo "pavarësi" e dhunuar nga paketa e Ahtisarit!!!
Disa ditë pra se të niset për turneun "diplomatik", Hashim Thaçi me "trimat" e "GU" , elektoratit të tij i premtoi "pavarësi", kurse nga Berlini ata puthadorë të të huajve deklaruan: "ne, nuk do e shpallim pavarësinë, sepse, kështu duhet me qenë në koordinim me bashkësinë ndërkombëtare". Kështu, faktet po tregojnë se këta "politikanë" nuk janë në gjendje as për disa ditë t´ia mbajnë premtimin elektoratit të tyre.
Tani, Hashim Thaçi, premton rrugë të gjëra, premton kompjuterë në çdo shkollë, këto "zbulime" epokale të tij më mirë do të ishte të mos i bënte fare!!! Më mirë do të ishte që Thaçi të ishte më realist e të thoshte: "ne, do bëjmë përpjekje që në shkollat tona të sigurojmë ngrohjen për nxënësit, do të sigurojmë dritën, ujin etj..
Pse z. Thaçi nuk e bëri këtë infrastrukturë kur qe "opozitë" me "qeverisjen e tij të mirë"; po të ishte i interesuar do të "gjendeshin" mundësitë që po i "gjen" sot pasi do të bëhej kryeministër i Kosovës!!!
Shembull konkret e kemi z. Edi Ramën, dihet se tani PS është në opozitë, mirëpo, z. Edi Ramën kjo nuk e pengon ta bëjë Tiranën me një infrastrukturë të begatshme, me parqe e shkolla të mrekullueshme.
I dashur populli im i Kosovës Kreshnike!
Kësaj radhe tregohu vërtetë ashtu si je; i zgjuar dhe vizionar!
BOJKOTOJE këtë klasë politike se për këta të korruptuar e mashtrues nuk ia vlen të votohet !
Për këta "politikanë" që mendojnë vetëm për fatin e tyre e jo për popullin që u dha besimin, për këta që asnjë premtim të dhënë nuk e kanë realizuar, dhe hiq më pak se kaq - për fajin e tyre, Kosova tani është me e varfër se kurrë më parë më e pa dinjitet se kurrë më parë , më e pasigurt se kurrë më parë!
Sepse, fatin e saj sot me UNMIK-un, e nesër (siç po hidhet falli) me EUMIK-un, e kanë marrë e do ta marrin në duar të huajt.
Asgjë nuk mund të realizojnë këta mashtrues, derisa Kosova nuk udhëhiqet nga një klasë e sinqertë politike, e cila nuk e plagosë rëndë popullin e saj me turpe politike dhe korrupsion!
Duke i parë të gjitha këto dështime të tyre në të gjitha fushat e jetës konstatoj: populli i Kosovës kësaj radhe duhet t´i BOJKOTOJË plotësisht këto zgjedhje!
Vetëm në këtë mënyrë, ne paqësisht do të mund t’i ndalim në rrugën e tyre të pakrye "politikanët" apo më saktë tregtarët politikë të Kosovës.
Zvicër, 11.11.2007

/Botuar më: 11 Nov 2007/F.F.

[Lona]

Franca dhe Gjermania për sanksione të reja kundër Iranit

Berlin, 13 nëntor – Presidenti francez, Nikolas Sarkozi, thotë se si Franca, ashtu edhe Gjermania janë të mendimit se mund të nevojiten sanksione të reja për të detyruar Iranin të heqë dorë nga programi i tij për pasurimin e uraniumit. Presidenti francez i bëri këto komente në Berlin, pas bisedimeve me kancelaren gjermane, Angela Merkel. Zoti Sarkozi tha se ai dhe kancelarja janë “në të njëjtat frekuenca”, siç u shpreh ai, se Irani nuk duhet të ketë armë bërthamore.” Zonja Merkel tha se të dy udhëheqësit janë të të njëjtit mendim për nevojën që të nxiten Kina dhe Rusia, dy vende të përhershme anëtare të Këshillit të Sigurimit, që të mbështesin masa ndëshkimore.

NATO të pezullojë dorëzimin e të burgosurve në Afganistan

Kabul, 13 nëntor – “Amnesty International” thotë se forcat e NATO-s në Afganistan duhet të pezullojnë transferimin e të burgosurve tek autoritetet afgane, sepse disa prej tyre janë torturuar. Grupi për të drejtat e njeriut thotë se ka raportime të përsëritura se të burgosurit janë rrahur, janë eskpozuar në temperatura të ulëta dhe janë lënë pa ngrënë. Organizata kërkon që NATO të vazhdojë t'i mbajë të burgosurit deri në kohën kur shërbimet afgane të zbulimit do të marrin masa për t'u siguruar që të burgosurit nuk do të keqtrajtohen.

Topi e Vujanoviq takohen sot në Ulqin në orën 15.00

Tiranë/Podgoricë, 13 nëntor - Presidenti i Shqipërisës, Bamir Topi, u nis sot për një vizitë njëditore pune në Ulqin (Mal i Zi). Kryetari i Shtetit shqiptar do të takohet me Presidentin e Malit të Zi, Filip Vujanoviq. Në axhendën e Presidentit të Republikës përfshihen edhe takime me kryetarët e partive parlamentare shqiptare në Malin e Zi, thuhet në një njoftim të Presidencës së Shqipërisë. Ndërkaq, sipas një njoftimi të kabintetit të Presidentit të Malit të Zi, Filip Vujanoviq, takimi informal i dy presidentëve do të mbahet sot në orën 15.00 në oborrin e Balshajve në Ulqin. Pas takimit do të lëshohet një komunikatë për publikun.

