Lajme Aktuale....

[Guri i madh]

Dhjetëra afganë kanë shënuar Ditën e Valentinit duke marshuar në Kabul për të denoncuar kështu dhunën kundër femrave.
Protestuesit, që mbanin në duar posterë dhe brohoritnin sllogane për respektimin e të drejtave të grave, ecën nga pallati Darul Aman Palace jashtë Kabulit e deri në afërsi të parlamentit në qytet.
Një nga pjesëmarrëset, aktivistja e të drejtave të grave, Anahita Mahbob, tha se “gratë afgane po shiten, po dhunohen dhe përballen me lloje tjera të dhunës.”
Ajo ka thënë se dëshirojnë “liri për gratë në të gjitha fazat e
jetës”.
Tubimi është pjesë e vetëdijësimit global kundër dhunës në familje.

[Zero Cool]

Talibanët vranë 17 njerëz në stacionin e policisë


Kabul, 27.02.2013

Ekstremistët talibanë kanë helmuar dhe pastaj i kanë vrarë 17 persona, të cilët ishin duke fjetur në një stacion policie në lindje të Afganistanit, tha një zyrtar lokal në Gazna.

Gjatë sulmit janë vrarë 10 pjesëtarë të policisë lokale afgane, si dhe shtatë civilë, tha për agjencinë AP guvernatori i provincës Andar, Musa Han Akbarzada.

Ky është sulmi i dytë i tillë gjatë kohëve të fundit në të cilin shënjestër e sulmit ishin forcat afgane të sigurisë. Mbetet e paqartë se si ekstremistët kanë arritur t’i vënë në gjumë njerëzit në stacionin e policisë, para se t’i vrisnin ata me armë zjarri..

Zëdhënësi taliban, Zabiullah Muxhahid mori përgjegjësinë për sulmin . ai i tha agjencisë AP me telefon se sulmuesit kanë vrarë 17 njerëz derisa ishin në gjumë, por ka demantuar se ata më parë janë helmuar.

[Oqeani]

Sot ne Shkup !!!!


https://www.youtube.com/watch?featur...&v=9a0Z3CiJcVg

[Guri i madh]

Ugo Qavezi ka vdekur serrbia po mban zi per mikun e vet

[murrizi]

Publikuar: 07.03.2013 - Koha.net
Beograd, 7 mars - Kryeministri i Serbisë, Ivica Daciq ka deklaruar se për 10 vjet, Serbia është mashtruar duke thënë që Kosova është Serbi edhe pse ashtu është e shkruar edhe në Kushtetutën serbe, njofton KTV .

"Sot kjo preambulë në kushtetutë nuk na ndihmon aspak, presidenti i Serbisë nuk mund të shkojë në Kosovë, as kryeministri, as policia e as ushtria", ka deklaruar Daçiq.

Në një artikull në lidhje me dhjetëvjetorin e vrasjes së Zoran Gjingjiqit, Daçiç tha se Kosova, gati dhjetë vjet ka qenë një tabu, dhe askush zyrtarisht nuk guxoi ta thoshte të vërtetën. Kryeministri tha se Serbia është duke pritur për punën e pambaruar të përcaktimit të hapësirës së vet si dhe përpjekjeve në Kosovë, kryesisht për serbët që jetojnë atje, për të shpëtuar siç ka thënë ai, atë që mund të shpëtohet, dhe t’iu sigurojë atyre një jetë normale, të sigurt dhe një të ardhme.

"Në këtë mënyrë, dhe vetëm në këtë mënyrë, edhe Serbia do të ketë një të ardhme", ka thënë Daçiq.

Këto deklarata të Daçiqit vlerësohen si shenja që Beogradi ka bërë një ndryshim historik në një nxitim për të siguruar negociatat për anëtarësimin e Serbisë në Bashkimin Evropian.

[Guri i madh]

E dini pse Arabia do ndalojë ekzekutimet me shpatë në publik?

