Flet Kosova e Lirë, Ju flet Jakup Krasniqi

[murrizi]

Prishtinë, 25 shkurt
- Në emisionin e mbrëmshëm “Rubikon” të Kohavsionit, kryetari i Kuvendit, Jakup Krasniqi, e ka quajtur presidentin e ri të Kosovës, Behgjet Pacollin, të “papërshtatshëm”, “i zgjedhur pa vullnetin e qytetarëve” dhe “me vota të presionit”.
Ai ka akuzuar bashkëpartiakun e tij, Hashim Thaçi për mënyrën e zgjedhjes së Pacollit president, duke i frikësuar deputetët me heqje nga lista nëse nuk e votojnë zgjedhësin e tij. Krasniqi ka ritheksuar se është shkelur kushtetuta në këtë rast dhe se vullneti i deputetëve të pranishëm ishte ai nga votimi i herës së parë, kur Behxhet Pacollit nuk iu dhanë më shumë se 54 vota. Jakup Krasniqi ka folur edhe për krizën brenda PDK-së, e cila është bërë e pashmangshme me rastin Pacolli, duke e akuzuar drejtpërdrejt pos Thaçin, edhe kryetarët e komunave që mbështetën këtë zgjedhje për hir të interesave të tyre vetjake. Ai madje ka akuzuar për totalitarizëm, PDK-në në krye me Hashim Thaçin dhe e konsideron fitues veten për kahen që ka marrë ai dhe disa të tjerë brenda PDK-së. Duke thënë këtë Krasniqi e ka pohuar ndarjen zyrtare në dysh të PDK-së, në fraksion me të në krye, dhe një tjetër të udhëhequr nga kryetari i Partisë Thaçi. Sekretari i përhershëm i PDK-së Jakup Krasniqi ka shpjeguar qëndrimin e tij në tërë këtë tollovi, duke thënë se kishte preferuar që më parë të shkohej në zgjedhje të jashtëzakonshme se sa të shkohet drejt një krize institucionale disavjeçare me Aleancën Kosova e Re.
“Prezenca e Sami Lushtakut në Kuvend ishte e panevojshme atë ditë. Më mirë do të ishte sikur ai të merrej me punët e komunës”, ka thënë Krasniqi, duke ripohuar se si kryeparlamentar ai po jep shenja të mira për funksionimin e rendit demokratik në Kuvendin e Kosovës. “Do t’i vëzhgojmë punët e kryeministrit dhe të presidentit, madje dhe do të kërkojmë dorëheqjen e tyre në rast se nuk funksionin rendi dhe ligji” është shprehur i pari i Kuvendit. Ai ka thënë se është koha që PDK-ja të mbajë kuvendin zgjedhor, ndërsa është shprehur me ironi ndaj “parashutistëve” që kanë aderuar në PDK kohët e fundit, duke i cilësuar si poltronë të kryeministrit Thaçi dhe interesxhinj.

[rastesishT]

Jakup Krasniqi,Xhavit Haliti,Azem Syla, Fatmir Lima, nuk aritën ta mundin thaçin në parlament, thaçi krejt i vëtëm doli triumfuës. Këta po të duan mund të hapin parti të re dhe të shkëputën nga PDK-ja por do përfundojn si LDD-ja e dijn këta se çfar i gjën. Në këtë rast nëse i bjen mirë thaçit dhe popullit thaçi merr lavdata, nësë ndodh e kundërta thaçit i përfunoj karriera politike.

[murrizi]

Postimi origjinal është bërë nga rastesishT

Jakup Krasniqi,Xhavit Haliti,Azem Syla, Fatmir Lima, nuk aritën ta mundin thaçin në parlament, thaçi krejt i vëtëm doli triumfuës. Këta po të duan mund të hapin parti të re dhe të shkëputën nga PDK-ja por do përfundojn si LDD-ja e dijn këta se çfar i gjën. Në këtë rast nëse i bjen mirë thaçit dhe popullit thaçi merr lavdata, nësë ndodh e kundërta thaçit i përfunoj karriera politike.

