Krasniqit i hapet rruga për titullin botëror

Kundërshtari i duelit të natës së 31 korrikut i boksierit kosovar Luan Kransniqi ka qenë padyshim një kundërshtar i fortë. Rëne Monse ashtu siç e kishte parashikuar dhe vetë boksieri shqiptar ka bërë një dyluftim ku pika e tij më ë fortë ka qenë padyshim krahu i tij i djathtë. Trajneri i Krasniqit, Torsten Schmitz, pat deklaruar se fakti që Rëne Monse bokson me dorën e djathtë nuk e shqetëson shumë atë dhe kampionin e Europës për pesha të rënda Luan Krasniqin. "Sigurisht që lojtarët që përdorin krahun e djathtë janë pak të veçantë. Ne gjatë gjithë fazës sonë përgatitore kemi patur parasysh se Monse gjithmonë bokson me dorën e djathtë. Prandaj dhe gjatë dy muajve stërvitje Luani ka patur dy partnerë boksimi, të cilët ashtu si dhe kundërshtari i tij Monse boksonin me dorën e djathtë. Pra, ne ishim përgatitur mirë për atë çfarë na priste në duelin e mbrëmshëm". Luan Krasniqi e ka vlerësuar pas duelit kundërshtarin e tij: "Monseja është një boksier i fortë dhe unë isha i sigurtë që nuk do ta kisha aspak të lehtë përballjen me të." Ky duel ishte konsideruar nga më interesantët për vetë faktin se ka qenë pikërisht ky boksier që i ka dhënë Luan Krasniqit për herë të parë titullin kampion i Evropës. Dueli i zhvilluar në sallën Hanns Martin Schleyer, pikërisht aty ku Krasniqi u bë kampion i Evropës këtu e dy vjet më parë ishte një mbrojtje vullnetare e boksierit kosovar. Pas Rëne Monse kundërshtari zyrtar i kampionit të Evropës do të jetë Timo Hofman. Gjatë gjithë ruaundeve Luan Krasniqi vërtetoi deklaratat e tij se e njihte shumë mirë kundërshtarin Rëne Monse, të cilin e konsideronte tepër të fortë. Për këtë arsye, ai ishte përgatitur që të mund ta përballonte dyluftimin ndaj Monsesë në 12 raunde ashtu si dy vjet më parë kur i rrëmbeu titullin Kampion i Evropës. Ka qenë pikërisht 5 janari i vitit 2002, kur Luan Krasniqi doli përballë Rëne Monsesë dhe për herë të parë mori titullin kampion i Evropës. Dueli i atëhershëm shkoi në 12 raunde, në të cilat dominoi totalisht boksieri kosovar, dominim që i dha edhe titullin kampion. Për sa i përket rezultatit të ndeshjes, ai thotë: "Ky është rripi im i kampionit dhe për këtë kam punuar shumë për ta marrë, prandaj nuk mund ta ktheja mbrapsht." Tashmë dueli i tij me Hofmanin do të jetë më i lehtë. "Luani akoma nuk ka treguar gjithë potencialin që ka dhe këtë do të ketë mundësi ta tregojë edhe në duele të tjera, që do të zhvillojë në të ardhmen,"- ka përfunduar trajneri i tij. Luan Krasniqi e ka fituar titullin ËBU për herë të parë në janar të vitit 2002 (ndaj Rëne Monsesë) dhe e ka dorëzuar atë në mbrojtjen e parë më 20 korrik të dy vjetëve më parë ndaj Pzhemislav Saletës. 14 shkurti ka qenë data kur Krasniqi 32-vjeçar ktheu titullin, duke mposhtur turkun Sinan Samil Sam pas 12 raundeve në bazë të vendimit të gjyqtarëve. Ai deri tani ka shënuar 29/////// fitore (12 me nokaut) dhe një humbje. Dueli Krasniqi-Hofman është zhvilluar gjatë vitit 2001, kur Hofmani mbante titullin e kampionit të Gjermanisë në boksin profesionist. Ai kishte hequr dorë nga titulli për t'i ikur një ballafaqimi me kosovarin, të cili më vonë e fitoi duke mposhtur Rëne Monsenë.