[Lona]

Regjisori serb Paskaleviq xhiron filmin e parë serbo-shqiptar

Romë. - Regjisori serb Goran Paskaleviq ka paralajmëruar dje në Romë xhirimin e filmit të ri me titull "Muaji i mjaltit", një bashkëprodhim i parë serbo-shqiptar. Paskaleviq ka vlerësuar se për shkak të projektit të tij të ri "përsëri do të quhet një tradhtar i madh", transmeton agjencia Ansa. Ai ka shtuar se inspirim për të gjitha 14 filmay e tij ka qenë Serbia. "Detyra ime është që si artist, të kritikoj dhe të flas për atë që ndodh me popullin tim", ka thënë Paskaleviq.

Takimi i parë i kryeministrave të dy Koreve

Seul, 14 nëntor - Kryeministri koreanoverior, Kim Jon Il, ka mbërritur në Korenë e Jugut, ku do të zhvillojë bisedime në kuadër të procesit të ripajtimit. Këto janë bisedimet e para në nivel kryeministrash mes dy Koreve që prej 15 vjetësh. Kim Jong Il do të qëndrojë tri ditë në Seul ku do të zhvillojë bisedime në radhë të parë me kryeministrin koreanojugor, Han Duk So.

Në luftimet në Irak, vriten 3 ushtarë amerikanë dhe 2 civilë

Bagdad, 14 nëntor – Tre ushtarë amerikanë janë vrarë në dy incidente të veçanta në veri të Irakut, ka bërë të ditur sot (e mërkurë) ushtria amerikane, njofton Rojter. Këto janë viktimat më të fundit të luftës në Irak, në vitin që është quajtur më i përgjakshmi për forcat amerikane. Dy ushtarë amerikanë janë vrarë dhe katër të tjerë janë plagosur nga një shpërthim bombe në provincën Dijala. Ndërkaq, ushtari i tretë amerikan është vrarë me armë zjarri afër qytetit modul, 390 km në veri të Bagdadit.

[Lona]

Gratë në Basra, objekt sulmi pasi nuk vinin në kokë shaminë

Basra, 15 nëntor - Shefi i policisë së Basrës, Gjenerali Khalaf, ka paralajmëruar për një fushatë dhune ndaj grave nga ekstremistë fetarë. Ai tha se numri i grave të vrara midis korrikut dhe shtatorit këtë vit ka qenë më shumë se 40. Gjenerali Khalaf tha se gratë në Basra po ishin objekt sulmi pasi nuk vinin në kokë shaminë apo ngaqë vinin tualet, apo në disa raste thjesht si rezultat i tashethemeve. Ai tha se një grua ishte vrarë së bashku me djalin e saj gjashtë vjeçar pasi ishte pretenduar se ai kishte lindur nga një lidhje e saj jashtë martese. Gjenerali Khalaf që u dërgua nga kryeministri al Maliki për të përmirësuar sigurinë tha se policia shumë shpesh ishte e frikësuar që të hetonte këto krime ndërsa të afërmit kishin frikë gjithashtu t'i raportonin ato

NATO pohon akuzat e Amnesty International

Bruksel, 15 nëntor - Gjenerali gjerman i NATO s Egon Ramms i ka pohuar akuzat e organizatës për mbrojtjen e të drejtave të njeriut Amnesty International, se në Afganistan ka pasur tortura ndaj të burgosurve që trupa ndërkombëtare ISAF ua ka dorëzuar organeve afgane të sigurisë. Ramms tha në televizionin Deutsche Welle, se ka raste të veçuara të njohura për NATO n. Sipas tij, aleanca përpiqet t'i zgjidhë problemet duke ua lënë në dorë drejtuesve ushtarakë në vend nëse ua dorëzojnë apo jo të burgosurit organeve afgane. Problemi duhet zgjidhur parimisht prej qeverisë afgane, kërkoi gjenerali Ramms.

Demokratët amerikanë miratojnë fondin e luftës

Uashington, 15 nëntor - Demokratët në Dhomën Përfaqësuese kanë miratuar fondin e ri të luftës prej 50 miliarda dollarë, të bashkangjitur me afatin për tërheqjen e trupave nga Iraku. Propozimi kontraverz do të dërgohet në Senat, ku Republikanët janë zotuar se do ta kundërshtojnë. Shtëpia e Bardhë gjithashtu është zotuar se do t'u vë veto masave.

Nga një ciklon i madh Bangladesh, evakuohen mijëra njerëz

Daka, Bangladesh, 15 nëntor – Nga një ciklon i madh, që pritet aty nga mesdita të përfshijë ujdhesën e Shën Martinit afër bregdetit të Bangladeshit, janë evakuar mijëra njerëz, kanë bërë të ditur sot (e enjte)) zyrtarët, njofton Rojter."Rreth 6 mijë banorë dhe rreth 70 turistë janë evakuar në vend të sigurt" , kanë thënë zyrtarët.

Bundestagu miratoi zgjatjen e misionit të trupave gjermane në luftën kundër terrorit

Berlin, 15 nëntor - Parlamenti gjerman ka vendosur me shumicë votash të zgjasë me një vit misionin e ushtrisë gjermane në luftën kundër terrorit të drejtuar nga SHBA "Operacioni Enduring Freedom". Kundër votuan 145 deputetë kryesisht nga grupet parlamentare të të gjelbërve dhe të majtëve.

