Wikileaks, përfshihet edhe Shqipëria

[Makresh]

Wikileaks, përfshihet edhe Shqipëria

Në dokumentat sekrete të Wikileaks që parashikohet të publikohen së shpejti përfshihet edhe Shqipëria, më saktësisht prapaskenat e marrëdhenieve diplomatike mes vendit tonë dhe Greqisë.

Lajmi njoftohet nga burime pranë Ministrisë së Jashtme greke sipas të cilave ambasadori helen në Uashington ka paralajmëruar Ministrin e Jashtëm grek, Drucas për rrjedhjen e këtyre dokumenteve të cilësuara si të klasifikuara.
Dokumentet pritet të nxjerrin në pah fakte tronditëse në lidhje me marrëdheniet mes Tiranës dhe Athinës, për rolin e Greqisë në jug të Shqipërisë dhe për paktin ujor mes dy vendeve që u rrëzua pak muaj më parë nga Gjykata Kushtetuese në Tiranë.
Në dokumenta përfshihen edhe dosjet sekrete të marrëdhenieve mes Greqisë dhe disa shteteve të tjera.
Ndërkohë, Ministri i Jashtëm grek, Drucas ka kërkuar sqarime se si kanë përfunduar në duart e SHBA-së informacione të klasifikuara si “top secret” nga qeveria greke./tch/


PS: Degjova qe eshte folur edhe per shpallje top-sekrete rreth Kosovës, Maqedonis edhe Bosnjës,... nëse ndokush din me shume le t'na informoje.

[Dilaver]

Wikileaks dokumente për Kosovën

E përditshmja britanike "The Guardian" shkruan se shfaqjes së rreth 250.000 dokumenteve të ndryshme që përmbajnë artikuj analizash nga ambasadat amerikane në botë të publikuara nga faqja e internetit Wikileaks, nuk ka mundur t’i shpëtojë as Kosova.
Janë 668 dokumente ku përfshihen analiza të ndryshme të Ambasadës së Shteteve të Bashkuara të Amerikës rreth ngjarjeve politike në Kosovë, të shkruara nga ambasadorët apo diplomatët amerikanë të akredituar në Kosovë gjatë viteve 2000-2009.
Përmbajtja e këtyre dokumenteve mbetet të shihet në ditët në vijim duke e ditur se një numër i madh i njerëzve janë duke u munduar t’i shkarkojnë ato. Për momentin, serverët e wikileaks janë jashtë funksionit për shkak të ngarkesës së madhe.
Në dokumentin e botuar në tabelën e aferave në shtetin e Francës, disa komente interesante përmenden edhe për misionin evropian për sundimin e ligjit (EULEX).

[Dilaver]

WikiLeaks publikon qindra mijëra komunikime sensitive të diplomacisë amerikane

Zëri i Amerikës | Uashington E hënë, 29 Nëntor 2010



Ndajeni me ne


Faqja e internetitWikiLeaks publikoi qindra mijëra komunikime sensitive të diplomacisë amerikane, një hap ky, që u dënua nga qeveria e Shteteve të Bashkuara. Dokumentet zbulojnë mendime të shprehura nga zyrtarë diplomatikë amerikanë për udhëheqës dhe ngjarje të ndryshme botërore si dhe citojnë diskutime të nivelit të lartë me zyrtarë të vendeve të ndryshme.
Gazetat, të cilat u lejuan t’i shikojnë qysh më parë dokumentet, njoftojnë se mes komunikimeve ka praj tyre që zbulojnë se Mbreti i Arabisë Saudite, Abdullah, u ka bërë thirrje disa herë Shteteve të Bashkuara të sulmojnë Iranin për të shkatërruar programin e tij bërthamor dhe “për t’i prerë kokën gjarpërit”.

Kryeministri turk, Rexhep Taip Erdohan tha se po pret të shikojë se çfarë do të nxjerrë faqja WikiLeaks. "Le të shikojmë së pari se çfarë saktësisht fsheh WikiLeaks nën lëkurë, pastaj të shikojmë nëse ato pohime janë apo serioze. Besueshmëria e faqes WikiLeaks është e dyshimtë pra tani për tani po presim të shikojmë se çfarë kanë gjetur, më vonë do të bëjmë njoftimet e duhura."

