Kush i vrau Vellezerit Gervalla,dhe Kadri Zeken??

[MemphiSx]

Eshte hapur debati ne lidhje me vrasjen e Vellezerve Gervalla dhe Kadri Zekes! Edhe publikisht kan fillu me dal figura qe pritet te dalin si organizator te vrasjes se tyre!
Muhamet Kelmendi akuzon Riza Salihun si atentarorin,kurse ky i fundit akuzon sherbimin sekret gjerman!

Kurse Hysen Gervalla ne nje interviste te sotme akuzon Ibrahim Kelmendin nje LPK-ist,si bashkepuntor te UDB-s dhe organizator i vrasjes se ketyre aktivisteve!!

Kush i vrau ne te vertete???



Publikuar: 13.03.2012 - 17:40
Prishtinë, 13 mars - Ibrahim H. Kelmendi, nga fshati Llabjan, Komuna e Pejës, aktualisht, siç thotë ai, me banim në Tetovë ka denoncuar sot në Prokurorinë e Përgjithshme dhe në Prokurorisë Speciale të Republikës se Kosovës Riza Salihun (i lindur në fsh. Mushitisht, Komuna e Therandës) dhe bashkëvrasësesi NN si vrasës të

heronjve Jusuf Gërvalla, Kadri Zeka dhe Bardhosh Gërvalla. Në denoncimin , që njëkohësisht Kelmendi ua ka shpërndarë edhe mjeteve të informimit thuhet:



Meqë denoncimet e herë pas hershme publike nuk kanë lëvizur deri tani organet e hetuesisë dhe të gjyqësisë se Republikës se Kosovës, për të nis hetimet për vrasjen e Jusuf Gërvallës, Kadri Zekës dhe Bardhosh Gërvallës, po ndjehem i detyruar të paraqes denoncim me shkrim pranë prokurorive të sipërpërmendura.

Qysh me datën 18 janar 1982, pranë hetuesisë gjermane kam shfaq dyshimet se doras potencial i UDB-së në vrasjen e heronjve Jusuf Gërvalla, Kadri Zeka dhe Bardhosh Gërvalla është Riza Salihu (i lindur në fsh. Mushitishtë, Komuna e Therandës) dhe bashkëvrasësesi NN. Këtë e kam paraqit edhe para Landgericht (Gjyqi i Qarkut) në Shtutgard, në vitin 1990, kur Riza Salihut i është bërë procesi gjyqësor, si i dyshuar për vrasjen e heronjve Jusuf Gërvalla, Kadri Zeka dhe Bardhosh Gërvalla.

Arsyetimet e atëhershme (dhe të tanishme):

1.Në vitin 1978 Riza Salihu, ka formuar “Grupin Komunist Zëri i Kosovës”. Dyshimi im i atëhershëm dhe i tanishëm: Eprorët e UDB-së e kanë urdhëruar të formojë atë grup, për të identifikuar të interesuarit për veprimtari patriotike e çlirimtare në Gjermani dhe në Kosovë. Veten e tij Riza Salihu e ka caktuar për kryetar të atij grupi. Dëshmitarë për themelim të atij grupi është vet Riza Salihu, pastaj anëtarët Hysen Gega (i lindur dhe me banim në Sallagrazhdë, Lumthat), Maksut Saramati (Zhur, tani në Gjermani), e të tjerë.

2.Qysh në dhjetor të vitit 1979, sapo Jusuf Gërvalla është arratisur në Gjermani, Riza Salihu kohën më të madhe e ka kaluar në stacion të trenit në Shtutgard të Gjermanisë, duke dezinformuar bashkatdhetarët se “UDB-ja ka dërguar udbashin e rrezikshëm Jusuf Gërvalla, për të spiunuar shqiptarët patriot dhe për të përçarë organizatat ilegale...”. Dëshmitarë Hysen Gega, Maksut Saramati dhe dhjetëra të tjerë.