[Lona]

Sugjerimet për modele të reja për Kosovën janë "irelevante dhe të pakuptimta", thotë Çeku
Nju Jork, 15 nëntor - Procesi i statusit të Kosovës po i afrohet fundi më 10 dhjetor, andaj kjo do të "krijojë një atmosferë për shpallje pozitive dhe bashkërenduese të pavarësisë" si dhe do të nxisë njohjen nga bashkësia ndërkombëtare, shkruan kryeministri Agim Çeku në një tekst autorial në gazetën "Uoll strit xhornal" (Wall Street Juornal). Sipas Çekut, diskutimet për statusin kanë ngecur, kurse "Serbia nuk mund të pranojë se pavarësia është e pashmangshme", ndërsa pala kosovare e di se "pavarësia është e pashmangshme", dhe prandaj "nuk mund të ketë kompromis apo shtyrje". Çeku paralajmëron Beogradin se "çdo përpjekje agresive e Serbisë për ta vonuar procesin", apo duke "vendosur sanksione ekonomike, do të jetë e dëmshme jo vetëm për Kosovën", por edhe për Serbinë dhe rajonin. Ndërkaq sugjerimet për modele të reja për statusin e Kosovës, Çeku i quan "boshe, irelevante dhe të pakuptimta". Ai shprehet se pas të gjitha vuajtjeve gjatë viteve '90, Kosova kurrë nuk mund të ketë asnjë lloj konfederate me Serbinë, por mund të ketë bashkëpunim, nga i cili do të përfitojnë të dyja vendet.

Si pasojë e shembjes së dheut, bllokohet magjistralja Kaçanik Hani i Elezit
Kaçanik, 15 nëntor - Sipas një njoftimi të SHPK-së, sot në orën 10:00, në magjistralen Kaçanik Hani i Elezit, përkatësisht pas urës së dytë në drejtim të Hanit të Elezit tek vendi i quajtur "Urae Kashanit", ka ndodhur një shembje dheu. Policët e trafikut kanë dalë për të rregulluar trafikun dhe për një orë ka funksionuar një korsi e kësaj magjistrale. Gjatë rregullimit të trafikut nga shembja e gurëve një pjesëtar i SHPK së ka pësuar lëndime (thyerje të këmbës), dhe i njëjti është transportuar për në QKUK, Prishtinë për trajtim mjekësor. Për shkak të shembjes së vazhdueshme të gurëve në orën 11:00 është bllokuar tërësishtë kjo magjistrale. Është njoftuar Ministria e Transportit dhe Telekomunikacionit për të bërë intervenimin në mënyrë që kjo magjistarle të lirohet sa më shpejt që të jetë e mundur.

Pozicioni i SHBA-ve për Kosovën nuk ka ndryshuar, tha Mekormak
Prishtinë, 15 nëntor - Pozicioni i SHBA-ve për Kosovën nuk ka ndryshuar, tha zëdhënësi i Departamentit amerikan të Shtetit, Shon Mekormak (Sean McCormack), duke komentuar idenë e të dërguarit të Bashkimit Evropian, Volfgang Ichinger për zgjidhjen neutrale të statusit të Kosovës. "Mund të them se pozicioni ynë ndaj Kosovës është i pandryshuar. Nëse kjo ide i konfirmon parametrat e qëndrimit tonë politik, jam i sigurtë se do ta dëgjojmë atë, por në këtë çështje kemi qenë shumë të qartë", tha Mekormak. Sipas Ishingerit, Treshja ndërmjetësuese përgatitet t'u paraqesë palëve propozimin e quajtur "status neutral" që synon normalizimin e marrëdhënieve të Prishtinës dhe Beogradit, pavarësisht se çfarë mund të vendoset sot ose nesër për statusin e Kosovës. Dje ideja u hodh poshtë si nga presidenti i Kosovës Fatmir Sejdiu, ashtu edhe nga ministri për Kosovën në qeverinë e Serbisë, Sllobodan Samarxhiq.

Burns: Serbia të mos i rezistojë me forcë pavarësisë për Kosovën
Uashington, 15 nëntor - Nënsekretari amerikan i Shtetit ritheksoi dje mbështetjen amerikane për t'i dhënë Kosovës pavarësi të mbikqyrur nëse negociatat për statusin e saj nuk çojnë në marrëveshje deri më 10 dhjetor. Nënsekretari i Shtetit që merret me politikën për Kosovën tha se komunitetit ndërkombëtar do t'i duhet të marrë përsipër përgjegjësitë e tij për Kosovën nëse nuk arrihet marrëveshje me bisedime. Ai i bëri Serbisë një paralajmërim që të mos përpiqet t'i rezistojë me forcë një rezultati të tillë. Bërns këto komentei bëri përpara një Nënkomisioni për Punët e Jashtëme të Dhomës së Përfaqësuesve pas takimit që pati më parë me zotin Wolfgang Ischinger, i dërguar i Bashkimit Europian në bisedimet për Kosovën dhe me zotin Frank Wisner, i dërguar i posaçëm i Shteteve të Bashkuara në këto bisedime. Bërns ritheksoi mbështetjen amerikane për të kaluar në një periudhë të pavarësisë së mbikqyrur për Kosovën e cila do të çonte pastaj në pavarësi të plotë, siç është propozuar nga ndërmjetësi i OKB së, Martti Ahtisaari në fillim të këtij viti, transmeton "Zëri i Amerikës". Disa figura politike në Beograd kanë lënë të kuptohet se Serbia mund t'i rezistojë me forcë zbatimit të planit Ahtisaari ndërkohë që vende të tjera ballkanike janë të shqetësuara se në Kosovë mund të ketë trazira politike pas skadimit të afatit. Megjithatë, Bërns tha se nuk shikon ndonjë arsye për trazira meqenëse në Kosovë është prania e trupave të NATO s e cila parashikohet të vazhdojë pa ndonjë afat. Ai tha se shpreson shumë se Serbia nuk do të përpiqet të nxisë trazira, sidomos në pjesën veriore të Kosovës që banohet kryesisht nga pakica serbe: "Ne kemi 17,000 trupa të NATO s në Kosovë, duke përfshirë rreth 1,500 trupa amerikane. Këto trupa ndodhen atje për të ruajtur ligjin dhe rendin. Ato do të shtypin çdo përpjekje nga cilado palë për ta marrë ligjin në duart e saj, për të kërkuar ndarje ose për të kërkuar paqendrueshmëri. Dhe mendoj se ne mund t'ia besojmë NATO s këtë punë dhe në të njëjtën kohë mund të besojmë se diplomacia jonë do të ketë sukses për të bindur popullin e atjeshëm që të ecë përpara, duke patur parasysh faktin se 95 përqind e njerëzve që jetojnë tani në Kosovë janë myslimanë shqiptarë", tha Bërns.

