SERIALI i FORUMIT

[pokeri]

Internet-Love story

Të frymëzuar me serialet, në Kosovë njerëzit kanë filluar të shkruajnë, dhe jo vetëm të shkruajnë por edhe të “inskenojnë” “Love story”.
Ja një rrëfim i vërtetë tragjiko-komik nga Interneti.
Për hir të ruajtjes së identitetit të viktimës (djaloshit nga Peja), emrin e tij dhe të familjareve të tij, që përmenden në letra nuk do ta zbuloj. Duhet theksuar se Marigona (Gonja), në realitet është një mashkull tjetër nga Prishtina… Loja e zhvilluar në fakt është një Poker klasik (jo me letra).
Gjithçka është reale!




Episodi I (letra e pare)


GONJA & xxxx
From: “Antigona” < xxxxx@ya...>
Date: Tue Feb 5, 2002 5:5:07 am

Tung N…
Mund të them që koha që e kalova me ty ishte e paharrueshme.
Me të vërtetë kurrë nuk jam kënaqur aq shumë me askend ne chat sa me ty kësaj radhe. Ti më dukesh se je njeriu më i sinqertë prej të gjithë atyre me të cilët kam pasur rastin të shkëmbej rreshta në Internet.
Ka shumë gjëra që do të kisha patur dëshirë t’i dij për ty, e me siguri edhe ti je kurreshtar të dijsh diçka më tepër për mua.
Unë jam një vashë shtathedhur, e gjatë 1.75 cm, flokët krrela-krrela bojë gështenje, sytë e gjelbër dhe vetullat gajtan. Më pëlqen sporti, posaqërisht ai dimëror, si lëshimi me “bob” saja, kërcimi me ski dhe biatlloni me gjuajtje me pushkë. Më pëlqen muzika argëtuese, duke filluar prej Britni Spirs deri te motrat Halili. Kam passion për leximin e veprave të Ismail Kadaresë, Mitrush Kutelit dhe Huan Antonio Samarzh-it. Kompjutori është një prej hobive më të rinj të cilët i kam adaptuar kohët e fundit, së bashku me mbledhjen e salvetave nga restorantet e ndryshme të botës dhe qendisjen e tenteneve dhe goblenave shumëngjyrësh me pejsazhe kosovare. Flas disa gjuhë, si p.sh. shqip (natyrisht), kroatisht, anlisht, lihtenshtajnisht dhe poashtu. Më pëlqen të dal nëpër fusha apo plazhe dhe të eci zbathur me orë të tëra. Kam pasion për grykën e Rugovës dhe bukuritë e saj të rralla natyrore të papara në botë. Më vjen mirë që je Pejan, dhe së shpejti shpresoj të kemi rastin të shetisim nëpër grykë dorë për dorë.

Prej gjërave që kisha dashur t;i dij për ty, më së shumti më intereson se si dukesh. A je kokëfortë? A ke qenë i dashuruar marrëzisht më parë, në jetën tënde? A beson në dashuri të përjetshme? Sa e ke numrin e këpucëve? A je adhurues i sportit apo politikës? A e sheh veten thellë në zemër si aventurist apo si seriozist? A beson në jetën pas vdekjes dhe reinkarnimin? Çfarë shenje je në Horoskop? Po të ishe kafshë, a do të preferoje të ishe kali, shqiponjë, derr, lopë apo kengur? Cila është për ty ngjyra më e dashur? A je xheloz?

Po e lë kaq për sonte, e shpresoj që nesër do të kem më shumë pyetje dhe përgjegje për ty.
Të përshëndes me një puthje në faqe,
GONA

Në episodin tjetër Letra e N...

[pokeri]

Episodi II (letra e N…)
From: “N….” < xxxxx@ya...>
Date: Tue Feb 5, 2002 6:16 pm

Tung Gona!
Me vjen shume mire se ke shkruar. Me duhet te them se kam shume pershtypje te mira je nje vashe shume e sinqerte. Ka kohë që kërkoj një llojë vashe sikur ty, po për fat të keq deri mbrem s’kam pasur rastin ta njoftoj ndonjë si ty. Mendimi im për ty është se je nje vashe serioze me avtoritet.

