Ndërroi jetë presidenti i Kosovës Dr Ibrahim Rugova

[Barb|Ka]

Postimi origjinal është bërë nga Psikologu

Ne vargune kengeve , në kengen e ardheshme të trimeris, burreris e ndershmeris je TI , dhe do të jesh TI, e cdo here vetem TI.
Pse , e kush përpos teje , e kush pas teje, a thua ne token tonë të shtrenjet do të lindin burrat , dijetaret, studjuesit , kombtaret sikur TI.
Jo, duhet kohë e kohë qe të lindin e të rriten , por mudnen të frymezohen , të mesohm nga TI , por jo të jenë si TI.
TI, zerin e Dardanisë e përhape dh e percjelle ne cdo skëj të botes, ne cdo vend ku ka ecur dhe shkelur kemba e njeriut. e TI , tash pushon në paqe dhe në amshim , por NE , pa ty , i kalojmë keto ditë me plotë merzi , me munges dhe me mallengjim.
Jetimet e kan keshtu , se ne kohen më të duhur u vdesë baba, u vdesë gezimi, që të mbesin me lot për sy , e më zemer të thyer.
A thua pse?
Të pakten sikur të na shifje nga mergata se sa shumë na mungon , e dij se do të vije prapë që të na dhurosh edhe njehere buzqeshjen tende trimerore, të na dhurosh e thuash fjalet me të urta e me të matura që kurrë nuk munden të peshohen , kurrë nuk munden të jënë të dobeta, fyese e as ngacmuese.
TI dhe vetem TI ,je dhe do të jesh e mbetesh flamurtar i parë në historin tonë.
Pushofshë ne paqe e lavdi për ty cdo herë , cod hre , përderisa ti themi bukes bukë , e ujit uji.

Lavdi vepres.
Lavdi jetes.
Lavdi dituris dhe Lavdi menuqris , burreris dhe trimeris tende.

Je dhe do të jesh cdo here ne zemrat tona, ne kujtimet tona, ne krenarit tona që të kishim ne mesin tonë.


Lavdi dr:Ibrahim Rugova.

Me pelqej shume Analisti ose Psikologu

[Psikologu]

Rehn: Standardet çojnë Kosovën drejt Evropës


Rehn: Plotësimi i standardeve që Kosova të shkojë drejt Evropës
Komisioneri për zgjerim i Bashkimit Evropian, Olli Rehn, i tha BBC-së se rruga më e mirë për Kosovën që të sigurojë perspektivën evropiane është vazhdimi i përmbushjes së standardeve.
Zoti Rehn, që mori pjesë në varrimin e presidentit Rugova, tha se vdekja e tij erdhi në një moment kritik për procesin e bisedimeve.
Ai, së bashku me shefin e diplomacisë evropiane, Havier Solana, u ka bërë thirrje udhëheqësve shqiptarë që të bashkohen.
Arbër Vllahiu bisedoi me zotin Rehn në Prishtinë.
Mënyra më e mirë për të siguruar perspektivën evropiane është që të punohet për përfundimet e suksesshme të procesit të statusit. Kjo gjithashtu nënkupton përmirësimi i standardeve në kuptimin e decentralizimit, mbrojtjen e pakicave.

Ollie Rehn, komisioneri evropian për zgjerimin

BBC: Zoti Rehn, Kosova po hyn në një fazë të re, atë të pas Rugovës. Si e shihni tani situatën këtu?
Zoti Rehn: Kam ardhur që të ndaj çaste të dhimbjes me njerëzit e Kosovës dhe të shpreh simpatinë tonë e të mbaj zi. Tani është me rëndësi që të respektohet trashëgimia e presidentit Rugova dhe kjo më së miri do të bëhej nëse sigruohet se Kosova e kupton perspektiven e saj evropiane.

BBC: Nëse ju besoni se perspektiva evropiane është e ardhmja e Kosovës, atëherë si do të arrihet kjo rrugë deri në Evropë?
Zoti Rehn: Mënyra më e mirë për të siguruar perspektivën evropiane është që të punohet për përfundimet e suksesshme të procesit të statusit. Kjo gjithashtu nënkupton përmirësimi i standardeve në kuptimin e decentralizimit, mbrojtjen e pakicave. Me qëllim që kjo të ndjek negociatat për statusin, unë besoj se do të ketë unitet të udhëheqjes në Kosovë dhe kapacitete efektive për të negociuar për statusin.


