Nuse në Gjermani

[panta_rhei]

Nga Naser Aliu



Dan Pusi erdhi në Gjermani në moshën e re. Tre vitet e para qëndroi si strehimkërkues dhe pastaj fitoi statusin e refugjatit. Ishte së bashku me të atin, nënën dhe dy motrat. Në moshën nëntëmbëdhjetë vjeçare u dashurua në një bjonde me origjinë nga Polonia. Nga kjo lidhje gati dy vjeçare, lindi Marta. Bashkëjetesa nuk zgjati shumë për shkak të kundërshtimeve, përzierjeve dhe mospjatimit të prindërve. Dani e braktisi atë dhe u kthye të banojë te prindërit.
Një ditë e mori malli për vendlindjen dhe i telefonoi një shoku të shkollës fillore. Biseduan për çdo gjë, pastaj edhe për gratë, edhe për martesat. Gratë e huaja, gratë shqiptare. Pas gjysmë ore Rama e këshilloi të martohet me një shqiptare: " Shqiptaret janë gra të sinqerta, nuk kanë shumë kërkesa, nuk janë të përdala, janë të dëgjueshme dhe nuk ta kufizojnë lirinë, mund të bësh çka të duash, " i tha ai. " Përveç kësaj, janë kuzhiniere të mira dhe kameriere të përsosura, me gratë shqiptare ti ndjehesh zotëri, me ato të perëndimit bëhesh zonjë", shtoi ai në fund duke qeshur.
Këto fjalë Dani i dëgjonte edhe në shtëpi, gati çdo ditë. Nuk ishin risi, por i shërbyen për ta përforcuar bindjen e tij. Kaluan disa javë nga dëgjimi i parë dhe Dani i telefonoi Ramës përsëri.
" Merre kushërirën time", i tha ai troç. " Sapo i ka mbushur tetëmbëdhjetë vjet. Ajo ka një baba të sëmurë, të paralizuar, nëna e saj është traumatizuar rëndë dhe vuan nga një sëmunjde e zemrës. Do të kishe bërë një vepër të mirë nëse martohesh me të!", i tha ai. " I kanë vrarë djalin në praninë e tyre. Dhe, do t´ishte mirë nëse ndihmon prindërit e saj, njëqind euro në muaj mjaftojnë."
Pas dy orëve mori Dani një email me fotografinë e Fjollës. Flokë të gjata, të zeza dhe të lëshuara në të dy pjesët e krahrorit. Kishte fytyrën engjëllore me një përhijësim të lehtë të faqeve në të kuq, me trup të gjatë e të hollë. E veshur me një fustan të kuq dhe një këmishë të zezë të mbyllur deri në kopsën e fundit, me jakë të bardha dhe të qëndisura. Dani u prek nga bukuria dhe freskia e saj dhe i shkroi këtë email mikut: " Shok i dashtun, un do t´iav çoj atyne 300 euro n´muj. Veç net kryhet puna. Më trego kur të nisem. Tung, edhe ty ti jap 200 euro për mësitni!" Dan Pusi.
Prindërit e tij u gëzuan se më në fund do ta kenë një nuse shqiptare në shtëpi dhe kështu do të pavarësosheshin nga bijat, që duhej të nxitonin për t´u bërë drekën, darkën apo thjesht edhe çajin paradite, kafenë pasdite apo qërimin e mollave dhe copëzimin e tyre pas darke; me pirun, pjatë me një shërbim plot buzëqeshje dhe gjysmë e përkulur. Ato banonin në të njëtën rrugë, afër qendrës, ku qeraja ishte më e lirë. Për herë të parë u gëzuan për gruan e djalit të tyre. Me ardhjen e nuses, nëna nuk duhej më tí hekuroste veshmbathjet e Danit, edhe shpenzimet për lavanderinë mund të kuresehen. Nuk ishin vetëm këto, të mërzitshme ishin kryesisht ngritjet për një gotë ujë, gjetja e ndonjë dokumenti, gjetja e teleklomandës, e çorapeve apo edhe e shkrepsës. Hapja e derës kur vinin miq, shërbimi i çajit e gatimit. Për këto cikërrima e lëvizje krejtësisht të pa rëndësishme, nevojitet një nuse në shtëpi, e pagojë, shqiptare, që din të shërbej shumë dhe të flas pak, apo fare. Që ngritet e para në agim, që shkon e fundit në shtrat. E cila punon e hesht. E cila gjihtmonë buzëqesh, jo si gjermanet që të thonë: "Shko merre ujin vet, je i shëndoshë! Apo ta sjell ujin, nëse më tregon vërtetimin mjekësor, ku mjeku ka urdhëruar shtrirjen në divan!" Gratë e tilla janë të pafytyra dhe janë shenja se bota po degjenerohet.
"Plakou, po bami familje si ktu ni her!", tha i ati i ngazëllyer. "Do ta kemi edhe ne një nuse shqiptare në shtëpi dhe më në fund, do të shtrihemi edhe ne në kanape. Si Krasniqët, që rrinë tërë ditën para televizorit dhe nuk duhet të lëvizin nga vendi! U kënaqën bre, u shkrinë...!"
Dani, para se të nisej, takohej çdo ditë me Fjollën në kompjuter. Kështu nga largësia nisi edhe lindja e dashurisë. Këto takime zgjatën gati një muaj.
Nëna e tij nuk mund ta fshihte gëzimin. Me dy bijat ia nisën pastrimit dhe regullimin e shtëpisë.
" Le ta gjejë shtëpinë e pastërtë nusja, kështu kupton se si duhet ta mbajë për gjithmonë", tha motra e madhe. Zhvendosën çdo gjë, që nuk ishte e gozhduar. E fshinë pluhurin nga çdo skaj dhe në fund i lyen edhe muret, i pastruan xhamat dhe palosën të gjitha rrobet. E përgaditën Danin, i hekurosën disa këmisha e pantallona dhe i dhanë edhe një kollare me vete. E përcollën me muzikë duke kërcyer deri te hyrja kryesore e banesës. Dani u nisë duke i përshëndetur me dorë nga xhami i makinës. Në qiellin e vranët, me pika të rrala shiu, vetëtima lëshoi dritë rrufeshëm, pastaj disa herë njëra pas tjetrës gjëmuan bubullimat. Ata vrapuan brenda. " Shenjë e mirë, shiu, bereqetë", tha me vete i ati.
Herën e parë u takuan në ëmbëltore: Fjolla, kushëri i saj Rama dhe Dani. Pas një jave e ftuan për darkë në shtëpi. Nëna e Fjollës përgaditi një darkë gati dasmore dhe harxhuan tridhjetë eurot e fundit në shtëpi. Ajo i tregoi Danit për luftën, për përjetimet, për tmerrin, deportimet dhe kur ia nisi të flasë për djalin, u ligështua. Fjolla iu hodh në qafë e trishtuar. Rama vrapoi dhe u kthye me një gotë ujë. Ajo e skuqur në fytyrë kërkoi ndjesë. Me fytyrën e lagët, duke marrë peshqirin në dorë, kërkoi ndjesë edhe nëna e saj për shqetsimin e krijuar. Babai i Fjollës fshiu lotët dhe uli kokën. Aty para mesnate u ngrit Dani për të shkuar te daja i tij...

