Eliza Dushku në lidhje me Rick Fox ...

[Jana]

Eliza Dushku ka konfirmuar se është në lidhje me ish-burrin e Vanessa Williams, Rick Fox.


Aktorja me prejardhje shqiptare ka thënë se ajo dhe ish-ylli i basketbollit kishin qenë miq qe një dekadë, ndërsa sivjet kanë filluar romancën.

“Po mundohemi t’i baraspeshojmë gjërat dhe ta njohim njëri-tjetrin, duke llogaritur edhe angazhimet e mëdha në punë. Po i marrim gjërat një nga një dhe po ia kalojmë mirë”, ka thënë Dushku për revistën amerikane “TV Guide”.

[emine]

Na paska qite faqen e zez,ne vend se me ja ba najkujna letrat ,kjo bahet me te hujte bashk

Shum e simpatizoi ket artiste,boll at shqiponje qe ma ka,ran kta artistat dhe lufta e muren vesh Bota se paska Shqiptar dikund,,,suksese Elizes ne gjitha lemit e jetes!

[teutaA]

e fort kjo eliza ka nje seri per jav luen ktu

[doGzona]

[Zero Cool]

Eliza, nje perfaqsuese e denje e popullit Shqiptar ne bote.

Fale artisteve, sportisteve,bamirseve (nona tereze), populli Shqiptar sadopak u be i njofshem ne rruzullin toksore.
Por keta nuk jane ata te cilet me se shumti e rekalmuan dhe prezentuan popullin tone. "Falenderimet" me te medha per "njohjen" e popullit tone nga pjestaret e popujve te medhenje (por edhe te vegjel) i shkojne zonjave (mos te them kurvave) te cilat bene lidhje me te huajt dhe keshtu nje nga nje ata filluan te kuptojne qe ka edhe femra te bukura nga nje popull i cili veten e quan Shqiptar.

Tani ka me shume njerez qe e dine qe egziston dikund ne ballkan nje popull qe veten e quajn Shqiptar kurse nga te tjeret quhen Albanian, Albana.... E keqja e madhe eshte qe keta/keto, me te cilet tani po krenohemi, per qeshtje personale (natyrisht qeshtjet personale jane ne rend te pare e pastaj vijne qeshtjet kombtare), shkojne ne bote bejne lidhje me te huajt (nga lidhjet e ndryshme, o martesore-sexuale, o bamirese, o dreqi e di se qfare...), e pastaj (pas vdekjes se tyre) Shqiptaret (te gjallet), mundohen ti rikthejne ne atdhe (memedhe), bile eshtrat e tyre, ne menyre qe te krenohen me ate me te cilen keta te famshmit nuk jane krenuar fare, perkundrazi e kan mohuar me nje forme(perndryshe nuk do te kishin mohuar identitetin e tyre derisa ishin gjalle, duke mos vizituar vendin e perkatesise se tyre apo duke mos e thene haptas se qfare prejardhje kane, sikur qe e bene Eliza me tatoo-t e saj)...

Nuk do te zgjas me teper, Elizes i uroj te njeten si dhe gjdo Shqiptari (derisa te mos e mohon edhe ajo identitetin e vet).

[Xuki]

T'ish kanë i bardhë bre!!!

[Peja-Boy]

Postimi origjinal është bërë nga emine

Na paska qite faqen e zez,ne vend se me ja ba najkujna letrat ,kjo bahet me te hujte bashk

Shum e simpatizoi ket artiste,boll at shqiponje qe ma ka,ran kta artistat dhe lufta e muren vesh Bota se paska Shqiptar dikund,,,suksese Elizes ne gjitha lemit e jetes!

Eliza Dushku ska kohe per Forume e me kqyr mos ka mbet Naj shqiptar Vejan hahahahahahahaaha... Hallall i Koft edhe ksaj edhe James Belushit !!

