Rexhep Qosja Prap tenton ta përqaj Kombin

[Guri i madh]

Kryetari kundër historisë



Rexhep Qosja

Vizita e kryetarit të Shqipërisë, Bamir Topi, në Kosovë prej 25- 27 janar, në mediat e shkruara e elektronike dhe në opinionin shqiptar të Kosovës u quajt vizitë historike. Dhe, u quajt, kështu, vizitë historike, për arsye se u bë në prag të ngjarjes më të madhe në historinë e Kosovës, të ngjarjes së ëndërruar nga të gjithë brezat e atdhetarëve gjatë një shekulli: në prag të shpalljes së pavarësisë.

U harrua se vizitat zyrtare të politikanëve dhe shtetarëve nuk mund të quhen historike vetëm pse ndodhin në çaste me rëndësi historike. Vizitat zyrtare të politikanëve dhe të shtetarëve edhe më shumë sesa çasti me rëndësi historike i bëjnë historike idetë e tyre, gjykimet e tyre, largpamjet e tyre, vizionet e tyre, më në fund, karakteri i tyre i treguar në çastet historike.

Vizita zyrtare e kryetarit të Shqipërisë, Bamir Topi, në Kosovë, përpos se u bë në prag të ngjarjes së madhe, historike për popullin e Kosovës dhe për popullin shqiptar në përgjithësi, nuk kishte asgjë tjetër historike. As ide, as gjykime, as largpamje, as vlerësime, as vizione historike. Përkundrazi: ajo kishte shumëçka të vogël që nuk përkonte me ngjarjen e madhe, në prag të së cilës ngjau. Fjalimet që ai mbajti, së pari në institucionin më të lartë politik të Kosovës - në Kuvendin e Kosovës dhe, mandej, në institucionin më të lartë të arsimit, të shkencës dhe të edukimit moral e atdhetar të rinisë shqiptare - në Fakultetin e Filologjisë të Universitetit të Prishtinës, ishin fjalime tipike burokratike, të cilave u mungonte ajo që pritej ta kishin: larghedhja në gjykime dhe shpirtgjerësia në vlerësime.

Në vend se ta shikonte Kosovën nga lartësia mendore dhe morale e kryetarit të shtetit, që qytetarët e Kosovës e quajnë shteti Amë, ashtu siç e shikuan kur ishin në Kosovë paraardhësit e tij ish-kryetari Rexhep Meidani dhe ish-kryetari Alfred Moisiu, ai e shikoi nga niveli i një partie - i partisë së cilës i takon!

Dhe, shikimi i tillë, i partishëm, madje, palejueshëm i partishëm, i bëri fjalimet e tij intelektualisht boshe, historikisht të papërgjegjshme, politikisht polarizuese! Pse mund të thuhet kështu? Mund të thuhet kështu, e para, për arsye se kryetari Bamir Topi kishte harruar se Kosova ka bërë luftë, ka bërë një luftë që në historiografi nuk ka se si të quhet ndryshe përpos luftë çlirimtare dhe, e dyta, për arsye se ai ishte kryetari i parë i Shqipërisë, të cilit gjatë këtyre 95 vjetëve prej se Kosova i është shkoqur me dhunë Shqipërisë, i është bërë e mundshme të flasë para popullit të Kosovës në Kuvendin e Kosovës.

[Guri i madh]

Për kryetarin e Shqipërisë, të shtetit Amë, lufta çlirimtare do të duhej të ishte Pikënisja, që përcakton gjykimet dhe vlerësimet e tij për organizata politike, për veprimtarë politikë, për procese politike, për ngjarje dhe të arritura sot në Kosovë. Por, kryetari i Shqipërisë, Bamir Topi, sikur kishte harruar se në Kosovë është bërë kjo luftë, se në uniformë të një ushtrie kombëtare, e quajtur Ushtria Çlirimtare e Kosovës, në këtë luftë kanë rënë afër dymijë dëshmorë, se në këtë luftë shqiptarët kanë pasur mbi dhjetëmijë të vrarë, të masakruar - djem, vajza, fëmijë, pleq, se gati një milion shqiptarë janë dëbuar me dhunë nga Kosova, disa qindra nga të cilët kanë gjetur strehimin, bukën, mjekimin, kujdesin vëllazëror në Shqipërinë shtetërore.

