Lajme

[euro]

NATO, siguria më e mirë për EURO 2004 Sport

Portugalia i kërkon NATO-s ndihmë për sigurimin e Euro 2004-s. Avionë britanikë dhe amerikanë po përgatiten për të monitoruar hapësirën ajrore rreth e rrotull stadiumeve të mbushur, pas një kërkesë që i ka bërë dje NATO-s kryeministri i Portugalisë, Hoze Durao Barrosho.

Edhe avionë spiunë të Forcave të Armatosura Britanike do të përfshihen në mbrojtjen e futbollistëve dhe sportdashësve nga sulmet terroriste gjatë Euro 2004-s.

Avionat e survejimit, "AWACS", do të patrollojnë qiellin e Portugalisë, vendit organizator të këtij kampionati, për të parandaluar një sulm të tipit të 11 shtatorit nëpër stadiume.

Çfarëdolloj avioni i dyshimtë që do të sinjalizohet nga "AWACS", do të përballet më pas me forcat ajrore portugeze. Dhe, nëse do të jetë e nevojshme, objekti i rrezikshëm do të goditet që në ajër.

Avionë britanikë dhe amerikanë po përgatiten për të monitoruar hapësirën ajrore rreth e rrotull stadiumeve të mbushur, pas një kërkesë që i ka bërë dje NATO-s kryeministri i Portugalisë, Hoze Durao Barrosho.

“Ne do të sigurojmë çfarëdolloj mbështetjeje që do të mundim, për të siguruar që kjo veprimtari do të zhvillohet pa probleme", - ka deklaruar një burim pranë NATO-s. Afro 1.2 milionë sportdashës pritet të ndjekin Euro 2004-n, që fillon më 12 qershor 2004.

Organizatorët janë tashmë të shqetësuar, pas shpërthimeve në trenat e Madridit, ku gjetën vdekjen 190 persona. Hotelet ku do të qëndrojnë skuadrat e vendeve pjesëmarrëse do të ruhet nga forca të armatosura.

Mbrojtja ajrore do të garantojë sigurinë e 80,000 sportdashësve që pritet të jenë të pranishëm në 31 ndeshjet që do të luhen në 10 stadiume të ndryshme.

Skuadrat përfaqësuese të Anglisë, Spanjës dhe Italisë janë më të rrezikuarit pasi qeveritë e tyre kanë dhënë mbështetjen për luftën në Irak.

Kryeministri portugez konfirmoi se ambasadori i tij pranë NATO-s kishte paraqitur një kërkesë zyrtare në Bruksel.




Real Madrid - zgjidh e merr! Sport

“Çdo sezon ne marrim lojtarin që e mendojmë si më të mirin në botë” - tha presidenti i klubit, Perez.

Presidenti i Real Madrid, Florentino Pérez, konfirmon ambicjet e skuadrës kastiljane në merkato.

“Blerja e yjeve do të vazhdojë, pasi kjo është politika e klubit”. Pérez më pas vazhdon – “Çdo sezon ne marrim lojtarin që e mendojmë si më të mirin në botë”.

Një frazë që për shumë lë të kuptosh interesimin e ‘merengues’, për Francesco Totti-n, që pritet të largohet nga Roma e cila duket se mund të shndërrohet në ‘Rometta’.
Pérez ka folur edhe për disa kontrata prej pak kohe të mbyllura, ose që janë shumë pranë.

“Transferimi i Makelele ishte pozitiv si për ne ashtu dhe për Chelsea-n, ndërsa përsa iu përket kontratatve të Carlos Queiroz e Luis Figo, të dy janë në vazhdim dhe do të përfundojnë gjithçka rregullisht”.






Kthehet Veron Sport

Juan Sebastian Veron ka zhvilluar vetëm 12 ndeshje në sezonin e parë me Chelsea-n. Ai u ble nga Manchester për 15 milionë stërlina.

