Lajme aktuale nga vendi !

[Zero Cool]

BE-ja heq Kosovën nga harta e përbashkët me Serbinë





Bruksel, 05.03.2012 11:43

Bashkimi Evropian në faqen zyrtare të internetit tashmë ka hequr Kosovën nga harta e përbashkët me Serbinë, informon agjencia e lajmeve INA.

Në ëeb portalin ëëë.europa.eu, ku janë të përshkruara karakteristikat e çdo shteti në kontinetin evropian, Kosova më nuk figuron në hartën e përbashkët me Serbinë, që ishte deri para një periudhe. Serbia është e përshkruar vetëm si shtet i mëvetësishëm, mirëpo nga ana tjetër, BE akoma nuk ka hapur linkun e posaçëm për Republikën e Kosovës.

Ky ndryshim është bërë së fundi, mëson agjencia e lajmeve INA, pas marrëveshjes së arritur midis Prishtinës dhe Beogradit, me anë të së cilës Kosova do të përfaqësohet me fusnotë dhe e mëvetësishme në forumet rajonale dhe të njohura nga BE.

[Zero Cool]

Serbia nuk e respekton marrëveshjen për lëvizje të lirë


Gjilan, 05.03.2012 13:36

Policia serbe nuk e ka lejuar delegacionin e AKB-së që të shkojë në Preshevë, raporton KTV-ja. Delegacioni i AKB-së së bashku me biznesmenë dhe përfaqësues të disa mediave, ishin nisur për në Preshevë, ku do të mbahet java e bizneseve e në të cilën do të merrnin pjesë edhe disa nga vendet e regjionit.

Edhe pse tek pika kufitare Dheu i Bardhë kishte ardhur automjeti i dërguar nga komuna e Preshevës, për të marrë delegacionin, kjo nuk u lejua nga policia. Në momentin që Policët serbë e kanë kuptuar se delegacioni po shkon në mënyrë institucionale për t’u përfaqësuar në Preshevë, ata kanë dhënë urdhër që delegacioni të kthehen mbrapa. Delegacioni nuk u ndal me kaq. Ata tentuan edhe për të dytën herë edhe me automjetet private, por prapë nuk i është lejuar kalimi.

“Marrëveshja për lëvizje të lirë, e arritura me 26 dhjetor të vitit të kaluar, në praktikë është dëshmuar edhe një herë se nuk po respektohet nga pala serbe”, ka thënë kryetari i AKB-së, Agim Shahini.

Ministri Hoxhaj gjatë gjithë kohës ka qenë në kontakt me kryetarin e AKB-së, Agim Shahinin. Ndërkohë, delegacioni i AKB-së ka marrë një urdhër nga Brukseli që të tentojnë përsëri të kalojë kufirin, porse a do të lejohen të kalojnë a po jo, kjo mbetët të shihet.


Delegacioni nga Kosova hyn në Preshevë pas ndërhyrjes së BE-së


Preshevë, 05.03.2012 14:32

Është dashur intervenimi nga Brukseli për të bindur Serbinë që të lejojë një delegacion të AKB-së së bashku me biznesmenë dhe me përfaqësues të disa mediave nga Kosova, që të shkojnë në Preshevë, ku do të mbahet java e bizneseve, e në të cilën marrin pjesë edhe disa nga vendet e rajonit, njofton nga pikëkalimi kufitar, Dheu i Bardhë.

Madje komisionerja për Punë të Jashtme dhe Siguri e BE-së, Catherine Ashton ka zhvilluar një bisedë telefonike me presidentin serb, Boris Tadiq, e më pas i ka telefonuar edhe kryetarit të AKB-së, Agim Shahini, me ç’rast i ka treguar se ata do të lejohen të kalojnë kufirin.

Delegacioni i AKB-së në mëngjes nuk ishte lejuar të kalonte kufirin me Serbinë.

[Zero Cool]

Dejanoviq: Zgjedhjet lokale të Serbisë – edhe në Kosovë


Beograd, 06.03.2012 21:47
Kryetarja e Kuvendit të Serbisë, Sllavica Gjukiq Dejanoviq, ka deklaruar sot se zgjedhjet lokale do të mbahen në të gjitha mjediset ku këshilltarëve u ka kaluar mandati katërvjeçar, pavarësisht se a janë ato në jug apo veri të Kosovës.

“Zgjedhjet lokale do të mbahen në të gjitha mjediset ku këshilltarëve u ka kaluar mandati katërvjeçar dhe nuk do të bëhet kurrfarë dallimi ndërmjet komunave në jug dhe veri” të Kosovës, thuhet në kumtesën nga kabineti i saj, pas takimit me disa politikanë serbë nga pjesa veriore e Kosovës, raporton agjencia Beta.

Qeveria e Kosovës dhe komuniteti ndërkombëtar zgjedhjet e Serbisë në Kosovë i konsiderojnë jolegjitime dhe ato cilësohen si struktura paralele.

Zyrtarë të lartë të Kosovës dhe liderë perëndimorë kanë kërkuar tërheqjen e këtyre strukturave


Serbia s’do t’i mbajë zgjedhjet në Kosovë


Beograd, 07.03.2012 08:34

Qeveria e Serbisë nuk e ka ndërmend që zgjedhjet parlamentare t’i organizojë edhe në Kosovë, ashtu siç ka bërë prej shpalljes së pavarësisë së Kosovës. Kështu kanë bërë të ditur burime të “Zërit” të afërta me ekzekutivin serb.Sipas këtyre burimeve, ky vendim i Qeverisë së Serbisë ka ardhur për shkak të integrimit të vendit drejt strukturave të BE-së. “Nuk është koha e as momenti që Serbia të prishë punët me BE-në. Andaj, Qeveria e Serbisë është pajtuar që të mos mbahen zgjedhjet në veri të Kosovës, dhe ky vendim shumë shpejt do të bëhet publik”, tha për “Zëri” ky burim.

