Lajme Aktuale.... - Page 8

Preshevar · 03-03-08, 11:10

Izraeli ka tërhequr forcat toksore nga Gaza, por sulmet ajrore vazhduan gjatë natës duke e gdhirë e hënë.

Një korrespondent i BBC-së në Rripin e Gazës thotë se trupat dhe tanket janë tërhequr mbrapsht në Izrael.

Zyrtarët palestinezë thanë se pesë luftëtarë të Hamasit u vranë gjatë sulmeve ajrore.

Më shumë se 100 palestinezë kanë humbur jetën që prej ditës së mërkurë.

SHBA-ja dhe Bashkimi Evropian i kanë dënuar sulmet nga të dyja palët dhe kanë kërkuar ndaljen e dhunës dhe rifillimin e bisedimeve./bbc/

::::::::::::::::

ps.: S'di kush po i cenzuron postimet ketu, por ju perkujtoj qe nuk jeni avokat te Ariel Sharonit, e as te Bushit !... kshtu qe nganjehere fotot flasin me shumë e me kjart se KOMENTET !

Lona · 03-03-08, 16:17

Njeherit pershendetje dhe falenderit qe me zevendeson thjesht me perkrah ne temen, cdo te mire i nderuar .

Lona · 03-03-08, 16:19

Në Egjipt arrestohen të paktën 36 pjesëtarë të "Vëllazërisë myslimane"

Kairo, 3 mars – Forcat e sigurimit egjiptian kanë arrestuar sot (e hënë) të paktën 36 pjesëtarë të "Vëllazërisë myslimane", grupi më fuqishëm egjiptian opozitar, ndër të cilët edhe disa kandidatë, që pritej të merrnin pjesë në zgjedhjet lokale të muajit të ardhshëm, njofton Rojter. Ata janë arrestuar në gjashtë provinca të ndryshme. Deri tash janë arrestuar 41 anëtarë të këtij grupi.
Në përleshjet në Sudan vriten rreth 70 nomadë ta armatosur arabë

Kartum, 3 mars – Autoritetet në Sudanin jugor thonë se rreth 70 nomadë ta armatosur arabë janë vrarë në përleshjet në kufi ndërmjet veriut dhe jugut të vendit, njofton BBCVorld. Përleshjet u zhvilluan ndërmjet pjesëtarëve të një fisi dhe luftëtarëve të Lëvizjes

Nga shembja e një miniere në Kinë, vdesin 7 fshatarë

Shangai, 3 mars – Nga shembja e një miniere të vogël ilegale në provincën Junan në Kinës jugperëndimore, kanë vdekur shtatë fshatarë, kanë bërë të ditur sot (e hënë) mediet shtetërore, duke cituar zyrtarët qeveritarë, njofton Rojter. Nga ky aksident ka shpëtuar një fshatar.
Vdesin nga uria 20 migrantë nga Bangladeshi e Birmania

Kolombo, 3 mars – Në Gjirin e Bengalit janë gjetur 20 migrantë nga Bangladeshi dhe Birmania, të cilët kishin vdekur nga uria dhe dehidrimi në një barkë druri, njofton BBCVorld. Maina e Sri Lankës, e cila kishte gjetur viktimat, thotë se 71 migrantë të tjerë kanë mbijetuar. Ata u kanë thënë marinarëve se kishin dashur të shkojnë në Tailandë ose në Maleizi.
Rusia kërcënon Ukrainën për mosfurnizim me gaz

Moskë, 3 mars - Ukraina kërcënohet me kufizim të furnizimit me gaz nga Rusia. Sipas të dhënave të koncernit rus Gazprom, eksportimi i gazit nga dita e sotme do të ulet deri në një të katërtën. Gazprom kërkon nga sipërmarrja energjetike e Ukrainës, Naftogaz, shlyerjen e borxhit prej 400 milionë eurosh. Para gati dy vjetësh Rusia i kishte mbyllur rubinetin e gazit Ukrainës. Kjo kishte sjellë pasoja edhe në kufizimin e furnizimit të Gjermanisë me gaz.

Lona · 03-03-08, 16:23

Ambasadori amerikan akuzoi qeverinë e Serbisë

Beograd, 3 mars - Ambasadori amerikan në Serbi, Kameron Manter ka akuzuar qeverinë e Serbisë se nuk ka urdhëruar policinë që ta ruajë ndërtesën e Ambasadës amerikane në Beograd, gjatë trazirave pas tubimit të protestës kundër pavarësisë së Kosovës, që është mbajtur më 21 shkurt. "Jemi të inkurajuar me premtimet e qeverisë se kjo nuk do të përsëritet, por edhe për shkak të herës së kaluar dhe qëndrimit të qeverisë, është e kuptueshme se për çfarë arsye jam ngapak skeptik", i tha amabasadori Manter një televizioni lokal. Ai më tutje ka theksuar se prej se Shtetet e Bashkuara e kanë njohur pavarësinë e Kosovës, nuk i është lejuar kontakti me ministrat dhe sekretarët shtetëror në qeverinë e Serbisë. Ambasadori Mnter ka ftuar qeverinë e Serbisë që të distancohet nga deklaratat e ministrave Velimir Iliq dhe Sllobodan Samarxhiq, duke vlerësuar se në Serbi ekziston atmosfera që e krijojnë politikanët e papërgjegjshëm, në të cilën, disa ministra thonë gjëra që inkurajojnë dhunën.

Kuvendi përmbyll sesionin plenar me miratimin edhe të tri projektligjeve

Prishtinë, 3 mars Kuvendi i Republikës së Kosovës përfundoi sot sesionin njëjavor me shqyrtimin dhe miratimin në parim edhe të tri projektligjeve, atë për taksën e vendosjes, Projektligjin për tokën ndërtimore, privatizimin dhe dhënien me qira si dhe Projektligjin për Inspektoratin e bujqësisë. Gjatë pesë ditëve të punimeve, deputetët miratuan 30 projektligje sa i kishin në rend të ditës. Debati më i madh gjatë seancës së paradites është zhvilluar rreth Projektligjin për tokën ndërtimore, privatizimin dhe dhënien me qira, të cilin e paraqiti zëvendëskryeministri Hajredin Kuçi. "Miratimi i këtij ligji është i domosdoshëm në këtë fazë të zhvillimit të vendit", theksoi Kuçi. Pas paraqitjes së ekspozesë, me disa vërejtje të vogla, të gjitha grupet kuvendore e kanë mbështetur në parim miratimin e këtij projektligji. Sanije Aliu nga LDK ja tha se dhënia e qirasë për 99 vjet është gabim, veçanërisht pasi nuk janë zgjidhur çështjet pronësore, si pasojë e konfiskimit etj. Deputeti Ardian Gjini tha se projektligji ka elemente të cilat do të ofrojnë ndihmesë për zhvillimin ekonomik të vendit. Ai tha se duhet të ekzistojë strategji e qartë e cila do ta përcjellë miratimin e secilit ligj. Me shumicë votash, deputetët miratuan në parim Projektligjin për taksën e vendosjes si dhe atë për Inspektoratin e bujqësisë.

Beogradi uzurpon kompetencat e UNMIK-ut të trafikut hekurudhor në veri të Kosovës

Zveçan, 3 mars - Ndërmarrja publike e Hekurudhave të Serbisë nga Beogradi sot ka uzurpuar kompetencat e UNMIK-ut të trafikut hekurudhor në veri të Kosovës, nga Leshaku deri në Zveçan. Sipas drejtorit të hekurudhave të Serbisë Banisllav Ristivojeviq, hekurudhat në drejtimin e UNMIK-ut nuk ishin në gjendje t'i "kryejnë punët" në veri të Kosovës siç kërkojnë "standardet" e Serbisë. Më herët sot në mëngjes serbët e punësuar në hekurudhë kishin ndaluar trenin i cili qarkullon në relacionin Fushë Kosovë Leshak, në stacionin e Zveçanit, duke protestuar kundër shpalljes së pavarësisë së Kosovës. Ata thanë se nuk dëshirojnë të punojnë në atë institucion të Kosovës, sepse, ata nuk e pranojnë "shtetin e vetëshpallur të Kosovës". Ristojeviq ka thënë se deri më tash nuk ka pasur kontakte me përfaqësuesit e hekurudhave të UNMIK-ut.

Artemie urdhëron klerin dhe besimtarët të ndërpresin kontaktet me institicionet e Kosovës dhe të BE-së

Beograd, 3 mars - Peshkopi serb Rashkë-Prizren Artemie dhe i Kosovës u ka urdhëruar klerit dhe besimtarëve që të ndërpresin çdo kontakt me institicionet e Kosovës, me përfaqësuesit e misionit të BE-së dhe të shteteve të cilat e kanë njohur pavarësinë e Kosovës. Njëherësh Artemie urdhëron që të mos pranohen në vizitë dhe të mos përgjigjen në ftesat e institucioneve të Kosovës. "Mosrespektimi dhe gabimet ndaj këtij vendimi në cilëndo formë do të sanksionohet rreptësisht", kërcënon peshkopi serb Artemie klerin ortodoks serb dhe besimtarët.

Kushner: Përveç pavarësisë nuk ka pasur zgjidhje tjetër për Kosovën

Paris, 3 mars - Shefi i diplomacisë franceze Bernar Kushner ka deklaruar sot se përveç pavarësisë nuk ka pasur zgjidhje tjetër për Kosovën. "Nuk ka pasur zgjidhje tjetër, përveç se t'i jipet pavarësia asaj pjese të Ballkanit, asaj pjese të ish-federatës jugosllave", ka deklaruar Kushner për radion franceze. Për shefin e diplomacisë franceze është "një parabolë shumë e bukur që Sllovenia, vendi i parë që braktisi federatën jugosllave dhe e cila sot duke kryesuar me BE-në mundëson, përkatësisht organizon pavarësinë e pjesës së fundit (të federatës), përkatësisht të Kosovës". Pasi shprehu keqardhje për shkak se negociatat midis serbëve dhe shqiptarëve që zgjatën 18 muaj nuk dhanë rezultate, Kushner konsideron se zgjidhja është që Serbia dhe Kosova të jenë pjesë e BE-së. "Për Serbinë, duket qartë që ne qëmoti i kemi propozuar (BE-së), ndërsa për Kosovën ende nuk është koha", ka thënë shefi i diplomacisë franceze

Kroacia do ta njohë Kosovën

Zagreb, 3 mars - Zëvendëskryeministrja e Kroacisë, Gjurgja Adleshiq, ka deklaruar se Zagrebi do të ndjekë rrugën e shteteve të tjera evropiane sa i përket Kosovës. "Është e sigurt që Kroacia do ta njohë Kosovën, por duhet zgjedhur me kujdes kohën", ka thënë Adleshiq në një konferencë shtypi. Mediat kroate raportojnë se 15 marsi mund të jetë data kur Zagrebi do ta njohë Republikën e Kosovës.

