Citate nga dijetaret islam

[Kosova19]

Pasuesit e Sunnetit janë ashtu si ka thënë Shejhu i Islamit : "Pasuesit e sunetit janë më të diturit e të vërteteës dhe më të mëshirshmit me krijesat."

[Kosova19]

Rebelizmi ndaj Sunduesit është cilësi e novatorëve

Shejkh Uthejmin: Një prej parimeve për të cilin ka mospajtim në mes të Pasuesve të Sunnetit dhe Pasuesve të Bidatit është rebelimi kundër sundimtarëve. Harurijtë-Hauarixhët, u rebeluan kundër udhëheqësit mysliman. Ata e konsideruan atë jobesimtarë dhe luftuan kundër tij. Si rezultat i kësaj ja lejuan vetes që të derdhin gjakun e myslimanëve.


Ndërsa Ehl-us-Sunneti dhe Xhemati, ata thonë se jemi të obliguar që ta dëgjojmë dhe t’i bindemi sunduesit edhe nëse ai bën mëkate të mëdha apo vepra imorale përderisa ato nuk janë mosbesim i qartë. Në këtë rast, luftojmë kundër tij me kusht që lufta të mos sjell sherr edhe më të madh.



Profeti (sal Allahu alejhi ue selem) ka ndaluar rebelimin kundër sundimtarëve, përveç nëse plotësohen kushte të caktuara. Ai (sal Allahu alejhi ue selem) tha:
"Përveç në qoftë se ju shihni mosbesim të qartë dhe për to të keni argument nga Allahu (sheriati i Tij)."



Pra, ato janë katër kushte:



1 - "... Nëse ju shihni ... " d.m.th. me sytë tuaj, ose të keni dituri për mosbesimin e tyre, e jo vetëm të jetë mëkat prej mëkateve të mëdha. Pra p.sh., edhe nëse ju e shihni atë të bëj zina, të vjedh ose të vret dikë pa të drejtë, mirëpo pa i konsideruar këto vepra si të lejueshme. Në këtë rast, ai nuk është jobesimtarë. Ai është një mëkatarë i madh dhe neve nuk na lejohet të rebelohemi kundër tij.



2 - Profeti (sal Allahu alejhi ue selem) ka thënë: "... mosbesim ... "



3 - "... të qartë ... " - d.m.th. mosbesim i qartë që nuk mund të jetë ndryshe. Nëse mund të kuptohet ose të interpretohet në një mënyrë tjetër, as nuk duhet ta konsiderojmë atë jobesimtarë, e as nuk duhet të rebelohemi kundër tij.



4 - "... për të cilin keni argument nga Allahu. " – D.m.th. Nuk është mosbesim vetëm nëse ne e kemi parë si të tillë, tek i cili arrijmë duke bërë krahasime apo me forma tjera. Por për të duhet pasur argumente të qarta nga Kur'ani dhe Sunneti. Këto janë katër kushtet.



Ekziston një kusht i pestë, i cili është i bazuar në argumente të tjera dhe i cili thotë:


vijon...

[Kosova19]

5 - Mundësia për ta rrëzuar këtë sundimtar jobesimtarë i cili ka dalë nga feja me mosbesim të qartë për të cilin kemi dëshmi nga Allahu. Ne duhet të kemi fuçinë e duhur për ta bërë këtë. Nëse ne nuk kemi këtë fuçi, e keqja që ne duam ta çrrënjosim do të bëhet edhe më e madhe sesa ajo që ishte më herët. Në vend të kësaj, ne duhet të përmirësojmë gjendjen aq sa mundemi. Kështu disa prej vëllezërve të cilët e donë fenë, kanë gabuar kur janë rebeluar kundër sunduesve të tyre. Allahu është i Urtë. Ai është që i jep disa sunduesve të padrejtë pushtet mbi tjerët. Mos mendoni se nëse disa sundues ushtrojnë padrejtësi apo agresion ndaj të tjerëve se, kjo ndodh vetëm për shkak se Allahu dëshiron kështu. Jo, kjo mund të jetë një urtësi.


Allahu ka thënë:


وكذلك نولي بعض الظالمين بعضا بما كانوا يكسبونِ

"Dhe kështu, Ne i bëjmë sundues disa mizorë mbi mizorët e tjerë për shkak të asaj që ata vepruan."6:129

Sunduesit nuk bëhen mizorë mbi popullin, përveçse për shkak të tyre: "Ashtu siç jeni ashtu edhe do të qeveriseni."