Nuk di tani ku tja filloi te përgjigjem pytjev tua. Po mir unë jam një djale me mendime serioze, nuk jam gjeloz, i dashuruar isha nje here ne nje vashe shqiptare por ajo u martua dhe me la anash kur une isha në gjermani, mir po ajo pune e ka pase. Unë tani mendoj vetëm përpara.
Une jam gjithashtu djal me shtat, 1.89 m jam i gjatë, kam 83 kg, kam sy të bojë kafes, flokë ngjyrë gështenje dhe jam njeri i sportit. Une e adhoroj futbollin, notin, vrapimin me kal dhe volibollin. Degjoj musik argetuese si: Hip Hop, Latino,
Musik argetuese ne gjuhen amtare.

Me pelqejne shume keta shkrimtare: NaimFrasheri, Gjergj Fishta, Fan Noli dhe shume te tjere.
Politiken nuk e kam ne gjak.
Nuk po dij qka te shkruaj me, me kohen do t’i tregoj te gjitha dhe shpresoj që edhe ti mua të mi tregojsh të gjitha.

te pershendet me puthje ne faqe i dashuri N…
Ruje veten

[pokeri]

Episodi III (letra e Gonës)
From: “Antigona….” < xxxxx@ya...>
Date: Web Feb 6, 2002 1:45 am

Me erdhi shuuume mirë që ma ktheve përgjegjen aq shpejt. Nuk më pritej ta dija se a do të më lajmrohesh prap apo jo. Kam dëshirë të flaktë të mbaj kontakt me ty permes Internetit fillimisht e mandej ndoshta edhe do të takohemi një ditë.
Prej asaj çka më shkruan, mua nuk më besohet se në botë ka mashkull i cili përshtatet me mendimet e mija, stilin si dhe shijen për gjërat e bukura që i ofron jeta. Më pëlqen se je person që mendon vetëm përpara, sepse ardhëmria është ajo e cila po na pret. E kaluara nuk ekziston më pos në mendjet tona, të cilën duhet mbajtur mend dhe duhet mësuar prej gabimeve që mund t’i kemi bërë atëherë. Por prapseprap e kaluara nuk mund të ndërrohet dhe ardhmëria është ajo që na pret krahehapur në gjirin e saj.
Edhe unë jam një person që mendon se s’i ta ben jetën sa më interesante dhe më të ëmbël duke menduar pozitivisht për ate që na pret. Ndjenjat e mija, sidoqoftë, shporesojnë se ti do ta përbësh një pjesë shumë të rëndësishme të jetës sime.
Me këtë email vendosa të ta dërgoj edhe një foto timen, të cilën e ka fotografuar motra ime Milingona, në ballkonin e shtëpisë së gjyshës në qendër të Prizrenit. Shpresoj se fotoja do të të pëlqej. Siç po e sheh, atë ditë kam qenë e disponuar se kishte kaluar kohë e gjatë prejse e kisha parë atdheun dhe dhomën e ngrohtë të gjyshës. Nuk mund ta përshkruaj gëzimin që e përjetoj sa herë ta kaloj pragun e derës së gjyshës dhe e ndiej erën e livandës nga Bullgaria të përzier me aromën e çajit të përveluar në shporetin me dru.

Sa më erdhi mirë që të pëlqen sporti. Unë jam shumë pasionare për aktivitete sportive. Jam e flaktë për futboll, gjithashtu. Më pëlqejnë yjet e paharrueshëm të futbollit si Zbignjev Bonjek, Doktor Sokrates, Piter Shilton, Skender Shengyli dhe Migjen Kelmendi. Më pëlqen se si futbollistët brazilian e kanë nga një pseudonim, si Ziko,Pele etj. Ty a të thërrasin shokët me ndonjë pseudonim interesant? A je i shpejt si delfin, i saktë sikur shigjetë dhe i zgjuar si një kompjutor? Edhe mua kafshët shumë më pëlqejnë, sidomos kuajt. Për këtë arsye edhe ti po më pëlqen shumë. Gjithmonë kam ëndërruar ta takoj një mashkull i cili do të më merrte në sheti në shpindë të kalit. Volejbollin e adhuroj poashtu, sidomos ate të plazhit, ngase kur jam e zhveshur e ndiej veten se jam bashkuar me natyrën. Nuk ka ndjenjë më të mirë se kur puhia e lehtë verore e plazhit të Ulqinit e ledhaton trupin tim të zhveshur në muzg.
Kam dëshirë të ma dërgosh një fotografi tënden. Edhepse mendoj se je njeriu më i përsosur që kam takuar deri më tani dhe e ndiej veten shumë të lumtur për këtë, kisha patur shumë dëshirë të shoh se si dukesh qe ta kem një përfytyrim komplet tëndin kur bie në shtrat të flej dhe nuk më merr gjumi. Unë nuk jam person që e vlerëson dikend sipas pamjes së tij fizike. Unë mendoj se pasuria më e madhe tek njeriu fshehet thelle në shpirtin e tij. Deri sot, askush nuk më ka lënë përshtypje më të thella me aq pastërti shpirtrore sa me ke lënë ti! Nëse ke ndonjë ku të duket pjesa e epërme e trupit lakuriq, do të kishte qenë edhe më mirë. Një tip sportist si ti medeomos se duhet t’a ketë trupin e një atleti.