Bota Sot | 11.03.2013 12:18




Arabia Saudite po merr në konsideratë ndalimin e prerjeve të kokës në publik.
Arsyeja nuk është se kjo metodë është barbare, por për faktin e thjeshtë se në mbretërinë e pasur me naftë nuk ka më shpatarë që të bëjnë ekzekutimet.
Një ekip i përbashkët nga tre ministri, ajo e rendit, e drejtësisë dhe ajo e shëndetit, ka propozuar që në vend të shpatarëve, të përdoren skuadrat e pushkatimit.
Komiteti ka argumentuar se një masë e tillë nuk dhunon ligjin islamik.
Arabia Saudite ka ekzekutuar me prerje koke 76 njerëz në vitin 2012.
Përdhunimet, vrasjet, grabitjet e armatosura, trafiku i drogës, etj, dënohen me vdekje në këtë vend.
Sivjet janë ekzekutuar tre njerëz.
Ekzekutimet me prerje koke kanë qenë gjithmonë burim tensioni mes Arabisë Saudite dhe komunitetit ndërkombëtar.
Këta të fundit kërkojnë që të ndalohet një masë e tillë, si dhe shtojnë se duhen garantuar procese të rregullta gjyqësore.

[Zero Cool]

Tërbohet Putin, Qipro e nxjerr jashtë me “shkelma”


Ka befasuar mbarë botën refuzimi i Presidentit të Qipros, N. Anastasiadis të ofertës së Gazprom për të shpëtuar konfiskimin bankar!
Lajmi u transmetua nga kanali televiziv i Qipros “STIGMA”, ku në transmetimin e reportazhit bëhej e ditur se sipas rrjedhjeve nga presidenca: “Presidenti nuk do ta diskutoj këtë version, pasi do që zgjidhja të vij nga Europa!”.

Menjëherë pas lajmit të refuzimit të ofertës së Gazprom, doli në një konference urgjente për shtyp kreu i Unionit të Bankave Rajonale të Rusisë, Anatoly Anksakov, anëtar i këshillit të lartë të Bankës së Rusisë dhe anëtar i Unionit të Sipërmarrësve dhe të Industrisë së Rëndë, i cili duke folur për Interfax pas mbarimit të mbledhjes së jashtëzakonshme të qeverisë Anastasiadi dhe pas Eurogrup për konfiskimin e një përqindje të depozitave bankare, e quajti sistemin bankar të Qipros: “Të pabesueshëm”, madje iu drejtua qytetarëve rusë: “I këshilloj qytetarët rusë të tërheqin të gjithë kapitalet e tyre që ata kanë në bankat e Qipros menjëherë”.
Ndërkohë i menjëhershëm ishte dhe reagimi i Vladimir Putin i cili i telefonoi presidentit qipriot Niko Anastasiadi duke i thënë: “Nëse miraton këtë projekt ligj, më mirë vendos një flamur gjermanë në Presidencë.

Nuk ke kuptuar se me këtë vendim shkatërron vendin tënd!”.

[Guri i madh]

Kuriozitete

Gazetarja heq shaminë nga koka para imamit (Video)

[Zero Cool]

Trazira në Paris, protesta kundër martesave gay





Paris, 27.05.2013

Franca mbetet e ndarë pas miratimit të ligjit që mbështet martesat e të njëjtit seks. Ndërsa një tubim masiv kundër martesës së homoseksualëve e sidomos kundër të drejtës për të adoptuar, ka pushtuar rrugët e Parisit, gati 900 km më në jug, në Kanë, "La vie d' Adele " apo "Blue is the ëarmest color", një histori dashurie mes dy vajzave adoleshente, ka fituar Palmën e Artë" duke pasqyruar dy fytyrat e Francës sot.

Francë konservatore, katolike dhe e qendrës së djathtë zbriti sërish në shesh për të kundërshtuar nenet e ligjit të njohur dhe si "për të gjithë": 150 mijë njerëz sipas forcave të rendit e 1 milion sipas organizatorëve nisën marshimin nga tri pika të ndryshme për tu mbledhur së bashku nën udhëheqjen e familjeve me fëmijë, të rinjve e madje dhe një gomari që mbante mbi kurriz mbishkrimin "Unë votova Hollande." Mes politikanëve të pranishëm në marshim ishte dhe kreu i UMP Jean-Francois Cope, "Ligji u miratua, por kjo nuk do të na pengojë që të pregatitetmi për të ardhmen," tha udhëheqësi i partisë UMP.

Momenti i parë i tensionit u verifikua kur një grup militantësh të së djathtës sulmuan selinë e Partisë Socialiste dhe vendosën në ballkonin e saj një flamur me mbishkrimin "Hollande të japë dorëheqjen." Pak më vonë qindra njerëz, kryesisht të rinj dhe militantë të krahut të djathtë, por edhe 40 vjeçarë dhe 50 vjeçarë me helmeta dorashka dhe shalle, sulmuan policinë me gurë dhe shishe në shenjë proteste kundër asaj që e quajtën "diktaturës socialiste" dhe duke akuzuar edhe gazetarët si "bashkëpunëtorë". Policia ndërhyri me gaz lotjsellës për të shpërndarë turmat, ndaloi 96 persona e 39 prej tyre u transferuan në burg, siç është raportuar nga ana e Ministrit të Brendshëm, Manuel Valls.

