Hajnia e shekullit

[Neferta]

Arrestime në Ministrinë e Shëndetësisë

Autoritetet e rendit kanë arrestuar katër zyrtarë të Ministrisë së Shëndetësisë në Kosovë, nën dyshimet për përfshirje në afera korruptive.

Arrestimet kanë pasuar bastisjet e sotme të Policisë së Kosovës dhe misionit evropian për sundimin e ligjit, EULEX, në objektet e Ministrisë së Shëndetësisë.

Faik Hoti, drejtor i departamentit për informim në Ministrinë e Shëndetësisë, ka thënë se bastisjet janë kryer në Zyrën e Sekretarit të Përgjithshëm, të Prokurimit, Farmacisë, në Divizionin e Cilësisë së Shërbimeve dhe në Arkivë.

Të arrestuarit janë: Ilir Tolaj, sekretar i përgjithshëm i Ministrisë së Shëndetësisë, Hajrrullah Fejza, ushtrues i detyrës së drejtorit të Departamentit të cilësisë së shërbimeve shëndetësore, Zenel Kuqi, ushtrues i detyrës së drejtorit të Departamentit të prokurimit dhe Bekim Fusha, drejtor i Departamentit farmaceutik.

[sherri]

Shteti “gjunjëzohet” para njerëzve të pushtetshëm


Publikuar: 15.01.2012 - 22:24



Prishtinë 15 janar - Biznesmenët Bedri Selmani e Shaip Muja, ish-këshilltarë të Hashim Thaçit, kanë ndërtuar biznese private në pronën e ish-ndërmarrjes shoqërore “Auto Prishtina” shkruan gazeta "Jeta në Kosovë". Të dy biznesmenët, Muja deputet aktual e Selmani ish-deputet, nuk paguajnë qira për shfrytëzimin e kësaj prone. Agjencia Kosovare e Privatizimit asnjëherë nuk ka bërë raport për këtë ndërmarrje shoqërore pasi që dy kompani private, sipas zëdhënësit të saj, e uzurpuan “Auto Prishtinën” para gati 13 vjetësh.

Kryeministri Hashim Thaçi në objektet e “Hotel Victory” mban mbledhjet e Këshillit Drejtues e ato të Kryesisë së PDK-së. Edhe mesazhin për zero tolerancë ndaj korrupsionit Thaçi e ka dërguar kur është gjendur në ambientet e këtij hoteli, gjatë vitit 2011. Ndërkaq, objekti ku mblidhet për tu mobilizuar partia e Thaçit është ndërtuar kundërligjshëm.

Pronari i “Hotel Victory”, Bedri Selmani, sipas AKP-së, ka uzurpuar pronën shoqërore për të ngritur këtë biznes privat. AKP, e më herët Agjencia Kosovare e Mirëbesimit (AKM) për 11 vjet rresht nuk ka mundur të “zbarkojë” në këtë objekt, ku i mban mbledhjet partia që drejton qeverinë sot.

Bedri Selmani në Qeverinë e Përkohshme të Kosovës mbante pozitën e këshilltarit për çështje ekonomike të kryeministrit Hashim Thaçi.

Afër këtij hoteli operon restoranti “Te Rrethi”. Në katin e dytë të objektit, ku është i vendosur ky restorant, ka zyrat kompania Ci-Kos, që merret me tregtinë e metaleve e që është pronë e Fatmir Mujës, vëlla i deputetit të PDK-së Shaip Muja, që ishte këshilltar i kryeministrit Thaçi prej vitit 2008 deri më 2010.

Ish-këshilltari i Thaçit, sipas ish-drejtorit të Auto Prishtina, Aziz Sefedini, menjëherë pas luftës ndërtoi restorantin “Te Rrethi” në pronë shoqërore. Për veprimet e ish-këshilltarëve të kryeministrit është e njoftuar edhe AKP-ja.

“NSH Auto Prishtina që nga viti 1999 është e uzurpuar nga dy kompani private”, ka thënë zëdhënësi i AKP-së, Ylli Kaloshi. Hapësira e kësaj ndërmarrje sipas AKP-së është 1 hektar e 61 ari.

Një raport monitorimi e një vlerësim i aseteve të kësaj ndërmarrje nuk është bërë asnjëherë. “AKP nuk ka bërë Raport Monitorimi lidhur me NSH ‘Auto Prishtina’ ngase ndërmarrja shoqërore ‘Auto Prishtina’ është e uzurpuar dhe nuk është e komercializuar”, ka deklaruar Kaloshi për gazetën Jeta në Kosovë.

Nuk dihet as koha kur kjo ndërmarrje shoqërore do t’i nënshtrohet privatizimit. AKP-ja e pret lejen e Dhomës së Posaçme të Gjykatës Supreme për ta shitur këtë ndërmarrje shoqërore pasi kishte ngritur padi ndaj uzurpatorëve. Ende nuk ka marrë një përgjigje se kur mund të privatizojë ndërmarrjen “Auto Prishtina”.

Kjo ndërmarrje shoqërore deri në vitin 1991, kur u ndërpre puna pas largimit me dhunë të punonjësve të saj, ishte e vetmja shtëpi e autorizuar në vend për shitjen, mirëmbajtjen dhe riparimin e veturave, si dhe kontrollimin teknik të automjeteve të tipit "Magirus". Po ashtu, Auto Prishtina ishte auto servisi i autorizuar për shitjen dhe mirëmbajtjen e veturave “Zastava”, “Iveco” dhe “Opel”.

Objektet e kësaj ndërmarrje shoqërore në korrikun e 99-s do të përdoreshin për nevoja të Ministrisë së Mbrojtjes së Qeverisë së Përkohshme. Kështu kishte vendosur Azem Syla. Ai mbante pozitën e Ministrit të Mbrojtjes dhe nënshkroi vendimin më 22 korrik të atij viti. Vendimi i tij atë kohë do të hynte në fuqi 5 ditë para nënshkrimit të tij. (Shih dokumentin).