Është mençuri për të bërë thirrje për stabilitet dhe unitet në mesin e udhëheqjes politike.


Ollie Rehn, komisioneri evropian për zgjerimin

BBC: Të gjithë faktorët ndërkombëtarë po bëjnë thirrje për unifikim të faktorit politik shqiptar në këtë kohë. Keni parë ju apo mos po parashihni probleme në mesin e udhëheqjes kosovare pas Rugovës?
Zoti Rehn: Ne të gjithë i dimë tensionet e të kaluarës brenda shoqërisë kosovare dhe gjithashtu i dimë edhe ngjarjet e të kaluarës. Prandaj është mençuri për të bërë thirrje për stabilitet dhe unitet në mesin e udhëheqjes politike. Është në interes të Kosovës që të ndjek me sukses bisedimet për statusin dhe që të krijojë një vend të Kosvës në Evropë.

BBC: Cka mund të bëjë tani Evropa dhe ju si komisioner i BE-së, për Kosovën.
Zoti Rehn: Parasëgjithash ne po e mbështesim Martti Ahtisaarin në përpjekjen e tij për të ndihmuar një zgjidhje për statusin e ardhshëm të Kosovës. Mbi të gjitha ne po planifikojmë që në fazën e ardhshme, pavarësisht nga rezultati i bisedimeve për statusin, të bëjmë detyrën tonë së bashku me udhëheqjen e Kosovës që të sigurojmë për Kosovën një përputhje me perspektivën evropiane. Ne po ofrojmë burime të rëndësishme dhe do të vazhdojmë t'i ofrojmë ato, psh në fushën e ligjit dh e të rendit, polici, sistemin juridik si dhe në fushën e zhvillimit ekonomik. Besoj se kur të kemi një zgjidhje për statusin ne të gjtihë do të kemi më shumë mundësi të zhvillojmë ekonominë në Kosovë. Natyrisht ne duhet të punojmë për standardet dhe kjo nënkupton se Kosova do të mund të bëhet një shoqëri zemërgjerë dhe shumëkombëshe.

BBC: Ju e përmendet zotin Ahtisaarin. A parashihni ndonjë problem për bisedimet ndërmjet Prishtinës dhe Beogradit pas vdekjes së zotit Rugova.
Zoti Rehn: Natyrisht se vdekja e tij është një humbje e madhe për Kosovën dhe qytetarët e saj. Vdekja e tij erdhi në një moment kritik për procesin e bisedimeve. Por kjo është një arsye më shumë që të tregohet uniteti dhe një organizimin më efektiv i negociatave nga ana shqiptare me qëllim që kur presidenti Ahtisaari është i gatshëm t'i ftojë përfaqësuesit e Prishtinës dhe Beogradit për bisedime, pala kosovare të jetë e bashkuar dhe me një mandat të qartë që do të ndihmojë përparimin në bisedime.

BBC: Ju takuat udhëheqjen shqiptare gjatë kohës sa po qëndronit në Prishtinë. Dhe përveç thirrjes për bashkim, çfarë porosie të qartë u dhatë atyre?
Zoti Rehn: Ne takuam udhëheqjen kosovare dhe zotin Soren Jessen-Petersen dhe në ditën e varrimit të presidentit ne shfaqëm simpatinë tonë dhe ndamë dhimbjen me popullin e Kosovës. Ne gjithashtu diskutuam me ta të ardhmen sepse kjo është ajo që presidenti Rugova do ta donte. Ne kemi nënvizuar vendosmërinë tonë për procesin e bisedimeve dhe kemi nënvizuar faktin se na duhet stabiliteti dhe uniteti i udhëheqjes kosovare.

BBC: U thatë ju atyre se e doni një president konsensual pas Rugovës?
Zoti Rehn: Përveç përqëndrimit në këto çaste të ndjeshme dhe të dhimbshme ne kemi biseduar me udhëheqjen kosovare për të ardhmen e Kosovës. Ne besojmë se ata do të kenë mundësi që të bashkohen dhe kjo do të ketë efekte në bisedimet për statusin.

