Perplasje Brenda Partise 'demokratike' Te Kosoves

[Tropojani30]

Postimi origjinal është bërë nga MemphiSx

Rahmet shpirti i past PDK-s...se...a thu a osht e vertet se drejtesia don me ja nis me funksionu!

Ska vend ne LIRI per KRIMINELA!

Llapit, duhet shprehe ngushllime mbase, ka derdhe mund ne te gjitha forumet me propaganden alla hashimqe, duke mashtruar veten i gjori. Vetmashtrimi eshte semundje psiqike: e cila brymoset me shizofrenine sporadike, fundi eshte tragjiko-komik. Llapi ke kujdes se mund te pesosh keq nga zhgenjimi...

[Tropojani30]

Limaj: Thaçi, një hipokrit






Ish-ministri i Transportit, Fatmir Limaj, e quan jo kushtetuese kërkesën të cilën qeveria e Kosovës ia bëri Gjykatës Kushtetuese për të zgjidhur çështjen e imunitetit të deputetëve.
Në një intervistë për Top Channel, deputeti kosovar i cili prej kohësh përballet me procese gjyqësore sa për krime lufte dhe për korrupsion, nuk preferon më të flasë për to. Ai ndalet te Gjykata Kushtetuese e cila sipas tij do të duhej fillimisht ta shqyrtonte kushtetutshmërinë e kërkesës së qeverisë.

“Gjykata Kushtetuese duhej ta hidhte poshtë si kërkesë. Kërkesa e qeverisë ka qenë jo kushtetuese dhe qeveria nuk është organ kompetent që mund të kërkojë interpretim. Imunitetin asnjë kushtetutë në rajon nuk e ka më të qartë se sa Republika e Kosovës dhe aty s’ka çfarë të interpretohet. Kjo kërkesë është thjesht një kamuflim pasi qeveria nuk ka nevojë të kërkojë për deputetët, për presidentin. Qeveria, nëse ka nevojë duhet që të kërkojë për qeverinë”, deklaron deputeti, Fatmir Limaj.
Në qoftë se Gjykata Kushtetuese vendos në kundërshtim me atë që sipas Limajt veç është e rregulluar me kushtetutë atëherë ai konsideron se bëhet shkelje e të drejtave të njeriut për të cilat ekzistojnë rrugë ligjore që e përmbysin.
Por kjo nuk është çështja e vetme për të cilën Limaj mendon se nuk po respektohet Kushtetuta e Kosovës. Ai i bashkohet opozitës në deklarimet e tij se marrëveshjet e fundit me Serbinë janë hapa prapa dhe në kundërshtim me Kushtetutën e vendit. “Aplikimi i vulës doganore pa mbishkrimin kryesor, Republika e Kosovës është shkelje kushtetuese dhe këtë askush nuk ka të drejtë të bëjë”, thotë Limaj.
Një temë e cila është shumë aktuale e për të cilën Limaj duket se ka çfarë të thotë janë publikimet që dalin nga Wikileaks. Kabllogramet të cilat lakojnë emrin e kryeministrit Hashim Thaçi i cili sipas Wikileaks frikësohej që në zgjedhjet e fundit të shkonte me lista të hapura, bëjnë që Limaj t’i quajë hipokritë, siç thotë ai, ata të cilët kanë diskutuar çështje me ndërkombëtarët para se t’i shtrojnë ato në parti.

“Po ta kishte thënë në parti absolutisht nuk do të ishte hipokrizi. Por nuk kam dëgjuar asnjëherë, asnjë ndonjë shqetësim tjetër të zotit Kuçi”, shprehet Limaj.
I pyetur se cila do të jetë e ardhmja e tij politike për shkak edhe të kundërshtive brenda partisë në të cilën ai bën pjesë, Limaj përgjigjet shkurt, thotë se ajo varet nga vota e qytetarëve të Kosovës.
Por nënkryetari i Partisë Demokratike të Kosovës nuk nguron të thotë se Partisë Demokratike i duhen reforma të thella. “Partia nuk reformohet duke ruajtur mentalitetin e vjetër e duke prurë individë, partia reformohet me ide, e metoda”, deklaron Limaj.
Kjo sipas tij nuk nënkupton ndërrimin e figurave politike, por duke folur për faktin që kjo parti nuk ka mbajtur mbledhje për 11 muaj, Limaj thotë se kjo nuk guxon të ndodhë. /tch/

[Guri i madh]

po tuni se qenka perzie perzereni a

[Llapi]