“Lokali i Servis Prishtina pranë restorant ‘Breta’ duke filluar nga data 17 korrik 1999 kalon nën administrimin e Ministrisë së Mbrojtjes së Qeverisë së Përkohshme të Kosovës. Ish-punëtorët e këtij servisi që dëshirojnë të vazhdojnë të punojnë në këtë lokal mund t’i drejtohen me shkrim Komisionit Drejtues të këtij servili, i cili drejtohet nga z. Sabit Zogaj”, thuhet në këtë vendim që e ka siguruar Gazeta JNK.

Azem Syla nuk i është përgjigjur pyetjeve të gazetës rreth këtij vendimi.

Aziz Sefedini, drejtor i kësaj ndërmarrje kishte mbetur i pakënaqur me vendimin e ministrit të Mbrojtjes. Tre vjet më vonë, në një shkresë dërguar shefit të policisë së UNMIK-ut Stephan Feller, do t’i kallëzonte atij për shkeljet ligjore që kanë ndodhur në këtë ndërmarrje. Sefedini tregon për largimin e tij nga pozita e drejtorit të kësaj ndërmarrje dhe për uzurpimet e bëra. (Shih dokumentin).

Bedri Selmani, sipas tij, një pjesë të objektit të NSH Auto Prishtina e regjistroi si pronë private që e emëroi hoteli “Viktoria”.

Shaip Muja, sipas tij, ndërtoi objektin “Te Rrethi”, prej 500 metra katrorë në pronë të NSH Auto Prishtina.

Sefedini shkruan se Bedri Selmani i kishte bërë presione që të largohet nga puna.

“Bedri Selmani, këshilltar i z. Hashim Thaçi për politikë ekonomike, kërkonte të marrë këtë NSH dhe bënte presion që unë të largohem nga puna...”, shkruante Sefedini më 30 shtator të vitit 2002.

Sefedini thotë për Gazetën JnK se një letër për papajtueshmërinë e tij me vendimet e Qeverisë së Përkohshme të Kosovës ia ka dërguar edhe Azem Sylës.

“Në nëntor (1999) do t’i shkruaja Azem Sylës. Aty i them se largimi im nga puna pa një aktvendim paraqet shkelje të ligjit”, ka thënë Sefedini, duke shtuar se nuk kishte marrë një përgjigje nga Syla për shkresën e tij zyrtare.

Një letër tjetër atë kohë ai do t’ia dërgonte Parlamentit të Kosovës, Presidentit e Kryeadministratorit, ku propozonte që objekti i kësaj ndërmarrje të shfrytëzohej nga Policia e Kosovës meqë ka pozitën më strategjike në Prishtinë për të vëzhguar qytetin.

“Nuk kam marrë përgjigje për këtë përveç një premtimi të Michael Steinerit (shefit të UNMIK-ut), i cili më vonë do të zmbrapsej”, ka thënë Sefedini.

Një problem tjetër atë kohë Sefedini ka thënë t’i ketë dalë me njërin prej zyrtarëve të lartë të PDK-së, Rrustem Mustafa - Remi.

“Ne ishim kthyer pas luftës dhe kishim filluar të operojmë. Pas një kohe, është fjala për qershorin e 1999, do të vijnë disa njerëz. Ata më marrin dhe më çojnë në Kolovicë. Aty një person do të më bënte pyetje të tipit “A e njeh Rrustem Mustafën e Zahir Pajazitin e kush na ka çliruar neve? Më thanë a mund ta nënshkruash një deklaratë ku do ta pranoj se është NATO ajo që na ka çliruar e jo UÇK-ja”, ka thënë Sefedini. “Nënshkrimi i kësaj deklarate nuk ishte i preferueshëm në 99-n”.

“Më vonë do të mësoja se ishte Rrustem Mustafa ai që më kishte marrë në pyetje. Edhe diçka tjetër do të mësoja më vonë. Në 99-n ishte bërë luftë mes Llapit e Drenicës se kush do ta uzurponte ‘Auto Prishtinën’ ”, ka deklaruar Sefedini.

Rrustem Mustafa –Remi, tash nënkryetar i PDK-së, thotë se Sefedini mund ta ketë ngatërruar me dikë tjetër “Jo, unë nuk kam lidhje me atë njeri. Nuk e njoh. Kushedi si më ka ngatërruar. Lidhje nuk kam me të”, ka thënë Mustafa.

Për vendin ku është i ndërtuar hotel ‘Victory’, Mustafa ka thënë se nuk është në dijeni që ka qenë ndonjëherë ndërmarrje shoqërore.

“Nuk e di që ky objekt është i uzurpuar. Mund të jetë. Mund të jetë dhe financues i PDK-së. Unë nuk e di. Unë për vete rri më shumë këtu se në çdo vend tjetër. Kjo ndodh sepse e kam shumë të lehtë që prej këtu të lëviz me makinë”, ka deklaruar Mustafa, deri sa flet pikërisht nga hotel "Victory".

Bedri Selmanin thotë se e njeh e pi kafe me të, por nuk e zgjatë më shumë me të.

Uzurpatorë të pronave shoqërore sipas Mustafës nuk do të dalin njerëzit që kanë qenë ushtarë të UÇK-së.

“Asnjë ushtar i UÇK-së nuk do të dalë mbrapa asnjë uzurpimi. E kam fjalën për ata që kanë luftuar krejt kohën. Mbrapa uzurpimeve do të dalin ata që kanë ndejtë jashtë e janë kthyer prej diasporës dhe kanë uzurpuar objekte”, ka deklaruar Mustafa.

Shaip Mujën, pjesë e batalionit të mjekëve të UÇK-së, që ka ndërtuar një objekt në pronën e kësaj ndërmarrje Mustafa nuk e llogarit për ushtarë të UÇK-së.

“Pse a ka luftu ai, a?”, shprehet Mustafa për Mujën.

Dy ish-këshilltarët e Thaçit, Selmani e Muja nuk kanë dashur të komentojnë rreth çështjes së uzurpimit të “Auto Prishtina”.

Muja nuk ka dhënë një përgjigje me arsyetimin se nuk mund të bëhet kujdestar i gazetarëve për të dhënë përgjigje sa herë ata e kërkojnë një gjë të tillë. E, Selmani, ish-deputet i PDK-së, është arsyetuar se ndodhet jashtë vendit dhe nuk mund të komentojë për këtë çështje.

