Dokumenti i EULEX per Kosoven

[Linka_pz]

Misionit të BE-së për sundimin e Ligjit në Kosovë – EULEX Kosovë
Këshilli i Bashkimit Evropian,
Duke e pasur parasysh Traktatin e BE-së dhe në veçanti nenin 14, si dhe paragrafin tre të nenit 25, po ashtu me synim të promovimit të mëtutjeshëm të demokracisë, përparimit ekonomik, stabilitetit:
(1) Më 10 qershor 1999, Këshilli i Sigurimit i OKB-së e ka miratuar Rezolutën 1244 (në tekstin e mëtutjeshëm Rezoluta 1244) dhe në këtë kuadër, KS i OKB-së:
- Vendos themelimin e një pranie ndërkombëtare dhe të sigurisë për një periudhë iniciale 12-muajshe, me mundësi vazhdimi, përveç nëse Këshilli i Sigurimit nuk merr një vendim tjetër (paragrafi 19)
- Autorizon sekretarin e përgjithshëm me ndihmën e organizatave ndërkombëtare relevante që të themelojë një prani ndërkombëtare civile në Kosovë dhe “vendos se përgjegjësitë themelore të kësaj pranie do të përfshijnë… (f) në fazën përfundimtare mbikëqyrjen e transferit të autorizimeve nga institucionet e përkohshme të Kosovës në institucionet e themeluara sipas një marrëveshjeje politike … (i) mbajtjen e qeverisjes së ligjit dhe të rendit, përfshirë themelimin e forcave policore lokale dhe ndërkohë vendosjen e një personeli ndërkombëtar policor për të shërbyer në Kosovë (paragrafët 10 dhe 11).
- Përshëndet punën e BE-së dhe të organizatave të tjera për të zhvilluar një qasje gjithëpërfshirëse të zhvillimit ekonomik dhe të stabilizimit të rajonit të kapluar nga kriza e Kosovës, përfshirë zbatimin e Paktit të Stabilizimit për Evropën Juglindore me pjesëmarrje të gjerë të bashkëpunimit rajonal. (Paragrafi 17).

(2) Organizmat e Kosovës, institucionet dhe autoritetet, për të cilat flitet në këtë Veprim të përbashkët, janë institucionet (në tekstin e mëtutjeshëm “institucionet e Kosovës) e krijuara në bazë të Rezolutës 1244. Mes tjerash përfshijnë Shërbimin Policor të Kosovës, gjyqësinë dhe Ministrinë e Brendshme, si dhe atë të Drejtësisë.
(3) Ekziston nevoja për të parandaluar, në aspektin humanitar, shpërthimet e mundshme ët dhunës, aktet e përndjekjes dhe të frikësimit në Kosovës, duke marrë parasysh, si të përshtatshme, përgjegjësinë karshi popullsisë, mbështetur në Rezolutën 1674 të Këshillit të Sigurimit të OKB-së të 28 prillit 2006.
(4) Më 10 prill 2006, Këshilli ka miratuar Veprimin e përbashkët 2006/304/CFSP për themelimin e Misionit Planifikues të BE-së (EUPT) lidhur me një operacion të mundshëm për menaxhimin e krizës nga BE-ja në Kosovë në sferën e sundimit të ligjit dhe fusha të tjera në Kosovë.
(5) Më 11 dhjetor 2006, Këshilli ka miratuar Konceptin e menaxhimit të krizës për një operacion të menaxhimit të mundshëm të krizës nga BE-ja në terren dhe fusha të tjera të mundshme ën Kosovë.
(6) Veprimi i përbashkët 2006/304/CFSP parashtron se kreu i EUPT-së, në veçanti, do të veprojë nën udhëheqjen e drejtpërdrejtë të operacionit të menaxhimit të krizës së BE-së në Kosovë, posa të emërohet ky i fundit.
(7) Këshill i Evropës në Bruksel, i 14 dhjetorit 2007, ka nënvizuar gatishmërinë e BE-së për të marrë rolin kryesor në përforcimin e stabilitetit në rajon, në vijë me perspektivën evropiane dhe zbatimin e një marrëveshjeje që përcakton statusin e ardhshëm të Kosovës. Ai ka shprehur gatishmërinë e BE-së për ta ndihmuar Kosovën në rrugën e saj drejt një stabiliteti të qëndrueshëm, përfshirë misionin e ESDP-së (Siguria dhe Politika e Mbrojtjes e Evropës) dhe kontributin e një zyre civile ndërkombëtare si pjesë e pranive ndërkombëtare. Këshilli i Çështjeve të Përgjithshme dhe i Marrëdhënieve të Jashtme është ftuar të përcaktojë modalitetet e misionit dhe kohën e fillimit të punës. Përfaqësuesi i lartë/sekretari i përgjithshëm është kërkuar ta përgatiste misionin në diskutim me autoritetet përgjegjëse në Kosovë dhe me OKB-në. Në këtë kuadër, sekretari i përgjithshëm i OKB-së ka deklaruar se Kombet e Bashkuara me ndihmën e organizatave relevante ndërkombëtare është e zotuar ta ndihmojë Kosovën në rrugën e saj drejt një stabiliteti afatgjatë. Sekretari i përgjithshëm i OKB-së, po ashtu, ka përmendur gatishmërinë e BE-së për të marrë një rol më të madh në Kosovë, gjë që pasqyron përfundimet e Këshillit Evropian në Bruksel më 14 dhjetor.
(8) Krahas këtij Veprimi të përbashkët, Këshilli është duke e miratuar emërimin e një përfaqësuesi special të BE-së për Kosovën.
(9) Në përputhje me udhëzimet e Këshillit të Evropës në Nicë më 7-9 dhjetor 2000, ky Veprim i përbashkët duhet ta përcaktojë rolin e sekretarit të përgjithshëm/përfaqësuesit të lartë (SP/PL) në përputhje me nenet 18 dhe 26 të Traktatit.
(10) Neni 14 (1) i Traktatit bën thirrje për indikimin e financimit për një periudhë të tërë të implementimit të Veprimit të përbashkët. Indikimi i shumës që do të financohet nga buxheti i përgjithshëm i Bashkimit Evropian ilustron vullnetin e autoritetit politik dhe i nënshtrohet të qenit në dispozicion të zotimit për shumën e caktuar gjatë vitit të caktuar buxhetor.
(11) Duke e marrë parasysh shkallën dhe natyrën e misionit të themeluar nga ky Veprim i përbashkët, kërkohen provizione specifike që kanë të bëjnë me rekrutimin e kuadrit dhe me prokurimin.
(12) Struktura e komandës dhe e kontrollit e misionit duhet të jetë pa paragjykime për përgjegjësitë kontraktuale të kreut të misionit karshi Komisionit për zbatimin e buxhetit të misionit.
(13) Kapacitetet vëzhguese të themeluara përbrenda sekretariatit të Këshillit duhet të aktivizohen për këtë mision.
(14) Misioni i sundimit të Ligjit i BE-së do të realizohet në një situatë që mund të përkeqësohet dhe që mund t’i dëmtojë synimet e Politikës së Jashtme të Përbashkët dhe asaj të Sigurisë, siç është përcaktuar në nenin 11 të Traktatit.