Thaçi u tha serbëve të fshatit Banjë se Kosova është atdhe i të gjithë shtetasve të saj

Skënderaj, 3 mars - Kryeministri Hashim Thaçi gjatë vizitës që u ka bërë banorëve serbë të fshatit Banjë të komunës së Skënderajt ka thënë se Kosova është atdhe i të gjithë shtetasve të saj dhe i perspektivës së re për ta. Ai pas i u dhuroi banorëve serbë të këtij lokaliteti flamurin e Republikës së Kosovës, tha: "Kosova është vend i të gjithëve, atdhe i të gjithëve dhe i mundësive të reja dhe ne duhet ti shfrytëzojmë këto mundësi maksimalisht. Ka siguri për të gjithë dhe institucionet do të punojnë për të gjithë". Thaçi u premtoi serbëve lokalë angazhimin e plotë të institucioneve shtetërore në mbështetje të interesave të komuniteteve dhe hapjes së mundësive për të gjithë ata që jetojnë në Kosovë. Njëherësh ai ritheksoi se Kosova është një dhe integriteti territorial i saj është i pacenueshëm: "Kosova është vend i të gjithëve dhe nuk duhet ndarë assesi në shumicë dhe pakicë pasi ajo është i të gjithë qytetarëve të Kosovës me integritet territorial të paprekshëm .ju kini fat që jetoni në këtë vend shumë të bukur, në këtë vend të mundësive dhe ne do të jemi pranë jush dhe në mbështetje tuajën". Banorët serb të këtij fshati në komunën e Skënderajt theksojnë se atyre nuk u interesojnë çështjet politike dhe problemet politike që ekzistojnë por ata shprehin vullnetin që të vazhdojnë të bashkëjetojnë normalisht shqiptarët dhe të zhvillojnë një jetë të re në shtetin më të ri në botë. Serbët e këtij fshati theksojnë se protestat e bashkëkombësve të tyre dhe bojkoti që ata po iu bëjnë institucioneve të Republikës së Kosovës janë çështje individuale të secilit serb. Ata kanë besim se në Kosovë i pret një ardhme më e mirë.

Tomori · 03-03-08, 20:46

Botuar: 03 Mar 2008
Serbia e merr përsipër hekurudhën nga KB-ja
BEOGRAD (ANP/DPA) – Qeveria Serbe e ka marrë një linjë hekurudhore në veri të Kosovës, hekurudhë kjo e cila deri më tani është qeverisur nga Kombet e Bashkuara. Këtë e tha të hënën zëdhënësi i Vojsllav Koshtunicës.
Shumica etnike e Shqiptarëve "në provincën Serbe" gjatë muajit të kaluar bënë "shpalljen e njëanshme të pavarësisë". Pakica Serbe e cila gjendet në veri të Kosovës, me të vërtetë duan të rrinë me Serbinë.

Pesëdhjetë Serbë, punëtorë të hekurudhës në pjesën veriore të Kosovës, të cilët deri më tani janë paguar nga Prishtina, tani kanë hyrë në marrëdhënie pune nën firmën shtetërore të Serbisë.

* Vë re linkun: Ky është një përkthim i drejtpërdrejtë nga msn-i ditor holandez.

hasanmehmeti · 04-03-08, 01:19

Krimet e Regjimit Sionist në Gaza

Shkruar nga Abed
2008-03-01 10:39
IRIB - Vrasja e fëmijëve në sulmet e fundit të Regjimit Sionist në Rripin e Gazës, edhe njëherë tjetër dëshmon se ky regjim mund të ekzistoj vetëm me vrasje dhe masakra. Banki Moon, sekretari i përgjithshëm i OKB ka dënuar krimet e ushtrisë sioniste në Gaza dhe ka kërkuar ndërprerjen e menjëhershme të këtyre krimeve. Kurse në anën tjetër, Ismail Hanije, kryeministri legjitim i Palestinës duke dënuar krimet e fundit të sionistëve ka pohuar se vrasja e fëmijëve palestinezë dëshmon sëmundjen psiqike të autoriteteve të Regjimit Sionist. e gjithë kjo ndodhë në kohën kur Kondoliza Rajs, shefja e departamentit amerikan të mbrojtjes në takimin e saj me kryeministrin sionist në Tokio, ka kërkuar reagimin e autoriteteve izraelite përballë raketave të Hamasit. Kufizimi dhe sanksionimi i gjithanshëm i Rripit të Gazës nga ana e Regjimit Sionist, dëshmon qartë se ky regjim nuk i marrë fare parasysh të drejtat e njeriut dhe paqen në rajon, për çfarë çdo ditë funksionarët e lartë sionist flasin se ata dëshirojnë stabilizimin e LM. Sulmet shkatërruese të Regjimit Sionist u ndërmorën menjëherë pas takimit të Annapolist në Meryland të SHBA. Vazhdimi i sulmeve dhe masakrave ndaj popullit të pambrojtur të Gazës bëhet gjoja me qëllim për ta shkatërruar lëvizjen rezistuese Hamas, por në realitet kjo ofensivë e egër e sionistëve kryhet me qëllim asgjësimin e popullit palestinezë të cilët përkrahin Hamasin. Mediat shkruajnë se Izraeli po e dënon popullin e Gazës për shkak të përkrahjes së tyre ndaj lëvizjes së Hamasit. Zgjerimi i ofensivës gjakatare të ushtrisë sioniste është një shqetësim tepër i madh për arabët dhe myslimanët në përgjithësi dhe kjo mund të ketë pasoja të paparashikuara. Reagimi i organizmave ndërkombëtar dhe i shteteve të rajonit vetëm në fjalë dhe të kufizuara vetëm në deklarata, funksionarëve sionistë edhe më tepër i japin kurajë për të kryer gjenocid në Rripin e Gazës. Vrasja e fëmijëve dhe grave në Rripin e Gazës nuk mund të arsyetohet në asnjë mënyrë. Shumë analistë politik janë të mendimit se ekzistenca e Regjimit Sionist mund të vazhdojë vetëm me anë të luftërave dhe masakrave ndaj popujve tjerë, si ndaj palestinezëve ashtu edhe ndaj libanezëve.

Olmert dhe Barak kanë vënë theksin mbi vazhdimin e sulmeve në Gaza

Shkruar nga Habibe
2008-03-02 21:27
IRIB-Kryeministri i regjimit sionist ka bërë të ditur se ushtria e këtij regjimi nuk do të ndërpresë sulmet ushtarake ndaj Rripit të Gazës. Sipas burimeve informative Ehut Olmerd sot në fillim të takimit javor të kabinetit qeveritarë ka deklaruar se Izraeli do të vazhdojë të sulmoj Rripin e Gazës deri në shkatërrimin e plotë të grupeve rezistuese palestineze. Ai gjithashtu ka bërë të ditur se vrasjet masive të dhjetëra civilëve palestinezë gjatë sulmeve 5 ditore kanë qenë si rezultat i mbrojtjes së Izraelit. Olmert ka theksuar se askush nuk ka të drejtë të kundërshtoj Izraelin për shkak të sulmeve ndaj Rripit të Gazës. Ehud Barak, ministri i luftës së regjimit sionist në mesin e grupit të ushtarëve të këtij regjimi ka theksuar se Izraeli nuk do të ndalë sulmet ndaj këtij rajoni. Vlen të theksohet se si pasojë e sulmeve gjatë 5 ditëve të kaluara të paktën 100 palestinezë kanë humbur jetën në mesin e të cilëve 20 gra dhe fëmijë, si dhe mbi 100 të tjerë janë plagosur.

Maroku kërkon ndërprerjen e krimeve të regjimit sionist në Gaza

Shkruar nga Khan
2008-03-02 10:30
IRIB-Ministria e jashtme e Marokut me anë të një komunikate dënoi ashpër sulmet e egra të regjimit sionist kundër civilëve dhe veçanërisht kundër fëmijëve dhe grave palestineze në Gaza dhe i kërkoi BN të marrë masa urgjente për ndalimin e krimeve sioniste kundër popullit të pafajshëm palestinez. Në këtë komunikatë theksohej se regjimi sionist pas bllokadës totale ndaj rripit të Gazës tashmë ka shkelur të gjitha normat ndërkombëtare, morale dhe njerëzore duke kryer gjenocid kundër popullit të pambrojtur palestinez. Gjatë 24 orëve të fundit, forcat sioniste gjatë sulmeve çnjerëzore në Gaza kanë martirizuar 61 palestinezë dhe kanë plagosur mbi 150 të tjerë shumica gra dhe fëmijë.

Mbyllen shkollat në Gaza si pasojë e sulmeve sioniste

Shkruar nga Khan
2008-03-02 10:30
IRIB-Si pasojë e shtimit të sulmeve të forcave sioniste në rripin e Gazës, qeveria e zgjedhur palestineze ka mbyllur shkollat në këtë rajon. Kryeministri palestinez Ismail Hanije në një dekret theksoi se për shkak të sulmeve të avionëve të regjimit sionist në rajonet civile, shkollat në Gaza do të jenë të mbyllura për një kohë të pacaktuar. Nga ana tjetër, burime spitalore palestineze bënë të ditur se qindra palestinezë të plagosur nga sulmet ajrore dhe tokësore të forcave sioniste po përballen me mungesën e medikamenteve dhe pajisjeve mjekësore. Në sulmet e djeshme të forcave sioniste në Gaza, të paktën 61 palestinezë u martirizuan, 20 prej të cilëve gra dhe fëmijë.

hasanmehmeti · 04-03-08, 01:22

Hizbullahu i Libanit, sulmet e Regjimit Sionist në Gaza i cilëson si komplot amerikan

Shkruar nga Abed
2008-03-02 09:53
IRIB - Hizbullahu i Libanit, sulmet gjakatare të Regjimit Sionist në Rripin e Gazës i ka cilësuar si komplote ndërkombëtare të udhëhequra nga SHBA. Shejh Naim Kasem, zëvendës sekretari i përgjithshëm i Hizbullahut ka pohuar se agresioni i egër sionist në Gaza është më i madh se Holokausti dhe këto sulme të pamëshirshme janë një komplot amerikan kundër palestinezëve. Shejh Naim Kasem, duke iu drejtuar udhëheqësve arabë ka thënë: Athua tani nuk ka arritur koha që liderët e shteteve arabe të kuptojnë se konferencat mashtruese që ata po marrin pjesë andej-këndej janë vetëm komplote të SHAB kundër botës islame dhe arabëve? Zëvendës sekretari i përgjithshëm i Hizbullahut gjithashtu është shprehur se Regjimi Sionist me masakrimin e palestinezëve nuk mund që zhvillimet e rajonit t'i shndërrojë në interes të vetin dhe shkatërrimi i këtij regjimi tani më ka marrë udhën dhe askush nuk mund ta ndalojë atë.

