Lajme aktuale nga vendi ! - Page 46

murrizi · 17-07-12, 16:52

a ketu qenkan Delli me Surrojn a ?!

Perbes edhe ju sja keni bo mir hiq a, i kemi hap me qindra e mijera tema, me lidhje e palidhje, e mos me marr mund me hap nje te llojit ta zeme: Dueli me Galdiatorve, Na u kan qart zotnit ner veti..... apo apo..... zgjidhni ju vete ?!

Neferta · 21-07-12, 15:55

Gjendet trupi i pajetë i poetit Ali Podrimja
I tronditur nga kjo humbje e madhe, ministri i Punëve të Jashtme i Kosovës, Enver Hoxhaj, i shpreh ngushëllimet më të sinqerta familjes së poetit Podrimja, komunitetit të poetëve, shkrimtarëve e artistëve si dhe mbarë popullit të Kosovës.
“Humbja e poetit me renome ndërkombëtare Ali Podrimja, është një humbje e madhe jo vetëm për familjen dhe miqtë e panumërt të tij, por një humbje e jashtëzakonshme edhe për kulturën dhe artin kosovar, shqiptar e më gjerë. Kujtimi i poetit Ali Podrimja do të jetë gjithnjë i gjallë në mesin tonë dhe do të shërbejë si figurë motivimi për brezat e ardhshëm të Kosovës”, thuhet në telegramin e ngushëllimit të ministrit Hoxhaj.
Poeti Ali Podrimja ka humbur kontaktet me kolegët dhe miqtë e familjarët e tij nga data 18 korrik, në kohën kur po qëndronte në Francë në kuadër të festivalit të poezisë “Voix de la Méditerranée”, në qytetin e Lodève.
Autoritet franceze po punojnë në zbardhjen e plotë të rrethanave të humbjes së jetës së poetit Ali Podrimja.
Ministria e Punëve të Jashtme e Kosovës falënderon autoritetet e Ministrisë së Jashtme dhe asaj të Brendshme Franceze, si dhe të gjitha institucionet e tjera lokale e qendrore në Francë për angazhimin maksimal të tyre në ndriçimin e këtij rasti

~~Denim~~ · 21-08-12, 20:19

Thyet lapidari i Strehimit të ipeshkvinjëve në Zym

Publikuar: 21.08.2012 - 12:03

Zym, 21 gusht - Në Zym të Hasit në natën në mes të dielës dhe të hënës, persona ende të panjohur thyen lapidarin e Strehimit te ipeshkvinjëve gjatë viteve 1702-1752.

Përfaqësuesit e Klubit letrar “Shtjefën Gjeçovi” të Zymit i kanë njoftuar organet përgjegjëse të Policisë së Kosovës, të cilët kanë shkuar në vendin e ngjarjes dhe e kanë bërë hulumtimin e duhur, por tash për tash ende nuk ka të dyshuar, raporton RTK.

Personat e panjohur i kanë thyer plotësisht tri pllakat e ipeshkëvinjëve dhe pllakën që i kushtohet 310-vjetorit të strehimit të ipeshkvinjëve në Zym, njofton Klubi letrar “Shtjefën Gjeçovi”.

Klubi letrar “Shtjefën Gjeçovi” i Zymit, si organizatori kryesor i manifestimit tashmë tradicional letrar, kulturor e shkencor “Takimet e Gjeçovit”, që u mbajt për të 41-tën herë me radhë pa asnjë ndërprerje, më 15 prill të këtij viti, bënë zbulimin e lapidarit në 310-vjetorin e strehimit te ipeshkvinjëve gjatë viteve 1702-1752, kohë kjo kur për shkaqe të sigurisë nga hordhit barbare otomane, në Zym ishte strehuar Ipeshkëvia Shkup-Prizren.

Këtë lapidar e pat zbuluar Jakup Krasniqi, kryetar i Kuvendit të Republikës së Kosovës së bashku me Imzot Dodë Gjergjin, ipeshkv i Kosovës dhe koreografen Lajde Kolgjeraj.

