Shkarkohet drejtori i përgjithshëm i policisë së kosovës

[Zero Cool]

Postimi origjinal është bërë nga panta_rhei

shoki,
te behemi fer,
nuk ka bir nane ne Kosove qe e din arsyen e sakte, nga mediat e kam fjalen, pse u shkarku drejtori i policise.
mendja ta thote, por realisht ska lidhje.
qe pra, edhe mu mendja ma thote se hashimi e ka shkarku reshat maliqin sepse eshte krah i fatmir limes e jakupit, edhe hashimi e ka shfrytezu momentin qe qiftave tu "me u thane mendja" qe ka te beje me aksionin ne veri.

ps.
shume mire e percolla jeta xharren + intervisten me reshat maliqin.
hajt pra ti tregona qysh e kuptove nga ky emision qe shkakrimi ka lidhje me aksionin ne veri!?

ehmmm, e shkarkoi, mi dhane rast qiftave tu, per mi thane qiftave tmi, qeto qe i thae ti LOLzzz

[Zero Cool]

New York, OKB poshtëron Serbinë. U anulua takimi për Kosovën


New York, 00:15 – Në këto momente u konfirmua se është anuluar mbledhja e jashtëzakonshme e Këshillit të Sigurimit të OKB-së, e miratuar të mbahet pas kërkesës së Serbisë, për të diskutuar rreth zhvillimeve më të fundit në veri të Kosovës.
Takimi është anuluar vetëm pak çaste pasi kishte filluar, si takim konsultativ për Kosovën, dhe për miratimin e mbajtjes së tij para kohe nuk kishte dakordim paraprak të pesë anëtarëve të përhershëm të KS të OKB-së.
Vetëm Rusia e kishte përkrahur Serbinë në kërkesën e saj, ndërsa kundërshtimet më të fuqishme i kishin bërë SHBA dhe Gjermania.


Mitrovicë, (E PREMTE, 29 korrik) 00:05 – Burime të Portalit LajmeShqip.com, të afërta me KFOR-in, gjurmëve të informacionit se në veri ka pasur të shtëna në drejtim të pjesëtarëve të KFOR-it, kanë konfirmuar se kjo e dhënë nuk qëndron.
Huliganë dhe kriminelë serbë, në turma të ndryshme, kanë shtënë në ajër në veri të vendit, por jo në drejtim të ushtarëve të KFOR-it.
Gjithashtu, konfirmohet se nuk ka as barrikada dhe bllokada të tjera, siç kanë thënë disa media, se janë ngritur në këto momente rrugëve të veriut.
Bëhet e ditur se kriminelë e vagabondë serbë të shpërqëndruar sillen në afërsi të perimetrit të zonës së kufizuar ushtarake, të shpallur nga KFOR-i, dhe kohë pas kohe shtiejnë në ajër, por jo në drejtim të KFOR-it.
Gjithashtu, pjesëtarët e njësive speciale të Policisë së Kosovës, përfshirë edhe atë FTI, tashmë janë shpërndarë në qendrat e tyre, pas konstatimit se nuk është e nevojshme përfshirja e tyre në veprime të tjera në veri.

[Zero Cool]

New York, 00:15 – Në këto momente u konfirmua se është anuluar mbledhja e jashtëzakonshme e Këshillit të Sigurimit të OKB-së, e miratuar të mbahet pas kërkesës së Serbisë, për të diskutuar rreth zhvillimeve më të fundit në veri të Kosovës.


Takimi është anuluar vetëm pak çaste pasi kishte filluar, si takim konsultativ për Kosovën, dhe për miratimin e mbajtjes së tij para kohe nuk kishte dakordim paraprak të pesë anëtarëve të përhershëm të KS të OKB-së.
Vetëm Rusia e kishte përkrahur Serbinë në kërkesën e saj, ndërsa kundërshtimet më të fuqishme i kishin bërë SHBA dhe Gjermania.

[Zero Cool]

Zyrtarët serbë që hynë ilegalisht, do të përballen me ligjin


Prishtinë, 11:47 – Thaçi: E ndaluam 100 për qind kontrabandën në pikat 1 dhe 31. Kjo e arritur do të ruhet me çdo çmim. Do të vazhdojmë me zhbllokimin e rrugëve dhe luftimin e huliganëve. Sot e ftoj EULEX-in që t’i ndihmojë autoritetet. Ka për obligim ta respektojë Kushtetutën dhe institucionet. Paramilitarët do t’iluftojmë me të gjitha mjetet. Ndërsa zyrtarët serbë që hynë ilegalisht dhe nxitën dhunë, do të përballen me ligjin, në rastin e parë.