Në fjalimin e kryetarit të Shqipërisë, Bamir Topi, në Kuvendin e Kosovës, as nuk u përmend fjala luftë çlirimtare, as nuk u përmend ajo që e bëri këtë luftë: Ushtria Çlirimtare e Kosovës. Dhe, sipas të gjitha gjasave nuk u përmend lufta çlirimtare, sepse kryetarit Bamir Topit nuk ia qitte goja tri fjalët: Ushtria Çlirimtare e Kosovës. Pse nuk ia qitte goja fjalën UÇK e di, natyrisht, kryetari Bamir Topi, e di kryetari i Partisë Demokratike të Shqipërisë, Sali Berisha, por e dinë edhe ata që kanë mësuar për qëndrimin e dikurshëm të Partisë Demokratike të Shqipërisë ndaj luftës çlirimtare në Kosovë, ndaj Ushtrisë Çlirimtare të Kosovës që këtë luftë e ka bërë dhe ndaj Konferencës së Rambujesë në të cilën merrte pjesë edhe delegacioni i UÇK-së.

Në qoftë se i mungoi vetëdija historike për të njohur nga tribuna e Kuvendit të Kosovës meritën historike të UÇK-së për çlirimin e Kosovës, për mbajtjen e Konferencës së Rambujesë, për vendosjen e NATO-s dhe të UNMIK-ut në Kosovë dhe, më në fund, për ngjarjen e madhe në prag të së cilës gjendet Kosova sot: për shpalljen a afërme të pavarësisë së saj, kryetarit Bamir Topi nuk i mungoi gatishmëria që të shquajë njeriun e me të edhe partinë politike që prej çastit të formimit të UÇK-së u ngrit kundër saj, që bëri shumë përpjekje të komprometonte UÇK-në para faktorëve ndërkombëtarë, njeriun që gjatë bombardimeve u takua me kryetarin e Serbisë - kriminelin e luftës, Millutinoviç, në Prishtinë dhe me kryetarin e Jugosllavisë së mbetur - kriminelin e luftës, Millosheviç, në Beograd, që në Beograd para mediave elektronike e kërkoi ndërprerjen e bombardimeve si kusht për paqe në Kosovë e kjo domethënë për amshimin e pushtimit serb të Kosovës dhe që, më në fund, kur u kthye prej Beogradit në Prishtinë i filloi përpjekjet për krijimin e qeverisë kuislinge, që përfunduan me pasoja tragjike për dikë që refuzoi të hynte në këtë qeveri tradhtare!

Dhe, këto janë të dhëna para të cilave as historianë, as politikanë nuk mund të qëndrojnë symbyllur e gojëkyçur kur flasin për vitin 1999 dhe për pavarësinë e pritur të Kosovës.

Sado për nga vokacioni i parë – shkencëtar e kjo domethënë njeri që do të duhej t‘u bindej fakteve, kryetari i Shqipërisë, Bamir Topi, mohoi, kështu, faktet që tashmë dihen dhe themeluesin e UÇK-së dhe nismëtarin e luftës çlirimtare, Adem Jasharin, pa ngurrim e zëvendësoi nga mohuesi i tij dhe i gjithë luftës çlirimtare në Kosovë!

Dikush do të thotë se kryetari Bamir Topi, megjithatë, e vizitoi shtëpinë e Jasharajve dhe bëri nderime në varrin e Adem Jasharit. Kjo, ndërkaq, në asnjë mënyrë nuk e arsyeton fjalimin e tij në të cilin u hesht emri i Adem Jasharit, Ushtria Çlirimtare e Kosovës dhe lufta çlirimtare në Kosovë! Tjetër është vizita protokollare e tjetër është fjalimi "historik" në Kuvendin e Kosovës.

Po, nuk ishte fjalimi i kryetarit Bamir Topi në Kuvendin e Kosovës paraqitja e vetme e tij e papranueshme në Prishtinë. Paraqitja e tij e dytë e papranueshme ishte ajo në Fakultetin e Filologjisë të Universitetit të Kosovës.

Megjithëse rektori i Universitetit të Prishtinës, Enver Hasani, e përkujtoi se titulli ‘Dr honoris causa" i është "ndarë Presidentit Topi si falënderim për mbështetjen e parezervë të shtetit shqiptar ndaj luftës së drejtë të Ushtrisë Çlirimtare të Kosovës në gjirin e së cilës ishin edhe studentët e këtij universiteti", kryetari Bamir Topi e quajti të lejueshme që edhe këtu të flasë si partizan partiak në vend që të fliste si kryetar i Shqipërisë. Këtu ai, në fillim, përmendi emrat e disa studentëve pjesëmarrës në demonstratat historike të vitit 1981, shumica e të cilëve sot janë në politikë dhe i heshti plotësisht, si të mos kishin qenë kurrë, studentët e shumtë të këtij universiteti që dhanë jetën në luftën çlirimtare si pjesëtarë të UÇK-së.