Për 50 vjet me radhë, sa qendruan të strehuar Ipeshkvinjtë në Zym, aty shërbyen Imzot Pjetër Karagiqi (nga Novo Bërda, i cili së bashku me dy zymjanë kishte marrë pjesë në Kuvendin e Arbnit në vitin 1703 në Mërkinjë), pastaj Imzot Mihill Suma (i cili po ashtu për shkaqe sigurie u kishte prirë kelmendasëve (me ta dhe dy familjeve kelmendase nga Zymi), për t’u vendosur në rajonin e Sremit në Vojvodinë) dhe imzot Gjon Nikollë Kazazi (nga Gjakova).

Domira · 26-08-12, 23:59

Gusht 26, 2012 në 11:36 pm

Zjarr në Merdare, xhandarmeria serbe futet në Kosovë?!

Në fshatrat Borovac dhe Merdare, në vijën kufitare ndërmjet Kosovë dhe Serbisë, sonte ka shpërthyer zjarr i cili ka përfshirë malin dhe fushat përreth.

“Zjarri është përhapur nga ana e Kosovës, kurse për shkak te territ është e pamundur te vlerësohet se sa hapësirë ka përfshirë”, ka thënë për agjencinë serbe Beta, kryetari i bashkësisë lokale te Merdarës, Çaslav Millosheviq.

Momentalisht sipas tij, në vendin e ngjarjes kanë dalë zjarrfikësit nga Kurshumlia, banorët dhe pjesëtarët e xhandarmerisë serbe. Millosheviq ka thënë se zjarri shumë shpejt po përhapet dhe se gati të gjithë banorët po marrin pjesë në shuarjen e zjarrit.

“Për shkak te territ nuk mund të vlerësojmë intensitetin e saktë të zjarrit. Vija e zjarrit është e gjatë rreth 700 metra dhe pandërprerë përhapet në drejtim të fshtarave tonë. Për këtë arsye jemi detyruar që të hyjmë në territorin e Kosovës në mënyrë që ta parandalojmë shtrirjen e zjarrit”, ka thënë ai.

Millosheviq ka hezituar të thotë nëse bashkë më banorët te kenë hyrë në territorin e Kosovë edhe xhandarmeria serbe.

Ai ka shtuar se ende nuk e dinë nëse zjarri po shuhet nga ana e Kosovës. (ORAinfo)

Neferta · 29-08-12, 19:40

LDK Bllokon reformen kushtetuese
Prishtinë, 29 gusht - LDK-ja e Isa Mustafës është tërhequr të mërkurën përfundimisht nga Komisioni Parlamentar për Reformën Zgjedhore. Këtë vendim e ka bërë publik, kryetari i këtij komisioni që është nga LDK-ja, deputeti Haki Demolli.

“Që nga sot LDK-ja nuk do të jetë pjesë e komisionit derisa nuk respektohet marrëveshja për presidentin e arritur në rezolutën të cilën e kemi përkrahur edhe ne”, ka thënë deputeti Demolli. Ai ka shtuar se LDK-ja do t’i kthehet punës së komisionit në momentin kur të ndryshohen rrethanat dhe kur PDK-ja do ta respektojë marrëveshjen për presidentin. Ky vendim, sipas anëtarit tjetër të LDK-së, Imri Ahmeti është imponuar direkt nga kryeministri Hashim Thaçi. “Qëndrimi jonë për t’u larguar nga komisioni na është imponuar direkt nga kryeministri Hashim Thaçi dhe nga askush tjetër”, është shprehur Ahmeti.

Nga ana tjetër nënkryetari i komisionit nga PDK-ja Halit Krasniqi i ka ftuar kolegët e tij nga LDK-ja që të vazhdojnë punën dhe të mos largohen nga komisioni pasi që sipas tij ky është lajm i keq në kohën kur Kosova është në fazën e përmbylljes së pavarësisë së mbikëqyrur’

“Është lajm i keq për komisionin, opinionin dhe institucionin. Ju ftoj që ta korrigjoni veprimin dhe komisioni ti kthehet punës normale”, ka ftuar Krasniqi.

