Krasniqit i hapet rruga për titullin botëror

[Arbëri]

[Arb]

Kampioni i botës në boks, Klitçko, pranon sfidën e shqiptarit Krasniqi

Trajneri i ukrainasit, Sdunek, flet për sfidën e ardhshme. Takimi mund të zhvillohet më 29 korrik

Autori i Lajmit: Albi Serani
SHTUTGARD – Një javë më parë Luan Krasniqi ka hedhur “dorashkën” në adresë të Vitali Klitçkos për t’u ndeshur për titullin botëror të boksit në peshat e rënda. Dhe dje, mbërrin një përgjigje pozitive nga grupi që drejton kampionin botëror. Klitçko pranon sfidën me shqiptarin Krasniqi, i cili bokson për ngjyrat e Gjermanisë.

Trajneri i boksierit ukraninas, Fric Sdunek, deklaroi dje për revistën gjermane “Box” se Klitçko është gati që të ndeshet me Krasniqin. Ai ka shtuar gjithashtu se tashmë kanë nisur bisedimet ndërmjet menaxherëve në të dy kampet për të sqaruar shumë çështje të organizimit, një prej më të mëdhenjve në botë.

Kështu, duhet vendosur se në cilën arenë do të zhvillohet takimi dhe se sa do të jetë shpërblimi për dy boksierët. Megjithatë, duket se diçka ka hyrë në rrugë të mbarë. Pak ditë më parë, në një intervistë, kosovari Krasniqi shprehu dëshirën për t’u ndeshur me një prej kampionëve aktualë të botës, ndër të cilët është edhe Klitçko.

“Krasniqi një boksier i fortë”

Në intervistën që ka dhënë për “Box”, trajneri i ukrainasit Klitçko, Sdunek, ka dhënë një vlerësim maksimal për Luan Krasniqin: “Boksieri gjerman (Krasniqi) është shumë i fortë, ka goditje të rënda dhe lëviz shumë në pistë. Diçka të tillë e tregoi në takimin e tij të fundit përballë Sinan Samil Sam, të cilit i rrëmbet titullin e Kampionit të Evropës, të cilin e kishte lëshuar pak muaj para këtij takimi”, është shprehur ish-boksieri i njohur gjerman, i cili ka qenë edhe trajner për disa kohë i “grushtit bavarez” Aksel Shulc.

Vitali Klitçko nuk lëviz shumë në arenë, duart nuk i manovron shpejt, por ka një teknikë të shkëlqyer goditjeje dhe mbrojtjeje. Klitçko e ka nisur karrierën e tij në kohën kur Ukraina ishte pjesë e Bashkimit Sovjetik. Në fund të viteve ’80, Vitali së bashku me të vëllanë, Vladimirin, arritën të shpalleshin kampionë të federatës.

Për vite me radhe, edhe pas shpërbërjes së ish-Bashkimit Sovjetik, Vitali ruante hegjemoninë e tij mbi boksierët e tjerë rusë. Më pas, duke luajtur për ngjyrat e Ukrainës, ai arriti rezultate të larta, deri sa në vitin 2002 u shpall kampion bote në peshat e rënda.

Sfida e Krasniqit

Luan Krasniqi për vite me radhe po bokson për ngjyrat e Gjermanisë. Që në fillimet e karrierës së tij, kosovari gjithë muskuj ka deklaruar se do të arrijë të luftojë për titullin kampion bote. Por, vetëm pasi ka fituar trofeun evropian ai mund të përballet për titullin madhor. Dhe tashmë kushtet për Krasniqin janë pjekur. Pak muaj më parë ai rimori trofeun evropian, përballë turkut Samil Sam.

Një javë më parë, në një intervistë për “Epoka e Re”, Krasniqi deklaroi se është gati të synojë trofeun botëror. “Gjithnjë mendoj se kam potencial që të arrij deri te titulli i kampionit botëror, por gjërat kanë ndryshuar. Lenoks Luis tani ka mbaruar karrierën e vet, Klitçko nuk e di as vetë se sa do ta zgjatë karrierën dhe se kur do të boksojë përsëri.

