Lajme Interesante

[Guri i madh]

Gjarpër brenda trupit, 50 vjeçarja kërkon ndihmë

Publikuar: 02.08.2011 - 09:19Brenda trupit të saj rritet prej disa muajsh një gjarpër dhe për t’i shpëtuar fundit tragjik, një 50 vjeçare në Pakistan ka kërkuar ndihmë për t’iu nënshtruar një operacioni mjekësor dhe për të hequr nga trupi reptilin.

Sipas shtypit pakistanez gjithçka ka nisur disa muaj më parë kur 50 vjeçarja, Rasheedan Bibi nga krahina e Lahores, duke pirë ujë ka kapërdirë aksidentalisht një gjarpër të vogël.

Disa javë më pas gruaja nisi të shtonte në peshë dhe shumë persona menduan se ajo ishte shtatzënë. Por barku nisi t’i fryhej edhe më tepër deri sa u sëmur dhe u shtrua në spital, ku mjekët pas kontrolleve panë që brenda trupit të saj ndodhej një zvarranik gjigant.

Rasheedan vjen nga një familje e varfër në zonat rurale të Lahores dhe nuk ka mundësi të përballojë shpenzimet e operacionit që do t’i shpëtonte jetën.

[Neferta]

Evropianët perëndimorë - pasardhësit e Tutankhamun-it











Rreth gjysma e meshkujve evropiano-perëndimorë kanë ADN të përbashkët me faraonin e Egjiptit të lashtë Tutankhamun dhe i bie që të jenë të afërmit e largët të tij. Në një konkluzion të tillë arritën shkencëtarët zviceranë.
Ekspertët e Qendrës së studimeve gjenealogjike në Cyrih krahasuan mostrën e ADN-së të eshtrave të mumifikuara të faraonit, i cili pat drejtuar në shumë se 3.000 vjet më parë, me materialin gjenetik të evropianëve bashkëkohorë. Sipas konkluzioneve të studimeve të tyre rezultoi se të një grupi gjenetik me Tutankhamun janë rreth 70% e spanjollëve dhe 60% e francezëve. Gjaku i faraonit rrjedh edhe në dejet e gjysmës së popullsisë së Zvicrës. Por gjatë kësaj, sipas të dhënave të Qendrës, konstatohet se midis egjiptianëve bashkëkohorë kontingjenti i përfaqësuesve të këtij grupi nuk e tejkalon 1% të popullsisë. E ne shqiptaret?

[Zero Cool]

Nderron seks ne moshen 10 vjec, prinderit jane dakord





Jakie eshte nje djale 10 vjec, qe jeton ne Ohio, ne Shtetet e Bashkuara. Si te gjithe femijet ai ka deshira, qe shpesh prinderit perpiqen per t’ja plotesuar.

Por deshira e Jakie eshte pak e vecante, deshiron qe te behet nje vajze.

Dhe prinderit e tij e kane pranuar zgjedhjen e djalit te tyre.

“Tendenca e Jakie ka filluar te shfaqet qekur ai ishte 18 muajsh, ka treguar e ema, kur ai filloj te kerceje i veshur si balerine dhe vishte rroba femrash e me shkeqlim”.

E ema, qe atehere filloj te informohet permes internetit, per te kuptuar se cdo te ndodhte me djalin e tij dhe nga kerkimet e saj, kuptoi se femija i saj ndoshta ishte transeksual dhe se donte te ndryshonte seksin.

Motra e Jakie, Saggan, e pyeti nese donte te ishte nje vajze dhe femija i’u pergjij “Po”.

Vetem 10 vjec, Jackie shkoi tek e ema duke qare: “Jam nje vajze dhe nuk mund te pretendoj me se jam nje djale”.

"Nese do te jesh nje vajze, per mua dhe babin tend nuk ka asnje problem”, i’u pergjigj gruaja.

Jackie filloi keshtu te vishet dhe te sillet si nje femer dhe nese do te pyesni te atin e djalit se sa femije ka, burri pergjigjet: “Dy vajza”.

Vetem gjyshi eshte plotesisht kundra, “Nuk mund te pranoj qe nje femije nente ose dhjete vjec i lejohet te marre vendime per veten e tij, qe do te zgjasin gjithe jeten”.

[Zero Cool]

Nuk janë shqiptarë, por këndojnë shqip më mirë se ne!