Forcat sioniste bombardojnë zyrën e Hanijes

Shkruar nga Abed
2008-03-02 09:53
IRIB - Ushtria sioniste ka bombarduar lokalet e kryeministrit legjitim të Palestinës, ku si pasoj janë plagosur disa qytetarë të Gazës. Al Alem bënë të ditur se sot në mëngjes tre helikopterë Apachi të ushtrisë okupatore sioniste kanë hedhur disa raketa në lagjen ku ndodhet zyra e Ismail Hanijes, dhe kanë plagosur pesë palestinezë. Gjatë ditës së djeshme rreth 33 palestinezë janë martirizuar në veri dhe lindje të Rripit të Gazës. Burime informative nga Palestina, njoftojnë se gjatë sulmeve raketore dhe tokësore të forcave izraelite në veri dhe lindje të Rripit të Gazës, së paku 47 palestinezë janë martirizuar në mesin e të cilëve edhe katër fëmijë si dhe mbi 105 të tjerë janë plagosur. Vlen të theksohet se si pasojë e sulmeve të shtuara të regjimit sionist në rajoni të ndryshme të Gazës, vetëm gjatë 4 ditëve të fundit rreth 87 palestinezë janë martirizuar në mesin e të cilëve gra dhe fëmijë. Ndërsa që nga mbajtja e konferencës së Annapolisit janë shtuar dukshëm sulmet e izraelitëve ku vetëm gjatë këtyre tre muajve janë martirizuar mbi 250 palestinezë.

Gaza në zjarr dhe gjak

Shkruar nga Khan
2008-03-02 10:29
IRIB-Ushtria e regjimi sionist duke përdorur avionët e dhuruar nga SHBA, sulmoi mbi 30 herë me raketa ajër-tokë qytetin e Gazës duke e zhytur këtë qytet në zjarr dhe gjak. Deri tani 61 palestinezë janë martirizuar dhe mbi 150 janë plagosur shumë prej të cilëve gra dhe fëmijë. Ministri i luftës i regjimit sionist Ehud Barak foli për një sulm të gjerë në rripin e Gazës, ndërsa zv/ministri sionist i luftës kërcënoi për një "Holokaust" të ri në Gaza. Regjimi sionist prej shumë vitesh është fshehur nën petkun e Holokaustit, por tashmë funksionarët e këtij regjimi, duke sfiduar hapur Bashkësinë Ndërkombëtare flasin për gjenocid dhe Holokaust kundër popullit të pambrojtur palestinez. Ata flasin për një Holokaust të ri në një kohë kur gjatë dekadave të fundit studimi dhe hulumtimi rreth Holokaustit konsiderohet krim i dënueshëm në SHBA dhe Evropë dhe shumë studiues të Holokaustit në këto vende janë dënuar me burgime të gjata. Prej shumë vitesh Perëndimi i ka mbyllur sytë përballë krimeve të luftës të regjimit sionist në LM dhe ata që pretendojnë se janë flamurtarë të mbrojtjes së të drejtave të njeriut, vetëm sa vështrojnë në heshtje tragjedinë humane në rajon. Populli palestinez prej 60 vitesh po përballet me krimet dhe masakrat e sionistëve duke paguar çmimin e përkrahjes së Perëndimit për regjimi sionist. Tashmë kërcënimet e regjimit sionist ndaj popullit palestinez janë një luftë psikologjike ndaj këtij populli të plagosur nga padrejtësitë, krimet dhe masakrat. Nuk ka dyshim se qëndresa e popullit palestinez dhe e liderëve të grupeve të rezistencës janë shkaku kryesor i agresioneve të reja të sionistëve kundër Gazës. Qëllimi i kësaj lufte është distancimi i popullit palestinez nga rezistenca në mënyrë që palestinezët ti japin fund përkrahjes për lëvizjen Hamas. Populli palestinez në janar 2006 në zgjedhje të lira e demokratike, votoi për lëvizjen Hamas dhe që prej asaj kohë është bërë viktimë e bllokadës dhe sanksioneve në shenjë të një dënimi kolektiv. Regjimi sionist e pushtoi Gazën që në vitin 1967 dhe është i shqetësuar nga mundësia e formimit të një shteti të pavarur palestinez në territoret e pushtuara në vitin 1967. Tashmë Bota po hesht përballë krimeve çnjerëzore të regjimit sionist në Gaza. Perëndimi gjithmonë ka qënë përkrahës i regjimit sionist dhe arabët po vështrojnë masakrimin e palestinezëve dhe në disa raste bashkëpunojnë me Amerikën dhe regjimin sionist. Por populli palestinez në Gaza duke rezistuar do ti japë regjimit sionist një mësim të paparë që prej pushtimit të Palestinës dhe është bërë shkak për disfatën e makinës së luftës së regjimit sionist.

Ahmedinezhad takohet me funksionarët e lartë irakianë

Shkruar nga Khan
2008-03-02 21:33

IRIB- Presidenti i RII dr. Mahmud Ahmedinezhad, gjatë qëndrimit të tij në Irak u takua me kryeministrin irakian Nuri Maleki. Presidenti iranian dhe kryeministri irakian shqyrtuan rrugët për zgjerimin e gjithanshëm të marrëdhënieve midis Teheranit dhe Bagdadit. dr. Mahmud Ahmedinezhad para dite sot u takua edhe me homologun e tij irakian Xhelal Talebani ku u theksua gjithashtu mbi nevojën e zgjerimit të marrëdhënieve dhe bashkëpunimit dypalësh Iran-Irak. vlen të theksohet se presidenti iranian Mahmud Ahmedinezhad në krye të një delegacioni të lartë politiko-ekonomik është duke zhvilluar një vizitë zyrtare në Irak.

hasanmehmeti · 04-03-08, 01:23

Letër e ministrit të jashtëm iranian për sekretarin e përgjithshëm të OKB

Shkruar nga Amir
2008-03-01 02:32
IRIB-Në një kohë që fuqitë arrogante në KS vazhdojnë përpjekjet për të miratuar një tjetër rezolutë kundër programit paqësor bërthamor të Iranit, ministri i jashtëm iranian z. Manuçehr Motaki, në një letër drejtuar sekretarit të përgjithshëm të OKB z. Ban Ki Moon bëri një pasqyrim të gjendjes aktuale të dosjes bërthamore të Iranit. Në këtë letër shtjellohej procesi i bashkëpunimit mes Teheranit dhe ANEA dhe theksohet se abuzimi i vendeve perëndimore me organizmat ndërkombëtarë, nuk do të mund ta privojë popullin iranian nga e drejta e tij legjitime. Ministri i jashtëm iranian duke u bazuar në raportin e z. Muhamed El Baradei, thekson se janë zhdukur të gjitha pretekstet dhe justifikimet për ta detyruar KS të OKB, të miratojë një rezolutë tjetër kundër Iranit, ndërkohë që u bë e qartë se edhe rezolutat e mëparshme kanë qënë të pabazuara në aspektin ligjor dhe juridik dhe pasojë e motiveve armiqësore dhe politike të disa vendeve të veçanta. Si rrjedhim, vazhdimi i këtij procesi në KS, do të dëmtojë kredibilitetin e këtij këshilli dhe pozitën e ANEA çka do të thotë, një tjetër hap në drejtim të gabuar. Bashkëpunimi konstruktiv i Iranit me ANEA dëshmon për qëndrimin e përgjegjshëm dhe ligjor të Iranit. E vërteta është se pas bashkëpunimit pozitiv dhe konstruktiv të Iranit me ANEA u sqaruan përfundimisht të gjitha paqartësitë dhe dyshimet mbi programin paqësor bërthamor të Iranit. Gjithashtu është bërë e qartë se përpjekjet e SHBA dhe disa vendeve të tjera në KS për të miratuar një tjetër rezolutë kundër Iranit, ka vetëm qëllime tendencioze dhe politike. Në këtë kuadër është tepër shqetësues fakti i abuzimit të fuqive të mëdha me KS të OKB, të cilat e përdorin këtë këshill për arritjen e qëllimeve të paligjshme të tyre politike. Padyshim kjo praktikë do të shkaktojë dëme të pariparueshme për KS dhe për të gjitha organizmat ndërkombëtare. Nga ana tjetër këmbëngulja e Iranit për vazhdimin e aktiviteteve paqësore bërthamore dhe përkrahja e popullit iranian për të drejtën e tij të pamohueshme bërthamore, është një rrugë e pakthyeshme që do të vazhdohet megjithë rezolutat e paligjshme dhe të pabaza të KS të OKB.

Paralajmërimi i sekretarit të përgjithshëm të Ligës Arabe mbi gjendjen në Liban.