Kjo amnezi morale e kryetarit Bamir Topi, padyshim, nuk ishte e rastësishme.

Mosmarrëveshja e kryetarit Bamir Topi me luftën çlirimtare dhe me UÇK-në, që e bëri këtë luftë, nuk mori fund me kaq. Në vazhdim të fjalës së tij, ai e quajti të nevojshme të merret pakëz, por paharrueshëm, me pedagogët e këtij universiteti. Dhe, si u mor me ta? Nga radhët e shumë pedagogëve të këtij universiteti ai u lejua të veçojë shtatë-tetë që, sipas mendimit të tij partiak, ishin apo, më saktë, sipas dëshirës së tij partiake, do të duhej të ishin njerëzit më të merituar për punën dhe historinë e Universitetit të Prishtinës, dikur i quajtur Universiteti i Kosovës. I dinte vetë këta emra apo ia kishin futur në fjalim bashkëpunëtorët e Presidencës a suflerët e Prishtinës nuk është e rëndësishme. E rëndësishme është se tre prej këtyre nuk kishin qenë kurrë pedagogë në këtë universitet, kurse njëri nga këta të tre, ndërkaq, edhe nuk mund të bëhej pedagog sepse kishte të mbaruar vetëm shkollën e mesme!

Pse, atëherë, kryetari i Shqipërisë i veçoi si pedagogë më të merituar të Universitetit të Prishtinës vetëm këta shtatëtetë vetje? Pse kryetari i Shqipërisë, Bamir Topi, si pedagogë të lavdishëm të Universitetit të Kosovës i shpalli edhe ata që kurrë nuk kanë punuar në këtë universitet ndërsa harroi, shpërfilli, gjithë ata pedagogë, vërtet, të merituar - mjekë me doktorata, kimistë, fizikanë, matematikanë, ekonomistë, pedagogë, psikologë, romanistë, anglistë, latinistë, historianë, historianë të letërsisë, gjuhëtarë, e të tjerë, që ia kushtuan gjithë jetën këtij universiteti?

E bëri këtë vlerësim të gabuar, të paqëndrueshëm dhe të palejueshëm, kryetari Bamir Topi vetëm e vetëm pse gati të gjithë ata që përmendi ishin anëtarë të një partie në Kosovë, pse deshi të shquajë anëtarët e kësaj partie politike të Kosovës pothuaj të binjakëzuar me Partinë Demokratike të Shqipërisë?

E bëri këtë vlerësim të gabuar e të palejuar kryetari Bamir Topi, sepse deshi të rishkruajë historinë e Universitetit të Prishtinës ashtu siç ka kërkuar kryetari i Partisë së tij, Sali Berisha, që të rishkruhet historia e Shqipërisë shtetërore dhe e shqiptarëve në përgjithësi?

Pse jo? Mbasi në Kuvendin e Kosovës e "rishkroi" historinë më të re të Kosovës ashtu siç po kërkon Kryeministri i Shqipërisë shtetërore që të rishkruhet historia ushtarako-politike e Shqipërisë shtetërore, në Universitetin e Kosovës kryetari Bamir Topi e "rishkroi" historinë e këtij universiteti!

Ndërkaq, se do t‘i zbatojë kërkesat e kryetarit të Partisë Demokratike të Shqipërisë, Sali Berisha, kryetari Bamir Topi e tregoi trefish prej se u bë kryetar i Shqipërisë. Së pari, e tregoi kur me nënshkrimin e tij e shkarkoi kryeprokurorin Theodori Sollakun të cilin, paraardhësi i tij, ish-kryetari i Shqipërisë, Alfred Moisiu, nuk gjeti arsye as kushtetutare, as politike, as morale që ta bënte këtë!

Së dyti, e tregoi kur me nënshkrimin e tij e cenoi rëndë autonominë e Akademisë së Shkencave të Shqipërisë, duke shpërfillur dhe, madje, duke fyer anëtarët e saj dhe e shkarkoi kryetarin e posazgjedhur ligjërisht, akademik Rexhep Meidanin!

Së treti, e tregoi pak para se të vinte në Kosovë, kur me nënshkrimin e tij e bëri të plotfuqishëm ligjin me të cilin librat, revistat dhe botimet e tjera shqip të importuara nga Kosova, Maqedonia, Mali i Zi e diaspora dhe librat, revistat e botimet e tjera në gjuhë të huaja të importuara nga bota i ngarkoi me tatim prej 20 për qind - e bëri të plotfuqishëm ligjin paramodern, pra, që veçon (izolon) Shqipërinë shtetërore nga Kosova, viset e tjera kombëtare dhe nga bota në pikëpamje shkencore, letrare e kulturore, duke cenuar ashtu përpjekjet për funksionimin e lirshëm të hapësirës kulturore kombëtare dhe për evropianizimin e krijimtarisë shpirtërore shqiptare!