Prishtinë, 11:21 – Nga mbledhja e paparalajmëruar e nisur sot, për djegien e G1 Qeveria e Kosovës e bënë përgjegjës Beogradin dhe zyrtarët e serbë që u futën ilegalisht në veri.
Qeveria premton vendosjen dhe riparimin e Pikës 1 dhe vendosjen e shpejtë të doganierëve.
Mbledhja është urgjente, ndërsa nuk janë njoftuar ministrat paraprakisht për rendin e ditës.

[Zero Cool]

Kontrabanduesi serb i Veriut urdhëron djegien e Jarinjes!?



Sulmi dhe djegia e pikës kufitare në Jarinje, në Veri të Kosovës, sipas të dhënave të policisë dhe shërbimeve të sigurisë të Serbisë, e ka organizuar një serb, një bos lokal i grupeve kriminale që merret me kontrabandimin e drogës dhe mallrave tjera!





Sipas ditores beogradase “Blic”, informatat që vijnë nga Mitrovica tregojnë se grupin e 50 të rinjve, të cilët të mërkurën rreth orës 19 e dogjën me koktej molotovi pikën kufitare në Jarinje, e ka organizuar pikërisht ky kriminel i cili sulmin e ka koordinuar nga Mitrovica veriore. Me urdhrin e tij dhe me mbështetjen të cilën ai e ka organizuar, të rinjtë kanë shkuar në pikën kufitare nga Mitrovica e Veriut. Serbëve të cilët dy ditë më herët kishin bllokuar kalimin drejtë kufirit u është kërkuar të largohen, për të nisur pastaj shkatërrimin dhe djegien e objekteve në pikëkalimin kufitar.

Bosi serb i kontrabandimit, shkruan “Blic”, është i njohur për policinë serbe për vepra të rënda penale. Për shkak të shitjes së drogës ai është arrestuar më 2003, ndërsa dy vite më vonë për vjedhje automobili.

“Pas kësaj i është futur biznesit me drogë dhe kontrabandimit që shmangë tatimin, sidomos me naftë, e cila në këtë anë tregtohet me shumicë ilegalisht”, shkruan “Blic” i cili ka dosje të këtij bosi mafioz. “Sulmin e ka organizuar për ta komplikuar situatën meqë nuk i përshtatet që të vendosen aty vetëm doganierët shqiptarë”.

[Zero Cool]

Situata në Pikat 1 dhe 31 e qetë, por jo e sigurt


KFOR-i përmes një njoftimi për media bënë të ditur se mbrëmë dhe mëngjesin e sotëm situata në Pikën 1 (Pika e kalimit kufitar në Jarinje) dhe në Pikën 31 (Pika e kalimit kufitar në Bërnjak) ka qenë e qetë, megjithatë nuk është as e sigurt, as stabile.






Bëhet e ditur se Pikat mbeten të mbyllura dhe nën kontrollin e KFOR-it, si dhe rregullat për hyrje apo dalje nuk kanë ndryshuar.

“Në veçanti, automjetet e vogla private mund ta kalojnë kufirin nën rrezikun e tyre. Megjithatë ato do të ndalen nga KFOR-i dhe do të kontrollohen për armë apo ndonjë mall tjetër të ndaluar. Kamionët nuk lejohen që të hyjnë. Në Portën 31 në Bërnjak
kontrollet janë shumë strikte për shkaqe sigurie”, thuhet në njoftimin e KFOR-it.

KFOR-i inkurajon të gjithë që t’i respektojnë këto rregulla.

[Zero Cool]

KFOR-i u jep ultimatum serbëve për barrikada


Në Rudar, KFOR-i i ka dhënë ultimatum popullatës së mbledhur që të largojë barrikadat. Afati kalon në ora 16.





Sekretari i Serbisë për Kosovë, Oliver Ivanovic, ka thënë për ditoren "Blic" se "populli nuk do të largohet nga barrikadat”. “Rreth meje në barrikada është populli duarthatë. KFOR-i dhe NATO nuk mund t’i largojnë nga këtu, ndërsa thuhet se me tanke do të kalojnë në popull. Kjo do të jetë katastrofë për të gjitha misionet paqësore e vetë NATO-n”, thotë ai, duke shtuar se “këta njerëz nuk do të lëvizin dhe në vendimin e tyre janë të vendosur”.

“Dalja nga kjo situatë është e mundshme vetëm me bisedime dhe që asnjë mision ndërkombëtar mos të anojë vetëm te njëra palë”, thotë Ivanovic për “Blic”.