Kurse përfaqësuesi i AAK-së, Blerim Shala e ka cilësuar këtë si një situatë të komplikuar për të cilën ka thënë se ai nuk di se cila është rrugëzgjidhja për momentin.”Është situatë e komplikuar dhe goxha e rëndë dhe ne më së paku kemi kontribuar që të jemi në këtë situatë. Pra jemi në pikën zero dhe unë nuk e di rrugëdaljen nga kjo situatë, ose ajo mund të gjendet me një takim të përbashkët të liderëve të partive dhe të dyja komisioneve, atij për ndryshime kushtetuese dhe këtij për reformë zgjedhore”, është shprehur Shala. Por për Lëvizjen Vetëvendosje ky veprim i LDK-së është tregues se PDK-ja e LDK-ja e kanë shndërruar reformën zgjedhore dhe kushtetuese në pronë private. “Reforma zgjedhore dhe ajo kushtetuese janë duke u trajtuar nga PDK-ja e LDK si pronë e tyre dhe nuk na befason aspak ky qëndrim i LDK-së sepse sikur që është nisur në mënyrë antikushtetuese marrëveshja për presidentin ashtu edhe po vjen fundi”, ka vlerësuar Haxhiu. Ajo ka propozuar që të vazhdoj puna e komisionit në çështjet që kanë të bëjnë me administrimin e zgjedhjeve.

31-08-12, 23:14

Normal qe i bllokon, qashtu duhet!

Kur te hyj ketu dua te kem rregullisht ndriqim te mjaftueshem.

Keshtu e do momenti, vetem perpara.

07-09-12, 11:52

http://www.mesazhi.com/modules/news/...181u)shqip.jpg

Dy të rinj shqiptarë fitues të çmimit "Prix Courage", që ndahet në Zvicër për guxim qytetar dhe humanitet

E premte 7 Shtator 2012 11:26
Dy të rinj shqiptarë dhe shoku i tyre zviceran janë fitues të çmimit "Prix Courage", më të lartit që ndahet në Zvicër për guxim qytetar dhe humanitet. Çmimi, të cilin e ndan revista "Beobachter, është dorëzuar mbrëmë, për të 15 herë me radhë, në një solemnitet të mbajtur në Bernë.
Fituesit e çmimit janë, Dines Xhaferi, Ramon Amrhein dhe Shqiprim Olluri. Tre tinejxherët: Shqiprim Olluri dhe Dines Xhaferi nga fshati Badasingen i Thurgaut dhe Ramon Amrhein nga Pfäfikoni i Cyrihut, kanë fituar çmimin e lartë për guximin dhe vetëmohimin e treguar duke i shpëtuar jetën një babai 46 vjeçar të dy fëmijëve, i cili po mbytej në ujët e lumit Rajna në Diesenhofen, transmeton Albinfo.

Çmimet i ka ndarë deputetja e SP-së në Dhomën e kantoneve të Parlamentit të Zvicrës, dhe ish kryetare e parlamentit, Pascale Bruderer.

"Ndërkohë që të tjerët bënin sehir dhe nuk ndërmerrnin asgjë, Shqiprimi, Ramoni dhe Dinesi vepruan për të shpëtuar një jetë njeriu. Këta tre të rinj kanë merituar çmimin "Prix Courage". Ata i japin një fytyrë rinisë së përgjegjshme dhe të gatshme për ndihmë. Një fytyrë që dallon aq shumë për të mirë, në krahasim me kryetitujt negativë, që tepër shpesh u kushtohen të rinjve" ka thënë Bruderer në cilësinë e kryetares së jurisë.

