Bush planifikoi pushtimin e Irakut përpara 11 shtatorit”

Bush planifikoi pushtimin e Irakut përpara 11 shtatorit”

“Presidenti i SHBA, George Bush ka planifikuar pushtimin e Irakut përpara sulemeve të 11 shtatorit”.

Kjo është njëra nga akuzat që ish-sekretari amerikan i Thesarit Paul O’Neill përfshin në një libër të ri për presidentin George Bush. O’Neill tha se Bush kishte ardhur në pushtet në janar të 2001 me qëllimin për të pushtuar Irakun dhe ishte në kërkim të një rruge për ta bërë një gjë të tillë.

O’Neill, i shkarkuar në dhjetor të vitit 2002 si pjesë e një riorganizimi të stafit ekonomik të presidentit Bush, është bërë personi kryesor brenda administratës që ndërmerr një sulm kundër presidentit. Për takimet e kabinetit, ai e krahasonte presidentin Bush si “një të verbuar në një dhomë ku ndodhen njerëz shurdhë”, thuhet në fragmentet e një intervistë të kanalit televiziv CBC, i cili promovoi një libër të ish-gazetarit të gazetës “Wall Street Journal” Ron Suskind, me titull “Price of loyalty” (Çmimi i Besnikërisë). Për të filluar luftën, presidenti Bush përdori argumentin se Iraku zotëronte armë të shkatërrimit në masë dhe se ky vend duhej të ndalej në botën e pas 11 shtatorit. “Që në fillim, ekzistonte një bindje se Sadam Hussein ishte njeri i keq dhe se ishte e nevojshme që ai të largohej”, tha O’Neill në intervistë për emisionin “60 minuta’, që është planifikuar të transmetohet sot. Ish-sekretari i Thesarit dhe punojës të tjerë të brendshëm të Shtëpisë së Bardhë i dhanë Suskindit dokumente se në tre muajt e parë të vitit 2001 zbuluan se administrata e presidentit Bush po shqyrtonte mundësinë për largimin e Sadam Hussein, njoftoi televizioni i lartpërmendur. Ndonëse ende mungon pranimi prej Qeverisë së presidentit Xhorxh Bush, në Irak nuk është gjetur asnjë armë e asgjësimit në masë. Shtatë muaj pas futjes së amerikanëve në Irak është dëshmuar se të gjitha kërkesat ishin të kota. Me ose pa armë të shkatërrimit në masë, Amerika ka shpëtuar botën prej një diktatori të rrezikshëm, i cili tashti gjendet në burg. Sondazhet aktuale i japin Bushit të drejtë. Popullariteti i tij sërish ka arritur rekordin prej rreth 60 përqind të amerikanëve, të cilët konsiderojnë se lufta e tij kundër terrorizmit është e drejtë. Edhe vet kundërkandidatët e tij demokrat për postin e presidentit, të cilët sipas sondazheve janë shumë larg Bushit, janë koncentruar tek temat ekonomike të cilat dominojnë skenën politike më shumë se cështja e Irakut. Megjithatë, mashtrimet me armët e shkatërrimit në masë, janë një temë e cila do të rikthehet në skenë, nëse jo gjatë këtij, atëherë në mandatin e Qeverisë tjetër.

selam alejkum ,Zoti na udhezoft te gjitheve ,ne te gjithe bejm mekate por inshall-llah Zoti na fal te gjitheve, si dhe urime festa e Kurban Bajramit te gjitheve juve musliman te dashur!!!!!!!!!----PERGJIGJEJA ME FJALE TE EMBLA DHE TE BUTA E TRET EDHE GRIMECEN ME TE VOGEL TE URREJTJES----!!!!!!!!!!

:per interes po ka me pas humbje te madhe der kur te srrin qat sukses [/code][/b]