(Pse) Do të bie Asadi i Siris ?!

[Zero Cool]

Zawahiri thërret për rrëzim të Asadit


06.06.2013 15:21

Prijësi i Al-Kaidas Ayman al-Zawahiri, i ka bërë thirrje sirianëve që të bashkohen për të mposhtur presidentin Bashar al-Asad, dhe për të penguar atë që ai e konsideron si plan amerikan për të krijuar një Siri që shërben si shtet klient i Izraelit.

Portale islamiste kanë postuar sot gjithandej në internet porosinë 22 minutëshe të liderit të Al-Kaidas, i cili në 65 vjetorin e shtetit të Izraelit, tha se e vetmja mënyrë për të zgjidhur problemin e Palestinës është përmes Xhihadit.

“[O ju] Luanët e Levantit, bashkohuni rreth këtij qëllimi fisnik dhe tejkaloni përkatësitë partiake”, agjencia Reuters citon të ketë thënë Zawahiri.

“Amerika, agjentët dhe aleatët e saj duan që ju të derdhni gjakun tuaj, dhe atë të fëmijëve dhe grave tuaja, për të rrëzuar regjimin kriminal Baathist, e më pastaj ata të formojnë një qeveri e cila i është besnike dhe për të ruajtur sigurinë e Izraelin”, ka shtuar ai.

Porosia e tij vjen vetëm një ditë pasi që forcat pro-Assad, të mbështetura nga luftëtar libenaz të Hezbollahur, u morën kontrollin kryengritësve mbi qytetin Kusair.


Rreth 200 rusë luftojnë për Al Kaidën në Siri


Damask, 07.06.2013 12:12

Kreu i Shërbimit të Sigurisë në Rusi ka thënë se rreth 200 shtetas rusë janë duke luftuar përkrah militantëve të Al Kaidës në Siri.

Në një konferencë në Kazan, Aleksandr Bortnikov ka thënë se shumica e tyre vijnë nga republikat e Kaukazit Verior, të dominuara me shumicë myslimane.

Ai ka paralajmëruar se militantët nga Rusia dhe vendet e tjera, të cilët shkojnë në Siri për të luftuar me grupet e tjera militante kundër forcave të presidentit sirian, Bashar al-Assad, paraqesin kërcënim “jo vetëm për Rusinë, por edhe për vendet evropiane dhe kontinentin amerikan”.

Bortnikov ka thënë se luftëtarët do të marrin përvojë në Siri dhe do të formojnë lidhje të reja me grupet terroriste në Afrikën e Veriut, para se të kthehen në vendet e tyre.


Grupe shqiptarësh në luftë frontale kundër Assadit


Naman Demolli, i vrarë javën e shkuar, nuk është shqiptari i vetëm i rreshtuar në krah të rebelëve në Siri, ku luftojnë për çlirim nga regjimi i presidentit Bashar al-Assad. Ka edhe shumë të tjerë.

Fotoreporteri Vedat Xhymshiti ka thënë të ketë takuar sivjet së paku dy grupe shqiptarësh prej dhjetëra pjesëtarësh, të armatosur mirë dhe që kanë nën kontroll territore të caktuara në shtetin aziatik. Disa muaj rresht Xhymshiti ka qëndruar në vatrat ku janë zhvilluar luftimet, nga ku ka raportuar për disa media të mëdha ndërkombëtare. Tani ai është në Kosovë dhe ka treguar për takimet me bashkëkombësit e tij në shtetin ku nga marsi i vitit të shkuar ka filluar kryengritja e armatosur kundër presidentit Al-Assad.

“Më kanë kërkuar që t’ua ruaj privatësinë dhe që identitetin të mos e paraqes për publikun dhe normalisht nuk kam shkruar”, ka treguar ai. “Veç, mund të konfirmoj se ka shqiptar në Siri që luftojnë në krahun e forcave rebele”.