Prokurori i Përgjithshëm i Australisë, Robert McClelland tha se i ka kërkuar policisë federale të hetojë për të parë nëse është shkelur ndonjë ligj. "Nxjerrja e këtij informacioni mund të dëmtojë sigurinë e njerëzve të cilët u referohen dokumentet, mund të dëmtojë interesat e sigurisë kombëtare të Shteteve të Bashkuara dhe aleatëve të tyre, duke përfshirë Australinë. Prandaj Australia do të mbështesë çdo masë ligjore që mund të merret."
Shtëpia e Bardhë e dënoi nxjerrjen e dokumenteve, duke thënë se ky veprim ve në rrezik çështjen e të drejtave të njeriut si dhe jetën dhe punën e atyre që përmenden.
Sipas faqes elektronike WikiLeaks, numri i dokumenteve ku përmendet Shqipëria është 822.

Themeluesi i faqes Wikileaks Julian Assange, në një telekonferencë për gazetarët në Jordani, kritikoi administratën Obama për masat ligjore kundër personave që nxjerrin dokumente qeveritare.
"Nën administratën Obama ka patur më tepër veprime ligjore kundër mediave se nën të gjithë presidentët e mëparshëm të marrë së bashku. Kjo është një lëvizje e paparë dhe tepër shqetësuese e administratës Obama drejt një regjimi që nuk beson në lirinë e shtypit"
Dje, WikiLeaks njoftoi se kishte qenë objekt i një sulmi elektronik por më pas u bë e mundur të hyhej në faqen e saj të internetit.
Pentagoni tha nga ana e tij se po forcon masat e sigurisë në kompjuterat që mbajnë informacione sekrete për të mos lejuar nxjerrjen e dokumenteve të tilla si ato të publikuara nga WikiLeaks.

[Lapsi]

Prishtinë/Zagreb, 29 nëntor - KohaTv-- (E plotësuar) Platforma e internetit “WikiLeaks” ka publikuar gjatë fundjavës dokumente sekrete apo të besueshme nga aktet diplomatike të Shteteve të Bashkuara të Amerikës. Fjala është për 250 mijë dokumente, të cilat “WikiLeaks” ka arritur t’i sigurojë përmes kanaleve të ndryshme. Dokumentet janë shkruar nga diplomatët amerikanë nga shumë vende të botës. Qeveria amerikane e ka dënuar ashpër publikimin e dokumenteve. Revista gjermane „Der Spiegel“ ka plasur në webfaqen e saj të dielën në mbrëmje një grafikë interaktive, ku mund të shihej numri i dokumenteve nga vendet përkatëse. Në listën e vendeve, siç merr vesh Koha.net figuron edhe Kosova. “WikiLeaks” pretendon se ka 668 dokumente sekrete të Zyrës (më vonë Ambasadës) së Shteteve të Bashkuara të Amerikës në Prishtinë. Këto dokumente janë dërguar në Washington dhe supozohet se përmbajnë vlerësime mbi gjendjen në Kosovë, por edhe detaje dhe mendime të diplomatëve amerikanë mbi aktorët politikë të vendit. Nga Shqipëria, “WikiLeaks” ka siguruar 542 depesha diplomatike, nga Serbia 994, nga Maqedonia 522, nga Kroacia 1686, nga Mali i Zi 164. Mediat gjermane kanë botuar hollësi nga vlerësimet që kanë dhënë diplomatët amerikanë për politikanë të ndryshëm. Kështu, presidenti i Afganistanit, Hamid Karzai, është quajtur „paranoik“, kancelarja gjermane „pak kreative“ në politikën e jashtme, për diktatorin e Libisë, Muamer Gadaf, thuhet se „askund nuk shkon pa infermieren e tij gjimadhe ukrainase“.

Në 668 dokumentet përfshihen analiza të ndryshme të Ambasadës së Shteteve të Bashkuara të Amerikës rreth ngjarjeve politike në Kosovë, të shkruara nga ambasadorët apo diplomatët amerikanë të akredituar në Kosovë gjatë viteve 2000-2009.
Nga 668 dokumentet e botuara për Kosovën, dy janë sekrete (pa të drejtë për shtetasit e huaj), një është sekrete, 13 janë konfidenciale (pa të drejtë për shtetasit e huaj), 325 konfidenciale të përgjithshme, 191 të paklasifikuara vetëm për përdorim zyrtar, dhe 136 të paklasifikuara apo të përgjithshme.

Në dokumentin e botuar në tabelën e aferave në shtetin e Francës, disa komente interesante përmenden edhe për misionin evropian për sundimin e ligjit (EULEX).