[AVNIU belgium]

:lol: :lol: :lol: qeshtu te bon fytyra nese te rrok luani boks

[Gentiani]

Countdown: Kampionati Europian në kategorinë e rëndë




Luan Krasniqi vs. Timo Hoffmann
4. Dhjetorë 2004, Estrel Hotel Berlin
ZDF live nga ora 22:00


Janë duke lëvizur ditët deri më 04 Dhjetorë - Kampionatin Europian në kategorinë e rëndës, titullin më të rëndësishëm të kontinentit, si dhe sigurimin e biletës për Kampionatin botërorë.

Me Luan Krasniqi dhe trajneri i tij Torsten Schmitz në Rotweil, ushtrojnë Sparringspartner Julius Long 2,12 m i gjatë nga SHBA, Marius Wach 2,02 m i gjatë nga Polonia dhe Cyril Seror 2,00 m i gjatë nga Franca.

Të gjithë këta janë extrem të fortë në goditje. Long shembull nga 11 fitore profesionale 6 i ka fituar me KO. Mjeshtëri Françezi Serror është i paluftueshëm deri tani nga 15 luftimet e tija, i ka fituar para kohe.

Trajneri Schmitz thotë: "Atë çka Luani gjatë Sparringut e demonstron, dëshmon qartë dhe unë e shoh Luanin në rrugë të një Fitore të madhe"

Luan Krasniqi është optimist, se pas Fitores së 04 Dhjetorit, vitin e ardhshëm do të mundet të boksoj për titull të kampionatit botërorë.

Tek WBO si dhe radhitjes që ka në listë, ka shansat më të mira të boksoj kundër Lamon Brewster. Por thotë gjithashtu se do të boksoj edhe kundër John Ruiz tek WBA ose Vitali Klitschko në WBC.

[Gentiani]

Fjalet duhet ti pershtaten veprimeve

Ne kryeqytet, ne Berlin Luani leviz i qete dhe teper i koncentruar.Nuk eshte e lehte te takohesh me kampionin e Europes keto dite. Si ne aktivitetet publike dhe ashtu ne ambjentet private mund te shikosh ne syte e kampionit te Europes se sa i etur eshte ai ne dyluftimin kunder Timo Hoffman (04.12.2004 ora 22.00). Ndoshta eshte dhe deshira e kundershtarit qe provokimet qe jane bere ditet e fundit te realizohen ne ring.Shoke nuk kane per tu bere me me njeri tjetrin. Hoffmann e ka provokuar shpeshhere Krasniqin.

Edhe ne konferencen e shtypit pas perfundimit te stervitjeve ku Hoffmann kishte vetem pese minuta kohe leshoi perseri kunja kunder mbajtesit te titullit duke deklaruar se ai do ta ktheje perseri titullin ne Gjermani. Per kete gjest ai u shperblye menjehere me te qeshura e me fishkellima.

Duket sikur Hoffmann nuk jeton ne Gjermani pasi Luan Krasniqi ka vite qe jeton ne Gjermani, ka mbaruar gjimnazin, ka boksuar per Gjermanine dhe i ka dhuruar Gjermanise medaljen e bronzte ne lojrat olimpike te Atlantes gje qe te cilen Timo Hoffmann nuk mund ta realizonte.

Kampioni i Europes reagon me humor ndaj shprehjeve te Hoffmannit: Cfare duhet ti them me une Timos?" Sic duket Timo nuk e ka nocione gjeografike. Edhe persa i perket perfundimit te dyluftimit Krasniqi i eshte pergjigjur Hoffmannit:"Ne dyluftimin e te shtunes titulli do i dhurohet perseri Gjermanise dhe per kete ai ka te drejte, por ky titull do mbetet ne Gjermanine jugore pikerisht aty ku une banoj."