Dhe, kështu, prej se u bë kryetar i Shqipërisë, Bamir Topi, me nënshkrimet e
tij mbi ligjet dhe vendimet e qeverisë së Sali Berishës i çoi botës mesazhe me të cilat u tregua se Shqipëria shtetërore nuk e ka kaluar fazën e parë të demokratizimit; se një institucion i saj - qeveria, i kontrollon edhe institucionet që në demokraci janë të pavarura - Kuvendin, Kryetarin, Gjyqësorin; se në Shqipëri institucionet vazhdojnë të jenë institucione mikste, me veçori të pakta të demokracisë e me veçori të shumta të autoritarizmit!

Nuk janë mungesa e pavarësisë së tij vepruese si kryetar i shtetit e treguar në shembujt e sipërthënë dhe partishmëria e tij si kryetar i shtetit e treguar papranueshëm në Kuvendin e Kosovës e në Fakultetin e Filologjisë të Universitetit të Prishtinës, të vetmet të dhëna që e bëjnë të paarsyeshëm nderimin e Bamir Topit me titullin Dr. Honoris Causa. Megjithëse në arsyetimin për dhënien e këtij çmimi thuhet se ai i jepet kryetarit Bamir Topi për kontributin e tij personal "për zgjidhjen e çështjes së statusit të Kosovës", mendja objektive nuk e pranon këtë arsyetim: kryetari i Shqipërisë, Bamir Topi, nuk shquhet me merita për "zgjidhjen e çështjes së statusit të Kosovës".

Ai është zgjedhur kryetar i Shqipërisë para afër gjashtë muajsh dhe për gjashtë muaj nuk ka mundur të bëjë shumë "për zgjidhjen e statusit të Kosovës". Gjatë këtyre gjashtë muajve ai ka përsëritur ato që janë shqiptuar prej diplomatëve, politikanëve e shtetarëve amerikanë dhe evropianë, që s‘do t‘i shqiptonte kurrë po të mos i shqiptonin ata. Më në fund, tani është e lehtë të bëhet "shumë" për zgjidhjen e statusit të Kosovës, domethënë për pavarësinë e Kosovës. Tani për zgjidhjen e statusit të Kosovës, për pavarësinë e Kosovës, janë deklaruar përfundimisht shtetet prej të cilave varet ky status: SHBA-të dhe shtetet e mëdha të Bashkimit Evropian.

Punët për t‘u bërë e mundshme që SHBA-të dhe Bashkimi Evropian, më në fund, të deklarohen për pavarësinë e Kosovës janë bërë përpara, para luftës, duke filluar nga viti 1981, e sidomos, gjatë luftës - në kohën kur zëri i Bamir Topit për Kosovën nuk është dëgjuar fare, në kohën kur kryetari i Partisë Demokratike të Shqipërisë, Sali Berisha, i caktonte Kosovës si status përfundimtar autonominë në kuadrin e Jugosllavisë së mbetur, kur ai e quante Kosovën djep që u takon përgjysmë binjakëve të rritur në të shqiptarë e serbë, kur ai furnizonte Malin e Zi e Serbinë me naftë me të cilën punonin tanket, autoblindat dhe helikopterët e ushtrisë e të policisë serbe me të cilët vriteshin të rinjtë shqiptarë, pjesëtarët e UÇK-së dhe masakrohej popullsia shqiptare, kur ai çohej kundër Konferencës së Rambujes!

Siç dihet, për punën e bërë në kohën e duhur për zgjidhjen e statusit të Kosovës, në Shqipëri janë të merituar të tjerë e jo Bamir Topi dhe kryetari i Partisë së tij, Sali Berisha: janë të merituar, në radhë të parë, ish-kryetari i Shqipërisë në kohën e luftës në Kosovë, Rexhep Meidani, ish-deputeti dhe kryetari i Këshillit për politikë të jashtme në Kuvendin e Shqipërisë, Sabri Godo, ish-kryeministri i Shqipërisë, Pandeli Majko dhe ish-kryetari i Shqipërisë, Alfred Moisiu. E të tjerë.