Demonstratat dhe protestat pritet të vazhdojnë, në Francë por e drejta e dy njerëzve të të njëjtit seks të martohen tani është ligj, i nëshkruar nga Presidenti i Republikës. Në Monpelje të mërkurën do të jetë dita e Bruno dhe Vincent, çiftit të parë homoseksual që lidhen në martesë.

[Guri i madh]

Gratë afgane duan ligj për të drejtat e tyre Bota Sot | 27.05.2013 15:57 Gratë afgane duan ligj për të drejtat e tyre Dhjetëra aktiviste për të drejtat e grave në Afganistan kanë protestuar të hënën para ndërtesës së parlamentit në Kabul, duke kërkuar miratimin e ligjit që mbron të drejtat e grave. Protestueset kanë brohoritur parulla si “Drejtësia është e drejta jonë” dhe “Gratë nuk duhet të bëhen viktima”. Ato po ashtu u kanë kërkuar ligjvënësve që të mos ndryshojnë legjislaturën kundër dhunës ndaj grave. Masa, e cila ndalon dhunën ndaj grave dhe martesat e detyruara, ka kaluar me dekretin e presidentit Hamid Karzai në vitin 2009, por ajo nuk është miratuar nga parlamenti. Disa nga politikanët konservatorë dhe udhëheqësit fetarë kanë kërkuar braktisjen e ligjit, duke thënë se ai nuk u përmbahet rregullave të Islamit. Shkeljet e të drejtave të grave janë të zakonshme në Afganistan, veçanërisht në zonat rurale.

[Zero Cool]

Belgjikë, Gent lejon bartjen e shamive në administratën shtetërore







Qyteti belg Gent ka shpallur të pavlefshëm ndalimin e bartjes së shamive nga ana e shërbyeseve shtetërore.


Shumica në kuvendin e qytetit, që përbëhet nga Partia Socialiste dhe Partia e Gjelbër, ka pezulluar vendimin e marrë në vitin 2007, i cili asokohe ishte sjellë nga partitë në pushtet, të cilat i përkisnin qendër së djathtë.

Në disa qytete belge ekzistojnë ndalesa të tilla. para dy viteve, Belgjika ndaloi bartjen publike të vellove që mbulojnë fytyrën e femrave.

Franca fqinje ndërkaq, që njihet si vendi me popullatën më të madhe myslimane në Europë, e sanksionon bartjen e shamive, duke nënvizuar se simbolet fetare nuk kanë vend nëpër shkollat franceze.

[Zero Cool]

Rusia me ligj që dënon fyerjen e ndenjave fetare


Moskë, 11.06.2013

Duma Shtetërore e Rusisë ka miratuar ligjin, i cili parasheh burgim deri në tre vjet për ata që fyejnë ndjenjat e besimtarëve fetarë.Ligji ka kaluar në leximin final, të martën, transmeton REL .
Ai është hartuar pasi grupi feminist “Pussy Riot”, vitin e kaluar, ka organizuar një demonstratë kundër Kremlinit, në katedralen më të madhe të Moskës.
Dy anëtare të grupit janë duke vuajtur dënimin prej dy vjetësh burgim, pasi janë dënuar për huliganizëm.
Kritikët e “Pussy Riot”-it thonë se vajzat kanë fyer ndjenjat fetare.
Por, dënimi i tyre është kritikuar nga Shtetet e Bashkuara, Bashkimi Evropian, grupe të të drejtave të njeriut dhe muzikantë të famshëm botërorë.



Papa pranon “lobin homoseksual” dhe korrupsionin


Vatikan, 12.06.2013

Papa Françesku ka pranuar ekzistencën e një “lobi homoseksual” dhe të korrupsionit në Vatikan.

Papa thuhet t’i ketë bërë komentet javën e kaluar, në një takim privat me përfaqësuesit e priftërinjve dhe të murgeshave, në Amerikën Latine dhe në Karaibe.

Një ueb-faqe e të krishterëve në Kili ka publikuar një përmbledhje të bisedës.

Zëdhënësi i Vatikanit, ati Frederico Lombardi, ka thënë se ai ka qenë një takim privat dhe se nuk ka komente.