[panta_rhei]

...Në dalje i lëshoi njëzet euro në dorë zonjës së shtëpisë dhe i premtoi se sapo të arrijë në Gjermani, do tua dërgonte pesëqind tjera. Edhe Ramës i dhuroi njëzet dhe të tjerat i premtoi se do t´ia dërgonte me postë, sepse në Austri kishte pasur një defekt në makinë, ku ishte dashur të paguajë shumë. Ata u shikuan në mes vete, por arsyetimin e tij e pranuan në heshtje.
"Nuk është me rëndësi"!, tha nëna e Fjollës duke fërkuar duart para vete.
Prindërit e saj u gëzuan se e bija nga Gjermania sadopak do t´u ndihmonte në zbutjen e gjendjes ekonomike, të paktën për blerjen e medikamenteve.
Dy javë pas martesës kryen formalitetet e udhëtimit në ambasadën gjermane në Prishtinë. Dani u premtoi atyre se edhe Fjolla do të punësohet, se mund të fitojë shumë dhe mund ta ndihmojë familjen, si donë ajo dhe sa donë ajo. Në pyetjet e të atit të Fjollës, pse nuk ishte martuar deri tani, ai tha se tërë kohë kishte kërkuar një shqiptare, nga një familje e mirë, e fisme dhe se gjermanet nuk i pëlqejnë!
"Janë të përdala!", tha ai duke e parë në sy vejhrrin e tij. Rama tundi kokë në shenjë pajtimi. Prindërit e Fjollës u shikuan në mes vete dhe nuk thanë asnjë fjalë.