[Lona]

SHBA rithekson qëndrimin ndaj Kosovës dhe paralajmëron Serbinë

Shtetet e Bashkuara të Amerikës kanë ritheksuar edhe njëherë qëndrimin e tyre të palëkundur në mbështetje të pavarësisë së mbikëqyrur të Kosovës, ndërkohë që i kanë tërhequr vërejtjen Serbisë që të mos planifikojë apo nxisë çfarëdo konfliktesh gjatë periudhës kalimtare të statusit.


Nënsekretari Amerikan i Shtetit për Çështje Politike, Nicholas Burns ka theksuar dje në një fjalim të tij në Kongres se nëse nuk do të ketë një marrrëveshje deri më 10 dhjetor, atëherë bashkësia ndërkombëtare duhet të jetë e gatshme të marrë përgjegjësinë e saj ndaj Kosovës. Në fjalën e tij para nënkomisionit për Çështje të Jashtme të Dhomës së Përfaqësuesve, nënsekretari Burns ka paralajmëruar Serbinë rreth përpjekjeve të saj për nxitje të cfarëdo konflikti, në veçanti në pjesën veriore të Kosovës. Ai ka thënë se NATO-ja ka 17 mijë ushtarë në mesin e të cilëve edhe 1500 ushtarë amerikanë të cilët kanë mandatin për ruajtje të rendit dhe sigurisë. "NATO-ja do të shtypë çfarëdo përpjekje nga cilado palë për ta marrë ligjin në duar të veta me qëllim të ndarjes apo destabilizimit", tha nënsekretari Burns duke qenë zyrtari i parë amerikan që në këtë fazë të ndjeshme jepë garancionet për paprekshmërinë e kufijëve të Kosovës gjatë periudhës tranzitore të statusit. Ai edhe njëherë ka ritheksuar se duhet t'i besohet NATO-së në kryerjen e detyrës por njëkohësisht edhe diplomacisë në mënyrë që të bindet populli se duhet të ecë përpara, duke pas parasysh faktin se 95 për qind e banorëve që jetojnë në Kosovë janë shqiptarë. Komentet e djeshme të nënsekretarit Burns para Kongresit kanë pasuar pas një takimi në Departmentin e Shtetit me dy nga tre ndërmjetësuesit që po udhëheqin biseidmet shtesë, Wolfgang Ischinger dhe Frank Wisner.
Ischinger në një fjalë të tij të mbajtur në Këshillin Atlantik në Washington pardje ka thënë se treshja ndërmjetësuese po përgatitet t'u paraqesë palëve propozimin e ri të quajtur 'status neutral'.
I pyetur lidhur me këtë propozim zëdhënësi i Departmenti të Shtetit, Sean McCormack tha se 'qëndrimi amerikan mbetet i pandryshuar'. "Unë nuk di se çfarë ka thënë ai, por po ju them se qëndrimi ynë për Kosovën është i pandryshuar", tha McCormack,duke shtuar se nëse një propozim i ri përputhet me parametrat e qëndrimit tonë, atëherë jam i sigurt se do ta dëgjojmë. Ne do të dëgjojmë çfarëdo qe të jetë ai, mirëpo ne kemi qenë shumë të qartë për këtë çështje", tha Mccormack. Ai njoftoi se dje kanë biseduar për Kosovën edhe Sekretarja e Shtetit, Condoleezza Rice dhe ministri i Jashtëm i Suedisë, Karl Bildt në një takim në Washington. "Sekretarja Rice ka dëgjuar mendimet e tij për Kosovën dhe në të njëjtën kohë ja ka përsëritur qëndrimin tonë rreth kësaj çështje," tha zëdhënësi Mccormack.
/Botuar më: 15 Nov 2007/V.H.


Vrasja e 5 gazetarëve në Timorin lindor më 1975 konstatohet të jetë krim lufte

Sidnei, 16 nëntor – Një mjeke ligjor në Sidnei ka konstatuar se pesë gazetarë australianë, të njohur si të “pestët e Bilbaos, janë vrarë me paramendim në Timorin lindor më 1975, njofton BBCVorld. Mjekja në fjalë ka thënë se ka mjaftë të dhëna për të konstatuar këtë si krim lufte. Ajo thotë se dy australianë, dy britanikë dhe një shtetas nga Zelanda e Re janë vrarë nga forcat speciale të Indonezisë për të penguar lajmet për okupimin e Timorit Lindor

Vritet kreu i lotarisë shtetërore turke, Ihja Balak

Ankara, 16 nëntor – Kreu i lotarisë shtetërore turke, Ihja Balak, është vrarë sot (e premte) me armë zjarri në zyrën e tij nga një ish-punonjës i lotarisë, bëjnë të ditur stacionet televizive, njofton Roter. Sulmuesi, një ish-inspektor i lotarisë shtetërore, ka qëlluar atë katër herë në kokë dhe është arrestuar nga policia.