Bashkimi Evropian, sipas këtij burimi, ia ka bërë të qartë Beogradit se mund të humbë shumë në integrim, në rast se këmbëngul dhe mban zgjedhjet në veri të Kosovës. “Në ditët në vazhdim pritet një mbledhje e Qeverisë Serbisë, ku edhe zyrtarisht do të jepet përgjigjja për mbajtjen e zgjedhjeve në veri. Ky vendim pritet të jetë negativ, pasi që nuk ia vlen që integrimi i Serbisë të lëkundet për shkak zgjedhjeve në veri”, tha ky burim.

Ndërkohë të ashtuquajturit kryetarë të komunave të veriut të Kosovës vazhdojnë të bëjnë presion mbi Qeverinë e Serbisë, që zgjedhjet parlamentare t’i organizojë edhe në veri të vendit.
Mirëpo, një zyrtar i lartë i Qeverisë së Serbisë në kushte anonimiteti i ka thënë “Zërit” se me gjasë Beogradi zyrtar nuk do t’i organizojë zgjedhjet në veri të Kosovës, pavarësisht presionit që do të bëjnë përfaqësuesit politikë të komunave në veri.

Ndërkohë bëhet e ditur se pikërisht për këtë çështje katër kryetarët ilegalë të komunave, Mitrovicë, Leposaviq, Zubin-Potok e Zveçan kanë udhëtuar të martën (dje) për Beograd për të kërkuar mbajtjen e zgjedhjeve nga udhëheqësit atje.
Këtë udhëtim të tyre e ka konfirmuar i ashtuquajturi sekretar shtetëror për Kosovën në Qeverinë e Serbisë, Oliver Ivanoviq, sipas të cilit katër kryetarët e komunave kanë kërkuar nga Serbia që të mbahen zgjedhjet edhe në veri.

“Vendimi se a do të mbahen zgjedhjet në veri apo jo, do të merret shumë shpejt dhe do të bëhet publik. Ajo që mund të them është se Beogradi do të bazohet në Kushtetutën e saj, dhe në Rezolutën 12 44”, tha Ivanoviq.

Sipas Ivanoviqit, bëhet fjalë për mbajtjen e zgjedhjeve vetëm në 2 komuna, në atë të Zveçanit dhe Zubin-Potokut, pasi që sipas tij, kryetari i Mitrovicës dhe Leposaviqit kanë mandat deri në vitin 2014.

Nga ana tjetër, mediet serbe raportojnë se kryetarët ilegalë të katër komunave serbe në veri, janë takuar të martën me kryetaren e Kuvendit të Serbisë, Slavica Gjukiq Dejanoviq, nga e cila kanë kërkuar që të shpallë dhe sigurojë mbajtjen e zgjedhjeve lokale në tërë Kosovën.

Përfaqësuesi i Zveçanit, Dobrosav Dobiq, është cituar të ketë thënë për mediet serbe, se në rast se Serbia nuk mban zgjedhjet në veri, një veprim i tillë nënkupton heqje dorë nga Kosova dhe njohja e Kosovës si shtet i pavarur.