Persa i perket temes Hoffmann Luani nuk do te harxhoje shume fjale" Ne kemi ardhur ketu jo per te replikuar me njeri tjetrin, por per te boksuar. Tani ka ardhur koha qe ne te ngjitemi ne ring." Pra keshtu fjalet e shumta duhet te kthehen ne vepta diten e shtune ku edhe ketu Hoffmann ka dhe me pak fjale" Timo nuk eshte ndonje boksier magjistar dhe kurre nuk e ka treguar ate cfare ka thene para boksit ne ring.

[uliksi31]

USA eshte provimi i madh per krejt boxera.Ketu mirret "diploma" :lol:

[progoni]

NE I UROJM
MBEJTJEN E TITULLIT

LUAN KRASNIQIT


POR KISHTE FITORE TE SIGURET

[Gentiana]

Urime pra. :)

[Naki]

Urime Luanit per Boksin qe demostroje sidomos ne rundin e 3 deri ne 8,,Mbrotja e sukseseshme e titullit ishte jo edhe e lehte deri ne rundin e 12.

[Mafiozi]

:P Urime per Luanin :P

[Gentiani]

Urime bartja e titullit të kampionit Evropian, në një meç i cili ishte sa i veshtirë poashtu edhe interesant. Timo Hoffman ishte kundershtarë i fortë i quajtur ndryshe "Lisi Gjerman" i cili edhe në vitin 2000 në luftë për titullin e kampionit Evropian luftoi 12 raunde kundër Vitali Klitschko tani kampion botërorë boksi në WBC. Me një fjalë ishte njëri ndër kundërshtarët më të rrezikshëm të Luanit, edhe pse Luani para meçit e relativizonte dhe injoronte kundërshtarin.

Fillimi i Luftimeve e zuri Luanin të papregaditur dhe si pasojë ishte goditja e kundërshtarit të tij, e cila barti edhe pasojat në zhvillimin e mëtutjeshëm të lojës, sepse ai ishte i kufizuar në të pamurit.






Ndërkohë prej Raundit të tretë Luanit i doli gjumi dhe filloj të jetë më aktiv në Ring. Njëra nga ato që nuk më pëlqyen ishin edhe sjelljet provokative dhe joserioze të Luanit në Ring, të cilat mendoj që kanë ndikuar edhe tek vendimi i gjyqtarëve të sillte në barazimin e rezultateve, edhe pse Luani udhëhiqte para me pikë sipas mendimit të disa bokserëve profesionistë.



Një goditje e fortë e nga Luani


Tendenca e këtij rezultati dhe sipas të gjitha gjasave sillet për të organizuar edhe një dyluftim tjetër, i cili më shumë është sferë interesash e dy klubeve kundërshtare dhe vehtë organizatorëve.

Sipas të gjitha gjasave Luani vitin e ardhshëm do të boksojë në kampionatin botërorë të boksit.


Gentiani!

[blusky]

Luan you are the best

[Gentiani]

Në kanalin televiziv Eurosport, sonte do të bëhet reprizimi i dueleve të Boksit.

20:15 kampionati botërorë në ligën WBA në kategorinë pendel
Shpend Abazi (DEN) - Evgeny Strausov (RUS)

21:15 kampionati europian EBU në kategorinë e rëndë
Luan Krasniqi (GER) - Timo Hoffmann (GER)

[Gentiani]

Boksieri shqiptar nuk e pranon Timo Hofmanin si kundërshtarin e tij: “Dua të ndeshem për titullin kampion bote”