Nga cikloni 'Sidër' vdesin të paktën 52 njerëz në Bangladesh

Daka, Bangladesh, 16 nëntor – Nga stuhia tropikale 'Sidër' kanë humbur jetën të paktën 52 njerëz dhe u shkatërruan mijëra shtëpi në jugperëndim të Bangladeshit. Edhe nga India fqinje njoftohet për dëme masive pasi që cikloni arriti bregdetin me një shpejtësi prej 240 kilometra në orë. Sipas të dhënave të autoriteteve në Daka shpresat për shpëtim të disa peshkatarëve, të cilët ndodheshin me anijet e tyre në detin e hapur janë të pakta. Qindra mijëra njerëz më parë ishin evakuar për në vende më të sigurta.

[Lona]

Qeveria maqedonase do të sanojë dëmet e shkaktuara në Malësinë e Tetovës gjatë operacionit policor
Shkup, 16 nëntor Qeveria maqedonase mori vendim që t'i sanojë dëmet materiale që u janë shkaktuar banorëve të Malësisë së Tetovës gjatë operacionit policor të 7 nëntorit. Qeveria e Maqedonisë do t'i sanojë dëmet në xhami dhe në shtëpitë e fshatit Brodec. Për këtë qëllim qeveria e ka obliguar Ministrinë e Kulturës në bashkëpunim me Bashkësinë Islame të Maqedonisë të bëjnë vlerësimin e dëmeve në xhaminë e fshatit Brodec dhe të dorëzojnë në qeveri propozim vendimin për rikonstruim. Në një komunikatë, Qeveria maqedonase vlerëson se është e nevojshme të bëhet sanimi i dëmeve edhe në shtëpitë dhe objektet tjera, të cila kanë pësuar dëme. Njëherit Qeveria do të angazhohet për përmirësimin e infrastrukturës në fshatin Brodec, si dhe në fshatrat tjera përrreth malit Sharr.

Presidenti Sejdiu tha se pavarësia e Kosovës do të shpallet shumë shpejt pas 10 dhjetorit
Prishtinë/Uashington, 16 nëntor - Procesi për statusin e Kosovës dhe ai i zgjedhjeve të 17 nëntorit, janë procese sfiduese, por edhe një argument plus se Kosova është e gatshme për të ecur "si shtet sovran dhe i pavarur", tha Presidenti i Kosovës Fatmir Sejdiu në një intervistë për "Zërin e Amerikës". "Duke qenë në vazhdë të procesit të statusit, kemi menduar po kështu se edhe zgjedhjet mund të jenë një argument plus në dëshminë e Kosovës për gatishmërinë e saj për ecje si shtet sovran dhe i pavarur, veçanërisht në ndërtimin e institucioneve demokratike nga vota e lirë e qytetarëve", theksoi Presidenti Sejdiu. Ai shprehu mendimin se gjithë periudha e gjertanishme e proceseve paraprake ka dëshmuar pjekurinë e jashtëzakonshme të qytetarëve të Kosovës, duke vlerësuar se "partitë politike kanë bërë një garë të ndershme". Gjithashtu ai vlerëson se me këto zgjedhje "në dinamikën e statusit, Kosova përcaktohet për një referendum të ri" dhe se "është një rezultat që nxjerr vizionin e të gjithëve... për Kosovën e pavarur dhe sovrane". Presidenti Sejdiu tha se pavarësia e Kosovës do të shpallet shumë shpejt pas 10 dhjetorit, ndërsa hedh poshtë çdo ide tjetër përfshirë edhe atë për një status neutral për Kosovën. Megjthëse nuk deshi të spekulojë për ndonjë datë caktuar, megjithatë Presidenti Sejdiu tha se "do të vijë ndoshta momenti jo i largët" për ta caktuar këtë datë. "Ne kemi pasur konsulta shumë të thella kohët e fundit me përfaqësuesit e vendeve më të fuqishme, dhe natyrisht nuk dua të jap dhe të abuzoj në këto konsulta dhe në këto qëndrime që janë mbështetëse përgjithësisht për pakon e presidentit Ahtisaari", shpjegoi Presidenti Sejdiu, duke shtuar se do të jetë e nevojshme që të bëhen "vetëm edhe disa konkretizime në hapin e mëtejmë për të mos e djegë procesin". Në pyetjen se si i vlerëson "idetë e reja" që dalin rreth procesit për zgjidhjen e statusit, Presidenti Sejdiu tha se mund të japë "një përgjigje shumë të qartë se Kosova nuk është e gatshme të pranojë asnjë variant dhe asnjë pozicion apo asnjë status neutral, që thuhet, as mish, as peshk". Por, shtoi ai, Kosova është e përcaktuar vetëm për pavarësinë e vet, duke garantuar ecjen e Kosovës në standardet ndërkombëtare, duke garantuar në veçanti pozicionin e minoriteteve që ka brenda saj.