Tre të rinjtë, bashkë me çmimin fitojnë 25 mijë franga. Ndërsa çmimi i publikut në këtë solemnitet i është ndarë 95 vjeçarit Rolf Sigg, i cili 30 vjet më parë kishte themeluar organizatën "Exit". Ky çmim ka vlerën 10 mijë franga.

Në mesin e kandidatëve në rrethin e ngushtë për çmimin "Prix Courage" ka qenë edhe shqiptari tjetër, taksisti nga Biel-Bienne Hysen Tahiri. Ai kishte shpëtuar një grua duke e nxjerrë nga automobili që po digjej në autostradë.

Dinesi e Shqiprimi 15 vjeçar dhe Ramon 16 vjeç, ishin takuar në një paradite të nxehtë të gushtit të vitit 2011 për të kërcyer nga ura 8 metra e lartë mbi Rajnë, që bashkon Diesenhofenin e Zvicrës me Gailingenin gjerman. Pasi kishin dëgjuan një klithje nga lumi, ata kishin parë një notues, të cilin, e kishte kapur paniku nga një ngërç që kishte përjetuar.

Pa pritur asnjë sekondë, Ramon dhe Dines kërcejnë menjëherë në ujërat e lumit për të ndihmuar njeriun që po mbytej. Ata dy së bashku ia dolën që ta tërheqin rreth 20 metra drejt bregut, kundër rrjedhës së lumit, gjermanin 46 vjeçar. Në breg ata i priste Shqiprim Olluri i cili ndërkohë kishte alarmuar shpëtimtarët për ta nxjerrë të shpëtuarin në breg.

~~Codexx~~ · 07-09-12, 11:55

Citim:

Postimi origjinal është bërë nga Hajra

http://www.mesazhi.com/modules/news/...181u)shqip.jpg

Dy të rinj shqiptarë fitues të çmimit "Prix Courage", që ndahet në Zvicër për guxim qytetar dhe humanitet

E premte 7 Shtator 2012 11:26
Dy të rinj shqiptarë dhe shoku i tyre zviceran janë fitues të çmimit "Prix Courage", më të lartit që ndahet në Zvicër për guxim qytetar dhe humanitet. Çmimi, të cilin e ndan revista "Beobachter, është dorëzuar mbrëmë, për të 15 herë me radhë, në një solemnitet të mbajtur në Bernë.
Fituesit e çmimit janë, Dines Xhaferi, Ramon Amrhein dhe Shqiprim Olluri. Tre tinejxherët: Shqiprim Olluri dhe Dines Xhaferi nga fshati Badasingen i Thurgaut dhe Ramon Amrhein nga Pfäfikoni i Cyrihut, kanë fituar çmimin e lartë për guximin dhe vetëmohimin e treguar duke i shpëtuar jetën një babai 46 vjeçar të dy fëmijëve, i cili po mbytej në ujët e lumit Rajna në Diesenhofen, transmeton Albinfo.

Çmimet i ka ndarë deputetja e SP-së në Dhomën e kantoneve të Parlamentit të Zvicrës, dhe ish kryetare e parlamentit, Pascale Bruderer.

"Ndërkohë që të tjerët bënin sehir dhe nuk ndërmerrnin asgjë, Shqiprimi, Ramoni dhe Dinesi vepruan për të shpëtuar një jetë njeriu. Këta tre të rinj kanë merituar çmimin "Prix Courage". Ata i japin një fytyrë rinisë së përgjegjshme dhe të gatshme për ndihmë. Një fytyrë që dallon aq shumë për të mirë, në krahasim me kryetitujt negativë, që tepër shpesh u kushtohen të rinjve" ka thënë Bruderer në cilësinë e kryetares së jurisë.

Tre të rinjtë, bashkë me çmimin fitojnë 25 mijë franga. Ndërsa çmimi i publikut në këtë solemnitet i është ndarë 95 vjeçarit Rolf Sigg, i cili 30 vjet më parë kishte themeluar organizatën "Exit". Ky çmim ka vlerën 10 mijë franga.

