600-800 ujgurë janë vrarë - VIDEO

[Makresh]

Sekretari i përgjithshëm i Kongresit Botëror të Ujgurëve tha se shumë ujgurë janë linçuar nga kinezët.

Foto: Kinezët në "gjueti" të Ujgurëve muslimanë

Lideri i ujgurëve të Kinës në ekzil tha se, në bazë të raporteve të dëshmitarëve përmes telefonit, numri i vdekjeve gjatë trazirave në Urumqi ka arritur në 800.

Sekretari i përgjithshëm i Kongresit Botëror të Ujgurëve, Dolkun Isa, tha se shumë ujgurë janë linçuar nga kinezët.

Ai tha se është shumë vështirë të konfirmohet numri i saktë i viktimave në Ksinjang, por se sipas telefonatave të zhvilluara me dëshmitarët, numri i ujgurëve të vrarë "sillet prej 600 deri në 800".

"Ne mund të themi me siguri se kanë qenë disa qindra", tha Isa.

Qeveria e Kinës tha se nga trazirat e së dielës në Urumqi janë vrarë së paku 156 njerëz, ndërsa janë plagosur rreth 1080 të tjerë.



KUJDES!!! Videoja e më poshtme ka skena të vrasjeve të dhunshme të punëtorëve Ujgur nga ana e Kinezëve.