Lajme Aktuale....

[Guri i madh]

• 
• 
• 
• 

Prishtinë, 14 maj - Qeveria e Republikës së Kosovës jep kontratën 20 vjeçare të koncesionit për operim dhe zgjerim të aeroportit të vetëm komercial të vendit konsorciumit “Limak Aeroprot de Lyon”, i përbërë nga operatori francez te aeroporteve “Aerport de Lyon” dhe kompanisë ndërtuese turke “Limak Construction”.
Përzgjedhja është bërë e ditur gjatë një ceremonie publike të transmetuar në televizion, në të cilën është bërë hapja e propozimeve të dorëzuara nga ofertuesit e para-kualifikuar.

“Limak-Aerport de Lyon” i është dhënë kontrata për arsye se i ka ofruar Qeverisë së Kosovës një mesatare prej 39.42% % të të hyrave bruto, në këmbim të të drejtave të koncesionit. IC Frapport Havamanli ICTAS, ofertuesi që ka zënë vendin e dytë, ka propozuar një mesatare prej 30.37% të të hyrave bruto.
Nga “Limak Holding” dhe “Aeroprot de Lyon” do të kërkohet të modernizojë dhe të zgjerojë Aeroportin Ndërkombëtar të Prishtinës, duke investuar mbi 100 milionë euro në infrastrukturën e re, duke përfshirë këtu ndërtimin e objektit të terminalit të ri. Nga koncesionari i ardhshëm do të kërkohet gjithashtu të operojë me Aeroportin me oferta të zgjeruara të shërbimeve dhe me nivele të rritura të cilësisë. Republika e Kosovës do të ruajë 100% pronësinë mbi asetet e Aeroportit.
Kjo është përpjekja e parë e suksesshme e Kosovës, për tërheqjen e investimeve strategjike afatgjata në infrastrukturë dhe shërbime publike, dhe procesi është lajmëruar publikisht, si një arritje e madhe dhe si një votë besimi për qeverinë e vendit dhe për sistemin ligjor. Është konsideruar gjithashtu si një konfirmim kyç i përpjekjeve të vendit drejt krijimit të një programi shumë-sektorial të partneriteteve publike-private.
Procesi i prokurimit, që ka mundësuar dhënien e kësaj kontrate është lëvduar si brenda vendit ashtu edhe ndërkombëtarisht për transparencën e tij dhe për menaxhimin profesional. Projekti është menaxhuar nga Komiteti Drejtues Ndër-ministror i Projektit, i përbërë nga gjashtë ministra të qeverisë.
Procesi është ndërmarrë me asistencën strategjike të Agjencisë së SHBA për Zhvillim Ndërkombëtar dhe të partnerit implementues të saj, Deloitte Consulting, LLP. NACO (Netherlands Airport Consultants), Innova Aviation Consulting dhe firma juridike White and Case nga SHBA kanë shërbyer si këshilltarë të transaksionit.
Për të shtuar transparencën në maksimum, çmimet e propozuara janë mbajtur në një kasafortë me çelës të dyfishtë në Ministrinë për Ekonomi e Financa, që nga dorëzimi i ofertave më 28 prill, ku një nga çelësat është mbajtur jashtë Kosovës nga Këshilltari i Transaksionit.

Ofertat janë hapur dhe çmimet janë lexuar me zë nën pamjen e plotë të publikut dhe të shtypit, duke eliminuar kështu çfarëdo mundësie të korrupsionit.

Kryeministri Hashim Thaçi, lavdëroi procesin për transparencën e tij, duke theksuar se “Qeveria e Kosovës është e palëkundur në përkushtimin e saj për tërheqjen e investimeve private me anë të procedurave të hapura dhe konkurruese”.

Fatmir Limaj, ministër i Transportit dhe Komunikacionit dhe kryesues i Komitetit Drejtues Ndërministror të projektit deklaroi që “ Të gjitha vendimet në lidhje me procesin e dhënies së kontratës janë marrë nga një komitet vlerësues i pavarur i përbërë nga ekspertë ndërkombëtarë ligjor, financiar dhe teknik, si dhe nga zyrtarët vendorë nga ministritë e ndryshme”. Ai u kujtoi gjithashtu shikuesve që ofertuesit e pasuksesshëm kanë të drejtë ankese ndaj vendimit të komitetit vlerësues.
Ofertat janë dorëzuar me një kopje me iniciale të kontratës së PPP-së, duke eliminuar kështu mundësinë e negociatave pas dhënies së kontratës. Para marrjes përsipër të operacioneve të ANP-së, si Qeveria ashtu edhe “Limak Aerport de Lyon” do të duhet ti përmbushin një numër kërkesash ligjore dhe teknike, përfshirë këtu bartjen e punonjësve ekzistues të ANP-së tek operatori i ri. Kjo pritet të zgjasë të paktën gjashtë muaj.
Përveç një komponentë jetike e infrastrukturës së transportit në Kosovë, Aeroporti Ndërkombëtar i Prishtinës është një nga aeroportet më të ngarkuara me punë në Ballkan, duke u shërbyer mbi 1.2 milion pasagjerëve vitin e kaluar. Në vitet e fundit, Aeroporti ka shënuar shkallë të rritjes mbi
mesataren në trafikun e pasagjerëve, por kapacitetet e Aeroportit nuk po rriten mjaft shpejt për t’i përmbushur këto nevoja. Si rezultat, aeroporti nuk është duke ofruar nivel adekuat të shërbimeve apo duke rritur në maksimum fitimet e tij.

