Policët anglezë, trajtim çnjerëzor ndaj dy studenteve shqiptare

[ŤħĒмý$ťöĸëľĩ]

Policët anglezë, trajtim çnjerëzor ndaj dy studenteve shqiptare

Diskriminimi

"Më fal profesor, vërtet që flitet për ne". Kështu fillon artikulli në gazetën "La Nazione" të Firences, datë 27 mars 2007. Janë dy studente shqiptare, Malvina dhe Lunisa Bodo, që janë edhe kushërira. Bashkë me 34 studentë italianë të Institutit Teknik të Bergamos në Itali, ata mbërritën për një ekskursion në aeroportin londinez, Luton. Kështu fillon edhe odiseja e dy studenteve shqiptare, që edhe pse të pajisura me të gjitha dokumentet e nevojshme dhe leje të aprovuara edhe nga autoritetet e Konsullatës Angleze në Milano, janë veçuar nga grupi i studentëve dhe profesorëve, i kanë mbajtur mbyllur gjithë ditën në një dhomë, ju kanë marrë dokumentet dhe celularët dhe nuk u kanë dhënë madje as për të ngrënë. Trajtimi ndaj dy vajzave shqiptare ishte i denjë për të dyshuarit për terrorizëm, sepse u kanë marrë shenjat e gishtërinjve dhe u kanë hapur dosje në polici, para se t'i kthenin mbrapsht për në Itali, ndërsa grupi i studentëve italianë, bashkë me profesorët, vazhduan ekskursionin në Londër, pa harruar dy studentet shqiptare. Arsyeja që nxorën autoritetet angleze, ishte se: "Janë të një kombësie jo të pëlqyer nga qeveria angleze!!! Dhe të lind pyetja: Jemi në Anglinë e sotme, apo në Gjermaninë naziste? "Dhe të mendosh që, një javë më parë një grup me studentë nga e njëjta shkollë, ku bënte pjesë edhe një studente ukrainase, kaloi pa probleme",- tha një profesor. Protestat e profesorëve dhe të shkollës nuk u morën parasysh nga autoritetet angleze. Ndërsa ministri italian, Ferrero, në lidhje me këtë ngjarje ka thënë se "është e papranueshme".