Në muajin shkurt, pak para se Papa Benedicti të jepte dorëheqje, mediat italiane kanë raportuar për korrupsion brenda Kishës Katolike dhe shantazhe kundër klerikëve homoseksualë.

[Zero Cool]

Amerika feston 237 vjetorin e Pavarësisë







Uashington, 04.07.2013

Në mbarë Shtetet e Bashkuara të Amerikës, si çdo 4 korrik tash 237 vjet po festohet Dita e Pavarësisë, datë kjo kur më 1776, 13 kolonitë e para amerikaFesta e Pavarësisë tradicionalisht festohet me ndezje fishekziaresh, me parada në kryeqytet dhe qytete të tjera të mëdha, si dhe me koncerte festive dhe tubime e këngë patriotike e pikniqe. Por, shumica e amerikanëve e feston ditën e pavarësisë me darka familjare.

Qyteti më i shënuar dhe më i vizituar të paktën në aspektin historik, mbetet Philadelphia në shtetin Pennsylvania, që njihet si vendlindja e SHBA, ku baballarët e kombit u takuan për të hartuar Deklaratën e Pavarësisë.Parada kryesore mbahet në Washington, ku tradicionalisht parakalojnë veteranët dhe bandat muzikore prej 50 shteteve nga mbarë vendi.

Në përvjetorin e pavarësisë përkujtohet guximi i themeluesve të vendit dhe falënderohen forcat amerikane në shërbim në vende të ndryshme të botës, përfshirë edhe kontigjentin e forcave paqruajtëse amerikane në Kosovë që me përkushtimin e sakrificën e tyre tash 14 vjet i shërbejnë paqes. Amerika, një shtet i ndërtuar mbi idealet, barazinë dhe lirinë do të bëhej për më tepër se dy shekuj një nga vendet më të preferuara për të emigruar, pikërisht në kërkim të këtyre idealeve.

[Guri i madh]

Kirurgu rreh pacientin pas operacionit (VIDEO)




Një mjek në Rusi u kap në kamerat e spitalit duke rrahur në mënyrë brutale një pacient, i cili sapo kishte dalë nga një operacion delikat në zemër.
Imazhet e tmerrshme, të transmetuara në mediat ndërkombëtare gjatë së enjtes, u regjistruan në repartin e reanimacionit kirurgjikal, në qytetin rus me një milionë banorë të Permit, në Urale.
Pacienti ndërroi jetë disa orë më pas, pasi pësoi disa ndërlikime post-operatore, që nuk dihet nëse kanë lidhje me sulmin barbar të kirurgut.
Aktualisht, autoritetet ruse kanë nisur një hetim ndaj mjekut Andrey Votyakov, që është pezulluar deri në përfundimin e hetimeve edhe nga ana e spitalit.
Në justifikimin e tij, Votyakov fajësoi lodhjen e një turni 24-orësh në punë, për atë dalje jashtë kontrollit.
Megjithatë, një argument i tillë vështirë se do ta shpëtojë nga disa vite burg për rrahjen e pacientit të pambrojtur në sallën e reanimacionit ose akoma më keq, mund ta dërgojë pas hekurave deri në fund të jetës, nëse provohet se rrahja luajti rol në vdekjen e fatkeqit.
Për të shikuar klikoni në videon më poshtë:




http://www.tring.tv/video-tronditese...ionit-ne-rusi/

Video tronditëse, mjeku rreh pacientin në sallën e operacionit

[Zero Cool]

Arrin grupi i katërt i muxhahedinëve në Tiranë







Ka mbërritur në Tiranë, grupi i katërt i muxhahedinëve, pjesë e marrëveshjes së Shteteve të Bashkuara të Amerikës, me qeverinë shqiptare.

Mesnatën e së enjtes, kanë mbërritur 17 muxhahedinë nga kampet e Irakut, të cilët janë dërguar në Qendrën e Pritjes së Azilkërkuesve në Babrru, Tiranë.

Grupi i së enjtes është i katërti, duke e çuar numrin e të mbërriturve deri më tani në 88, nga 210 që pritet të strehohen në vendin tonë, si pjesë e marrëveshjes.

Shqipëria u tregua e gatshme t’u afronte azil, ndërkohë që kostot e jetesës së tyre, si qira për banesat ku do të strehohen dhe ushqimi, do të përballohen nga UNHR-ja, ndërsa pala shqiptare do të kujdeset për strehimin e tyre.