Me të gjithë kampionët që janë në fuqi po të më jepet rasti, që nesër do të boksoj për titull të botërorit dhe kam besim se do të triumfoja, por duhet pritur rastin dhe duhet ta mbaj atë që e kam fituar”, deklaroi Luan Krasniqi në intervistën e tij. Por, tashmë gjërat kanë lëvizur dhe një ndeshje Krasniqi-Klitçko është e realizueshme. Ndoshta më 29 korrik të këtij viti? Do të ishte zgjidhja më e mirë për kosovarin, pasi edhe fizikisht është në gjendje të shkëlqyer.

[Gentiani]

Luan Krasniqi bokson më 28 Shtatorë kundër Lamon Brewster për titullin e kampionit botërorë

Ka katër javë që shikimi i ish kampionit europian në kategorinë rëndë Luan Krasniqit çdo mëngjez nuk largohet nga plani i trajnimit, të cilin ia dha trajneri i tij nga Berlini Torsten Schmitz. Ka katër javë që bokseri 34 vjeçarë profesionist punon për ëndërrën e tij të madhe dhe atë mundet ta realizojë me 28 Shtatorë në Hamburg.

Në 100 vjetorin e lindjes së legjendës së boksit dhe të vetmit kampion botërorë gjerman Max Schmeling, do të boksoj Luan Krasniqi në Color Line Arena kundër mbrojtësit të titullit të kampionit botërorë në WBO Lamon Brewster nga SHBA-të.

Biletën hyrëse për kandidat të titullit të kampionit të Botës Luan Krasniqi e siguroi me 28 Mai në Stutgart gjatë boksimit senzacional duke e mundur favoritin e lartë Lance Whitaker në raundin e gjashtë me nokaut. Ai meç ishte vendosur nga WBO si meç eliminatorë për titullin e kampionit, edhe pse amerikanët dhe vehtë WBO prisnin dhe kanë qenë të bindur për duelin mes Lamon Brewster dhe Lance Whitaker. Luani fillon me trajnimin me 8 gusht në Berlin dhe pastaj në Rottweil.

Për promotorin e Luan Krasniqit, Klaus Peter Kohl 28 shtatori do të hyjë në historinë e boksit. „Ky nuk do të jetë vetëm luftimi i vitit. Për simpatizuesit e Luanit do të jetë shumë më shumë. I mbetet grushtave të Luanit të pasojë hapave të Max Schmeling dhe jam shumë krenarë, që deri tani ia kemi dalur “.

Brewster në Prill të 2004 në Las Vegas me një KO fitoi titullin e kampionit të botës kundër Wladimir Klitschkos dhe atë e mbrojti dy herë. » është e vërtetë se 28 shtatori është një ditë e veçantë, por askush në Gjermani nuk guxon të besojë, që unë nuk do të fitojë për këtë. »

Krasniqi: » të gjithë në kategorinë e rëndë ka mundësi të munden, e gjithashtu edhe Brewster«.

Max Schmeling para 75 viteve në New York me fitoren kundër Jack Sharkey nga SHBA ishte boksieri i parë dhe i vetëm gjerman kampion bote në boks në të gjitha klasët.

[Gentiani]

Edhe një informacion tjetër nga boksi dhe lidhur me meçin e boksit Krasniqi-Brewster.


Para meçit Krasniqi - Brewster në program bokson edhe një shqiptar tjetër në kategorinë e rëndë, i cili është edhe mik i Luanit. Është fjala për bokserin shqiptarë „Albanischer Tyson“ - Nuri Seferi nga Zvicra i cili bokson kundër ukrainasit Taras Bidenko, një kundërshtarë i fortë i cili vjen nga i njëjti klub garues ku garon edhe Luani - Universum Box Promotion.

Në rast të fitores së tij, atëherë ai do të jetë shqiptari i dytë që do të boksoj për Universum Box Promotion në Gjermani.

[AXHA]

Selam pej meje.
Ishalla tprihet e mara oooooooo shum i neruemi Luan edhe sonte e na gzon jarabi allah ati i kofshim fal.

[Dilaver]

Kam një parandjenjë se do të fitoj edhe kete luftë Luani jonë.