Veprimet e Mujës e Selmanit nuk i ka komentuar shefi i tyre, Hashim Thaçi. Këshilltarët aktualë të tij, Lirim Grajqevci e Abelard Tahiri nuk kanë kthyer një përgjigje për pyetjet që i janë adresuar kryeministrit të vendit.

Drejtori aktual i ndërmarrjes “Auto Prishtina”, Islam Selimi ka thënë se e di që dy biznesmenët në bazë të rregullave duhet të paguajnë qira për shfrytëzimin e pronës, por ai këtë nuk e ka kërkuar kurrë nga ta.

“Nuk ki as pse me i thanë. Nuk paguajnë, jo. Rrjet janë. Tash është problem me i ndalë. Po bash për këtë punë po rri unë këtu për me iu ba rezistencë që bile njërën pjesë të ndërmarrjes me ruajt prej uzurpimit”, ka deklaruar Selimi.

Për vëllezërit e Shaip Mujës thotë se i ka shokë por qiranë nuk ua lyp sepse, sipas tij, nuk e paguajnë kurrë.

Ai thotë për Bedri Selmanin se e ka mbështetjen e njerëzve të fuqishëm për të bërë biznes.

“Mbrapa Bedri Selmanit qëndron Hashim Thaçi, Kadri Veseli, Azem Syla, Rrustem Mustafa. Përndryshe kush do të guxonte të uzurpojë një hektar e gjysmë në vendin më të mirë të Prishtinës pa paguar asnjë cent për qira”, ka deklaruar Selimi.

Vetëm Mustafa ka mohuar këtë lidhje kur është pyetur për këtë. Të tjerët nuk i janë përgjigjur pyetjeve së Gazetës JnK.

Drejtori i kësaj ndërmarrje shoqërore ka thënë se me Selmanin ka pasur probleme edhe më herët.

“Selmani që është vet uzurpues më pat ngritur padi mua se e paskam uzurpuar unë ndërmarrjen. Po unë e kom përzënë hetuesin se është nipi i Selmanit”, ka thënë Selimi.

Kur të nisë procesi i privatizimit për këtë ndërmarrje shoqërore, thotë Selimi, askush nuk do të guxojë të ofertojë për blerjen e saj.

“Kush i shti paret në këtë pronë? Ai (Selmanaj) ka me i largu krejt investitorët e interesuar, duke i bindë që ka investuar aty dhe tash i takon”, ka deklaruar Selimi.

Aktualisht në “Auto Prishtina” marrin paga 30 deri në 40 punëtorë, varësisht prej të ardhurave të qirasë nga pjesa e pa uzurpuar e kësaj ndërmarrje shoqërore.

Më herët, ndërmarrja kishte mbi 70 punëtorë, në kohën kur aty riparoheshin automjetet. Pagat e punëtorëve ishte planifikuar të siguroheshin në vitin 2000 përmes një marrëveshje të lidhur me Bedri Selmanin.

Më 5.04.2000 është nënshkruar kontrata në mes të Auto Kosovës, pronë e Bedri Selmanit si investitor, si dhe Auto Prishtinës si ndërmarrje shoqërore.

Në bazë të marrëveshjes, Selmani obligohej të paguante 19 mijë euro në muaj për të gjithë punëtorët. Të gjithë punëtorët mbeteshin në marrëdhënie pune e ktheheshin të gjithë ata që janë larguar me dhunë gjatë viteve të 90-ta.

Çështja e pronësisë do të mbetej e pandryshueshme me status NSH-je deri në aprovimin e ligjit mbi privatizim. Marrëveshja do të shkëputej zyrtarisht në 2003-tën pasi Selmani nuk e kishte respektuar atë që e kishte nënshkruar në prill të vitit 2000.

[Neferta]

Pagoi 96.000 Euro për veshkë në Kosovë- Raul Fain

Kur Raul Fain u nis nga Stambolli për në Kosovë me fluturimin e Turkish Airëays 1017 më 25 korrik 2008, ai nuk ishte turist i zakonshëm. Konsulenti për investime nga North York i Kanadasë sapo kishe paguar 96.000(127.000 Dollarë kanadezë) për të blerë një veshkë. Në fluturimin e njëjtë gjendej edhe Anna Rusalenko, një 45 vjeçare nga pjesa e izoluar e Siberisë. Asaj sikur edhe viktimave të tjera kurrë nuk iu dhanë paratë edhe pse iu hoqen veshkat.
Gjithcka ishte pjesë e një zinxhiri të sofistikuar të trafikimit me organe, zbulon aktakuza e EULEX-it, shkruan gazeta kanadeze, Toronto Star. Prokurori Jonathan Ratel, edhe ai kanadez ka përshkruar sesi EULEX po e ndjek një prej rasteve më të rënda të trafikimit të organave në rastin Medicus.
Ndërkohë, Fain nuk ka dashur të intervistohet për rastin, por është një nga dëshmitarët kyç në procesin gjyqësor që pritet të nis pas dy javësh në Prishtinë. Ai do të dëshmojë nëpërmjet video-linkut në këtë gjykim. Kanadezi sa ishte në Izarel kishte takuar Moshe Harel, bashkëpunëtorin e Yusuf Sonmezit. Ai i kishte thënë se në Kosovë do të mund të blinte një veshkë të re. Për pak ditë, Fain ia transferoi 96.000 Euro në llogarinë e tij izarelitt Moshe, dhe pas disa analizave në Turqi ai erdhi në Kosovë për veshkën e re, që e mori nga rusja e varfër. Fati i saj nuk u bë i ditur kurrë.