Nuk po di ç’të shkruaj më. Është bërë vonë për mua nuk më merr gjumi duke menduar në ty. Kam dëshirë t’i di te gjithat për ty. Kam dëshirë të më tregosh për çdo gjë që të shtin të qeshesh dhe çdo gjë që të shtin të qajsh. A e adhuron filmin? Unë jam e flakët për film. Filmi im më i dashur për mua është Pulp Fiction dhe Lepuri me 5 këmbë. Aktorët më të dashur janë Al Paqino, Adem Mikullovci, Xhulia Roberts. Leze Qena, Petrit Selimi si dhe treshi përsheshi (kuptohet).

Sa jam gëzuar kur më tregove se je adhurues i Fishtës, Naimit dhe Fan Nolit. Me siguri se edhe Asdrenin, Andon Zako Çajupin edhe Naim Abazin i ke në listën e shkrimtarëve më të dashur. Unë i çmoj shumë mashkujt të cilët lexojnë libra…
Por ata janë shumë të rrallë. Ti, N… je thjesht një person se vetëm kam ëndërruar se do ta takoj një ditë.
Shpresoj se ky email të gjen edhe më të lumtur sot se që ke qenë një ditë më parë, e të nesërmen do të ndihesh edhe më i lumtur se një ditë më herët-që do të ishte dita e sotme.
Të përshëndes duke të puthur ngrohtë me këto vargje të Fishtes:
Ah! Po a’ e ëmbel fjala e saj,
porsi gjumi m’nji kerthi,
porsi dita plot uzdajë,
porsi gazi i pamashtri,
edhe ndihet tue kumbue
porsi flata e Kerubimit,
ka’i bien qiellvet tue flutrue
n’t’zjarrtat valle t’amëshimit.

Të don deri në amshim,
Gona!


[img]ttp://img215.imageshack.us/img215/6535/hilde3jt.jpg[/img]

[pokeri]

Episodi IV (letra e N…)
From: “N….” < xxxxx@ya...>
Date: Web Feb 6, 2002 6:25 pm

Hi Gona!

Te pershendes nga zemra, dhe dua te falemenderoj per fotografin qe ma sjelle permes e-malit. Jame shume i kenaqur se ke deshire te mbashe kontakt me mua. Dhe kjo me jep shprese se ka vajza shqiptare te sinqerta ne kete bote me te cilat njeriu pa i par hiq fare apo kontaktue me to, mirret vesh me mire si me ato qe i njef prej hyrjes ne parashkollore. Mua me vjen mire se i do gjerat te cilat edhe une i dua. Une stju kam pergjegjur ende te gjitha pytjeve tua qe mi ke bere dhe per at arsye do ta bej ate kete here.
Ti deshte ta dish a jam i shpejt si delfini, i sakte si shigjeta dhe menqur si kompjuteri. Une mund te them pa e livduar veten se te triat me pershtaten mu.

Numrin e kembes e kam 42. Po te kasha mundesine per te qene shpez a kafsh nga te cilat ti ke propozue kisha pase deshire të jem SHQIPONJE sepse shqiponja eshtë një shpese i cili jeton neper bjeshket tona te nemura dhe une ato bjeshke shume i adhuroj, gjithashtu edhe ujin e tyre te ftohte i cili me kenaq zemren time te permalluar per atdheun tone te bukur. Shenja ime ne horoskop eshte shigjetari dhe me kete shpresoj qe do te bindesh se jam i sakte sikur shigjeta.