Ranieri mund të qeshë, Juan Sebastian Veron, kthehet në stërvitje pas një mungese prej pothuajse 5 muajsh, pas dëmtimit në shpinë.

Ish lojtari i Sampdoria-s, Parma-s, Lazio-s e Manchester United, ka zhvilluar vetëm 12 ndeshje në sezonin e parë me Chelsea-n.

“Veron zhvilloi seancën e parë stërvitore me përgatitësin atletik Roberto Sassi – tha traineri i Chelsea-t –, punoi mirë dhe pa asnjë dhimbje apo shqetësim. Ky është një lajm i mirë. Mendoj se për disa javë mund t’a shohim në fushë”.

Veron u ble nga Manchester për 15 milionë sterlina.





Alan Smith largohet nga Leeds United

Newcastle United ka konfirmuar interesat e saj për Smith
Sulmuesi Alan Smith i Leeds United ka deklaruar se dëshiron të largohet në fundin e sezonit.

23 vjeçari do të bëjë gjithshka që klubi aktual të qëndrojë mes më të mirëve, por për të stimujt në “Elland Road” kanë përfunduar.

Smith është ende nën kontratën e cila skadon në vitin 2006.

Newcastle United ka konfirmuar interesat e saj për bomberin në fjalë dhe është e gatshme të shpenzojë 7 milionë euro për të

[euro]

Edhe përkundër lajmërimeve që i jepte spikeri oficiel në stadium se lajmi nuk ishte i vërtetë, tifozët insistonin që ndeshja të mos luhet.
Policia e Romës ka filluar kërkimet për autorët e përhapjes së gënjeshtrës rreth “vrasjes së një fëmiu shtatë vjeçar”, shkaku i së cilës është ndërprerë derbi i javës së kaluar në Ligën Italiane të Futbollit.

Ballafaqimi Lazio-Roma është ndërprerë disa minuta pas fillimit të pjesës së dytë, pasi që qarkullonin informacione rreth stadiumit se një fëmijë është goditur për vdekje nga një makinë policie.

Edhe përkundër lajmërimeve që i jepte spikeri oficiel në stadium se lajmi nuk ishte i vërtetë, tifozët insistonin që ndeshja të mos luhet.

Pasi që pranon një telefonatë nga presidenti i “Lega Calcio”, Adriano Galliani, gjyqtari Roberto Rosseti e mbyll ndeshjen de facto të papërfunduar.

Përfundimi i takimit , ka pasuar me demolime të mëdha dhe fërkime të ashpra mes policisë dhe tifozerisë violente jashtë stadiumit Stadio Olimpico.

Nëntë persona janë arrestuar dhe fatmirësisht vetëm 10 të tjerë janë plagosur nga hudhjet e shisheve dhe gjesendeve tjera të forta.10 të plagorsurit ishin policë.

"Ne jemi duke hetuar rastin se si ka mundur të vij deri te kjo gënjeshtër”" tha perfekti i Romës Nicola Cavaliere, duke shtuar se "lëshimi i informacioneve të tilla falso, mund të sjellin dëme mjaft serioze”.

Policia poashtu ka marrë deklarata nga gjyqtari i ndeshjes Rosseti, si dhe nga kapitenët e dy skuadrave Francesco Totti dhe Sinisa Mihajlovic, për të marrë një pasqyrë reale të asaj që në të vërtetë kishte ndodhur.

"Na kanë thënë që një fëmijë është vrarë," tha Emerson pas ndeshjes. "Si mund të vazhdonim?"

Mbgrojtësi i Lazios Massimo Oddo shtoi: "Ne nuk ishim të sigurtë për atë çfarë ndodhte, përderisa erdhi Totti dhe na tha se një fëmijë kishte vdekur”.

Meqenëse ndeshja është ndërprerë nga presidenti i ligës, ajo do të përsëritet.

Data e re kur do të zhvillohet ky takim i shumëpërfolur do të jetë 7 ose 14 prill.