Postimi origjinal është bërë nga Tropojani30

Llapit, duhet shprehe ngushllime mbase, ka derdhe mund ne te gjitha forumet me propaganden alla hashimqe, duke mashtruar veten i gjori. Vetmashtrimi eshte semundje psiqike: e cila brymoset me shizofrenine sporadike, fundi eshte tragjiko-komik. Llapi ke kujdes se mund te pesosh keq nga zhgenjimi...

o mani ymyd ne koqe te dashit mani
e mosa bleni mish

Llapi nuk ka perse zhgenjehet
jemi tuj qeveris vendin per mrekulli
dhe te pakten do ta qeverisim edhe nja 25 vite
populli po na perkrah me voten e vet
e ne po i shperbleim me qeverisje te mier

[MemphiSx]

Postimi origjinal është bërë nga Llapi

o mani ymyd ne koqe te dashit mani
e mosa bleni mish

Llapi nuk ka perse zhgenjehet
jemi tuj qeveris vendin per mrekulli
dhe te pakten do ta qeverisim edhe nja 25 vite
populli po na perkrah me voten e vet
e ne po i shperbleim me qeverisje te mier

Lap,pershnetma tadicin kur ta shihsh edhe niher :D

Pasha qit akshom,sa per qe din hashimi me qeveris dikon,tybe roje t'stacionit te autobusav te skenderajt se kisha lon :D :D

po i ka njo 30 kshilltar mas,edhe sjon ka i bojn pune :)

Me tadicin mir raportet a?

[Daglasi]

Postimi origjinal është bërë nga Llapi

o mani ymyd ne koqe te dashit mani
e mosa bleni mish

Llapi nuk ka perse zhgenjehet

Nuk zhgenjehesh,se ta ha menja,ku je hi ,ska kush qe te qet

jemi tuj qeveris vendin per mrekulli

Qata 60% te popullates,me ba mu ba liberalizimi i vizave,e leshojn Kosoven,

dhe te pakten do ta qeverisim edhe nja 25 vite

qe dojn shba edhe 1 vjet,me se shumti edhe 5 vjet,

populli po na perkrah me voten e vet

Hajt kalxona,me hamburger qysh esht puna

e ne po i shperbleim me qeverisje te mier

Per disa qe jan ne pdk,(se per te gjithe,po menoni nuk ka,e nuk po i leni tan me kerkue,duke ja mar pasunin Kosoves,per interesa personale...

[Tropojani30]

Postimi origjinal është bërë nga Llapi

o mani ymyd ne koqe te dashit mani
e mosa bleni mish

Llapi nuk ka perse zhgenjehet
jemi tuj qeveris vendin per mrekulli
dhe te pakten do ta qeverisim edhe nja 25 vite
populli po na perkrah me voten e vet
e ne po i shperbleim me qeverisje te mier

Edhe gomari thonte jam ne enderr..........

Gazeta Zeri
Thaçit i shtohen “armiqtë”