[Neferta]

Si vidhen me ''kalem''
Plaçkitjet e pronës, përkatësisht banesave të KEK’ut kishin filluar të ndodhin, sidomos gjatë menaxhimit të ESBI'të, një firme irlandeze, e cila ishte kontraktuar nga Qeveria e Kosovës, në periudhën e Bajram Rexhepit, kryeministër i së cilës ishte në koalicion të gjerë në mes LDK-PDK-AAK’së. Gjatë mandatit udhëheqës të ESBI’të në KEK ishin nxjerrë disa rregullore të çuditshme për dhënien e banesave pa asnjë mbulesë ligjore. Shumica e këtyre banesave janë marrë në formë plaçke, sepse as sot e kësaj dite nuk ka asnjë vendim valid dhe të prerë, të mbështetur në kritere ligjore të firmës dhe të arsyetuara, se në çfarë forme janë dhënë, kryesisht menaxherëve të KEK’ut, e jo ndonjë punëtori të saj.
Udhëheqësit, që kishin plaçkitur banesa në formë të kundërligjshme në KEK janë:
1. Pranvera Dobruna - Kryeziu, ish-drejtoreshë ekzekutive e KEK’ut, e cila për shkaqe korrupsioni dhe për mungesë të rezultateve ishte larguar nga detyra. znj.Dobruna ka marrë banesë në Prishtinë, në rrugën Pal Palucaj (përballë Fakultetit Filozofik).
2. Trandelina Cakaj, drejtoreshë ekzekutiv në Divizionin e Serviseve të KEK’ut. Edhe kjo e larguar për shkak të korrupsionit dhe mungesës së rezultateve në punë. Edhe znj.Cakaj ka marrë banesë në Prishtinë, në rrugën Pal Palucaj (përballë Fakultetit Filozofik).
3. Istref Klinaku, drejtor gjeneral i dy termocentraleve Kosova A dhe B, i cili ende është në këtë post,
4. Isa Xhemajli, drejtor ekzekutiv i Mihjeve sipërfaqësore, ende është në detyrë,
5. Fëllanze Pula, menaxhere e Divizionit të Furnizimit, për shkak të rezultateve të dobëta ishte ndërruar nga detyra,
6. Sali Gjonbalaj, drejtor ekzekutiv i Burimeve Njerëzore. Sali Gjonbalaj kishte të punësuar edhe gruan e tij Shqipe Gjonbalaj, si menaxhere në KEK dhe këta dy kishin ardhur si të dërguar të Mihajl Shtajnerit, ish-kryeadministratorit të Kosovës, sepse ky i fundit ishte dhëndër i tyre dhe më vonë i martuar me Bukurije Gjonbalajn, mbesën e tyre. Këta dy pasi kishin marrë banesë kishin lënë punën dhe kishin shkuar në Amerikë për të jetuar.
Menaxherët tjerë që kanë përfituar banesa në formë të paligjshme janë edhe: Visar Kelmendi, i cili ka shtëpi, por ka edhe Fabrikë të veten për prodhimin e ujit të destiluar “Rugova”, të cilën e udhëheq së bashku me Nazmi Gashin, një ish-menaxher i Distribucionit të Prishtinës. Z.Gashi njihet për punë shumë të pista dhe korruptime që ka zhvilluar në këtë Distribucion. Ai, vetëm gjatë viteve 1999-2000-2001 kishte zhdukur brenda natës tre kamion të mëdhenj me pjesë reserve, pajisje të ndryshme elektrike, vlera e të cilëve ishte milionëshe. Po ashtu, kishte keqpërdorur shumë trafostacione duke marrë mito, për të cilat kurrë nuk është iniciuar ndonjë hetim paraprak.Pastaj, Ismet Raqa, menaxher i Mihjes Sipërfaqësore në Bardh kishte marrë banesë, por i njëjti ka të punësuar edhe gruan Feriden në këtë firmë, Shefqet Baca, menaxher i Mihjes Sipërfaqësore në Mirash, Fadil Musliu, Gani Koci, Sami Dërmaku, Palok Berisha, Antoneta Mazreku, e veja e Engjëll Mazrekut, ish drejtorit të ndjerë të KEK-ut dhe shumë të tjerë.
Të gjitha këto punë të ndyra ishin mbuluar nga Sani Berisha, menaxher ekzekutiv ligjor në KEK, i cili njihet edhe si bashkëpunëtorë i regjimit serb, për faktin sepse ky njeri deri në ditën e fundit të luftës kishte punuar si këshilltarë dhe bashkëpunëtorë i ngushtë i Petar Kostiqit, ish-drejtor i dhunshëm serb. Pra, për të gjitha këto hajni dhe marifetlluqe të ndryshme janë njoftuar organet gjegjëse në Kosovë, por edhe ato ndërkombëtare.
Shkruan: Burim Kadriu

[jadore]

..mos thuani qe me pritet mua te ju sjell deshmi ,

....

NE ZVICER INVALID PSIQIK, NE KOSOVE DEPUTET !!!!!

Kuvendi i Kosovës ka në gjirin e vet një “invalid psikik të qind për qind”.

Me këtë diagnozë Azem Syla ka arritur që nga Zvicra të marrë mijëra euro, të cilat shteti helvetik po kërkon t’ia kthejë, pas “zbulimit” që ka bërë se Syla është deputet në Kuvendin e Kosovës.

Në vendimin e Gjykatës Administrative të Kantonit të Solothurnit në Zvicër, një kopje të së cilit e ka siguruar “Koha Ditore”, janë numëruar siç quhen aty, “mashtrime, sjellje joligjore dhe keqpërdorime” nga z.Syla.

Në vendimin e kësaj gjykate thuhet se më 29 mars 2011, Enti për Migracion dhe Lejeqëndrime në Zvicrën qendrore konstatoi se lejeqëndrimi i kategorisë C (“Niederlassungsbeëilligung C”), me të cilin ishte i pajisur Syla, ka skaduar. Rrjedhimisht Gjykata Administrative ka urdhëruar që Sylës t’i merrej lejeqëndrimi dhe ta lëshonte Zvicrën deri më 15 maj.

“Gjatë qëndrimit të tij në Zvicër, Azem Syla nuk ka punuar kurrë. Pas ardhjes së tij ne Zvicër ai mori ndihma sociale dhe nga viti 2002 kontribute shtesë, pasi që për shkaqe psikike ai kishte një shkallë invaliditeti prej 100 për qind”, – thuhet në këtë aktvendim. Gjatë këtyre viteve, sipas vendimit të Gjykatës Administrative të Kantonit të Solothurnit, Azem Syla nga sigurimi invalidor zviceran ka marrë hiç më pak se 426 mijë franga, që në këmbim me euro i bie 350 mijë euro. Momentalisht në Gjykatën e Sigurimeve është duke u zhvilluar procedura për ndërprerjen e pagesës së kontributeve shtesë – pensionit për Azem Sylën.