Prandaj edhe "lindi" Vetvendosja zonja dhe zotrinjë.
Prandaj edhe murrizi kaloj në Vetvendosje zonja dhe zotrinjë.
Prandaj edhe do të t'ia shoh sherrin Pdk-ja Hashim Thaçit !

P.s.
"Prandaj edhe jo Rastësisht" ka një kohë që unë PDK-en e quaj Pdk-ja e Hashim Thaçit.

[rastesishT]

Postimi origjinal është bërë nga murrizi

Prandaj edhe "lindi" Vetvendosja zonja dhe zotrinjë.
Prandaj edhe murrizi kaloj në Vetvendosje zonja dhe zotrinjë.
Prandaj edhe do të t'ia shoh sherrin Pdk-ja Hashim Thaçit !

P.s.
"Prandaj edhe jo Rastësisht" ka një kohë që unë PDK-en e quaj Pdk-ja e Hashim Thaçit.

Më vjen shumë keç , ngase do zhgënjehësh edhe nga VVetvendosja, pse, sepse sa të ka Rexhep-os Selimo-s aty kurr nuk do të funksionoj si duhët në VV, dhe jo vetëm Rexhepin po edhe ate milionerin tjetër si e pat emrin krasniqi mbiemrin. Të gjithë keta do shkojn në VV-ndosje pas një kohë. Kupa,Lima,Cima,Syla,Liti.Titi,edhe Fiti.

[Neferta]

Sips juve edhe pdk kapitulloj pa kushte por Bugjeti fitoj me ndihmen e tyre pra gjelati i pdk nuk qenka opozita e,,mallkuar,, po bashkeqeverisja me kembe te prera. Me humbjen apo ramjen e kesaj qeverije si po thuhet se shpejti edhe komunat qe kan interesa direkte nga pdk ja do te marin me pak donacione nga qeverija, rrespektivisht komunat qe kan me se shumti deputet si Drenasi, Skenderaj etj. Po si eshte e mundur te ndryshohet kjo gjendje pasi konstituimi i organeve shtetrore eshte legjitim legal etj etj. Pra edhe Jakupi e la politiken ne pdk po tani nga pdk u gjvendos ne parlament ku do ti prij korit parlamentare ta shofim se sa po e ndegjojne ,,te vetet.,,

[Jana]

PO don me ju dal duqi edhe ktyne e hajr koft ...

[Guri i madh]

per her te par qe i ndegjova duke fol real kupen me fatmirin


a ka ardh demokracia edhe ne PDK apo ka lind nji fraksion kupa fatmiri etj

me kalimin e kohes do te qartsohen gjerat

Hashimi ja ka frigen Fatmirit edhe me gjdo kusht mundohet me e degradue qe Fatmiri ne mesin e PDKes te trajtohet si njeri pa merita si njeri qe nuk e don evropa e shtetet e bashkura

se i frigohet se po ja merr kreun e PDK es


akuzat e HASHES jan ma te rana se te FATMIRIT po perdoren gjdo gje legale e ilegale vetem e vetem qe hashimit me ja formue qeverin e me ju qas bisedimeve me shkinin

te vetmit ne PDK qe nuk ju frigohet hashimi jan HARADIN KUQI e ENVER HOXHA per ata hashimi i ka gjithmon afer veti ,se kta nuk munden me marr shum vota ne venlindjet e tyre edhe kan titull


kshtu qe hashimin nuk e pret kurr rreziku nga kta te dy ,edhe gjithmon i mban afer si dekoracion

e pushtetin si ne parti si ket pushtetin ne kosov mundohet me e mbajt me do figura te reja qe ja kan frigen si ky qyrrani MEMLI

e aj STAVELECI e do qe ja kan frigen hashes

[valiii]

Kupa e Limaj po e formojne nje prati te re me emrin PDD, Gania i gecve eshte njeri nga iniciatoret dhe do te jete faktor ne kete parti te re, masi veç Daci e la n'lloç.

