Teknologji

[rilinda]

Sqarim nga Dell-i për laptopët me "elektroshok"

Vitin e kaluar Dell ka publikuar informata të detajuara për "therjet", apo siç i kanë quajtur shfrytëzuesit, goditjet elektrike, të cilat nganjëherë hetohen gjatë përdorimit të laptopëve XPS M1330 dhe XPS M1530, për të cilën shkruam ditë më parë.Në fakt, mbi “rrjedhjen” e rrymës gjatë përdorimit të laptopëve të Dell-it, ekipi nga Dell ka paraqitur të dhënat vijuese: Edhe pse "rrjedhja” e rrymës është shumë e vogël dhe brenda kufizimeve të sigurisë, disa njerëz megjithatë e ndjejnë atë.

Kjo paraqitje mund të ndjehet si therje e butë, por nëse kjo “therje” është e lidhur me zbrazjen elektrostatike, e cila mund të ndjehet gjatë lëvizjes nëpër tepih në kushte të ajrit të thatë, atëherë efekti i përgjithshëm mund të jetë befasues, por jo edhe i dëmshëm.

Efekti i parë i cili ndjehet vjen nga elektriciteti statik. Gjithashtu, në Dell kanë theksuar se burim i “therjes” së pakëndshme nuk është laptopi, siç kemi thënë edhe ne më herët, por adapteri me dy pina. Mirëpo, është interesante, siç pohojnë edhe në Dell, adapteri me 2 pina është burim i “therjeve” të rrymës, por ai duhet të punojë ashtu dhe kjo është parashikuar ashtu në ekipin e ekspertëve.

Në kompaninë e Dell-it gjithashtu thirren në atë se, edhe prodhuesit të tjerë të laptopëve, shesin modelet e tyre me adapterë 2 pinësh, tek të cilët gjithashtu mund të pritet “therje” me rrymë nëse kushtet janë të përshtatshme.

Adapterët e rinj me 2 pina, çdo ditë e më shumë janë në përdorim sepse me dimensione më të vogla ofrojnë shumë më tepër, siç janë pesha dhe dimensionet më të vogla, janë më të lehtë për t’u bartur, por edhe të mos harrojmë, ndajnë rrymën me shfrytëzuesin.

Për fund, në Dell pohojnë që “therja” mund të evitohet me shfrytëzimin e adapterit 3-pinësh, megjithatë, nuk do të largohet elektriciteti statik, edhe pse është i përtokëzuar.

Telegrafi.net

[rilinda]

Celular me ekran të lakueshëm

Kompania holandeze Polymer Vision ka paraqitur prototipin e telefonit celular me ekran të lakueshëm, dhe e ka emërtuar atë, Readius. Mbetet vetëm pikëpyetje kur kjo çudi do të dalë në treg.Ideja e celularit, i cili përdorë ekran të lakueshëm, është që pa rritjen e dimensioneve dhe masës së pajisjes, të integrojë një ekran të përshtatshëm për shfletimin e faqeve të internetit, postës elektronike, e madje edhe për lexim të librave e teksteve tjera. Përmes shfletimit, nga celulari i dimensioneve mesatare, del ekrani me diagonale prej pesë inçësh (12.5 cm).

Teknologjia të cilën e ka përzgjedhur kompania holandeze për ekranin është e-ink, e zhvilluar për lexuesit e librave elektronikë, sikurse që është, Kindle i Amazonit. Përparësi e kësaj teknologjie në veçanti është shpenzimi i vogël i baterisë, sepse kur ekrani është në lëvizje, nuk i nevojitet energjia aspak – ajo nevojitet vetëm atëherë kur ndryshohet përmbajtja e faqes.

Përparësia e ekranit të lakueshëm është çlodhja e syve, sikur me rastin e leximit në letër. Ana negative është, paraqitja bardhë e zi dhe kohëzgjatja e paraqitjes së përmbajtjes, që e bën këtë ekran jo shumë të përshtatshëm për përmbajtje multimediale.

Readius do të jetë telefon celular 3G për hir të qasjes më të shpejt në përmbajtje, të cilat do të shfaqen në ekranin e madh. Polymer Vision planifikon të nisë prodhimin e tyre dhe qysh këtë vit të fillojë shitjen e tyre. Nuk ka të dhëna të sakta mbi çmimin, por pritet që do të kushtojë sa edhe telefonat celular të klasës së lartë.

www.polymervision.com

[rilinda]

Dodge Demon nga Kina

Duke marrë parasysh që automjetet siç janë Honda S2000, Opel GT dhe Mazda Miata kanë fuqinë transmetuese në boshtet e prapme, ka qenë e pritur qe edhe koncepti Dodge Demon të futet njëjtë në lëvizje në të njëjtën mënyrë.Megjithatë, versioni serik nuk do të përcjellë atë konceptual, dhe është shumë interesante që do të bazohet në platformën e zhvilluar nga kompania kineze Chery.