Sapo lanë pas vete kufirin austriak, u ndalën në një restorant.
Fjolla shikonte kurreshtare njerzit për rreth, kur ua afrua një kamerier i shtyrë në moshë, ajo e shikoi hareshëm. Dani u mërdhez, e vështroi kërcnueshëm dhe ajo uli shikimin mbi tryezë. Mori një lëng të mollave, Dani një ujë mineral.
" Më don vërtetë apo u martove me mua me mua për leje qëndrimi", i tha asaj derisa po mbushte gotën me ujë.
Fjolla ngriti kokën dhe e uli shpejt e hutuar. Bëri disa grimasa, largoi flokët nga fytyra dhe u lëvizë e trazuar. Për një çast harroi lodhjen, rrugën e gjatë dhe prindërit e sëmurë. Harroi çdo gjë!
"Si tha të lutem?",
"Ti je shumë e bukur, 11 vite më e re se unë, prandaj thash...mos je martuar me mua për leje qëndrimi...Unë kam shtetësinë gjermane, kjo vlen më shumë se një titull profesori te ne!"
" Jo, jo", përsëriti ajo. " Nuk më duhen letrat, unë kam ardhë për ty", dhe uli shikimin.
"E kam një fëmijë....!"
"Si e ke një fëmijë?, pyeti ajo e shqetësuar, sikur ngritej befasisht e trishtuar nga gjumi. " Mos u tall të lutem! Po tallesh, ti tha se nuk ke qenë i martuar kurrë!" dhe iu mbushën sytë me lot.
" Marta quhet, i martuar jo, mirëpo kam një vajzë, dhjetë apo njëmbëdhejtë vjeçare, por mos u brengos, nuk kam kontakt me atë grua. Ishte një kurvë polake!" Kurvë i tha sa për ta qetësuar dhe për të krijuar binjden se nuk ka më respekt ndaj saj.
" Unë dua një djalë me një shqiptare, kjo është arsyeja pse desha të martohem me ty. Dua një shqiptar origjinal, komplet shqiptar! Kupton? Edhe për prindërit e mi...!"'
Kamerieri lëshoi dy pjata në tryezë. Fjolla u ngrit dhe doli te shkallët.
Ai u mundua ta qetësojë duke u betuar se disa vite nuk e kishte parë, se nuk paguante alimente për vajzën dhe se kishte qenë i ri kur kishte rënë në dashuri.
"Mirëpo, nëse kjo është problem për ty, atëherë ta paguajë biletën e trenit dhe mund të kthehesh në shtëpi!", i tha gjersa thithte tymin e cigares duke ia hedhur asaj në fytyrë.
Fjolla ofshani thellë, largoi kokën dhe iu dridhën buzët. Dëshironte të kthehej në shtëpi, por do t´i dëshpronte edhe prindërit dhe do të llogaritej si grua e lëshuar, kjo do ta dëmtonte dinjitetin e saj, tërësinë morale dhe do ta përcaktonte në të keq fatin e saj.
Dy orë i shtroi asaj aq shumë pyetje rreth të kaluarës, sa Fjollës i shpëtoi një fjalë duke pranuar se edhe ajo në moshën 14 vjeçare, kishte dashuruar dhe simpatizuar fshehtas një shok të shkollës, por pa u takuar kurrë me të.
" E sheh, që të dy kemi gabuar? Jemi njerëz," i tha asaj tani me zë më të butë duke qenë i bindur se "mëkatet" kishin peshën e njëjtë.
Dihet se disa dëshirojnë t´i ndërrojnë dashnoret çdo ditë, krenohen se janë imperialist seksual, por kur martohen vet, duan ta marrin një grua, që nuk e kanë prekur as rrezet e diellit! Ata nuk duan ta kontrollojnë vetëm të tashmen e grave, por duan ta zhbëjnë edhe të kaluarën e tyre. Ata dënojnë gratë e tyre, shkatërrojnë cilësinë e jetës duke konsideruar "vepre penale" të kaluarën, kur ia nuk ishte i pranishën në jetën e saj. Sipas tyre, kur ata kontrollojnë të menduarit, posedojnë njeriun, mund ta nënshtrojnë deri në depersonalizim dhe ta drejtojnë me telekomandë! Dhe, ta shumojnë vetveten!
Fjolla u nis shkallëve te poshtë. Vështroi drejt qiellit dhe eci para gjersa era shpupurishte flokët e saja të gjata dhe ajo herë pas here i rregullonte. Dielli po perëndonte dhe terri po mbulonte ditën ngadalë. Fustani i saj i hollë nga mëndafshi, që ia fali Dani, valvitje dhe ajo me duart skofiare mbronte zbulimin e këmbëve të saja të bardha si dëbora! I ati e quante princeshë dhe krenohej me Fjollën. Ai ishte arsimtar i pensionuar heret për shkak të sëmundjes. Edhe pse Fjolla qe e shkëlqyeshme në shkollë, nuk mundi t´i vijojë studimet për shkaqe financiare. Dani e shihte nga shkallët e restorantit dhe kur pa se dy austriak po afroheshin, ai u nis në drejtimin e Fjollës. Si gjeli që pezmatohet, kur sheh gjelin tjetër.
Konkurenca! Konkurenca! Disa burra mendojnë se nuk janë burra të mjaftueshëm. Kanë komplekse vogëlsie dhe këta burra, për ta gjetur një ekuilibër shpirtëror, mungesën e sedrës e plotësojnë duke nënshtruar bashkëshorten. Keqtrajtimin që i bëjnë gruas u shërben atyre si erzac i potencës. Burrat e tillë rëndom shërohen nga këto komplekse kur t´ia humbin gruas tërë atraktivitetin femëror, kur vërejnë se askush nuk e shikon më. Ose, kur mplaken humbin krenarinë e dikurshme, sepse nuk janë më xheloz dhe gruaja është shkatërruar fizikisht dhe shpirtërisht. Disa gra dobësohen shumë nga problemet dhe mosrespektimi. Disa gra trashen nga stresi i përditshëm, mirëpo gratë me burra të tillë, gjëja e parë që humbin është: liria! Deri në mbyllje dhe izolim! Kjo racë e burrave vetëm duke dominuar ndjehen vërtetë burra. Madje, këta janë burra të fuqishëm vetëm në shtëpinë e tyre, vetëm kundër gruas dhe fëmijëve! Jashtë janë ose njerëz anonim ose shumë të shoqërueshëm. Kështu mundohen ta fshehin impotencën kronike apo komplekset e tyre, që fshihen në mbathje! Disa Burra kanë frikë nga konkurenca dhe kjo racë ka paragjykime: "çdo burr tjetër e ka më të madh se unë! Çdo burrë tjetër është më i fortë se unë! Kështu paragjykojnë ata! Kështu gjykojnë ata dhe pason izolimi dhe mbikqyrja!"
Austriakët hynë në restorant duke folur e qeshur me zë të lartë.
" Kosovë apo Gjermani? Zgjidh! Tren apo autobus?!" Fjolla nuk tha asnjë fjalë, ashtu duke dënesur dhe duke fshirë lotët, u fut në makinë.
"Unë desha të jem i sinqertë me ty, nuk ta thashë këtë për krenari!" Fjolla e falenderoi dhe mbështeti kokën duke mbyllur sytë. U dëgjua një fishkëllim e rrotave, ashtu si dinë t´i bëjnë vetëm shqiptarët krenarë dhe u tretën. Dy austriakët, që po dilnin me nga një bagetë në dorë, shikuan duke zgurdulluar sytë!
Fjolla e veshur me një fustan të bardhë dhe një kurorë, qëndronte ulur në një karrige pranë derës dhe sa herë hynte apo dilte dikush, ngritej në këmbë. Kur ajo varte kokën nga lodhja, vjehërra kollitej dy herë dhe Fjolla kërcente në këmbë. Pas ankesave të njëpasnjëshme të fqinjëve, u deshë ta zvogëlojnë zërin e muzikës. "Laje ti moj gooooce, laje ti, shaminë e beqarit...!"
Aty para mesnatës të ftuarit dolën njëri pas tjetrit dhe Dani e mori për dore nusen në dhomën e fjetjes.
Në disa dasma shihen fytyra të zymta, të ngrysura të nuseve. Ato në vend se të gëzohen që martohen, ulur në një karrige rrezatojnë një trishtim makabër, një mospajtim, një revoltë të pashpjegueshme dhe frikë e tmerr nga çastet që vijnë. Ato ulen dhe ngriten, përkulen e drejtohen për të dëshmuar me fakte, jo se ka ardhur si nuse në shtëpi, por si shërbëtore pa personalitet dhe pa dinjitet të vetin! Ato shërbejnë të ftuarit, ua marrin dorën duke u përkulur si skllave dhe tërhiqen prapa si robotë të programuar! Përkulaj e tyre, nështrimi i tyre, është letërnjoftim i mizoginëve. Ato nuk flasin, nuk qeshen, por shërbejnë, si shërbenin skllevërit Qesarin:. Julius Gaius Qesarin. Perandorin e fashmëm romak!
"Me dëgjo", i tha duke ia përkdhelur flokët: " Ti je tani në Gjermani dhe duhet t´i kuptosh disa rregulla këtu. Në qytet apo shitore nuk mund të shkosh vet." Fjolla ngirti kokën. " Nëse shkon, atëherë vetëm me nënën ose me motrat e mia. Miqësi me gjermane janë të ndaluara, edhe me shqiptaret, që nuk i njoh unë! Nëse rrugës takohemi me shokë, mos i përshëndet për dore, por vetëm nga larg, me fjalë, e qartë? Dhe, një gjë mos harro kurrë, kur ecim rrugës, ec kokulur duke i parë vetëm këpucët apo pak para këpucëve, një metër, më shumë jo...!"
Fjolla pohoi duke tundur kokën dhe kafshoi buzët.
Gjyqi Për Çështje Familjare, janar 2010, të pranishëm: gjyqtari dhe zonja Mayer para kompjuterit; në sallë dy avokatë, psikologia znj. Dr. Müller, që merret me studimin e sjelljeve, Fjolla dhe Dani.
"Po ju lexoj shkurtimisht arsyen e shkurorzimit, tha gjyqtari dhe hapi dosjen. "Dan Pusi dhe zonja Fjolla Destini-Pusi me shtetësi kosovare, janë martuar në janar të vitit 2008 në Kosovë. Pas gati një viti bashkëjetese, Fjolla ka braktisur djalin dhe është kthyer në shtëpi. Atje ka qëndruar tre ditë dhe është kthyer përsëri në RFGJ, por jo në shtëpinë e saj, por gati 900 km larg, në shtëpinë e grave...! "...