Pak para orës 15, ushtarët amerikanë kanë mbyllur tërësisht kalimin në Jarinje, si përgjigje ndaj barrikadave serbe në rrugën që shpie drejtë kësaj pike kufitare.

[Zero Cool]

Postimi origjinal është bërë nga Zero Cool

KFOR-i u jep ultimatum serbëve për barrikada


Në Rudar, KFOR-i i ka dhënë ultimatum popullatës së mbledhur që të largojë barrikadat. Afati kalon në ora 16.





Sekretari i Serbisë për Kosovë, Oliver Ivanovic, ka thënë për ditoren "Blic" se "populli nuk do të largohet nga barrikadat”. “Rreth meje në barrikada është populli duarthatë. KFOR-i dhe NATO nuk mund t’i largojnë nga këtu, ndërsa thuhet se me tanke do të kalojnë në popull. Kjo do të jetë katastrofë për të gjitha misionet paqësore e vetë NATO-n”, thotë ai, duke shtuar se “këta njerëz nuk do të lëvizin dhe në vendimin e tyre janë të vendosur”.

“Dalja nga kjo situatë është e mundshme vetëm me bisedime dhe që asnjë mision ndërkombëtar mos të anojë vetëm te njëra palë”, thotë Ivanovic për “Blic”.

Pak para orës 15, ushtarët amerikanë kanë mbyllur tërësisht kalimin në Jarinje, si përgjigje ndaj barrikadave serbe në rrugën që shpie drejtë kësaj pike kufitare.

[Zero Cool]

Ushtarët e SWISSCOY, me detyra speciale në veri





Mitrovicë – Burime të portalit LajmeShqip.com mësojnë se forcat e KFOR-it në veri janë duke u mobilizuar përfundimisht për të vazhduar marshimin për zhbllokimin e rrugëve.
Ndërkohë, sipas mediave të huaja KFOR-it në veri i janë bashkuar edhe trupa zvicerane në parapërgatitje për t’i liruar rrugët në marshin e nisur nga Thaçi për pikat kufitare G1 dhe G31.
Rreth 15 ushtarë të kontigentit SWISSCOY po qëndrojnë në Veri, të shtunën dhe aty do të presin dritën e gjelbërt.
Burimet e njëjta flasin se ultimatumi ishte dhënë deri në orën 16:00 të ditës së sotme, porse ende nuk dihet se si do të vazhdohet.
Ndërkohë që një media e huaj ka dhënë detaje për operacionin e planifikuar.
Trupat zvicerane iu janë bashkëngjitur atyre të KFOR-it për të kryer detyrën speciale, pasi kanë përvojë më të madhe në punë civile dhe me makineri të rëndë për të pastruar rrugët e bllokuara.
Është formuar edhe ekipi paraprak i deminimeve që do të inspektojë barrikadat, nëse kanë eksploziv apo ndonjë element tjetër shpërthyes.
Tanket që do t’i përdorin trupat zvicerane do jenë të tipit “Piranha”, bagerë për tërheqje të rënda, si dhe një kamion me kran për bartje deri në 40 ton.
Barrikadat janë masive dhe duhet trajtim i veçantë për to. Në operacion do të marrin pjesë edhe helikopterë të KFOR-it, të tipit “Super Puma”.
Në ditët e kaluara, rreth 15 zviceranë, të ndarë në dy ekipe janë të futur në mesin e banorëve të Veriut për të siguruar informata të mjaftueshme. Gjithsej janë 21 ushtarë zviceranë të vendosur me mision të përhershëm në Veriun e Kosovës. (lsh/sda)

[Zero Cool]

Konfirmohet largimi i bllokadës rrugore


Bllokada rrugore në rrugën sekondare në zonën e Zubin Potokut është larguar gjatë mëngjesit të ditës së diel- ka konfirmuar KFOR-i përmes një kumtese për media.





“Qëllimi i këtij operacioni është përmirësimi i qasjes së qytetarëve të Kosovës në rrugën kryesore dhe rivendosja e lirisë së lëvizjes në afërsi të Zubin Potokut. Ky aksion është kryer në koordinim të afërt me EUEX-in dhe kaloi pa kurrfarë pengimi”, thuhet në komunikatën e KFOR-it.

Më tej thuhet se situata në përgjithësi në Kosovë është raportuar e qetë dhe se nuk ka informata për incidente për t’u përmendur. KFOR-i pret nga qytetarët në të gjitha pjesët e Kosovës që ta ruajnë qetësinë dhe të ndihmojnë në shmangien e dhunës.