[Oqeani]

Kryeprokurori i EULEX-it, Johannes van Vresweejk, ka thënë se shumë shpejt do të arrestohet dikush në lidhje me rastin Limaj


Tre persona të dyshuar në “Rastin Limaj



Komento


Kryeprokurori i EULEX-it, Johannes van Vresweejk, ka thënë se shumë shpejt do të arrestohet dikush në lidhje me rastin Limaj.

Në një intervistë dhënë televizionit Klan Kosova, ai ka thënë se tre veta janë të dyshuarit kryesorë në rastin Limaj. “Tani për tani janë tre.

Dhe do të arrestojmë dikë”, ka thënë ai. Kryeprokurori i EULEX-it ka paralajmëruar po ashtu se përveç rastit Limaj, ka kompletuar edhe 19 raste të tjera për korrupsion.
Ai edhe një herë përsëriti se po hetohen edhe ministra tjerë përpos Fatmir Limajt. Johannes van Vresweejk thotë se nuk mërzitet nëse ata janë zyrtarë të lartë të partive politike. Ai kërkon që popullata të mos i kuptojë hetimet e misionit të tij si sulm ndaj politikës.

Prokurori holandez ka sqaruar se askush nuk është mbi ligjin, madje sipas tij, as kryeministri i Kosovës. Ai ka përmendur edhe incidentin e së mërkurës në Aeroportin e Prishtinës, ku është ndalur për kontroll kryeministri i shtetit Hashim Thaçi, para se të nisej për në Turqi, për të cilin incident ka raportuar gazeta “Zëri”. Kryeprokurori evropian thotë se incidentin e shkaktoi vetë shefi i Qeverisë së Kosovës, pasi nuk u ndal në pikën e kontrollit të sigurisë.

“Unë pres që secili zyrtar i lartë qeveritar të kalojë përmes procedurave. Sepse nëse duhet kaluar përmes një pike kontrolli, atëherë duhet respektuar këtë rregull.

Askush nuk është mbi ligjin. As kryeministri apo ministri i Transportit”, tha ai, duke shtuar se ai është habitur përse kryeministri kaloi bashkë me ministrat e tij Fatmir Limaj, Enver Hoxhaj, Lutfi Zharku dhe Blerand Stavileci, sigurimin e aeroportit pa kontrolluar. Nuk e mohon se është marrë në telefon pas këtij incidenti nga kryeministri Thaçi. “Më janë thënë disa gjëra, kaq mund të them”, bëri të ditur ai. /Klan Kosova/Zëri/

[Oqeani]

Serbia po vazhdon me logjikën e Millosheviqit


Qeveria e Kosovës ka vlerësuar se Serbia po vazhdon me logjikën e njëjtë të veprimeve sikur në kohën e Millosheviqit, veprime këto që nuk i ndihmojnë as raporteve Kosovë-Serbi, por as pozitës së minoritetit serb në Kosovë....

Po athua qeveritaret me çfar logjike po udheheqin ? !

[Oqeani]

Kurir: Mlladiq punon si profesor i armatimit nuklear në ish-Sovjetik


Komento


Ratko Mlladiç, ish-komandanti i ushtrisë së serbo-boshnjakëve i cili kërkohet për gjenocid dhe krime kundër njerëzimit nga Gjykata Penale e Hagës (TPI), "është gjallë dhe aktualisht po kryen profesionin e profesorit në një nga republikat e ish-Bashkimit Sovjetik", shkruan sot tabloidi serb "Kurir".

"Ratko Mlladiç është gjallë, është mirë dhe punon si docent në një Akademi ushtarake në një nga ish-republikat sovjetike", ka deklaruar për tabloidin Kurir, Ratko Vuçetiç, i cilësuar nga gazeta si "një nga mbrojtësit" e ish-gjeneralit serbo-boshnjak.
"Prej pesë vjetësh Mlladiç jep mësim për armatimin bërthamor. Në atë vend e dinë të gjithë, por askush nuk mund të bëjë asgjë, mbi të gjitha ish-gjenerali mbrohet nga shërbimet sekrete franceze", shtoi Vuçetiç.

Prokurori special për krimet e luftës, Vladimir Vukçeviç, e cilësoi artikullin si "një supozim të trilluar". "Nuk është absolutisht e vërtetë, po dëgjojë një gjë të tillë për herë të parë", deklaroi Vukçeviç cituar nga Kurir.

Edhe Dusan Ignjatovic, kreu i Zyrës serbe për bashkëpunimin me Gjykatën e Hagës, deklaroi se nuk i beson lajmit për Mlladiç. "Kjo histori është aq shumë joreale sa që askush nuk ka komente për të bërë", deklaroi ai.
Asnjë koment nuk është bërë nga Rasim Ljajiç, edhe ky përgjegjës i Zyrës serbe për bashkëpunimin me TPI-në.

[Oqeani]

Tadiq: "Askush s'ka të drejtë të na ndalojë hyrjen në Kosovë"


Komento


Presidenti i Serbisë, Boris Tadiq ka thënë të enjten se askush nuk ka të drejtë që qytetarëve të Serbisë t'iu ndalojë hyrjen në Kosovë, pavarësisht profesionit me të cilin merren. Ai këtë vlerësim të tij e dha në një konferencë me gazetarë lidhur me ndalesën e EULEX-it për ndalimin e vizitave të paparalajmëruara të politikanëve serbë në Kosovë, duke shtuar se autoritetet e Beogradit do të bisedojnë për këtë çështje me misionin e EULEX-it dhe organizatat tjera ndërkombëtare në Kosovë, transmeton Blici i Beogradit.

