Rita Ora me flamur

**Naki** · 29-10-12, 18:17

Rita Ora me flamur

Muharrem Nitaj

Ka plasur si bombë me sahat videoklipi i Rita Oras dhe e ka mbushur shpirtin shqiptar, me shkëlqmin e saj. Katër minuta të këngëtares britanike me prejardhje nga Kosova, kanë prodhuar miliona postime, komente dhe klikime në rrjetet sociale dhe në mediet prestigjioze botërore. E mbështjellë me flamurin e Kosovës në qafën e saj dhe e ngjitur mbi NEWBORN-in e Prishtinës, i cili akoma ka mbetur simboli i vetëm që ta kujton atë ditë të ftoftë dimri të pavarësimit të shtetit të Kosovës, me të cilin po kacafytemi kaq pamëshirshëm e kaq përditë, Rita Ora është shndërruar në heroinën e, kush e di, sa milionë shqiptarëve.
Kam lexuar me qindra komente në Facebook dhe në portalet e të gjiha gjuhëve, se si Rita Ora ishte bërë ambasadorja më e suksesshme e Kosovës, në këto ditë kur diplomacia nuk është se ka shkëlqyer. Sigurisht se video-klipi i Rita Oras, do të jetë njëri prej shembujve më ilustrativë, që dëshmon për fuqinë e artit në luftën e një populli për të kapur vendin që i takon në komunitetin e kombeve dhe të shteteve. Ka pasur, të paktën dy simbole të papërsëritshme, në spotin më promovues që ka bërë ndokush ndonjëherë për Kosovën, e që është përhapur aq rrufeshëm dhe aq dendur si "Shine Ya Light”. Flamuri i Kosovës dhe NEWBORN, simbole këto, të cilat më shumë se gjithçka janë të lidhura me mrekullinë e shekullit për Kosovën.
Çuditërisht nga të gjitha opinionet për video-klipin, ndoshta për të parën herë nuk pashë të ketë pasur njerëz të pezmatuar, se pse Rita Ora e kishte pasur të mbështjellë për qafe flamurin e Kosovës, dhe jo flamurin kuq e zi. Madje këtë herë, kjo gjë nuk ishte kundërshtuar as nga ata, të cilët i kam parë me sytë e mi, ta grenë flamurin e Kosovës, jo një herë dhe jo në një vend. Nuk e di nëse kjo është rezultat i pafuqisë për ta kundërshuar një ndërmarrje kaq të madhe dhe kaq promovuese të një artisteje me prejardhje nga Kosova, apo është fillimi i një epoke të re, ku njerëzit po mësohen t’i pranojnë simbolet që janë të shtetit të tyre.
Do të ishte hipokrizi dhe e pandershme deri në asht, pafuqia për ta kundërshtuar një vlerë arti dhe krejt e natyrshme mbase, që njerëzit të mësoheshin të jetojnë edhe me flamurin që mund të mos e kenë pëlqyer. Shqiponja dykrenare shqiptare, me elemente mitologjike është gjetur, thuhet, ndër ilirë që në shekullin e gjashtë e që besohet të na e kenë marrë bizantinët, kur edhe na kanë pushtuar, ka vazhduar të jetë pjesë e fëtyrës dhe e shpirtit shqiptar. Në këtë njëqindvjetor fuqia e saj është më shqiptare se asnjëherë, por edhe falmuri i Kosovës i rrinte bukur shqiptares nga Britania.
"Në ketë vend vdesin vetëm bletët, kuajt dhe anëtarët e LDK-së, ndërsa të gjithë të tjerët ngordhin". Këshu po ma citonte gjyshen e tij, njëri prej kolegëve të mi, me të cilin takohemi rrallë dhe pothuaj asnjëherë nuk pajtohemi. Sigurisht kjo "batutë" është e një kohe tjetër, kur lufta e LDK-së me të gjithë të tjerët, ka qenë e ashpër, e përgjakshme ndonjëherë dhe e pashpirtë më shpesh. Por, ajo mund të mbetet e saktë edhe sot e tani, vetem se në pjesën e fundit secili mund ta vendosë veten e tij, në luftë për votë e deri në zhdukje.
Kur arti del në skenë, siç ndodhi edhe këtë herë me Rita Ora n, del sikur në këtë vend vdesin vetëm artistët, ndërkaq në të tjerët jemi mëkatarë, që flasim e nuk dimë ç’flasim, ç’gremë e nuk dimë ç’ngremë...që vrasim shqiptarçe e godasim. Lufta politike, që sot në Kosovë ëshë më e ashpër se kurrë, tashmë e ka krjuar një standard të ri, që nënkupton që suksesi i dikujt me patjetër duhet të paraqitet si dështim i tjetrit. Nuk do të çuditesha sikur komisarët e partive të jenë nisur tashmë në rrugën e përvetësimit të artit dhe të shkëlqimit të artistes nga Kosova. Kjo luftë politike, që domosdoshmërisht duhet të përkthehet në votë për pushtet, këtë herë ishte shtrirë përdhe dhe flamuri i Kosovës në qafën e Rita Oras, rrinte po aq bukur sa flamuri kuqezi në qafen e Marigosë dikur.