Kjo lëvizje paraqet një rrjedhë logjike të ngjarjeve, pasi që prodhuesit amerikanë e kinezë qe një kohë të gjatë po planifikojnë bashkëpunim të gjerë në zhvillimin e automjeteve për tregun e Amerikës Veriore dhe atë të Evropës.

Natyrisht, menjëherë shtrohet pyetja e kualitetit, sepse e dimë shumë mirë reputacionin të cilin e kanë automjetet e prodhuara në Kinë.

[rilinda]

Trashëguesi i Vistas në treg

Edhe pse Windows Vista më shumë probleme po e zë vendin e vet në kompjuterët e shfrytëzuesve - lexo: këtë version të sistemit operativ në rastin më të shpeshtë e zgjedhin shfrytëzuesit të cilëve iu imponohet një gjë e tillë, gjithashtu shumica e kompjuterëve vijnë me Vista paraprakisht të instaluar - në taborin e gjigantit softuerik po punojnë me të madhe në versionin e ri të Windowsit.Ky fakt i vetëm nuk do të ishte ndonjë lajm, por burime të shumta të internetit pohojnë se, një numër i caktuar i partnerëve kyç të Microsoftit, veçse kanë marrë pjesë të caktuara të kodit programor, që do t’i përmbajnë Windows e ardhshëm. Po ashtu ata kanë marrë edhe të ashtuquajturat datat 'roadmap' të pjesëve tjera të sistemit operativ, derisa data përfundimtare për daljen e Windows-ave të rinj është caktuar për gjysmën e dytë të vitit të ardhshëm.

Windows-at e rinj në Microsoft ishin emëruar me kodet Blackcomb Vienna, mirëpo janë riemëruar në Windows 7. Sa i përket datës së daljes së Windows, sipas thashethemeve të reja, ajo është lëvizur për disa muaj më herë - duke marrë parasysh që si datë kyçe për shitjen e tyre, deri më tani, ka qenë viti 2010.

Si do që të jetë, e gjithë kjo gjë do te jetë më e qartë kur nga Microsofti të publikojnë Windows Logo Program Changes for Windows 7, që sipas politikës së Microsoftit do të duhej të ndodhte 18 muaj para daljes zyrtare të versionit të ri të Windows-it.

www.microsoft.com

[rilinda]

Japonezët prezantojnë kopjen e Renault 4-shit

Japonezët janë aq shumë të dhënë pas veturave klasike evropiane, sa që nuk është befasi nëse në tregun e tyre shohim ndonjë kopje të modeleve evropiane të viteve të 70-ta.Kështu ka ngjarë edhe në sallonin e sivjetmë të automobilave në Tokio, kur DAMD ka paraqitur kopjen e veturës legjendare Renault 4, të bazuar në modelin kompakt të Suzukit, Lapin.

Katërshi, respektivisht Quatrelle, siç e kanë quajtur në Francë, njihet si kundërpërgjigje e Renaultit ndaj modelit të Citroenit, Spacek (2CV).

Ky model ishte prezantuar në vitin e largët 1961, ndërsa gjatë 33 viteve të prodhimit të tij, deri në vitin 2004, janë shitur më shumë se 8 milionë kopje të këtij modeli në 200 shtete anembanë botës.

[rilinda]

Kompjuteri përkthen lehjet e qenit

Shkencëtarët hungarezë janë duke punuar në një program kompjuterik për t’iu mundësuar njerëzve të kuptojnë lehjet e qenve. Thuhet se softueri do t’i zbulojë nuancat e lehjeve të qenve, dërdëllitjet dhe hungërimat e tyre, njofton BBC
.Pasi t’i ketë analizuar 6.000 lehje, softueri ka për qëllim të përcaktojë se, kur qeni ka parë një top, kur përleshet, luan, takon një të huaj, apo kur të dëshiron të shëtitet.

Madje shkencëtarët pranojnë se teknologjia po ju shkon më mirë me ta sesa me njerëzit.

Derisa kompjuteri ka njohur në mënyrë korrekte gjendjen emocionale të 43% të qenve, me njerëzit është arritur vetën në 40%.