Luan Krasniqi, sfida e radhës më 18 prill


Shekulli

Kampioni zyrtar i Evropës, Luan Krasniqi, në peshën e rëndë, do të mbrojë më 18 prill titullin. Pas mbrojtjes së rekomanduar nga Federata e boksit, ky dyluftim është i treti për nga radha. Data e boksit u koordinua shumë shpejt midis Universum Box Promotion dhe kanalit televiziv shtetëror gjerman ZDF, kanal ky që transmeton live duelet e boksit. E paqartë ka mbetur vetëm se kush do të dalë përballë në ring kundër Luan Krasniqit, pasi nuk është e lehtë të gjesh në Evropë një kundërshtar të denjë. Për këtë problem Krasniqi mendon se: "Sigurisht që do të ketë shumë boksierë që kërkojnë të hyjnë në rrugën e Kampionit të Evropës. Kjo është më se e qartë pasi ka shumë boksierë që kërkojnë t’u jepet shansi për të fituar titullin". Një vështrim për kundërshtarin e radhës po hidhet drejt pellgut të Amerikës. Aty tani janë mbledhur shume kampionë botërorë dhe sigurisht që Krasniqi ka dëshirë të madhe të hyjë në rangun e këtyre boksierëve. "Unë nuk mund të boksoj me çdo lloj boksieri. Por në fund të fundit mendoj se manaxheri im do të gjejë një kundërshtar, i cili do jetë i denjë për mua." Përsa i përket Timo Hoffmanit, boksieri shqiptar e mohon në mënyrë kategorike që ai të jetë kundërshtari i tij në duelin e 18 prillit. Edhe pse Federata e boksit kërkoi që dyluftimi të përsëritej, në një intervistë për mediat gjermane Kampioni i Evropës për peshën e rëndë ka treguar se përse nuk dëshiron të ridyluftoje me Timo Hoffman. "Unë e kam thënë edhe njëherë tjetër megjithatë po e them përsëri: Unë nuk i fshihem asnjeriu. Por ai nuk e meriton këtë titull. Pse duhet atëherë që ai ta ketë këtë shans. Timo e kishte një herë shansin për ta fituar titullin e kampionit të Europës por nuk e shfrytëzoi këtë rast. Pra ai duhet të pozicionohet prapa. Pse duhet të presë ai shansin e tretë për titull? Se kuptoj. Timo pati një shans, e katranosi dhe tani pret një shans tjetër. Të tjerët duhet të gëzohen kur kanë vetëm dhe një shans të vetëm.
Kjo nuk është e drejtë. Unë dëshiroj një ndeshje që të më çojë përpara. Unë jam në vendin e pestë në WBO, Hoffman renditet ne vendin e dhjetë. Unë jam në vendin e 15-të në WBA, ndërsa Timon në WBA nuk e njohin fare. Në WBC unë jam në vendin e njëmbëdhjetë ndërsa Hoffman në vendin e pesëmbëdhjetë. Unë dua të boksoj me dikë që është para meje, unë dua të ndeshem për një titull Kampion Bote. Dyluftimi ndaj Timos mua nuk më sjell asgjë, nuk më çon asgjëkundi", - ka përfunduar boksieri shqiptar.

[Gentiani]

Intervistë me kampionin europian të boksit Luan Krasniqi disa ditë para meçit të 28 majit

Luan Krasniqi: Edhe më 28 maj do të gëzojë 10 milion bashkëkombasit e mijë kudo që ndodhen

Pa përkrahjen e bashkëkombasve të mijë, duke u nisur nga Presheva, Ulqini, Peja, Gjakova, Juniku, Mitrovica e tërë Kosova, Tetova, Tirana e Arbëria, nuk do jem i kënaqur poqëse edhe fitoj. Kur jam në situatë të rëndë në meç dhe dëgjoj mbështetjen e vëllezërve të një gjaku më bënë edhe më të fortë, këtë mbështetje e kam pasur dhe do ta kem shpresoj. Kur dëgjoja Luan, Luan, besa besë-besën e kemi dhënë Luan Krasniqi kampion bote me u ba, vërtetë trupi më rrënqethet dhe forca më shtohej edhe më e madhe. Flamuri ynë kombëtar valonte dhe sa bukur që ndjehesha.