Zbulohet biografia e parë zyrtare e Enver Hoxhës në ‘46: S’ka diplomë universitare
Argumente Dielë, Mars 11th, 2012
Ekskluzive/ Zbulohet dokumenti i panjohur i vitit 1946.
Hoxha në daljen e parë publike: Ne të rinjtë nuk kemi për ideal kolltukun, por Atdheun, bashkimin e kombit(!)
Rikthimi në Liceun e Korçës si profesor pa diplomë universitare.
Jetëshkrimi i vitit ‘46 s’ka të dhëna për vitet ‘27-‘36.
Pakkush e dinte në vitet e diktaturës se Enver Hoxha nuk kishte shkollë të lartë, veç disa bashkëkohësve dhe shokëve të tij të rinisë. Mënyra si diktatori dhe industria e tij propagandistike operonin në publik, kishin krijuar perceptimin se veç diplomës universitare, Enveri kishte disa kualifikime akademike.
Përkundër këtij realiteti virtual, në biografinë e parë zyrtare të Hoxhës si sekretar i Parë i KQ të Partisë, botuar në vitin 1946, bëhet me dije se ai “ka kryer vetëm vitin e parë të studimeve në Universitetin e Monpeliesë në Francë, dega e Shkencave Natyrale, seksioni i botanikës”. Në asnjë rresht tjetër nuk përmendet diplomimi në Francë, por as ndonjë shkollë tjetër. Më shumë se kaq, biografia e parë e Enverit zbulon edhe një anë të errët të shkollimit të tij, si produktet i privilegjeve dhe penaliteteve të regjimit të Zogut. Me përkujdesjen e këtij të fundit lidhet arsimi në Liceun e Korçës (pas përfundimit të gjysmë Liceut të Gjirokastrës) dhe regjistrimi në Universitetin e Monpeliesë. Sakaq, po me ndërhyrjen e Zogut, konfirmohet ndërprerja e bursës në Francë(!). Në të dyja rastet, “Biografia…” nuk shpreh gjë rreth meritave dhe arsyeve me të cilat lidhej përftimi dhe ndërprerja e bursës nga autoritetet shtetërore të kohës. Gjithsesi, aty për herë të parë konfirmohet zyrtarisht që Hoxha nuk kishte diplomë universitare. Po misteret e raporteve të Hoxhës me regjimin e Zogut nuk mbarojnë këtu. Pavarësisht mënyrës si artikulohen ato nga biografishkruesit besnikë, paradokset nuk mund të mbulohen deri në fund. Mjafton të kujtojmë përshkrimin e dokumentit të KQ për pjesën e jetëshkrimit të diktatorit pas ndërprerjes “së dhunshme” të bursës në Monpelie. Çuditërisht, ai, studenti i penalizuar që në vitin e parë të universitetit nga regjimi, emërohet prej tij konsull i Shqipërisë në Bruksel. Pas një ndëshkimi tjetër aty, rikthehet në atdhe dhe po me kujdesjen e regjimit fillon punë profesor në Liceun e Korçës, ndërkohë që nuk kishte kryer arsimin e lartë (!).
* * *
Enver Hoxha rrjedh nga një familje e mesme intelektualësh. Gjyshërit e tij që kishin marrë mësimet në shkollë turke, kanë qenë kadilerë dhe kanë ushtruar vazhdimisht funksionin e gjykatësit të paqit në Shqipëri, në Maqedoni dhe nëpër territore të ndryshme të Perandorisë Otomane. Si pasuri të trashëguar nga të parët e saj, familja e Enverit kishte vetëm 4 hektarë tokë në fushën e Dropullit dhe shtëpinë e banimit në Gjirokastër. Shtëpia u dogj më 1913, kur imperialistët e megalidesë në Athinë okupuan Shqipërinë e Jugut dhe Gjirokastrën. Që para sa t’i digjej shtëpia, familja e Enverit ishte në varfëri. I ati dhe vëllai i tij, të shtrënguar ekonomikisht, marrin rrugën e mërgimit. Shkojnë në Amerikë për të gjetur punë, por atje nuk qëndrojnë dot më shumë se një vit, nga shkaku se vëllai që kish filluar punën në fabrikën e hekurit të Detroitit u bë tuberkuloz dhe u detyrua të kthehet bashkë me t’atin në Shqipëri. Situata këtu ishte akoma më e vështirë. Shtëpia u qe djegur, i vëllai duhej kuruar, t’ardhura nuk kishin. Në këto kondita jetese e kaloi vegjëlinë e tij Enver Hoxha. Pas okupacionit grek të Gjirokastrës, erdhi okupacioni italian që filloi në Vlorë më 1914 dhe pastaj u shtri gjer në kufijtë t’ona me Greqinë. Enveri kishte filluar atëherë mësimet e para në shkollën fillore të Gjirokastrës. Sidoqë gjendja e varfër e familjes nuk lejonte, prindërit bënë të gjitha sakrificat që të mos e lënë pa shkollë. Nga shkolla fillore Enveri që doli me nota të mira, u fut në shkollën e qytetit të Gjirokastrës, e cila më vonë u transformua në gjysmëlice francez. Mbaroi atë me sukses, por, gjendja e vështirë ekonomike qëndronte si barrierë e pakapërcyeshme për të vazhduar mësimet. Suksesi në gjysmëliceun e Gjirokastrës u bë shkak t’i jepet një bursë në Liceun e Korçës. N’atë kohë, shumica e profesorëve të liceut ishin francezë me tendenca demokratike liberale, kishte në mes tyre dhe me idera më t’avancuara. Në lice, prirjet e Enverit ishin për histori dhe literaturë. Ai studioi mirë literaturën frënge të shekullit të XIX dhe sidomos historinë e Revolucionit Francez. Enveri merrte pjesë n’organizimin e grevave me karakter të brendshme kundër disiplinës dhe rregullave despotike të Ministrisë së Arsimit. Në një rebelim të konviktorëve të liceut kundër kusarive që bëheshin në kurriz të nxënësve, u desh ndërhyrja e xhandarmërisë zogiste të shtypesh. Enveri me disa shokë u arrestuan dhe u burgosën për disa ditë, u përjashtuan gjithëashtu nga shkolla për një javë rresht.