Disa njerëz që përpiqen të rebelohen kundër sundimtarëve të tyre, edhe nëse kjo bëhet me forcë, kjo është gabim. Para së gjithash, ne duhet të dimë se çfarë kanë bërë në të vërtetë sunduesit. Nuk duhet besuar vetëm në thashetheme. Ne kemi dëgjuar shumë thashetheme të rreme në lidhje me ata që janë në pushtet. E kur ne deshëm t’i vërtetojmë ato shpifje, realisht nuk kishin asnjë bazë.



Prandaj hadithi thotë:



"Përveç nëse ju shihni mosbesim të qartë ..."



Nëse ne me të vërtetë shohim këtë me sytë tanë, ose na bëhet e ditur nga burime të besueshme, ne duhet ta shtjellojmë përmes Kur´anit dhe Sunnetit për ta parë nëse është mosbesim apo mëkat. Nëse ne mendojmë se është mosbesim, ne duhet të shikojmë nëse kemi argument për të nga Allahu. A është ky mosbesim i qartë që nuk mund të kuptohet ndryshe? Ajo mund të jetë pabesim, kur njëkohësisht ai që e vepron atë mund të justifikohet për shkak të keqkuptimit. Pra ajo duhet të jetë e qartë e cila nuk mund të keqinterpretohet. Përveç kësaj, ne duhet të kemi një dëshmi definitive dhe të qartë për të nga Allahu.


vijon...

[Kosova19]

Profeti (sal Allahu alejhi ue selem) vendosi këto kushte për rebelim kundër sunduesit, të cilat mund të gjykohen nga dikush se vështirë mund të ndodhin, vetëm për shkak se rebelimi sjell dëme më të dëmshme se ato ekzistuese.


Ju i shihni frytet e rebelimeve. A janë njerëzit më të lumtur, para apo pas revoltave? Kurrë. Përkundrazi. Ne nuk kemi nevojë për të përmendur ndonjë shembull të veçantë për shkak se çështja është më se e qartë.

Ne i këshillojmë vëllezërit tanë myslimanë që të mos nxitohen në këto gjëra. Në qoftë se atyre ju vije në pushtet ndonjë zullumqarë, ata duhet që t’i luten Allahut që ta udhëzojë atë, dhe që Allahu t’i ruajë popullin nga dëmet e tij dhe të bëjnë durim.



Profeti (sal Allahu alejhi ue selem) ka thënë:



"Nëse dikush nga ju sheh ndonjë gjë të urryer tek sunduesi i tyre, ai duhet të durojë. Ai i cili braktis xhematin vetëm sa pëllëmba dorës dhe vdes, ai ka vdekur në xhahilijet."



Duhet të durojmë dhe të këshillojmë. Kjo është edhe një nga gjërat me të rëndësishme për të cilën na pyeti vëllai, për të cilën Pasuesit e Bidatit dallojnë nga Pasuesit e Sunnetit dhe Xhematit. Ju e shihni se si ata rebelohen kundër sundimtarëve dhe se pasojat bëhen akoma më të këqija.
Çfarë është ajo që përçau umetin, kur ata u rebeluan kundër Uthmanit (radija Allahu anh) përveç kësaj?!

E lusim Allahun që të të na udhëzoj neve dhe juve.

Përktheu: Usame Morina
Burimi: Lika el-Bab el-Maftuh (45 B)

[Murgesha]

Përshëndetje Kosova19.

Jo çdo kopje e sjellë prej jush në këtë forum e meriton të trajtohet si temë në vete.

Bashkova 11 temt tuaja, lutesh tash e tutje të postosh të gjitha kopjet tuaja në këtë temë.
Nëse ke ndonjë titull tjetër që i shkon për shtati kopjeve tuaja lutesh të na e thuash dhe e ndryshojmë titullin e temës!


Murgesha!

