Prap Ramushi me SHIK-un.Akuzat kunder Adem Grabovcit.

[pirro]

Akuzat e Haradinajt për Ministrinë e Transportit

Nga Express më 17.06.2009 në ora 13:59
Kryetari i AAK-së, Ramush Haradinaj, vazhdon të bëjë akuza të rënda në adresë të qeverisë së drejtuar nga Hashim Thaçi. Në konferencën e të mërkurës me gazetarë, lideri i partisë më të zhurmshme opozitare ka vënë në thumb sidomos Ministrinë e Transportit, të cilën e ka akuzuar për keqmanxhim të parave publike, manipulime me tenderë deri te financim të strukturave ilegale të SHIK-ut.

Sikur transmeton KosovaLive, Haradinaj ka thënë se investimet në rrugët e vendit janë të një cilësie të dobët dhe qytetarët janë dëshmitarë se po hapen gropat ende pa kaluar një vit nga ndërtimi i tyre.

Qëndrimi i Aleancës për Ardhmërinë e Kosovës (AAK) është se qeveria aktuale po bën një menaxhim joligjor të buxhetit dhe po e keqpërdorë atë. “Kosova sot ende nuk ka kilometra të autorrugës së caktuar. Rruga deri në Lipjan është rrugë e zgjeruar, por jo autorrugë dhe se ky projekt ka qenë i qeverisë së kaluar, po ashtu edhe pjesa e rrugës për Fushë-Kosovë, mirëpo kanë qenë procedurat e prokurimit që është dashur të pritet për zbatim”, tha Haradinaj.

Sipas tij, e vetmja rrugë e projektuar, e cila sërish nuk është autorrugë, është ajo nga Fushë-Kosova deri në Sllatinë, rreth 8 kilometra. Ai akuzoi qeverinë Thaçi se për dy vite ka projektuar vetëm 8 kilometra rrugë të një cilësie shumë të dyshuar

Për këtë pjesë të rrugës Haradinaj tha se janë dhënë 34 milionë euro dhe është bërë një manipulim i madh që ka zgjuar dyshime të mëdha.

“Është një skandal i madh kontraktimi i rrugës që shkon nga Fushë-Kosova deri në Sllatinë. Me dhjetëra manipulime janë bërë, çmimi, korrupsioni, vendosja e paqes me kompanitë kontraktuese që mos të ankohen etj”, tha ai, duke shtuar se 34 milionë euro investime për këtë rrugë është shumë çmim i lartë, i cili ka një zinxhir manipulimi.

Ai tha se aq larg shkon manipulimi, saqë nga Ministria e Transportit financohet SHIK-u, njerëzit e PDK-së që shkojnë për të krijuar shantazhe ose të ndërmarrin veprime nga këto para.

Haradinaj madje nuk ngurroi të përmendë me emër se zëvendësministri i Transportit, Adem Grabovci, është arkëtar i SHIK-ut. “Adem Grabovci është i ngarkuar nga qeveria për t’i paguar këto grupe për t’i krijuar epërsi PDK-së dhe për t’i shkaktuar dëme partive tjera politike në vend”, u shpreh ai.

Por, Zëvendësministri i Transportit dhe Postë Telekomunikacionit, Adem Grabovci, i ka quajtur shpifje deklaratat e liderit të AAK-së, Ramush Haradinaj, në lidhje me akuzat e këtij fundit për financim të strukturave ilegale të SHIK`ut dhe e ka ftuar liderin e partisë opozitare për një debat publik.

Kreu i AAK-së tha se Prishtina si kryeqytet i vendit ende nuk lidhet me ndonjë autorrugë me asnjë qytet, as me ndonjë nga pikat kufitare, ndërkaq për rrugët që aktualisht po asfaltohen ai tha se frikësohet se duhet të rishtohen edhe një herë për shkak të cilësisë së dobët.

Haradinaj tha se sa i përket shpenzimit të buxhetit, qeveria nuk është duke përfillur parlamentin, madje me një lloj arrogance ka shkuar deri atje që thonë “se ne nuk e duam shtetin e Kosovës”.

Ndërkaq sa i përket zbatimit të Kushtetutës, Haradinaj tha se pajtohet me letrën e Veton Surroit, drejtuar Jakup Krasniqit e Fatmir Sejdiut, ku i akuzon këta të fundit për shkelje e Kushtetutës.

Në fund të konferencës Haradinaj kritikoi edhe sistemin e drejtësisë në vend. “Ka ndërhyrje aq sa bëhen vjedhje në dhomën e provave të policisë”, tha kreu i AAK-së.

[Veterani]

Kryetari i AAK-es e bëri këtë kritik me vend dhe në kohë të duhur.