EULEX-i dje ka publikuar vendimin që të mos lejojnë hyrje të paparalajmëruara të politikanëve serbë në Kosovë, duke përfshirë edhe veriun e vendit, kur serbët janë shumicë.

"Serbia është ballafaquar me sfida reale në Kosovë e Metohi, por ne do të vazhdojmë luftën tonë me të gjitha mjetet legale në institucionet ndërkombëtare dhe nuk do të heqim dorë për asnjë çmim", tha ai.

Gjithashtu pas vendimit të EULEX për të mos lejuar autoritetet zyrtaret e paautorizuar të vizitojnë Kosovën, Serbia kërcënon se do të ndalë bashkëpunimin me misionin e Bashkimit Evropian në Kosovë.

Ministri serb për Kosovën, Goran Bogdanovic akuzoi zyrtarët e Bashkimit Evropian se mbajnë anën e shumicës shqiptare të Kosovës. Bogdanovic tha se misioni i Bashkimit Evropian po shkel mandatin e tij për të qenë i paanshëm.

[Guri i madh]

Prishtinë, 3 qershor - Komandanti i forcave të armatosura të Ushtrisë së Republikës së Serbisë do të qëndrojë të enjten në Prishtinë, për t’u takuar me komandantin e KFOR-it, Marcus Bentler, shkruan sot “Koha Ditore”. Lajmin e ka bërë të ditur Ministria e Mbrojtjes e Serbisë, përmes një njoftimi, ku thuhet se gjeneralnënkolonel Miloje Miletiq, që është kryeshef i Shtabit të Përgjithshëm të Ushtrisë së Republikës së Serbisë, do të qëndrojë në Prishtinë.
Në njoftim, të cilin e transmeton agjencia e lajmeve FoNet, thuhet se të dy gjeneralët do të bisedojnë për bashkëpunimin e ushtrisë së Serbisë me KFOR-in, për gjendjen e sigurisë në brezin kufitar, si dhe brenda Kosovës.
Mirëpo, një gjë të tillë KFOR-i nuk ka dashur ta komentonte. Komenti i vetëm i zëdhënësit të KFOR-it, Michael Konting, ka qenë se nuk ka koment.
Ndërkohë burime jozyrtare të gazetës brenda KFOR-it kanë bërë të ditur se gjenerali serb do të vijë të enjten në mëngjes dhe do të largohet pasdite. Sipas këtij burimi, gjenerali serb do të takohet vetëm me gjeneralin e KFOR-it, Marcus Bentler, në selinë e KFOR-it në Prishtinë.
“Ai do të vijë nesër në mëngjes në Prishtinë, në Film City, ndërsa pasdite do të largohet nga Kosova. Pasi që ai të largohet, KFOR-i do të lëshojë një komunikatë për media për vizitën dhe për temat e diskutimit në takim. Është takim i rregullt i nivelit të lartë që nuk ka ndonjë datë të caktuar se kur duhet të zhvillohet, por organizohet në bazë të nevojave që kërkohen”, ka thënë burimi me kushte anonimiteti.
Ai po ashtu ka thënë se gjatë këtij takimi nuk është caktuar si temë diskutimi Forca e Sigurisë e Kosovës, por vetëm siguria në brezin kufitar dhe marrëdhëniet në mes të ushtrisë së Serbisë dhe KFOR-it.
“Takime të tilla të rregullta të nivelit të lartë janë organizuar edhe në të kaluarën, ndonjëherë komandanti i KFOR-it ka qëndruar në Serbi, e ka pasur raste kur këto takime janë zhvilluar edhe në brezin kufitar”, ka thënë ky burim.
Lajmin e ka konfirmuar edhe zëvendëskryeministri i Republikës së Kosovës, Hajredin Kuçi, sipas të cilit, Qeveria ka kërkuar që të përfillen procedurat e kërkimit të lejes për vizitë, mirëpo një gjë e tillë nuk ka ndodhur.
“Kemi qenë të njoftuar paraprakisht nga KFOR-i, më saktësisht nga komandanti i KFOR-it dhe në njoftimin zyrtar na është thënë se temë e bisedimeve do të jetë zona e sigurisë në brezin kufitar Kosovë – Serbi”, ka bërë të ditur Kuçi.
Kur është pyetur nëse është kërkuar që edhe shefi i Shtabit të Ushtrisë së Serbisë të respektojë procedurat e kërkimit të lejes në Qeverinë e Kosovës, përmes zyrave të BE-së në Prishtinë dhe Beograd, Kuçi ka deklaruar se për këtë nuk kanë pasur përkrahjen e komandantit të KFOR-it.
“Ne e kemi kërkuar një gjë të tillë, mirëpo në sqarimin e KFOR-it na është thënë se eskorta e këtij tipit nuk do të ketë qarkullim nëpër Kosovë. Transportin e tij KFOR-i do ta bëjë nga Nishi në bazën e KFOR-it dhe anasjelltas”, ka deklaruar Kuçi.
Gazeta ka kontaktuar edhe me zyrtarë të Forcës së Sigurisë së Kosovës, të cilët kanë deklaruar se nuk kanë kurrfarë informacioni për këtë vizitë. Zëdhënësi i FSK-së, Enver Dugolli, është shprehur se në agjendën e ministrit dhe të komandantit të FSK-së nuk është e paraparë ndonjë vizitë e tillë për ditën e enjte.