Ishte koha kur në Shqipëri nuk kishte akoma shenja të një lëvizjeje të organizuar. Lëvizja e Vlorës kishte dështuar. Qeverisja e Zogut, që kishte ardhur në fuqi me ndihmën e imperializmit të huaj në dhjetor 1924, kishte ushtruar që në fillim një terror të fortë kundër grupeve dhe organizatave me tendenca demokratike. Kjo situatë solli një demoralizim n‘elementin e lëkundshëm demokrat që s’ kish kockë të rezistonte.
Enveri e mbaroi Liceun e Korçës në 1930 dhe duke pasur përkrahjen e profesorëve iu dha bursë për të ndjekur mësimet e larta në Montpelier të Francës. U regjistrua në degën e shkencave natyrore – seksioni i botanikës – ku bëri vetëm një vit. Gjatë qëndrimit të tij në Montpellie ay pati rastin t’i kushtojë një kohë të veçantë edhe zhvillimit të horizontit të tij letrar. Regjimi i Zogut i preu bursën dhe ay detyrohet të shkojë në Paris për të gjetur punë. Në zyrat e Humanite-së u njoh me kryeredaktorin e organit te Partisë Komuniste frënge, Poul Vaillan Coutourier, të cilit i kërkoi të shkruante në gazetë mbi gjendjen në Shqipëri. Vaillant-i pranoi dhe i botoi disa gjëra. Në Paris Enveri nuk gjeti punë, por u dërgua sekretar i Konsullatës Shqiptare në Bruksel. S’andejmi vazhdoi t’i dërgojë artikuj për në gazetë mikut të tij Vaillant Coutourier. Artikujt kishin të bënin me situatën e rëndë në Shqipëri. Spiunët e Zogut e zbuluan dhe raportuan aktivitetin e Enverit dhe për këtë shkak ay pushohet nga puna dhe detyrohet të kthehet në Shqipëri.
Por, në Shqipëri situata kishte ndryshuar mjaft. Diktatura e Zogut rëndonte më egër mbi masat e gjëra dhe patriotët e intelektualët me tendenca demokratike. Në vitin 1936, Enver Hoxha duke folur mbi varrin e patriot Bojo Topulli hedh parullën e bashkimit. Ay thotë në mes të tjerave: “Ju bëtë aq sa duhet, por djalëria që po mëkëmbet u zotohet se nuk do t’i mungojë as vullneti dhe as kurajoja, kur ka për t’ardhur puna, që të përgatiti një Shqipëri më të mirë. Ne të rinjtë nuk do të kemi për ideal kolltukun, por mbarëvajtjen e atdheut, bashkimin e kombit” Regjimi i Zogut, atyre që nuk ishin me të përpiqej t’i demoralizonte tue mos u dhënë punë. Iu desh kështu Enverit të sillej shumë kohë pa punë, deri sa më në fund u emërua profesor në liceun e Tiranës. Aty e lanë katër muaj dhe pastaj e transferuan në Korçë, profesor të liceut. Aty tanimë elementi progresist ishte i rrallë dhe persekutohej vazhdimisht. Profesorët francezë nuk ishin më ata të parët, por reaksionarë, monarkista, fashista, dishepuj të Charles Mauras. Por, nxënësit kishin bërë hapa përpara, pse rezistenca kundër politikës pro-fashiste të Zogut kishte filluar. Punëtorët e Korçës po organizoheshin dhe influenca e tyre ndihej kudo. Në Shqipëri kishte kohë që kish ardhur nga Europa, ku qëndronte i arratisur, komunisti Ali Kelmendi, organizator i çeliktë që vdiq më vonë tuberkuloz nga vuajtjet nëpër burgjet e Zogut. Me Ali Kelmendin Enveri ishte parë vetëm një herë. Ishte parë në Gjirokastër në kohën e vakancave, kur ay ishte kthyer nga Franca. Ishin ditët e fundit që Aliu do të jetonte në Shqipëri, pse pas një kohe të gjatë internimi kishte marrë urdhër-ekspulsimi jashtë Shqipërisë nga organet e Zogut. Punën më të madhe Aliu e bëri në Korçë, pse ay gjeti punëtor të vendosur si Koçi Xoxen, Sotir Vullkanin, Pandi Kriston, Pilo Peristerin etj. Ay luftoi dhe demaskoi arko-marksistin, Niko Xoxin. Punëtorët Korçarë kishin kaluar nga shumë etapa organizimi, grevat e tyre kishin sjellë ndërhyrjen brutale të xhandarëve të Zogut, arrestimet e ndjekjet e elementit përparimtar bëheshin me seri. Nxënësit e Liceut ishin krahas me punëtorët e Korçës në greva dhe demonstrata. Ata dëgjonin me dëshirë mësimet e profesorit të ri për shekullin e ndritur që pregatiti Revolucionin e Francës dhe këngën e tij për “Zjarrin” e Barbusse-it dhe Romain Rolland.Ishte koha kur duhej të përdornin format legale për organizmin e rezistencës kundra fashizmit. Në këtë drejtim, komunistët e Korçës kishin arritur rezultate të shkëlqyeshme. Me gjithë masat e regjimit për të shtypur lëvizjen, puna vazhdon pa ndërprerje. Në Korçë punëtorët komunistë gjakosin agjentët e fashizmit dhe hedhin zërin e alarmit. Por, pengesat për realizimin e këtij fronti ishin të mëdha. Pengesa kryesore ishte se nuk kishte një parti komuniste t’organizuar që të mund të kanalizonte përpjekjet e përbashkëta,të bashkonte forcat e shëndosha, t’organizonte këto dhe të drejtonte rezistencën. Kishte vetëm grupe komuniste të izoluara dhe të përçara. Pikëpamjet e tyre nuk ishin të qarta. Përpjekjet e grupit komunist të Korçës, u përqendruan pikësëpari për arritjen e një bashkimi në një parti të vetme. Në krye të këtyre përpjekjeve ishte dhe profesori i liceut të Korçës, Enver Hoxha.