[Guri i madh]

luani do te fitoj me nakaut ne runden e 7 kundershtari i luanit esht me i shkurt edhe nuk ka forc me boksue gjat

[Murgesha]

Postimi origjinal është bërë nga Guri i madh

luani do te fitoj me nakaut ne runden e 7 kundershtari i luanit esht me i shkurt edhe nuk ka forc me boksue gjat

Kështu patëm qejfin ne por....

Megjithatë ishte meç i bukur.

[ARVANITI]

U mund me nokout ne raundin e 8.

Deri para ketij raundi, per mendimin tim, ishte ne avantazh, por u shperqendrua ne te tetin.

:( :cry: :cry:

Postimi origjinal është bërë nga ARVANITI

U mund me nokout ne raundin e 8.

Deri para ketij raundi, per mendimin tim, ishte ne avantazh, por u shperqendrua ne te tetin.

:( :cry: :cry:

Met vertet ishte duker arritur nje rezultat te mir por cte besh keshtu paska qen qe te humbe :cry: :cry: :cry:

[Gentiani]

Luan Krasniqi, përkundër humbjes që pësoi, e dëshmoi se është bokser i cili ka kapacitet të boksojë në nivelin e kampionatit botërorë. Mos harroni se edhe legjendat e boksit si Ali, Lewis dhe shumë bokserë tjerë me famë kanë pësuar humbje, disfata, suksese e fitore.

Për mendimin tim, edhe pse Luani e humbi meçin i tregoi kundërshtarit të tij, se nuk e ka të lehtë ta mund si shpresonin ne një nokaut në raundin e dytë.

Rrespekt për gjithë atë nivel sporti dhe shpirt luftarak që tregoi ndaj kundërshtarit të tij, i cili edhe ish kampionin e WBO Klitschko e patë nokautuar në raundin e pestë.

Humbja e Luanin është e përkohshme, por mendoj që ai me këte ka fituar simpatinë e simpatizantëve të tij, por edhe të promovuesve të tij, të cilët janë bindur që Luani ka kapacitet të boksojë në arenat e kampionateve botërore.

[Dulia]

A bre keq e hanger, edhe pse ja kam pas frigen se do te humb, gjat mecit me la pershtypje se do te fiton.

[Arb]

Nuk e di se a eshte ndier si fitimtar Brewster...

Ate nuk e mbanin kembet pasi referi sinjalizoj fundit e mecit (fitoren e tij). Ai nuk e morri veten as gjate kohes kur pritej te tregonte gezimin e tij per kete fitore. Bile iu deshte ndihma e stafit te tij per ti ngrene duart larte ne shenje fitoreje. E po ashtu atij iu dasht ndihma edhe gjate largimit te tij nga arena e boksit.

Luani beri ate qe beri. Fitoj jo me pak se 8 runde. Merrte pike ne shumicen e gjuajtjeve te tij mbi kundershtarin. Mahniti qetesia e tij. Trimeria e tij. Mjeshteria e tij. Niveli i larte prej nje sportisti. Fisnikeria e tij Shqiptare e treguar gjate mecit.

Edhe perkunderve sjelljeve jo-sportive te Brewser, ai arriti te merr veten, dhe te kunderpergjigjej suksesshem.

Shkurt ai u tregua edhe nje here si nje personalitet i madh. Nje Ambasador i Kombit Shqiptar ne bote. Pa hamendur le te mburremi me Luanin!

Pas ketij meci duhet kerkuar REVANSH.

Nuk besoj se Brewser, apo kushdo Boksier tjeter te ishte, do te ndihej se vertete ka mbrojtur titullin perballe Luanit. Brewser e din kete. E dine edhe te gjithe qe kishin rastin te percjellin kete mec.

Le te shpresojme ne nje REVANSH...

[Dilaver]

Brewster mendon se Krasniqi meriton që sërish të boksojë për titullin e kapionit botëror

Luani do të kthehet

Luan Krasniqi dëshmoi në Hamburg se mund të matet me boksierët më të mirë dhe kampionët. Deri në fundin e raundit të tetë, Luani ishte në rrugën më të mirë për t'i bërë realitet ëndërrat e tija dhe për të realizuar premtimin e dhënë legjendës gjermane të boksit, Maks Shmeling, se titullin e kampionit do ta kthejë në Gjermani.