[panta_rhei]

...Gjyqtari lexonte ngadalë pa ngritur kokën. Dani vështronte Fjollën vjedhuzari.
" Para se psikologia të lexojë raportin e vet, do të kenë mundësi palët të deklarohen. Ne sot nuk mund ta ndalim shkurorzimin, por duhet të vendosim për ardhmërin e Kevinit, se cilit nga prindërit do ta fitojë kujdestarinë. Pra, sot, nuk do të vendoset për interesat e prindërve, por të djalit!" Gjyqtari ngriti kokën, hoqi syzat e leximit dhe shtoi: " Fjalën e ka zonja Fjolla Destini-Pusi.
Ajo u ngrit, u falenderua dhe shikoi Danin në sy. Ai uli shikimin. Gjyqtari i tha se mund të flasë " mudn të flisni edhe ulur", i tha gjyqtari. Fjolla iu falenderua dhe ul duke shtrënguar një laps në dorë. Avokati e preku në krah duke i sugjeruar të flasë. Nga fillimi?, pyeti ajo.
" Po, nga fillimi," përsëriti avokati.
" Unë u dashurova në fillim në bazë të fjalëve, që m´i tregonte kushëriri im, pastaj takoheshim shpesh në internet, kur e pashë më pëlqeu dhe e dua akoma dhe jam e gatshme të kthehem pranë djalit tim! E thash këtë sepse psikologia më pyeti se a ishim fejuar që nga fëmijëria. Në Kosovë diçka e tillë, nuk ekziston. Pra unë jam e gatshme të kthehem te djali, por jo me dy ..."
" Për fat të keq burri Juaj nuk e dëshiron këtë", e ndërpreu gjyqtari.
" Po, e di", tha Fjolla dhe shikoi përsëri Danin. Ai ktheu shikimin nga avokati i tij.
" Zoti gjykatës", vazhdoi Fjolla. " Unë në shtëpinë e tij jam sjellur si sillet një grua shqiptare..."
" Si sillet një grua shqiptare", pyeti gjykatësi.
" Unë kam respektuar të gjitha rregullat. Kam bërë atë që ka dashur ai. Për një vit kam dalur dy herë në qytet. Jam kujdesur për prindërit e tij. Kur erdhi letra nga Zyra për të Huaj me kërkesën për vijimin e kursit të gjermanishtes, ai e bëri copë-copë dhe e hodhi. Prandaj mua më nevojitet sot përkthyesi. Gjatë shtatzanisë më ka dërguar vetëm një herë te gjinekologu, jo burri im, por kunata. Te një grua gjinekologe. Dy javët e para ka fjetur në shtëpi, pastaj tha se duhet të punojë natën dhe kthehej në mëngjes, pak pas orë tetë. Kështu vazhdoi deri një javë para lindjes", dhe ajo mbylli sytë. Lotët rrëke zbrisini mbi faqet e saja valë. Avokati i dha një facoletë. Fjolla dëneste. Gjyqtari i ofroi një pushim të vogël derisa të qetësohej. Ajo refuzoi. "Do të vazhdoj", tha ajo e vendosur. Psikologia i shtyri gotën me ujë, që gjendej mbi tavolinë me një kanë. Fjolla fshiu lotët dhe mori gotën në dorë duke u falenderuar.
" Zoti gjykatës, një javë para lindjes së Kevinit ishim të ftuar në dasmën e kushëririt të tij. Dola para dere të marrë pakëz ajër të pastër. Sapo desha të kthehem brenda, doli edhe ai për të tymosur dhe në atë çast po afrohej një zonjë me dy fëmijë. Kur panë fëmijët Danin, vrapuna në drejtim të tij duke bërtitur "papi...!" ( babi). Unë e shikova atë e hutuar, ai i mori femijët me vrull, bërtit diçka në gjermanisht, e mbaj mend vetëm fjalën "Scheise", sepse te ne ka edhe emër femre: Shaize.
Gjyqtari nënqeshi si dhe zonja që shkruante në kompjuter.
" Siç thashë, i rrëmbeu fëmijë si i tërbuar, gruaja vrapoi pas tij dhe i çoi diku me makinë. Në atë çast më kanë dërguar në spital, ku linda djalin tim", dhe ia plasi përsëri vajit. " Në spital qëndrova shtatë ditë dhe nuk më ka vizituar asnjë herë. Unë desha djali të quhen Faton, e kishin pagëzuar Kevin. Djalit i kam dhënë gji vetëm një javë. Pastaj kunata ime, që pat lindur fëmijë dy muaj para meje. Dani thoshte se tamli im është i keq. Pak para se më dëboi nga shtëpia, mora vesh nga një shqiptare, nga një telefonatë anonime, se Dani nuk kishte punuar kurrë natën dhe se jetonte nga ndihma sociale, por natën e kishte kaluar te gruaja tjetër, gjermane. Një vit jetova në një gjendje të pa shpjegueshme: rrahje, keqtrajtime dhe qortime të përditshme. Djalin nuk ma jepnin, por e mbante nëna e tij ose kunata. Unë shërbeja në atë familje, por me djalin nuk kam mundur kurrë të kalojë një orë. Kevini flinte natën me gjyshen. Një ditë më tha ta marrë pasaportën me vete se do të dalim diku, u soll shumë mirë me mua, mendova se do të ndryshojë gjendja, por pas katër orëve arritëm në aeroportin e Berlinit. Më lëshoi biletën e aeroplanit në dorë me dhjetë euro dhe iku. Për të ardhur këtu, për dhurata, pata marrë hua një mijë euro, që nuk i kam kthyer...Pjesën tjetër e dini, se pastaj u ktheva në shtëpinë e grave...Gjatë më shumë se një vjet qëndrimi në atë shtëpi i kam telefonuar dhe shkruar mesazhe qindra herë, por kurrë nuk më lejoi ta takoj djalin...!"
Gjyqtari solli kokën dhe një copë herë mori disa shënime.
" E keni radhën ju, zoti Pusi, por përqëndrohuni në çështjet kryesore ju lutem."
Dani tregoi se ishte zhgënjyer dhe se ndjehej i mashtruar nga Fjolla. Qëllimi i saj nuk kishte qenë krijimi i familjes me të, por përfitimi i lejës së qëndrimit.
" Fakti se kemi 11 vjet dallim, flet për këtë!, tha ai. " Në shtëpi sillej keq. Nuk respektonte prindërit e mi. Nuk është e vërtetë se ia kam ndaluar mësimin e gjuhës, por ajo thoshte se gjermanishtja është gjuhë oficerësh. Kam dashur ta dërgoj disa herë te gjinekologu, por nuk dëshironte, kishte turp apo shtirej se kishte turp. Nuk dinte të sillej si nënë e mirë, ndoshta pse është e re dhe nuk e kanë mësuar në shtëpi. Në aeroport nuk e kam dërguar, pse doja unë, por ajo më tha: ose ndaju nga ajo grua ose ika." Fjolla tërë kohën sillte kokë në shenjë mospajtimi.
" Unë i pata treguar qysh në Kosovë se kam tre fëmijë, me dy gra. Me gruan që kam dy fëmijë nuk kishim kontakte, por zoti gjytar, unë jam burrë, kjo nuk dinte të bëjë as dashuri si duhet. Seksi me të ishte i mërzitshëm, i pavlerë dhe iu ktheva gruas së dytë. Arsyeja kryesore pse unë u pajtova të kthehet, është se ajo nuk e donte djalin! E keqtrajtonte, nuk e ushqente, harronte...Diçka tjetër nuk kam ç´ ka të them", tha ia. " Harrova edhe një gjë që për ne shqiptarë është me shumë rëndësi: ajo nuk ishte e virgjër." Nëtë këtë çast Fjolla u ngrit si e tërbuar, avokati u përpoq ta ndalë, por megjithë pengimin e tij, arriti të hedhë me gotë në drejtimin e tij. Ai uli kokën dhe gota u thye copa-copa në mur. Avokati i tij dhe Dani fshinë fytyrën nga uji, që u derdh gjatë fluturimit të gotës.
Dan Pusi u buzëqeshë dhe shtoi: " E shihni zotëri gjykatës! A mund të jetohet me një grua të tillë!?! E fëmija, si mund të jetojë fëmija me një nënë të tillë?!" Gjyqtari e qortoi Fjollën duke iu kërcnuar edhe me gjobë për mosrespketimin gjykatës...Fjolla vuri dorën në ballë dhe qante.