[Guri i madh]

Postimi origjinal është bërë nga valiii

Kupa e Limaj po e formojne nje prati te re me emrin PDD, Gania i gecve eshte njeri nga iniciatoret dhe do te jete faktor ne kete parti te re, masi veç Daci e la n'lloç.

pershendetje valli


nese te kujtohet ne te njejten mnyr e pat largue DACIN ,FATMIR SEJDIU nga frika se po ja merr kreun e LDKes e pat largue me at FILIP GOLDBERGUN


tash HASHIMI ne te njejten mnyr po e largon FATMIR LIMEN

[valiii]

Postimi origjinal është bërë nga Guri i madh

pershendetje valli


nese te kujtohet ne te njejten mnyr e pat largue DACIN ,FATMIR SEJDIU nga frika se po ja merr kreun e LDKes e pat largue me at FILIP GOLDBERGUN


tash HASHIMI ne te njejten mnyr po e largon FATMIR LIMEN

S'ma merr menja qe po e largon ne te njejten menyre, porse po i tregon se "kush eshte shefi ketu". Kurse ne LDK pasi qe vdiq "shefi" filluan mosmarveshjet, çka ka qene edhe e pritur.
Une ne kete rast nuk shofe perçarje te Thaçit dhe Limes sa e shofe ate ne mes te Xhavit Halitit dhe Kadri Veselit, pasi qe keta 2 te fundit (ishin) jane 2 kokat kryesore te PDK-se, kurse Thaçi, Kupi e Limaj jane vetem kukulla te cilet i zbatojne urdherat e te lartecekurve. Tjeter eshte ajo qe Kadrise i eshte imponu roli i deputetit, krejt kjo puna e imunitetit. S'preferoje me u zgjeru me shume se tek ne thojne "edhe zidnat kane vesh" kshtu qe po rri rehat Guri :))

[Januzbrahimi]

PSE, a nuk pat faj Jakup krasniqi qe e ndali procesin e votimit dhe dha mundesine e pauzes 5 minuteshe qe u be 1 oreshe ? A ishte ai vet shkelesi kryesor !?

Ky veprim i Krasniqit i ngjason atij modeli te politikanit qe luan lojen qe i konvenon, tash e ka kuptuar se kjo qeveri nuk ka jete te gjate, dhe i ben keto pohime sepse ende synon te behet president i vendit, se i ka pelqy bukur fort ata muaj qe e zevendesoj Fatin

[tipi engjellor]

luja luja ja ke pas anen gjithmone po ske njerz me qene me ty ne idete e mendimet tua ....................

[Guri i madh]

Postimi origjinal është bërë nga valiii

S'ma merr menja qe po e largon ne te njejten menyre, porse po i tregon se "kush eshte shefi ketu". Kurse ne LDK pasi qe vdiq "shefi" filluan mosmarveshjet, çka ka qene edhe e pritur.
Une ne kete rast nuk shofe perçarje te Thaçit dhe Limes sa e shofe ate ne mes te Xhavit Halitit dhe Kadri Veselit, pasi qe keta 2 te fundit (ishin) jane 2 kokat kryesore te PDK-se, kurse Thaçi, Kupi e Limaj jane vetem kukulla te cilet i zbatojne urdherat e te lartecekurve. Tjeter eshte ajo qe Kadrise i eshte imponu roli i deputetit, krejt kjo puna e imunitetit. S'preferoje me u zgjeru me shume se tek ne thojne "edhe zidnat kane vesh" kshtu qe po rri rehat Guri :))

perqamjet jan te mdha

ka pas perqamje edhe pasi u kthye fatmiri nga haga po tash hashimi e humbi durimin i eleminoj te gjith vetem e vetem qe vet te jet kryeminister

hashimi e ka que ramushin ne hag


aleanca per ardhmerin e kosoves kur ti bashkangjitet hashimit ramushin e lshojn me ardh te shpia po jo me u marr me politik


akuzat ndaj HASHIMIT jan shum ma te mdha se akuzat ndaj fatmir limes PO HASHIMIT PO I NDIHMOJN ME FORMUE QEVERIN BASH ATA QE PO E AKUZOJN

i akuzuar esht edhe ENVER HOXHA po nuk paraqet rrezik me ja marr partin e as pushtetin

edhe prap e ka ne qeveri

[murrizi]