SHBA të përkrahin procesin demokratik zgjedhor në Kosovë
Prishtinë, 16 nëntor - Qeveria amerikane mbështet fuqimisht zgjedhjet demokratike në Kosovë, por nuk përkrah asnjë kandidat të veçantë apo parti politike. "Zyra e SHBA ve në Prishtinë dëshiron të theksojë se Qeveria e SHBA ve fuqimisht përkrahë zgjedhjet demokratike në Kosovë, por nuk përkrah ndonjë kandidat apo parti të veçantë. Raportet mediale lidhur me praninë e ish-oficerit komandues të KFOR it amerikan, Earhart, në një tubim partiak, tregojnë se ai ishte aty në cilësi të personit privat, dhe assesi si përfaqësues zyrtar i Qeverisë së SHBA ve", thuhet në një komunikatë të Zyrës amerikane në Prishtinë

Jansha: BE do të mbështesë planet që shumica shqiptare e Kosovës të sigurojë pavarësi të kushtëzuar
Londër, 16 nëntor - Bashkimi Evropian po përgatitet që gjatë muajit të ardhshëm të marrë rolin drejtues në përcaktimin e të ardhmes së Kosovës, megjithë drojën se negociatat rreth statusit të Kosovës mund të dështojnë, deklaroi kryeministri slloven për gazetën britanike "Fajnenshëll tajsm" (Financial Times). Janez Jansha, vendi i të cilit merr kryesinë e radhës së Bashkimit Evropian në janar, tha se Unioni do të mbështesë planet që shumica shqiptare e Kosovës të sigurojë pavarësi të kushtëzuar nga Serbia. Megjithatë, Kryeministri i Sllovenisë thotë se plani i Bashkimit Evropian do parashohë kufizime më të ashpra ndaj pavarësisë së Kosovës se ato që rekomandonte plani i Ahtisaarit, por ai nuk pranon të japë detaje.

Një serb i vrarë gjatë një shkëmbimi zjarri në kufirin e Kosovës me Serbinë
Prishtinë, 16 nëntor - Lajmet nga Serbia bëjnë të ditur se ka pasur shkëmbim të shtënash mes grupeve kriminale rivale në kufirin e Kosovës me Serbinë, ku ka mbetur një serb i vrarë. Lajmet citojnë burime të policisë të kenë thënës e dy makina të goditura me armë ishin në vendin e ngjarjes. Forca policore nën komandën e NATO-s në Kosovë bllokoi zonën në të dy anët e kufirit. Policia serbe po ndihmon në procesin e hetimeve, transmeton "Zëri i Amerikës".

[Lona]

Oliver Ivanoviq paralajmëron pasoja katastrofale për shkak të bojkotimit të zgjedhjeve

Bartësi i Listës serbe për Kosovën, Oliver Ivanoviq ka deklaruar sot për "B92" të Beogradit , se serbët në Kosovë do të bartin pasoja katastrofale për shkak të bojkotimit të zgjedhjeve të fundit, parlamentare e lokale.

Ivanoviq ka vlerësuar se Qeveria e Serbisë me thirrjen për bojkotimin e zgjedhjeve ka treguar se aspak nuk kujdeset për pakicën serbe në Kosovë dhe nuk është e interesuar që serbët t’i kenë përfaqësuesit e vet në institucionet kosovare.
"Për çka ata njerëz do të shpresojnë? Çka do të ndodh nëse nuk do të ketë ujë, nëse do të ketë trazira, nëse iu ndërpritet energjia elektrike. Kush do të ndërhyjë, pyet Ivanoviq ? Qendra bashkërenduese ? Kjo nuk do të ndodh", ka thënë Ivanoviq.

Ai ka vu në dukje se reagimet dhe qëndrimet e Beogradit rreth cilitdo problem të serbëve në Kosovë do të shqiptohen në konferenca për gazetarë, gjë që nuk do t’i zgjidh problemet e atyre njerëzve".

Ivanoviq ka shtuar se rezultatet negative të bojkotimit më së shumti do të manifestohen tek serbët që kanë ndërmend të mbeten në Kosovë edhe pas caktimit të statusit.
/19 Nov 2007/V.H.

[Lona]

Filluan zgjedhjet në Jordani Aman, 20 nëntor (MIA) - Në Jordani filloi votimi për përbërje të Dhomës së Ulët të parlamentit, ku 2,5 milionë banorë duhet të zgjedhin 110 deputetë nga gjithsej 885 kandidatë, prej të cilëve 199 janë gra.
Nga trupi votues, 49,5 janë gra. Numri i vendvotimeve është 1.434, nga të cilat 623 janë për burrat dhe 640 për gratë. Anëtarët e Dhomës së lartë i emëron mbreti Abdullahi i Dytë. Ai premtoi "zgjedhje të lira dhe të paanshme".
Pothuajse 40 mijë policë janë vendosur nëpër Jordani për shkak të mbajtjes së zgjedhjeve. Tri brigada të armatës janë dërguar në rajonin jugor Karak, për të parandaluar konflikte të mundshme.
Atmosfera tashmë është errësuar për shkak të akuzave për mashtrim dhe blerje të votave, të thëna nga islamistët, lajmëruan mediumet lokale. Partia kryesore opozitare Gronto islamik për veprim, e akuzoi pushtetin për apati ndaj problemit me blerjen e votave. Partia bëri thirrje për vëzhgues, por kryeministri Maruf Bahit e hodhi poshtë atë ide.
Këto janë zgjedhjet e dyta parlamentare pas marrjes së fronit nga mbreti Abdullahu i Dytë në vitin 1999.