Une jam nje njeri qe beson ne dashuri te perjetshme mir po kjo do te jete e mundshme kur dy persona qe duhen ta respektojne njeri tjetrin ndryshe sdo te kete dashuri te perjetshme. Te ne shqiptaret ka edhe dashuri per ftyre (nese mundesh ta kuptosh). Po gjithashtu besoj ne nje jete pas vdekjes. Kurse ngjyra ime me e dashur eshte ngjyra e kaltër, ndërsa numri im më i dashur është numri 7. Unë kam dëshirë të di çfarë punojnë prindërit e tu, si e ke mbiemrin, qfare ben ti, si duhet te duket djali i ëndrrave tua të cilin ti dëshire ta njofshe. Unë jam duke bërë një zanat si xxxxxxxxxxx, kurse babain e kam Ing. Xxxxxxx, e nëna është shtëpiake. Ti mundesh të më përgjegjesh edhe atyre pytjev të cilave une iu përgjigja. Unë kam dëshirë poashtu ta di kur e do të shkosh në Kosove? Antigona me fal por se kam mundesin ta dërgoj një fotografi se nuk kame scaner mu ka prish. Me fal por duhet te pritesh pak, une do ta sjelli gjithqysh nje fotografi Ty(patjeter me beso).

Te pershendet me nje puthje te ngrohte N….

P.S. Me shkruaj e dashurë. (I love you)

[pokeri]

Episodi V (letra e Gonës)



From: “Antigona” xxxx@ya...
Date: Thu Feb 7, 2002 3:32 am
Subjekt: Re: I love you in my dreams lady?

N… idashur,
Nuk mund ta përshkruaj sa me padurim po i pres emailat e tu. Pakëz u dëshprova qe ky i fundit nuk ishte i shoqëruar me një fotografi tëndën, po ti ma spjegove mirë situatën e skenerit dhe do të të mbaj në besë se këtë javë do të mi dërgosh disa foto tua (sidomos ate të zhveshur prej rripit e perpjetë).
Kur i lexova përgjigjet tua nuk u besova syve të mi edhe gjymsë ore mu desh të vij në vehte. Nuk mu besonte se dikush mund të më përshtatet aq shumë sikur ti qe mu ke përshtatur mua. Po e ndiej vetën të përputhur me ty sikurse një lugë e supës që është e mbështetur në lugën tjetër në kuzhinën e gjyshës sime në Prizren. Ti më
dukesh sikur një çelës i cili mund ta hapë vetëm një dry në tërë botën-mua.
Unë i adhuroj shqiponjat, jo vetëm se vij prej një vendi ku ato janë simboli ynë, por edhe se ato e kanë një karizmë të fshehur tek njerëzit intelegjent dhe të hareshëm sikur une dhe Ti. I vetmi dallim që po e gjej në mes meje dhe teje është numri i këmbës! Unë e kam 39.5, por kjo edhe nëkuptohet ngase unë jam femër e ti mashkull, prandaj nuk më bezdis aspak. Unë gjithashtu besoj në dashuri të përjetshme, e cila arrihet respekt reciprok, vetkënaqësi fizike dhe energji kozmike pozitive. Çka më bëri të habitem ishte numri yt i fatit! Është për t’u mos besuar, por edhe unë numrin 7 e kam numër të fatit! Kur mbeti nëna ime shtatzënë me mua i kishte 21 vjet (që plotpjestohet me 7), jam e lindur me 7 shtator, pra në muajin e shtatë, Borëbardha dhe 7 shkurtabiqat ishte përralla ime më e dashur. Me 7 vjet kam filluar të shkoj në shkollë, e dua çdo ditë të javës (e ato janë 7) si dhe i kam 7 anëtarë të familjes. Siç po e sheh, numri 7 më përcjell çdokund dhe më bjen fat. Bile po e ndiej veten shumë fatlume në këtë moment se është data 7 shkurt dhe e kam ndjenjën se sot do ta pranoj një email të shkëlqyeshëm prej teje (shpresoj se do ma dërgosh edhe foton e premtuar).
Siç të thash pakëz më herët, familja ime përbehet prej 7 antarëve. Prindërit, 4 motrat dhe vëllaun tim i dua dhe i çmoj pa masë dhe jam e lumtur se jam anëtare e nje familjeje aq kompakte dhe mpozante. Nëna më quhet Nekibe dhe punon si daktilografiste në repartin e psikofizikës në kompaninë e njohur “Toshiba” në Londër. I ati quhet Myrtez, dhe është biçiklist profesional dhe garon për ekipin “Twickenhaim CC”. Ai është i flaktë për sport. Mbiemrin e kemi Haxhibuleshkaj, me prejardhje nga rrethi i Prizrenit. Jemi 5 fëmijë, 4 vasha dhe një djalë :Milingona, Antigona, Marigona, Egzona dhe Maradona. Vëllau im i vetëm Maradona, ka lindur më 22 qershor 1986.


(kjo letër) Vazhdon……

[intelektualja]

kesaj pune o poker i thon : "margaritas ante porkas"!