Një video që të kënaq shpirtin! Ndërkohë që këngëtarët tanë i ka kap sindromi i tallavasë, një grup i përbërë nga amerikanë, kinezë, kanadez, meksikanë, … e çka jo tjetër, mblidhen dhe këndojnë e kërcejnë këngë shqiptare.





02 shtator 2011
Të gjithë së bashku këndojnë këngë popullore shqiptare, këngë të cilat, po të mos ishte spektakli “Këngët e Shekullit” do ua kishim harruar jo vetëm tekstin por edhe melodinë.
Në videon e postuar në Youtube, duken shumë njerëz që këndojnë e kërcejnë shumë bukur, sikur të ishin nga një lagje e ndonjë qyteti në Shqipëri, Kosovë apo Maqedoni por që shumica dërmuese janë jo-shqiptarë.
Megjithatë thuhet se videoja i përket një mbrëmjeje të muzikës shqiptare të organizuar nga Merita Halili dhe burri i saj, Raif Hyseni. Kushdoqoftë organizatori, meriton një duartrokitje.

[Zero Cool]

Akuzohet se e ka kafshuar gjarprin





Një burrë nga Sacramento i Kalifornisë në SHBA është akuzuar se e ka kafshuar gjarprin piton dhe i ka shkaktuar lëndime serioze kafshës.

David Senk (54 vjeçar) është akuzuar se ka kafshuar gjarprin dy herë duke i shkaktuar lëndime dhe për këtë arsye kafsha i është nënshtruar operacionit në Qendrën për mbrojtjen e kafshëve.

Personeli i cili kujdeset për kafshët njoftoi se arritën ta shpëtonin pitonin dhe ai po përmirësohet me sukses.

Senk, i cili është paraburgosur për shkak të rrezikimit të jetës së kafshës, tha se nuk i kujtohet incidenti dhe se kishte qenë i dehur.

“Çfarë kam bërë? Nëse e gjeni pronarin i thoni se më vjen keq dhe unë do t’i paguaj shpenzimet mjekësore”, transmeton BBC fjalët e tij.

Megjithatë policia ende nuk e ka gjetur pronarin e gjarprit.

[Zero Cool]

E paditi burrin për mos përmbushje të obligimeve bashkëshortore



Miti se francezët janë dashnorë të mëdhenj mund të mos jetë i vërtetë pas publikimit të lajmit se francezin 51 vjeçar gjykata e ka urdhëruar që t’ia paguajë ish gruas së tij dëmshpërblimin prej 14 mijë dollarëve, pasi në 21 vitet e fundit nuk ka “lëvizur” fare në shtrat.


Një gjykatës në Nice vendosi se ligji i cili përcakton se çiftet e martuara duhet të jetojnë së bashku po ashtu përcakton se çiftet rregullisht duhet të bëjnë seks. Për këtë arsye vendimi i tij se akuza e gruas për mungesë pasioni në dhomën e gjumit krijon bazë të mirë për mos konsumim të martesës, shkruan New York Daily News.

“Lidhja seksuale ndërmjet bashkëshortëve është shprehje e tërheqjes së ndërsjellë e cila në këtë rast mungoi”, tha gjykatësi në vendimin e tij në favor të gruas së lënë anash. Bashkëshortja e pakënaqur 47 vjeçare si kompensim për mungesë seksi në 21 vitet e fundit kërkoi dhjetë mijë euro dëmshpërblim.

Tash ish bashkëshorti i gruas së frustruar si shkaktar të pamundësisë për të përmbushur obligimet e tij martesore përmendi lodhjen dhe problemet shëndetësore.

[Zero Cool]

Wikileaks: Mbreti saudit e tepron me viagra






Njëri prej monarkëve më të pasur në botë – Mbreti i Arabisë Saudite Abdullah sipas kabllogrameve të publikuar në Wikileaks ka problem me konsumimin e viagrës dhe duhanit.


Në depeshet e diplomatit amerikan nga Riadi thuhet: “Mbreti Abdullah është pirës i pasionuar i duhanit dhe po ashtu zakonisht përdorë injektime hormonale për tu rinuar dhe e tepron me përdorimin e viagrës.

Familja mbretërore përpiqet shumë për t’i fshehur këto informacione nga publiku si dhe vetë faktin se ai është 95 vjeç e jo 87 siç thuhet zyrtarisht”.

[Zero Cool]

65-vjeçarja në kërkim të dashurisë, operon gjokset





Edhe pse është 65-vjeç, Joan Lloyd ka vendosur që të operojë gjokset, duke i rritur ato dhe duke i bërë si të një 20-vjeçareje.