" Ta dëgjojmë tani raportin e specialistes, që është marrë me studimin e sjelljeve të tyre", tha gjyqtari. Avokatëve u janë dërguar kopje me kohë, por megjithëkëtë t´i dëgjojmë shkurtimisht edhe një herë. Psikologia mori syzat e leximit dhe ul në një tryezë në mes të sallës duke shfletuar dosjen.
" Gjykatë e lartë, sipas autorizimit Tuaj, unë mora kontakt me të dy palët. Në shtëpinë e zotëri Pusit isha nga ora dhjetë deri në orën pesëmbëdhjetë. Me zonjën Pusi dhe djalin u takuam dy herë, për tetë orë. Psikologia shikonte herë pas here në aktet e saja.
Si kalohet dita te z.Pusi? Nga ora dhjetë z.Pusi ishte shtrirë në divan dhe ai shërbehej nga nëna. Nëna i sillte ujë, nëna ia solli taketuken, tymoste në dhomën ku gjendjej edhe djali. Kur djali qante, nëna e tij vraponte. Ai nuk shqetësohej dhe nuk lëvizej nga vendi. Shikonte televizor me të atin apo bisedonte me të. Ose luanin shah. Konstatimi im që është me rëndësi për gjyqin: djali nuk ka lidhje të veçanta me z.Pusi, por e konsideron nënë, nënën e zotit Pusi dhe ajo kujdeset për të. Interesante të përmendet se për drekë erdhi motra e tij, bëri drekën gati dhe me një enë në dorë u afrua pranë të pranishmëve për t´i larë duartë edhe pse lavamani ishte aty afër. Fëmija ka ngelur prapa, i retarduar dhe nuk flet shumë dhe ndaj lodrave nuk reagon si fëmijë e moshës së tij.
Me zonjën Pusi u takuam dy herë: djali nuk reagon ndaj saj. Ata kanë jetuar më shumë se një vjet të ndarë dhe fëmija e konsideron gjyshen nënë!" Fjolla ofshani thellë dhe i nguli shikimin Danit duke shtrënguar nofullat, ai fshehu kokën pas avokatit të vet.
" Janë provuar dhjetëra mënyra për të rikrijuar një lloj lidhshmërie mes nënës dhe djalit, pa sukses. Djali qante në praninë e saj dhe nuk pushonte... Përshkrimet tjera me imtësira i keni të bashkangjitur në raport. Ajo u ngrit, eci ngadalë dhe ulë në radhën e parë.
Gjyqtari e falenderoi psikologen. "Para se të tërhiqem për të marrë vendimin, zonja Pusi ju lutem të mendoni se a mund të shpërnguleni në këtë qytet apo afër, në mënyë që çdo njëri të ushtrojë detyrën e prindit? Gati 900 kilometra larg njëri tjetrit, nuk mund të bëhet!"
Fjolla solli kokën në shenjë mospajtimi.
" Zonja Pusi, ju keni leje qëndrimi në bazë të martesës, tani jeni e papunë dhe jetoni nga ndihma sociale, por meqenëse fëmija juaj është këtu gjerman, atëherë nuk mund të ju kthejnë prapa, mirëpo vetëm nëse fitoni kujdestarinë e djalit apo jeni në gjendje të paguani alimente. Ligji parashe rregulla të përkuizuara mirë. Ashtu si jetoni ju tani, duket vështirë, sepse nëse ju fitoni, atëherë djalit i pamundësohet kontakti me të atin dhe kryesisht me gjyshen...unë kam përt detyrë të vendos në dobi të fëmijës! Pas vendimit të sotshëm Zyra për të Huaj vendosë se a vazhdohet leja e qëndrimi apo ju kthejnë në Kosovë!"
Avokati i saj u përpoq të bindë Fjollën, mirëpo ajo sillte kokën. Gjyqtari me zonjën Müller u ngrit dhe nga një derë, që gjendje pas tyre, hynë në zyrë. Pas gjysmë ore gjyqtari hyri duke lëshuar dosjen mbi tryezë. Të pranishmit u ngritën në këmbë...

[panta_rhei]

..."Në emër të popullit", tha ai, "kujdestaria e djalit i besohet të atit, zotit Dan Pusi.
Arsyetim: "Në bazë të bindjeve pas këtij shqyrtimi dhe në bazë të raportit të psikologes konstatohet se në dobi të djalit është të mbetet te i ati, jo pse ai ka përgjegjësi atësie më të mirë, por se fëmija është mësuar me gjyshen dhe duhet evituar edhe një traumatizim tjetër. Nëna nuk është e gatshme të afrohet, për t´i mundësuar edhe t´atit ushtrimin e kujdestarisë. Kundër këtij vendimi zonja Fjolla Destini mund të ankoheni brenda dy javësh. Proceduar përfundon! Brenda dy javë do ta merrni vendimin me shkrim." Ai mblodhi aktet dhe doli.
Fjolla futi kokë mes duarëve dhe ia plasi vajit. Avokati dhe psikolgia u përpoqën ta qetësojnë. Dani me avokatin e vet doli jashtë. Në koridor prisnin nëna e tij me djalin dhe dy motrat. Dani i ngriti dy duart në ajër duke dashur pa fjalë t´u tregojë se fitoi. Ato të trija së bashku e përqafuan dhe ecën koridorit krenare.