Në mesin e kandidatëve në rrethin e ngushtë për çmimin "Prix Courage" ka qenë edhe shqiptari tjetër, taksisti nga Biel-Bienne Hysen Tahiri. Ai kishte shpëtuar një grua duke e nxjerrë nga automobili që po digjej në autostradë.

Dinesi e Shqiprimi 15 vjeçar dhe Ramon 16 vjeç, ishin takuar në një paradite të nxehtë të gushtit të vitit 2011 për të kërcyer nga ura 8 metra e lartë mbi Rajnë, që bashkon Diesenhofenin e Zvicrës me Gailingenin gjerman. Pasi kishin dëgjuan një klithje nga lumi, ata kishin parë një notues, të cilin, e kishte kapur paniku nga një ngërç që kishte përjetuar.

Pa pritur asnjë sekondë, Ramon dhe Dines kërcejnë menjëherë në ujërat e lumit për të ndihmuar njeriun që po mbytej. Ata dy së bashku ia dolën që ta tërheqin rreth 20 metra drejt bregut, kundër rrjedhës së lumit, gjermanin 46 vjeçar. Në breg ata i priste Shqiprim Olluri i cili ndërkohë kishte alarmuar shpëtimtarët për ta nxjerrë të shpëtuarin në breg.

O ju lumt o taraka se qeshtu duhet me vepru... jo mu mat aty me dy mene, a kcejm a jo... qa bohet qa sbohet hallall

**Naki** · 07-09-12, 12:44

Puna e mirë duhet të shpërblehet qoftë edhe në mënyrë simbolike,jehona e këtyre tre të rinjëve dhe rezonanca mediale që ju kushtohet është për qdo respektë!

**Zero Cool** · 11-10-12, 12:22

Sonte debat televiz mbi Studimin e Fizibilitetit:
KTV ne oren 20:00,
dhe
TV21 ne oren 22:30.

**Zero Cool** · 12-10-12, 15:44

Qesaj i thone me`t ra shi n`kallamoq!

Marrëveshja, Jahjaga edhe një vit presidente?

Prishtinë, 12.10.2012

Ambasadorja amerikane në Kosovë, Tracey Ann Jacobson brenda disa ditëve pritet t’i mbledhë liderët kryesorë të vendit me qëllim të arritjes së një marrëveshje të re për zhbllokimin e reformës kushtetuese dhe zgjedhore.

Përveç vazhdimisht të reformave, marrëveshja parasheh edhe fatin e presidentes aktuale të Kosovës, Atifete Jahjaga. Një burim i afërt nga Presidenca në kushte anonimiteti i ka thënë gazetës “Epoka e Re”, se takimi në mes të liderëve kryesorë të Kosovës dhe diplomates amerikane pritet të ndodhë këtë të shtunë.

“Ambasadorja amerikane në Kosovë, Tracey Jacobson, më 13 tetor do t’i mbledhë liderët kryesorë për të diskutuar për mundësinë e arritjes së një marrëveshje lidhur me reformat kushtetuese dhe zgjedhore. Përveç zhbllokimit të dy reformave, kjo marrëveshje parasheh që presidentja aktuale, Atifete Jahjaga, të qëndrojë në postin e saj edhe për një vit”, ka thënë ky burim.

