''Kosovo i Metohija '' e kuptuar allashqiptarqe

[lirik]

KOSOVO I METOHIJA”E KUPTUAR ALLA SHIPTARQE Publikuar më 28 mars, 2009 në orën 17:56 ( Para 7 orëve )Adnan Abrashi | Opinion | Këto ditë, në kërkim të ndonjë TV stacioni atraktiv, butonin komandës të resiverit tim digjital kabllor, kuturu e orientova në një kanal televiziv vendor. Aty rastisa me një emision kontaktues që ishte në vijim ku bëhej fjalë për dhjetëvjetorin e bombardimeve të NATOS-s ndaj caqeve serbe, dhe Bllacën si sinonim i një eksodi më të madh masiv të një populli në historisë bashkëkohore gjithë botërore.



Merrni me mënd se, kush ishte si mysafir bashkëbisedues në atë emision? Kush tjetër përpos vetë themeluesit dhe pronarit të atij TV stacioni.
Duke folur para kamerave dhe moderatorit të vetë për Bllacën dhe simbolikën e porosisë metaforike të saj gjeneratave tona të ardhshme, shfryhej ky njeri aty me çfarëdo dokrra dhe epitete, por mbi të gjitha, mua më shumë më ra në vesh kur ky ligjërues i “gjithëdijshmi” dhe inteligjent, gjithë NEVE shqiptarëve pa pikë ngurrimi na bëri popull më frikacak në botë, duke na quajtur me epitetin fyes si “milet i Bllacës”. Këso dhe shumë kësi të “vërteta” të veta origjinale, ky burri i botës, pa kurrfarë dorëza na fliste troç, lakuriq, tejet i sigurt në vete dhe siç thuhet te ne, aty sillej “sikur me konë në shtëpi të vetë apo në bahçe të babës”. E, unë, duke e dëgjuar i befasuar me vëmendje, pa dashas dhe si me gjysmë zëri, me rrodhi me ironi një kundërshtim në vetvete: ” Më duket se ke lënë diçka mangë këtu - jaran! Në këtë përvjetor të rëndësishëm për ne shqiptarët, këtij epiteti tuaj origjinal alegorik vlerësues, duhet t’i shtosh edhe një gjysmë tjetër. Sepse, sipas parimeve të teorisë sate, ne, nuk duhet të jemi vetëm “milet i Bllacës”, por edhe “milet i Morinës?” Apo, ndoshta për ty “Morina” është “bashka davjia”; një pjesë tjetër territoriale e cila i takon Dukagjinit”... ?!

“Përça e sundo!”

More, nuk e di as vetë se pse merresha kotë së koti me këso provokime të parëndësishme që shpesh kohën e fundit mund t’i hasësh nëpër TV-stacionet tona. Në të vërtetë, nuk e kisha unë aq hallin te ky njëri, jo! Sepse, çfarëdo që ai dhe kushdo tjetër të flas, në emër të shprehjes së lirë të mendimit personal, një e drejtë e tillë, iu garantohet të gjithëve edhe me Kushtetutën tonë më demokratike në botë.
Në fakt, mua më brengoste diçka tjetër. Një dukuri që ky visar i ndasive tona të shumta ekzistuese, kohën e fundit po pasurohet edhe me një diferencim të ri që po na instalohet në mentalitetin tonë. Ajo alla, “Kosovë” dhe “Dukagjin”. Apo, shprehur me atë togfjalëshin që mbi 50 vite në nënvetëdijen time, por besoj edhe të tjerëve, ka lënë mbresa të thella – sinonimi “Kosovo i Metohija” për ne.
Po ashtu, këto ditë, në shenjë të kujtimi të hidhur të kësaj tragjedisë të paharrueshme dhe shumë keç-mbresëlënëse kolektive për popullin tonë, Qeveri dhe personalisht kryeministri z. Hashim Thaçi, në zonën neutrale të vendkalimit kufitar Kosovë - Maqedoni në Bllacë, zbuloi një pllakë përkujtimore mermeri. Kjo, pa dyshim se është një potez i mirë i pushtetarëve tanë, por, në këtë ditë jubilare të kësaj tragjedie, z. Thaçi, është dashur ta zbuloj edhe një pllakë të ngjashme përkujtimor në Morinë, vendkalimin kufitar Kosovë – Shqipëri?!
Sikur e dimë, diçka e tillë nuk ndodhi! Pa dyshim duhet të jetë kjo njëfarë politike, dhe pikërisht aty më shkon gjuha ku edhe më dhembte dhëmbi.
Si aneks i kësaj ngjarje kujtesë, po ashtu, këto ditë, në gjysmën tjetër të Kosovës tonë Republikë, u kremtua dhjetëvjetori i Epopesë së lavdishme të UÇK-së për Rrafshin e Dukagjinit, dhe në këtë jubile, nuk mori pjesë, jo veç presidenti e as kryeministri, por asnjë përfaqësues qeveritar sado i rangut të ultë të jetë.
Diçka e tillë, sikur e dimë, kësaj here fatkeqësisht ndodhi. Edhe kjo është politikë, po se po, dhe mu për këtë, mua më shkoi gjuha, aty edhe ku më dhembte dhëmbi!
Një ditë në bisedë, një mik i imi mu rrëfye në besim:
- “E di ti mirë se unë në bindjet e mija nuk jam i orientuar politikisht për asnjë parti. S’jam, as me Hashimin, e as me Ramushin. Por kur do të mbahen zgjedhjet, me tërë familjen time patjetër se do të votoj për Ramushin.
- Ke sigurisht ndonjë arsye të fortë për këtë vendim?- e pyeta .
- Jo edhe aq – mu përgjigj - Pajë... fundja, Ramushi është i yni...është i anëve tona...është i Dukagjinit.
Haj medet, haj! Çfarë ide të çmendura krahasuese u shfaq në mua: Ramushi i Dukagjinit apo i “Metohisë”, ndërsa Hashimi i Kosovës apo i “Kosovo-s”, si kujtesë e hidhur nga e kaluara, vendkalimi kufitar Bllace në pjesën e “Kosovo-s” apo Kosovës, dhe vendkalimi kufitar Morinë në pjesën e “Metohisë” apo e Dukagjinit...
Ka këtu edhe një ngjashmëri e përgjithshme në mes të këtyre hapësirave gjeostrategjike të ndikimi tonë të brendshëm ndasorë klanor; diçka e rëndësishme që ka të bëjë me speciet tona vendore si krijesa të radha nën mbrojtjen e veçantë të ligjit - s e r b ë t!
Në pjesën e Hashimit Kosovë, si karakteristikë më tepër është prezenca e enklavave të tyre të decentralizuara, kurse në pjesën e Dukagjinit të Ramushit Kosovë, përreth shumë kishave dhe manastireve ortodokse serbe gjenden zonat e veçanta të mbrojtura me qindra dhe mira kilometrave ngastra të tokave “Metohi”
Sa për sqarim atyre që nuk e dinë, në gjuhën sllave fjala “METOHIJA” do të thotë : Tokë, ngastër apo parcela kishtare...
Na rroftë Kosova e pavarur dhe sovrane, e pa ndarë dhe unike, multi-gjuhësore, multi-regjionale dhe muliti-etnike, multi-kulturore, e decentralizuar dhe multi-metohi -territoriale...
Zoti na e bekoftë Kosovën tonë Republikë edhe me një ndasi të re...!

Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!

[lirik]

Të nderuar lexues ket artikull nji nder shum artikujt tjerë që i kam lexuar me pelqeu shum dhe e vendosa ta sjell ne forum-
Edhe vet kam filluar dal ngadal pas pervojes time te bindem se te ne shqiptarët ne masë jo te vogel mbreteron vetedija fisnore e mendsia provinciale por jo ajo kombtare-
ne vet kontaktet me njerz gjat jetes time neper zona e neper vende te euroes-
jam bindur se papjekuria pagdhendshmeria errsira akoma ekziston- dhe vetedija klanore e fisnore te ciles po i fryjn disa njerz per qellime te veta duke u paraqitur si lidera e populli verbrisht po ju shkon mvbrapa po bjen ne grackat e tyre duke mos dalluar lojrat talljet dhe grackat e tyre qe per qellim e kan ndarjen dhe nxitjen e ndasive e perqarjeve fisnore klanore rajonale-
ky artikull dhe shum her artikuj gjithnji e ma shum qe po lexoj neper vende te ndryshme e gazeta po me bindin por edhe vet pervoja ime jetsore-
qellimi im jetsorë dhe deshira ime e flakt ishte qe ta krijoj nji lob shqiptarë ne europë e nji lob shqiptar ne turqi jam kategorikisht kunder partive politike ne diasporë -por njerz te regrutuar per interesa te partive qe vrapojn pas njerzve qe nxisin ndasi krahinore te qmendur pas karrige e pushteti
vepruan aq shum dhe verbuan aq shum diapsoren me te cilen jan tallur vetem per ta zhvatur por tallenedhe sot per ta zhvatur partiakisht e per ta grupuar rajonalisht duke shfrytzuar ndjenjen dhe dobsitë qe i kan nji numer i madh i nejrzve qe kombtarisht nuk jan te formuar por kan vetedije mahalle e klani-rreth kesaj teme dhe gjendje serioze ne popullin tonë dukuri e shemtuar pas lufte ju lutem jepni mendime te lira dhe te matura dhe ta luftojm forcerisht mendesinë klanore duke qenë s e ne jemi nji popull me nji gjak me nji gjuhë e me nji komb dhe poshtë te gjith ata analfabet shpellorë primitiv qe merren me keto ndasi e gomarlleqe kur ne hoqem te zitë e ullirit neper shekuj per te fituar lirinë-
Fryrja e zjarrit te ndasive dhe ndarjeve partiake ne perendim esht direkt nxitje agjentureske nga qendrat moskë beograd pekin qe te dobsojnë lobin shqiptarë e ma leht ta ndajnë nepermes partivve neper mahalla e fise e rajone duke na i njohutr temetet tona ata luajn me ket kartë poltike-
kunder interesave te popullit tonë dhe -
jan jo larg suksesit per te na perqa perfundimisht ku i gjith mundi ynë neper shekuj e i perendimit kohve te fundit per ne qe beri edhe bombardim kunder serbisë te bie ne balt sepse pas liderve -
dhe partiakve po shkon populli tash i ndarë neper regjione por jo sipas parimit te arsyeve e te kualitetit te punes apo te aftesive dhe kontributit por sipas perkatsisë se mahalles e shpelles primitive pra ne po kthehemi dal nga dal ne shpella fisnore te pa vetedije shtetformuese e kombtare -