[Llapjani_HH]

Komandant - Hoxha, ka shpallur “Republikën e Tanushës”

Ish komandanti I UÇK-së, Xhezair Shaqiri – Hoxha, për gazetën “Financial Times” ka deklaruar se ka shpallur “Republikën e Tanushës”.

Sipas gazetës, Hoxha ka konfirmuar se njerëz të tij kanë gjuajtur drejt një helikopteri të policisë para 2 javësh, dhe se gjithashtu kanë futur edhe armatim të rëndë në hyrje të shkollës lokale në Tanushë.

“Shteti i Maqedonisë na ka sjell neve vetëm telashe”, deklaroi Shaqiri, ish- deputet në Kuvendin e Maqedonisë.

Shaqiri I ka thënë të së përditshmë britanike se “ shumë fshatarë shqiptarë e mbrojnë vehten këtyre ditëve dhe se ata janë shumë të hidhëruar”.

“Përkrahësit e tij duan që policia maqedonase të mos përzihet në jetërat e tyre”, shkruan FT.

Shaqiri thotë se policia nuk duket shpesh në këtë Tanushën malore. « Herën e fundit kur u afruan ata keqtrajtuan një grua », ka thënë Shaqiri. / Zhurnal /
Mesazhi.com

Historianët kundër inventarizimit të pronave: Pazar me Greqinë

Historianët e njohur Pëllumb Xhufi dhe Sabri Godo janë shprehur kundër inventarizimit të pronave të minoritetit grek gjatë bregut shqiptar nga ana e Greqisë.

Sipas Xhufit, kjo është një ndërhyrje në punët e brendshme të shtetit shqiptar dhe kjo vjen si rrjedhojë e marrëveshjeve të dyshimta të nënshkruara deri më tani mes shtetit shqiptar dhe atij grek.

Ndërkohë për Godon kjo është shkelje e sovranitetit të shtetit shqiptar.

Dy ditë më parë, ministri i Jashtëm grek ka deklaruar se qeveria ku ai bën pjesë është e interesuar për krijimin e një inventari të pronave të minoritetit grekë në Shqipëri. /Shekulli/
Telegrafi

[Llapjani_HH]

MPB ngrit padi për pedofili kundër diplomatit të OSBE-së

Kundër diplomatit nga Norvegjia i punësuar në Misionin e OSBE-së në Shkup sot është ngritur padi penale nga Ministria e Punëve të Brendshme nën dyshimin se ka prodhuar dhe distribuuar materiale me pornografi të fëmijëve.

38 vjeçari gjatë vitit 2009 dhe 2010 në lap-topin e tij personal ka ruajtur rreth 300 materiale video dhe rreth 20 mijë fotografi me përmbajtje erotike ku aktorë kryesor kanë qenë fëmijë të moshës së mitur.

Me datë 16 maj i dyshuari ka lëshuar territorin e Maqedonisë dhe për momentin është i pakapshëm për policinë. Nga MPB-ja njoftojnë se janë duke bashkëpunuar me Interpolin për prangosjen e tij sa më të shpejt.

“MPB-ja qysh para 2 javëve pas disa të dhënave operative nga terreni dhe informatave për posedim të pornografisë ku aktorë janë fëmijët, ka kërkuar dhe ka siguruar urdhër nga Gjykatësi hetues për bastisje të shtëpisë ku i dyshuari ka qëndruar. Pas marrjes së urdhrit të gjyqit në bazë të të njëjtit dyshim u realizua bastisje dhe u sekuestruan kompjuterët e tij”, deklaroi Ivo Kotevski – zëdhënës i MPB-së.

Ndërsa, Organizata për Siguri dhe Bashkëpunim në Evropë e pranon me seriozitet të madh kallëzimin penal të publikuar nga Ministria e punëve të brendshme kundër anëtarit të Misionit vëzhgues të OSBE-së në Shkup dhe do të vazhdojë të punojë me autoritetet e vendit.

Duke respektuar normat ligjore dhe procedurat e vendit, përfshi prezumimin e pafajësisë të të akuzuarit, OSBE do të punojë ngushtë me autoritetet e vendit që të qartësohet rasti dhe të sigurohet se do të ndërmerren të gjitha hapat e duhur.

OSBE mbetet e përkushtuar për luftimin e pornografisë me fëmijë dhe të gjitha formave tjera të eksploatimit, në veçanti kundër të miturve, thuhet në një kumtesë për media të lëshuar nga zyra e OSBE-së në Shkup.
alsat-m

[Llapjani_HH]

Kërkojnë hise në Trepçë

Anglezët pretendojnë se miniera e Stantërgut është pronë e tyre. Burime të Express`it thonë se delegacioni britanik ka ardhur në Kosovë me tapi për të dëshmuar pronësi mbi minierën e gjigantit metalurgjik - Trepça. Në AKP s`dinë gjë. Faktet historike tregojnë se kompania angleze “Selection Trust” ka eksploruar në vitin 1926 këtë minierë

Vizita e princit Michael i Kentit me një delegacion biznesmenësh nga Britania e Madhe në Kosovë, nuk është krejt e rastësishme. Mësohet se ata kanë ardhur për të kërkuar hisen e tyre në këtë vend, të cilin pretendojnë se e kanë eksploruar para një shekulli.