Në vendim më tutje thuhet se Syla mes vitit 2001 deri më 2003, ka kryer një studim në distancë në Universitetin privat të Leibniz-it në SHBA për të marrë titullin master. Në po atë universitet ai është pajisur edhe me titullin doktor.

[Zero Cool]

Parajsë për hajnat e veturave


Republika e Kosovës është bërë një “poligon” për hajnat e veturave, të cilët brenda një viti arrijnë t’i “konfiskojnë” rreth 500 vetura, kryesisht të reja. Nga të gjitha qytetet e Kosovës, hajnat të cilët i kontribuojnë më së shumti duket se e kanë një destinacion, veriun e rebeluar dhe të pakontrolluar nga institucionet e vendit.

Një qytetar i Prishtinës tregon për gazetën “Zëri”se si iu kishte vjedhur dhe më pas shitur vetura e tij.

“Disa ditë nuk e njoftova policinë, sepse pritsha mos po paraqitet dikush për të më njoftuar për veturën. E kur u binda se askush nuk do të më kontaktojë e paraqita rastin në polici. Por, interesant është se sapo e kam bërë këtë, më ka kontaktuar një person i pazakontë, duke ma ndryshuar bindjen”, fillon rrëfimin ky qytetar, të cilit në mes të Prishtinës i është vjedhur vetura “Golf 5”.

Ky dyzetvjeçar tregon se personi që i kishte telefonuar i kishte ofruar atij që ta riblejë veturën e tij, në të kundërtën, ajo do të çmontohet dhe do të shitet për pjesë.

“Ai ishte shqiptar, por nuk ma tregoi emrin. Më tha merri dy mijë euro edhe eja në Mitrovicën e veriut, por mos i trego askujt për këtë, se nëse i tregon e dëmton veten shumë. I mora paratë dhe u nisa për në kafenenë, ku më priste një person tjetër, i cili sapo kam hyrë në kafene më ka ftuar për kafe. Më tha a është ajo atje vetura jote, i thash po, tha m’i jep paratë, merri çelësat, targat i ke në bagazh por mos ia ngjit se unë nuk garantoj që me targa të Kosovës mund të dalësh i gjallë nga këtu”, thotë ai.

Personi, që thotë se ka mësuar shumë nga kjo “aventurë” thotë se çudia më e madhe ka qenë se pak metra nga kafeneja ku është takuar me personin, nga i cili e ka riblerë veturën e tij, ka qenë e ndalur një veturë me policë të Kosovës.

“E ndala veturën, edhe u thash a po e shihni more burra çka më ka ndodhur, ata qeshen me mua më thanë sa e bleve dhe më pyetën se a po vi prej kafenesë së famshme. Unë u bëra pak nervoz dhe u thashë të shkojnë e ta arrestojnë personin që m’i mori paratë, e ata thanë ia pafsh hairin veturës tënde se atë personin s’po mund ta luftojë Hashim Thaçi e po e luftojmë ne”, thotë ai, duke sqaruar se pas kësaj, policia ia kanë hapur një album me disa foto të personave që dyshohet se vjedhin vetura, e në mesin e të cilëve ka qenë pikërisht personi nga i cili ai e kishte riblerë veturën e tij.

Veriu, “zonë e lirë” për hajnat

Sipas të dhënave që posedon Policia e Kosovës, vetëm gjatë vitit të kaluar në Kosovë janë vjedhur katërqindenëntëdhjetepesë vetura, nga të cilat njëqindetridhjetegjashtë janë zënë dhe më pas u janë kthyer pronarëve të tyre, ndërsa janë arrestuar njëqindepesë veta.

Bazuar në këto statistika, gjatë vitit 2011, Policia ka arritur t’i zërë dyqindenjëzetetre veta që kanë legalizuar veturat e vjedhura, ndërsa është arritur që të kapen pesëdhjetetetë raste të veturave të vjedhura jashtë Kosovës, tetëmbëdhjetë nga të cilat u janë kthyer pronarëve të tyre jokosovarë.

Zyrtarët e Policisë së Kosovës thonë se veturat më të preferuara për hajnat në Kosovë janë ato që prodhohen nga “Volkswagen”, “Audi”, “Mercedes” dhe “BMW”.

“Në bazë të informacioneve tona veturat më luksoze destinacion e kanë pjesën veriore të Mitrovicës. Aty strehohen në lokacione të ndryshme, të dyshimtit përmes telefonit shpeshherë kontaktojnë me viktimat për t’u kthyer veturat e tyre me pagesa nga dymijë deri në tremijë euro. Një pjesë e tyre shkon për Serbi dhe vende të regjionit. Po ashtu edhe disa nga to prehen-copëtohen dhe shiten për pjesë”, thotë zyrtari për informim në Policinë e Kosovës, Brahim Sadrija.

Sipas tij, bashkëpunimi me shtetet e regjionit është në nivel të duhur dhe se falë këtij bashkëpunimi shpeshherë u janë kthyer veturat (pasi janë zënë në Kosovë) qytetarëve që jetojnë në shtetet e regjionit, dhe se ka raste të shumta kur policia ka arritur t’i ndalojë dhe t’i arrestojë të dyshuarit teksa ata vjedhin vetura.

“Në veçanti vlen për t’u theksuar rasti në regjionin e Prishtinës ku numri i veturave të vjedhura është më i madh. Në një rast të hetuar nga Drejtoria e Hetimeve të Krimit të Organizuar (brenda së cilës vepron Njësiti i Auto-krimeve) janë arrestuar njëzetepesë persona dhe deri më tani janë identifikuar njëzetepesë vetura te vjedhura. Ky rast është duke u hetuar nga hetuesit policorë”, tregon ai.

