Aleanca Kuq e Zi

[Zero Cool]

Kuq e Zi ngre alarmin: Censusi, rrezik për shkombëtarizim







Aleanca Kuq e Zi ka ngritur alarmin për rrezik shkombëtarizimi nëse nuk hiqet vetëdeklarimi i kombësisë nga formulari për censusin, që nis në muajin tetor.
Në një forum organizuar sot me praninë e intelektualëve, historianëve, juristëve, akademikëve dhe qytetarëve, Aleanca paraqiti dosierin me fakte, të dhëna dhe informacione të rrezikut të shkombëtarizimit dhe asimilimit të kombit shqiptar.


Kuqezi publikoi edhe listën e prezencës dhe listën e deputetëve që kanë votuar ligjin për censusin më datë 07.07.2011, në orën 14:08 minuta, për të cilin Aleanca tha se provon qartë manipulimin në procesin e votimit të këtij ligji.

“Zyrtarisht, sipas Kuvendit të Shqipërisë, në votimin e kryer në formë elektronike kanë votuar 71 deputetë nga të cilët edhe Lefter Maliqi dhe i ndjeri deputeti Gëzim Dibra. Kjo listë-prezencë dhe listë-votimit është tërësisht e falsifikuar”, tha Aleanca.

Kuqezi theksoi se dy deputetët ndodheshin jashtë vendit, përkatësisht njëri në Itali dhe tjetri në Turqi dhe shtoi se kjo provohet nga biletat e avionit.
Aleanca bëri thirrje për zbatimin e vendimit të Gjykatës Kushtetuese si i detyrueshëm për qeverinë dhe institucionet shqiptare.

Ky vendim shfuqizoi çdo dispozitë e cila rregullonte ligjërisht ndryshimin e kombësisë. /albeu.com/