**Brumerat**

[Prishtinasja_]

Këtu mund te shkruani receta te brumrave p.sh.. flija, pite, pica, etj etj


Manti Kosove

Për 4-5 persona nevojiten:
1 kg miell
2 gota ujë te vakët
2 lugë vaj pak kripë për brumin dhe 600 gr mish I grirë
3 qepë
kripë
vaj
piper i zi

Në tavolinë ose në tepsi hidhet miell, ujë i vakët, vaj, kripë dhe përzihen dhe nga brumi i formuar bëhen 30 kulecë të vegjël. Secili kulac zmadhohet me okllai sa shuplaka e dorës. Lyhen kulecët me gjalpë dhe bashkohen në dhjetëshe. Secila dhjetëshe tëhollohet në një petë të madhe dhe të tre petët bashkohen në një petë të vetme. Peta ndahet në katrorë shahu. Për mbushjet e katrorëve nevojiten mish i grirë, qepë të grira hollë, kripë piper i zi . Masa e përgatitur skuqet në vaj dhe në fund të skuqjes i hidhet pak piper i kuq për ngjyrë. Masa duhet të lihet të ftohet dhe më pas mbushen me të katrorët e përgatitur më parë. Cdo katrore mbështillet diagonalisht nga të katër anët (si zarf) dhe vihen në tepsi për tu pjekur. Mantia piqet një gjysëm ore. Pasi është pjekur mbulohet me një picetë për 10 minuta dhe serviret me kos.




Lakror me miell misri

Për 4-5 persona duhen:

Miell misri 2 gota uji, ujë 2 gota, pak kripë, spinaq 1 kg, vaj 2-3 lugë gjelle

Mielli i misrit hidhet në një tenxhere me ujë të vluar me pak kripë dhe përzihet derisa të bëhet një llapë e trashë. Hiqet nga zjarri dhe shtrohet në tavë të lyer me yndyrë. Mbi këtë shtrohet mbushja e përgatitur si për byrek me spinaq, sipër hidhet nje shtresë e hollë miell misri.
Spërkatet me ujë e yndyrë dhe piqet.

[Prishtinasja_]

Petulla me kos


Për 4-5 persona duhen:

Miell 2 gota uji, kos 1 gote uji, vezë 1 kokërr, kripë,sodë 1/2lugë kafeje, vaj 2 filxhane kafeje

Në një tas porcelani vendosen vezë, kos, kripë dhe yndyrë, rrihen mirë dhe shtohet miell i përzier me pak sodë. Brumi në këtë rast është gjysmë i trashë. Në tigan hidhet pak yndyrë (1/2 lugë gjelle). Kur yndyra të jetë nxehur, hidhet brumi(një lugë gjelle për çdo petull). Largësia nga njëra tjetra duhet të jetë 3-4 cm sepse gjatë skuqjes brumi hapet. Petullat skuqen nga njëra anë dhe pastaj kthehen nga ana tjetër.
Pasi të jenë skuqur mirë vendosen në pjatë, spërkaten pak me gjalpë dhe përdoren me sheqer ose serviren me mjaltë.

[Prishtinasja_]

Lazanja ( lasagne) me spinaq

Për 4-5 persona duhen:

Receta është për katër persona Përbërsit:
250 gr fileta - lazanja,
150 gr spinaq,
250 ml ujë,
250 ml kos (creme fraiche),
4-5 lugë ajkë,
1 qepë,
150 gr djathë,
kripë.

Përgatitja:
Në një tigan me vaj, skuqet qepa e grirë hollë, pastaj aty vendosim edhe spinaqin per 2-3 min. Në një enë vendosim spinaqin e zier pak dhe përbërsit tjerë, pra ujin kosin djathin ajkën dhe kripën, dhe kështu filli do të jetë i gatshëm. Marrin një tavë mundësisht katrore dhe e lyejm me vaj, pastaj aty vendosim një rend fileta - lazanja dhe u hidhet ca nga filli i punuar më parë, dhe kështu vendosim një rend fileta një rend fill derisa të mbarohen. Rendi i fundit duhet të jetë me fill. Nxejm furrën në 200*C dhe i pjekim për 25 minuta.

[Prishtinasja_]

KIFLE me VAJ

Për 4-5 persona duhen:

20 gr.tharme buke, gjysem litre qumsht te vaket,
3 luge te vogla kripe,
2 luge sheqer,
3 veze,
3 filxhan vaj dhe
afro 700 gr miell.