Shkruar nga B.N
2008-02-29 10:33
IRIB-Amr Musa sekretari i përgjithshëm i Ligës Arabe ka paralajmëruar mbi gjendjen në Liban dhe ka theksuar se kriza në Liban është futur në një perjudhë të rrezikshme. Sekretari i përgjithshëm i Ligës Arabe gjatë një interviste me gazetën Al Safir, ka njoftuar se vazhdimi i krizës në Liban nuk është i rrezikshëm vetëm për këtë vend, por për të gjithë rajonin. Ai ndërhyrjet e huaja i ka konsideruar si faktor kryesor të vazhdimit të krizës në këtë vend. Amr Musa ka javë që zhvillon vizita në Liban për të zgjidhur krizën aktuale në këtë vend. Liga Arabe në një plan të saj i ka ftuar pozitën dhe opozitën në Liban që të bashkëbisedojnë për zgjidhjen e krizës në vend. Plani i ligës arabe për zgjidhjen e krizës aktuale është zgjidhja e dakorduar e presidentit z. Mishel Sulejman dhe krijimi i qeverisë së unitetit kombëtar, por veprimtaria e partisë 14 marsi në pushtet, ka rezultuar me dështimin e përpjekjeve për zbatimin e këtij plani. Kjo parti ka kërkuar krijimin e qeverisë së unitetit kombëtar, ku të ketë nën kontroll të saj pjesën më të madhe të ministrive. Kjo në një kohë kur opozita e drejtuar nga partia 8 marsi kërkon një ndarje të barabartë dhe të drejtë të posteve ministrore në qeverinë libaneze. Nëse ndarja e këtyre posteve bëhet në mënyrë të drejtë, ku 10 ministri i takojnë partisë 14 marsi, 10 partisë 8 marsi dhe 10 të tjera do të përcaktohen nga vetë presidenti në kohën e zgjidhjes së mosmarrëveshjeve. Në këtë mënyrë kundërshtimi i partisë 14 marsi, ka dështuar përpjekjet e sekretarit të përgjithshëm të Ligës Arabe z. Amr Musa për zgjidhjen e krizës në këtë vend. Amr Musa është i mendimit se në Liban ekzistojnë probleme të shumta dhe të ndërlikuara, por ekziston palët e brendshme kërkojnë zgjidhjen e tyre. Nga ana tjetër faktori i huaj vazhdon ndërhyrjen e jashtëzakonshme të tij në çështjet e Libanit duke mos lejuar zgjidhjen e krizës në këtë vend. Amerika dhe regjimi sionist për të rifituar kredibilitetin e humbur të ushtrisë sioniste gjatë luftës 33 ditore përpiqen të krijojnë trazira dhe luftë të brendshme në Liban. Gjendja në Liban është futur në një perjudhë të rrezikshme, mbi të cilën ka vënë theksin dhe sekretari i përgjithshëm i Ligës Arabe.

Amerikanët dhe sionistët të shqetësuar nga vizita e presidentit iranian në Irak

Shkruar nga Abed
2008-03-02 09:53
IRIB - Raportet dhe analizat e mediave perëndimore dëshmojnë se Shtëpia e Bardhë dhe aleatët e saj sionistë janë tepër të shqetësuar nga udhëtimi i Mahmud Ahmedinezhadit në Irak. Sipas raporteve të CNN, Fox News dhe BBC dhe mediave tjera përkrahëse të sionizmit, kuptohet se perëndimi është mjaft i shqetësuar për vizitën e presidentit iranian në Irak. Këto media kanë theksuar se kjo vizitë do të përforcojë edhe më shumë marrëdhëniet mes Irakut dhe Iranit. Këto media gjithashtu kanë deklaruar se vizita e zyrtare e Ahmedinezhadit në Irak në krahasim me vizitat e fshehta të Xhorxh Bushit në këtë vend, dëshmon qartë ndikimin e Iranit në Irak dhe dobësimin e pozitës së SHBA në këtë vend. Kurse mediat irakiane dhe ka mirëpritur presidentin iranian.

Vizita e Ahmedinezhad në qendër të vëmendjes së masmediave botërore

Shkruar nga Habibe
2008-03-02 21:30
IRIB-Vizita e AhmadiNezhadit, presidentit të RII, në mënyrë masive është reflektuar në masmediat botërore. Raportet dhe rrjetet Tv të shumë vendeve në mënyrë të veçantë kanë reflektuar vizitën e AhmadiNezhadit ën Irak. Sipas burimeve informative edhe përkundrejt tensioneve kronike në Irak, ky vend arriti të krijojë një qetësi gjatë vizitës së presidentit Iranian në këtë vend. Raportet dhe rrjetet TV amerikane gjithashtu kanë reflektuar vizitën dhe takimi e presidentit iranian me autoritet irakiane. Gjithashtu këto media kanë bërë edhe censurime nga fjalimet e tij. Mediat e vendeve fqinjë vizitën e presidentit iranian në Irak e kanë cilësuar si një vizitë historike. Vizita e Mahmud AhmadiNezhadit është vizita e parë e një presidenti iranian pas rrëzimit të regjimit të Sadam Husejnit. Ahmedinezhad, sot në mëngjes në krye të një delegacioni të lartë politiko-ekonomik shkoi për vizitë zyrtare në Irak.

Lona · 05-03-08, 14:32

Policia italiane konfiskon mbi 220 milionë mallra dhe pasuri të mafisë

Romë, 5 mars – Policia italiane ka konfiskuar mbi 220 milionë mallra dhe pasuri të mafisë kalabreze, njofton BBCVorld. Në operacionin policor të para agimit të sotëm, forcat speciale, të armatosur rëndë, kanë pushtuar një numër shtëpish, automjetesh dhe biznesesh në Kalabri dhe në rajonin verior industrial të Lombardisë. Këto zona janë vatra të klaneve mafioze dhe gjendeshin nën hetime për gjashtë të vrarët në Gjermani në gushtin e kaluar.

Prodhimi i opiumit në Afganistan arrin nivel alarmues

Nju Jork, 5 mars - Prodhimi i opiumit në Afganistan arriti nivele shumë të larta gjatë vitit 2007 dhe po vazhdon në mënyrë alarmante, me gjithë përpjekjet ndërkombëtare për ta penguar. Kjo bëhet e ditur në raportin e fundit të Kombeve të Bashkuara për prodhimin e narkotikëve në botë. Afganistani është burimi i opiumit në shkallën 93 për qind në gjithë tregun botëror.

Një aktivist i krahut të djathtë vetëvritet me armë zjarri para parlamentit japonez

Tokio, 5 mars – Një burrë për të cilin mendohet të ketë qenë aktivist i krahut të djathtë ka vrarë veten me armë zjarri para parlamentit japonez, njofton BBCVorld. Policia thotë se ai kishte lënë një letër që i drejtohej kryeministrit japonez Jasuo Fukuda, ku përmendej memoriali i një luftëtari të nderuar të vendit. Vrasjet me armë zjarri janë tejet të rralla në Japoni, që është vend ku vështirë të gjendet dikush të mbajë një revole.

Kina frenon rritjen ekonomike në vend

Pekin, 5 mars – Kryeministri kinez, Ven Zhibao, dëshiron të frenojë rritjen e vrullshme të përshpejtuar të ekonomisë së Republikës Popullore. Në hapje të punimeve të Kongresit popullor në Pekin, ai bëri thirrje për një politikë financiare të matur dhe një politikë kundër inflacionit. "Qeveria synon një rritje ekonomike deri në 8 për qind", tha Ven në raportin e tij para 3 mijë delegatëve.

Senatorja Klinton fiton në Ohajo e Teksas

Uashington, 5 mars - Fushata e senatores Hilari Klinton për Shtëpinë e Bardhë ka marrë një kthesë për mbarë, pas fitoreve të saj në procesin përzgjedhës të demokratëve në Ohajo, Teksas dhe Roud Island. Ajo tha se rezultati i përkiste gjithë atyre që mendohej se kishin dalë jashtë gare, por që nuk kishin pranuar të dorëzoheshin. Kandidatja demokrate Klinton tha se zgjedhjet në Ohajo kishin hapur një kapitull të ri në garën e saj për Shtëpinë e Bardhë. Kandidati tjetër demokrat, Barack Obama, ka fituar vetëm në Vermont. Pavarësisht këtyre rezultateve, ai tha se gëzonte përkrahjen e më shumë delagatëve nga e gjithë Amerika.

Rajs takohet me Presidentin palestinez Abas

Ramallah, 5 mars - Sekretarja amerikane e Shtetit Kondoliza Rajs u takua në Ramallah me presidentin palestinez, Mahmud Abaz, për t’i kërkuar që të kthehet menjëherë në bisedimet e paqes me Izraelin. Ajo tha se shpërthimi i fundit i dhunës nga të dy palët nuk duhet të ndërpresë përpjekjet e paqes. Abaz tha se vetëm një armëpushim afatgjatë në Bregun Perëndimor dhe në Gaza do të ndihmojë në arritjen e paqes këtë vit. Zoti Abas i pezulloi bisedimet, si protestë ndaj ofensivës 5-ditëshe të Izraelit në Gazë, që shkaktoi vrasjen e më tepër se 100 militantëve dhe civilëve palestinezë.

Lona · 05-03-08, 14:33

Tiranë: Asnjë helikopter i rrëzuar

Tiranë, 5 mars - Nuk ka rezultuar asnjë helikopter i rrëzuar pas disa orë kërkimesh nga ekipet e shpëtimit në Alpet Shqiptare. Sipas drejtuesve të mbrojtjes dhe emergjencave civile mendohet të ketë qenë një sinjalizim i rremë, rrëzimi i tij. Bazat e KFOR it në Kosovë, si dhe Qendra e NATO s në Bruksel bënë të ditur për autoritetet shqiptare se nuk rezulton ndonjë helikopter i tyre i humbur.

Helikopteri i rrëzuar në veri të Shqipërisë nuk i përket KFOR it

Tropojë, 5 mars - Helikopteri i rrëzuar në veri të Shqipërisë nuk i përket KFOR it ka deklaruar zëdhënësi i KFOR it, majori Herve Kozet. Ai ka theksuar se nuk është raportuar për humbjen e ndonjë helikopteri të tyre deri në këto momente. Banorët e zonës së Tropojës kanë deklaruar se e kanë parë të jetë rrëzuar një helikopter në këtë zonë. Ushtria shqiptare ka njoftuar se ka nisur helikopterët e saj për të kërkuar mjetin fluturues që ka humbur në zonat e thella malore në pjesën veriore të vendit. Ndihmë për të gjetur helikopterin është kërkuar edhe nga KFOR i.

KE sot publikon paketën e ndihmës më të madhe vendeve të Ballkanit

Bruksel, 5 mars - Komisioni Evropian sot pritet të publikojë paketën deri më tash më të plotë të ndihmës vendeve të rajonit të Ballkanit deri në vitin 2011 në një vlerë prej rreth 4 miliardë eurosh. Sipas ekspertëve kjo paketë financiare do të jetë mbështetja më e madhe një rajoni të botës. Në revistën e ekspertëvee "EU observer" thuhet se kjo ndihmë e madhe ka të bëjë me frikën nga krizat e reja dhe destabiliteti, sidomos pas shpalljes së pavarësisë së Kosovës të cilën disa vende të BE-së edhe më tej refuzojnë që të pranojnë vendimin e tillë. Qëllimi i paketës më të re të mbështetjes së Komisionit Evropian siç mund të kuptohet nga projektpropozimi është përfitimi i qyteatarëve të vendve ballkanike për idenë evropiane si dhe përshpejtimi i procesit të përqafimit të standardeve evropiane dhe të vlerave të përbashkëta.