Në qoftë se Kryeministri i Shqipërisë, Sali Berisha, është i vendosur të rishkruajë historinë e re shqiptare ashtu siç po shohim se po bën në Shqipërinë shtetërore dhe ashtu siç deshi ta rishkruajë kryetari Bamir Topi në Kuvendin e Kosovës dhe në Amfiteatrin e Fakultetit të Filologjisë të Universitetit të Prishtinës, senati dhe rektori i Universitetit të Prishtinës nuk do të duhej ta bënin këtë. Jo. Kurrsesi. Universitetet janë institucione të arsimit, të shkencës e të etikës dhe prej tyre duhet të rrjedhin vendime, gjykime e vlerësime të drejta, objektive e të ndershme, që mbesin në histori e jo vlerësime të çastshme konjukturale. Po, mund të jetë se nderimi i kryetarit dhe i nënkryetarit të Partisë Demokratike të Shqipërisë, Sali Berisha e Bamir Topi, tani Kryeministër dhe kryetar i Shqipërisë, nuk lidhet fare me zgjidhjen e statusit të Kosovës!

Ajo që dëgjuam në Kuvendin e Kosovës dhe në Amfiteatrin e Fakultetit të Filologjisë të Universitetit të Prishtinës është një histori e falsifikuar dhe një politikë e partishme, polarizuese, që në vend se shëndoshjes morale, u shërbejnë atyre që po shohim e po dëgjojmë përditë në jetën tonë politike, shkencore dhe kulturore: gënjeshtrave, korrupsionit mendor dhe rënies shpirtërore të shoqërisë shqiptare. Gazeta Shqip 29.1.2008

[sunshine]

Ku e ke hallin Guri i Madh? Çka paska thënë Rexhep Qosja, sipas teje, që po e "përçajka popullin"?
Duhet edhe ti edhe çdonjëri ta kuptoni një herë e përgjithmonë, se ka njerëz që gjërat i shohin realisht e jo me syrin e një iluzionari, siq janë politikanët shqipëtar në përgjithësi dhe një pjesë e popullit të mashtruar pas tyre!
Është mëse e vërtetë kjo që e thotë Qosja se Bamir Topi për asnjë moment nuk e ka përmendur luften e UÇK-së, para parlamentit të Kosovës. Edhe këto momentet historike, nëse nuk ke harruar, Rugova i ka pas përmend sa ka qenë kryetar i Kosovës! Nuk e di sa elastike qenka kjo historia e jonë, por një gjë e di se do të këputet diku nëse vazhdojmë të ia bëjmë qejfin vetes me pallavrat e demagogëve të mjerë që po i prijnë popullit tonë!
Gabimi i Topit, që e thekson edhe Qosja, ka qenë se është munduar të i jap merita të njëjta si atyre që kanë luftuar ashtu edhe atyre që në çdo mënyrë e kanë penguar këtë luftë! Deri me sot nuk kam hasur askund të lexojë në historinë e ndonjë populli të botës, që për çlirimin e tyre paskan qenë meritor si ata që luftuan, ashtu edhe ata që e kanë sabotuar luften!
Popull i mrekullirave jemi ne shqiptarët!

[Guri i madh]

Postimi origjinal është bërë nga sunshine

Ku e ke hallin Guri i Madh? Çka paska thënë Rexhep Qosja, sipas teje, që po e "përçajka popullin"?
Duhet edhe ti edhe çdonjëri ta kuptoni një herë e përgjithmonë, se ka njerëz që gjërat i shohin realisht e jo me syrin e një iluzionari, siq janë politikanët shqipëtar në përgjithësi dhe një pjesë e popullit të mashtruar pas tyre!
Është mëse e vërtetë kjo që e thotë Qosja se Bamir Topi për asnjë moment nuk e ka përmendur luften e UÇK-së, para parlamentit të Kosovës. Edhe këto momentet historike, nëse nuk ke harruar, Rugova i ka pas përmend sa ka qenë kryetar i Kosovës! Nuk e di sa elastike qenka kjo historia e jonë, por një gjë e di se do të këputet diku nëse vazhdojmë të ia bëjmë qejfin vetes me pallavrat e demagogëve të mjerë që po i prijnë popullit tonë!
Gabimi i Topit, që e thekson edhe Qosja, ka qenë se është munduar të i jap merita të njëjta si atyre që kanë luftuar ashtu edhe atyre që në çdo mënyrë e kanë penguar këtë luftë! Deri me sot nuk kam hasur askund të lexojë në historinë e ndonjë populli të botës, që për çlirimin e tyre paskan qenë meritor si ata që luftuan, ashtu edhe ata që e kanë sabotuar luften!
Popull i mrekullirave jemi ne shqiptarët!

pas kti reagimit tuaj qe e kam prit me detyrove me hap temen tjter qe nuk pata deshir se i kontribon perqamjeve edhe pse ësht e vertet

[Guri i madh]