Prishtinë, 25 janar - Kryetari i Kuvendit të Kosovës, Jakup Krasniqi, njëherësh sekretar i përgjithshëm i Partisë Demokratike të Kosovës, përmes një letre drejtuar anëtarëve të PDK-së ka treguar gjerë e gjatë arsyet e mosmarrjes pjesë në Kuvendin Zgjedhor të kësaj partie. Po e publikojmë letrën në tërësi.

Po, kam besuar në drejtësinë për të cilën kanë luftuar gjenerata të tëra kombesh e vendesh të ndryshme. Kam besuar në drejtësinë që, fundja, është aspiratë e njerëzimit për një drejtësi shoqërore. Edhe kombi ynë, sikur shumë kombe të tjera të përparuara, ka luftuar gjatë, por edhe është sakrifikuar shumë për liri, drejtësi e barazi. Kam besim të thellë në drejtësinë, e cila mes njerëzve vendos jo vetëm vëllazëri, ekuilibër, por edhe mundësi të barabarta.

Kam besuar në idealet njerëzore, për lirinë individuale e kolektive në mes njerëzve, në fuqinë dhe drejtësinë ku ligji vlen për të gjithë, si për të fortin, ashtu dhe për atë më të dobëtin.

Besoj, po, thellësisht, në drejtësinë hyjnore, e cila konfirmon se njerëzit nga Zoti dhe për Zotin lindin të barabartë, ndërsa, sundimtarët njerëzit i bëjnë: lajkatarë, servilë, të përulur e të pa dinjitet dhe jo rrallëherë edhe “mish për top”.

Kam besuar dhe besoj në ndershmërinë, qëllimet dhe parimet në të cilat betohen shokët besnikë të një ideali për komb, fe e atdhe! Sikundër kam besuar pareshtur në idealet e përbashkëta të korifenjve të lirisë, të bashkimit kombëtar dhe të demokracisë, po aq sa kam besuar ndershmërisht në idealin e njerëzve të Lëvizjes Kombëtare për Çlirim dhe në atë që e quaj nder dhe privilegj – rreshtimin në UÇK-në e Legjendarit Adem Jashari. Pikërisht besimi tek Adem Jashari dhe Ushtria e Tij Çlirimtare, më bëri të deponoj gjithë jetën time e të familjes sime, sepse për jetët e të tjerëve nuk kisha as kam të drejtë të ndërhyj. Po, për këtë jam shumë krenar. Unë besova, sikundër guxova dhe ngadhënjeva me idealet çlirimtare, gjithnjë me besimin e patundur në mendje e në zemër se ia vlente çdo flijim për Atdheun, për lirinë, për drejtësinë, për zhvillimin dhe shtetin e së drejtës, për demokracinë që ligjëson lirinë.

Besova tek secili ushtar si në luftë, po ashtu edhe pas lufte. Por me këtë rast s’mund të them se nuk gabova, për faktin e thjeshtë se besova me besnikëri, edhe pse populli thotë: “besnik bënu e besë mos zë”. Besova dhe vazhdoj të besoj tek secili anëtar e simpatizant i PDK-së, që nuk është helmuar me babëzinë e grabitjes së pasurisë kombëtare, që nuk ka shkelur në idealet çlirimtare, që nuk ka përbuzur vlerat e fjalës së dhënë, që reflekton dinjitet familjar e kombëtar.