Diplomati francez Jean-David Levitte deklaron se misioni i EULEX-it është duke u ballafaquar me probleme serioze diplomatike me qeverinë kosovare dhe publikun pas nënshkrimit të dy protokolleve më Serbinë. Ata shpresojnë për vazhdim të qetësisë publike në Kosovë gjatë zgjedhjeve komunale.

Zëvendëssekretari amerikan Philip Gordon thotë që Kosova do t'i pranojë protokollet me Serbinë domosdo, por duhet që t'iu shpjegohet qartazi qeveritarëve kosovarë se këto janë marrëveshje teknike që nuk e prekin statusin e pavarësisë së Kosovës.

Levitte po ashtu edhe akuzon ministrin e jashtëm serb Vuk Jeremic, duke thënë se nuk është duke bërë asgjë për t’i bindur serbët që të kthehen apo të inkuadrohen në qeverinë e Kosovës. Levitte shton se Jeremic bën "premtime të mëdha" sa herë që vjen në Francë,
por asgjë nuk realizohet pastaj.

Si rrjedhojë Ambasadori francez Levitte refuzon të takohet me të dhe nuk e sheh si "një fytyrë moderne të Beogradit”.

Publikimi i këtyre analizave rreth ngjarjeve politike në Kosovë të shkruara nga diplomatët amerikanë që dërgohen në Departamentin e Shtetit mund të janë bumerang i madh për partitë politike që kanë qenë në pushtet prej vitit 2004 deri në 2010, sepse një pjesë e madhe e dokumenteve përmban afera korrupsioni dhe krimi për shumë shtete të botës.

E përditshmja angleze “The Guardian”, ajo spanjolle “El Pais”, dhe ajo franceze “Le Monde”, janë të parat që i kanë publikuar disa nga materialet. Edhe “The New York Times” i ka publikuar disa dokumente, por të censuruara, duke marre parasysh rrezikun që mund t’ua shkaktojnë shumë punëtorëve diplomatikë amerikanë në botë.

Besohet se njeriu i cili qëndron prapa këtyre vjedhjeve të materialeve të ndjeshme është një oficeri i ulët ushtarak amerikan, Bradley Manning.

E përditshmen britanike ‘Thye Guardian’ ka publikuar dokumentet sekrete të web faqes Wikileaks ku përmendet edhe Kosova. Fjala është për raportin e takimit mes ndihmës sekretarit shtetëror amerikan, Philip Gordon me diplomatët francezë në Paris më 16 shtator 2009. Siç shkruan në dokumente, këshilltari i Politikës së Jashtme i Nikolas Sarkozy, Jean-David Levitte i ishte ankuar Gordonit se misioni i EULEX-it ka probleme diplomatike me autoritete dhe qytetarët në Kosovë, pasi që kishte nënshkruar dy protokolle teknike me Serbinë. Lidhur me këtë Gordon porositi se pala kosovare duhet t’i pranojë këto protokolle, por se duhet shpjeguar qartë se fjala është për marrëveshje teknike që nuk do të ndikojnë në statusin e Kosovës së pavarur.
Levitte po ashtu kritikoi shefin e diplomacisë serbe, Vuk Jeremiq për të cilin tha se nuk bënë asgjë për t’i inkurajuar serbët që të marrin pjesë në punën e institucioneve kosovare. Ndërsa faqja Wikileaks qysh prej mbrëmë nuk është duke funksionuar.
B,lajmifundit

[4peace]

***

Kesaj here e ka pesuar me shume xhelati (marrja e dheut!) se sa viktima(t).


***

[panta_rhei]

Kaq edhe sa i perket aftesise tende per kuptimin e rrjedhave globale

Gezohu e n'daç tranohu, ti shoku proletar antiamerikan! Dmth. "e pat puna e amerikes me qikaq"

Mos e harro veç një detaj të vogël ("devil on details"):

SHBA qëndron prapa WikiLeaks-it.

Sa per detajet...

...flasim, flasim... por s'besoj se do te kete nevoje, do ta kuptosh me kalimin e kohes.

[4peace]

***

Shko fshij qyrrat ti...


...ele mos u tut, ble...

se Amiliken e mblojne sklepcat e puntorrencave.

Ai, ele ti, ma po don me dite dicka

***

[Makresh]

Thaçi: Wiki… çka ?