Lona · 05-03-08, 14:38

Më një para ushtarake nisi manifestimi tradicional "Epopeja e UÇK së"

Prishtinë, 5 mars Në dhjetëvjetorin rënies së komandantit legjendar të Ushtrisë Çlirimtare të Kosovës, Adem Jasharit dhe dëshmorëve të kombit, me moton "Bac u kry", sot në qendër të Prishtinës nisi manifestimi tradicional "Epopeja e UÇK së". Ky manifestim që u organizua nën përkujdesjen e kryeministrit Hashim Thaçi dhe Trupave Mbrojtëse të Kosovës, ndryshe nga nëntë vitet e kaluara, këtë vit po mbahet në Kosovën shtet i pavarur dhe sovran për të cilën luftuan dhe u sakrifikuan shumë dëshmorë. E përcjellë nga Banda muzikore e TMK së, gjatë parakalimit kuadratet e njësiteve të TMK së nga të gjitha Zonat Mbrojtëse dhe njësiteve përcjellëse në kuadër të TMK së, kanë përshëndetur në mënyrë ushtarake udhëheqësit shtetëror dhe ushtarak të vendit. Parakalimi i TMK së, është përmbyllur me parakalimin e një grupit të të rinjve të veshur me bluza, me logon "Bac, u kry"! Manifestimi në ditën e parë filloi me paradën ushtarake, ku në tribuna ishin Presidenti Fatmir Sejdiu, Kryeministri Hashim Thaçi, Kryetari i Kuvendit Jakup Krasniqi dhe komandanti i TMK së, gjenerallejtënant Sylejman Selimi. Nënkolonel Shemsi Syla, tha se parakalimi i TMK së, pranë institucioneve shtetërore të Kosovës dhe shtatores së Skënderbeut është evenimenti më i rëndësishëm që i jep një karakter shtetëror manifestimit "Epopeja e UÇK së". "Marshimi i TMK së përgjatë rrugëve të qytetit i jep ngjyrën e karakterit të asaj që ne pretendojmë ne që nesër të jemi ushtri e Kosovës", theksoi Syla. Pas përfundimit të paradës ushtarake, para monumentit të Skënderbeut u mbajt një koncert artistik, me pika të zgjedhura artistike nga ansambli "Shota". Ndërkaq, nesër me 6 mars Manifestimi do të fillojë me vizitat nëpër varrezat e dëshmorëve nga të gjithë përfaqësuesit e institucioneve lokale duke vu kurora lulesh nga ora 10.00 për të vazhduar pastaj vizitat neper familjet e dëshmorëve. Pastaj do të këtë vizitë protokollare shtetërore në varrezat e dëshmorëve të familjes Jashari në Prekaz nga Presidentit Sejdiu, Kryeministri Thaçi dhe Kryeparlamentari Krasniqi. Ndërkaq në mbrëmje në sallën "1 tetori" në orët e mbrëmjes mbahet akademi solemne nga Filarmonia dhe Kori i Operës së Kosovës. Ndërkaq në ditën e tretë, më 7 mars duke filluar nga ora 18.00 deri në orën 22.00 fillon Nata e Zjarreve që shënon përfundimin e këtij manifestimi tradicional.

SHPK ja thërret policët e suspenduar serbë që të kthehen në punë

Prishtinë, 5 mars Shërbimi Policor i Kosovës u bëri thirrje sot edhe një herë kolegëve të tyre serbë të cilët janë suspenduar ditë më parë, që t'i kthehen misionit të tyre që t'u shërbejnë dhe t'i mbrojnë qytetarët e vendit. Në konferencën e rregullt për media, zëdhënësi i SHPK së, kapiten Veton Elshani, theksoi se deri tash 296 policë serbë janë suspenduar me pagesë nga ana e komandës kryesore në Prishtinë, ku përfshihen edhe pjesëtarët e stafit civil, polici kufitare dhe punonjës të divizionit të sigurimit. Elshani tha se ky suspendim ka ardhur pasi që pjesëtarët serbë nuk kanë pranuar të punojnë nën urdhrat e Komandës Rajonale. "Kolegët tanë të suspenduar janë pjesëtarë të SHPK së dhe ne si organizatë kemi nevojë për ta, komuniteti dhe populli i Kosovës ka nevojë për ta. Ne gjithnjë i lusim që të kthehen dhe të kryejnë detyrën e tyre të shenjtë e që është të shërbejnë dhe të mbrojnë", theksoi Elshani. Zëdhënësi Elshani me gjithë mungesën e këtyre policëve, tha se nuk kanë problem në parandalimin e krimit dhe se nuk kanë problem në menaxhimin e situatës në mbarë territorin e Kosovës. Të gjithë pjesëtarët e suspenduar nuk do të marrin pagë 3 muaj derisa Inspektorati Policorë i Kosovës, t'i përfundojë hetimet për secilin rast veç e veç e më pas të marrë vendim. Ndryshe, 710 policë serbë kanë shërbyer deri tash në vendin tonë.
Berisha porosit Koshtunicën që t'i lërë "mënjanë mitet" rreth Kosovës

Londër, 5 mars - Kryeministri shqiptar Sali Berisha ka porositur homologun e tij serb Vojisllav Koshtunica që t'i lërë "mënjanë mitet", sepse siç tha "mitet dhe politika nuk mund të qëndrojnë së bashku". "Mitet duhen lënë mënjanë. Kjo puna e djepit më duket shumë jo realiste", ka thënë Berisha në një intervistë për BBC-në. "Nuk jam i sigurt nëse ata sollën djepin e tyre apo morën djepin tonë në Kosovë. Megjithatë, në një djep mund të rriten disa foshnja", tha Berisha, duke shtuar se është jorealiste të kërkosh djepin në shtëpinë e fqinjit. "Nuk është aspak realiste ajo çka thonë serbët. Si mund t'i thuash një kombi se djepi i tij është një vend tjetër? Djepi i tyre është Beogradi". Kryeministri shqiptar hodhi poshtë pretendimet serbe se Kosova na qenka "zemër" e Serbisë, duke thënë se "Kosova nuk mund të jetë kurrë zemra e një kombi tjetër". "Atje ka disa manastire, por ato kanë qenë katolike romane përpara se serbët të mbërrinin dhe kjo është provuar". "Manastiri i Pejës është ndërtuar në pronat e një familjeje shqiptare me mbiemrin Zajmi. Ata kanë qenë mbrojtës të manastirit për shekuj me radhë. Mendoj se kryeministri Koshtunica duhet të jetë më realist", tha Berisha për BBC-në.

Di Karlo: SHBA-të do ta ndihmojnë Kosovën në të gjitha fushat

Pragë, 5 mars - "Paqja është shumë e rëndësishme, jo vetëm për ata që jetojnë në Kosovë, por edhe për ne që jemi të përfshirë. SHBA të kërkojnë nga të gjithë që ta ruajnë qetësinë në muajt që vijnë", thotë Rozmari DiKarlo, zëvendës ndihmëse e sekretarit amerikan të Shtetit. Por ajo theksoi se Kosova tani ka nevojë për ndihmën e bashkësisë ndërkombëtare, ndërsa Shtetet e Bashkuara i kanë bërë të qarta angazhimet për ta ndihmuar zhvillimin e Kosovës, ashtu siç mbështesim dhe vendet e tjera në rajon. "Në rastin e Kosovës po ndihmojmë zbatimin e nismave që janë hartuar posaçërisht për Kosovën", tha Di Karlo për Radion Evropa e Lirë, duke nënvizuar se është shumë e rëndësishme që Kosova të anëtarësohet në institucionet financiare ndërkombëtare. Ajo theksoi se Shtetet e Bashkuara e ndjejnë nevojën që ta ndihmojnë Kosovën në të gjitha këto fusha. Zyrtarja e lartë amerikane bëri të qartë se SHBA-të e kanë njohur Kosovën në kufijtë ekzistues, janë kundër ndarjes dhe janë të vendosura të shohim një Kosovë shumetnike. "Ne nuk duam të shohim ndarje, siç mund të jetë ajo në veri të Kosovës, që është ndarje thjesht në baza etnike", theksoi Di Karlo

Frid: SHBA-të nuk duhet të largojnë vëmendjen e tyre nga zhvillimet në Kosovë

Uashington, 5 mars - Zyrtari i lartë i Departamentit amerikan të Shtetit, Daniel Frid tha se Kosova ka nisur një fillim të mbarë që nga shpallja e pavarësisë nga Serbia, mirëpo ka shtuar se vendit i duhet edhe më tutje ndihmë e madhe për t'u bërë një shtet i aftë. Ai i bëri këto komente para Komitetit për Marrëdhënie me Jashtë të Senatit amerikan. Frid tha se Shtetet e Bashkuara nuk duhet të largojnë vëmendjen e tyre nga zhvillimet në Kosovë. "Që nga dita e shpalljes së pavarësisë, kosovarët kanë vepruar me shpejtësi për të vënë në zbatim detyrimet që rrjedhin nga plani Ahtisaari. Parlamenti i Kosovës miratoi në një nga sesionet e tij të para, nëntë nga ligje që përmban ky plan për çështje që përfshijnë mbrojtjen e pakicave, imunitetin diplomatik, policinë dhe vetqeverisjen lokale. Ligje të tjera janë në faza të ndryshme të procesit të hartimit. Kosova ka përgatitur projekt kushtetutën, për të cilën Shtetet e Bashkuara mendojnë se është në përputhje të plotë me Planin Ahtisaari dhe mund të miratohet brenda disa javësh". Frid shtoi se Kosovës i duhen rreth 2 miliardë dollarë ndihma nga jashtë deri në fund të vitit. Ai tha se Shtetet e Bashkuara do të kontribojnë me 25 përqind të shumës ndërkaq pret që Bashkimi Evropian të mbulojë pjesën tjetër. Duke përsëritur kritikat e ashpra të SHBA ve ndaj Serbisë për nxitjen e dhunës ndaj Kosovës, Frid tha se Shtetet e Bashkuara shpresojnë se Serbia do ta ndryshojnë kursin në mënyrë vendimtare drejt integrimeve me Evropën Perendimore.