Xhymshiti kishte shkuar në muajin maj në Siri, nëpërmjet Turqisë, dhe ka vepruar vetëm në terrenin e kontrolluar nga kryengritësit. Kontaktin me grupin e parë të shqiptarëve që vepronin në qytetin Rastan, i cili ndodhet në provincën e Alepos, thotë ta ketë mbërritur nëpërmjet një komandanti të kryengritësve, i cili ia dinte prejardhjen dhe kombësinë. Me grupin e dytë, thotë të jetë takuar rastësisht..

[Zero Cool]

Ku eshte lidhje me tyre ? A ka ndonje lidhje apo eshte thjesht koincidence ? Nese ka lidhje, ku eshte koka ?



1. Zawahiri thërret për rrëzim të Asadit

2. Rreth 200 rusë luftojnë për Al Kaidën në Siri

3. Grupe shqiptarësh në luftë frontale kundër Assadit

[Zero Cool]

Kta , kryengritesit, po get jane ma te mire ?!

Krimet e kryengritësve sirianë





Një video tronditëse tregoi momentet në të cilën shtatë ushtarë të dorëzuar të ushtrisë siriane u ekzekutuan përpara kamerës nga kryengritësit që luftojnë për rrëzimin e regjimit të tij.

Pamjet u verifikuan dhe publikuan fillimisht nga e përditshmja “New York Times”.

Ushtarët, të çarmatosur dhe të zhveshur, ekzekutohen pa gjyq dhe në shkelje të plotë të Konventës së Gjenevës për rrobërit e luftës.

”Top-Channel”, për arsye etike dhe për të shmangur përhapjen e pamjeve të rënda vendosi që të mos publikojë fotot e plota dhe as videon e ekzekutimit, të transmetuar nga disa prej mediave ndërkombëtare.


Përpara ekzekutimit, lideri i grupit, i identifikuar si Abdul Samad Issa, reciton disa poezi revolucionare dhe një lutje fetare.

Më pas ai qëllon me një plumb të vetëm pas koke një prej rrobërve, ndërsa menjëherë më pas rebelët e tjerë hapin zjarr me breshëri duke bërë shoshë nga plumbat viktimat.

Trupat e pajetë trajtohen pa asnjë dinjitet njerëzor, duke u hedhur si të ishin mbeturina në një pusetë.

Video të tilla, në një moment në të cilin SHBA dhe aleatët perëndimorë po përgatisin një sulm mbi regjimin e Bashar al-Assad, tregojnë një fytyrë të frikshme të një pjese të forcave kryengritëse, që synojnë të zëvendësojnë në pushtet diktatorin.

Edhe më parë, Uashingtoni ka shprehur shqetësimin se lëvizja kryengritëse në Siri është duke u redikalizuar me muxhahedinë, përkatës të organizatave ekstremiste muslimane, ndërsa në një editorial, “CNN” argumentonte më parë gjatë javës se është pikërisht mungesa e një alternative të qartë për zëvendësimin e al-Assad, ajo që po shtyn SHBA-të drejt një sulmi të kufizuar dhe jo një ndërhyrje të plotë për rrëzimin e sistemit të tij. / Top Channel



Ekzekutimi i ushtarëve të Assad-it


Shtatë burra të ulur mbi gjunjë, me fytyrë drejt tokës, ndërsa mbi ta shtatë persona të armatosur.

Video është publikuar nga gazeta amerikane “New York Times”, i përket muajit prill, ndërsa vendndodhja, Idlib. Bëhet fjalë për ekzekutimin e shtatë pjesëtarëve të ushtrisë siriane, besnike të Bashar al-Assad-it, nga një grup kryengritësish.

Titulli i prestigjiozes amerikane është: “Brutaliteti i kryengritësve sirianë vë në dilemë Perëndimin”.

Pesë prej ushtarëve - shkruan “New York Times” - ishin lidhur, ndërsa mbi shpinën e tyre shihen shenja. Fytyra e tyre thuajse mbështetej mbi tokë, ndërsa komandanti i kryengritësve recitonte një poezi revolucionare: “Për 50 vjet, ata janë miqtë e korrupsionit. I betohemi Zotit të Fronit, se ky është betimi ynë. Ne do të hakmerremi”.