Besova dhe besoj thellësisht në Programin e PDK-së, i cili shprehimisht thotë: “… dialogu dhe konfrontimi demokratik i ideve do të jetë si mjet parësor për të realizuar emancipimin dhe vazhdimin e procesit të pavarësimit të Kosovës…”, si dhe më tutje: “PDK-ja është ngushtësisht e lidhur me lirinë e mendimit, laicitetit të shtetit dhe të shkollës”. – siç përfundon pjesa hyrëse e Programit të Partisë Demokratike të Kosovës, për çka jam krenar, duke qenë edhe njëri nga hartuesit dhe udhëheqësit e këtij programi demokratik e largpamës.

Besoj palëkundshëm te secili qytetar i ndershëm i Kosovës sime, i cili ka ruajtur vlerat e idealizmit për jetë të dinjitetshme të çdo qytetari dhe për mirëqeverisje të vendit e të popullit tim.

Besova, sikundër që isha i bindur katërçipërisht, se ajo që po e shkruanim në dokumentin programor të Partisë Demokratike të Kosovës ishte qëndrimi ynë konsistent, se do t’i “mbështesim përpjekjet e forcave politike shqiptare në rajon, të cilat kanë për qëllim që më pjesëmarrje në procesin e integrimeve rajonale dhe evropiane të realizojnë të drejtat e pakontestueshme kombëtare”.

Besova dhe jam krenar se partia ime “angazhohej për ndërtimin e një politike sa më të afruar e të njësuar me shtetin shqiptar, kombëtar e ndërkombëtar”. E kush nuk do të pajtohej me këtë gjuhë të rrjedhshme shqipe, me këtë politikë të qartë, integruese e demokratike, që po e nënvizonte partia në të cilën punova, punoj dhe do të punoj, kudo që të jam pa hile për vendin dhe popullin tim?

E pra, nuk kisha si të mos besoja e të mos isha krenar me partinë, e cila do të angazhohej pa hile që në “Kosovë të vendosej shteti i demokracisë parlamentare, ndërtimi i shtetit të së drejtës, ngritja e të gjitha institucioneve demokratike, sistem të ri juridik në të gjitha nivelet, sistem bankar… pra pushtet legjislativ, ekzekutiv dhe gjyqësor”. Të gjitha këto thuheshin shumë vite para se Kosova të shpallej e pavarur, sovrane e demokratike. Nuk ka dhe nuk mund të ketë asnjë pengesë që pas pavarësisë të mos vazhdohet me atë vizion largpamës të atyre që e hartuan dhe e miratuan atë program-projekt dhe, përderisa në linjën e brendshme, deri tash nuk është bërë asnjë qortim, korrektim a retushim i tij.

Unë nuk jam penduar as dje, as sot e nuk do të pendohem as nesër për këtë vlerë politike.

Përse dikush e ka harruar këtë program vizionar?

Apo ndoshta nuk e ka lexuar?!

Asnjë kongres zgjedhor apo i punës nuk ka hequr dorë zyrtarisht nga ai.

Unë vazhdoj t’i besoj programit të PDK-së, duke e konsideruar madje edhe detyrim sipas statutit dhe ndërgjegjes, i cili garanton “zgjedhje të lira me votë të fshehtë plurale dhe të barabartë”, që jetën e mbron me ligj, që angazhohet për media të lira, për shprehje e mendim të lirë, për paprekshmëri të pronës dhe lëvizje të lirë. Të gjitha këto të drejta kanë gjetur hapësirë të madhe në Kushtetutën e Republikës së Kosovës. Këto të drejta PDK-ja i ka vendosur shumë kohë më parë. Por ai nuk po respektohet.

A nuk është kjo largpamësi?

Partia Demokratike e Kosovës, që nga fillimi, në programin e saj e ka nënvizuar se “angazhohet për ekonomi private në Kosovë, të bazuar në ligjet e ekonomisë së tregut, të hapur dhe të lirë, të integruar në institucionet euroatlantike”. Gjithashtu në programin e Partise Demokratike parashihet edhe “privatizimi i pronës shoqërore”, por jo edhe mënyra si bëhet privatizimi i pronës publike.