Bajden: Çdo përpjekje për kaos në veri të Kosovës duhet të marrë një përgjigje të shpejtë

Uashington, 5 mars - Kryesuesi i Komitetit për Marrëdhënie me Jashtë, senatori Xhozef Bajden tha se megjithëse zgjidhja e statusit të Kosovës me shpalljen e njëanshme të pavarësisë nuk është ideale, ai ishte një hap i domosdoshëm. "Jam krenar", tha Bajden, "që Shtetet e Bashkuara ishin ndër vendet e para në botë që njohën shtetin e ri të pavarur të Kosovës". Qeveria e re e Kosovës, tha ai, duhet të mbrojë trashëgiminë e mrekullueshme të Serbisë, por dhe Shtetet e Bashkuara duhet të ndihmojnë në mbrojtjen e të ardhmes së Kosovës. "As edhe një herë gjatë dy vjetëve që vazhduan negociatat për të ardhmen e Kosovës, Serbia nuk argumentoi se si ruajtja e sovranitet të saj mbi Kosovën do të përmirësonte standardin e jetesës të shqiptarëve që përbëjnë 90% të popullatës së Kosovës". Senatori Bajden dhe zyrtarët e tjerë amerikanë që folën pas tij u shprehën me një gjuhë të rreptë për udhëheqjen e Serbisë, e cila ka përdorur një retorikë që nxit ethet nacionaliste dhe dhunën. Senatori Bajden i bëri një paralajmërin serioz Serbisë. "Çdo përpjekje për të ngjallur kaos në veri të Kosovës ose në Republikën Serbe të Bosnjes duhet të marrë një përgjigje të shpejtë dhe të vendosur nga Bashkimi Evropian dhe NATO ja. Veprimet e Serbisë duhet të merrn gjithashtu parasysh në vendimet e investitorëve të huaj, që shqyrtojnë mundësinë e investimeve në atë vend", tha Bajden.

Lona · 05-03-08, 14:48

Kosova de fakto është e ndarë, thotë Çurkin

Nju Jork, 5 mars - Shpallja e njëanshme e pavarësisë së Kosovës mund të çojë drejt një ndarje faktike të Kosovës dhe "kjo është ajo që po ndodh atje", tha ambasadori rus në Kombet e Bashkuara, Vitali Çurkin. "Në Kosovë po ndodh pikërisht ajo që kemi paralajmëruar. Kemi thënë hapur në KS dhe jashtë tij se shpallja e njëanshme e pavarësisë së Kosovës mund të çojë deri në ndarjen territoriale de fakto të të Kosovës". Duke iu përgjigjur pyetjeve të gazetarëve nëse serbët po përpiqeshin të ndanin Kosovën, Çurkin tha se "është e qartë se serbët në Kosovë nuk e pranojnë shpalljen e njëanashme të pavarësisë", tha amabasadori rus në Kombet e Bashkuara. Rusia nga 1 marsi ka kryesinë e radhës së Këshillit të Sigurimit.
Hungaria do ta njoh pavarësinë e Kosovës, tha Kryeministri hungarez Gjurçani

Budapest, 5 shkurt - Hungaria po përgatitet ta njoh shumë shpejt pavarësinë e Kosovës ka deklaruar Kryeministri hungarez Ferenc Gjurçani. Ai nuk ka saktësuar ditën pasi ka marrë në konsideratë reagimet e disa zyrtarëve për pasojat në marrëdhëniet me Serbinë. "Hungaria ka nisur rrugën e njohjes së Kosovës dhe do të arrijë në fundin e saj në një të ardhme të afërt", ka deklaruar Kryeministri Ferenc Gjurçanj.

Në Kosovë nuk do të lejohet funksionimi i strukturave paralele, thanë Thaçi, Ryker dhe Marnak

Prishtinë, 5 mars - Zhvillimet në veri të Kosovës, udhëheqësit e lartë vendorë e ndërkombëtarë i cilësuan si sfida me të cilat Kosova u ballafaqua në ditët e para të shtetësisë së saj. Zyrtarët e lartë vendës e ndërkombëtarë thanë se në Kosovë nuk do të lejohet funksionimi i strukturave paralele, që dirigjohen nga Serbia. U tha se mandati i institucioneve vendëse dhe i pranisë ndërkombëtare do të shtrihet në gjithë territorin e Kosovës, përfshirë edhe pjesën veriore. Por, sipas Kryeministrit Thaçi këto sfida tashmë janë tejkaluar dhe do të tejkalohen edhe në të ardhmen. Ai ka shtuar se veriu u Kosovës i ka veçoritë e veta, krahasuar me me pjesët tjera, por sipas tij, as atje dhe në asnjë pjesë të Kosovës nuk do të tolerohet shkelja e Kushtetutës dhe ligjit. Ndërkaq, shefi i UNMIK ut Joakim Ryker ka thënë se e ka mbështetjen e plotë të Nju Jorkut që të zbatojë mandatin ekzekutiv në Kosovë, pra edhe në veri pa prijashtim. Si rezultat konkret të këtij angazhimi Ryker përmendi kthimin nën kontroll të Hekurudhave të Kosovës. pasi një ditë më parë autoritetet serbe nga Beogradi kishin vënë nën kontroll ato. Ryker tha se veprime të ngjashme të UNMIK ut dhe Qeverisë së Kosovës do të ndëremerren edhe në të gjitha çështjet tjera ku ka funksionim të strukturave jolegale. "UNMIK u me ndihmën e KFOR it sa herë që të ketë nevojë për të do të mbrojë dhe zbatojë mandatin e vetë ekzekutiv sikur është në pyetje policia, doganat, sistemi gjyqëror dhe po ashtu nuk do të lejojë më ndërhyrje në çështjen e Hekurudhave të UNMIK ut . përkatësish të Kosovës", ka thënë Ryker. Ai i bëri këto komentei pas takimit me Kryeministrin e Kosovës Hashim Thaçi dhe me Komandantin e KFOR it Ksavier De Marnak. Ky mandat sipas tij do të shtrihet pa dallim në gjithë territorin e Kosovës. Në anën tjetër, Komandanti i KFOR it, gjenerali francez Ksavier De Marnak tha se forca ushtarake e KFOR it e ka të përcaktuar qartë misionin e vetë në Kosovë dhe këtë do ta bëjë si deri më tash. ?Sa i përket KFOR it është shumë e qartë se me Rezolutën 1244 k a përgjegjësi të qartë që të sigurojë një ambient të qetë e paqësor dhe këtë do të vazhdojë ta bëjë si edhe deri më tash?, ka thënë Marnak.

UNMIK u riktheu kontrollin në Hekurudhat e Kosovës në pjesën veriore të Kosovës

Prishtinë, 5 mars - Administrata e UNMIK ut ka rikthyer kontrollin në Hekurudhat e Kosovës në pjesën veriore të Kosovës. Nëpërmjet një komunikatë njoftohet se intervenimi i policisë së UNMIK ut për të rikthyer autoritetin e vetë në veri ka qenë i suksesshëm. Policia kufitare u ka bërë me dije përfaqësuesve të hekurudhave të Serbisë se nuk do të lejohet qarkullimi i trenit që vjenë nga Serbia për në jug. Zyrtarët serbë të hekurudhave janë pajtuar me këtë vendim, thuhet në njoftimin e UNMIK ut.

Rusia nuk ka arsye të kthehet ushtarakisht në Ballkan

Bruksel, 5 mars Përfaqësuesi rus në NATO, Dimitri Rogozin ka deklaruar se nuk ka arsye që Rusia të kthehet ushtarakisht në Ballkan. "Mendoj se kthimi i ushtrisë ruse në Kosovë do t'i pamundësonte Serbisë që të mbrohet dhe mendoj që Serbia ka kapacitete që të mbrojë veten", ka thënë Rogozin. Ai ka shtuar se Serbia ka të drejtë të kërkojë kompensim të territorit, pasi që Kosova i është marrë në emër të asaj se kinse është është unik në botë. Rogozini e ka nxitur Serbinë që të kërkojë kompensim për këtë humbje, duke e përfshirë këtu edhe Republikën serbe.

Ban Ki Mun në fund të muajit do të paraqesë një raport për misionin e OKB së në Kosovë

Nju Jork, 5 mars Ambasadori i Rusisë në Kombet e Bashkuara Vitalij Çurkin ka bërë të ditur se Sekretari i Përgjithshëm Ban Ki Mun në fund të muajit në Këshillin e Sigurimit do të paraqet një raport për misionin e OKB së në Kosovë. Çurkin ka deklaruar po ashtu se Këshilli i Sigurimit me vemendje po e përcjell gjendjen në Kosovë. Duke folur rreth mundësisë së ndarjes së Kosovës, ambasadori rus tha se ajo që po ndodhë tash në Kosovë është pikërisht ajo për të cilën ka paralajmëruar Rusia.

Misioni i BE së në Kosovë do të jetë vetëm mbikëqyrës

Prishtinë, 5 shkurt Kosova do të jetë shtet konkurrues në rajon dhe në Bashkimin Evropian, sepse ajo do të anëtarësohet në BE si rezultat i përgatitjeve të plota dhe jo në bazë të mëshirës. Kështu ka vlerësuar Zëvendëskryeministri Hajredin Kuçi në një debat rreth angazhimit të Bashkimit Evropian që u mbajt në Prishtinë. Ai me këtë rast ftoi 27 vendet anëtare të BE së që ta njohin Kosovën sa më shpejt me qëllim të përshpejtimit të proceseve integruese. Ndërsa zyrtarë të Misionit të BE së në Kosovë thanë se Misioni evropian do të jetë vetëm mbikëqyrës, ndërsa institucionet e Kosovës kanë barrën kryesore të qeverisjes së vendit. Komisioni Evropian për fazën e parë të anëtarësimit i ka ndarë Kosovës një ndihmë financiare rreth 125 milionë euro, ndërsa Qeveria e Kosovës ka participuar rreth 15 milionë euro. Pengesë kryesore në këtë rrugëtim pa dyshim të jetë integrimi i minoritetit serb në jetën politike dhe shoqërore të Kosovës.