Në momentin kur kjo përfundon, komandanti Abdul Sama Isa, 37 vjeç, i njohur në Sirinë Veriore si “Daja”, qëlloi në kokë njërin prej robërve, më pas njerëzit e tij ekzekutuan të tjerët. Më pas, të gjithë ata varrosen në një varr të përbashkët.

Isa drejton një grup prej 300 luftëtarësh, që njihet si “Xhund Al Sham”, që ndan me tre grupe ndërkombëtare, por lidhja me ta mbetet e paqartë. Siç shkruan gazeta, Isa u ka premtuar luftëtarëve të tij “shfarosjen e pakicës alauite”, së cilës i përket edhe Bashar al-Assad, të cilin e fajëson për zhdukjen e të atit në 1982 dhe brengën e Sirisë.

Ish-ndihmësi i tij, që bëri publike videon, nuk është bërë i njohur për arsye sigurie.

Në kohën kur Shtetet e Bashkuara po përpiqen të grumbullojnë mbështetje për të vepruar ushtarakisht në Siri, kjo video e regjistruar në prill shton provat - siç shkruan “New York Times” - të një mjedisi kriminal të populluar nga bandat, pengmarrësit dhe vrasësit.

Sekretari amerikan i Shtetit, John Kerry, foli për 70 mijë apo 100 mijë kundërshtarë të regjimit dhe 15-20% e tyre - siç tha - janë ekstremistë.

[power8]

Tash e pastrojne terrenin disa vende t'perendimit : i vrasin krejt me ren, ushtaret, opoziten, alkaiden, civilet, grate, femijet pleqte e te ri, ne emen te humanizmit. E nese hyn ne loje rusia, kina dhe disa vende tjera rajonale, atehere iu vjen reni edhe atyne shteteve t'perendimit qe kane insistue me ngulm per me sulmue sirine, e hane edhe vete kungjin...

[Zero Cool]

Postimi origjinal është bërë nga power8

Tash e pastrojne terrenin disa vende t'perendimit : i vrasin krejt me ren, ushtaret, opoziten, alkaiden, civilet, grate, femijet pleqte e te ri, ne emen te humanizmit. E nese hyn ne loje rusia, kina dhe disa vende tjera rajonale, atehere iu vjen reni edhe atyne shteteve t'perendimit qe kane insistue me ngulm per me sulmue sirine, e hane edhe vete kungjin...

Dmth ma mire mos me intervenu perendimi ?

[Oqeani]

E ky nuk e ka ne plan me ra !

[Zero Cool]

Vritet një komandant i lartë i kryengritësve sirianë







Damask, 15.11.2013

Raportohet se një komandant i lartë i kryengritësve në Siri është vrarë. Aktivistët opozitarë thanë sot se komandanti Youssef al-Abbas, është vrarë gjatë sulmit ajror të forcave qeveritare në qytetin verior Alep.Rrjeti opozitar i lajmeve në Alep, raportoi se sulmi i forcave qeveritare e kishte në shënjestër një bazë të kryengritësve dhe me këtë rast është vrarë komandanti Abbas, nga Brigadat al-Tawhid, që mbështeten nga Katari.

Ky është njëri nga grupet më të mëdha opozitare të armatosura.

Nga sulmi janë plagosur edhe dy liderë të tjerë opozitarë, që janë dërguar në një spital në Turqi.

Tash e dy javë në qytetin Alep shihen luftime të ashpra ndërmjet forcave luajale ndaj presidentit të Sirisë, Bashar al-Assad, të mbështetura nga militantët shiitë nga Iraku dhe partia libaneze Hezbollah, dhe kryengritësve në Siri, që e kishin marrë kontrollin ndaj disa pjesëve të këtij qytet.