(E plotësuar) Partia Demokratike e Kosovës (PDK) ka nevojë që të reformohet, të ecë në hap me kohën dhe të tregohet e përgjegjshme si në raport me strukturat e saj udhëheqëse, gjithashtu edhe me qytetarin e vendit.
Vendimet që merr krye në vete kryetari i kësaj partie, Hashim Thaçi, duhet të zhvendosen aty ku e kanë vendin – në organet e partisë, ku do të kontribuonte fuqishëm e gjithë kryesia e partisë. Kështu mendon sekretari i përgjithshëm i PDK-së, Jakup Krasniqi, i cili gjatë një prononcimi për “Zërin” ka thënë se është i përqendruar dhe do të përqendrohet çdoherë që ta ndryshojë gjendjen e brendshme në këtë subjekt politik.
“Në të ardhmen e afërt të gjitha angazhimet e mia dhe përpjekjet (do të jenë) për ta reformuar partinë, për ta bërë një subjekt politik të përgjegjshëm, për të qenë në shërbim të vendit dhe atdheut, do të publikohen”, ka thënë ai.
Njëri nga figurat kryesore të partisë më të madhe në vend thotë se mënyra se si merren vendimet në këtë parti nuk është demokratike.
“Vendimmarrja jo gjithherë është në organet e duhura, prandaj edhe angazhimi im ka qenë dhe vazhdon të mbetet që vendimmarrja të mbetet në organet e partisë, në organet që kanë dalë nga një kongres ose kuvend i partisë, organe që parashihen me statutin e Partisë Demokratike dhe natyrisht ta respektojmë edhe programin e partisë, një program dhe një statut që janë të miratuara nga kuvendet e saj”, është shprehur ai.
Sekretari Krasniqi, nuk është i vetmi person në këtë subjekt politik që mendon se partia më e madhe në vend duhet t’i hapë dyert ndaj reformave.
Anëtari i kryesisë së kësaj partie, Hydajet Hyseni, thotë se të gjitha partitë politike në Kosovë duhet të reformohen. “Mendoj se partitë tona politike në përgjithësi nuk funksionojnë në baza demokratike dhe e konsideroj njërën nga sindromat më serioze të skenës politike kosovare”, thotë ai.
Deputeti Hyseni mendon se nëse në PDK nuk “troket” reforma, atëherë kjo parti do të ecë rrugës që ka rrugëtuar dikur Lidhja Demokratike e Kosovës, e cila pas centralizimit dhe pakënaqësive të shumta është përballur me ndarjen në dysh.
“Njëra nga arsyet që ka shkaktuar vështirësi dhe kriza në LDK prej fillimit ka qenë pikërisht kjo: mosfunksionimi në baza demokratike. Për fat të keq këtë sindrom të Lidhjes Demokratike të Kosovës sikur e kanë huazuar edhe partitë tjera politike, duke përfshirë edhe Partinë Demokratike të Kosovës, e cila ishte më demokratike se tjerat, por për fat të keq dalëngadalë po rrëshqet edhe ajo nga format e diskredituara të partive tjera dhe të LDK-së”, shprehet Hyseni.
I pyetur rreth vendimmarrjes, për të cilën anëtarët e PDK-së thonë se në këtë parti është e drejtë ekskluzive e kryetarit të tyre, Hashim Thaçi, Hyseni thotë se funksionimi demokratik nënkupton organizim demokratik dhe vendimmarrje në baza demokratike, duke respektuar debatin para vendimeve dhe vendimet nga organet.
Ngjashëm mendon edhe anëtari tjetër i kësaj partie, Nait Hasani, i cili thotë se jo vetëm PDK-ja, por e gjithë shoqëria në Kosovë duhet të reformohet, ngase, sipas tij, nga mosreformimi i partive politike është duke vuajtur pasojat e gjithë shoqëria kosovare.
“Duhet të ketë një standard në ligjin zgjedhor që partitë politike të reformohen. Ligji për Zgjedhjet duhet ta ketë një nen që partitë politike mund të regjistrohen, mund të konkurrojnë vetëm nëse kanë bërë reforma”, thotë deputeti Hasani.
Ai mendon se do të ishte mirë sikur PDK-ja dhe kryetari i saj Thaçi, ta marrë model ish-kryeministrin e Britanisë së Madhe, Tony Blair.
“Tony Blair ishte kryeministër, dha dorëheqje dhe ia lëshoi vendin kolegut të tij që t’i bëjë reformat. Ky do të ishte një model shumë i mirë nëse duam të shkojmë drejt demokracisë perëndimore”, thotë Hasani.
Mirëpo, analisti Avni Zogiani thotë se është shumë e vështirë që dikush brenda PDK-së ta reformojë këtë parti, meqenëse kryetari i partisë demokratike, Thaçi, sipas tij, është figurë shumë e fuqishme brenda partisë.
“Është shumë vështirë sepse zakonisht partitë politike në Kosovë nuk funksionojnë në varësi nga ajo çka mendon elektorati ose baza e partisë. Unë mendoj se momentalisht për shumë arsye kryeministri Thaçi është i zgjedhuri i ndërkombëtarëve për të qenë në krye të PDK-së”, thotë Zogiani, duke shtuar se pikërisht dëgjueshmëria absolute ndaj ndërkombëtarëve e bënë të sigurt të parin e PDK-së që të bëjë çka të dojë në këtë parti.
PDK – parti e tenderëve
Analisti Avni Zogiani thotë se në vend se të quhet demokratike, më mirë do të ishte që PDK-ja të kishte emrin Partia e Tenderëve të Kosovës, meqenëse ky është detaji, sipas tij, me të cilin identifikohet kjo parti.
“PDK-ja momentalisht është parti e tenderëve, pra të gjitha pozicionet, raportet e forcave brenda PDK-së përcaktohen në varësi nga tenderët dhe në varësi nga fuqia e shantazhit, reketimit. Disa figura në PDK janë të forta vetëm pse kanë fuqi të shantazhojnë, prandaj në këtë parti nuk flitet për demokraci por për fuqi”, thotë Zogiani.