Fshatari · 13-10-12, 16:52

Sekiraqa: Kam mbledhur vota për LDK'në në Prishtinë

Nga Express 13 Tetor 2012

Enver Sekiraqa është protagonisti kryesor i emisionit "Drejtësia në Kosovë" që pritet të transmetohet këtë të diel nga ora 21 në RTK.
Në një intervistë ekskluzive të xhiruar pak para dorëzimit në EULEX, Sekiraqa rrëfen për të bëmat, problemet dhe atentatet ndaj tij.
Po ashtu, Sekiraqa flet për qëndrimin e tij në Zonën Operative të Llapit, mbajtjen e tij në paraburgim në Llapashticë dhe Majac dhe arratisjen ditën kur ai mendonte se ishte planifikuar ekzekutimi i tij.
Sekiraqa tregon se çfarë lidhjeje ka pasur me politikën, policinë dhe VIP-at.
Madje, ai thote se ka votuar per LDK'ne dhe ka ndihmuar kete parti ne zgjedhje.
"Kom votu per LDK'ne dhe i kom ndihmu mi bo votat neper Vranjevc, neper Prishtine", ka thene Sekiraqa.
Ai ka folur edhe per lidhjen e tij me vrasjen e policit Triumf Rizaj, incidentin në Swiss Casino, qëndrimin e tij në arrati dhe bashkëpunimin e tij me Zvonko Veselinoviqin.
Ai tregon edhe për komunikimin e tij me gjykatës e prokurorë vendas dhe porositë e tyre që Sekiraqa ta lëshonte Kosovën.
Në emision gjithashtu trajtohen arsyet se pse Sekiraqa është dorëzuar në EULEX.
_________________________
http://www.gazetaexpress.com/?cid=1,15,94112

murrizi · 13-10-12, 18:14

Qysh bre Sekiraqa me tregu, pse me tregu kaq heret kur ka mujt me prit mos po hyp isa ne pushtet.

**Kodra** · 13-10-12, 20:07

Citim:

Postimi origjinal është bërë nga murrizi

Qysh bre Sekiraqa me tregu, pse me tregu kaq heret kur ka mujt me prit mos po hyp isa ne pushtet.

Eh mik, e paske qëlluar midisin:)

Plan apo jo?

Nga PDK (Thaçi) apo nga kush?

Është me të vërtetë ashtu, ka gisht LDK-ja(disa) në punën e tij?

Hmmm!

Guri i madh · 17-10-12, 19:15

Shqiptari që e ndihmon Serbinë në veriun e Kosovës

Një studim i gazetarëve të B92 për përdorimin e mjeteve të shtetit serb në Kosovë, nxjerr në pah shumë gjera interesante. Si vijnë mjetet nga Serbia, si blihen shtëpitë e shqiptarëve në veri dhe shumë e shumë gjera tjera.
Sipas studimeve, miliona euro përdoren nga Serbia në Kosovë, të cilat në emër të ndihmës për serbët pa strehë, keqpërdoren nga politikanët lokalë, transmeton B92.
Emisioni ”Insajder” B92 i shpalos të gjitha, që nga Nebojsha Çoviqi, ish-kryetar i Këshillit Koordinues për Kosovën në Qeverinë e Serbisë, e deri te shqiptari Idriz Shijaku, i cili ishte i përfshirë si ndërmjetësues për të bind shqiptarët të shesin shtëpitë në pjesën veriore të Kosovës.
Idriz Shijaku, ndër të tjera për gazetarët e B92 thotë: Myslimanët (boshnjakët) i kam bindur më lehtë për t’i shitur shtëpitë e tyre, ndërsa me shqiptarët kam pasur problem. Unë është dashur që të shes edhe shtëpinë time në mënyrë që t’i bind shqiptarët e tjerë si të veprojnë”.
Idriz Shijaku, i cili ishte ndërmejtësues mes shqiptarëve shitës dhe shtetit serb si blerës, merrte 3% të çmimit si komision.
Në lidhje me këtë skandal, priten arrestime në Serbi. Ish-koordinatori për Kosovën dhe nënkryetari i Qeverisë së Serbisë, Nebojsha Çoviq, pritet të arrestohet për shpërdorim të fondeve, raportojnë mediat e Beogradit.
Këto paralajmërime ai i konsideron kërcënime, pas të cilave fshihen ata që kanë vjedhur para në Kosovë.Siç shkruan “Kurir” i Beogradit, Çoviq që para një viti hetohej për shpërdorim të 459 milionë dinarëve të dedikuar për ndërtimin e shtëpive të serbëve në Mitrovicë. /Presheva/