Në janar të 1939, qeveria e Zogut që kishte rënë erë të një lëvizje t’organizuar, arreston dhe hedh në gjyq një numër të math komunistash. Në mes të tyre arrestuan dhe shumë veta nga grupi i Korçës. Enveri u kallëzua nga profesorët reaksionarë të liceut si një pjesëtar i kësaj organizate subversive, por qëndrimi heroik i shokëve komunistë t’arrestuar që nuk treguan asnjë emër, detyroi Ministrinë e Mbrëndshme të liminonte arrestimet.
Ngjarjet e ditëve të para të prillit 1939 e gjejnë Enverin në Korçë, gjithnjë në krye të përpjekjeve për organizmin e një fronti të përbashkët anti-fashist. Më 4 prill Korça jep senjolin e kryengritjes. Nën udhëzimet e qendrës së grupit komunist të Korçës, organizohen njëra pas tjetrës demonstrata të mëdha që kishin për qëllim t’armatosnin popullin dhe të formonin çetat e para për të luftuar italianët. Në Bashkinë e Korçës provokohet mbledhja për krijimin e një komiteti “De salut publique”, në mes të delegatëve punëtorë ishte dhe Enver Hoxha. Por, formimi i këtij komiteti u sabotua nga borgjezia reaksionare e frymëzuar nga trockisti Zoi Fundo. Tash shtrohej detyra që populli të rrokte armët dhe të hidhej në një luftë të paprerë kundër okupatorit. Punëtorët e Korçës ishin gati në shënjën e parë t’alarmit. Të rinjtë e qytetit, me nxënësit e liceut në krye, ndiznin në masat e gjëra të popullit urrejtjen dhe shpirtin e luftës kundër zaptonjësit dhe agjentëve të tij. Grevat, protestat, vazhdonin me qëllim që të pengonin okupatorin. Të gjitha këto kishin një burim: grupin komunist të Korçës. Ishte e pamundur kështu që puna e tij të mos binte në sytë e armikut.
Enveri s’mund të qëndronte më në Korçë. Me urdhrin e qendrës së grupit të Korçës ay transferoi aktivitetin e tij në Tiranë. Kjo ishte e nevojshme jo vetëm për të fshehur gjurmët. Në Tiranë, pas shumë kohe pa punë, ay gjeti sa për sy e për faqe një dyqan, dyqanin me emrin “Flora” në Rrugën e Dibrës, i cili u bë shumë shpejt qendra e pjekjeve të vazhduara me shokët që drejtonin dhe organizonin lëvizjen. Tentativat ishin të sqaroheshin mirë grupet e ndryshme në Shqipëri, të hidheshin poshtë pikëpamjet e gabuara, të braktisnin grindjet midis tyre, dhe të bashkoheshin në një parti të vetme, konditë për organizimin e luftës. Duhesh luftuar ashpërisht trockisti Aristidh Qëndro dhe arkeo-marksisti Niko Xoxa, të cilët bënin çmos që grupet e ndryshme të vazhdonin luftën me njëri- tjetrin. Duheshin përpjekje, tratativa për arritjen e këtij bashkimi, për të cilin Enver Hoxha kishte vënë gjithë përpjekjet e tij. Në këtë drejtim, komunistat e grupit të Korçës ishin pro aksioneve direkte kundër invazorit: “trakte, demonstrata, sabotazhe, atentate etj.” Në sabotazhet me këtë vijë hidhet në Tiranë trakti i parë që në muajt e parë të vitit 1941, ku thirrej populli të ngrihesh në luftë. Traktatin e shkroi vetë Enveri, e shtypi vetë dhe ay vetë mori pjesë në shpërndarjen e tij. Kjo fletë mbante si firmë P.K.SH. Ky trakt u ndoq prej një trakti tjetër i shtypur në shtypshkronjë fshehurazi prej komunistit Mihal Duri. Trakte të këtij lloji u hodhën dhe nga grupe të tjera komuniste, po me firma P.K.SH, por përmbajtja dhe qëllimi ishte njësoj me të parat. Çdo grup përpiqej të dilte si Parti Komuniste. Bashkimi nuk ishte arritur, por rezistenca vazhdonte. Gjer atëherë ishin bërë mjaft demonstrata antifashiste, greva dhe kabotazhe. Shumë punëtorë ishin dezertuar nga kantieret dhe fabrikat ku punonin për hesap të okupatorit, shumë të tjerë ishin hedhur në gjyq si sabotatorë. Të rinjtë që thirreshin nën armë nuk paraqiteshin dhe okupatori detyrohesh të merrte masa duke internuar familjet e tyre. Greva të organizuara u bënë në shkollat e Vlorës e të Shkodrës për të kundërshtuar disiplinën dhe rregullat fashiste. Një situatë akoma më e vështirë për armikun u krijua sidomos gjatë luftës italo-greke, ku i tërë populli u ngre kundra me rezistencë pasive ose me sabotazhe dhe shumë herë duke rrëmbyer dhe armët për t’u bashkuar me ushtrinë greke. Komunistat Vasil Shanto, Qemal Stafa dhe Xhevdet Doda natën e dytë pas deklarimit të luftës së Italisë kundra Greqisë kanë shkrojtur në muret e qytetit të Tiranës: “Poshtë Fashizmi, Poshtë lufta italo-greke, të rrokim armët!” Okupatori u shtrëngua të shpërngulë popullata të tëra nga Shqipëria e Jugës, të bëjë arrestime në masë.
vijon nesër…
Të vërtetat e pohuara në ‘46-n, që s’u thanë më kurrë
Enver Hoxha nuk ka qenë ai që na është shfaqur: Engjëlli i Baba Cenit, liceisti shembullor i Korçës, studenti dinjitoz i Montpeliesë, konsulli atdhetar i Brukselit, themeluesi i Partisë Komuniste, antizogisti i palëkundur, armiku i shovinizmit serb, miku i njerëzve të thjeshtë etj. Të parat që kanë shprehur rezerva për të vërtetat e këtij profili kanë qenë mediat perëndimore, të cilat qysh me ardhjen në pushtet, kanë ndriçuar aspekte të dyzuara të personalitetit të tij. Mandej kanë vijuar në këtë linjë kundërshtarët e Enverit, sidomos në vitet e demokracisë. Për herë të parë, gazeta “Panorama” zbulon një dokument zyrtar ku jo vetëm retushohen, por edhe mohohen mjaft nga meritat e diktatorit, të artikuluara prej vitesh. Libri “Enver Hoxha, biografia”, botim i vitit 1946, është një sprovë e KQ të Partisë për të bërë publik jetëshkrimin e njeriut që zuri kreun e vendit pas luftës. (Deri në atë kohë Enver Hoxha punonte në ilegalitet dhe njihej vetëm nga një rreth i ngushtë njerëzish). “Biografia…”, pavarësisht përkujdesjes së autorëve dhe përzgjedhjes së teknikës, qëndroi në qarkullim vetëm pak muaj. Vetë rrjedha e ngjarjeve, pozicioni i ri i protagonistit dhe sundimi i gjithëpushtetshëm i diktatorit, përcaktuan fatin e librit si literatura e ndaluar. Pas kësaj nuk u fol kurrë për të, ca më shumë për përmbajtjen. Ca të vërteta e gjysmë të vërteta të pohuara aty, si ato për shkollimin në Francë, për rolin në mbledhjen e 8 nëntorit, për lidhjen me jugosllavët, për likuidimin e kundërshtarëve politikë, për miqësitë e viteve të luftës, u fashitën si me magji, për t’ua lënë vendin ca artikulimeve të tjera, katërcipërisht të kundërta me to. I pari që vuri dorë në revizionimin e tyre ishte vetë Enveri, i cili në korpusin e librave me kujtime (plot 13 të tillë) serviri një biografi ndryshe nga ajo e vitit ‘46. Duke filluar nga sot, “Panorama” do të botojë tekstin e biografisë së parë të Enverit dhe lexuesi do të ketë rastin të konstatojë morinë e pasaktësive dhe mënyrën e manipulimit të jetëshkrimit të diktatorit.