3.Në janar të vitit 1980 Riza Salihu, në cilësi të kryetarit të grupit dhe “në emër të organizatës”, e urdhëron Hysen Gegen për ta vrarë Jusuf Gërvallën, me arsyetim se është UDBash i rrezikshëm. Dëshmitarë unë (Ibrahim Kelmendi), Hysen Gega, Maksut Saramati.

4.Po në janar të atij viti, Hysen Gega, i bindur se Jusufi nuk është i dërguar nga UDB-ja, i bazuar kryesisht në miqësi dhe bashkëpunim me Bardhosh Gërvallën në vitet paraprake, dekonspiron urdhrin e Riza Salihut para Jusufit, Bardhit dhe Ibrahim Kelmendit.

5.Në qershor të po atij viti, pas hetimeve që bëjnë Jusufi, Bardhi, Hyseni, Maksuti, Ibrahimi, organizohet ballafaqimi i Jusufit dhe Riza Salihut në banesë të Hysen Gegës në qytetin Esslingen, për të marrë vendim se çfarë qëndrimi duhet të mbahet ndaj atij urdhri. Të pranishëm në ballafaqim Jusufi, Bardhi, Ibrahimi, Hyseni dhe Maksuti. Jusufi lut që t’i falet krimi Rizasë, me kusht që ndërpres fushatën shpifëse.

6.Në korrik e gusht Riza Salihu organizon vjedhjen e dërgesave postare të Jusuf Gërvallës, Ibrahim Kelmendit dhe të tjerëve. Policia gjermane e zë në flagrancë. Prova: Protokollet e policisë gjermane në Shtutgart.

7.Edhe pasi Riza Salihu ka pranuar kushtin gjatë ballafaqimit me Jusufin, se nuk do të shpif më, ai ka vazhduar me shpifje, se Jusuf Gërvalla është UDBash. Dëshmitarë, pos të më lartë përmendurve, edhe dhjetëra bashkatdhetarë në Shtutgart e rrethinë.

8.Në tetor (tamam koha nuk po me kujtohet) të vitit 1980, me insistim të shumë anëtarëve të “Grupit Komunist Zëri i Kosovës”, shpërndahet ky organizim dhe po në prani të tyre digjet “dokumentacioni” i këtij organizimi, por digjen kryesisht kopjet, sepse origjinalet Riza Salihu nuk i kishte më. Dëshmitarë: Unë, Hysen Gega, Maksut Saramati, Fahredin Tafallari dhe disa të tjerë. I pranishëm ka qenë edhe Jusuf Gërvalla.

9.Riza Salihu edhe pastaj, - edhe pas vrasjes se Jusuf Gërvallës, - ka vazhduar të shpif (dhe vazhdon edhe tani), se Jusuf Gërvalla është kuadër i UDB-së. Dëshmitarë dhjetëra bashkatdhetarë, por edhe vet Hysen Gërvalla.

10.Pas vrasjes se Jusuf Gërvallës, Kadri Zekës dhe Bardhosh Gërvallës, me 18 janar 1982, krye-hetuesi ka biseduar rreth katër orëve me mua në zyrat e policisë në Heilbronn dhe për atë “intervistë“ kam nënshkruar protokoll. Aty i kam shpjeguar rrjedhat, siç i paraqita më lartë.

11.Me 21 janar 1982 policia gjermane ka lëshuar urdhër arresti për Riza Salihun, si të dyshuar për vrasje, duke u bazuar në angazhimet e tij të mëhershme dhe në dëshminë e gjermanit fqinjë të Jusuf e Bardhosh Gërvallës (ndoshta e kanë marrë parasysh edhe informimin tim). Policia gjermane ia ka publikuar foton Riza Salihut në televizione gjermane, duke u lutur qytetarët të informojnë për vendndodhjen e tij. Prova: Arkivat e televizioneve dhe protokollet e policisë gjermane.