Policia dhe doganierët qëndrojnë në të dyja pikat kufitare

Situata e sigurisë në veriun e Kosovës, gjatë natës që shkoi, ka qenë e qetë dhe kjo gjendje vazhdon ende, thonë zyrtarët e Policisë së Kosovës.

Zëdhënësja e PK-së, Sabrie Kamberi, i ka thënë Radios Evropa e Lirë se gjatë tërë natës nuk është raportuar ndonjë incident.

“Ka qenë një natë e qetë. Ne jemi në kontakt të vazhdueshëm edhe me kolegët nga Drejtoria rajonale e Mitrovicës dhe deri më tash raportohet që situata është e qetë”, është shprehur ajo.

Kamberi ka theksuar se zyrtarët policorë të Policisë Kufitare dhe doganierët vazhdojnë të qëndrojnë në të dyja pikat kufitare, në Jarinjë dhe Bërnjakë.

[Llapi]

Kryeministri Hashim Thaçi merr vendim për emërimin e z.Shpend Maxhuni, ushtrues i detyrës së Drejtorit të Përgjithshëm të Policisë së Kosovës

Prishtinë, 5 gusht 2011

Kryeministri i Republikës së Kosovës, Hashim Thaçi, në mbështetje të nenit 94 paragrafit 3 dhe 10 të Kushtetutës së Republikës së Kosovës, nenit 43 paragrafit 2 të ligjit nr. 03/L-035 për Policinë, si dhe të nenit 4 (4.1) të rregullores nr.02/2011 për fushat e përgjegjësisë administrative të Zyrës së Kryeministrit dhe ministrive, ka nxjerrë:

VENDIM

Për emërimin e z.Shpend Maxhuni, ushtrues i detyrës së Drejtorit të Përgjithshëm të Policisë së Kosovës.

Z.Shpend Maxhuni do t’i kryejë detyrat dhe përgjegjësitë e Drejtorit të Përgjithshëm të Policisë së Kosovës, në pajtim me dispozitat e ligjit 03/L-035 për Policinë dhe legjislacionit përkatës për policinë.

Mandati i z.Shpend Maxhuni si ushtrues i detyrës së Drejtorit të Përgjithshëm të Policisë së Kosovës përfundon në momentin e emërimit të Drejtorit të Përgjithshëm të Policisë së Kosovës, në pajtim me dispozitat e Kushtetutës së Republikës së Kosovës dhe legjislacionit përkatës për policinë apo të nxjerrjes së vendimit tjetër nga Kryeministri.

Vendimi hyn në fuqi ditën e nënshkrimit.

[Guri i madh]

Postimi origjinal është bërë nga Llapi

Kryeministri Hashim Thaçi merr vendim për emërimin e z.Shpend Maxhuni, ushtrues i detyrës së Drejtorit të Përgjithshëm të Policisë së Kosovës

Prishtinë, 5 gusht 2011

Kryeministri i Republikës së Kosovës, Hashim Thaçi, në mbështetje të nenit 94 paragrafit 3 dhe 10 të Kushtetutës së Republikës së Kosovës, nenit 43 paragrafit 2 të ligjit nr. 03/L-035 për Policinë, si dhe të nenit 4 (4.1) të rregullores nr.02/2011 për fushat e përgjegjësisë administrative të Zyrës së Kryeministrit dhe ministrive, ka nxjerrë:

VENDIM

Për emërimin e z.Shpend Maxhuni, ushtrues i detyrës së Drejtorit të Përgjithshëm të Policisë së Kosovës.

Z.Shpend Maxhuni do t’i kryejë detyrat dhe përgjegjësitë e Drejtorit të Përgjithshëm të Policisë së Kosovës, në pajtim me dispozitat e ligjit 03/L-035 për Policinë dhe legjislacionit përkatës për policinë.

Mandati i z.Shpend Maxhuni si ushtrues i detyrës së Drejtorit të Përgjithshëm të Policisë së Kosovës përfundon në momentin e emërimit të Drejtorit të Përgjithshëm të Policisë së Kosovës, në pajtim me dispozitat e Kushtetutës së Republikës së Kosovës dhe legjislacionit përkatës për policinë apo të nxjerrjes së vendimit tjetër nga Kryeministri.

Vendimi hyn në fuqi ditën e nënshkrimit.

o llapqin


qka u ba me thaqin a i ka policin ne veri te kosoves a jo pse nuk esht thaqi duke pie kafe ne Leposaviq