[Llapi]

Ambasadori Dell ‘mësit’ i PDK-së tek AAK-ja


Nga Express më 12 shtator 2011 në ora 16:02
“Kërcënimi” që Partia e Drejtësisë, e cila është pjesë e Koalicionit për Kosovë të Re, i ka bërë partnerit të koalicionit, PDK-së, për mundësinë e daljes nga qeveria, mund të jetë një lajm i mirë për Aleancën për Ardhmërinë e Kosovës, e cila pas zgjedhjeve përjashtonte çdo mundësi të koalicionit me PDK-në, përderisa tani ka zbutur qëndrimin në këtë drejtim.

Burime të Kosovapressit kanë bërë të ditur se brenda AAK-së, tashmë kanë nisur llogaritjet për ndarjen e posteve në kuadër të Qeverisë së Kosovës, si pjesë e një koalicioni të ri që mund të arrihet ndërmjet PDK-së dhe AAK-së.

Sipas këtyre burimeve, edhe vizita e ambasadorit amerikan në Kosovës, Kristofer Dell në selinë e AAK-së të hënën, ishte në shërbim të këtij qëllimi.

Sido që të jetë, vetë ambasadori Dell ka thënë se vizita ishte një kontakt i zakonshëm me AAK-në, sikur me secilën parti politike që vepron në Kosovë.

“Ky ishte vetëm një nga kontaktet e zakonshme dhe të vazhdueshme, të cilat i kemi me AAK-në për të biseduar për çështje të ndryshme politike, çështjet e legjislacionit, çështjet ditore, të cilat kanë të bëjnë me përditshmërinë. Kjo është pjesë e punës së zakonshme me partitë politike që veprojnë këtu”, ka thënë Dell pas takimit me nënkryetarin e AAK-së, Blerim Shala dhe zyrtarët tjerë të kësaj partie.

Ndërsa Blerim Shala ka mohuar të jetë diskutuar për mundësinë e hyrjes së AAK-së në koalicion me PDK-në, nëse Koalicioni për Kosovë të R del nga koalicioni, por për dallim prej deklaratave të mëhershme, tani Shala ka thënë se AAK-ja është e gatshme të bashkëpunojë me të gjitha partitë për interes të vendit.

“Ne këtë debat e kemi pasur edhe më herët, e kemi marrë një vendim, kështu që asgjë të re në këtë drejtim nuk ka. Gjithsesi sa u përket interesave shtetërore ne bashkëpunojmë me të gjitha partitë politike. E kemi thënë në Kuvend pozicionin tonë për të gjitha temat e rëndësishme. Ne natyrisht jemi të bindur që integriteti i Kosovës duhet të garantohet në veri, që për të gjitha temat tjera ku kemi interes të përbashkët, duhet të diskutojmë së bashku dhe të marrim vendime së bashku”, ka thënë Shala.

Sidoqoftë, burimet e besueshme brenda AAK-së, kanë bërë të ditur se ka nisur afrimi i partisë së tretë opozitare me partinë më të madhe në vend, PDK-në, sidomos pas paralajmërimeve që kanë ardhur nga tabori Koalicioni për Kosovë të Re, përkatësisht Partia e Drejtësisë.

Aleanca për Ardhmërinë e Kosovës pas zgjedhjeve të fundit ka qenë partneri më i preferuar i Partisë Demokratike të Kosovës, mirëpo disa prej zyrtarëve më të fuqishëm të AAK-së, kanë qenë këmbëngulës që të ketë koalicion të gjerë ndërmjet PDK-së, LDK-së dhe AAK-së.

Mbetja në opozitë si partia e tretë opozitare në Kuvendin e Kosovës, duket se e ka ‘kthjellur’ AAK-në, e kjo nuk ka lënë pa u vërejtur as nga PDK-ja, e cila pavarësisht kërcënimeve të deputetëve të Partisë së Drejtësisë për zvogëlimin e numrave të koalicionit, duket të mos jetë e shqetësuar, ngase llogarit në mundësinë e koalicionit me AAK-në.

Ndryshe, disa prej deputetëve të Partisë së Drejtësisë kanë kërcënuar se do të dalin nga koalicioni, nëse edhe më tutje vazhdon mosimplementimi i kërkesave të Partisë së Drejtësisë për futjen e lëndës fetare dhe lejimi i përdorimit të shamisë në shkollat publike. (Kosovapress)