12.Në vitin 1989 hetuesia gjermane arrestoi sërish Riza Salihun si të dyshuar për vrasës dhe atij ju bë proces gjyqësor në Gjykatën e Shtutgartit. Edhe unë kam qen i ftuar si dëshmitar. Prova: Lënda e procesit hetimor e gjyqësor në Prokurori e Gjykatës të Shtutgartit.

13.Në vitin 2007 kam botuar romanin ATENTATET, kur e kam paraqit gjithë rrjedhjen e ngjarjeve, para e pas atentatit. Prandaj propozoj që ky roman të merret si provë. Nuk e di para ose pas botimit të romanit jam shkuar në zyra të një kryeprokurori në Kosovë. E kam konsultuar nëse mund të nisin hetimet në Kosovë, duke ia thënë edhe emrin e të dyshuarit për bashkautor të vrasjes. Nga ai kam marrë përgjigje se hetimet i bëjnë vetëm organet e shtetit ku ka ndodhur vrasja, dhe nëse ato na kërkojnë ndihmë, ne jemi të gatshëm dhe të detyruar t’i ndihmojmë. Pastaj kam vizituar ministrin e atëhershëm të drejtësisë, Zotëri Jonuz Salihun, për t’i kërkuar këshilla e ndihmë që të fillojnë hetimet për ato vrasje në Kosovë. Ai me ka thënë se do të konsultohet me këshilltarë profesionalist dhe do me kthej përgjigje, por përgjigje nuk mora asnjëherë.

14.Edhe për shkak të pazotësisë për të bindur organet kompetente në Kosovë që të nisin hetimet, pranova të bashkëbisedoj me Bedri Islamin dhe të denoncoj publikisht Riza Salihun, si vrasës potencial. Prandaj propozoj që edhe libri i Bedri Islamit: “Lëvizja / lindje e përgjakur / bashkëbisedim me Ibrahim Kelmendin” të vlerësohet si provë.

15.Në prononcimet publike të Riza Salihut, të mërkurën e kaluar dhe dje, Riza Salihu thotë se “vrasës tëJusuf Gërvallës, Kadri Zekë dhe Bardhosh Gërvallës kanë qenë dy policë gjerman të policë sekrete gjermane, kurse Ibrahim Kelmendi ka qenë informator i paguar i asaj policie” (perifrazim i përafërt). Kërkoj që këto prononcime të tij të merren si prova.

16.Për shpifjen se unë kam qenë informatorë i paguar i policisë gjermane po i bëjë kallzim penal (nëse ma pranoni me këtë shkresë).

Për shkak të interesimit dhe shqetësimeve të mëdha të qytetarëve në Kosovë, për shkak të rëndësisë se zbulimit të dorasëve vrasës të Jusuf Gërvallë, Kadri Zekë dhe Bardhosh Gërvallës, lus që të fillohen hetimet.

Para hetuesve kompetent do të bëjë të njohur edhe emrin e të dyshuarit të dytë, si bashkautor në vrasje, thuhet në denoncimin e Kelmendit.





Salihu: Nuk jam vrasësi i vëllëzërve Gërvalla
Pas rrëfimit që e ka bërë, në Klan Kosova, Ibrahim Kelemendi, i cili ka akuzuar Riza Salihun si autor të vrasjes së Jusuf e Bardhosh Gërvalla e Kadri Zeka, ka ardhur rrëfimi edhe nga ky i fundit.Salihu gjatë një interviste në emisionin ‘Zona B’ në këtij televizioni, ka thënë se Ibrahim Kelemdi ka shpifur dhe gënjyer, sipas tij dhe gjitha ato që i ka thënë Kelmendi janë dezinformata.
Ai ka mohuar kategorikisht të jetë i involvuar në këtë vrasje, megjithëse pranon se është takuar disa herë me Jusuf Gërvallan dhe po ashtu pranon se ka kontrolluar postat e tij dhe për këtë shkak ishte arrestuar asokohe nga policia gjermane. “Postën e kontrollova sepse kisha dyshime se ata ishin në shërbim të agjencive inteligjente të Jugosllavisë”, ka thënë Saihu. Ai ka rrëfyer se atëherë ka udhëhequr një organizatë me emrin ‘Zëri i Kosovës’.
Më tej Salihu është shprehur i bindur se vrasjen e ka bërë policia sekrete gjermane. Sipas tij në momentin kur ishte arrestuar, policia i kishte thënë se Jusufi do të vritet dhe sipas tij vrasja ndodhi një vit më pas