BBC: Zoti Rehn a i ka BE-ja dyert e hapura tani për Ballkanin Perëndimor?
Zoti Rehn: Po. BE-ja e ka përkushtuar veten për një perspektivë evropiane për Ballkanin Perëndimor. Në fakt ne sot do të paraqesim një numër propozimesh për hapat e ardhshëm në Ballkanin Perëndimor dhe për perspektivën e këtij rajoni në BE. Kur vendet të plotësojnë kriteret për hyrje, në ç'gjë ne po i ndihmojmë këto vende janë të mirëseradhura në BE dhe kjo i referohet gjithë vendeve të Ballkanit.

[schütze]

Ngushllimet e mia me te sinqerta per familjen Rugova,dhe per qdo shqiptar
jemi krenar per punen dhe vepren e Dr.Ibrahim Rugova
jemi krenar qe populli yn ka pas dhe ka njerz te till,dhe gjithmon do krenohemi qe patem fat te kemi nje legjend siq ishte presidenti Rugova
LAVDI;QOFT I LEHT DHEU I KOSOVES
me dhimbje te madhe
schütze

[Psikologu]

Kryetarja e Senatit belg An-Mari Lizen ka ngushëlluar Familjen e Presidentit Rugova dhe popullin e Kosovës

Prishtinë, 28 janar - Kryetarja e Senatit belg An-Mari Lizen (Anne-Marie Lizin) me anë të një mesazhi ka ngushëlluar Familjen Rugova dhe popullin e Kosovës, me rastin e vdekjes së Presidentit Ibrahim Rugova.
"Në emër të Senatit dhe në emrin tim personal i shpreh ngushëllimet tona më të thella Familjes së z. Ibrahim Rugova dhe popullit të Kosovës, me rastin e vdekjes së Presidentit të tyre.
Ne përshëndesim dhe respektojmë një lider që është munduar të realizojë sa më mirë objektivin e tij, në një mënyrë joviolente dhe për çka na vjen keq që nuk ka pasur fatin të shohë realizimin e përpjekjeve të tij", shkruan ne masazhin e saj zonja Lizen.
Kryetarja e Senatit Belg, paoshtu të enjtën në krye të një delegacioni zyrtar të Beglgjikës mori pjesë në ceremoninë mortore të Presidentit Rugova në Prishtinë.
Telegrame ngushëllime nga Belgjika kanë dërguar edhe personalitete të njohura të institucioneve belge, Jos Chabert, nënkryetar i parë i Parlamentit të Brukselit dhe ish-kryetar i regjionit të Brukselit, Jef Ulburgs dhe Ivo Mols, kordinatorë të Komitetit "Balkan – Kosovo".

[Psikologu]

Punohet për ngritjen e Mauzoleut, ndërsa homazhet vazhdojnë
28.01.2006 14:31 ET Prishtinë (KosovaLive)

Punimet për ndërtimin e Mauzoleut po vazhdojnë, ndërkohë që shumë njerëz, zyrtarë institucionesh si dhe aktivistë politikë po i bëjnë homazhe varrit të kryetarit të ndjerë të Kosovës, Ibrahim Rugova, në Varrezat e Dëshmorëve në Velani të Prishtinës.

[Psikologu]

PRISHTINË
Edhe në ditën e shtatë të zisë së përgjithshme shpallur për të nderuar figurën e presidentit të ndjerë të Kosovës Ibrahim Rugova, qytetarë të shumtë kanë vazhduar të bëjnë homazhe te varri i tij në Prishtinë.
Qytetarët thanë se kanë ardhur për ta nderuar kujtimin e tyre për presidentin Rugova dhe për ta falënderuar atë për të gjitha përpjekjet e tij për Kosovën.
Edhe sot flamujt kanë vazhduar të mbeten në gjysmështizë jo vetëm para institucioneve, por edhe në sheshin kryesor të Prishtinës.
BBC

[progoni]

Pikllim edhe per mergates shqiptare


Ne pamundesi qe te jen pran gjithe atyre bashkombaseve te vete,sadokudo mergata shqiptare u organizua bile se paku ket dhimje ta ndiejen bashkarisht.

perkulja e nje nene.