Me njëzet shkurt 2010 qyteti ku banonte Fjolla vendosi për moszgjatjen e lejes së qëndrimit dhe Fjolla u detyrua të kthehet në shtëpi. Askush nuk kuptoi refuzimin e saj kategorik për t´u afruar pranë djalit dhe kështu të fitojë kujdestarinë. Në muajin mars telefonoi me psikologen. Babai i saj kishte insistuar të mos afrohet pranë burrit. Dani iu kishte kërcnuar se do t´ia vriste bijën nëse afrohet apo vjen të banojë në qytetin e tij.
Kaq!

[emine]

Nese behet fjale per nje ndodhi te vertet ,ku ktu sdyshoi se ka raste te shumta te njejta,mundem vetem te them se shteti Gjerman dhe Psikolloget kan pasur ne dore diqka kunder ksaj nene ,nese rastet e tilla perfundojne tek Psikolloget pra derisa te zbulohet cdo imsine apo akuzim qe i eshte ber nenes nuke perfundone ashtu shkel e shko,ka dhe shume nena qe me te vertet nuk jane te afta te kujdesen per femijet e tyre dhe mbasi kan fitu te drejten te qendroin tek nena fmijet, ju jan marr prap ,sepse kan vepru pa pjekuni apo skan dhan kujdes te mjaftushem ndaje femijes,disa dhe dorheqen vete duke pa se jeta e vetme me femije eshte tejet e rend,pra nuk flas nga hamendja ,kjo ndodhi munde te ket arsyejet e veta pse i eshte marr femija nenes,dhe nese nje nene e do fmijen e saje aq shume asnje mashkull dhe asnje plumbe smundet ta trembe per te qendru afer fmijes,e ku ??? Ne gjermani ku perkrahja e femres me femije eshte deri ne maksimume nga gjanat finaciare psikolloge e gjithqkaja,mbrojtja etj etj,ma kure eshte ne pyetje mashkulli (KOSOVO ALBANER) ajo femer kish marr cdo perkrahje,po kure nuke je ne gjendje em luftu per femijen tende dhe veten ateher normal qe tjeret veprojne simbas qefev tyre,,,
ps,mu sme duket prrall po rast i 100 e 1000-jte i ndodhun en perendim ne mesin e kosovarve,,,,,vetem duhet mendu se ai fmije qe mirret ne ket menyre rritet nje dite dhe e urren ate prind,po ashtu veq ne raste ku nena verehet se seshte e afte i mirret fmija dhe mos te harrojme shume here duken njerzit viktime po kan len viktim tjeret.....shum me vje keq per ate femij...

[Murgesha]

Nuk munda t´a lexoj pa u perlotur!

Eshte e veshtire te braktisesh femijen tend, por...!!!

Kam pas rast te takoj nena qe jan detyruar ta bejne ket gje. Me kan then qe kurr nuk jena ndjer mir, por edhe jeta ne flake te prditshme nuk po u perballojka!!!

Zot mos provo!

[halla e madhe]

....ishte ngjarje e tmerrshme.por ka edhe me te tmerrshme!

[Dreni30]

Më preku në shpirt rasti i Fjollës.......
Po edhe ai far Dani kuur jetë nuk ka me pas, por as motrat dhe nana e tij.
Tek ne e përdorim një fjalë " Për një plesht e djeg jorganin" Me një fjalë me mirë hiq se flliq.
Një nënë e pa krah në duar të gjakpirësve të endur nëpër rrugët e pafundme.
Me shpresë që nuk ndodhin këto raste ma me motrat, fëmijët(vajzat) dhe nënat tona.
Me një fjalë mëkat për disa mashkuj tan që e konsiderojnë veten mbret për gjinin e kundër. Ani sot për botën moderne po mundohen edhe me botkuptime të ndryshme fetare e ku ta di unë, vetëm e vetëm për me fitu fuqinë në dorë me një fjalë për përulje të gjinisë së kundërt.
Më falni se jam krejt i shokuar me këto që po ndodhin në botën tonë shqiptare në kohën e sodit.

Mos bënë cka të vij në dorë se fundi fundit je i humbur......

[Shpati]

Postimi origjinal është bërë nga Dreni30

Më preku në shpirt rasti i Fjollës.......
Po edhe ai far Dani kuur jetë nuk ka me pas, por as motrat dhe nana e tij.
Tek ne e përdorim një fjalë " Për një plesht e djeg jorganin" Me një fjalë me mirë hiq se flliq.
Një nënë e pa krah në duar të gjakpirësve të endur nëpër rrugët e pafundme.
Me shpresë që nuk ndodhin këto raste ma me motrat, fëmijët(vajzat) dhe nënat tona.
Me një fjalë mëkat për disa mashkuj tan që e konsiderojnë veten mbret për gjinin e kundër. Ani sot për botën moderne po mundohen edhe me botkuptime të ndryshme fetare e ku ta di unë, vetëm e vetëm për me fitu fuqinë në dorë me një fjalë për përulje të gjinisë së kundërt.
Më falni se jam krejt i shokuar me këto që po ndodhin në botën tonë shqiptare në kohën e sodit.

Mos bënë cka të vij në dorë se fundi fundit je i humbur......

Nuk kemi te bejm per rast te vertet !
Por per nje Proze te imagjinuar.
Kush mund te din "detalet" e tilla te personave te ndryshem?
Askush.