Csaba Molnar, nga Eotvos University në Budapest, i ka thënë BBC-së: "Do të thosha se kemi dëshmuar që ka ndryshime shumë të fuqishme kontekstuale në mes të lehjeve”.

"Por na duhet edhe një punë e madhe, të përcaktojmë se cilat gjendje emocionale dhe cilat karakteristika i përkasin cilit lloj", ka përfunduar Molnar

[rilinda]

Prezantohet aeroplani i kozmosit

Virgin Galactic ka prezantuar modelin e ri të një aeroplani, i cili do të mund të çojë pasagjerë në hapësirë. Mjeti fluturues përmban në bordin e tij një tjetër mjet, i cili lëshohet në hapësirë gjatë kohës që aeroplani, i cili e mban në bord këtë të fundit, do të ketë arritur lartësinë maksimale të ngjitjes së tij prej 110 km.
Prej këtej si një kapsulë do të bëhet shkëputja e tij, ndërsa mjetet do të drejtohen njëri në tokë dhe tjetri në hapësirë për t’u rikthyer sërish në tokë.

Sipas ndërtuesve të tij, ky lloj mjeti fluturues do t’i hapë rrugë zhvillimit të turizmit hapësinor. Udhëtimi do të kushtojë 200 mijë dollarë.

Aktualisht 200 persona kanë prenotuar një eksperiencë të tillë, ndërsa 85 mijë të tjerë kanë regjistruar kërkesën për të fluturuar. /A1/

[rilinda]

Nokia N95 8GB me DLNA

Ka shumë pak ditë që ka dalë "Nokia N95" me memorie 8GB Është telefoni i parë i cili përdor teknologjinë DLNA, akronim i "Digital Living Netwrk Alliance", e thënë ndryshe: mundësia për të lidhur shumë aparate midis tyre, si të jenë njëri aksesor i tjetrit.
Përgjithësisht, karakteristikat e "Nokia N95"-ës 8GB janë po ato, ndryshon vetëm aftësia për bashkëpunim me aparaturat e tjera, si p.sh. lidhja me "Sony PS3, HDTV, PC, Laptop, tastiera, WFi etj.

Sistemi i operimit është "Symbian" i serisë 60, si ai i "Nokia N73", bluetooth, infrared, USb etj., dhe të gjitha të përmbyllur në një ekran 2,6-polësh i tipit TFT, me një rezolucion 240x320 pixel.

Zë një hapësirë prej 99x53x21 milimetra dhe një peshë 120 gramë, ku natyrisht foto-amera është plot 5 megapixel.

Pra, karakteristika kryesore është lidhja pa fije e N95 8GB e cila komunikon me Ps3 dhe lejon që fotot e ruajtura në memorien e brendshme të celularit të shihen në TV. /korrieri/

[rilinda]

Disklavier - një piano digjitale për internet

Dikur radioja zinte vendin e pianos. Tani instrumenti po merr atë që i takon nëpërmjet internetit. Sipas asaj që shkruhet në revistën Billboard, kompania Yamaha ka hedhur në treg Disklavier - një piano digjitale, që lidhet me internetin.Shërbimi Disklavier Radio, i krijuar apostafat për instrumentin, jep mundësinë që nëpërmjet stacioneve të radios dhe një abonimi mujor prej 20 dollarësh tek “DisklavierMusicStore”, që muzika e cila shkarkohet, të ruhet automatikisht në diskun e memories së pianos, i cili është 80 GB.

Përdoruesit në këtë mënyrë mund të përdorin shumë thjesht pjesët muzikore të shkarkuara dhe në këtë mënyrë t’i mësojnë në piano. Muzika e regjistruar do të jetë sinkron me instrumentin, por edhe në qoftë se nuk luhet në piano, ajo do të duket sikur ka një pianist.

Instrumenti ka një kërkesë specifike, atë të një lidhjeje në internet shumë të shpejtë. Një funksion tjetër i pianos, është se mund të fiksojë regjistrimin nëpërmjet një telekomande.