Më se 200 serbë kanë protestuar në qendër të Graçanicës

Prishtinë, 5 mars - Mëse 200 serbë i janë përgjigjur kërkesës së shtabit të krizës i krijuar nga policët serbë për të protestuar dje në qendër të Graçanicës. Sipas organizatorëve protesta është organizuar me qëllim të realizimit të kërkesave për kthimin e pjesëtarëve serbë të SHPK së në vendet e tyre të punës. Ata gjithashtu kanë mbështetur propozimin e këtyre të fundit për të mos përfillur urdhërat komanduese të policisë së Kosovës. Këto kërkesa "shtabi i krizës" ia ka paraqitur edhe UNMIK ut dhe Komandantit të KFOR it mirëpo deri tash ende nuk kanë marrë ndonjë përgjigje. Protesta të tilla do të vazhdojnë edhe në ditët në vijim, siç thuhet deri në realizimin e kërkesave të tyre. Ndërkohë, protesta të ngjashme janë mbajtur edhe në vendbanime të tjera ku jetojnë serbët.

Lona · 10-03-08, 10:06

Zhduket një avokat kinez i të drejtave të njeriut

Pekin, 7 mars – Një avokat kinez i të drejtave të njeriut, i cili i ka mbrojtur disidentët dhe ka bërë thirrje për të drejta më të mëdha të qytetarëve para Lojërave Olimpike 2008, është zhdukur, kanë bërë të ditur sot (e premte) familja dhe kolegët e tij, njofton Rojter. Lidhur me zhdukjen e tij dyshohet të jetë arrestuar fshehtas nga policia. Teng Biao, 34-vjeçar, i përkiste rrjetit shumë ta gjallë të aktivistëve të rinj kinezë, që kanë zhvilluar fushatë të madhe për fuqizimin e të drejtave të njeriut dhe kundër qeverisjes së Partisë Komuniste në Kinë.
Gjeorgjia kundërshton Rusinë për Abkhazinë

Tbilisi, 7 mars - Gjeorgjia e ka dënuar ashpër Rusinë duke e quajtur "ekstremisht të rrezikshëm" vendimin e Moskës për të hequr kufizimet tregtare dhe financiare ndaj rajonit të Abkhazisë, i cili kërkon shkëputje nga Gjeorgjia. Ministria e Jashtme e Gjeorgjisë tha se "ky është një provokim ekstremisht i rrezikshëm, që inkurajon separatizmin dhe i thellon tensionet në zonën e konfliktit". Abkhazia dëshiron që bashkësia ndërkombëtare ta njohë pavarësinë e saj, ashtu si njohu pavarësinë e Kosovës. Ky rajon sot pritet të ndjekë kërkesën e Osetisë Jugore, e cila gjithashtu kërkon shkëputje nga Gjeorgjia.

Kenia në prag të zgjidhjes paqësore të krizës

Nairobi, 7 mars - Presidenti i Kenisë, Mvai Kibaki, i ka bërë thirrje parlamentit për miratimin e marrëveshjes së arritur me liderin e opozitës, Raila Odinga. Kibaki ka premtuar kthimin e Kenisë në rrugën e stabilitetit politik dhe zhvillimit ekonomik. Pritet që në fillim të javës që vjen, parlamenti ta miratojë marrëveshjen për koalicion, në të cilën parashikohet edhe posti i kryeministrit. Ky post duhet t'i takojë Odingës. Marrëveshja është nënshkruar javën e kaluar me ndërmjetësimin e ish-sekretarit të përgjithshëm të OKB, Kofi Anan. Ndërkohë, në trazirat në Laikipia, në perëndim të Kenisë, janë vrarë të paktën nëntë përsona dhe janë djegur rreth 100 shtëpi.

Pentagoni ndalon fotografimin e mjediseve të bazave ushtarake amerikane

Uashington , 7 mars - Departamenti amerikan i Mbrojtjes e ka ndaluar gjigandin "Google" të kërkimeve në internet nga fotografimi me hollësi i mjediseve brenda bazave ushtarake amerikane. Zyrtarët e Pentagonit thonë se janë të shqetësuar se imazhet shumë të hollësishme tridimensionale të strukturave ushtarake mund t'u vijnë në ndihmë armiqve potencialë, nëse publikohen në faqet shumë të ndjekura të internetit të kompanisë “Google”. Kompania thotë se do t'i përmbahet kërkesës së Pentagonit për të hequr nga faqja e internetit disa imazhe. 50 të vrarë dhe 130 të plagosur në Bagdad Si pasojë e dy sulmeve kamikazë në qendër të Bagdadit janë vrarë më shumë se 50 përsona, ndërsa janë plagosur rreth 130 të tjerë. Policia kumtoi se detonimi i parë ka ndodhur në pjesën tregtare, të banuar me shiitë, në Karrada. Kur njerëzit u mblodhën për të ndihmuar, një atentator tjetër ka shpërthyer midis tyre. Ka pasur edhe dëmtime të mëdha materiale. Ishte ky atentati më i rëndë në Bagdad që prej disa muajsh

mars - Ushtria amerikane dërgoi dy avionë luftarakë për interceptimin e një avioni bombardues rus, që ju afrua pardje një aeroplanmbajtëseje amerikane pranë brigjeve koreane. Zyrtarët amerikanë thanë se avioni rus kishte fluturuar brenda distancës së lejuar 9 kilometërshe dhe në lartësinë rreth 600 metra mbi aeroplanmbajtësen amerikane Nimitz, kur avionët amerikanë e shoqëruan atë që të largohej nga rajoni. Muajin e kaluar, dy avionë bombardues rusë ju afruan anijes "Nimic", kur ajo ndodhej pranë brigjeve japoneze. Edhe ata avionë u shoqëruan nga avionët amerikanë, për t'u larguar. Ky ishte fluturimi i parë i avionëve rusë mbi një aeroplanmbajtës amerikan, që nga viti 2004.

Al Kaida përgatit sulme kundër Shteteve të Bashkuara

Uashington, 7 mars - Një ushtarak i lartë amerikan, i ngarkuar për çështjet e sigurisë së brendshme, tha se terroristët e Al Kaidës mund të planifikojnë më urgjentisht sulme kundër Shteteve të Bashkuara në mënyrë që të ruajnë kredibilitetin e tyre dhe të mund të rekrutojnë ithtarë. Gjenerali i Forcave Ajrore Gene Renuat, kreu i Komandës Veriore, gjithashtu tha se nuk ka parë ndonjë lidhje direkte me zgjedhjet presidenciale amerikane.

Për shkak të çmimeve rekorde të ushqimit, priten trazira sociale në botë

Nju Jork, 7 mars - Kombet e Bashkuara kanë paralajmëruar për më shumë uri dhe trazira në botë për shkak të çmimeve rekorde të ushqimit. Drejtorja ekzekutive e Fondit Botëror për Ushqim, Hoset Shiran, tha se rritja e çmimeve të ushqimit çon drejt "një fytyre të re të urisë", ku njerëzit nuk mund t'i përballojnë më çmimet e larta. Ajo u tha ligjvënësve evropianë se çmimet e larta të ushqimit me gjasë mund të nxitin trazira sociale në një numër vendesh që varen nga importi. Kriza me gjasë do të vazhdojë të paktën deri në vitin 2010. Çmimet e ushqimit u shtrenjtuan gjatë viteve të kaluara për shkak të rritjes së çmimeve të energjisë, për shkak të kërkesave në rritje nga vendet si Kina dhe India, si dhe për shkak të përdorimit të drithërave për prodhimin e biokarburanteve.

Lona · 10-03-08, 10:25

Ministrat e BE-së diskutojnë sot për Kosovën

Bruksel, 10 mars - Ministrat e Jashtëm të vendeve anëtare të BE së takohen sot në Bruksel për të diskutuar situatën në Kosovë pas shpalljes së pavarësisë dhe vendimit për dërgimin e misionit evropian. Një zyrtar i lartë nga presidenca sllovene e BE së ka deklaruar se "Evropa me kujdes po përcjell situatën në Kosovë përderisa atje po përgatit misionin e vet".

Kosova mund të bëhet anëtare e BE së, pa qenë anëtare e OKB së, thotë Bilt

Prishtinë, 10 mars Kosova muund të bëhet anëtare e Bashkimit Evropian edhe pa qenë anëtare e OKB së, ngjashëm si vendet e tjera evropiane, ka thënë Ministri i Jashtëm suedez Karl Bilt në përfundim të vizitës së tij në Kosovë. "Po mund të ndodhë, edhe Zvicra ka aplikuar të bëhet anëtare e BE së para OKB së dhe se edhe për Kosovën nuk ekziston ndonjë pengesë që ajo të bëhet anëtare e BE së", ka thënë Bilt, i cili më 8 e 9 mars qëndroi në Kososë. Ai ka shtuar se pas shpalljes së pavarësisë sfidat për kosovarët do të jenë të mëdha, sidomos në ndërtimin e shtetit, e cila do të marrë kohë. Sipas tij prioritet i Kosovës duhet të jetë anëtarësimi në organizatat financiare ndërkombëtare, ku kjo është e mundshme, siç janë Fondi Monetar Ndërkombëtar dhe Banka Botërore, pastaj duhet shikuar anëtarësimin e saj në agjenci të ndryshme funksionale të OKB së. "Kosovarë duhet të fokusohen në konferencën e donatorëve,e cila po ofrohet përmes së cilës nuk do të vendoset e ardhmja e Kosovës, por që do të jetë përpjekje e autoriteteve kosovare për të krijuar kushte më të mira të zhvillimit ekonomik. Andaj duhet të jenë të sinqertë, që të krijihet një ekonomi e shpejtë që do të ngjallte besim për të cilën gjë nevojitet kohë", ka thënë shefi i diplomacisë suedeze Karë Bilt. Ai ka shtuar se procesi i transferimit të kompetencave nga misioni i UNMIK ut tek autoritetet kosovare është i natyrshëm dhe funksional. Sipas tij misioni i UNMIK ut në Kosovë bazohet në Rezolutën 1244 dhe vlenë për të gjithë në Kosovë, ndërkaq EULEX i ka mandat të veprimit të limituar, ngase ky mision është i orientuar në mbikëqyrjen e rendit, ligjit, doganave dhe policisë. Bildt ka shtuar se shumica e kompetencavet të UNMIK ut do të transferohen te autoritetet kosovare. Ministri i Jashtëm i Suedisë gjatë vizitës në Mitrovicë tha se procesi i integrimit të këtij qyteti është i vështirë. Ai theksoi nevojën e promovimit të projekteve të reja për ndërtimin e mirëbesimit të komuniteteve si dhe zhvillimin ekonomik të qytetit. Kjo sipas tij është e rëndësishme jo vetëm për të ardhmen e Kosovës, por edhe të gjithë rajonit.