Burime të Express`it thonë se ata kanë ardhur me tapi për të kërkuar pronësi mbi gjigantin metalurgjik Trepça. Dëshmitë e tyre anglezët ua kanë paraqitur institucioneve të Kosovës, me të cilat dëshmojnë se në vitet 1920, ata e kanë zbuluar minierën e Stantërgut. Në këtë mënyrë, pronësia mbi pasuritë minerare pretendojnë se u takon atyre. Në vitin 1926 anglezët kishin eksploruar minierën e Stantërgut. Asokohe, kompania angleze “Selection Trust” eksploroi, hapi dhe shfrytëzoi minierën deri më 1941. Vitet e para miniera filloi veprimtarinë prodhuese me një kapacitet 500 ton në ditë për t’u ngritur pas disa vitesh në 2 mijë tonë në ditë.

Po ashtu, para një muaji është arritur marrëveshje mes Trepçës dhe kompaninë angleze “Poseidion grup”, e cila ka filluar eksplorimin e resurseve të reja minerare në Kosovë. Faza e parë e hulumtimeve gjeologjike është kompletuar dhe janë bërë 5 shpime me gjatësi 197 metra.

Megjithatë, nga Agjencia Kosovare e Privatizimit nuk prononcohen lidhur me këto pretendime, duke thënë se nuk janë në dijeni se anglezët kërkojnë hise në minierat e Trepçës. As zëdhënësi i Trepçës, Bislim Muça, nuk i ka komentuar pretendimet e delegacionit anglez, duke i parë më shumë në nivel të bashkëpunimeve. Krejt çka ai ka thënë rreth privatizimit të Trepçës, është krijimi i një task-force. Gjithashtu, në qershor pritet të bëhet strategjia rreth gjendjes ekzistuese të aseteve të këtij gjiganti.
“Për me tej është në dorën e strukturave kompetente. Anglezët janë të interesuar me bashkëpunu”, tha Muça.

Nga ana tjetër, delegacioni i investitorëve nga Britania e Madhe, të prirë nga princi Micheal i Kentit, pas ardhjes në Kosovë i bëri një vizitë të premten minierës së Stantërgut. Ardhja e tyre thuhet se është bërë për t’u njohur për së afërmi me gjendjen e Trepçës dhe mundësitë e investimeve.

Pas daljes nga galeria e minierës, princi Michael i Kentit tha se ka ardhur në Kosovë, përkatësisht në Trepçë, për të parë mundësitë e bashkëpunimit në fushat e rëndësishme, siç është sektori minerar dhe për të ndihmuar këtë sektor përmes investimeve.

Princi, po ashtu, ka lavdëruar punën e minatorëve, stafit inxhiniero-teknik dhe menaxhimin e suksesshëm të kësaj ndërmarrjeje nga stafi udhëheqës.

Menaxheri i ndërmarrjes “Trepça”, Ferat Shala, vizitën e anglezëve e ka quajtur si shumë të rëndësishme për Trepçën, pasi, sipas tij, mëtohet që të vihen bazat e një bashkëpunimi të përbashkët në fushën e ekonomisë me kompani shumë serioze të Britanisë së Madhe.

Për Shalën, menaxhmenti i ndërmarrjes së bashku më gjithë punonjësit e tjerë po bëjnë përpjekje sa po munden për ristrukturimin dhe rimëkëmbjen e Trepçës.

“Në këtë kontekst duhet përmendur edhe punën e Taskë-forcës, që ka për qëllim ta krijojë strategjinë dhe kahet e zhvillimit të sektorit minerar në përgjithësi dhe të ndërmarrjes Trepça në veçanti’, ka thënë Shala.

Ndryshe, më herët, zyrtarët e Agjencisë Kosovare të Privatizimit patën thënë se rigjallërimi i suksesshëm i Trepçës nënkupton që të lirohet nga detyrimet ligjore për shkak të trashëgimisë së kaluar të saj, sa u përket detyrimeve dhe padive.

Fakte për Trepçën

- Në vitin 1925-1932, Alfred Chester Beatty, inxhinier amerikan, ka filluar hulumtimet e para për minierën e Stantërgut.
- Kompania angleze, Selection Trust Ltd, eksploroi e hapi dhe shfrytëzoi minierën nga vitet 1926 e deri 1941.
- Selection Trust nënshkroi kontratë në atë kohë me Radomir N. Pasic, djalin e ish-kryeministrit të Jugosllavisë, Nikola Pasic.
- Më 9 dhjetor 1927, në Londër formohet shoqëria aksionare “Trepça Mines Ltd” në bazë të koncesionit në vlerë 1,789,028 (pounds sterling) për shfrytëzim 50–vjeçar të vendburimit.
- Për shkak të krizës financiare në vitin 1941, kjo kompani ia shet 40 për qind të aksioneve të Trepçës kompanisë gjermane “Hermann Goering's Reichswerke Company”.
- Në vitin 1946, Qeveria e Titos nacionalizon të gjitha minierat e Trepçës, bashkë me të gjitha kompanitë e tjera në ish-Jugosllavi.
Gazeta expres

[premium]

Nisen me dal interesat nderkombetare , per qfare kan ardh ketu:
dmth paskan msy Trepçës Anglezët .. !!!... per hajr na qoft qat pasuri nentoksore kemi pas edhe ajo na shkoj nga dora !!! ??
Lum Kosova që po mjelët ..
Mos po habiten edhe trupat e ketujit te shkonin ne Trepç me grabit naj cop ari , e najqysh po na harojn neve me na mbrojt ;(

[Llapjani_HH]

Prizreni ka 2 javë për ndryshimin e emblemës dhe Statutit

Dy javë kanë mbetur deri në skadimin e afatit tremujor të caktuar nga Gjykata Kushtetuese e Kosovës për ndryshimin e emblemës komunale të Prizrenit, shkruan sot “Koha Ditore”.