Afaristët izraelitë të impresionuar nga mundësitë për të investuar në Maqedoni
Shkup, 20 nëntor (MIA) - Kushtet për investime në Maqedoni janë të shkëlqyeshme, ndërsa potenciali, posaçërisht në sektorin bujqësor, nuk është shfrytëzuar në mënyrë të mjaftueshme, mendojnë afaristët izraelitë.
Ata sot në Odën ekonomike të Maqedonisë i realizuan kontaktet e para të drejtpërdrejta me kolegët e tyre të Maqedonisë.
"Jemi të impresionuar nga mundësitë për investime në Maqedoni, por duhet të theksoj se investimi është faza e dytë. Etapa e parë është vendosja e bashkëpunimit, përkatësisht gjetja e partnerëve për realizimin e investimeve që praktikisht është edhe qëllimi i vizitës sonë", deklaroi Jekiel Asia, drejtor i Institutit kombëtar izraelit për avancimin e tregtisë dhe ekonomisë.
Sipas tij, kompanitë nga Izraeli janë posaçërisht të interesuara për sektorin bujqësor-ushqimor, përkatësisht për kultivimin, përpunimin, paketimin dhe plasmanin e prodhimeve të freskëta bujqësore, si dhe për sigurimin e ndihmës në pjesën për menaxhimin me resurset e ujit.
Konsulli i nderit i Maqedonisë në Izrael, Shlomo Graciani vlerësoi se ekzistojnë mundësi të shkëlqyeshme për bashkëpunim ndërmjet ndërmarrjeve të Maqedonisë dhe atyre izraelite.
Këmbimi tregtar ndërmjet Maqedonisë dhe Izraelit është në nivel shumë të ulët. Në gjashtë vitet e fundit vërehet deficit i vazhdueshëm tregtar i palës maqedonase. Sipas të dhënave nga Oda ekonimike, eksporti i prodhimeve maqedonase vjet arriti vlerën modeste, 800 mijë dollarë, ndërsa importi 10,7 milionë.
"Këmbimi tregtar ndërmjet Maqedonisë dhe Izraelit është minimal, paraqet vetëm 7,5 milionë dollarë. Shpresoj se kontaktet e sotme të para afariste do të rezultojnë me bashkëpunim të mëtejshëm të suksesshëm dhe rezultate më të mira në planin ekonomik", tha Viktor Mizrahi, konsull i nderit i Izraelit në Maqedoni.
Oda si arsye kryesore për nivelin e tanishëm të këmbimit tregtar i cek informimin e pamjaftueshëm të investuesve potencial ekonomik për potencialet ekonomike të Maqedonisë, për pozitën e saj të shkëlqyeshme gjeostrategjike, për tatimet e ulëta, për infrastrukturën e mirë, si dhe për fuqinë e cilësuar punëtore.
Delegacionin e lartë ekonomik nga Izraeli e përbëjnë përfaqësues të gjashtë kompanive udhëheqëse, biznesi i përgjithshëm i të cilave tejkalon dy milardë dollarë. Në mesin e tyre janë "Agreksko", një nga eksportuesit më të mëdhenj të prodhimeve bujqësore-ushqimore në botë, "Prigat" dhe grupacioni "Garnot".
Ata sot, pas takimit me afaristët e Maqedonisë, do të priten edhe nga kryeministri Nikolla Gruevski.
Dje afaristët izraelitë biseduan me zëvendëskryeministrin Zhivko Jankullovskin dhe me ministren e Ekonomisë, Vera Rafajllovskën.

Në Bruksel sot fillon raundi i ri i negociatave për stausin e ardhshëm të Kosovës
Bruksel, 20 nëntor (MIA) - Në Bruksel sot fillon raundi i pestë i negociatave ndërmjet Beogradit dhe Prishtinës, me ndërmjetësim të treshes së Grupit të Kontaktit për statusin e ardhshëm të Kosovës, transmeton MIA.
Përfaqësuesi i lartë i BE-së për Politikë të Jashtme dhe Siguri, Havier Solana, dje deklaroi se shpreson për përparim gjatë raundit të ri të negociatave.
Solana theksoi se zgjedhjet parlamentare në Kosovë të shtunën nuk e ndryshuan situatën, edhe krahas asaj që lideri i Partisë Demokratike të Kosovës, Hashim Thaçi deklaroi se së shpejti do të shpallë pavarësi të Kosovës pas 10 dhjetorit - afati përfundimtar për përfundimin e negociatave për statusin e Kosovës.
Presidenti Boris Tadiq, i cili, i cili së bashku me kryeministrin Vojisllav Koshtunica është në krye të ekipit shtetëror negociator të Serbisë, mbrëmë deklaroi senuk pret që negociatorët e Prishtinës, në fazën përfundimtare të negociatave për Kosovësn të heqin dorë nga insistimi që të negociohet për çështje pas-stausit, e jo për statusin e saj dhe theksoi se Serbia nuk mund të dakordohet me një kërkesë të tillë të palës shqiptare.
"Detyra jonë parësore është ta ruajmë paqen, askush të mos pësojë, t'i ruajmë kapacitetet e negociatave dhe të gjurmojmë për marrëdhënie të reja të serbëve dhe shqiptarëve, por në të njëjtën kohë, detyrë e jona është ta ruajmë integritetin e vendit dhe të mos lejojmë destabilizim, jo vetëm të Serbisë, por edhe të tërë Ballkanit", tha Tadiq.
Zëvendëskryeministri serb, Bozhidar Gjeliq, i cili arriti dhe në Bruksel, për bisedime me përfaqësuesit e BE-së, e mbron pozicionin e Qeverisë së vet në negociatat për statusin e Kosovës. "Ne jemi vendi i cili është fleksibil, konstruktiv dhe tani presim nga BE dhe treshja (ndërmjetësuesit) të kërkojnë diçka nga shqiptarët e Kosovës", tha Gjeliq.
Sipas paralajmërimeve të Këshillit të BE-së, raundi i pestë i negociatave do të udhëhiqet në bazë të 14 pikave të "treshes" ndërmjetësuese të Grupit të Kontaktit dhe propozime të tjera të të dy palëve.
Këshilli i ministrave i BE-së dje u bëri thirrje Beogradit dhe Prishtinës të tregojnë "fleksibilitet më të madh", "në mënyrë pozitive dhe konstruktive" të përgjigjen ndaj iniciativave të "treshes" dhe të bëjnë gjithçka munden për t'u arritur zgjidhja për statusin e Kosovës.
Në negociatat për statusin e ardhshëm të Kosovës deri tani nuk ishte arritur përparim i dukshëm. ab/hr/8:31