I zënë me fushatë, kryeministri në largim, Hashim Thaçi duket të mos e ketë idenë se çfarë është Wikileaks. I pyetur sot për të komentuar publikimin e dokumenteve sekrete ku përfshihet edhe Kosova, Thaçi është befasuar. “Unë…dua të them…se jam i prirur të komentoj vetëm dokumente transparente”, ka thënë Thaçi. E më transparente se kaq këto dokumente nuk kishin se si të bëheshin.

Deri më tash për Kosovën ka arritur të zbulohet vetëm një bashkëbisedim ndërmjet një diplomati francez, dhe asistentit të Sekretares Clinton, Gordon. Ky i fundit thotë se qeveria duhet të pranojë patjetër protokollet EULEX – Serbi, që gjithsesi nuk cenojnë pavarësinë e Kosovës./indeksonline/

[Gentiani]

A eshte qikjo si Wikipedia be ? po flitet se edhe shqip kemi me lixue

Çkamos kishin shkrujten ne ta sikur ne Caffe te forumes, cilli eshte sms-ja e fundit, çka don me marue neser, kend je tu e prit qishtu? kend e njeh, e kend e pave?, ta fali ma fale, ta japa, ma jape, me kend pu don me pi Caffe e qishtu... e qka i kishe marue qitina siper e qisaj poshte teje e qishtu muhabete koti hamene me plase serverat e vikilikes !

[tipi engjellor]

Nje gje po them qe jane te rrezikshme shume keto gjera munden me pas konflikte shume

[Makresh]

Athina zyrtare ndodhet në tension për shkak të 1758 dokumentave të fushave të ndryshme që do të publikohen në faqen e internetit Wikileaks.





Top Channel ka mësuar se në fundjavë në Athinë është zhvilluar një mbledhje e posacme e drejtorive të Ministrisë së Jashtme.

Shefat e sektorëve kanë diskutuar lidhur me përballimin e reagimeve të brendshme dhe të jashtme që mund të vijnë pas publikimit të dokumentave.

Askush nuk e di se cfarë përmbajnë këto dokumenta, por i gjithë shteti helen është në alarm.

Sot është zhvilluar një mbledhje tjetër ku kanë marrë pjesë përfaqësues të shërbimeve sekrete, Ministrisë së Brendshme dhe forcave të armatosura.

Ekspertët i druhen dokumentave që kanë të bëjnë me rolin e Greqisë në Ballkan, marrëdhëniet e ndërlikuara me faktorin shqiptar në Maqedoni, kontaktet me Turqinë, Serbinë, etj.

Ata janë të mendimit se publikimi i këtyre dokumentave mund të vërë në rrezik jetën e bashkëpunëtorëve të qeverisë greke në vendet e rajonit dhe për këtë arsye kanë nisur hartimin e programeve mbrojtëse.

Ndërkohë, kanë nisur procedurat për ndryshimin e kodeve të sistemeve të sigurisë, si dhe janë kufizuar kontaktet me mediat.

Gjithësej pritet të publikohen 1758 dokumente, 180 prej të cilave kanë të bëjnë me Shqipërinë dhe faktorin shqiptar në Ballkan, ndërsa të tjerat me cështjet e brendshme të Greqisë dhe ndikimin e saj në vendet e tjera të rajonit.

[Dilaver]

Medvedev ka lobuar kundër njohjes së Kosovës

Dokumente të besueshme amerikane, të cilat i ka publikuar ueb faqja Vikiliks, tregojnë se presidenti rus Dmitrij Medvedev, aleat i ngushtë i Serbisë, ka luajtur rol në ngadalësimin e njohjes së pavarësisë së Kosovës nga ana e vendeve arabe.
Në dokumentin që e ka dërguar ambasada e SHBA-ve në Doha më 21 dhjetor 2009, thuhet se ndihmësi i shefit të diplomacisë së Katarit Mohamed Al Rumaihi i ka thënë ambasadorit amerikan Xhozef E. Lebaron, se pavarësisht simpative të tyre, Medvedev ka kërkuar që të presin të njohin Kosovën.
"Presidenti rus ka kërkuar nga Katari që të "ngadalësojë" paralajmërimin e njohjes. Duke kuptuar shqetësimin rus, ka thënë Al Rumaihi, Katari edhe ka bërë këtë", theksohet në dokument.