Derisa të gjithë shqelmojn mbi dhe në Kosovë Kryetari i AAk-es është bile i "urt" si do duhej të ishte. Në vendet ku funksionon demokracia këto kritika duhej të ja kishin lëkundur dikujt goxha trunin, por tek neve qeveritart bëhen sikur nuk dëgjuan mirë, për të vazhduar edhe më tej me hajnit/avazet e vjetra.
E ceka në vendet ku funksionon demokracia, sepse edhe neve nuk do të mund ti ikim këtijë rendi shoqëror që mbretron në Evropë, sepse po të ndodhje diku sikur në Iran, atëher populli do të ngrihej.
Pra fuknsionart të mos i shtien vesht n'lesh, e të mos kërkojn "duele" sepse edhe një fëmijë që ka nisur të mësoj numrat deri në dhjet di ti llogaris mashtrimet e tyre, me paret e popullit. ("Nihmat" nga jasht, që populli dhe gjeneratat e ardhshme do ti kthejn me kamata të larta).

[jonuzi]

...Kosova eshte e vogel, te gjithe njihemi, lidhje farefisnore, jeta me kanun e doke, bejne qe per shume kende te duken interesante edhe ateher kur ne sheh dalin te verteta te hidhura, duhet te mesohemi se jetojme ne shek 21, ne kohen kur kultura e debatit duhet te mos rregullohet me doke e kanune, por me ligj e me parime demokratike... mua asgje nuk po me duket interesante ne kete debat qe ka hapur Ramushi, kjo teme duhet te diskutohet pa marr parasysh se sa e hidhur eshte per dike ....

[Pupi]

Postimi origjinal është bërë nga jonuzi

...Kosova eshte e vogel, te gjithe njihemi, lidhje farefisnore, jeta me kanun e doke, bejne qe per shume kende te duken interesante edhe ateher kur ne sheh dalin te verteta te hidhura, duhet te mesohemi se jetojme ne shek 21, ne kohen kur kultura e debatit duhet te mos rregullohet me doke e kanune, por me ligj e me parime demokratike... mua asgje nuk po me duket interesante ne kete debat qe ka hapur Ramushi, kjo teme duhet te diskutohet pa marr parasysh se sa e hidhur eshte per dike ....

Januz unë e kam parasysh shqetsimin tëndë tash ç'prej se ke kalue në Pdk.
Kshtu ndodhë zakonisht me ata që "buken e gojes" duan ta fitojn me politik, ndërsa neve "apolitikve" kjo na sjellë ushqim luxerior.
Ta nënvleftësosh ama këtë kritik të kryetarit të Aleances nuk e shohë për të drejtë. Bile edhe vetë kam filluar të dyshojë, kush e mësoj kaq mir Ramushin të flas.

[Fshatari]

Postimi origjinal është bërë nga jonuzi

...Kosova eshte e vogel, te gjithe njihemi, lidhje farefisnore, jeta me kanun e doke, bejne qe per shume kende te duken interesante edhe ateher kur ne sheh dalin te verteta te hidhura, duhet te mesohemi se jetojme ne shek 21, ne kohen kur kultura e debatit duhet te mos rregullohet me doke e kanune, por me ligj e me parime demokratike... mua asgje nuk po me duket interesante ne kete debat qe ka hapur Ramushi, kjo teme duhet te diskutohet pa marr parasysh se sa e hidhur eshte per dike ....

Kjo teme nuk iu pershtatet zgjedhjeve komunale qe do te mbahen me 15 nentor 2009. Kjo nuk do t'ua permiresoje hiç jeten qytetarve. Kjo eshte hakmarrje personale e Ramushit ndaj nje partie tjeter ne Kosove. Duhet te gjendet tjeter gjuhe per joshjen e votuesve.Nese deshiron te fitoje ne ndonje qytet te Kosoves, njerzit kerkojne premtime e jo akuza kunder subjekteve tjera politike.Kjo metode veprimi nevrikos votuesit dhe i detyron te largohen perfundimisht nga subjekti qe perfaqeson vete akuzuesi.

[pirro]

Une po mendoj qe Ramushi nuk ka alternativa tjera, si psh: Diqka qe kish me thon per ndonje plan per zhvillim ekonomik apo hapje te vendve te punes. Jo qe subjektet tjera kane diqka qe te fascionojn mire ato jane perckatuar per me shku me urt.
Tash ne qe jetojm ne Kosove e dim shume mire se kush (cili subjket politik) ka lidhjet e veta me te forta me nentoken, ja dim shume mire te kalum e ramushit te vellait te tij etj etj.

[Dani11]

Detyre e prioritare e opozites ne qdo shtet Demokratik eshte te ngrej zerin dhe ti terheq vrejtjen per gabimet qe i bejne ata qe udheheqin.Dhe munde te themi lirisht qe edhe ne si popull i thjeshte jemi duke i pare me sy keto gabime e keto keqperdorime.
Kujtone vetem sote raportin nga senati amerikan per trafikim te femrave dhe femijeve per shfrytezim sexual.Mandej kemi rastin e vjedhjes se parave, droges dhe dosjeve shume te rendesishme ne policine e Kosoves.Une mendoi qe hiq pa u marre me gjera tjera, vetem ky rast eshte aq skandaloz sa qe edhe qeveria do te duhej te ipte doreheqje e lere me ata qe udheheqin ministrin e sigurise.Deri me sot askush nuk u shkarrku nga detyra apo nuk dha doreheqeje, kjo tregon qe kesaj qeverije i vjen era krim dhe eshte e zhytur thelle ne te.