Ndërkohë që Kuvendi Komunal ende nuk e ka zhvilluar asnjë debat, për të gjetur një zgjidhje për këtë çështje të ndjeshme. Derisa përfaqësuesit e opozitës akuzojnë pushtetarët për injorimin e këtij problemi, krerët komunalë përsërisin qëndrimin se përgjegjësia u takon të gjitha partive të përfaqësuara në organin më të lartë vendimmarrës.

Për këtë shkak kryetari i Komunës, Ramadan Muja, u ka bërë thirrje këshilltarëve të opozitës që të marrin pjesë në mbledhjen e radhës të KK-së, ku njëra prej pikave të rendit të ditës është edhe njoftimi për vendimin e Gjykatës Kushtetuese.

"Sigurisht se kjo është një çështje e rëndësishme, e cila duhet të debatohet në mbledhjen e ardhshme që do të mbahet në fillim të javës së ardhshme dhe unë po them se është interes i pozitës dhe i opozitës, sepse të dyja palët e përfaqësojnë popullin...Meqë çështja e logos është interes i të gjithë qytetarëve, unë i ftoj edhe njëherë kuvendarët e partive opozitare që janë të përfaqësuara në Kuvend, të marrin pjesë në mbledhje, të debatojnë në mënyrën më të mirë të mundshme për zgjidhjen e këtyre problemeve që janë të përbashkëta", ka thënë Muja, i cili në fillim të javës kishte tentuar që t'i bindte liderët opozitarë për zhbllokimin e punës së legjislativit.

Por zyrtarë të partive rivale vazhdojnë të besojnë se përgjegjës për lënien anash të kësaj çështjeje nga agjenda e punës së Kuvendit janë krerët komunalë, për shkak të mosgatishmërisë politike për tu përballur me kundërshtimin e opinionit publik.

"Kryetari i Komunës së Prizrenit dhe kryesuesi i deritanishëm i Kuvendit Komunal me qëllim i janë shmangur ballafaqimit me këtë problem për arsye që duke parë rezistencën e fuqishme nga këshilltarët opozitarë dhe të pozitës, qytetarët dhe shoqëria civile e neglizhuan skajshmërisht këtë problem duke bërë që afati i caktuar nga Gjykata Kushtetuese prej tre muajsh, të lihet të kalojë dhe t’u hapet një rrugë organeve ndërkombëtare dhe atyre të nivelit qendror që në mënyrë arbitrare të vendosin për një logo sigurisht të çoroditur për Prizrenin dhe ndryshimin e Statutit të Komunës së Prizrenit", ka vlerësuar Ilir Baldedaj, anëtar i Kryesisë së Degës së LDD-së.

Në të njëjtën kohë ai ka kundërshtuar argumentimin e kryetarit Muja se opozita ka po aq përgjegjësi sa pozita. Sipas Baldedajt, këto pretendime nuk mjaftojnë për të larguar përgjegjësinë e kryetarin dhe të kryesuesit "sepse vota e qytetarëve është për t’u ballafaquar me problemet e jo për t’u ikur atyre".

Prandaj, edhe për çdo lëshim pasojat i adresohen pushtetit.

"Si grup opozitar në asnjë mënyrë nuk do të jemi përgjegjës për pasojat, të cilat do të shkaktohen nga zgjidhjet arbitrare që do të na imponohen, sepse ne si opozitë e kemi ngritur zërin dhe jemi angazhuar që të procedohet normalisht me punën e Kuvendit, por vazhdimisht jemi detyruar që të përdorim mekanizmin e seancave të jashtëzakonshme për të vazhduar punën e legjislativit", ka deklaruar Baldedaj.

Ndërsa udhëheqësit e partisë më të madhe opozitare në Prizren kanë pohuar se ngërçi politik ka kapluar Kuvendin si pasojë e përplasjeve brenda Degës së PDK-së dhe se paaftësia e kryetarit dhe e kryesuesit për të menaxhuar këtë situatë ka ndikuar në neglizhimin e debatit për emblemën dhe Statutin e Komunës.

"Si pasojë e bllokadës së Kuvendit për këtë çështje me rëndësi vitale që prek ndjenjat dhe krenarinë mbarëkombëtare as që kemi diskutuar dhe faktikisht jemi në prag të mbetjes pa Statut komunal, e përgjegjës për këtë dihet se kush është", është shprehur nënkryetari i Degës së LDK-së, Ridvan Hoxha.

Gjykata Kushtetuese pas shqyrtimit të ankesës së parashtruar nga zëvendëskryesuesi i Komunës së Prizrenit, Qemajl Kurtishi, më 18 mars të këtij viti, pati vlerësuar se emblema, përkatësisht neni 7 i Statutit të Komunës së Prizrenit, nuk është në përputhje me Kushtetutën, meqë shkelen të drejtat e komuniteteve joshumicë.