[lovely]

Postimi origjinal është bërë nga emine

Nese behet fjale per nje ndodhi te vertet ,ku ktu sdyshoi se ka raste te shumta te njejta,mundem vetem te them se shteti Gjerman dhe Psikolloget kan pasur ne dore diqka kunder ksaj nene ,nese rastet e tilla perfundojne tek Psikolloget pra derisa te zbulohet cdo imsine apo akuzim qe i eshte ber nenes nuke perfundone ashtu shkel e shko,ka dhe shume nena qe me te vertet nuk jane te afta te kujdesen per femijet e tyre dhe mbasi kan fitu te drejten te qendroin tek nena fmijet, ju jan marr prap ,sepse kan vepru pa pjekuni apo skan dhan kujdes te mjaftushem ndaje femijes,disa dhe dorheqen vete duke pa se jeta e vetme me femije eshte tejet e rend,pra nuk flas nga hamendja ,kjo ndodhi munde te ket arsyejet e veta pse i eshte marr femija nenes,dhe nese nje nene e do fmijen e saje aq shume asnje mashkull dhe asnje plumbe smundet ta trembe per te qendru afer fmijes,e ku ??? Ne gjermani ku perkrahja e femres me femije eshte deri ne maksimume nga gjanat finaciare psikolloge e gjithqkaja,mbrojtja etj etj,ma kure eshte ne pyetje mashkulli (KOSOVO ALBANER) ajo femer kish marr cdo perkrahje,po kure nuke je ne gjendje em luftu per femijen tende dhe veten ateher normal qe tjeret veprojne simbas qefev tyre,,,
ps,mu sme duket prrall po rast i 100 e 1000-jte i ndodhun en perendim ne mesin e kosovarve,,,,,vetem duhet mendu se ai fmije qe mirret ne ket menyre rritet nje dite dhe e urren ate prind,po ashtu veq ne raste ku nena verehet se seshte e afte i mirret fmija dhe mos te harrojme shume here duken njerzit viktime po kan len viktim tjeret.....shum me vje keq per ate femij...

llakum, nese eshte ngjarje e vertete (gje qe nuk dyshoj fare), ai pusi i pusavt e ka kthy nusen ne Kosove me zor kur o kan fmija shume i vogel, e nuk ka pas kontakt me nane t vet ni kohe t gate. Po edhe kur ka pas kontakt fmija me nane, fmija ka flejt me gjyshen, me nanen e pusit, kshtu qe per nane t vet e ka dit nanen e pusit. Se shteti e kish provu me i lan bashke, po shkrujke se femija veq kajke gjate gjithe kohes kur ish me nane t vet.
Dmth fmija nuk e ka ngjoft nanen e vet se nuk ia kan lan kurr ma shume se ni ore n dite, gjinin ia kan nda e halla i ka dhane me pi (motra e pusit) plus tani kohen e fundit nuk e kapa ni kohe kogja t gate, (mu dokt se nuk po shkrun sa kohe).. normal qe fmija e ka harru, e nuk e njeh..

eh, tash gjykata per mos me traumatizu fmine ma shume kishe, me e lan me nanen e vet biologjike qe nuk e njeh mo, morren vendim qe fmija me jetu te baba

[emine]

Postimi origjinal është bërë nga lovely

llakum, nese eshte ngjarje e vertete (gje qe nuk dyshoj fare), ai pusi i pusavt e ka kthy nusen ne Kosove me zor kur o kan fmija shume i vogel, e nuk ka pas kontakt me nane t vet ni kohe t gate. Po edhe kur ka pas kontakt fmija me nane, fmija ka flejt me gjyshen, me nanen e pusit, kshtu qe per nane t vet e ka dit nanen e pusit. Se shteti e kish provu me i lan bashke, po shkrujke se femija veq kajke gjate gjithe kohes kur ish me nane t vet.
Dmth fmija nuk e ka ngjoft nanen e vet se nuk ia kan lan kurr ma shume se ni ore n dite, gjinin ia kan nda e halla i ka dhane me pi (motra e pusit) plus tani kohen e fundit nuk e kapa ni kohe kogja t gate, (mu dokt se nuk po shkrun sa kohe).. normal qe fmija e ka harru, e nuk e njeh..

eh, tash gjykata per mos me traumatizu fmine ma shume kishe, me e lan me nanen e vet biologjike qe nuk e njeh mo, morren vendim qe fmija me jetu te baba

gjitha qka ke shenu qenkan me vend,po une nuke pajtohem me arsye sepse ne kto raste dhe ne shume raste tjera gjithmone ka nje rruge ku mundet te gjindet nje shans edhe mos te vije deri te kjo,asnje nene sduhet me leju tjeret te zevendsojne ate,e per meshkujte tane e ka marre vesh ma krejt bota se jo pisa po njerz te pa ndergjegjshem jane,njerz qe flasin per moral e drejtsi po ne realitet jane njerz te pa shpirt,une vete kam njofte nje femer qe eshte nda nga vajza saje me arsye ,,,UNE SMUNDEM MU MARTU MA NESE KAM FMIJE E KSHTU ME MIRE LE TE RRINE VAJZA TE ISH BURRI SE KSHTU MUNDEM TE MARTOHEM,E ESHTE MARTU E PREP I NJEJTI RAST,nuke ka ligj as shtet qe mundet ta ndaje nanen nga femija nese nena eshte 100% ne gjendje me sakrifiku cdo gje per femijen,e ne gjermani loqka jem veq nje numer te duhet me sill ,edhe ska burr as shqiptar as dilidreq qe mundet ta ndaje ate nane prej femijve as ta kthej ne kosove,po aq shume mbrohet qe kurr aj apo ata pisa skan drejt as ti dalin perball nje femre,mos se mire e di per qka flas,po une dyshoi shume ne femrat tona qe kan shume pak vetbesim,dhe shume jane te manipulune qka thojne hallku e harrojne se te jesh nene a e gjith jeta sakrific,uroi qe ne te ardhmen te mos degjoi kso gjanash qe femrat tona te vedisohen dhe pergjithsite qe kan ndaj fmijve kurr mos ti lejne ne duarte e hueja e sidomos te nje mashkulli,apo familje te burrit se askush ne bote smundet ta doje e ta mbroje femijen sa nena,,,,llokumi ka njofte shumme femra te rasteve te tilla ,jam befasu hjam tmerru se ka edhe nena se per nje cope mashkull edhe femijen e saje e harrojne,,,,vetem ata dy e dine qka ka ndodhe aty dhe nuke e fajsoi vetem mashkullin Zoti e di cfare arsye ka pas aty,

[emine]

Postimi origjinal është bërë nga Shpati

Nuk kemi te bejm per rast te vertet !
Por per nje Proze te imagjinuar.
Kush mund te din "detalet" e tilla te personave te ndryshem?
Askush.