[emine]

Postimi origjinal është bërë nga Peja-Boy

Eliza Dushku ska kohe per Forume e me kqyr mos ka mbet Naj shqiptar Vejan hahahahahahahaaha... Hallall i Koft edhe ksaj edhe James Belushit !!

j a une kishe na lexon,se tybeh skisha shkru sen hiq

[Jana]

Ajo bën pjesë në listën e atyre njerëzve të cilët na bëjnë të ndihemi krenarë… Është absolutisht pa komplekse dhe pranon të rrëfejë gjëra për të cilat shumë të tjerë do të ishin rezervuar. E ka pranuar nga hera origjinën e saj shqiptare dhe ky është një nga faktet që e bën të ndihet krenare… Eliza Dushku shkruan për herë të parë për veten e saj në “UsMagazine.com”, duke na zbuluar, fobitë, mangësitë, dëshirat dhe gjithçka tjetër që lidhet me të…
1. Unë zakonisht jam katastrofë në kuzhinë.
2. …por unë mund të bëj gatime tradicionale shqiptare të klasit botëror…
3. …sepse unë jam thesar i kombit shqiptar, së bashku me familjen Belushi dhe Nënë Terezën!
4. Pjesëmarrja në filma dhe në TV më kanë dhënë mua një tjetër kuptim, por edhe arritje.
5. Jam fanatike e “Archbishop Desmond Tutu”.
6. Qyteti i Bostonit është qyteti im më familjar.
7. Agresiviteti është shumë i zakonshëm për mua.
8. Unë kam thyer njëherë brinjët, krahun, por edhe hundën.
9. Kushdo që më merr në telefon duhet ta provojë tre herë që t’i dalë sekretaria ime.
10. Pseudonimi ndërsa rritesha ka qenë “Corky Shmeshman”. Por tani i dashuri im, Rick Fox, më thërret “Shmubula”.
11. Kënga ime më e preferuar në karaoke është ajo e Madonas “Like a Prayer”.
12. Derisa mbusha moshën 18 vjeç nuk e dija se çfarë ishte Guçi.
13. Fshehtazi unë ëndërroj që të isha një dermatologe.
14. Unë kam katër nishane nëpër trupin tim.
15. Vëllai im është stilist dhe është shoku im më i mirë.
16. Fjalorin e të folurit e kam si një shitëse droge.
17. Emrin ma kanë vënë sipas pionieres së feminizmit Eliza R. Snow.
18. Puna ime në shërbim të fëmijëve të ish-ushtarakëve në Uganda është shumë e rëndësishme për mua.
19. I kam shumë frikë mushkonjat.
20. Bregdetet më bëjnë gjithnjë të qaj.
21. Duke qenë mjaft e matur, më ka bërë që të ndryshoj jetën.
22. Unë nuk mund t’i rregulloj dot vetë flokët e mia.
23. Kam qenë në 134 qytete të 36 shteteve të ndryshme. Pasaporta është prona ime më e çmuar.
24. Patatet e ëmbla janë ushqimi më i preferuar për mua.
25. Unë vdes që të regjistroj video-lojëra, sepse kështu nipërit e mi mund “të luajnë” me mua.

[Makresh]

Lexova nje artikull ku thoshte qe eshte aktore e mir, por e pa-fat !
E pa fat, sepse deri me tani, ka luajtur ne filma palidhje, per mi ra ma shkurt !

[Jana]

Eliza Dushku kerkon shtetesi shqiptare

Aktorja e njohur me origjinë shqiptare, Eliza Dushku, mbërriti dje në Shqipëri, kësaj here për t’u ndjerë tërësisht shqiptare. E shoqëruar nga disa producentë dhe grupe xhirimi të disa televizioneve amerikane, Eliza Dushku tha para mediave shqiptare se do të promovojë imazhin e Shqipërisë. Ajo nuk e fshehu edhe një kërkesë të saj për të marrë shtetësinë shqiptare, të cilën e tregoi edhe përpara fotografëve.