Populli i Kosovës kishte të drejtë të vendosë për fatin e tij, tha kongresmeni Rohrbaher

Uashington, 10 mars - Numri dy i Komisionit për marrëdhënie me jashtë në Kongresin Amerikan, kongresmeni Dana Rohrbaher ka deklaruar se ai përkrah të drejtën e popujve për vetëvendosje dhe se populli i Kosovës kishte plotësisht të drejtë të vendosë për fatin e tij. "Unë jam një përkrahës i idesë mbi të drejtën e shpalljes së pavarsisë dhe parimeve të vetëvendosjes. Njerëzit kanë të drejtë të kenë kontroll mbi fatin e tyre", i tha ai "Zërit të Amerikës". Populli i Kosovës, tha Rohrabaher nuk dëshiron të jetë pjesë e Serbisë sepse Serbia e ka shkatërruar kredibilitetin e vet me krimet masive që kreu para më pak se një dekade. Si në Kosovë dhe Bosnjën, ashtu edhe me sulmet e tmerrshme në Vukovar, Dubrovnik dhe vende të tjera, serbët kryen krime të paimagjinueshme, prandaj nuk merakosem aq shumë për ndjeshmërinë e tyre, tha kongresmeni.

Në pikën kufitare në Merdar është zbuluar pllaka me mbishkrimin "Mirë se erdhët në Republikën e Kosovës"

Mërdarë, 10 mars - Në pikën kufitare ndërmjet Kosovës dhe Serbisë në Merdar dje është zbuluar pllaka me mbishkrimin "Mirë se erdhët në Republikën e Kosovës". Këtë pllakë e zbuloi Kryeministri Hashim Thaçi, i cili tha se ajo simbolizon të kaluarën dhe të ardhmën e Kosovës. Ai mëtutje thekosi se integriteti territorial i Kosovës është i paprekshëlm,i pacënueshëm, unik dhe i garantuar. Sipas tij ky mbishkrim shënon përfindimin e një kopitulli dhe hapë një kapitull të ri për vendin, atë të perspektivës për integrime evropiane. Ai me këtë rast ka thënë se ky është një moment i rëndësishëm dhe i shumëpritur, duke nënvizuar se sa herë që Kosova ka marrë vendime për të ardhmen e saj këto kanë ndikuar në demokratizimin e Serbisë. Duke i komentuar zhvillimet e fundit në Serbi dhe krizën e atjeshme qeveritare, Kryeministri Thaçi ka thënë se edhe në vitin 1999 kur është larguar ushtria, policia dhe administrata e Serbisë nga Kosova ka filluar rënia e Millosheviqit, ndërsa tani me pavarësimin e Kosovës ka rënë edhe qeveria e Koshtunicës, përkatësisht mentalitet i së kaluarës të Serbisë, ka pohuar Thaçi.

Në Kurshumli të Serbisë policia ndaloi rezervistët serbë që të shkojnë në kufirin me Kosovën

Kurshumli, 10 mars Në Kushumli të Serbisë policia ka ndaluar qindra rezervistë të ushtrisë serbe që të shkojnë në kufirin me Kosovën. Agjencia Asoishted Press raportonte se ata kishin planifikuar të shkatërronin mbishkrimin: "Mirë se erdhët në Repbublikën e Kosovës", në pikën kufitare në Merdar. Policia i kishte bllokuar ata dhe nuk kishte lejuar largimin e tyre nga Kurshumlia. Këta rezervistë kanë protestuar disa herë në Merdar dhe në pikën kuftare afër Medvegjës ku edhe kishin plagosur 19 pjesëtarë të Shërbimit Policor të Kosovës.

Në Kosovë mbërritën mbi 100 trupa gjermane

Prishtinë, 10 mars Zëdhënësi i KFOR it Zhan Lyk Kotar ka thënë se në Kosovë kanë arritur 113 trupat gjermane, duke thënë se ato janë pjesë e 600 ushtarëve rezervë që u vendosën në rajonin e Vushtrrisë, që do të zëvendësojnë batalionin italian, i cili gjendet aktualisht në këtë pjesë të Kosovës. Sipas tij kjo është pjesë normale e punës dhe detyrave të NATO s dhe nuk ka të bëjë me ndonjë keqësim të situatës në Kosovë, por ka për qëllim demonstrimin e forcës ushtarake të NATO s. Zëdhënësi i KFOR it, Kotar ka thënë se megjithë tensionet e ditëve të fundit situata në tërë territorin e Kosovës vlerësohet si e qetë.

Lona · 11-03-08, 16:14

Policia izraelite lejon vetëm funeral familjar për militantin e vrarë palestinez, Ala Abu Daim

Jerusalem, 11 mars – Policia izraelite nuk e ka dorëzuar as sot (e martë) trupin e pa jetë të militantit të vrarë palestinez, Ala Abu Daim, nga friga se funerali i tij do të mund të shndërrohej në një protestë të madhe politike, njofton BBCVorld. Abu Daim kishte vrarë tetë studentë hebrej javën e kaluar në një seminar në Jerusalem dhe pastaj një ushtar izraelit e kishte vrarë atë. Policia dëshiron një funeral të vogël vetëm me pesë të afërm të tij dhe të mos ketë mbulim media, kanë thënë burimet familjare.

Ban kundërshton ndërtimet izraelite në territoret palestineze

Nju Jork, 11 mars – Sekretari i përgjithshëm i OKB-s, Ban Ki Mun, ka kritikuar Izraelin për planet e tij mbi ndërtimin e ngulmimeve të reja në territoret palestineze. "Çdo zgjerim i ndërtimeve të ngulmimeve është kundër detyrimeve të Izraelit në kuadër të planit ndërkombëtar të paqes, Road Map, dhe kundër të drejtave ndërkombëtare", tha Ban në Nju Jork. Ai kërkoi nga qeveria në Jerusalem ndërprerje të menjëhershme të tyre. Më parë SHBA- të dhe shumë shtete, ndër to, edhe Gjermania, kishin kritikuar po ashtu Izraelin për planet e fundit të ngulmimeve të reja.

Obama nuk pajtohet për t’u bërë nënpresident i zonjës Klinton

Nju Jork, 11 mars – Kandidati demokrat për president, Barak Obama, kundërshtoi kategorikisht idenë për të shkuar në zgjedhje si nën president i zonjës Hillari Klinton. Këto komente i bëri ai pas aludimeve nga kampi i senatores Klinton, se dy kandidatët demokratë mund të përbënin një dyshe ideale me zonjën Klinton në krye. Edhe bashkëshorti i saj, ish-Presidenti Bill Klinton, e përkrahu këtë ide, duke theksuar se secili kandidat do të sillte energji në një dyshe të tillë. Zonja Klinton dhe zoti Obama janë përfshirë në një betejë të ashpër për të marrë emërimin e partisë demokrate për president. Zoti Obama vazhdon të kryesojë për nga numri i delegatëve me rreth 100 më shumë, pas fitores së tij të shtunën në konferencat e partisë në shtetin Uajoming. Zonja Klinton shpreson që të dalë në krye me një fitore në shtetin e Pensilvanisë më 22 prill. Sondazhet atje tregojnë se ajo është në krye. Në disa raste në të kaluarën, kundërshtarët politikë të së njëjtës parti kanë bashkuar forcat pas fushatave të ashpra presidenciale duke arritur rezultate pozitive. Kandidati republikan, Ronald Regan zgjodhi Xorxh Bushin si zv. presidentin e tij në vitin 1980, ndërsa demokrati Xhon Kenedi bëri të njëjtën gjë në vitin 1960, ku zgjodhi Lindon Xhonsonin si kandidat për zv. President.

Guvernatori i Nju Jorkut akuzohet për prostitucion

Nju Jork, 11 mars – Guvernatori i shtetit të Nju Jorkut u kërkoi falje publike zgjedhësve dhe familjes së tij pas botimit nga gazeta “The New York Times” të një shkrimi që e lidhte me një rrjet prostitucioni. Zoti Spitzer kërkoi falje sot në një fjalim të shkurtër, ndërkohë që bashkëshortja qëndronte pranë tij. Ai nuk përmendi shkrimin e gazetës dhe as nuk shpjegoi se pse po kërkonte falje duke u shprehur se kjo ishte “çështje personale”. Gazeta Nju Jork Tajms njoftonte në faqen e saj të internetit se Spitzer, demokrat, ishte zbuluar nëpërmjet një përgjimi nga shërbimet federale muajin e kaluar, duke bërë plane për t’u takuar me një grua në Uashington. Gazeta shkruante se përgjimi ishte bërë gjatë një hetimi për një rrjet prostitucioni i njohur si Emperos Club VIP. Udhëheqësi republikan në legjislaturën e shtetit të Nju Jorkut, Xhejms Tedisko, bëri thirrje për dorëheqjen e zotit Spitzer.
SHBA-të i premtojnë Polonisë ndihma ushtarake

Uashington, 11 mars – Presidenti amerikan, Xhorxh Bush, i ka premtuar Polonisë ndihma ushtarake për lejimin e satcionimit të raketave mbrojtëse amerikane. Pas takimit në Shtëpinë e Bardhë me kryeministrin polak, Donald Tusk, Bush tha se Shtetet e Bashkuara do të ndihmojnë në modernizimin e ushtrisë polake. Tusk tha nga ana e tij se nuk duhen bërë spekulime lidhur me qëllimet e këtij projekti, duke iu referuar shqetësimit të rusëve lidhur me sistemin e mbrojtjes nga raketat. Zyrtarët e Varshavës kanë shprehur gatishmëri për të lejuar vendosjen në vendin e tyre të 10 interceptuesve, në kuadrin e sistemit global të mbrojtjes nga raketat, por ata kanë vënë si kusht modernizimin e ushtrisë polake.

Mospajtime për pjesëmarrjen e bundesverit në Afganistan

Berlin, 11 mars – Konflikti mes NATO-s dhe qeverisë federale gjermane për pjesëmarrjen e bundesvehrit në Afganistan, ishte temë kryesore në konferencën e komandantëve të bundesvehrit, zhvilluar dje në Berlin. Të pranishëm në këtë takim ishte edhe kancelarja, Angela Merkel, sekretari i NATO-s Shefer dhe ministri gjerman i mbrojtjes Franz Josef - Jung. Para rreth 600 pjesëmarrësve, Shefer kërkoi përsëri që Gjermania të dërgojë ushtarët e saj edhe në jug të Afganistanit. Kancelarja Angela Merkel e hodhi poshtë kërkesën për zgjerimin e misionit të bundsvehrit.