shpat munde te jete proze prralle ,trillim,po te thote eminia qe kam njofte raste te tilla dhe me te tmerrshme me tragjike dhe jo vetem tek shqiptaret po edhe tek gjermanet ,turqet,etj kombe,kto gjana jane te pa shmangshme ne ditet e sodit,po diqka eshte me se e sigurte ne vendet perendimore para shume e shume vitesh jane ndertu organizata ku rastet e tilla shqyrtohen detajisht dhe munde te parandalohen ,rasti i ksaj femre paska qen en fillimi i kjarte andaj a kan deshte me marr masa pa u ba vone per te,e jo me leju nje cope ndytsir ti jep te drejte vetes e te luje me jetes e saje e femijes saje si ja ka kape qejfi atij,,,,,pse jo rodi atij tipit lype edhe plume ne balle,nese sdo kish pas rrugdalje tjeter a deshte me ble nje mjet vrases edhe me ja hjek flamen,

[Zeqiri]

pokjo eshte sahi se dan m..ta shiptar ka sa tdush ne krejt evropen edhe ma tposhter se shiptart me kajt nanen kun nbote nuk mun igjan idiota sa tdush rrenca kabullgji munafika xheloza hajvana deri nskejt shum e motrat qikat tona ikan marr nqaf neper perendim bre zoti qafen jau theft maspari ja q....ft nanen vjehrrave emasanej vjehrranave enfun burrit se krejt sherri niset prej vjehrres e vjehrranit emasanej burri diku dikuedhe nshum raste futen edhe rraspijat motrat eburrit sekjo qe epaska shkrue kyfar jarani krejt asht sahi po shiptarit duhet meja q....at nane me ligjin ebajram begut se nryshe nuk merr vesh sekugjan but sdin me izhdryp a me kan gjermank a polake ja lpijn edhe b....then i marrin plakat ka 15 vjet matvejtra qe kur tiafrohesh ngat ivjen era perq edhe jaupijn sh..rren e jau lpijn b...then me m...t qe i vjen era ni kilometer uh nanen me cka paqin ata qe bajn kshtu seme femen shiptare nuk kanbote letethot kush cka tedon shiptarja kazemer kashpirt kander dhe namuz nuktradhton nuk tqet nrruge qyshdo mekan burri prap eafron afer e kqyr kujdeset per lamje shperlamje per buke eperkrejt o mefalni per fjalor vullgar poskam qare sejetoj neperendim dhekam pas raste tetilla mepa dhe mendegju mevesht emi keso poshtersina mjer ajo qe emerr burrin neperendim kur nuk ika prindet afer apo diken te familjes afer se mate poshtra se vjehrrat dhe vjehrranat as djali nukasht,se vjehrrat rrine kot edhe qesin kirifekte tenusja edhe vjehrri qashtu budall sguxon npleqni mefol prej grujehajde bac kalle tani mos mkeqkuptoni se spo thom per krejt vjehrrat po per nje numer te vogel tetyne

[lovely]

Postimi origjinal është bërë nga emine

shpat munde te jete proze prralle ,trillim,po te thote eminia qe kam njofte raste te tilla dhe me te tmerrshme me tragjike dhe jo vetem tek shqiptaret po edhe tek gjermanet ,turqet,etj kombe,kto gjana jane te pa shmangshme ne ditet e sodit,po diqka eshte me se e sigurte ne vendet perendimore para shume e shume vitesh jane ndertu organizata ku rastet e tilla shqyrtohen detajisht dhe munde te parandalohen ,rasti i ksaj femre paska qen en fillimi i kjarte andaj a kan deshte me marr masa pa u ba vone per te,e jo me leju nje cope ndytsir ti jep te drejte vetes e te luje me jetes e saje e femijes saje si ja ka kape qejfi atij,,,,,pse jo rodi atij tipit lype edhe plume ne balle,nese sdo kish pas rrugdalje tjeter a deshte me ble nje mjet vrases edhe me ja hjek flamen,

o Emine, nusja o kan e mvarne pej pusit se nuk ka pas leje qendrimi ne gjermani.

Psikologoja; ""Me zonjën Pusi u takuam dy herë: djali nuk reagon ndaj saj. Ata kanë jetuar më shumë se një vjet të ndarë dhe fëmija e konsideron gjyshen nënë!" Fjolla ofshani thellë dhe i nguli shikimin Danit duke shtrënguar nofullat, ai fshehu kokën pas avokatit të vet.
" Janë provuar dhjetëra mënyra për të rikrijuar një lloj lidhshmërie mes nënës dhe djalit, pa sukses. Djali qante në praninë e saj dhe nuk pushonte... Përshkrimet tjera me imtësira i keni të bashkangjitur në raport. Ajo u ngrit, eci ngadalë dhe ulë në radhën e parë.
Gjyqtari e falenderoi psikologen. "Para se të tërhiqem për të marrë vendimin, zonja Pusi ju lutem të mendoni se a mund të shpërnguleni në këtë qytet apo afër, në mënyë që çdo njëri të ushtrojë detyrën e prindit? Gati 900 kilometra larg njëri tjetrit, nuk mund të bëhet!"
Fjolla solli kokën në shenjë mospajtimi."

Fjolla kryt e fort pak (plus iu ka mledh inati, dhimbja, t kqijat, etj etj.) se o dashte me iu afru (jetu ngat djalit) djalit t vet, qysh i ka thane gjyqtari, s paku per nje kohe, deri sa kish punu me fmi t vet pak e me e njoft fmija ma mire. Ajo e drejte edhe naive.
E kur te kish siguru qendrimin, kur ish njoftu me fmi t vet ma shume, kur ish ndi fmija i sigurte me nane t vet, kadaldal me gjyq ia kish marr djalin krejt pusit.
Se gjyqi ka vepru n favor t fmijes.

Fjolla me tu dhimt, se e ka sakrifiku edhe prish jeten e vet nihere per me iu nimu prindve, tani per mos me jau marr ftyren prindve (nuk o nda) , per ate arsye i ka duru tona ato t zeza prej ni shpije komplet!!

[Abetare]

Shume paska humbur e gjora Fjolle :( ...S'paska me te humbi shume prandaj ne vendin e saj kisha siguru nje arme e ati pusit pisit ja kisha hjeke flamen e pastaj te ndodhe q'te ndodhe ma zi nuk bahet ... E djalin le ta rrite gjyshja masi djalin e vet e humbe me marre .... Ka keso raste plote ne Gjermani , sa nusja kthehet ne kosove sepse po kujtojne keta gjermanet e baballoqit ( shqipet tona ) se po marrin skllave nga kosova e jo nuse njeri si krejte njerezit ...

Nuk e besoi se ligji gjerman ka vendosur ashtu sepse edhe pas 20 viteve po ti dihet nena e vertete ka te drejte ta merr femijen e vet , pjesen e vet te trupit .... qe 9 muaj e mbajti ne trupin e vete ...