[Dilaver]

Fillojnë kërkimet për Xhulian Asanzh

Kërkimi ndërkombëtar për themeluesin e Wikileaks, Xhulian Asanzh, i cili thuhet se ndodhet në Britani, ka filluar ndërkohë që zemërimi rritet mes udhëheqësve që nga Rusia dhe deri Australia mbi informacionet sekrete të publikuara në faqen e internetit.
Media britanike njoftoi sot se autoritetet e dinë se Asanzh po fshihet në juglindje të Britanisë. 39-vjeçari australian thuhet se ka dhënë adresë dhe numër telefoni kur ka hyrë në vend në tetor.
Mesazhet diplomatike amerikane të publikuara nga faqja e debatueshme e Asanzh tregojnë mendimet e Shteteve të Bashkuara mbi udhëheqësit botërorë dhe kanë zemëruar politikanët në të gjithë botën.
Mesazhet e fundit diplomatike të publikuara nga kjo faqe tregojnë se Shtetet e Bashkuara e shohin Rusinë si një vend të korruptuar dhe shtet mafioz.
Në përgjigje të mesazheve të publikuara, Putin tha për rrjetin televiziv CNN se Shtetet e Bashkuara nuk duhet të ndërhyjnë në punët e brendshme të Rusisë.

[Oqeani]

Postimi origjinal është bërë nga Makresh

Thaçi: Wiki… çka ?

I zënë me fushatë, kryeministri në largim, Hashim Thaçi duket të mos e ketë idenë se çfarë është Wikileaks. I pyetur sot për të komentuar publikimin e dokumenteve sekrete ku përfshihet edhe Kosova, Thaçi është befasuar. “Unë…dua të them…se jam i prirur të komentoj vetëm dokumente transparente”, ka thënë Thaçi. E më transparente se kaq këto dokumente nuk kishin se si të bëheshin.

Deri më tash për Kosovën ka arritur të zbulohet vetëm një bashkëbisedim ndërmjet një diplomati francez, dhe asistentit të Sekretares Clinton, Gordon. Ky i fundit thotë se qeveria duhet të pranojë patjetër protokollet EULEX – Serbi, që gjithsesi nuk cenojnë pavarësinë e Kosovës./indeksonline/

Mos paska dashte me ia qite nje pllakate ne salle ahhahahaa

[Dilaver]

OKB e ndau Kosovën nga Serbia më 2007

“Kabllot” sekrete të diplomacisë amerikane, të publikuara nga WikiLeaks, kanë hedhur pak dritë në përgatitjet për shpalljen e pavarësisë së Kosovës. “Kabllot” e lëshuara shfaqin përpjekjet për përgatitjen e shpalljes së njëanshme të pavarësisë, dhe më pas lobimin tek shtetet për ta njohur atë, shkruajnë mediet serbe, duke iu referuar dokumenteve të lëshuara nga WikiLeaks.
Amerikanët në veçanti ishin të brengosur se Rusia mund të vente veto ndaj tyre në OKB, ndërsa pati edhe ide që t'i ofrohej Marrëveshja e Stabilizim Asociimit Serbisë me BE-në. Deri në fund të vitit 2006, siç tregojnë kabllot e lëshuara, SHBA-të menduan t'i ndihmojnë forcave demokratike në Serbi në zgjedhjet e caktuara për janarin e vitit të ardhshëm, dhe vendosën të ndalojnë së lobuari, dhe i ofruan Serbisë anëtarësim në programin e NATO-s, Partneriteti për Paqe.
Ndërkohë, francezët kërkuan nga gjermanët që ta përkrahin MSA në pa insistuar në bashkëpunimin e plotë të Serbisë me Tribunalin e Hagës.
I gjithë ky material u gjet në “kabllot” që dokumentojnë bisedat në mes të Sekretarit Amerikan të Shtetit, Daniel Fried, dhe këshilltarit diplomatik të presidentit francez, Zhak Shirak.
Francezëve u ishte thënë disa herë se duhet ta njoftojnë Rusinë se vetoja “nuk do të kalonte”. Francës gjithashtu i ishte dhënë detyra që të lobonte tek Rusia në mënyrë që Moska të mos e përdorte veton e saj në OKB.
Sa i përket OKB-së, ata qysh në mesin e vitit 2007 e konsideronin çështjen e Kosovës të mbyllur. Kjo u zbulua në një dokument që në detaje jepte një bisedë në mes të Nënsekretarit Amerikan për Çështje Politike, Uilliam Bërns, dhe presidentin gjeorgjian, Mikheil Saakashvili. Bërns i kishte thënë Saakashvilit se “OKB tashmë e ka marrë Kosovën nga Serbia”, se rusët nuk janë prezent në vend “as ushtarakisht e as financiarisht”, dhe se Amerika dhe BE-ja janë atje.