emine · 29-10-12, 19:01

Rita ka fitu simpatin e milona njerzve dhe sidomos te popullit Shqiptare,kjo ka tregu botes se nga ku vjen ,kjo eshte vertet marigona ne verzionin modern,,,,,

i lumte Rites dhe gjithe atyre qe mshifen mbas ksaj ideje,!

**Naki** · 29-10-12, 19:36

Citim:

Postimi origjinal është bërë nga emine

Rita ka fitu simpatin e milona njerzve dhe sidomos te popullit Shqiptare,kjo ka tregu botes se nga ku vjen ,kjo eshte vertet marigona ne verzionin modern,,,,,

i lumte Rites dhe gjithe atyre qe mshifen mbas ksaj ideje,!

Projekti i sajë nëpërmjet këngës dhe videoklipit ka bërë çë bashkëkombasit ta quajnë ambasadore e shtetit te Kosovës.

AlbaSoft · 29-10-12, 19:55

Rita Kuq e Zi te duam...

Gjumashja · 31-10-12, 19:37

valla ma ka knaq zemren me kete spot, veq pak keq qe spo mujm me pa n`vevo

Zana_ch · 31-10-12, 19:47

Citim:

Postimi origjinal është bërë nga Gjumashja

valla ma ka knaq zemren me kete spot, veq pak keq qe spo mujm me pa n`vevo

oj loqke ....ja ktu e shef sa te duash

Gjumashja · 31-10-12, 20:07

zanushe flm ama ti e din qe na kem qef me pa qka po mendojne edhe kojshilleku e me repliku pak anena

Guri i madh · 01-11-12, 14:58

mvaret se si e kuptojn po pak shqiptarizem nga kjo ORA kto spote ne KOSOV ma shum i ban per biznesin e saj se sa per kombin ,na veq duhet me pyt se nga ky kallbllak i dashurve te saj a kishte ndonji shqiptar ,lajmet qe i kena jo vllau KARDASHIAN jo aj tjtri jo aj zezaku kshtu qe nuk ja vlen me llogarit si shqiptare

Makresh · 01-11-12, 15:52

Kam ni, qe kishte ni Ora qe po dojn me bo Ambasadore t'kusoves e me lubue naper bot.

Tash qe kish marr vesh, ka pu shkon e ka pu dridhet pu thot se jam nga "Kosova".

"- Hey, waht's your name ?
- I'm from Kosoova ! :D
- … ?!?

fanny · 03-11-12, 12:17

bravo i qoft rites

edhe diqka,

ju kisha lut te me tregoni-ndihmoni se si niset-iniciohet 1 tem, psh. si kjo e juaja "rita ora me flamur".

pasi jam i ri ktu e disi spo ma "rrok". si behet ? qka, si, ku te klikoj ?

flm

Lona · 12-11-12, 15:45

Performancë fantastike e Rita Orës në “European Music Award”

Sensacioni i muzikës botërore, shqiptarja Rita Ora, ka hapur me një performancë fantastike natën e MTV “European Music Award”, por është kthyer duarthatë nga ceremonia. Rita, e cila së fundmi ka lansuar videokëngën e saj të ri “Shine Ya Light”, të xhiruar në Prishtinë, nuk ka marrë asnjë çmim përderisa ka qenë e nominuar në dy kategori, atë për artistin më të mirë të ri dhe për “Best Push”, një çmim që kanali muzikor MTV ua ndan këngëtarëve, të cilët marrin pjesë në serinë e koncerteve “MTV Push”. Në kategorinë për artistin më të mirë të ri evropian ka fituar grupi “One Direction” që ka mundur edhe artisten Lana del Rey. Ndërsa në kategorinë “Best Push” ka triumfuar Carley Rae Jepsen, e cila me hitin e saj “Call me Maybe” ka fituar edhe çmimin kënga e vitit në Evropë. Megjithatë Rita Ora ka shkëlqyer teksa ka kënduar hitin “R.I.P”, në skenën e Frankfurtit. Në mediat botërore është komentuar paraqitja e saj, sidomos dukja dhe skena kur ajo performon në kafaz. Në MTV EMA Justin Bieber ka fituar në “Best Male”, Taylor Swift në “Best female” e bendi “One Direction” , e që kanë qenë triumfuesit më të mëdhenj të këtij viti në “MTV EMA”