[Zero Cool]

Postimi origjinal është bërë nga Oqeani

E ky nuk e ka ne plan me ra !

Jo tybe, sepse:



Shumë donatorë financojnë luftëtarët kundër Asad







Damask, 14.11.2013

Gazeta amerikane "New York Times" shkruan se donatorë të ndryshëm po transferojnë shuma të mëdha parash për të ndihmuar financiarisht luftëtarët kundër regjimit të presidentit Asad. Sipas kësaj gazete, një organizatë me qendër në Kuvajt ka grumbulluar para për të financuar me para 12 mijë luftëtarë rebelë me nga 2 500 dollarë secili.

Një tjetër fushatë e drejtuar nga një sheik saudit i lidhur me organizatën Al- Kaeda ka nisur me moton “Financoni xhihadin me paratë tuaja” duke nxitur mbështetësit e tij që të japin para për të furnizuar kryengritësit me armë dhe mortaja.

Dërgimi i parave te grupet rebelet duket se i ka dhënë ngjyrime të tjera këtij konflikti theksojnë analistët për New York Times ndërkohë që perëndimi është treguar hezitues për të armatosur dhe financuar forcat sekulariste të cilat kanë nxitur rebelimin e armatosur. Tashmë rebelët i janë bashkuar militantëve islamikë dhe në disa raste e kanë quajtur veten xhihadistë sepse pikërisht atje gjenden edhe paratë.

[Zero Cool]

Vllaznillaku serbo-harap i ka rrenjet e thella,,,,,


NË SIRI KA EDHE SERB NGA SHUMADIA







Nuk janë vetëm shqiptarët ata që po shkojnë në Siri për të luftuar. Atje, në radhët e rebelëve sirian, kanë nis e po shkojnë edhe serbët nga Shumadia.

Aktualisht në Siri janë të angazhuar 60 shtetas të Serbisë, të cilët po luftojnë me pagesë në radhët e kryengritësve, shkruan Blic i Beogradit. Që të gjithë, sipas kësaj gazete, janë ithtarë ekstremë të vehabizmit, serbë ortodoksë, që kanë përqafuar islamin.


Ata kanë shkuar atje përmes Turqisë, ku janë pritur nga persona ndërlidhës të formacioneve kryengritëse të lidhura me Al Kaidën.



Lexo


Lexo


Lexo

[Zero Cool]

Luftojnë në Siri për 15.000 euro


Deri më tani rreth 60 shtetas të BH kanë shkuar të luftojnë në luftën qytetare në Siri, ndërsa kanë vendosur për shkak të varfërisë.

Bazuar në burimet kofedenciale të Ministrisë së Punëve të Brendshme të BH, motivi kryesor sipas medieve për të shkuar në Siri është varfëria në atë vend, ndërsa vullnetarët që shkojnë në Siri në mesin e të cilëve ka të rinj moshe 20 vjeç, thuhet se fitojnë nga 15.000 euro.

Policia ka arritur te të dhënat që edhe gratë nga BH, shkojnë në luftë, duke u kurorëzuar sipas sheriatit, me këta djem dhe me ta shkojnë në Siri. Disa nga familjarët e këtyre vajzave, kanë lajmëruar rastet e tilla, por për shkak të frikës për jetën e tyre nuk flasin publikisht. Burim kofedencial ka pohuar se vullnetarëve dikush u paguan edhe buletat e aeroplanit, ndërsa familjarët marrin parat, shkruajn mediat vendore.

“Nga Sllovenia fluturojnë në Vjenë, ndërsa nga Vjena në Stamboll e më pas në Siri”, përshkruan burimi policor rrugën deri në Siri ku deri më sot jetën e kanë humbur së paku katër shtetas të BH. Ka dyshime që numri i të vrarëve është më i madh pasi ndropjnë emrat, andaj nuk është e mundur gjithnjë të konstatohet nëse është fjala për shtetas të BH.

[murrizi]

Na lodhi (bythen) edhe ky Asadi, pa e perjashtuar edhe Kercovarin.