Policia toleron vjedhjen e veturave

Deputeti i Aleancës për Ardhmërinë e Kosovës (AAK), Burim Ramadani, thotë se numri i veturave të vjedhura brenda një viti është shumë më i madh sesa ai që paraqitet nga Policia e Kosovës.

“Besoj që vjedhja e veturave është një nivel i ulët i krimit të organizuar dhe besoj që ka më shumë vjedhje sesa atë që ka arritur policia ta zërë. Sidomos ky rrjeti i organizuar i veturave që vidhen në Kosovë dhe dërgohen në Serbi është jashtëzakonisht shqetësues. Deri më tash nuk kemi parë ndonjë veprim për ta shkatërruar këtë rrjet, i cili përafërsisht dihet se ku i kanë hapësirat që i vendosin veturat”, thotë Ramadani.

Ai thotë se falë paaftësisë së institucioneve të Kosovës, në Kosovë vidhen veturat nga qytetarët e komunitetit shqiptar, të cilët pastaj bashkëpunojnë me ata serbë, të cilët “zanatin” e tyre e shtrijnë në veri të vendit, ku mund të veprojnë të lirë.

“Këtu nuk janë vetëm kriminelët serbë, por edhe ata shqiptarë dhe nuk është vetëm hapësira ku i vendosin veturat në veri, por i bëjnë edhe afër Prishtinës dhe besoj që policia e di, por asnjëherë nuk ka pasur veprime ose operacione që ta shkatërrojë këtë rrjet”, thotë ai, duke shtuar se Policia e Kosovës duhet të ketë strategji të veçantë për ta luftuar kontrabandën me vetura.

Ndërsa drejtori i Qendrës Kosovare për Studime të Sigurisë, Florian Qehaja, thotë se vjedhja e veturave është krim i organizuar dhe multientik.

“Dihen se veturat vidhen dhe dërgohen në enklavat serbe dhe se policia nuk ka bërë diçka konkrete. Kjo lë dyshime se pas këtij “biznesi” qëndron dikush i fortë, pa dashur të paragjykoj, mund të jetë ose politikisht i fortë ose brenda policisë. Dihet linja e vjedhjes së veturave, por nuk është parë ndonjë operacion i policisë për shkatërrimin e këtij rrjeti”, thotë ai.

Eksperti i sigurisë, Qehaja, thekson se policia duhet t’i marrë informatat e sakta nga shërbimi inteligjent, dhe të ndërmarrë një operacion për arrestimin, siç thotë ai, të grupit kriminal.

“Absolutisht policia në raport me luftimin e kësaj dukurie, ka qenë shumë e dobët, mos të them ka dështuar, ka pasur arrestime aty-këtu, por nuk ka arritur t’i përmbushë objektivat për luftimin e kësaj dukurie në Kosovë”, shprehet ai.

Bashkëpunim me shtetet perëndimore

Policia e Kosovës kohë më parë ka ndërmarrë një aksion për hetimin e veturave me targa ndërkombëtare, në mënyrë që ta verifikojë nëse ato janë të vjedhura në vendet perëndimore ose janë me dokumentacion të rregullt.

Në njërin nga planet e tilla që ka zgjatur 24 orë dhe që është realizuar në bashkëpunim të ngushtë në mes të Ambasadës Zvicerane në Prishtinë dhe Policisë së Kosovës, është arritur të konfiskohen tri automjete me targa të Zvicrës për shkak të dokumentacionit të parregullt.

“Prej mbi njëqindenjëzet veturave që janë verifikuar në tri baza të të dhënave (të zonës së Shengenit, Interpolit dhe bazës së të dhënave të Zvicrës) janë identifikuar dhe konfiskuar nga policia tri vetura që kishin dokumentacion jo të rregullt dhe atë dy në Klinë dhe një në Gjakovë”, pati bërë të ditur policia.

[Neferta]

Zonja Edita alias deledashi i kosoves por e njohur edhe per fusnote, hargjon para si zalli

Zyrës së Kryeministrit është treguar zemërgjerë për 8 Mars Edita Tahiri, por pa prekur në kuletën e saj. Ka prekur në të shtetit.
Diku 50 mijë euro është kostoja publike e shpenzuar për tripin në Shqipëri të autorizuar nga zëvendëskryeministrja Tahiri, si dhe për ekipin e saj mbështetës.
Pjesë e tij ishin 36 femrat që punojnë në zyrën më me rëndësi të ekzekutivit. Të enjten kishin mbërritur në Tiranë, e të dielën pasdite qenë kthyer në Prishtinë, njofton “Koha Ditore”.
Nga atje kanë postuar fotografi në rrjetin social Facebook, madje nga Mali i Dajtit, ku nga Tirana shkohet me teleferik.
Gratë e Qeverisë jo veç që nuk kanë pasur nevojë të fusin dorën në xhep gjatë kësaj vizite, por ato kanë realizuar edhe të ardhura shtesë. Ndonëse ishin pjesë e një tripi, secila nga to ka realizuar nga dy mëditje. E tarifa për një mëditje të udhëtimit zyrtar në Shqipëri është 209 euro.
Njëra nga pjesëmarrëset ka treguar në kushte anonimiteti arsyen e vetme që i ishte bashkëngjitur tripit.
“Veç për mëditje shkova”, ka treguar ajo. “Mëditjet në Shqipëri janë të mira, se përndryshe nuk i kisha lënë tri net fëmijët vetëm”. /Telegrafi/

[Neferta]

''GRANDE'' HAJNAT
Prishtinë, 27 mars – Katër muaj pas shpalljes së pavarësisë, Behgjet Pacolli, zëvendëskryeministër i parë aktual i Republikës së Kosovës, asokohe deputet i opozitës, ka mundur të arrestohet. Kapjen e Pacollit, vëllait të tij Selim Pacolli, blerësit zyrtar të hotelit “Grand”, Zalqif Berisha, zyrtarëve të kompanisë “Eurokoha”, Naim Ejupi dhe Nerimane Ejupi, si dhe të Hajrullah Zaitit e ka kërkuar hetuesia e UNMIK-ut.