vaji i Elzes ,gazetares se B3gjermane qe enkas nga spitali kishte ardhur per tu perkulur per ket BURRE qe e keni dhurat nga qielli na tha AJO.
ardhje te organizuar te familjeve.
ardhje te organizuara ne grupe.
gaditu para HEROIT
betmi para heroit.

p.s
Jan kto foto te vetem te oreve te para ne organizimin per ta kujtuar
BABAIN E KOMBIT

[Psikologu]

Vazhdojnë homazhet për simbolin e pavarësisë - Ibrahim Rugova



Prishtinë, 30 janar - Nderimet për Presidentin Ibrahim Rugova, po vazhdojnë me homazhe pranë varrit të tij në Velani.
Sot për homazhe ishin një delegacion i Grupit parlamentar të LDK-së në ora 12.00, të cilët kanë vendosë kurora lulesh. Ndërsa, më vonë ishte ministerja e Shërbimeve Publike, Melihate Tërmkolli me gjithë kabinetin e saj dhe të strukturave të tjera udhëheqëse të ministrisë, pastaj këshilltari i Presidentit të Kosovës, Skender Hyseni,
Edhe sot po vazhdojnë homazhet pranë varrit të Presidentit të ndjerë të Kosovës, Dr. Ibrahim Rugova. Qytetarë të shumtë nga vendi dhe diaspora po vazhdojnë të bëjnë nderime te varri i tij në lagjen Velania në Prishtinë. Përveç qytetarëve, homazhe sot kanë bërë edhe Grupi parlametar i Lidhjes Demokratike të Kosovës, të cilët shprehen dhembjen e thellë për humbjen e Presidentit Rugova, ndërsa apeluan për unitet dhe forcë, të cilat thanë se duhet të jenë në prag të bisedimeve për statusin e Kosovës. Fatmir Sejdiu, i propozuar nga LDK-ja për trashëgimtar të postit të Presidentit Rugova, tha: "Vdekja e Presidentit Rugova është humbja më e madhe që e kemi përjetuar dhe ai mbetet një personalitet i pazëvendësueshëm".
Kurora lulesh mbi varrin e Presidentit Rugova vunë edhe tre këshilltarët e Presidentit Rugova, Skender Hyseni, Muhamet Hamiti e Berim Ramosaj si dhe Elmi Berisha, përfaqësues i ndërlidhjes në zyrën e senatorit Bob Doll në Uashington.
Ndërsa, ministrja e Shërbimeve Publike, Melihate Tërmkolli që ishte për homazhe me kabinetin e saj, dhe gjithë strukturat udhëheqëse të ministrisë, tha se kjo është një dhembje për të gjithë e sidomos për ata të cilët punuan një kohë të gjatë me dr.Rugovën. "Përfaqësuesit e mekanizmave të kësaj ministrie erdhëm për t'i bërë nderime Presidentit tonë të dashur. Është humbje e madhe për Kosovën ndërrimi jetë i Presidentit, i këtij kolosi të pavarësisë së Kosovës”, tha Tërmkolli duke shtuar se mbetet detyrë e madhe dhe supreme që ta çojmë deri në fund vizionin, idealin dhe amanetin e tij.
Kryetari i Kuvendit Komunal të Prishtinës, Ismet Beqiri, që poashtu ishte për homazhe, tha se po punohet vazhdimisht në përmirësimin dhe rregullimin e infrastrukturës së varrit të Presidentit më qëllim që së shpejti ky varr të marrë pamjen e duhur, çfarë i ka hije një personaliteti siç ishte doktor Rugova. Më vonë për vizitë ishte edhe kryesia e Forumit Rinor të Lidhjes Demokratike të Kosovës. Në mesin e shumë delegacioneve të tjera nga vendi ishin edhe ai i Kuvendit Komunal të Prizrenit të kryesuar nga Eqrem Kryeziu, kryetar. Poashtu homazhe kanë bërë edhe anëtarët e Ansamblit Kombëtar "Shota".
Qytetarë të shumtë nga vendi dhe diaspora, kanë vazhduar si për uikend ashtu edhe sot të bëjnë nderime te varri i Presidentit Rugova.
Deri më sot në varrin e Presidentit Rugova kanë bërë homazhe me dhjetëra mijëra qytetarë dhe delegacione, ndërsa pritet që aty të ndërtohet mauzoleu kushtuar Presidentit.

