Tajlanda njohu Kosovën

[gazi-de]

Kryeministri i Kosovës, Hashim Thaçi e ka pranuar njohjen formale nga Tajlanda. Njohja i është bërë e ditur nga zv/kryeministri i Tajlandës gjatë një takimi në Nju Jork. Këtë e ka bërë të ditur në Twitter shefi i protokollit të Thacit, Abelard Tahiri.

Tajlanda ka njohur Pavarësinë e Kosovës, duke u bërë kështu vendi i 104’të që ka pranuar shtetin e Kosovës.

Minsitri Enver Hoxhaj ka konfirmuar njohjen nga Tajlanda, në llogarinë e tij në Twitter.

“Falemnderit Tajlandë për njohje”, ka shkruar ai.

Tajlanda do të jetë shteti i 104 që do ta njohë Kosovën e pavarur.

Kryeministri Hashim Thaçi pritet ta marrë konfirmimin nga Ministri i Punëve të Jashtme të Tajlandës, Surapong Tovichakchaikul, gjatë një takimi në New York.

Kërkesën zyrtare për njohje nga Tajlanda, Ministri Enver Hoxhaj e kishte dorëzuar në maj të vitit të kaluar, gjatë një takimi dypalësh në Bangkok.

“Ne jemi shumë të përkushtuar që të vendosim marrëdhënie diplomatike me Mbretërinë e Tajlandës dhe t’i forcojmë lidhjet e bashkëpunimit dhe miqësisë në mes të dy vendeve dhe popujve tanë”, kishte thënë Ministri Hoxhaj, pasi i kishte dorëzuar kërkesën e njohjes.