PASQYRA E SHTYPIT SHQIPTAR

Tema kryesore në shtypin e sotëm shqiptar ishin:

1.Kryeministri Fatos Nano pret rexhep Qosen, dje në mbrëmje.Në një
atmosferë miqësore çmalljeje, bashkëbiseduesit folën gjatë për çështjen e
Kosovës, për realitetin gjithënjë e më të vështirë të imponuar me forcë nga
politika agresive e Beogradit.
Tashmë është koha për kontakte sa më të shpeshta dhe konstruktive në mënyrë
që të mos i lihet rrugë aventurierëve ose provokatorëve të çfardo lloji.
Duhet sa më tepër arsye dhe kontroll nervash sepse qëllimi kryesor duhet të
jetë që të kursehen sa më shumë jetë njerëzish, thanë dy bashkëbiseduesit.
Qeveria shqiptare do të vazhdojë të punojë për gjetjen e një zgjidhjeje të
shpejtë paqësore dhe të qëndrueshme të çështjes së Kosovës duke shfrytëzuar
të gjitha mundësitë e veta për të influencuar në vendimet e aleatëve
perëndimorë. Veçanrisht SHtetet e Bashkuara të Amerikës janë në këto
momente faktor kyç i zgjidhjes së krizës, tha kryeministri Fatos Nano duke
vënë theksin në kontaktet e shpeshta konstruktive me të dërguarit specialë
të Presidentit Klinton, Tallbot, Hollbruk dhe Gellbard. Nga ana e tij prof.
Rexhep Qosja tha se kontaktet mes Tiranës dhe Prishtinës duhet të vazhdojnë
të mbahen në të gjitha nivelet sidomos ato intelektuale dhe akademike, por
e rëndësishme shtoi ai, është që vendimet për popullin e Kosovës t'i marrin
ato qarqe dhe individë të cilët kanë autoritet dhe influencë në
Kosovë.(Zëri i Popullit faqja e parë).

[4peace]

*

"Çka s’ka n’deti…“

Këtu s’është bërë kurrfarë përqarjeje as përvajtimi…
*përqarje =qarje e shpeshtë, rri vetëm duke qarë
*përvajtim = vajtim i shpeshtë, pa pra, vetëm vajtoj

Ajo që ka shkruar akademik Rexhep Qosja nuk ka përmbajtje as përqarëse, as përvajtuese e as përçarëse. Madje as përmbajtje kritike. Është vetëm një konstatim. Konstatim shumë i saktë. Dhe, si të tillë nuk mund ta demantojë askush. As kokat më të ngritura/ndritura të kombit e lëre më ta demantojë ndokushi që nuk i njeh as shkronjat e alfabetit. Përqarje…nc nc nc


***

[sunshine]

Postimi origjinal është bërë nga Guri i madh

PASQYRA E SHTYPIT SHQIPTAR

Tema kryesore në shtypin e sotëm shqiptar ishin:

1.Kryeministri Fatos Nano pret rexhep Qosen, dje në mbrëmje.Në një
atmosferë miqësore çmalljeje, bashkëbiseduesit folën gjatë për çështjen e
Kosovës, për realitetin gjithënjë e më të vështirë të imponuar me forcë nga
politika agresive e Beogradit.
Tashmë është koha për kontakte sa më të shpeshta dhe konstruktive në mënyrë
që të mos i lihet rrugë aventurierëve ose provokatorëve të çfardo lloji.
Duhet sa më tepër arsye dhe kontroll nervash sepse qëllimi kryesor duhet të
jetë që të kursehen sa më shumë jetë njerëzish, thanë dy bashkëbiseduesit.
Qeveria shqiptare do të vazhdojë të punojë për gjetjen e një zgjidhjeje të
shpejtë paqësore dhe të qëndrueshme të çështjes së Kosovës duke shfrytëzuar
të gjitha mundësitë e veta për të influencuar në vendimet e aleatëve
perëndimorë. Veçanrisht SHtetet e Bashkuara të Amerikës janë në këto
momente faktor kyç i zgjidhjes së krizës, tha kryeministri Fatos Nano duke
vënë theksin në kontaktet e shpeshta konstruktive me të dërguarit specialë
të Presidentit Klinton, Tallbot, Hollbruk dhe Gellbard. Nga ana e tij prof.
Rexhep Qosja tha se kontaktet mes Tiranës dhe Prishtinës duhet të vazhdojnë
të mbahen në të gjitha nivelet sidomos ato intelektuale dhe akademike, por
e rëndësishme shtoi ai, është që vendimet për popullin e Kosovës t'i marrin
ato qarqe dhe individë të cilët kanë autoritet dhe influencë në
Kosovë.(Zëri i Popullit faqja e parë).