Për sa i përket çmimit, kurioziteti shuhet me 35.000 dollarë dhe mund të gjendet në të gjithë dyqanet e “Yamaha”-s, ose të porositet edhe në internet. /korrieri/

[rilinda]

Google fillon projektet filantropike

Makina kërkuese amerikane Google, do të ndajë mbi 25 milionë euro subvencione dhe investime për një numër të madh të projekteve filantropike, duke synuar kështu, siç janë shprehur drejtuesit e saj, të bëhet kompania e cila e përmirëson botën, kanë njoftuar mediat franceze.
Në kuadër të projektit të parë, i cili ka të bëj me parandalimin e katastrofave shëndetësore, biologjike, klimatike e të tjera, organizata InSTEDD (Innovative Support to Emergencies, Diseases and Disasters) do të pranojë pesë milionë dollarë për parandalimin e krizave shëndetësore në botë, derisa Iniciativa për Sigurinë Shëndetësore në Botë do të marrë 2.5 milionë dollarë për mbrojtje nga kërcënimet biologjike, Universiteti amerikan Clark do të marrë një donacion për zhvillimin e sistemeve për kontroll më të mirë, analiza dhe parashikime në raport me ndryshimet klimatike në ekosisteme, produkte ushqimore dhe shëndet të banorëve të Afrikës dhe Amazonës.

Projekti i dytë ka të bëj me qasjen në shërbimet publike për shtresat më të varfra të popullatës së Indisë dhe Afrikës lindore. Në kuadër të tij, organizata joqeveritare indiane Pratham do të fitojë dy milionë dollarë për krijimin e institutit të pavarur, i cili do të përpilojë raportet vjetore shtetërore mbi gjendjen në arsim, dhe do të jap vlerësimet e tij në fushën e arsimimit.

Projekti i tretë ka të bëj me nxitjen e zhvillimit të ndërmarrjeve të vogla dhe të mesme. Kompania ndërkombëtare "TechnoServe" e cila merret me stimulimin e fillimit të bizneseve private në mjediset e varfra në mbarë botën, do të marrë 4.7 milionë dollarë për mbështetje kompanive, stimulimin e hapjes së vendeve të reja të punës në Afrikë, para së gjithash në Gana dhe Tanzani.

Projekti i katërt me radhë ka të bëj me energjinë e ripërtëritshme, e në këtë kuadër një kompani nga Pasadena (Kaliforni), e cila merret me energjinë termale solare, do të fitojë 10 milionë dollarë për zhvillimin e sistemit. Përderisa në projektin e pestë është përfshirë përshpejtimi i komercializimit të automjeteve hibride.

Google do t’i jap 500.000 deri në dy milionë euro për kompanitë, të cilat kanë qasjen më inovative për komercializimin e gjerë të këtyre llojeve të reja të automjeteve.

[rilinda]

Nokia paralajmëron rrjetin 4G

Nga kompania "Nokia Siemens Networks" kanë lajmëruar se me sukses është kryer rrethi i parë i testimit të teknologjisë 4G LTE (Long-term Evolution) dhe se ajo, në pajisjet mobile, ka arritur shpejtësinë prej 173 megabitësh në sekondë.
Grupi 3GPP ka publikuar specifikat e standardit të gjeneratës së katërt për bartjen e të dhënave në telefonat celularë. Rrjetet LTE, sikur se edhe Wi-Fi, do të shfrytëzojnë antenat me mundësi të pranimit dhe dërgimit të shumëfishtë, me anë të së cilave do të rrisin dukshëm rrjedhën e informatave në krahasim me atë 3G.

Me anë të rrjetit të ri, të dhënat do të barten gjatë shkarkimit me shpejtësi prej 326 megabitësh për sekondë, derisa koha latente në mes të shfrytëzuesit dhe dërguesit, do të zvogëlohet në dhjetë mili-sekonda.

Rrjeti 4G do të shfrytëzojë frekuencën 2600 GHz, përderisa në firmën "Nokia Siemens Networks" presin që, deri në vitin 2015, këtë teknologji të re ta shfrytëzojnë rreth pesë miliardë shfrytëzues.

Testimet janë kryer si në zonat urbane ashtu edhe në ato rurale, e rezultatet, siç pohojnë në këtë kompani, janë më shumë se të kënaqshme.

[rilinda]

Sony Ericsson R306 – një radio-celular

Modeli më i ri i celularit nga prodhuesi Sony Ericsson, R306, nuk duket fare si telefon mobil – por më shumë i ngjan një radio-aparati. Megjithatë, bëhet fjalë për telefon celular i cili u dedikohet atyre që pëlqejnë të dëgjojnë radion.
Në shikim të parë, dizajni i këtij modeli nuk duket gjithaq modern, madje edhe përmbajtja e brendshme e tij nuk ofron shumë – një kamerë 1.3 megapixel nga njëra anë dhe, një radio aparat me valët FM dhe AM, në anën tjetër.