Kampioni i kampionëve Luan Krasniqi, më 28 maj do të ketë një meç të rëndësishëm, ku do të dihet se sa do të jetë afër meçit për titullin kampion bote. Luan Krasniqi, deri në këtë ditë ka punuar shumë dhe është duke punuar edhe sot e kësaj dite deri në maksimum, duke dhënë tërë talentin e tij, dhe energjinë që posedon, që shumë shpejt, brenda këtij viti të kurorëzohet me titullin kampion bote. Është Luan Krasniqi që po triumfon në meçe edhe duke respektuar të gjithë bashkëkombasit tanë që po gjenden afër Luanit kudo nëpër botë. Krasniqi edhe gjatë intervistave që i kemi pasur më herët, për lexusit tanë patë deklaruar, se në këtë vit do të kurorëzohem me titullin i pari në botë dhe do të gëzojë të gjithë bashkëkombasit në atdhe dhe të shpërndarë nëpër tërë botën. Kësaj here disa ditë para meçit të 28 majit për gazetën tonë, si gjithmonë pa përtesë, na njofton për kundërshtarin, planet, përgatitjet për këtë meç, pse është anuluar meçi i 16 prillit, se ku do ta festojë datëlindjen, pse ishte në Amerikë, kujt do t'ia dedikojë më së shumti fitoren e mundshme të 28 majit, si e sheh situatën në Kosovë pas vrasjes së vëllaut të ish kryeministrit të Kosovës dhe për gjërta tjera interesante kampioni europian në boks dhe pretendenti numër një për titullin kampion bote Luan Krasniqi.

Bota sot: Z.Krasniqi, a e keni ndryshuar strategjinë rreth përgatitjeve për ndeshjen e radhës të 28 majit, kur deri më tani keni ushtruar në Rottweil?

Luan Krasniqi: Përshëndes juve dhe gjithë stafin drejtues të gazetës kombëtare „Bota sot“. Strategjia ka mbetë ajo e vjetra, jam duke i kushtuar shumë rëndësi ushtrimeve të ndryshme që i përket këtij meçi. Si gjithmonë, i gatshëm dhe me vullnet që të jem sa më i përkatitur, po shfrytëzojë dhe do të shfyrtëzojë edhe një sekdonë të kohës. E di se vetëm me punë përkushtuese vinë edhe rezultatet. Nuk i frigohem vetes, kam besim tek vetja dhe do t'ia arrijë qëllimit final. Shihet se gjithçka është nën kontroll. Këtë javë do të fillojë me ushtrime speciale me tërë energjinë psiqike, fizike dhe emocionale, që më 28 maj të jem Luani i vërtetë siç kam qenë gjithmonë drejt fitores 100% dhe ku do ti gëzojë edhe bashkëkombasit e mijë që nuk më kanë lënë vetëm për asnjë moment edhe në sallë me përkrahje të jashtëzakonshme dhe u jem mirënjohës dhe pres prap mbështetjen sepse ndjehem edhe më në disponim për fitore.

Bota sot: Do të ndeshen në meç me Lanc Whitaker për të fituar të drejtën e kërkimit të titullit kampion në WBO. E njihni kundërshtarin?

Luan Krasniqi: E kam parë disa herë, por personalisht nuk e njoh. E kam studiuar mirë në çdo lëvizje përmes videokasetave dhe shpresoj se nuk do të jetë edhe shumë e vështirë, por prap duhet të përqendrohem në punë dhe vetëm punë. Sigurisht, se edhe Whitaker nuk do të jetë i papërgatitur, duke ditur se me kë po bokson, por nuk e kam zakon të flas shumë para një meçi pavarësisht se me kë bokson, me rëndësi është që të fitojë dhe të ruaj titullin që e kam.

Bota sot: Përmasat e Whitaker janë: 2, 03 m i gjatë dhe peshon 120 kg i cili do paraqitet në sallen Hanns-Martin Schleyer- Halle kundrejt jush. Deri ku keni arritur me përgatitje kur dita e meçit po afrohet?

Luan Krasniqi: Siç ju thashë edhe më herët prej të hënës kam filluar me përgatitje dhe do të vazhdojnë deri në kohën e fundit, apo më mirë të shprehem deri në minutin e fundit. Gjatësia e tij dhe pesha janë për te, ndërsa unë në ring nuk e shikoj nga kjo natyrë, unë e shikoj përmes lëvizjeve dhe do të je mai që do t'ia studiojë çdo lëvizje. Përgatitje do të kem siç kam pasur edhe më herët dhe do të jem i gatshëm që të bëjë ushtrime të çdo karakteri që më ofrohet nga trajneri im i nderuar dhe bashkëpunëtorët e mijë që i respektojë shumë.