[Kosova19]

Ibn Kajimi (Allahu e Mëshiroftë) ka thënë:" Nëse do të përfitosh nga Kur’ani. – Përqëndroje zemrën tënde gjatë leximit dhe këndimit të Kur’anit.- Dëgjoje me vëmendje.- Le të jenë prezente gjymtyrët tuaja dhe llogariteni veten se ai I cili po ju fletë është Allahu i Madhëruar, ju drejtohet me këto fjalë nëpërmjetë gjuhës së të dërguarit të Tij." Thotë Allahu i Madhëruar:" Në të gjitha këto, për atë që ka mendje të shëndoshë dhe që i ka vënë veshin me vëmendje, ka argument.”

[Kosova19]

Shejkh Abdu Rrahman Nasir es-Saadi (Allahu e Mëshiroftë) në librin "Pema e Besimit" faqe 47 thotë:" Në qoftë se dëshiron ta dish besimin dhe fenë e një njeriu, shiko se a'i ruan amanetet që i janë lënë atij, a i kryn detyrimet, marrëveshjet dhe premtimet ndaj Zotit dhe njerëzve. Nëse po, atëherë ai është fetar dhe besimtar i mirë. E nëso jo, atëhere feja dhe besimi i tij është i mangët, varësisht se sa ka mangësi në cështjet për të cilat bëhet fjalë "

[Kosova19]

Ka thënë Abdullah ibn Mes'udi (Allahu qoftë i Kënaqur me të):" Nëse e shihni vëllain tuaj në ndonjë mëkat, mos u bëni ndihmësa të shejtanit kundër tij, duke thënë: O Zot dënoje, o Zot mallkoje! Por, kërkoni për të falje tek Allahu."

[Kosova19]

U çudita me atë person që e njeh vdekjen dhe vazhdon të qeshë; u çudita me atë që e diti se dynjaja do të zhduket dhe përsëri e kërkon atë (dynjanë); u çudita me atë që e njohi se çështjet janë sipas përcaktimeve dhe ai mërzitet për gjërat e kaluara; u çudita me atë që e njohi llogarinë dhe vazhdon të grumbullojë pasuri; u çudita me atë që e njohi zjarrin dhe ai bën mëkate; habitem me atë që njeh Allahun me një njohje të sigurtë, dhe përkujton dikë tjetër përveç Tij; habitem me atë që njeh xhennetin me një njohje të sigurtë dhe rehatohet me dynjanë; habitem me atë që njeh shejtanin si armik dhe përsëri e ndjek (pason atë)."

Uthmani (All-llahu qoftë i kënaqur me të).

[Kosova19]

Imam Albani ka thënë:" Ju këshilloj për dije të dobishme dhe punë të mira. Dija e dobishme është dija e Librit dhe Sunnetit ashtu siç e kanë kuptuar të parët e këtij umeti, ndërsa puna e mirë është ajo që bëhet për hir të Allahut dhe është në përputhje me Sunnetin"

[Kosova19]

Imam Abdulaziz bin Baz ka thënë:"Kjo kohë është koha për butësi, për durim dhe urtësi dhe nuk është koha për ashpërsi. Shumica e njerëzve ndodhen në injorancë, në pakujdesi dhe i japin përparësi dynjasë, prandaj duhet patjetër durim dhe butësi në mënyrë që njerëzve t'u arrijë thirrja, t'u kumtohet dhe ta mësojnë. Lusim Allahun që t'i udhëzojë të gjithë!"

[Kosova19]

Abdullah Ibn Mes'udi (Allahu qoftë i kënaqur me të) ka thënë:" Nuk kam ndjerë keqardhje për asgjë përveç se për ditën në të cilën shpërblimi im është pakësuar, dhe veprat e mia nuk janë shtuar.

[Kosova19]

Shejkhul Islami Ibn Tejmije ke thënë:" Në këtë botë, njeriu e zbulon se të kujtosh Allahun, ta lavdërosh Atë dhe ta adhurosh Atë, është një kënaqësi që nuk krahasohet me asgjë tjetër." Minhaxh es-Sunneh (5/389)

[Kosova19]

Ibn Tejmije (Allahu e Mëshiroftë) ka thënë:" Thuhet se asnjë trup nuk është i mbrojtur prej xhelozisë. Njeriu bujar atë ndjenjë e fsheh, ndërsa njeriu i prishur e manifeston atë."

[Kosova19]

Uthmani Ibn Afani (Allahu qoft i kënaqur me të) ka thënë:" Më janë bërë të dashura nga dynjaja tre gjëra: ngopja e njeriut të uritur, veshja e njeriut të zhveshur, dhe leximi i Kur'anit."