Edhe mundësitë teknike të këtij modeli janë goxha të limituara: Për bartjen e shënimeve posedon vetëm GPRS dhe Bluetooth, i mungon infrared-i, nuk mundëson zmadhimin e kartelave të memories, ndërsa monitori i rij ka 128x165 pikselë.

Ky model pritet së shpejti të dalë në treg, respektivisht në pjesën e parë të këtij viti.

[rilinda]

Kupeja e re CLC paraqitet zyrtarisht

Në javën e modës në Berlin, Mercedes ka paraqitur kupenë e re CLC, trashëguese e modelit, Sport Coupe C Class.
Edhe pse në shikim të parë, do të mund të mendohej se bëhet fjalë për një automjet tërësisht të ri, nuk është ashtu. Në fakt, edhe pse në Mercedes pohojnë se për CLC-në e ri janë zhvilluar më shumë se mijëra pjesë dhe komponentë të rinj, automjeti shfrytëzon platformën e C Class-ës së vjetër, e jo të asaj të re.

Në fakt, pos ridizajnit, timonit të ri nga CLK, dhe enterierit të ri, CLC është Sport Coupe e vjetër. Enterieri i përmendur është i pasuruar me mundësi multimediale – DVD me disk të fortë, iPod, qasje për kartela SD në konzolën e mesme, navigacion satelitor dhe udhëheqjen me zë.

Blerësit do të mund të zgjedhin në mes të dy motorëve me naftë, me fuqi prej 122 deri në 272 KF. Automjeti në mënyrë standarde do të jetë i pajisur me marsh prej gjashtë shpejtësish dhe automatik, dhe me pagesë shtesë, ai do të pajiset me marsh automatik prej shtatë shpejtësish. Automjeti i ri del në shitje gjatë muajit maj të këtij viti.

[rilinda]

Risi e re tërheqëse për sy nga Samsung

Një numër i caktuar i shfrytëzuesve të telefonave celularë presin ekskluzivisht pamje tërheqëse, derisa tjerët nga pajisja e tyre telekomunikuese presin funksionalitet kualitativ. Samsung në celularin e vet të ri ka futur çdo gjë nga pak për secilin.
Samsung L170 disi na kujton modelin e paraqitur më herët, atë U600, pos që pajisja nuk është në formën rrëshqitëse. Shtëpiza e stilizuar nga metali i jep pajisjes një dozë të elegancës, por as ajo që fshihet nën të, “nuk është për t’u gjuajtur”.

Samsung L170 është pajisje me mbështetje për WCDMA/GSM (900, 1800, 1900 Mhz) dhe GPRS, dimensionet e saj janë 102.3 х 45.8 x 10.7 milimetra, pesha 86 gramë, përmban ekran 1.7 inçësh TFT me rezolucion 176 x 220 piksela, kamerë prej dy megapikselash, hapësirë të integruar të dhënave prej 21 MB e cila mund të rritet edhe më tepër me kartelën e memories (microSD) shtesë, pranues të radiovalëve FM si dhe mundësi të shumta multimediale që sot janë pjesë përbërëse e pothuajse çdo pajisjeje të këtij lloji.

Ajo çfarë nuk është e njohur është çmimi dhe paraqitja e këtij celulari në treg, mirëpo është e sigurt që Samsung për këtë do të lajmërojë me kohë.

[rilinda]

Policia gjermane prej muajit shkurt mbikëqyr Skype-in

Dokumentet zyrtare të cilat javën e kaluar janë paraqitur në internet shfaqin orvatjet e jashtëzakonshme të policisë gjermane për mbikëqyrjen e trafikut të saj me zë dhe video i cili zhvillohet nëpërmes rrjetit për komunikim – Skype.
E dhëna për këtë qëllim të policisë gjermane nuk është befasuese kur merret parasysh se ministri gjerman i punëve të jashtme Wolfgang Schäuble ka propozuar autorizime më të mëdha të autoriteteve gjermane në mbikëqyrjen e internetit, qysh prej këtij shtatori. Megjithatë, nga dokumentet të cilat kanë depërtuar në internet jepet të kuptohet që policia gjermane do t’i rris autorizimet e saja edhe më herët.

Sistemi i cili përmendet në dokumentin kontestues është emëruar “Skype Capture Unit”, dhe ai është përpunuar nga kompania Digitask. Sistemi mundëson kapjen e bisedave klasike në mes personave që shfrytëzojnë me aplikacionin Skype dhe mbikëqyrje “brenda kohës së duhur”.