Ti zotëri, ose nuk e kupton gjuhën e shkruar letrare shqipe ose ke ndonjë problem tjetër!?
Të lutem, na i sqaro në pika të shkurta tendencat e "përçarjes" së popullit sipas teje, nga këto dy shkrime që na solle këtu!!!
Do të isha personalisht shumë mirënjohes!

[uliksi31]

Cdo here kur vendoset titulli i cfardo shkrimi qoft, duhet te perputhet me permbajtjen e shkrimit. Une kot e lexova krejt shkrimin e akademik Qosjes tu prit se ku po hasi ne percarje kombetare.

[Preshevar]

Rexhep Qosja Prap tenton me perqae Kombin

Domethen qe ky qenka tentativi n°2 apo ?

Cili ke i pari se paskam harrue... dhe kush e kush do t'ishte nda, po t'ia kishte arritur Qosja ?!...

[Arb]

Po kush po e vete kete Qosjen se si e qysh po u deshka me e prit Presidentin Shqiptar?

A mos ndoshta akoma mendon se eshte "Baba i Kombit," e ka te drejte morale te shaj, e nencmoj Shqiptaret?

Presidenti Topi, paska pa harruar se ne vizita te ketilla se pari duhet te merr keshillat e Qosjes... Po ashtu edhe populli u deshka te konsultohet me Qosjen se ke te pres, si ta pres, e pse ta pres....

Po kush vertete mendon se eshte ky Qosja, e ne emer te kujt flet ky i panjeri?

Atij ju dha mundesia te fliste, por populli e ndeshkoj, nuk i dha me shume se 4000 vota. Pra nga rreth 1 milion e 200 mije elektorat i mundshem, ai mori besimin e jo me shume se 4000 votuesve. Sa here qe ky i pa-njeri del me ndonje shkrim, te shkon mendja te Kadareja, i cili i sugjeroj kohe me pare t'ia msyj perjetesisht ndonje qendre psikiatrike, aty edhe ku e ka vendin Qosja.

[MemphiSx]

O Guri ne lexoft Qosja ket postim qe e ki bo per te,mbas 5 vitev ka me kandidu per kryetar te Kosoves :D

Menjeher ka me mendu se hala ne po mirrem me te,le pash zoten mos hup koh me ket cjap :D

[Guri i madh]

Postimi origjinal është bërë nga sunshine

Ti zotëri, ose nuk e kupton gjuhën e shkruar letrare shqipe ose ke ndonjë problem tjetër!?
Të lutem, na i sqaro në pika të shkurta tendencat e "përçarjes" së popullit sipas teje, nga këto dy shkrime që na solle këtu!!!
Do të isha personalisht shumë mirënjohes!

po nuk e di sa të kujtohe vizita e ILIR METES në KOSOV ku bante vizita private dhe anashkalonte institucionet e kosoves të dalura nga vota e popullit


po ky qosja kurr nji fjal nuk e folie per ket degradim të udh,heqsisë së kosoves

[Guri i madh]

Postimi origjinal është bërë nga uliksi31-jr.

Cdo here kur vendoset titulli i cfardo shkrimi qoft, duhet te perputhet me permbajtjen e shkrimit. Une kot e lexova krejt shkrimin e akademik Qosjes tu prit se ku po hasi ne percarje kombetare.

ulikisi 31 edhe pse kurr nuk më ka shkue mendja me juve me komunikue arsyen e din ti vet lexoje ket pjes të shkrimit qe shkeputa nga afish i ma parshem edhe mshile --------Në vend se ta shikonte Kosovën nga lartësia mendore dhe morale e kryetarit të shtetit, që qytetarët e Kosovës e quajnë shteti Amë, ashtu siç e shikuan kur ishin në Kosovë paraardhësit e tij ish-kryetari Rexhep Meidani dhe ish-kryetari Alfred Moisiu, ai e shikoi nga niveli i një partie - i partisë së cilës i takon!

[uliksi31]

Postimi origjinal është bërë nga Guri i madh

ulikisi 31 edhe pse kurr nuk më ka shkue mendja me juve me komunikue arsyen e din ti vet lexoje ket pjes të shkrimit qe shkeputa nga afish i ma parshem edhe mshile --------Në vend se ta shikonte Kosovën nga lartësia mendore dhe morale e kryetarit të shtetit, që qytetarët e Kosovës e quajnë shteti Amë, ashtu siç e shikuan kur ishin në Kosovë paraardhësit e tij ish-kryetari Rexhep Meidani dhe ish-kryetari Alfred Moisiu, ai e shikoi nga niveli i një partie - i partisë së cilës i takon!