[Arb]

“Haaretz”: Izraeli duhet ta njoh Kosovën



Në një shkrim të botuar sot, gazeta izraelite “Haaretz” shkruan se të gjitha argumentet e mundshme të Izraelit për mosnjohje të Kosovës janë shterur dhe janë treguar të pabaza. Njëra prej tyre është edhe synimin i palestinezëve për ta bërë Jerusalemin kryeqytetit të Palestinës, por “Haartez” shkruan se shqiptarët nuk e duan kryeqytet Beogradin dhe përbëjnë 90 për qind të popullsisë së Kosovës, gjë që nuk është rasti me palestinezët në Jerusalem.

Gazeta kujton se Kosova është një shtet shumë pro-amerikan, aleatit tradicional të Tel – Avivit dhe se Islami i vet është i moderuar dhe i tillë pritet të mbetet. Duke folur për miqësinë që Tadic thotë se e ka me Izraelin, “Haartez” kujton se Serbia votoi pro anëtarësimit të Palestinës në UNESCO.


“Izraeli duhet të përkrahë evropianizimin e Serbisë, por edhe duhet të mbetet besnik në parimin e vetëvendosjes, mbi të cilin parim edhe është themeluar. Nuk ka vend për lojë këtu. Forma e vetme realiste këtu është një Serbi evropiane dhe një Kosovë e pavarur”, përfundon “Haaretz”. /Telegrafi/

[Neferta]

Lunaqek: Azem Syla te dorhiqet
Në takimin ndërparlamentar Kosova dhe Parlamenti Evropian në Strazburg eurodeputetja, Ulrike Lunacek, e ka ngritur çështjen e deputetit Azem Syla i cili po hetohet nga drejtësia në Zvicër për abuzim me sistemin.

Ajo i bëri thirrje kryeparlamentarit Krasniqi që t’i kërkoj dorëheqje deputit Azem Syla për shkak të imazhit të Kosovës.

“Ne po punojmë shumë për të përmirësuar imazhin e Kosovës por mendoj se rasti i deputetit Azem Syla që po hetohet në Zvicër nuk i kontribuon kësaj çështje, ky është rast i papranueshëm dhe ju zotëri kryetar duhet të kërkoni që ai të dorëhiqet”, ka thënë Luncek.

Në takimin ndërparlamentar Kosova dhe Parlamenti Evropian është diskutuar për dialogun Kosovë-Serbi, si dhe për zhvillimin ekonomik të Kosovës.

[Arb]

Ta scarojme nje send.

Syla ka be ate qe i eshte keshilluar nga doktori Zvicran, "Je i semure keq, sherimin e gjen vetem nese ia msyn per Kosove, edhe vret Shqiptare."

Syla ka be ate qe i eshte keshilluar nga doktori. Doktoret gabojne. Edhe ata jane njerez.

Cfare cmendurie, e jo njerezie. PDK-ja del ne mbrojtje te nje nje njeriu kaq te lige e magjup si Syla, edhe nese Kosoves i zbehet edhe me shume imazhi ne bote."

Kjo lidhet dicka me moton e PDK-se, gjate fushates elektorale, "Se pari Kosova, per t'ia shkerdhy robt."

Urimet me te mira shkojne per anetaresine magjupe te PDK-se. U......

[Neferta]

" KULTIVUESI I BANANEVE ALLA GJILANQE"

I pari i Komunës së Gjilanit, Qemajl Mustafa, i ka dhënë tender në vlerë gjysmë milioni euro kompanisë së bashkortakut të tij dhe kompanisë që i ka bërë fushatën elektorale.
Gjatë vitit 2011 Mustafa i ka dhënë këta tenderë Mustafë Shalës me të cilin janë ortakë në kompaninë “Fruta Viva”, derisa tenderi në komunë është marrë përmes kompanisë “Compact Group”, në vlerë 257 mijë euro.Kompania tjetër “Viva Print”, e cila ishte e kontraktuar që t’i bënte fushatën PDK-së në zgjedhjet lokale në Gjilan, gjatë vitit 2011 ka marrë punë nga komuna në vlerë 255 mijë euro.
Mustafa: Do t’i përkrah aktivistët e PDK-së
Kreu i Gjilanit, Qemajl Mustafa, ka mohuar të ketë ndikuar direkt në dhënien e tenderëve për këto kompani, duke thënë se kompanitë në fjalë kanë marrë punë bazuar në ligj.
“Kompanitë në fjalë, i kanë fituar punët bazuar në ligj dhe 100 për qind ndershëm. Ato kompani kanë bërë punët ndershëm skajshmërisht”, ka thënë Mustafa.
Ai e ka përsëritur qëndrimin e tij, për sa i përket përkrahjes së aktivistëve të PDK-së. “E kam thënë gjatë pesë fushatave zgjedhore dhe po e përsëris edhe tani, që për kushte të barabarta do t’u japim punë dhe punësim me ligj aktivistëve të mirë të PDK-së”, ka thënë Mustafa, duke shtuar se këta aktivistë u kanë mundësuar që kjo parti të vijë në pushtet

[Neferta]

Gani Thaçi është emëruar këtë javë në detyrën e Drejtorit Ekzekutiv të Byrosë Kosovare të Sigurimit (BKS), post që paguhet rreth 4 mijë euro në muaj.

Gani Thaçi, vëllai i Kryeministrit të vendit Hashim Thaçi, këtë javë është avancuar në detyrë. Nga pozita e zëvendësdrejtorit të Shoqatës së Kompanive të Sigurimeve ka kaluar si Drejtor Ekzekutiv i Byrosë Kosovare të Sigurimit (BKS).

Ky institucion mbikëqyret nga Banka Qendrore e Kosovës (BQK) dhe e përfaqëson Kosovën në byronë ndërkombëtare të kartonit të gjelbër. Ky mekanizëm mundëson kalimin e kufijve pa paguar sigurime kufitare shtesë.

Rrahim Pacolli, kryetar bordi i BKS-së, ka thënë të enjten për Gazetën Jeta në Kosovë se “Gani Thaçi i plotësonte më së shumti kriteret për këtë pozitë”.

Bordi Drejtues i kësaj byroje në konkursin e hapur më 29 shkurt e të mbyllur më 6 mars të këtij viti kishte vënë si kriter që drejtori të ketë tri vite përvojë menaxheriale. Thaçi, sipas Pacollit, kishte 3 vjet e gjysmë si zv/drejtor në Shoqatën e Kompanive të Sigurimeve.

Gjithsej ka pasur dymbëdhjetë kandidatë për këtë pozitë.

“Ka pasur edhe kandidatë që kanë pasur më shumë vite përvojë pune. Përvoja e tyre ishte jashtë kompanive të sigurimeve”, ka thënë Pacolli.

Nga të gjithë kandidatët, më së shumti përvojë menaxheriale kishte pasur Nuredin Krasniqi, ish-ushtrues detyre i Kryeshefit Ekzekutiv të Postë-Telekomit të Kosovës (PTK). Më parë ai kishte punuar edhe si Drejtor Financiar në PTK si dhe si administrator i Bankës Kreditore të Prishtinës i emëruar nga BQK’ja pasi banka ishte në falimentim e sipër.