Ky veprim vjen vetëm një vit pasi bashkëshorti i saj ka ndërruar jetën si pasojë e një sëmundje. Joan ka shpenzuar krusimet e saj, 4200 euro, për të kryer operacionin në gjokse.
Ajo thotë se fëmijët e saj kanë qenë dakord me këtë veprim. 65-vjeçarja gjithë këtë veprim e ka bërë për shkak se ka vendosur që të fillojë një marrëdhënie të re.
Dhe, duket se operimi i gjokseve ka dhënë efekt, pasi ka mundur që të lërë takime me pesë meshkuj, të moshës 24-50 vjeç. Jo keq për një 65-vjeçare, e cila shprehet se ka vuajtur gjatë gjithë viteve të rinisë së saj, për shkak se ka pasur gjokse shumë të vogla.

[Zero Cool]

Erdhi nga Italia për në Shqipëri duke notuar


Ka mbërritur në Gjirin e Vlorës pas një udhëtimi me not për rreth 24 orë në det duke përshkruar shumë milje notari italian, Massimo Voltolina.






Ai u nis nga Otranto në drejtim të Vlorës duke synuar të kalonte vetëm me not mbi 100 kilometra distancë mes dy brigjeve.

49 vjecari mbërriti në portin e jahteve në Orikum ku është pritur nga zv/ministri i Kulturës, Rinisë dhe Sporteve të Shqipërisë, nga konsulli i Përgjithshëm i Konsullatës italiane në Vlorë, Serxhio Strocci si dhe nga Irene Pivete ish-kryetare e Dhomës së Deputetëve në Itali.

Voltolina në të gjithë udhëtimin e tij 24 orësh ka qenë i shoqëruar nga motovedeta të Guardia di Financa si dhe nga një ekip prej rreth 30 vetash të cilët notonin me të cdo një orë.

Voltolina ka mbërritur rreth orës 17 në brigjet e detit Adriatik në vendin e quajtur kepi i Gjuzës si dhe më pas i është nënshtruar kontrollit të mjekëve si dhe ka pushuar për rreth dy orë në anijen e tij për t’u shfaqur rreth orës 19 në ambjentet e portit të jahteve.

Orët e fundit u shoqëruan me motin e keq dhe dallgët në det. Volontina disa vjet më parë ka përshkruar me not kanalin e La Manshit duke thyer rekordin.

[Zero Cool]

Shqiptarja, studentja me e mire e arkitektures ne Gjermani






Mynih, 2 shtator - Studentja shqiptare nga Fieri i Shqiperise, Senada Limani eshte shpallur absolventja me e mire ne universitetin elitar te Mynihut TUM-Technische Universität München, i cili sipas Shanghai-Ranking 2011 renditet si universiteti me i mire i Gjermanise dhe nje nder 50 universitetet me te mira te botes. Ajo eshte absolvente ne Fakultetin e Arkitektures. Gjate shperndarjes se diplomave duartrokitja arriti maksimumin kur zevendes-dekani punimin e diplomes se Senada Limanit e quajti nje diplome e rralle me note maksimale 1.0 dhe e nderoi duke iu perulur.


Diploma e Absolventes Senada Limani u ekspozua edhe ne Muzeun kombetar gjerman ne Mynih (Deutsches Museum München).


Sukseset e para ne studimet pasuniversitare ne Universitetin e Mynihut Senada Limani i tregoi gjate vitit 2009, kur nga vete universiteti u zgjodh e vetmja studente per ta perfaqesuar dhe per te konkurruar per The President's Medals Student Awards, qe organizohet nga RIBA Royal Institute of British Architects dhe qe shpall punen me te mire nga gjitha universitetet e botes.

[Zero Cool]

Dreri dehet me mollë, ngujohet në pemë





Një dre i dehur suedez mbeti i ngujuar në një pemë molle pasi kaloi natën duke ngrënë frutat.


Ky dre budalla pësoi atë që shumë njerëz të alkoolizuar e pësojnë pas një nate me pije të forta – dhe u gjend në një pozitë vërtetë të turpshme dhe të sikletshme, shkruan Metro.





Policia beson se dreri u fut në një pronë dhe filloi të hajë molla të fermentuara, dhe u ngujua derisa po përpiqej të mbërrinte një frutë në degë të pemës.

Kafsha pijanece arriti disi të ngatërrohet në degët e pemës derisa të katër këmbët i preknin në tokë. Ekipet e zjarrfikësve u detyruan të presin pemën për ta liruar kafshën nga degët.