Poashtu ekziston mundësia që takimi të zhvillohet pa shikues , nëse një gjë të tillë e vendosin autoritetet policore

[euro]

Kush do të jetë kampioni i gjysëmshekullit në futboll?

Beckenbauer, Cruyff, Zidane, njëri prej tyre të enjten do të proklamohet nga UEFA, si lojtari më i mirë në 50 vitet e fundit
-Beckenbauer, Cruyff, Zidane, njëri prej tyre të enjten do të proklamohet nga UEFA, si lojtari më i mirë në 50 vitet e fundit.

Zgjedhja është realizuar nëpërmjet një referendumi në faqen elektronike “Uefa.com”, që ka marrë 7 milionë preferenca.

UEFA ka njoftuar sot renditjen nga vëndi i 50-të deri në të 4-in dhe vetëm të enjten me rastin e Kongresit Jubilar në Qipro, do të shpallë kampionin e gjysëm shekulli jetë.

Ja 47 kampionët:

1.
2.
3.
4. Marco van Basten
5. Dino Zoff
6. Alfredo Di Stefano
7. Eusebio
8. Lev Yashin
9. Michel Platini
10. Paolo Maldini
11. Ferenc Puskas
12. Paolo Rossi
13. Ruud Gullit
14. Bobby Charlton
15. Lothar Matthaus
16. Karl-Heinz Rummenige
17. Franco Baresi
18. Gerd Muller
19. George Best
20. Kevin Keegan
21. Frank Riijkard
22. David Beckham
23. Bobby Moore
24. Roberto Baggio
25. Michael Laudrup
26. Ronald Koeman
27. Peter Schmeichel
28. Gheorge Hagi
29. Sepp Maier
30. Oliver Kahn
31. Luis Figo
32. Raul Gonzales
33. Berti Vogst
34. Johan Neskens
35. Gianni Rivera
36. Jose Camacho
37. Marco Tardelli
38. Just Fontaine
39. Peter Shilton
40. Bernd Schuster
41. Raymond Kopa
42. Eric Cantona
43. Stanley Matthews
44. Ruud van Nistelrooy
45. Valentin Ivanov
46. Gary Lineker
47. Alessandro Nesta
48. Jose Santamaria
49. Alessandro del Piero
50. Alessandro Costacurta

Carlos gjithnjë e më larg skuadrës së "galaktikëve"

Mes Real Madrid e Roberto Carlos raporti i bashkëpunimit është gjithnjë e më i ftohtë dhe ndarës.
-Mes Real Madrid e Roberto Carlos raporti i bashkëpunimit është gjithnjë e më i ftohtë dhe ndarës.

Braziliani që mund të ketë firmosur një parakontratë me Chelsea-n e Roman Abramovich, ka akuzuar drejtuesit aktualë për grumbullimin në “La Manga”, pas humbjes që Real pësoi në kampionat përballë Osasuna-s.

Eleminimi nga Champions League dhe humbja e kreut në kampionat rrezikon të ndajë në dy pjesë skuadrën e Carlos Queiroz, që mund të mos realizojë asnjë objektiv në sezonin e nisur për fitoren e gjithshkaje me nënshkrimin “galacticos”.
Roberto Carlos, që pak kohë më parë u bë i huaji me më shumë ndeshje me fanellën e Real Madrid, ka një kontratë e cila skadon në Qershorin e vitit 2005 dhe një klauzolë shitjeje prej 100 milionë euro.

Nuk është diskutuar ende (siç ndodhi me Ronaldo, Raul e Zidane) rinovimi i kontratës dhe nëse nuk vjen, atëherë pas një sezoni ai do të largohet në parametra zero.

Në këtë mënyrë shitja e tij në përfundim të këtij kampionati është më shumë se një realitet.

Deklarata e lojtarit se - “asnjë nuk mund të kontrollojë kohën time të lirë”, mund të ketë plotësuar gjithshka për transferimin drejt Anglisë.

Beckam humb sponsorët
-Pas problemeve dhe skandaleve me kronikën rozë, shqetësimet për David Beckham vijnë tani edhe nga sponsorët e tij.