Ajo u prit sot në aeroportin ndërkombëtar “Nënë Tereza” në Rinas nga nënkryetarja e Bashkisë së Tiranës, Jorida Tabaku. Aktorja e mirënjohur u shpreh se do të udhëtojë në qytetet më të bukura shqiptare, si dhe veçanërisht në Korçë, nga është origjina e saj, një qytet që ajo nuk ka qenë asnjëherë në jetën e saj. “Po bashkëpunojmë me producentë nga “Lonely Planet” apo “Travel Channel”, sepse duam të përgatisim diçka që të tregojë se sa e mahnitshme është Shqipëria.

Eliza Dushku me nënkryetaren e Bashkisë së Tiranës, Jorida Tabaku

Gjithashtu, s’kam pasur kurrë mundësi të shkoj në Korçë, nga e cila është babai im”, tha Dushku dhe më pas ajo firmosi kërkesën për të pasur pasaportë shqiptare, duke qenë kështu edhe zyrtarisht një shtetase shqiptare. Mësohet se pjesë e këtij prodhimi do të jenë edhe shqiptarët e tjerë të famshëm, Inva Mula e aktori Blerim Destani. E pyetur nëse ky udhëtim do ta frymëzojë të bëjë një tjetër tatuazh me simbolet shqiptare, Eliza është përgjigjur duke thënë se tatuazhet nuk ia pëlqen i dashuri. “Dua shumë, por i dashuri im nuk është se i pëlqen, megjithatë nuk i dihet”.

Ndërkaq, nënkryetarja e Bashkisë së Tiranës, Tabaku, tha se Eliza Dushku do të takohet sot me kryebashkiakun Lulzim Basha dhe se do të promovojë vlerat socialkulturore të Shqipërisë në një udhëtim prej 10 ditësh në Shqipëri. “Aktorja Eliza Dushku do të takohet me kryebashkiakun e Tiranës, Lulzim Basha, do të vizitojë disa nga qendrat tregtare të Tiranës e më pas do të ketë një udhëtim turistik në Durrës, Berat, Korçë, Krujë e Vlorë, për të bërë një promovim sa më të mirë të Shqipërisë”, tha Tabaku.

[Kercovari]

Unë jam shqiptare


Shkruan:
Eliza Dushku
03-09-2011 10:46

Duke pasur mundësinë të udhëtoj nëpër botë, gjatë gjithë jetës kam qenë në një numër vendesh të mrekullueshme. Pasi kam vizituar 15 qytete unike në udhëtimin tim të fundit në Shqipëri (dhe marrjes së dyshtetësisë) dua ta ndaj përvojën time rreth Lonely Planet's #1 Travel Destination of 2011.

Unë jam një shqiptaro-danezo-amerikane nga Bostoni. Ata që më njohin, e dinë se unë jam shumë krenare që jam bostoniane. Sidoqoftë, gjithmonë kam qenë kureshtare për Shqipërinë dhe e magjepsur nga vendim im “jetim”, një vend për të cilin nuk flitej pothuajse kurrë. Im atë Filipi u rrit në South End, një lagje shumëkulturëshe e Bostonit, nga prindërit e tij Gjergj (George) dhe Villermini Dushku, që emigruan në Amerikë nga ky vend i vogël ballkanik në fillim të viteve ’20. Nuk i kam njohur gjyshërit e mi. Ata ndërruan jetë para se të lindja unë. Kurrë nuk kam pasur ndjenja të forta përkatësie ndaj Shqipërisë, apo për qytetin e vogël të Korçës, prej nga rridhnin ata, por ndjenjat u rritën teksa unë rritesha. Kjo është edhe historia ime.

Teksa fillova të tërhiqja vëmendjen nëpërmjet karrierës së aktrimit, shqiptarët shpejt filluan të vënë re se një prej gjakut të tyre po ngjitej në botën e artit…gjë e rrallë dhe nuk bëhej fjalë për një nga Belushët! Edhe më parë, diku në lagjen time, dikush më shihte dhe më thoshte në një të folur me theks “ti je shqiptare”. Njëherë tjetër, si familje, shkuam për të parë filmin italo-amerikan ‘L’Amerika’. Kur kamera ngadalë ra mbi një anije të vjetër të mbushur përplot me emigrantë shqiptarë pashë në fytyrat e zmadhuara portrete shumë të ngjashme me të tim eti, tim vëllai dhe vetes.