Shume interesant ky shkrim me t'kuq. Me sa di une me ty skame komunikuar asnjehere, bile as te kafja e forumit. Andaj edhe nuk di kurrfar arsye. Por nejse, kurr sesht von per komunikim.

Shkrimin qe ju ma rekomandoni ta rilexoj, aspak ska te bej me percamje kombetare, por thjesht eshte nje opinjon apo mendim qe ne mund te pajtohemi apo jo. Derisa politakanet zgjedhen me voten e lire, nga vet popullli kjo eshte e drejt e patjetersueshme. Pra kemi te drejt te kritikojm apo vlersojm udh'heqsit politik sepse ata jane ose ish dasht te jen ne sherbim te popullit.
Te akuzohet dikush per percamje kombetare eshte akuze e rend, me vjen keq qe ne menyre aq te paskrupullt trumbetohet per nje akademik sic eshte Qosja. Akademia e artit dhe shkences eshte istitucioni me i lart arsimor-edukativ i nje shteti apo kombi. Akademiket nuk jane politikan, jane shkencetar dhe krijues ne shume lemi te ndryshme. Keta jane elita e krejt intelektualve. Shume, shume keq kur perdhosen, fyhen, degradohen keta kollos shkencor, ata jane bylmeti yne kombetar.
Cka po ndodh me neve sikur komb, a thua vetdijen dhe ndergjegjen i kemi ne njevel tejet te ulte, sa nuk jemi ne gjendje me kuptur vuajtjet dhe mjerimet qe perjetuam keto 100 vitet e fundit. Kombi yne i shumevuajtur pati sakrifica te pa pershkrueshme, duke u ballafaquar gjenerat mbas gjenerate me bishat serbo-sllave. Kur flas per Akademi Shkencore, nuk mund te anashkaloj akademin serbe nga e cila dolen shume elaborate antishqiptare. Aty edhe kasapi i fundit Millosheviq u frymzua ne cfarosje te popullit ton si dhe krejt gjakderdhjet ne territoret ballkanike. Mirpo nuk degjon serbet as ma te voglen kritik te ju bejn akademikve te tyre. Edhe pse dihet se ata jane fajtor (inspirues) per kete gjakderdhje......
Akademik Qosja nuk mund te jete percares i kombit, kur te gjithe e dijm se ai nga 81-shi e tutje ju kundervu me pend ne dore maqineris vrastore te Millosheviqit. Ai flet pa qime ne gjuhe, sic thot Pupi. Foli edhe at'her kur askush nuk fliste. I dual ne mbrojtje popullit te vet te pambrojtur. Me kujtohet me 82-shin, kur pat shkuar ne Beograd bashk me akademik Idriz Ajetin te diskutojn temen; gjeneza e popullit shqiptar, qe eshte teme problematike per serbet, prejardhja e shqiptarve. Paten dal me faqe t'bardh akademiket ton. Si shperblim fituan; pritje madheshtore nga mbar Kosova..........Kjo eshte ajo qe dua te them, e kemi obligim kombetar t'i perkrahim eliten intelektuale, nese asgje tjeter te mos behen shpifje ndaj tyre.....

Para 25 vjetesh nje plak i urt, bashk-luftar i Mulla Idrisit te Gjilanit, na pat treguar nje pralle: Tha: kur zoti i krijoj kombet, ju ndau teritoret ne planetin toke dhe ju caktoj krejtve kush ku me jetu. Ngelen tha shqiptaret te fundit. Pyeten; o zot po na? Ju, ju tha zoti shkoni mbas qasaj koder. Shkun shqiptaret pas kodret dhe gjeten dreqin atje.............ne vazhdim le ti jap gjithkush kahje ne menyre te vet ksaj mesele sic thot Hasani.
Tash mendoj, a thua paska dijt dicka plaku, a edhe ne kohen e tij na shqiptaret ishim sikur sot qe jem; dikush thumbit e dikush potkonit.....

[get_up]

djem dhe vajza , shok e shoqe..

Qosja deri diku ka te drejt , burreshtetasit shqiptar sduhet te ngurrojn per te folur per Luften Çlirimtare , se pa lufte nuk kish mund te ndodh asgje ne Kosove , jo vetem ne Kosove por ne gjithe boten eshte keshtu - LUFTA ESHTE LIGJ PER SHTET -futne nkoke kete se marum per pamend.

Qosja ka bere koment sikur nje gazetar asgje tjeter bile bile pajtohem me shume gjera aty , ska lidhje me perqarje. Por ka edhe te metat e veta se esht koxha ne moshe tash.