Një kuzhinier kinez në vend të miellit ka përdorur helm për minj ku si pasojë janë helmuar gjashtë veta
Pekin, 19 nëntor (MIA) - Kuzhineri kinez Çen Rajan ndërsa përgatiste topa orizi për supë, në vend të milellit gabimisht ka përdorur helm për minj dhe në këtë mënyrë u helmua vetë dhe edhe pesë persona të tjerë, shkruan gazeta kineze "Shangaj Dejli".
Të gjashtë vdiqën pasi e hëngrën supën me topa orizi helmues, arsye e cila e nxiti policinë të ngrejë hetim që të konfirmohet nëse bëhet fjalë për krim.
Në Kinë filloi fushatë për siguri më të madhe në ushqim pasi incidentet të shumta e kanë prishur reputacionin e këtij vendi si eksportues i madh i ushqimit. mp/ish/16:49

[Lona]

Ballafaqohet me burg për shkak të shtëpisë roze Romë, 20 nëntor (MIA) - Një pensionist italian mund të dënohet me 5-vjet burg, për shkak se ka ngjyrosur shtëpinë e tij me ngjyrë rozë.

Giuliani Contadino, 75-vjeçar, ka shkelur ligjin ngase shtëpia e tij gjendet në parkun kombëtar Cinque Terre – që është i mbrojtur nga UNESCO.

"Erdhën disa policë dhe më thanë se nuk kam vepruar drejt. Unë u thash atyre se mund të më ndihmojnë ta ringjyrosim shtëpinë dhe ta kthejmë atë në gjendjen e mëparshme”, ka thënë Contadino. ff/hr/12:09


Në Londër shitet parfum për qen Londër, 19 nëntor (MIA) - Britania e Madhe klasifikohet në vendet ku kafshëve i kushtohet vëmendje të madhe, ndërsa konfirmim për këtë është edhe artikulli më i ri, parfumi i disejnuar posaçërisht për "mikun më të mirë të njeriut" i cili që sot shitet në kryeqendrën britanike.
Faktikisht, dyqani për kanakarë "Mungo&Mungo" pronarëve të qenve i ofron parfumin "Petite Amande" i cili e "freskon shtëpinë dhe është i këndshëm edhe për hundën e njeriut".
Për përpunimin e parfumit u angazhua Lin Haris, ekspert për parfume i cili e krijoi këtë "parfum të këndshëm të inspiruar nga natyra me nota të rrushit frëng, lules të portokallit, mimoza dhe gjethe manushaqeje". Të gjithë ata që dëshirojnë t'i kënaqin kanakarët e tyre mund ta blejnë parfumin me një çmim prej 38 funtash (53 euro) për një shishe prej 50 mililitrash. mp/ish/16:47




Në modë është euro Los Angjelos, 19 nëntor (MIA) - Raperi Jay-Z nuk e pëlqen dollarin. Atij duket se në qejf i ka hyrë euroja. Madje, jo vetëm atij.
Bankënotat e shumta të dollarëve, zakonisht janë detaj i zakonshëm i klipeve të raperëve amerikanë, po aq sa edhe veturat e shpejta, stolitë e praruara në diamante dhe modelet fare pak të veshura. Megjithatë, dhe mbase për shkak të rënies së dukshme të vlerës së dollarit, në video-klipin e ri të raperit Jay-Z, "Blue Magic", shfaqet një bankënotë tjetër.
Në video-klip shihen limuzinat Bentley dhe Rolls Royce rrugëve të New York (të cilat, meqë ra fjala, tashmë posedohen nga Volkswagen dhe BMW, që të dy kompani gjermane), ndërkohë që çanta, e cila gjithashtu shfaqet në klip është përplot bankënota prej 500 eurosh.
Klipi vjen pak kohë pasi që u bë e ditur se edhe super-modeles, Gisele Bündchen, gjithashtu i pëlqejnë më shumë eurot. Motra binjake, por edhe menaxherja e saj, Patricia, në muajin shtator i tha magazinës "Bloomberg" se: "Kontratat që fillojnë prej tani janë më atraktive në euro, sepse ne s’e dimë se çfarë mund të ndodh tutje me dollarin".
Bankënota amerikane gjatë muajve të kaluar ka prekur nivelin më të ulët në histori, e cila gjë, bashkë me rënien e kamatave në SHBA, i ka bërë bankënotat tjera shumë më atraktive. Kohëve të fundit, dollari me funtën ndërrohej me paritetin 2.10 me 1, duke u barazuar kështu me paritetin e dollarit kanadez kundruall funtës, ndërkohë që ka thyer edhe rekordin më të ulët të të gjitha kohërave krahasuar me euron (1euro= 1.4752 dollarë). As disa përcjellës tjerë, dhe paksa më të kujdesshëm, të tregut nuk parashohin ditë më të mira të dollarit, përfshirë këtu edhe investitorin dhe miliarderin, Warren Buffett. Ndërkohë, asgjë momentalisht nuk sugjeron që edhe miku i Jay-Z, raperi 50 Cent, po e shqyrton mundësinë e lëvizjes drejt ndonjë bankënote tjetër. ab/hr/10:38