Duket se lajmet jashtë futbollit që përfshijnë kohët e fundit edhe Spice Boy, po bindin kompanitë e shumta ndërkombëtare që kanë lidhur imazhin me të, të zgjidhin kontratat.

Lojtari i Real Madrid aktualisht ka disa marrëveshje sponsorizimi me një vlerë prej 15.5 milionë euro në vit.

Kur flitet për para dhe në këtë rast për kontrata në miliona euro dhe kronika rozë merr një rëndësi të veçantë.

Zërat për një lidhje të mundshme me Rebecca Loos, po zënë gjithnjë e më shumë faqet e para të gazetave në të gjithë Evropën.

Përherë me të dhëna skandaloze, ato mund të minojnë keq imazhin e lojtarit deri pak ditë më parë idhull i padiskutueshëm i “teen-agers” në të gjithë botën përveçse një burrë ideal.


“Baba i kujdesshëm, burrë i devotshëm dhe model në sjellje” – ky ishte për sponsorët, Beckham.

Tani ai burrë ideal nuk është më, i shkatërruar nga skandale të shumta seksi që mund të kenë ndikim edhe në sigurinë ekonomike.

Duket se specialistët e shoqërive që e sponsorizojnë po vendosin të shkëputen prej tij (Adidas e Pepsi në veçanti). Për lojtarin do të ishte një humbje rreth 15.5 milionë euro.

Dhoraso tek AC Milan

-Mesfushori i Lyon që kryeson kampionatin francez, Vikash Dhorasoo, ka firmosur për dy vjet te Milan. Njoftimi është dhënë nga “L'Equipe”.

I ardhur tek Lyon në vitin 1998 nga Le Havre, Dhorasoo, 31 vjeç, ka një shtatlartësi të vogël dhe shpejtësia është arma e tij më e mirë.

Me origjinë nga Mauritius, do të luajë ndeshjen e fundit me skuadrën aktuale kampione edhe vitin e shkuar, më 23 Maj në Lille. Më pas në varësi të kontratës është i lirë pas datës 30 Qershor.

Abramovich i vë syrin Ronaldinhos
-Bosi i Chelsea-t, Roman Abramovich, vazhdon të forcojë skuadrën e tij në pritje të sezonit të ardhshëm. Duket se një nga objektivat e tij është edhe fantazisti brazilian i Barcellona-s, Ronaldinho.

Oferta e nisur për “blaugrana”-t është 70 milionë euro, një shifër astronomike që vetëm Abramovich mund t’a shpenzojë në merkaton e futbollit aktual.

Nga ana tjetër në “Camp Nou”, klauzola për prishjen e kontratës së futbollistit është 100 milionë euro, por presidenti katalan, Joan Laporta, deklaron se Ronaldinho është i pashitshëm, edhepse oferta londineze është shumë e rëndësishme për arkën e shoqërisë spanjolle.

WBO: Brezi i kampionit në duart e amerikanit Lamon Brewster
-Amerikani Lamon Brewster mundi krejt befasisht ukrainasin Vladimir Klitschko duke fituar titullin botëror në peshën super të rëndë në versionin WBO, deri tani vakant.

Ukrainasi shihej si pretendenti i avancuar në raundet e para duke e dërguar rivalin tre herë në tapet në të katërtin.

Por në raundin e pestë Brewster, i shpëtuar vetëm nga gongu mori revanshin.

Klitschko nuk ishte në gjendje të reagonte dhe përfundoi në tapet disa herë, aq sa gjyqtari u detyrua të ndërpriste ndeshjen.

Davis Cup: Edhe SHBA-të kualifikohen për në gjysëmfinale
-Reprezentacioni i Shteteve të Bashkuara të Amerikës në tennis, është plasuar në gjysmëfinale të Davis Cup, pas fitores së Andy Rodickut ndaj Jonas Bjorkamn, me rezultat 3 me 0, në sete 7 me 6, 6 me 4 dhe 6 me 0, duke i siguruar përfaqësueses së tij fitoren ndaj Suedisë 4 me 1.