Po e përmbyll gjithë besimin tim të thellë dhe krenarinë time të palëkundur për Programin e Partisë Demokratike të Kosovës, me përkushtimin që partia ime kishte dikur dhe duhet ta ketë dhe tani për përkujdesjen sociale ndaj njerëzve, ku thuhet: “PDK-ja ka për qëllim mbrojtjen e shtresave shoqërore të varfra dhe të mesme mbi të cilat rëndojnë pasojat e luftës. Në mënyrë të veçantë familjet e dëshmorëve, të të burgosurve politikë dhe të viktimave të agresionit serbomadh”. Në fakt, viktima të agresionit serbomadh ishin të gjithë shqiptarët dhe qytetarët e Kosovës. Pra, të gjitha çështjet që përfshihen në programin e Partisë Demokratike të Kosovës janë parë me një largpamësi politike e intelektuale të nivelit më të lartë.

Dhe këtu nuk qëndron problemi!

Çështje zhvendoset tutje kur me hir a pa hir shpërfillen këto parime. Duke qenë se në planin partiak kam një pozicion hierarkik në udhëheqje, gjithnjë sipas besimit tuaj, sikundër edhe në planin shtetëror si kryetar parlamenti, ndihem dy herë më përgjegjës për maturi dhe respektim normash. Kohëve të fundit ky qëndrim imi është parë, me dashje a nga padija, edhe nga kolegë brenda partisë, si kryeneçësi a si rebelim. Kryeneçësi a rebelim ndaj kujt dhe për ç’interes? Ta konstatosh një shenjë sëmundjeje brenda organizmit tënd, duhet fshehur, vetëmashtruar apo duhet kërkuar anamnezën dhe shërimin? E po unë këtë kam dashur ta bëj, këtë të dytën, siç po e bëj edhe sot këtu, ngaqë e dua shëndetin e partisë sime, të organizmit tim.

Duke mbajtur qëndrim kritik ndaj veprimit tonë, rrjedhimisht ndaj individëve në subjektin tonë politik, ne nxisim aktin më të lartë të ndërgjegjes sonë si rregullator ekuilibri. Sigurisht që, e kundërta e kësaj, duartrokitja hipokrite, vardisja, paqja e rreme në sipërfaqe, do të ishte më e lehtë. Më e lehtë në dukje, por me qelbëzim brenda. Cila mendje normale do të mund ta pranonte këtë? Në jehun e vlimeve të brendshme nganjëherë dëgjohen edhe pëshpërima dhe akuza për moralizim e predikim. Dy akuza, këto, krejt të huaja për mua. Po të jetë punë sedre, të dyja këto mund t’i realizoja në planin individual, përmes publikimeve. Por, të kërkosh respektim të normave programore të subjektit tënd, nuk është prerje e degës në të cilën qëndron. Përkundrazi, disiplina dhe morali me respekt të ndërsjellë bëhen përforcime dhe siguri ardhmërie.

Nisur nga gjithë çfarë u tha më lart, besova dhe më mbajti për një kohë shpresa se do të ketë këndellje, reflektim dhe qartësi për secilin prej nesh. Por, për më shumë se dy vjet, nuk e pashë këtë gatishmëri dhe, sidomos jo, nga sundimtari i gjithëpushtetshëm i PDK-së, siç e percepton ai veten, i cili e shfrytëzon partinë për çdo gjë e si do ai, si një pronë private me shumë çipçinj të tij. Ata duhet të flasin, sipas tij, vetëm atë që e mendon shefi ose të heshtin sepse shefi mendon për të gjithë, sepse shefi i di të gjitha dhe vendos për çdo gjë. Kjo ka bërë që ai të shpallet edhe shenjtori i fundit i botës sonë, gjë që nuk ndodhë asgjëkund në botën demokratike. Vetëkënaqësia e stisur me epitetin SHEF, vetëkupton të “Madhërishmin”: kur flet shenjtori çka kanë për të thënë të vdekshmit e tjerë?