Përgatitja:
Perzihen 20 gr.tharme buke me me gjysem litre qumsht te vaket,3 luge te vogla kripe,2 luge sheqer dhe lihen te qendrojn afro gjysem ore.Pas kesaj,ne ket mase qiten 3 veze,3 filxhan vaj dhe e ter masa gatuhet me afro 700 gr miell. Brumi i fituar perseri lihet "me ardhe"ne vend te nxehte.Brumi i thartuar gatuhet pak dhe ndahet kulec-kulec. Cdo kulac cilet pak dhe pritet ne 8 romba. Para se t'i mbeshtillni kiflat,ne mes mund te qitni pekmez ose djathe. Kiflet e pergaditura keshtu piqen menjehere,por,para se te piqen,lyhen me te bardh te vezes ose ne fund pas pjekjes lyhen me vaj per t'u zbutur.

[Prishtinasja_]

"Pallacinka "

Per pregatitjen e petes duhen:

2 veze
1 gote kos
sode buke
kripe
miell


I rrahim vezet , shtojme kosin, soden e bukes, kripen dhe miellin derisa te behet nje mase e holle brumi.

Ne nje tigan me diameter mesatar ,te ngrohur me pare dhe te lyer me pak vaj hedhim nje sasi brumi, aq sa te krijohet nje pete e holle me trashesi 1 mm.

E leme te piqet pak, dhe me kujdes me ndihmen e nje luge druri e kthejme te piqet edhe nga ana tjeter. Perfundojme ne kete menyre te gjithe sasine e brumit.

Me pas mbi pete mund te vendosim lloje te ndryshme rrecelerash, arra apo lajthi te grira, mjalte, etj. i mbeshtjellim ne forme roleje dhe i vendosim bukur ne pjate. Siper e sperkasim me pak mjalte dhe me sheqer pluhur e kanelle sipas deshires.

Palacinkat mund te mbushen edhe me asortimente te tjera te kripura , si psh: djath kackavall i grire, proshute, spinaq i zier etj,

[Linka_pz]

Pergatitja e sanuiçeve

1.Kryesisht perdoret buke e bardhe e prere ne feta te holla 1/2 cm te trsha
2.Fetat ndahen dy nga dy dhe lyhen me gjalpe.
3.Pergatitet mbushja e cila mund te jete:
-feta te holla dhe djathe kackavall
-feta rostoje dhe djathe
-sallam dhe djathe
-sardele te shtypura
-domate pa fara e leng
-peshk ton i konservuar
-mish pule i grire ose feta
-veze dhe majdanos
-feta patateje
-speca te pjekur te lyer me vaj
4.Bashkohen fetat e bukes me njera tjetren ngjishen pak dhe priten ne forma te ndryshme si katrore trekendesha rripa etj...mjaft qe ato te kapen me lehtesi me dy gishta dhe te hahen pa veshtiresi.
5.Ruhen ne vend te fresket ,ne menyre qe te mos shkrije gjalpi dhe mbulohen me nje picete te lagur me pak uje qe te mos thahen.

[ARI_03]

Fli Kosove....

Për 4-5 persona nevojiten:

Per brumin duhet: 1 kg miell,
3-4 gota ujë, kripë,
Per masën duhet: 200 gr gjalpë,
2 filxhana caji ajkë, 3 lugë vaj.
Në një enë hidhet miell, kripë, ujë i ftohtë dhe përzihen në një brumë të hollë si për petulla. Në një enë tjetër shkrihet gjalpë, ajkë, vaj dhe qumësht, përzihet masa e krijuar derisa të gjithë përmbajtësit të jenë skrirë në një masë të vetme, Lyhet tepsia me yndyrë dhe me një lugë merret brumi i hollë dhe hidhet nga cepi i tepsisë deri afër mesit dhe krijohen rradhë të cilat mbulojnë gjithë tepsinë. Mesi i cili është bosh mbushet me rradhë paralele .(shih skicën) Gjithë sipërfaqja lyhet me masën e përgatitur dhe futet në furrën e ngrohur. Kjo piqet për 3-5 minuta. Nxirret nga furra për të vazhduar me rendin tjetër. Brumi i hollë tashmë hidhet në të njëjtën mënyrë por midis dy rradhëve derisa të jetë mbuluar e gjithë tepsia. Përsëri lyhet me masën dhe piqet për 3-5 minuta. Kjo procedurë vazhdon derisa të mbushet tepsia. Flia lihet të ftohet për 10 minuta dhe serviret me kos, djathë ose mjaltë.

P.s. http://www.skenda.com/kuzhina.htm