Shtetet e Bashkuara të Amerikës në gjysmëfinale do të takohen me përfaqësuesen e Bellorusisë, përderisa çifti i dytë gjysmëfinal do të jetë Franca - Spanja.

Takimi i çerekfinales ndërmjet amerikanëve dhe suedezëve do të mbahet në mend një kohë të gjatë, pasi që në këtë takim, Roddick shënoi rekord të ri për shërbim me shpejtësi prej 244.6 km/h.

Rekordi i deritanishëm i shërbimit ka qenë 241.4 km/h dhe ka bartur emrin e Roddick-ut, të cilin e shënoi këtë vit në rrethin e parë të Davis Cup.

Prej sot Ervin Skela anëtar i Bayer Leverkusen
-Njoftimi është dhënë nga klubi aktual i mesfushorit tonë, Eintracht Francfurt, sipas të cilit Ervin Skela do të firmosë të hënën një kontratë 3 vjeçare me Bayer Leverkusen.

27 vjeçari Skela, do të përfitojë një pagë prej 1.2 milionë eurosh në sezon. Autori i 7 golave në këtë sezon do të zëvëndësojë mesfushorin turk Yildiray Basturk, që është pranë transferimit te Werder Bremen. Eintracht është aktualisht në vëndin e parafundit në kampionatin gjerman.

BIOGRAFIA
Datëlindja: 17.11.1976
Vendlindja: Vlorë/Shqipëri
Lartësia: 173 cm
Pesha: 69 kg
Kartona të verdhë: 3
Karton i verdhë i dyfishtë: 0
Karton i kuq: 1
Ndeshje: 24
Minuta: 2160
Gola: 7
Skuadrat:
Waldhof Mannheim,
Chemnitzer FC,
Erzgebirge Aue,
1. FC Union Berlin,
Flamurtari Vlora,
SK Tirana
Eintracht Frankfurt

Hobi: Golfi, Tenis, Kinemaja.


Golat e shënuar gjatë këtij sezoni:

Java 1-rë, Bayern M. - Eintracht Frankfurt 3-1, Skela 3-1
Java 14-të, Eintracht F. - VfL Wolfsburg 3-2, Skela 2-2
Java 15-të, Eintracht F. - Hannover 96 2-2, Skela 2-1
Java 18-të, Eintracht F. - Bayern München 1-1, Skela 1-1
Java 22-të, Eintracht F. - Bor. M'gladbach 3-1, Skela 1-0
Java 24-të, Eintracht F. - FC Schalke 04 3-0, Skela 2-0

[QIKA_MAMIT]

Werder Bremen Deutschland Meister keq boll :?

[Naki]

Bundesliga Gjermane MAINZ 05,sot hyri nga liga e dyte ne ligen e pare .

[bum]

cialis - http://www.bestrxpills.com

[Zana_ch]

Krasniqi, me 29 prill ndaj amerikanit Smith


Ish-kampioni i Europes ne peshat e renda ne boks, Luan Krasniqi, do te ndeshet ne daten 29 prill, ne Stuttgart, ndaj amerikanit Terry Smith. Kete e ka bere te ditur gazeta gjermane "Hamburger Abendblatt", e cila njofton se Smith ka ne karriere 28 ndeshje, nga te cilat 26 te fituara. 34-vjecari shqiptaro-gjerman (nga Juniku i Kosoves), shpreson te synoje edhe nje here titullin boteror ne federaten WBO, ndersa ne 28 shtatorin e kaluar e humbi ndeshjen per brezin e arte, ndaj kampionit Lamon Brewster (SHBA). Rival i mundshem per Krasniqin eshte edhe holandezi, Richel Hersisia, ndonese burime prane Luanit, bejne te ditur se ky nuk ka deshire te ndeshet me nje kundershtar shume pak te njohur.