Me t’u liruar, dreri pijanec ia mësyu malit aty pranë, me siguri për ta bërë një sy gjumë për t’i hequr efektet e pijes.

Dreri shpëtoi pa kurrfarë lëndime nga ky incident por me siguri do të përballet me marramendje dhe me kujtime jo shumë të mira.

[Zero Cool]

Spanja me nje palester per nudistet





Jemi mesuar me plazhet dhe lokalet nudiste, por sot do te flasim per nje palester te tille. Ndodhemi ne veri te Spanjes dhe pikerisht ne nje palester qe u mundeson klienteve te saj te qendrojne dhe te kryejne ushtrime fizike pa rroba.

Nga klientet konsiderohet si nje eksperience unike ne llojin e saj, kurse vete pronari, Merche Laseca ka pohuar per BBC se qellimi i tij eshte vetem te beje nje reklame te mire dhe te terheqi sa me shume kliente.

Hapja ne Spanje e nje palestre per nudistet eshte kundershtuar nga besimtaret dhe nje grupim i caktuar njerezish, te cilet mendojne se nje palester nudiste eshte e pamoralshme dhe shume e predispozuar qe te kete problemem serioze me higjenen, si pasoje e djersitjes dhe pamundesise se desinfektimit te veglave te punes pas cdo ushtrimi te kryer.

[Zero Cool]

Garë për Miss shtatzëna në SHBA


Një sfilatë me bikini ndryshe nga të tjerat është zhvilluar në Houston, Texas, SHBA. Është zhvilluar konkursi për gruan shtatzënë më të bukur.





Përse duhet të rrish në shtëpi kur je shtatzënë , mund të bësh edhe gjëra që të argëtojnë dhe kështu ka qenë dhe kjo sfilatë për këto nëna të ardhshme, të cilat me krenarinë më të madhë kanë treguar trupin e tyre shtazënë.

Ato përvece kanë sfiluar kanë bërë dhe performanca në skenë duke treguar se shtatzania nuk të pengon të bësh gjëra. Fituesja e cmimit të parë ka marrë 800 dollarë, një apartat fotografik dixhilat dhe një tratim për zbardhje e dhëmbëve.

[Zero Cool]

Shqiptari, 300.000 € për manekinen serbe





Marrin hov historitë romantike interesante shqiptaro - serbe. Personazh këtë herë bëhet modelja dhe prezantuesja televizive Olja Crnogorac.

Raportohet se ajo takoi një biznismen shqiptar me emrin Salih në një lokal në Novi Sad. Duhej të ishte takim pune, por Salihi ia ‘gjuajti’ menjëherë manekines, duke thënë të hiqte dorë nga planet për martesë dhe duke i ofruar 300.000 Euro për ta bërë të veten.

Në takim disa herë u përmend si shembull i mirë Natasha me Qazimin. Olja u ndje keq dhe hoqi dorë nga projekti televiziv që do të duhej të trajtonte marrëdhëniet shqiptaro-serbe. Pas ngjarjes ajo tha për Radio S, se nuk e pengonte fakti që Salihi ishte shqiptar, por ai po e ngacmonte tërë kohën dhe ajo kishte frikë për sigurinë e saj.

[Zero Cool]

Plaka bëri tatuazh për mjekët: “Mos më ngjallni”





Plaka nga Britania e Madhe, Joy Tomkins ua bëri të qartë mjekëve se nuk dëshiron ta shpëtojnë nëse e gjejnë pa vetëdije. Ajo bëri një tatuazh në gjoks: “Mos më ngjall”.
Plaka 81 vjeçare mendon se secili ka të drejtë të vdesë pa vuajtur. Vendosi se nuk dëshiron që mjekët e ndihmës së shpejtë ta shpëtojnë nëse humb ndjenjat, pasi kishte parë vdekjen aspak të lehtë të bashkëshortit Malcom.

“Kur të vjen koha ime nuk dëshiroj të jem gjysmë e vdekur, dëshiroj të vdes tamam. Tash po kënaqem në jetë, por nëse gjërat ndryshojnë në të ardhmen, nuk kam dëshirë të mbetem me ditë, muaj ose vite e shtrirë në shtrat. Nuk kam dëshirë që familja të më mbajë mend ashtu. Dëshiroj të më kujtojnë ashtu siç kam qenë më parë”, tha Tomkins. Megjithatë, mjekët thonë se tatuazhi nuk është detyrues.