“Zgjedhjet” e fundit nacionale dhe sidomos këto të fundit partiake, dëshmojnë përfundimisht se kreu i PDK-së e ka nxjerrë tërësisht partinë nga shtrati i saj themeltar, jashtë programit e statutit të saj, rrjedhimisht jashtë të gjitha vlerave themeluese e normuese. Ka eliminuar çdo debat e diskutim e bashkë me këtë çdo vlerë që do të rezultonte gjithandej edhe për çështjet më vitale për vendin dhe kombin. As për reformën zgjedhore, “një anëtar një votë”, as për qeverisjen e fundit edhe pas shumë skandaleve nuk ka pasur gatishmëri për të diskutuar, analizuar e ndryshuar. Partia është shkëputur nga ideali kombëtar i themeluesve, nga ideali i anëtarësisë dhe elektoratit që i ka qëndruar besnik partisë, nga ideali i brezave për shtet ligjor e demokratik, nga vullneti e perspektiva për një zhvillim ekonomik, arsimor, kulturor si dhe nga obligimi e përkushtimi për një jetë më të dinjitetshme të qytetarit tonë, i cili ka sakrifikuar shumë për lirinë, pavarësinë dhe demokracinë. Kulmi i të gjitha këtyre, në dy vitet e fundit, është shfaqur në përcaktimin – emërimin e njerëzve pa asnjë kriter në institucionet më të larta të vendit, skandalet e vazhdueshme në kabinetin qeveritar deri te krimi i organizuar, i manifestuar në rastin e “Grandit”, “Veliaj” etj. Ishte më shumë se shqetësuese dhe, madje alarmuese, do të thosha, zbritja e standardit në nivel përfaqësimi institucional e qytetarë të atyre që do të duhej të ishin prezantues të aspiratave dhe kërkesave të qytetarëve të Republikës së Kosovës.

I ndërgjegjshëm se llogaridhënia nuk është përherë vetëm instanca e gjyqësisë, ndëshkimet e penalizimet (që edhe mund të manipulohen e devijohen), po para së gjithash përballja me vetveten dhe opinionin publik, më bëjnë që të mos e vë në pazar dinjitetin tim (thyerja e të cilit do të ishte e parikuperueshme). Mbi lakminë dhe shkëlqimin e përkohshëm të sedrës falso, parapëlqej çmimin e peshës së rëndë për mosbrerje ndërgjegjeje nesër. Të gjitha këto sa u thanë, përfshirë edhe zgjedhjet e fundit partiake jashtë çdo norme statuti, jashtë vullnetit të anëtarësisë së identifikuar të partisë dhe të strukturave të saj, më japin arsye dhe kurajë të mos jem pjesë e as pjesëmarrës në Kongresin “zgjedhor” të PDK-së. Përmes këtij procesi “zgjedhor”, kreu i saj ka bërë zgjedhje për të kënaqur ambiciet e tija dhe vetëm të tija, por jo zgjedhje për Kosovën dhe qytetarët e saj. Unë kam kërkuar dhe do të angazhohem për subjekt politik që bënë zgjedhje të ndershme për qytetarët e Kosovës të cilët meritojnë një jetë më të dinjitetshme.

Për angazhimin,vendimin dhe veprimin tim të mëtejshm, qytetarët do t’i informoj më kohë.

Në qoftë se veprimi im, në çfarëdo mënyre, prek sadopak membranën e ndërgjegjes suaj bashkëveprues të deritashëm, ndihem i lumtur, i qetë e me fat, përfundon Jakup Krasniqi letrën dërguar bashkëpartiakëve, me të cilën sqaron pse s’do të marrë pjesë në Kongresin e Partisë, të cilën e themeloi vetë.