Oriental apo oksidental

[Zero Cool]

Shkruan:




Nexhmedin Spahiu


Çfarë të keqe ka që nxënësit në shkollat publike në Kosovë e Shqipëri, të mësojnë për islamin, krishterimin, judaizmin, taoizmin, budizmin, shintoizmin...?!


Rreziku i ekstremizmit islam?!

Para ca dite Parlamenti i Kosovës refuzoi ta vendosë me ligj mësimin e lëndës së edukatës fetare në shkollat publike. Arsyetimi ishte se kjo do të shkaktonte përçarje kombëtare dhe se kësisoj do të rrezikonim që ekstremizmi islam të infiltrohej në Kosovë.
Asnjëra nga këto arsye nuk qëndron.
Shumica e kombeve perëndimore kanë diversitet fetar, por ky diversitet nuk u pengon që të mësojnë edukatën fetare në shkollat publike. Për të qenë ironia në kulm, deputetët kosovarë harrojnë se refuzimi afekton vetëm shkollat shqipe, boshnjake e turke në Kosovë, dhe se po ata përmes pranimit të Pakos së Ahtisaarit kanë lejuar që nxënësit e përkatësisë etnike serbe në shkollat e tyre të mësojnë edukatën fetare (dhe atë vetëm krishtere-ortodokse) dhe se për këtë priftërinjtë serbë marrin rrogë nga Ministria e Arsimit e Kosovës.
Argumenti i infiltrimit të ekstremizmit islamik është akoma më i paqëndrueshëm. Është e kundërta. Ndalimi shkakton ekstremizëm. Njësoj sikurse patriotët e cekët shfaqën si nacionalistë ekstremë, po ashtu edhe fetarët e cekët shfaqën si fetarë ekstremë.
Cektësia fetare e rrjedhimisht ekstremizmi fetar nuk vjen nga njohuritë, por nga injoranca
Edhe nëse supozojmë se ekziston një rrezik i infiltrimit të ekstremizmit islamik, vallë a do ta privojmë shoqërinë tonë nga edukata fetare vetëm pse ekzistuaka ky rrezik? Kjo është sikur të ndalojmë ngrënien ngase ekziston rreziku i helmimit. Zgjidhja nuk është në ndalimin e ushqimit po në bërjen kujdes nga helmet.

Cektësia fetare, e rrjedhimisht ekstremizmi fetar, nuk vjen nga njohuritë por nga injoranca.

Nëse në shkollat tona publike do të mësohej edukata fetare, atëherë gjasat që feja të depërtonte në thellësi të shpirtit tonë shoqëror do të ishte më e madhe ashtu siç shkruan më 1937, intelektuali më i madh shqiptar i të gjitha kohërave Branko Merxhani (1894-1981): “Rregulli i parë i përparimit është feja.
Dhe fe nuk do të thotë tipe të caktuara ceremoniale, as orë të caktuara lutjesh as tregime filantropike të djallëzuara. Fe do të thotë thellësim shpirtëror, bashkim i zemrave, dashuri, devocion, besim”.
Është e turpshme që myslimanët shqiptarë, duke jetuar në Evropën me shumicë krishtere të mos kenë njohuri elementare për kulturën e krishterë dhe është e turpshme që të krishterët shqiptarë të mos kenë njohuri elementare për kulturën islame duke qenë se jetojnë në një vend me shumicë myslimane.
Nëse nxënësit në shkollat publike në Kosovë e Shqipëri, do të mësonin për islamin, krishterimin, judaizmin, taoizmin, budizmin, shintoizmin…, ata do të pajiseshin me kulturë të gjerë që do t’iu mundësonte komunikim më të mirë në një mes gjithnjë e më të globalizuar. Duke pasur njohuritë elementare për fetë tjera, edhe feja e vet do të zinte më shumë rrënjë në shpirtin e tyre.

Si arriti Ibrahim Rugova të impresiononte Bill Clintonin, Tony Blairin etj?

Mbresat që ka lënë Ibrahim Rugova te Bill Clintoni, Tony Blairi etj., kanë qenë pikërisht nga fakti se ai ishte një mysliman, që kishte njohuri të thella për kulturën e krishterë. Zaten, me çka tjetër do të mund të impresiononte Ibrahim Rugova: me prodhimtarinë e automobilave apo me prodhimin e avionëve supersonikë në vendin e tij?!
Imagjinoni se me çfarë mund të impresionojnë presidentja e Kosovës, kryeparlamentari, kryeministri, ministrat, ambasadorët, deputet e Parlamentit të Kosovës, në takimet formale dhe informale me homologët e tyre nëpër botë. Shumica absolute e tyre as nuk kanë njohuritë elementare as të kulturës islame as të asaj krishtere as budiste, as judaiste as kurrfare.
Të mësosh edukatën fetare në shkollë fillore e të mesme, nuk do të thotë të bëhesh as hoxhë, as prift, as rabin, njësoj sikurse të mësosh tabelën e shumëzimit nuk do të thotë të bëhesh matematikan, e as të mësosh alfabetin nuk do të thotë të bëhesh shkrimtar, por këto janë gjëra elementare për një kulturë të përgjithshme.
Nëse politikanëve kosovarë e shqiptarë u mungon kjo kulturë (po them kulturë sepse kultura buron prej fesë) kjo nuk do të thotë që ata kanë të drejtë t’i privojnë nga kjo gjë edhe ata që do të zënë vendin e tyre pas 20 a 30 vjetëve.