Ftesa e parë për të shkuar në Shqipëri erdhi në vitin 2004, kur m’u qas një fotograf shumë i njohur shqiptaro-amerikan, Fadil Berisha, ndërkohë që luaja në një pjesë teatrale në New York. Fadili është aktualisht fotografi zyrtar për Rolex, Misss Universe dhe Miss USA. Ai ka fotografuar për Elle, Vogue, Mademoiselle etj. Dhe është shumë i famshëm ndërmjet shqiptarëve. Ai më tha se mëmëdheu i gjyshërve të mi më thërret, se unë jam bërë njëfarë heroine kombëtare dhe se ai donte të më çonte në “shtëpi” për një vizitë. Im atë, dy vëllezërit dhe unë ramë dakord dhe udhëtimi ynë i parë në Shqipëri ishte magjepsës dhe interesant. Pak vende kam parë aq të bukura sa Shqipëria, pozicionuar mes deteve Adriatik dhe Jon, nga thembra e çizmes italiane- vendi që Lonely Planet e pagëzoi si destinacionin nr. 1 për vitin 2011-por i njohur gjithashtu për izolimin dhe dy gjenerata komunizëm mbi shpinë.

Kur u ktheva në Amerikë ndjeva diçka më shumë se kurioziteti i fillimit. Doja “ta kuptoja” Shqipërinë, të përpiqesha në njëfarë mënyre ta ngërtheja e ta ndaja përvojën që kisha patur, përkimin që gjetëm me pjesën tjetër të botës. Ideja për të bërë një film dokumentar rreth Shqipërisë, për të promovuar turizmin dhe udhëtimet, u ngjiz nga Fadil Berisha, im vëlla Nate Dushku dhe unë. Pasi hodhëm idenë rreth filmit, nuk na zinte vendi. U bë një punë dashurie. Filluam ta quanim “Letër dashurie Shqipërisë”. Ku e dija unë se do të kthehesha në shtëpi si nënshtetase e këtij vendi!

Tani, kur kthehem mbrapa dhe kujtoj javët që kalova atje, ndihem naive që prisja ta kuptoja Shqipërinë në një jetë të vetme, por procesi ka qenë tërheqës dhe në të njëjtën kohë ngashnjyes. Nuk mund të jem shteruese rreth diversitetit që hasa kur u përpoqa të mësoja më shumë se për plazhet magjepsëse, fshatrat malore përrallore-secili me njëqind vitet e tij të historisë për të zbuluar. Është një aventurë e cila më ushqen dhe e kuptoj se do të rikthehem shumë herë të tjera dhe ende ndihem sipërfaqësore kur them se i kuptoj shqiptarët.

Dikush mund të thotë të njëjtat gjëra rreth Italisë, Greqisë apo Kroacisë, teksa ata që kanë qenë në këto vende me histori të pasur mund të dëshmojnë. Disa mund të fillojnë me një tur me anije që të çon në ishuj të ndryshëm të njohur për plazhet me rërë të zezë dhe vullkanet-por, nëse kalon kohë në një vend, ti zbulon kuptime të reja e të fuqishme. Kur qeshë vajzë e vogël, gjatë udhëtimit tim të parë në Greqi shkuam në një fshat të vogël dhe shkuam në rrugën përballë për të ngrënë mëngjes, pa e ditur se sa shumë u fye mikpritësi ynë që zgjodhëm atë restorant. Pa e ditur, u futëm në një zënkë që na çoi mbrapsht në periudhën e luftës ndërmjet fashistëve dhe komunistëve. Kur pyetëm sesi kishte mundësi që kjo të kishte ende rëndësi, zbuluam se për miqtë tanë ishte si të kish ndodhur dje. Turistë të verbër? Apo fillimet e një mësimi që m’u rizgjua kur e ulur mbi një shkëmb në një plazh të Shqipërisë vështrova kah një rrënojë antike në faqe të malit. E dija se kishte histori atje, nëse mund të gjeja njerëzit e duhur.