Luani ishte në epërsi

Kundërshtarit i jepte goditje të sakta dhe të forta. Rreth 15.000 shikues - shqiptarë, gjermanë dhe adhurues tjerë të boksit - në arenën e Hamburgut krijonin një atmosferë të jashtëzakonshme. Nga të gjitha anët këmbonte emri i Luanit.

Ishte kjo një reklamë e boksit, një mjeshtëri e vërtetë ku kënaqeshin shikuesit dhe e gjithë prominenca e mbledhur pranë ringut. Por një moment pakujdesie bëri që 32 vjeçari Bruster, ta plasojë një goditje të fuqishme, me të cilën hodhi për tokë Krasniqin e tronditur. Vetëm gongu e shpëtoi që ndeshja të mos përfundojë menjëherë. Megjithatë, këtu filloi fundi i ëndërrave të Luanit dhe miliona adhuruesve të tij. Por ai edhe një herë mbledh fuqitë.

Në raundin e nëntë

Në raundin e nëntë, pason një shkëmbim i jashtëzakonëshëm i grushtave të fuqishëm. 34 vjeçari i lindur në Junik të Kosovës, i cili tani bokson nën flamurin gjerman, mundohet me të gjitha forcat të kthehet në duel. Por Bruster ishte i pamëshirëshëm. Luani ishte jashtëzakonisht i dëshpëruar.

"Unë jam përgatitur për këtë duel shumë dhe nuk di çfarë të them. Kam dashur të fitoj dhe që më në fund ta kthej titullin e kampionit në Gjermani. Nuk ia dola dhe për këtë më vjen shumë keq. Kam besuar se do të bëhem kampion, por pas goditjes në raundin e tetë nuk dija se ku isha", thotë ai.

Luan Krasniqi, megjithatë beson se me sukses do të kthehet në ring dhe nuk harron të falënderoj shikuesit dhe adhuruesit e tij.

"Ju faleminderit dhe më vjen shumë keq për humbjen. Shpresoj se herën tjetër do t'ua dhuroj një fitore."

Në këndin tjetër, Bruster ngre duart lart. Por në dalje nga ringu, dy vetë e mbajnë për krahë. Ecë ngadalë me hapa të rëndë, por edhe me rripin e kampionit mbi supe. Pas duelit të dëshpëruar ishin edhe shumë shqiptarë me të cilët bisedova. Megjithatë ata thonë se Luani ka boksuar si burrat dhe shprehen të bindur se sërish do të ketë shansin ta marrë titullin e kampionit të botës.

Luani do të marrë një shans të ri të bëhet kampion

Se Luani do të ketë një shans të ri të bëhet kampion beson edhe shefi i Boks Universum Promotion, Klaus Peter Kohl i cili më thotë: "Po natyrisht, sepse Luani kohët e fundit nga secili duel ka dalë më i mirë." E bindur për kthimin e Luanit në rrugën e suksesit shprehet edhe kampionja botërore në boks Regina Halmig. "Pas asaj që ka treguar sonte, me siguri që me Luanin duhet llogaritur sërish. Besoj se do ta ketë këtë shans."

Me fjalë shumë të zgjedhura për kundërshtarin e tij shprehet edhe kampioni Bruster. Ai mendon se Luan Krasniqi mund të matet edhe me shumë boksirë të njohur në Amerikë. Pas këndelljes, diku nga ora dy e natës, zbret në një parti ku ishte mbledhur e gjithë prominenca e boksit gjerman dhe shumë sportistë të tjerë. Më shumë se një orë fotografohet me adhurues boksi dhe jep autografe.

Në diskotekën e errët në sy mbanë syze dielli, për të mos u parë "kujtimet" e marra nga Luani. Në një bisedë të shkurtër më thotë se as vet nuk e ka pritur një rezistencë kaq të fortë të Luanit. Ai mendon se Luani meriton që sërish të boksojë për titullin e kapionit botëror.

[Bleona]

heyyyyyy oooo dilaver ti a komentator je aaaaaaa??????