[Urata]

Rugovasit e 13 katundeve nderojnë Presidentin Rugova








Prishtinë, 2 shkurt – Të paktë do të kenë mbetur ata qytetarë që s'kanë bërë homazhe për Presidentin Rugova, qoftë derisa trupi i Tij, ndodhej ende në shtëpinë e tij, pastaj në hollin e Kuvendit të Kosovës, dhe tash këto ditë në vendin ku po prehet përgjithnjë ai. Madhështia e personalitetit të tij, i ka dhënë kujtimin më të nderuar bashkëkohësve të tij, dhe ky kujtim duket se aspak nuk është zbehur që nga 21 janari, kur filluan ta nderojë si një shenjtorë.
Të veçantë e ka bërë peisazhin e dhimbshëm dhe krenarë në "Varrezat Përkujtimore" në Velani, prania e sotme e anëtarëve të Ansamblit folklorik të këngëvë dhe valleve "Rugova", dhe të burrave, grave e të rinjve nga 13 katunde të Rugovës, nga e cila krahinë e kishte prejardhjen Presidenti.
Vesel Nikçi, drejtues i këtij ansambli, si i gjithë grupi i veshur me rroba kombëtare, ashtu si edhe kolëgët e tij, tha se dhembja e tij është e madhe për vdekjen e presidentit Dr.Rugova, por njëkohësisht duke shfaqur krenarinë që kishim një personalitet kaq madhështorë. Rugovasit kishin ardhur në mënyrë të organizuar, me veturat e tyre, por edhe me autobusë, të paktën 400 veta. "Nuk e di as vetë saktësisht, por e di që këtu janë njerëz të farefisit tonë dhe të Presidentit Rugova nga të gjitha katundet e Rugovës", tha Agim Nikçi.
Këta njerëz, pos veshjes karakteristike që kishin, burrat e asaj krahine kryengritëse, mbajnë edhe shallin e gjatë, ndërsa një të ngjashëm, por modern, e mbante Presidenti Rugova, të cilin pos tjerash kishte thënë se do ta hiqte ditën që do të njihej pavarësia e Kosovës. Disa nga ata, as sot nuk i mbanin lotët. Vesel Nikçi, u thoshte burrave me shallë: mos u mërziti, se loti nuk është për burra.
Të ardhurit nga krahina e Rugovës ishin kryesisht nga fshatrat Malaj, Drelaj, Haxhaj, Shtupeç i Madh, Shtupeç i Vogël, Koshutan, Kuqishtë, Pepaj, Stankaj, Bogaj, Reka e Allagës, Shkreli, i bënë nderimin Presidentit të Kosovës Ibrahim Rugova dhe vunë kurora lulesh.
"Dhembje kanë të gjithë, por ne e kemi pasur edhe të gjakut. Si mund të dihet, të parët e Presidentit Rugova dikur herët kanë jetuar në katundin Malaj. Diku rreth vitit 1910 një pjesë e familjes së të parëve të Presidentit janë shpërngulur dhe vendosur në Cercë të Istogut", tregonte Tahir Lajçi.
Ndërkohë, derisa vazhdonim bisedën tonë erdhi një grup nxënësish të shkollës fillore “Faik Konica” të Prishtinës, duke mbajtur lule të njoma në duar për nderim të Presidentit të ndjerë.
“Nuk kanë të ndalur kolonat e vizitorëve që prej orëve të mëngjesit. Po vijnë nga të gjitha anët e Kosoëvs. Vijnë më shumë të organizuar qytetarë jashtë Prishtinës, por edhe individualisht. I shihni edhe vetë këto kurora lulelesh”, thotë Ukshin Haliti, njëri nga truprojet e Presidentit Rugova.