Përmes këtij vendimi Kushtetuesja ka urdhëruar Komunën e Prizrenit që brenda tre muajve të ndryshojë Statutin dhe emblemën e saj, në mënyrë që ta sjellë atë në përputhje me aktin më të lartë juridik pa i përjashtuar edhe komunitetet joshumicë.

Komuna e Prizrenit pati miratuar Statutin e Komunës, më 15 tetor të vitit 2008, ku në nenin 7 rregullohej çështja e emblemës komunale. “Emblema e Komunës është 'Shtëpia e Lidhjes së Prizrenit', e rrethuar me fjalët në vijim '1878 –Prizren'”, thuhet në këtë nen, që është kundërshtuar atëbotë nga përfaqësuesit politik të partive minoritare, të cilët kanë kërkuar që viti 1878 të mënjanohet dhe të shkruhet komuna në gjuhët turke e boshnjake.

Përderisa partitë minoritare patën përshëndetur vendimin e Kushtetueses, duke e cilësuar atë si "model të funksionimit të demokracisë në Kosovë", zyrtarë të subjekteve të komunitetit shumicë janë shprehur të pakënaqur me këtë verdikt, madje duke kërcënuar se nuk do të lejojnë ndryshimin e emblemës komunale të Prizrenit.

Ndërkohë lëvizja "Vetëvendosje!" ka paralajmëruar organizimin e një proteste në mbrojtje të emblemës aktuale të Komunës së Prizrenit, që parashihet të mbahet më 10 qershor, kur edhe shënohet 132-vjetori i LSHP-së.
Koha.net

[Oqeani]

Feith i ka thënë ambasadorëve në Komitetin Europian për politikë dhe siguri në Bruksel sot se ndarja është
Feith i ka thënë ambasadorëve në Komitetin Europian për politikë dhe siguri në Bruksel sot se ndarja është
Piter Feith: Ka mendime rreth ndarjes së Kosovës
08.06.2010 | 22:51:57 | 0 Komente

Komento


Shefi i Misionit ndërkombëtarë civil dhe i dërguari special Europian për Kosovë Piter Feith ka deklaruar në Bruksel se ka mendime rreth ndarjes së Kosovës, mirëpo për këtë ka pak përkrahje në Prishtinë.

Feith i ka thënë ambasadorëve në Komitetin Europian për politikë dhe siguri në Bruksel sot se ndarja është përmendur edhe nga kisha ortodokse. Bashkimi europian është i gatshëm, siç thotë ai, të luaj një rol kryesor menjëherë pasi Gjyqi ndërkombëtarë në Hagë të japë mendimin e saj rreth shpaljes së pavarsisë së Kosovës.

" Do të kemi një mesazh të drejtë dhe bazë për angazhimn konstruktiv" tha ai.

"Kur bëhet fjalë për veriun e Kosovës, mendoj se ekziston një përkrahje vogël e Prishtinës kur bëhet fjalë për ndarjen e Kosovës. Kur them e vogël, andaj nuk më mbetet mua të them se çfarë bisedime dhe zgjidhje do të gjenden në bisedimet direkte ndërmjet Prishtinës dhe Beogradit" thotë Feith./presheva.com
08.06.2010 | 22:51:57 | 0 Komente

Komento


Shefi i Misionit ndërkombëtarë civil dhe i dërguari special Europian për Kosovë Piter Feith ka deklaruar në Bruksel se ka mendime rreth ndarjes së Kosovës, mirëpo për këtë ka pak përkrahje në Prishtinë.

Feith i ka thënë ambasadorëve në Komitetin Europian për politikë dhe siguri në Bruksel sot se ndarja është përmendur edhe nga kisha ortodokse. Bashkimi europian është i gatshëm, siç thotë ai, të luaj një rol kryesor menjëherë pasi Gjyqi ndërkombëtarë në Hagë të japë mendimin e saj rreth shpaljes së pavarsisë së Kosovës.

" Do të kemi një mesazh të drejtë dhe bazë për angazhimn konstruktiv" tha ai.

"Kur bëhet fjalë për veriun e Kosovës, mendoj se ekziston një përkrahje vogël e Prishtinës kur bëhet fjalë për ndarjen e Kosovës. Kur them e vogël, andaj nuk më mbetet mua të them se çfarë bisedime dhe zgjidhje do të gjenden në bisedimet direkte ndërmjet Prishtinës dhe Beogradit" thotë Feith./presheva.com

[Oqeani]

Postimi origjinal është bërë nga Oqeani

Feith i ka thënë ambasadorëve në Komitetin Europian për politikë dhe siguri në Bruksel sot se ndarja është
Feith i ka thënë ambasadorëve në Komitetin Europian për politikë dhe siguri në Bruksel sot se ndarja është
Piter Feith: Ka mendime rreth ndarjes së Kosovës
08.06.2010 | 22:51:57 | 0 Komente

Komento


Shefi i Misionit ndërkombëtarë civil dhe i dërguari special Europian për Kosovë Piter Feith ka deklaruar në Bruksel se ka mendime rreth ndarjes së Kosovës, mirëpo për këtë ka pak përkrahje në Prishtinë.