Dr. Krist Maloki: Orientalizmi shqiptar erdhi nga administrata bizantine

Titulli i këtij shkrimi është huazuar nga artikulli i famshëm i vitit 1937 i dr. Krist Malokit (lindur në Prizren më 1900, vdekur në Grac më 1973), i cili ia vlen të lexohet nga çdo shqiptar. Pasi përshkruan veçoritë e orientalit shqiptar prof. Maloki shkruan: “Është gabim i trashë kur thuhet se orientalizma na ka ardhë nga Azia, apo përmes religjionit muhamedan, apo edhe nga populli turk.
Jo kurrsesi, orientalizma jonë është një dhanti fatale e kristianizmit euroaziatik, kur aty nga viti 740 pas Krishtit, d.m.th., 600 vjet para se me shkelë turku n’Athdheun tonë, Leoni III, despot i Bizantit, detyron shqiptarët me u nda nga Kisha Romake (= oksidentale) dhe me u fundosë me Kishën Bizantine (= orientale). Po nuk ishte skizma kishtare sa administrata bizantine ajo që rrënjosi kulturën orientale te shqiptarët”.

Kosova dhe Shqipëria pretendojnë oksidentalizmin, ndërsa dëshmojnë orientalizmin

Kosova dhe Shqipëria duke qenë, me gjasë, të vetmet vende evropiane që nuk e bëjnë edukatën fetare në shkollat publike, bëhen dele të zeza në Evropë. Me këtë nuk tregohet oksidentalizmi i shqiptarëve, por pikërisht orientalizmi i tyre.
Ja se çfarë thotë dr. Krist Maloki për orientalin shqiptar:
“Orientali shqiptar është i zoti për të gjitha … turpet. Shet babë e nanë, din e iman, besën e nderin e vet, trupin e shpirtin e vet, për mos me i prishë telat e karadyzenit. Idealet e orientalit shqiptar janë kolltuku e llokma, dhe për me i siguru vetes këto ai bahet kur e do nevoja edhe patriot e tradhtar, monarkist e bolshevik, përparimtar e reaksionar … porse në shpirtin e vet është kryekëput rrënimtar e destruktiv”.
Orientali shqiptar sot përdor faktin e mosnjohjes së pavarësisë së Kosovës nga shumica e vendeve islamike për të kultivuar urrejtje ndaj islamit. Harron ta fajësojë Qeverinë e Kosovës për mungesë diplomacie proaktive. Nuk i bën përshtypje fakti se Qeveria e Kosovës e njeh Këshillin Kombëtar Libian tek pasi këtë e bën Qeveria e Serbisë. Çfarë e pengonte Qeverinë e Kosovës që këtë ta bënte që në momentin kur NATO drejtoi avionët kah Libia?

[GURI SYLAJ]

"Ishalla e then kojshia kamen e te shkoj me e pa!!"