Bota sot: Mund të na njoftoni pak më gjerësish, pse u anulua meçi i 16 prillit?

Luan Krasniqi: Ky meç u anulua sepse isha i sëmurë, shkurtimisht mund t'ju njoftojë, se isha me një grip dhe me këtë rast nuk deshta ta rrezikojë në këtë aspekt.

Bota sot: Më 10 maj e keni datëlindjen do të keni kohë për ta festuar, kur dihet se ju mbesin edhe 18 ditë nga dita e meçit?

Luan Krasniqi: Gjithmonë do të gjejë pak kohë për ta festuar me familjen time, ku kam pasur dhe do të kem përkrahjen. Edhe familja ime dhe miqtë e mijë të respektuar, e dinë se e kam meçin dhe ata do më ndihmojnë dhe do të kuptojnë, se si ta festojë këtë datëlindje, por me rëndësi është që do jem afër familjes dhe miqëve për pak kohë, por nuk i premtoj se do të jem tërë ditën, maksimumi është 2 orë festë dhe menjëherë puna në ushtrime. Por kam menduar, që datëlindjen time dhe fitoren, ta festojmë më 28 maj, ku kam besim, se do jem fitues e atëherë kam tre arsye për tu gëzuar dhe festuar, e para fitoren, e dyta datëlindjen që nuk i kam kushtuar shumë kohë familjes dhe miqëve dhe e treta e kam dritën e gjelbërt për titullin kampion bote.

Bota sot: Pas fitores së mundshme nga Whitaker, do ta jeni më afër titullit botëror. E shihni këtë dritë të gjelbërt që tani para këtij meçi?

Luan Krasniqi: Gjithmonë. Shpresat janë të mëdha. Mendoj se ëndrrat e mia do ti realizojë dhe kjo dëshirë do më realizohet duke parë punën time që jam duke bërë. Edhe më 28 maj do të gëzojë 10 milion bashkëkombasit e mijë kudo që ndodhen.

Bota sot: Keni qëndruar edhe në Amerikë me karakter pune për ushtrime, a mund të na njoftoni me kë keni bashkëpunuar?

Luan Krasniqi: Kemi pasur ushtrime të përgjithsme. Ushtrimet ishin të karakterit më të lartë në teknikë dhe gjithçka që ka të bëjë me sportin e boksit.

Bota sot: Do të jetë ky vit i kurorëzimit të titullit kampion bote për Luan Krasniqin?

Luan Krasniqi: Siç kam thënë edhe më lartë. Meçi i 28 majit do të jetë ai që do më dërgoj për titull kampion bote. Do të shohim pas 28 majit, por jam shumë i sigurtë në vetëvete se do të fitojë, por nuk i dihet prap po them, sepse edhe kundërshtari im është shumë i fortë dhe i suksesshëm. Deri në
fund të vitit do të jem Luan Krasniqi me titullin kampion bote, duke ditur se kam edhe disa punë që ti rregulloj deri në atë meç sepse bëhet fjalë për titull bote. Shpresoj se do ta gëzojë mbarë popullin tim kudo që ndodhet.

Bota sot: Për momentin e shihni tek vetja ndonjë pikë të dobët sa i përket përgatitjeve?

Luan Krasniqi: Çdo gjë është në nivel siç dëshiroj unë, trajneri dhe klubi im. Nuk shoh diçka të rëndë.

Bota sot: Jeni deklaruar se gjëja më e rëndë për ju për këtë meç është se po atë natë nuk keni mundësi ta përcjellni ndeshjen futbollistike finale të kampionatit të Gjermanisë?

Bota sot: Me cilin ekip futbollistik jeni tifozë është fjala për në Gjermani?

Luan Krasniqi:Pas fitores sime do të shikoj edhe ndeshjen e finales, kuptohet në inçizim, por nuk do më tregoj askush se sa ishte rezultati. Me që jetoj në Stutgart jam tifoz i Stutgartit dhe Hamburgut.