[Bajlozi i Zi]

Me nje te menduar paksa ma analitik, del qe eshte shumë e logjikshme qe shqiptari e vret shqiptarin.
Kjo eshte nje sjellje ose tradite thelle e ngulitur ne nenvetedijen e tij.

Nese bejme nje krahasim te thjeshte me popuj tjere, atehere krejt lehte mund ta nxjerrim gjykimin secili:

Shqiptari, nje trim i madh, burre i forte: me çka do të merret trimi i madh e legjendar shqiptar atje në majën e malit? Normal qe do të luftojë me të ngjashmit e tij, qe jane po aq trima të çartur sa ai, përderisa guxojnë dhe ngjiten në këto male.
Po kur këtyre qe guxojne te ngjiten ne male t’u jetë shfarosur fara, me kë tjetër do të merret ky trimi i çartur shqiptar përveç se me trimat e tjere shqiptarë? Pastaj kur te shfarosen edhe keta, ai trimerine do ta ushtroje ndaj vëllaut e së fundi ndaj vetvetes. Sepse trimi i cartur e burri i forte, s'duhet te humbe kohen kot, ne cdo moment duhet ta tregoje trimerine e tij.

Ndërkohë, për shembull, francezi:
Ky francezi qe nuk eshte trim i cartur, eshte nje smutan i lodhur që nuk guxon të përleshet me askënd, bile me vetveten hiç se hiç. Keshtuqe thjesht sa për t’u marrë me diçka, ky smutani francez do t’ju
përvishet sendeve palidhje – fushave, bujqësise, minierave e fabrikave.
Thjesht sendeve qe nuk kanë shpirt, e qe nuk iu hyhet ne hak.

[Zero Cool]

Gazetari kroat:
UDB-ja nuk gjente shqiptarë, për të vrarë shqiptarë



“Serbët i kanë vrarë serbët, kroatët i vrisnin kroatët, boshnjakët i vrisnin boshnjakët, derisa serbët i kanë likuiduar edhe shqiptarët”, ka thënë gazetari dhe publicisti kroat, Zeljko Peratovic, duke folur për vrasjet e kryera nga UDB-ja serbe në ish-Jugosllavi.


Gazetari kroat, Peratovic i cili për një kohë të gjate merret me hulumtimin e vrasjeve politike në ish-Jugosllavi, ka deklaruar se vrasjet e disidenteve që ishin larguar nga vendi, UDB (Sigurimi Shtetëror Jugosllav) i ka kryer në mënyrë specifike.

Ai ka thënë se UDB-ja ka gjetur bashkëpunëtorë që kanë kryer vrasje të bashkëkombësve të vetë,“serbët i kanë vrarë serbët, kroatët i vrisnin kroatët, boshnjakët i vrisnin boshnjakët, derisa serbët i kanë likuiduar edhe shqiptarët”.

“Vetëm për shqiptarët nuk ka vlejtur kjo rregull pasi që UDB nuk ka mundur të gjejë shqiptarë për të vrarë shqiptare", ka thënë Peratovic per "Blic"

Vrasjet e kryera në kohën e ish Jugosllavisë janë ri-aktualizuar pas arrestimeve të ish shefave të UDB-së në Kroaci sot gjatë ditës.