Feith i ka thënë ambasadorëve në Komitetin Europian për politikë dhe siguri në Bruksel sot se ndarja është përmendur edhe nga kisha ortodokse. Bashkimi europian është i gatshëm, siç thotë ai, të luaj një rol kryesor menjëherë pasi Gjyqi ndërkombëtarë në Hagë të japë mendimin e saj rreth shpaljes së pavarsisë së Kosovës.

" Do të kemi një mesazh të drejtë dhe bazë për angazhimn konstruktiv" tha ai.

"Kur bëhet fjalë për veriun e Kosovës, mendoj se ekziston një përkrahje vogël e Prishtinës kur bëhet fjalë për ndarjen e Kosovës. Kur them e vogël, andaj nuk më mbetet mua të them se çfarë bisedime dhe zgjidhje do të gjenden në bisedimet direkte ndërmjet Prishtinës dhe Beogradit" thotë Feith./presheva.com
08.06.2010 | 22:51:57 | 0 Komente

Komento


Shefi i Misionit ndërkombëtarë civil dhe i dërguari special Europian për Kosovë Piter Feith ka deklaruar në Bruksel se ka mendime rreth ndarjes së Kosovës, mirëpo për këtë ka pak përkrahje në Prishtinë.

Feith i ka thënë ambasadorëve në Komitetin Europian për politikë dhe siguri në Bruksel sot se ndarja është përmendur edhe nga kisha ortodokse. Bashkimi europian është i gatshëm, siç thotë ai, të luaj një rol kryesor menjëherë pasi Gjyqi ndërkombëtarë në Hagë të japë mendimin e saj rreth shpaljes së pavarsisë së Kosovës.

" Do të kemi një mesazh të drejtë dhe bazë për angazhimn konstruktiv" tha ai.

"Kur bëhet fjalë për veriun e Kosovës, mendoj se ekziston një përkrahje vogël e Prishtinës kur bëhet fjalë për ndarjen e Kosovës. Kur them e vogël, andaj nuk më mbetet mua të them se çfarë bisedime dhe zgjidhje do të gjenden në bisedimet direkte ndërmjet Prishtinës dhe Beogradit" thotë Feith./presheva.com

Po ndegjohet violina e Nasradinit !

[Oqeani]

Ferizaj: Arrestohen dy persona për marrje mito

Policia e Kosovë ka arrestuar dy puntorë zyrtarë në gjyqin e Ferizajit dhe një në katastarin e Pejës për dyshime që kanë bërë lidhje me mashtrime, keqpërdorim dhe falsifikim të dokumenteve zyrtare.

Aksioni është zhvilluar dje në orët e pasditës në lokacione të ndryshme ka mësuar presheva.com.

Sic njohtohet, të arrestuarit kanë manipuluar dhe keqpërdorë me një shumë të hollash prej 100.000 euro, kurse në rastin e dytë, shumë që flitet është ajo 80.000 euro.

Të dy kanë punuar në gjyqin e Ferizajit, por nuk janë gjyqtarë, kurse i treti i arrestuar është një punëtorë që punon në komunë, në repartin e katastarit.

Në Kosovë, ka aksione të mëdha në luftën kundër korrupsionit, ku është deklaruar edhe kryeministri Thaçi.

[/font]

[Oqeani]

Policia e Kosovës arreston të dyshuar për korrupsion

Policia e Kosovës përkatësisht Drejtoria për Hetimin e Krimeve Ekonomike në Pejë dhe Ferizaj kanë arrestuar tre persona të dyshuar për përvetsim parash dhe keqpërdorim të detyrës zyrtare....

09.06.2010


I dyshuari në Rajonin e Pejës, sipas burimve tona brenda policies, Alush Hoti nga Klina zyrtarë i lartë i Kreditimit Rural të Kosovës, institucion ky mikrofinanciarë ka përvetësuar 140 mijë euro para prej tyre 80 mijë euro ka blerë patundëshmeri në Klinë dhe Rugovë.

Reshteri, Nysret Gjurkaj nga Drejtoria për Hetimin e Krimeve Ekonomike në Pejë tha se pas hetimeve tre mujore të kryera nga Drejtoria për Krime Ekonomike në Pejë, Policia ka arritur ta arrestoj Alush Hotin nga Klina zyrtarë të Kreditimit Rural të Kosovës.

Kurse të dyshuarit e tjerë, një administrator i Gjykatës Komunale në Ferizaj dega në Shtërpce, H.A, dhe një referent ekzekutiv, N.D, kanë përvetsuar 200 mijë euro para duke falsifikuar kontrata të shitëblerjës, bëri të ditur Selatin Shabani nga Derjtoria për Krime Ekonomike, në Ferizaj.

“Të dyshuarit, duke e keqëpërdorur detyrën, kanë vërtetuar disa kontarata të shitëblerjës në territorin e Shtërpces në mënyrë të falsifikuar”, theksoi Shabani.

Të dyshuarve, u është shqiptuar masa e ndalimit prej 48 orëve dhe pritet që ata të dalin nesër para gjykatësit.

Ndryshe, statistikat e policisë flasin për një numër të madh të rasteve të hetimeve për korrupcuion vetëm në periudhën pesë mujore të këtij viti.

66 raste janë dërgaur në prokurori, ndërkaq, 55 raste janë dërguar në prokurori me raport të veçantë.

Numri i të arrestuarve është 12, ndërkaq, numri total për krime ekonomike dhe korrupsion është 65.