Krasniqi nuk i kishte pëlqyer komisionit pasi i kishte ndërruar shpesh vendet e punës. I kontaktuar nga gazeta Krasniqi nuk ka dashur të komentojë humbjen e tij në garën për drejtor të Byrosë Kosovare të Sigurimeve. As fituesi në këtë konkurs Gani Thaçi nuk ka dashur të komentojë rreth detyrës së re të tij.

Kryetari i Bordit të Byrosë, Pacolli, e ka përshkruar si pozitë me përgjegjësi postin e Drejtorit Ekzekutiv të BKS-së. Paga në këtë vend pune, sipas tij, është afër 4 mijë euro.

Rrahim Pacolli që drejton kompaninë e sigurimeve Siguria për një kohë ka drejtuar edhe subjektin politik Aleanca Kosova e Re (AKR) që është në koalicion me Partinë Demokratike të Kosovës (PDK) që udhëhiqet nga i vëllai i Drejtorit të ri të Byrosë Kosovare të Sigurimeve.

“Nuk ka pasur asnjë intervenim nga jashtë. Nuk më ka thënë askush që të emërojë këtë apo atë. Gani Thaçi ka ardhur në intervistë tek unë dhe i ka plotësuar kriteret për këtë pozitë”, ka thënë Pacolli.

Byroja Kosovare e Sigurimit u themelua më 1 gusht të vitit 2011. Kompanitë e sigurimit që operojnë në Kosovë kishin nënshkruan marrëveshjen për themelimin e saj.

“BQK-ja e konsideron këtë si një hap tepër me rëndësi në procesin e aplikimit të Republikës së Kosovës për anëtarësim në Këshillin e Byrove të Kartonit të Gjelbër”, thuhet në faqen zyrtare të Bankës Qendrore të Kosovës.

BQK-ja është autoritet mbikëqyrës i BKS-së.“Qeveria e Republikës së Kosovës i njeh këtij institucioni statusin e Byrosë nacionale të sigurimit me të drejta të pakufizuara në cilësi të Byrosë pagesë dhe Byrosë trajtuese, që garanton përmbushjen e të gjitha detyrimeve nga sistemi i kartonit ndërkombëtar të sigurimit”, thuhet në Ligjin për Sigurimin e Detyrueshëm nga Autopërgjegjësia përkatësisht në kapitullin ku flitet për Byronë Kosovare të Sigurimeve.

Ky ligj është miratuar në Kuvendin e Kosovës në muajin qershor të vitit 2011.

Byroja po ashtu është përfaqësuese kombëtare në Këshillin e Byrove dhe është përgjegjëse për të gjitha detyrimet që rrjedhin nga anëtarësimi në sistemin e kartonit të gjelbër. Kjo organizatë kryen edhe funksionin e Fondit të Kompensimit për pagesën e dëmeve të parashikuara me këtë ligj.

[Neferta]

Gazeta JnK
Aktakuza e prokurorisë së EULEX-it kundër Sami Lushtakut, Rexhep Hotit dhe katër personave tjerë për fushatë kundër Jeta Xharrës, drejtoreshë e BIRN-it, shtrohet të premten për konfirmim në gjykatën komunale në Prishtinë.
Gjykata Komunale në Prishtinë, të premten duke filluar nga ora 09:30, do të mbajë seancë për konfirmim te aktakuzës ndaj Sami Lushtakut dhe pesë personave tjerë.

Sami Lushtaku, Rexhep Hoti, Arizona Dibra, Avni Azemi, Rizah Hajdari dhe Qani Mehmedi, do të paraqiten para gjykatësit të EULEX-it Dean B. Pineles, për tu deklaruar nëse e ndiejnë vetën fajtorë për veprat penale Shkelja e Statusit të barabartë të banorëve të Kosovës, Kanosje dhe Shpifje, vepra këto të dënueshme në bazë të Kodit Penal të Kosovës.

Gjykata komunale iu ka dërguar të akuzuarave ftesat për të marrë pjesë në seancë.

Aktakuza e ngritur nga prokuroria e EULEX-it akuzon personat e lartcekur se në periudhën Maj- Qershor 2009 kishin nisur një fushatë mediale kundër Jeta Xharrës, drejtoreshë e Rrjetit Ballkanin për Gazetari Hulumtuese (BIRN), duke shkaktuar veprat e lartcekura.

E dëmtuar në këtë lëndë është Jeta Xharra. E tëra kishte ardhur pasi që Xharra kishte udhëhequr një nga edicionet e emisionit “Jeta ne Kosove” në RTK, në të cilin kishte paraqitur keqmenaxhimin dhe kushtet e pafavorshme në Skenderaj, ku Sami Lushtaku shërbente si Kryetar i Komunës.

Fushata ndaj saj ishte zbatuar përmes botimit të artikujve për 12 ditë me radhë në gazetën Infopress, ku në bazë të aktakuzës, ishin përhapur gënjeshtra politike ndaj Jeta Xharrës me shprehjet si “Spiune e Serbisë, bombë profesionale, jetëshkurtër etj”.

E dëmtuara Jeta Xharra ka thënë se i vjen mirë që pas tri vitesh, më në fund, janë ndërmarrë hapa konkretë për t'i vënë para drejtësisë “ata që për 12 ditë me radhë kanë bërë fushatë të hapur kundër fjalës së lirë, duke e keqpërdorur saktësisht lirinë e shprehjes”.

“Liria e shprehjes shkon me përgjegjësi të madhe, prandaj duke u bazuar në legjislacionin që rregullon mediat dhe duke u bazuar në provat që ka mbledhur prokuroria, unë pres që nesër të konfirmohet aktakuza e ngritur dhe që përgjegjësit të marrin dënimin e merituar”.

“Kjo do të ishte satisfaksion jo vetëm për mua por për tërë komunitetin e gazetarëve të cilët janë të interesuar të mbrojnë gazetarinë profesionale”, ka thënë Xharra.