Pjesa e sulmit mbi deputetet dhe Parlamentin i gjason thenjes se me siperme.
Mesimbesimi (cfar emertimi qesharak)!??
Per te miratu nje ligj ,une mendoj ,se nuk mjafton nje deshire dhe hajt e bajm Bajram midis Ramazanit.
Per te miratu nje ligj (ne kete rast ligjin ne fjale qe ,me te drejte e refuzoj Parlamenti) duhen pergatitje te mirefillta dhe nje program i detajuar.
Duhet pa drejt dhe pa paragjykime levizjen e fundit qe po e bene Organizata ne fjale ,jo BIK-u, dhe duhet marre seriozisht kerkesat dhe qellimet e tyre. Keto ,ne rend te pare, nuk po shtrohen drejt dhe aty ku duhet ,nuk po shtrohen nga njerez kompetent por nga ish ushtarak te Ushtrise Jugosllave !
Sa xhami e kisha jan ndertu mbas luftes se fundit ne Kosove.A kan te gjitha keto leje dhe dokumentacionin percjelles .Nese jo atehere Shteti eshte fajtor qe ka leju njeqind qefa me ndertu ku duhet e ku nuk duhet!!
Jo rralle jan hape edhe te ashtuquajturat Kuranoteka qe askush nuk din nga kush dhe pse!!?
Dhe per me i vu kapuqin ,per cilin Islam do te mesojn femijt tane.Per Islamin e Hoxhes se Marines ,te Biku-t apo per Islamin e Shefqet Krasniqit!?
Thjeshte, ka shumecka qe duhet kjartesohet para se femijt tan te drejtohen ne Mesimin e Besimeit.
Ka mjaftu emisioni i Batonit per me u bind se ne cfar shkalle eshte kjo kerkese apo ,me mire thene, ky ULTIMATUM !
Menyra se si ai( Imami i Xhamise se Madhe) e injoron dhe poshtron intelegjencen e Kosoves ,deri ne shkallen e akademikeve,flet per nje mendje qe kahere ka ike nga ky mjedis dhe nga kjo toke me emrin Kosove!!
Nuk kisha dasht qe edhe ky Dr. t'a kete ble kete titull ashtu sikur po ndodhe ne Kosoven tone mbas lufte por, te bisedosh me nje Dr. te Teologjise,ne njeren ane, dhe te ndegjosh Sh.Krasniqin,ne anen tjeter, jan dy botra krejtesisht kunder njera tjetres!!
Vertet, Kurani meriton me e lexu dhe me mesu nga Ai ,aq sa kemi mundesi ,por ne momentin kur e ndajme hyjnoren dhe toksoren mbetet shumecka per t'u deshiru edhe nga ky mesim!!
Jo gjithecka e han pazari tek shqiptaret .Jam shume i bindur se ketu pajtohet edhe Dr.Shefqeti .Se paku me heshtje!!?

[Zero Cool]

Mbulesa


Shkruan:


Albin Kurti



Shqiptarët myslimanë e të krishterë, por edhe shqiptarët ateistë, duhet ta kuptojnë që u ka ardhur radha edhe atyre. Hashim Thaçi e ka ndërmend t’i përçajë. Në masën në të cilin atij i dobësohet pushteti e i përçahet partia, ai synon ta dobësojë e ta përçajë edhe popullin në mënyrë që të vazhdojë të sundojë mbi të. Thaçi është i gatshëm dhe i aftë që të krijojë edhe incidente fetare ndërmjet shqiptarëve vetëm e vetëm që të mbetet në pushtet. E vetmja mënyrë se si kjo Qeveri e tij mund t’ua zgjidh problemet e shumta qytetarëve të Kosovës është duke iu krijuar atyre probleme edhe më të mëdha. Njëri problem mbulon tjetrin; cilido problem madhor mund të harrohet kur pasohet prej një problemi edhe më të madh.

Në ditët e javët në vijim televizionet dhe gazetat që kundërmojnë meqë Thaçi i mban nën sqetull gjithnjë e më shumë do t’iu fryjnë temave fetare. Klerikë, politikanë e analistë të ndryshëm do të inkurajohen që ta shfryjnë publikisht dufin dhe frustrimin e tyre për çështjet e religjionit. Sa më të papërmbajtur që të jenë, aq më shumë do t’i ftojnë e do t’na i shfaqin në publik. Dogmatikët do përballen me kritikues që do t’iu kundërvihen atyre në mënyrë dogmatike; fetarët do të sulmohen prej jofetarëve në mënyrë fetare.

Përderisa merret vesh me Serbinë për veriun e Kosovës, përderisa i shet PTK-në, KEK-un e Trepçën, përderisa kontraktohet autostrada tjetër qindramilionëshe, përderisa lulëzon vjedhja e buxhetit të Kosovës, kryeministri Thaçi do që vëmendja e qytetarëve të mbetet e ngujuar te diferencat e polarizimet fetare. Me diskutimet shteruese për mbulesat fetare Thaçi mëton t’i mbulojë të këqijat qeveritare.

Islami e krishterimi nuk janë rrezik për kombin shqiptar. Territori kombëtar dhe pasuritë kombëtare janë në rrezik dhe jo identiteti kombëtar. Pra, trupi i kombit, më parë se shpirti i kombit, po rrëmohet. Aq i fuqishëm e i qëndrueshëm është identiteti ynë kombëtar shqiptar saqë islami e krishterimi përfundojnë të integruara në kulturën dhe traditën tonë ashtu siç ka ndodhur tashmë përgjatë shekujve. Reagimet histerike se mos po hyjmë në krizë të identitetit kombëtar janë transferim. Psikanaliza na mëson që histeria lind aty ku dështon identifikimi. Në këtë rast, krizë identiteti mund të ketë vetëm tek ata që e shohin atë gjetiu.