Bota sot: Kujt do t'ia dedikoni më së shumti fitoren e mundshme të 28 majit?

Luan Krasniqi: Në fillim vetes sime, që synimet e mia ti realizojë, familjes, miqëve dhe të gjithëve që janë munduar që të kem këto rezultate.

Bota sot: Sigurisht se më 28 maj do të keni edhe më shumë përkrahje nga i gjithë populli ynë kudo që gjendet. Cila do ishte përshëndetje juaj lexuesve
tanë?

Luan Krasniqi: Përshëndes edhe njëherë juve dhe gjithë stafin drejtues të gazetës kombëtare „Bota sot“. Pa përkrahjen e bashkëkombasve të mijë, duke u nisur nga Presheva, Ulqini, Peja, Gjakova, Juniku, Mitrovica e tërë Kosova, Tetova, Tirana e arbëria, nuk do jem i kënaqur poqëse edhe fitoj. Kur jam në
situatë të rëndë në meç dhe dëgjoj mbëeshtetjen e vëellezërve të një gjaku më bënë edhe më të fortë, këtë mbështetje e kam pasur dhe do ta kem shpresoj. Kur dëgjoja Luan, Luan, besa besë-besën e kemi dhënë Luan Krasniqi kampion bote me u ba, vërtetë trupi më rrënqethet dhe forca më shtohej edhe më e madhe. Flamuri ynë kombëtar valonte dhe sa bukur që ndjehesha. Edhe më 28 maj do kem shpresoj vëllezër të një gjaku për mbështetje dhe kjo mbështetje do më nevojitet shumë. Ju dua shumë dhe nuk do ju zhgënjejë.

(mes titull) Vrasjet na dëmtojnë shumë. Nuk guxojmë të shkojmë dy hapa mbrapa dhe një para

Bota sot: Edhe një pyetje, kësaj here në politikë. Si e shihni të ardhmen e Kosovës, kur dita ditës situata po keqësohet dhe po bëhen vrasje enigmatike. Si kampion europian i boksit dhe pretendenti numër një për titullin kampion bote, sa po na dëmtojnë këto situata të padëshirueshme?

Luan Krasniqi: Jam i bindur se ne shqiptarët jemi paqëdashës dhe këtë rrugë do ta vazhdojmë. Tek çdo popull ndodhin gjëra jo të mira. Vrasjet na dëmtojnë shumë. Nuk guxojmë të shkojmë dy hapa mbrapa dhe një para. Ne të jemi të fortë që qëllimet tona ti realizojmë. Populli ynë me dekada ka qenë i pushtuar, por prapë se prap i kemi treguar botës së qytetëruar se e duam lirinë dhe do punojmë për këtë paqe. Familjarëve që po humbasin më të dashurëve u shprehim ngushëllimet më të sinqerta nga zemra dhe të mbahen gjakëftohtë duke pasur një qëllim të madh pavarësinë e Kosovës. E kuptoj se nuk janë të lehta të përballohen këto vrasje, por ata kriminel sigurisht se do të dënohen, pavarësisht se nga janë dhe nga vijnë. Duhet të jemi shumë të kujdesshëm në situata të tilla. Kosova kudo nëpër kancelaritë e botës po përmendet, jemi afër pavarësisë dhe për këtë kemi sakrifikuar shumë dhe kam shumë besim se do ta fitojmë e armiqtë tanë më pastaj do të shohin se si do përparojmë me shtetin tonë dhe shumë shpejtë do të jemi në sofrën e bashkimit eurpian. Kemi një rini të shëndoshë dhe kjo është shtylla më kryesore e një populli, pra rinia.

Bota sot: Mirupafshim dhe shumë urime datëlindjen.
Luan Krasniqi: Respekt dhe jeni të ftuar në këtë meç.

Intervistoi:Dashnim HEBIBI

[Gjumashja]

Urime Urimeeeee qe fitoj edhe sonte Luan Krasniqi urime shqiptar