Ky arrestim, sipas hetuesve të ish-misionit të OKB-së, do të ndihmonte në ndriçimin e prejardhjes së parave me të cilat ishe paguar blerja e hotelit “Grand”, në qendër të Prishtinës, e që për ta ishin para të pista që kishin ardhur nga institucioni i pa licencuar i quajtur “Interfin Ltd”. Hetuesit ishin të bindur se rasti duhet të shkonte deri në fund, me gjithë “ndikimin politik” që kishin njerëzit e përfshirë në të. Detaje të rastit zbulon një dokument i siguruar nga “Koha Ditore”, e që është i hartuar nga hetuesi i rastit që dyshonte për prejardhjen e 4 milionë eurove me të cilat u ndihmua të privatizohej hoteli “Grand” nga Agjencia Kosovare e Mirëbesimit (AKM).

[Zero Cool]

[Neferta]

TRIPI NE DUBAI (lexo turpi ne Dubai )
Pluhuri i kryeqytetit nuk do t’i “prekë” dhjetëra zyrtarë të dikastereve të ndryshme qeveritare, të cilët punën e tyre në zyra do ta “zëvendësojnë” me njërin nga hotelet luksoze të Dubait.
Për të “shëtitur” pesë ditë në Dubai, ekzekutivi i vendit është treguar dorëlirë, ngase për këtë “trip” nga buxheti i vendit janë ndarë jo më pak se 2500 euro për një person.
E tërë kjo shumë e parave do të jepet në emër të trajnimit të kandidatëve për shërbim civil, sistem të pagave, dhe të drejtën e punës, trajnim ky që do ta organizojë kompania private “Ekspertiza”.
Redaksia e “Zërit” e ka siguruar një ftesë zyrtare që kjo kompani ua ka dërguar institucioneve të vendit, për t’i ftuar që t’i dërgojnë në Dubai zyrtarët e tyre.
Në këtë dokument shkruan përfituesit e drejtpërdrejtë të trajnimit do të jenë sekretarët, kryeshefat ekzekutivë, drejtorët e përgjithshëm, drejtorët e departamenteve dhe menaxherët e personelit, dhe se trajnimi do të mbahet nga një ekspert ndërkombëtar.
“Çmimi i pjesëmarrjes për person është 2.499 euro. Në koston e trajnimit përfshihet, transporti ajror nga Prishtina në Dubaj dhe anasjelltas, akomodimi në hotel luksoz “Holiday Inn” në Dubai, mëngjesi, dreka dhe darka dhe sigurimi i vizës”, thuhet në këtë ftesë për pjesëmarrje që kompania “Ekspertiza” ua ka dërguar institucioneve të vendit.
Por, trajnimi nuk përfundon vetëm brenda mureve të hotelit luksoz…/zeri

[Zero Cool]

Akuzohet se përvetësoi 78 mijë euro të të hendikepuarve


Prokuroria e Qarkut në Prishtinë ka ngritur sot aktakuzë kundër të pandehurit, Shaqir Jakupi, ish kontabilist në Organizatën Joqeveritare “Hendikos”, për vepër penale të përvetësimit gjatë ushtrimit të detyrës zyrtare.

Në njoftimin e Prokurorisë theksohet se i pandehuri Jakupi në periudhën 2011 – 2012 ka përvetësuar në mënyrë të paligjshme mbi 78 mijë euro.

Ky veprim i paligjshëm është kryer me anë të çeqeve të falsifikuara dhe tërheqjes elektronike të parave.

Prokuroria e Qarkut ka kërkuar nga gjykata që të pandehurin ta shpallë fajtor për veprën e kryer penale dhe ta obligojë për kompensimin e dëmit të shkaktuar.

[jadore]

moti nuk kam shit mend ..
valla qaty koken edhe paret e mija , e gjeta

tash e bona kabul me i humb kesaj radhe sevapet para Zotit e me ju kallxu juve ( se ju sdi a e keni dite , sa here folen sevapet ato shkruhen si gjyhnah atje nalt , thojke gjyshja jeme )
e qe kesh tuj thone .. per mos me me ardhe ne dere muaj per muaj , ju pata thone ..lermani conto nr se ju dergoj cdo muaj .. edhe nima tu ju tute Zotit , hajt se bona edhe une meftagj ( me duket qishtu shkruhet ) ju kam qite paret , Zotin edhe kopien prej e-bankinng e kam deshmitare ..
kur tipi nje dite po me vjen , po ulet edhe po rrine .. ( juriste i pensionum i thote vetit )
cka e mire te qiti po i tham me befasi ( si gjyhnashqare apet une , thash mos po e marr naj fletmirenjohje ..po jo !)
hm, cka dola ! ma kthej me ironi ..po ke thone qe qet , gjo ske qite qe sa muaj ( thu ti ja pata borgj )
hiq se livrita vendin , ( se si demel krejte afer vetit i kam te renditne )
qe fasikllen e juaj i thash kqyri e bindu ..!
ku i late , edhe ju me manipulime a ..!
jo jam plak ,si kam pa mire pagesat ..ma kthej ..
u bo i thash , me mua jeni paq e taze ...

prap para 2 jave ne tel .. po zonje fondi ka nevoje per mjete ..

Zotni .. e patet , te kam thone me mua je paq e taze .. me ke lut ..e keni keqperdore , u kry ...
po sevape .
gjyhnahe le te me shkruhen tash e te mbas ..

P.S
hej e Uritur , po te angazhoj , merru pak me hulumtimin ka me shkuan te hollat te lutem ..!