Islamin e krishterimin i bën të rrezikshëm, si asgjë tjetër pikërisht paniku për rrezikun e tyre. Pushteti i Hashim Thaçit është në rrezik, jo kombi shqiptar a identiteti i tij. Sa herë që Thaçit i rrezikohet pushteti, ai përmes medieve të tij sajon rrëfime për rreziqet që i kanosen kombit (sic.). Ai i ngjet dhelprës që teksa i digjej bishti thoshte se po kallet dynjaja.

Në po të njëjtën anë, kemi ShIK-un me po të njëjtin interes. Meqë agjentët e tij po dekonspirohen masivisht dhe kanë nisur t’iu dalin të palarat në shesh, ShIK-u është kredhur në panik. Në dëshminë e tij para prokurorit të EULEX-it, ‘ish’ kreu i ShIK-ut, Kadri Veseli, sipas gazetës Koha Ditore të datës 1 shtator 2011, ka deklaruar se ka pasur kontakte dhe bashkëpunim me bashkëpunëtorë të Serbisë. Njeriu i ngarkuar për këtë bashkëpunim kishte qenë hiç më pak se drejtori i përgjithshëm i ShIK-ut, Ferat Shala, i cili, aktualisht, rastis të jetë drejtor i përgjithshëm i Trepçës! Duke ngjallur debate për religjionin dhe ekstremizmin fetar përmes agjentëve të vet që i ka rekrutuar edhe në mesin e gazetarëve dhe moderatorëve të emisioneve televizive, SHIK-u dëshiron të paraqitet i rëndësishëm para amerikanëve në luftën kundër fundamentalizmit islamik. ShIK-u beson që vetëm nëse i bind amerikanët që në Kosovë ka (potencialisht) çerdhe të terroristëve islamikë do të mund të fitonte amnisti të re, buxhet shtesë dhe leje për funksionim të mëtutjeshëm.

Shqetësimi për islamin e krishterimin ndër shqiptarë është kryesisht artificial. Ka vend për shqetësim, mirëpo më shumë për shqetësim lidhur me këtë shqetësim. Pra, vetë shqetësimi është shqetësues. Tamam si te psikologjia metakognitive që na këshillon të brengosemi më parë për brengën tonë sesa për atë që po brengosemi.

Zemërimin shqiptarët duhet t’ia kushtojnë Serbisë e Greqisë, privatizimit neoliberal, varfërisë e papunësisë, korrupsionit qeveritar, e kurrsesi shqiptarit të religjionit a sektit fetar tjetër.

.....shkrim me vlere te madhe,

[Makresh]

Albin Kurti eshte shpreh si ateist per nga besimi.

Por deri me tash, po del me musliman se keta "muslimanet tradicional", qe si mbrem ne emisionin debat (normalisht eshte intervist e jo debat, po nejse, rrnoft inteligjenca kosovare) live me musafir Adem Demaçin dhe perball nje gazetar qe e shtynte te shkretonte gjithnje e me shume kunder Islamit, nder te tjera ne beri me dije qe ne evrope egziston nje ekstremizëm i krishter qe s'duan ti shohin muslimanet me sy, prandaj, ky Islami i yn, eshte i demshem per ne, sepse po ta diktonin ata, qe ne jemi musliman, nuk do t'na duan tani ! Qe dmth, keta muslimanet tradicional, jan qena qe kerkojn ti nenshtrohen perendimit katolik ! Pra fshehuni o tucana, nderroni fe, e shkoni e futnu ne katedrale, keshtu te jeni te sigurt, qe askush s'do ta din qe jeni musliman !

Edhe Ferid Agani eshte duke e tepruar me postin e tij, nese eshte i sinçert ne kerkesat e muslimaneve, ai duhet te jap menjeher doreheqje, dhe te prish koalicionin me begjen e me hashen ! Ora e revolucionit, eshte afer !

[panta_rhei]

o albin, gajle mos ki se edhe ty te jane kalbur patligjonat e serbise.

te perfitosh pushtetin mbi fatkeqesine e popullit tend.
hipokrit!

Te leshosh seancen e kuvendit, sepse don te mbetesh i mire edhe me arab edhe me turq edhe me shkije edhe me shqiptare.
faqezi.

edhe ti edhe shefqet krasniqi mbijetoni duke iu falenderuar injorances dhe analfabetizmit ne shoqerine kosovare. llogarit derrat qe ju vijne pas e qe ju degjojne urdherat?!

Ne fakt, krejt kjo ka nje shpjegim:
sa me shume qe rritet presioni ndaj shkijve e serbise qe te pranojne shtetin e Kosoves dhe realitetin, aq me shume vetvendosja edhe gabelet e arabise me mjekrra e sulmojne shtetin dhe organet e shtetit te Kosoves.