[Urata]

Shqiptarë katolikë e muslimanë u lutën në Grac të Austrisë për Presidentin Rugova
Grac, 2 shkurt - Të dielën e kaluar në kishën St. Leonhard në Grac të Austrisë, u mbajt një meshë e përshpirtshme e quajtur "Mesha e dritës" në gjuhën shqipe për Presidentin e Kosovës Dr. Ibrahim Rugova. Në kishën e përmbushur me besimtarë katolikë e muslimanë, të gjithë i kishin të drejtuar sytë ka qielli duke e lutur Zotin për shpirtin e Presidentit dhe duke e lutur Zotin për të ardhmen e Kosovës me qytetarët e saj.
Meshën e celebroi Don Kolë Gjergji, prift në famullinë Bruck an der Mur dhe njëkohësisht përgjegjës për shqiptarët që jetojnë në Steirmark me seli në Graz.
Në aspektin muzikor të kësaj meshe u përkujdesën motrat e nderit, shqiptare që jetojnë në Grac: Rita Marjakaj me kitare, Lumnie Frrokaj, Angjelina, si edhe Agneza Marjakaj dhe shumë besimtarë që iu bashkangjitën këngëve kishtare.
Besimtarët katolikë dhe qytetarët e pranishëm ishin nga gjithë Kosova, Shqipëria dhe nga Maqedonia. Fotografia e të ndjerit President ishte vënë para altarit në kishë me plot lule e stolisur dhe më një qiri të ndezur duke u shkrirë sikur që e shkriu jetën e me punë vetë Presidenti.
Meshtari Don Kolë Gjergji ndër të tjera theksoi Presidenti Rugova ishte njeri i durimit, njeri i paqes, që i tregoi botës përkufizimin se ç'është paqja dhe si ajo duhet të jetohet; njeri i qëndresës, i trimërisë, i tolerancës, i guximit, i urtisë, i butësisë, i mençurisë, i maturisë dhe i konstruktivitetit njerëzor, kulturor, letrar e politik. Pra ishte një Njeri universal për të gjithë, me të gjithë dhe i të gjithëve. Miku më i madh i miqësisë dhe dashurisë gjithënjerëzore.
Njeriu që me kohë e mësoi mirë atë fjalën e urtë popullore se "miqtë janë krahët e njeriut!" dhe të cilën e bëri bazament dhe filozofi të jetës dhe të veprimtarisë së tij. Njeriu që fliste pak, por jehona e tij njerëzore e kulturore për paqe, shpresë e dashuri arriti te të gjithë njerëzit e rruzullit tokësor, tha ai. Kosova e humbi Rugoven, por fitoi miq, tash e pamë se kush ishte Ai, sepse e gjithë bota ishte me ne për të.
Kur vdiq Nënë Tereze, një kardinal hungarez thoshte për të: "Populli shqiptar nuk mund të jetë një popull i vogël që i dha botës një nënë kaq të madhe"! Dhe sot: "Populli shqiptar nuk mund të jetë një popull i vogël që i dha botës një njëri, një babë kaq të madh të ditëve tona"!, tha meshtari Don Kolë Gjergji.

[Medvegjalija]

Me vdekjen e parakohshme të Ibrahim Rugoves Kosova e humbi:


...Një shqiptar.
...Një intelektual.
...Një doktor shkence.

Ibrahim Rugova e ka dhënë kontributin e madhë në rezistencen paqësore të popullit shqiptar në Kosovë.
Ibrahim Rugova ishte një shkenctar i madhë.
Gjat luftes dhe pas luftes në Kosovë u bënë diso lëshime dhe gabime në prezidenc,por apsolutisht pa fajin e Rugoves.
I shprehi ngushlime të sinqerta familes të Ibrahim Rugoves dhe mbar popullit shqiptar në Ballkan.


LAVDI JETES DHE VEPRES TË IBRAHIM RUGOVES




Ajet Ajeti nga Zvicëra

[Kastri]

................................
................................


Me pake vonese,por me SINQERITETINE Shpirtrore,shprehe ngushllimete nga Zemra,per familejene e PRESIDENTITE,edhe gjithe popullite.
LAVDI Dr-IBRAHIM RUGOVA.

[Lulani]

Të nderuar,

Të gjithëve shqiptarëve në botën mbarë, atyre që përkrahë më të madhin e shqiptarisë DR. Ibrahim Rugovën u shprehi ngushllime më të sinqerta njerzore.

Falenderoj edhe ata që më ngushlluan mua edhe në forum por edhe në shtëpinë time.

I lehtë i qoftë dheu i Kosovës Dardane Dr. Ibrahim Rugovës.

[Urata]

Njeriu vdes/varroset ashtu siq rrojti...
Rrojti per popull dhe me popull...
e nderuan populli...

[Urata]

ps: e nderuan per here te fundit populli...