[Neferta]

Politikanët më të pasur se shteti

Sa ka rezerva financiare shteti i Kosovës, edhe më shumë pasuri kanë politikanët vendorë. Qindra miliona euro është pasuria e zyrtarëve të lartë kosovarë, ku përfshihet pasuria e paluajtshme, aksionet në kompani të ndryshme, paratë e gatshme dhe veturat luksoze. Përderisa paratë e shtetit të Kosovës që mbahen në Bankën Qendrore të vendit nuk e kalojnë shumën prej 150 milionë euro, shkruan Zëri.
Pasuria e zyrtarëve është publikuar të hënën nga Agjencia Kosovare Kundër Korrupsionit, përderisa nga viti 2007, kur e kanë deklaruar pasurinë, pasuria e politikanëve është shumëfishuar.
Në krye të listës së pasanikëve të politikës qëndron lideri i Aleancës Kosova e Re, Behgjet Pacolli, i cili njëherit është edhe zëvendëskryeministër, me 176 milionë euro pasuri, pastaj deputeti i Aleancës për Ardhmërinë e Kosovës, Ramiz Kelmendi, dhe njëherit pronar i zinxhirit të hipermarketeve ETC me 56 milionë euro pasuri, deputeti i LDK-së, Hashim Deshishku, me 13 milionë euro pasuri, deputeti i “Vetëvendosjes”, Florin Krasniqi, me pasuri të vlerësuar rreth 10 milionë euro, etj.
Grabovci dhjetëfishoi pasurinë
Pasuria e shefit të deputetëve të partisë në pushtet(PDK), Adem Grabovci, në vitin 2012 ka arritur në mbi 1.6 milionë euro. Pasuria e paluajtshme e Grabovcit është vlerësuar 1 milionë e 630 mijë euro, vetura të markave Audi A6, BMW dhe Golf 6, 21 mijë euro para të gatshme në bankat në vlerë prej 21 mijë euro.
Të ardhurat vjetore familjare të të tij janë rreth 30 mijë euro. Në vitin 2007 Grabovci kishte qenë shumë më i varfër. Ai në atë kohë kishte deklaruar një banesë në vlerë prej 120 mijë euro dhe një veturë 12 mijë euro.
Për pesë vjet pasuria e Grabovcit është dhjetëfishuar./Indeksonline/

[e-uritura]

Postimi origjinal është bërë nga jadore

moti nuk kam shit mend ..

valla qaty koken edhe paret e mija , e gjeta



tash e bona kabul me i humb kesaj radhe sevapet para Zotit e me ju kallxu juve ( se ju sdi a e keni dite , sa here folen sevapet ato shkruhen si gjyhnah atje nalt , thojke gjyshja jeme )

e qe kesh tuj thone .. per mos me me ardhe ne dere muaj per muaj , ju pata thone ..lermani conto nr se ju dergoj cdo muaj .. edhe nima tu ju tute Zotit , hajt se bona edhe une meftagj ( me duket qishtu shkruhet ) ju kam qite paret , Zotin edhe kopien prej e-bankinng e kam deshmitare ..

kur tipi nje dite po me vjen , po ulet edhe po rrine .. ( juriste i pensionum i thote vetit )

cka e mire te qiti po i tham me befasi ( si gjyhnashqare apet une , thash mos po e marr naj fletmirenjohje ..po jo !)

hm, cka dola ! ma kthej me ironi ..po ke thone qe qet , gjo ske qite qe sa muaj ( thu ti ja pata borgj )

hiq se livrita vendin , ( se si demel krejte afer vetit i kam te renditne )

qe fasikllen e juaj i thash kqyri e bindu ..!

ku i late , edhe ju me manipulime a ..!

jo jam plak ,si kam pa mire pagesat ..ma kthej ..

u bo i thash , me mua jeni paq e taze ...



prap para 2 jave ne tel .. po zonje fondi ka nevoje per mjete ..



Zotni .. e patet , te kam thone me mua je paq e taze .. me ke lut ..e keni keqperdore , u kry ...

po sevape .

gjyhnahe le te me shkruhen tash e te mbas ..



P.S

hej e Uritur , po te angazhoj , merru pak me hulumtimin ka me shkuan te hollat te lutem ..!

Juristin e pensionuar, e kanë mashtruar/tradhtuar/manipuluar, shqiptarët/familjarët/bashkëpuntorët!

[Zero Cool]

Valla pa fije krenarie ish kan edhe qeky Maloku !


Maloku - drejtor me konkurs të kurdisur, Kuqi mohon


Ministria e Drejtësisë ka mashtruar tetë kandidatë për drejtor të Burgut të Sigurisë me konkursin e shpallur javë më parë. Ata u janë nënshtruar procedurave të parapara me Ligjin për përzgjedhjen e stafit civil, ndërkohë që drejtori ishte caktuar një muaj më parë. Pritej vetëm legalizimi i emërimit të drejtorit.

Kandidati që ka “fituar” këtë konkurs, Naim Maloku, ka thënë se një muaj para shpalljes së konkursit kishte ofertë nga ministri Hajredin Kuçi për t’u bërë drejtor burgu. Bile Maloku ka thënë se Kuçi i kishte dhënë një muaj kohë për të menduar për këtë pozitë të cilën ai e quan “sfidë të radhës”.

“Zyrtarisht detyrën e kam marrë më 7 maj. Biseda ka filluar me mu diku në gjysmë të marsit”, ka thënë Maloku të martën për “Kohën Ditore”. “Po, në mars kam pasur ofertë dhe kam pasur nja një muaj afat për me mendu dhe me i mat do gjëra rreth angazhimit tim dhe diku kah gjysma e prillit unë kam dhanë pëlqimin që jam për atë. Ndërkohë ka qenë i përgatitur kështu-ashtu konkursi për drejtor”, ka thënë ai.

Sipas gazetës, Maloku ka konfirmuar se konkursi ka qenë vetëm formal, sepse tashmë ishte marrë vesh me Kuçin që të bëhej drejtor.

Ish-nënkryetari i Kuvendit të Kosovës dhe ish-këshilltari i ish-presidentit Behgjet Pacolli, ka ripërsëritur se ofertën për këtë punë e kishte marrë nga zëvendëskryeministri, Hajredin Kuçi.

“Nga zëvendëskryeministri dhe ministër i Drejtësisë”, është përgjigjur ai kur është pyetur sërish se kush ia kishte ofruar këtë punë.

Por ministri Kuçi ka mohuar këtë. Ka thënë se konkursi ka qenë i hapur. Aty, sipas tij, ka konkurruar edhe Naim Maloku dhe nga komisioni është vlerësuar me pikë maksimale për këtë detyrë. Tri herë është pyetur se a i ka ofruar këtë detyrë Malokut dhe tri herë ka refuzuar të përgjigjej. Ka thënë se është nder që ai është në Shërbimin korrektues.