Prokuroria e EULEX-it ka mbledhur provat e nevojshme duke konsideruar se personat e lartcekur kanë shkaktuar veprat e tilla dhe se duhet të japin përgjegjësi për atë që kanë shkaktuar.

[Fshatari]

Postimi origjinal është bërë nga Neferta

Gazeta JnK
Aktakuza e prokurorisë së EULEX-it kundër Sami Lushtakut, Rexhep Hotit dhe katër personave tjerë për fushatë kundër Jeta Xharrës, drejtoreshë e BIRN-it, shtrohet të premten për konfirmim në gjykatën komunale në Prishtinë.
Gjykata Komunale në Prishtinë, të premten duke filluar nga ora 09:30, do të mbajë seancë për konfirmim te aktakuzës ndaj Sami Lushtakut dhe pesë personave tjerë.

Sami Lushtaku, Rexhep Hoti, Arizona Dibra, Avni Azemi, Rizah Hajdari dhe Qani Mehmedi, do të paraqiten para gjykatësit të EULEX-it Dean B. Pineles, për tu deklaruar nëse e ndiejnë vetën fajtorë për veprat penale Shkelja e Statusit të barabartë të banorëve të Kosovës, Kanosje dhe Shpifje, vepra këto të dënueshme në bazë të Kodit Penal të Kosovës.

Gjykata komunale iu ka dërguar të akuzuarave ftesat për të marrë pjesë në seancë.

Aktakuza e ngritur nga prokuroria e EULEX-it akuzon personat e lartcekur se në periudhën Maj- Qershor 2009 kishin nisur një fushatë mediale kundër Jeta Xharrës, drejtoreshë e Rrjetit Ballkanin për Gazetari Hulumtuese (BIRN), duke shkaktuar veprat e lartcekura.

E dëmtuar në këtë lëndë është Jeta Xharra. E tëra kishte ardhur pasi që Xharra kishte udhëhequr një nga edicionet e emisionit “Jeta ne Kosove” në RTK, në të cilin kishte paraqitur keqmenaxhimin dhe kushtet e pafavorshme në Skenderaj, ku Sami Lushtaku shërbente si Kryetar i Komunës.

Fushata ndaj saj ishte zbatuar përmes botimit të artikujve për 12 ditë me radhë në gazetën Infopress, ku në bazë të aktakuzës, ishin përhapur gënjeshtra politike ndaj Jeta Xharrës me shprehjet si “Spiune e Serbisë, bombë profesionale, jetëshkurtër etj”.

E dëmtuara Jeta Xharra ka thënë se i vjen mirë që pas tri vitesh, më në fund, janë ndërmarrë hapa konkretë për t'i vënë para drejtësisë “ata që për 12 ditë me radhë kanë bërë fushatë të hapur kundër fjalës së lirë, duke e keqpërdorur saktësisht lirinë e shprehjes”.

“Liria e shprehjes shkon me përgjegjësi të madhe, prandaj duke u bazuar në legjislacionin që rregullon mediat dhe duke u bazuar në provat që ka mbledhur prokuroria, unë pres që nesër të konfirmohet aktakuza e ngritur dhe që përgjegjësit të marrin dënimin e merituar”.

“Kjo do të ishte satisfaksion jo vetëm për mua por për tërë komunitetin e gazetarëve të cilët janë të interesuar të mbrojnë gazetarinë profesionale”, ka thënë Xharra.

Prokuroria e EULEX-it ka mbledhur provat e nevojshme duke konsideruar se personat e lartcekur kanë shkaktuar veprat e tilla dhe se duhet të japin përgjegjësi për atë që kanë shkaktuar.

birn eshte filiale e tanjugut dhe udebes serbe. Personat qe veprojne ne kuader te kesaj agjensie jane udbash te perbetuar dhe njerez te rresikshem per shqiptaret.
Keshtu eshte kjo mesele e jo ndryshe.

[Neferta]

Nese gjykata e verteton se eshte ashtu si thoni ju ok, Jeta duhet te gjykohet dhe te paditurve te ju paguhet demshperblimi.

[Arb]

Interesant!

Po u akuzua magjupi Sami Lushtaku, automatikisht merr titullin punetor i tanjugut dhe udb-se.

Po tash o magjupet e levizjes popullore te shkinise, edhe pas 13 vitesh pas clirimit, nuk e beni dot pa tanjug e udb a?

http://www.zeri.info/fotografia.php?id=49498

Thaçi e do Mustafën hisedar për veriun
18-03-2012 09:24 CET

Kryeministri Hashim Thaçi ka vendosur të mos e marrë mbi vete përgjegjësinë për çfarëdo zgjidhjeje eventuale që mund të gjendet për veriun e vendit.

Burime të Kohës Ditore kanë bërë të ditur se ai është duke insistuar që në çdo adresim për veriun të jetë e përfshirë me çdo kusht edhe Lidhja Demokratike e Kosovës, si partia më e madhe opozitare në vend.

Një nga zyrtarët e lartë të kësaj partie ka deklaruar se Thaçi ka kohë që ka filluar ta bartë “presionin ndërkombëtar” mbi LDK-në, në mënyrë që edhe kjo parti të bëhet hisedare në ndonjë “kompromis” të mundshëm për veriun.

Por, sipas tij, kryetari i LDK-së, Isa Mustafa, ia ka bërë të qartë Thaçit se LDK-ja nuk do të hyjë në asnjë koncesion për shtetin.

Mustafa, sipas tij, këtë e ka argumentuar me rastin e kundërshtimit të marrëveshjes për përfaqësim të vendit në nisma rajonale me fusnotë që për referencë ka Rezolutën 1244, duke pranuar ta marrë edhe etiketën “antiamerikan” dhe “antievropian”.

“Mustafa ka tërhequr vëmendjen se LDK-ja mund ta tërheqë edhe mbështetjen që i ka dhënë Rezolutës për përfundimin e mbikëqyrjes së pavarësisë, në rast se gjatë përgatitjeve për ta përfunduar këtë fazë, synohet të hyhet në ndonjë kompromis për veriun”, ka thënë zyrtari i lartë i LDK-së. /koha/