Në krye të herës ne ishim të vendosur që dokumentarin për Shqipërinë ta bënim me stil, shkëlqimtar dhe kinematik. Projekti do të përfshinte personalitete të forta, imazhe mahnitëse dhe shenja kulturore, si ushqimi, muzika, moda, sporti dhe jeta e natës. E gjithë kjo kombinuar me një shije të zakoneve shqiptare dhe problemeve mjedisore, socio-ekonomike dhe politike me të cilat përballej vendi. Prirja ime për aventura do të përcaktonte tonin e një palë pushimesh aktive, siç edhe rezultuan.

Teksa pamë qytete e fshatra, duke u ngrohur në diellin e një bukurie natyrore dhe duke marrë nga energjia e shqiptarëve, mund të shijonim klubet bashkëkohore të natës dhe butikët seksi, por etja për më shumë nuk na ndahej. Me vrull pamë Tiranën, kryeqytetin e gjallë dhe më pas qytetet bregdetare dhe ishujt e Rivierës shqiptare, për t’iu ngjitur fshatrave të ashpër të Alpeve shqiptare dhe përmes kufirit në Maqedoni dhe në Prishtinë, kryeqytetin e Kosovës me shumicë shqiptare.
Shokët e udhëtimit qenë im vëlla Nate, i dashuri im Rick Fox, shpura jonë prej tre amerikanësh dhe një tjetër shpurë ngazëllimtare shqiptarësh. Për fat, udhërrëfyesi im ishte Fadil Berisha, kushëri me kryeministrin e vendit, Sali Berisha, gjë që na ndihmoi për aksesin në media, qeveri dhe rrethet sociale në mbarë vendin. Ne ndaluam në 15 qytete dhe të gjithë na shijuan dhe ikëm më të uritur se sa kur erdhëm.
Më është futur në gjak. Shqiptarësia ime bëhet gjithnjë e më thellë sa herë shkoj atje. Së herë që shkoj kuptoj se ka diçka më shumë në gjithë këtë. Ka kaq shumë gjëra për të treguar-shumica janë të një lloj historie të lashtë që kërkon në vëzhgim më të thellë dhe më të gjerë. Ndjeva diçka shumë më të ndryshme në këtë udhëtim në “atdhe”. Pas bisedash të pafundme me njerëz të hapur dhe pasionantë, që ndiejnë shumë për Shqipërinë, për herë të parë mund të them se “e di çdo të thotë të jesh shqiptar”.

Po filloj të kuptoj kompleksitetin e përzierjes së krenarisë dhe trishtimit, rreth asaj jetë që shumë vetë kanë kaluar pa dëgjuar të përsëritur në veshët e tyre rinorë nga të dashurit e tyre, rreth triumfeve dhe humbjeve që ka provuar ky komb-si individë dhe si komunitet.
Kësisoj, kur u ftova bujarisht për t’u bërë qytetare shqiptare, nuk ndjeva hezitim. U ndjeva e nderuar dhe e zonja për ta pranuar këtë dhuratë. U ndjeva edhe më shumë e ngjashme me ç’jam në të vërtetë. Sigurisht që vazhdoj ta mbaj nënshtetësinë amerikane. Unë jam amerikane gjithashtu. Por nuk është mundim për mua të shpall se që nga 17 gushti 2011, unë Eliza Patricia Dushku, jam një shqiptar-amerikane.



/MapoOnline/

[~AnnA~]

Me vjen mire qe Eliza vazhdon karrieren e saj me sukses ne Hollywood, pa harruar origjinen...

[uck_aksh]

kesaj duhet ti merr lakmi te gjith femrat shqiptare kudo qe shkojn duhen te thon me krenari se kam gjak shqiptari , jo si ajo meqka bleona qe e morr nenshtetsin amerikane edhe menjeher u paraqit ne tv se un jam kuder amerikane sjam shqiptare

[Artisti]

Më vjen mirë që Eliza ka këtë mendje dhe thotë e vendosur që është shqiptare.

Por, a do të thoshte edhe në ndonjë gazetë amerikane apo daneze kështu si për Mapoonline????


:
.