Tashmë dihet se ky shërbim famëkeq (UDB-ja) ka qenë i përfshirë në vrasjet e Jusuf e Bardhosh Gervalles dhe Kadri Zekës në Gjermani dhe Enver Hadrit në Belgjikë.

Vrasja e Jusuf e Bardhosh Gërvallës, Kadri Zekës por edhe e Enver Hadrit zyrtarisht është bërë publike nga Kuvend i Serbisë pas vit 2003, si dhe nga publikimet e bëra nga oficer të shërbimit të cilët ishin organizatorë të këtyre akteve.

Nga kjo rezulton se SDB në këto akte terroriste kishte angazhuar ekipe të posaçme në përbërje të së cilës ishin: Zelko Raznjatovic-Arkan, Ratko Gjokic, Dragan Malesevic-Tapija, Gjorgje Bozovic-Gishka, si dhe ekipi i dytë Veselin Vukotic (Vesko), Andria Lakonic, dhe Darko Asanin.

Në vrasjen direkte të Jusufit, Kadriut dhe Bardhoshit atentatorë kanë qenë Zelko Raznjatovic-Arkan dhe Gjorgje Bozovic-Giska.

Për këtë arsye, Sekretari Federativ i Punëve të Brendshme, Stane Dolanc, shumë vite më vonë pati deklaruar se “Arkani ka qenë më i dobishëm se i gjithë shërbimi”, kurse ai përpos privilegjeve dhe shumave të parave, nga Sekretariati Federativ i Punëve të Brendshme si dhuratë kishte marrë një pistoletë të dekoruar me ar.

[Zero Cool]

Zv. Kryministri i Kosovës – Behgjet Pacolli, i perfshir ne Dosjen e vrasjes së Jusuf e Bardhosh Gërvalla dhe Kadri Zeka



Më 15. 01. 2014, në emisionin "Rubikon" të KTV'së, Donika Gërvalla, vajza e Jusufit, i vrarë para 32 vitesh në Untergruppenbach të Gjermanisë, bashkë me vëllaun Bardhoshin dhe bashkëveprimtarin Kadri Zeka, ka thënë se në dosjen e vrasjes së Jusuf e Bardhosh Gërvallës dhe Kadri Zekës ka edhe emra të Qeverisë aktuale të Kosovës. "Emra të zyrtarëve të Qeverisë së Kosovës janë pjesë e dosjes hetimore, dhe përmenden në këto dosje”, - ka thënë Donika Gërvalla në "Rubikon" të KTV’së. Donika ka theksuar se Jusuf e Bardhosh Gërvallën dhe Kadri Zekën i ka vrarë UDB'a. "Atentati ishte kryer nga një grup profesionistësh nga struktura të UDB’së. Unë nuk kam njohuri për emra të tillë. Drejtësisë gjermane duhet t’i lihet t’i zbardh faktet” - ka thënë ajo.








Ndonëse Donika Gërvalla nuk ka përmendur emra të zyrtarëve të Qeverisë së Kosovës që janë pjesë e dosjes hetimore, një burim që dëshiron të mbetet anonim, ka thënë se, në dosjen e vrasjes së vëllezërve Gërvalla dhe Kadri Zeka, është i përfshirë Zëvendës Kryeministri i Kosovës, Behgjet Pacolli. Sipas këtij burimi, Behgjet Pacolli, ditën e vrasjes (më 17 Janar 1982) ka qenë në Tiranë, ndërkohë që vetura e tij, të cilën z.Pacolli e kishte deklaruar se ja kanë vjedhur, dyshohet se është përdorur gjatë kohës së vrasjes.



Zv.Kryeministri i Republikës së Kosovës, Behgjet Pacolli







Behgjet Pacolli njihet si njëri nga biznesmenët më të fortë, me firmën "Mabetex - Project Engineering", me seli në Lugano të Zvicrrës. Ai në mars 2006 themelon "Aleancën Kosova e Re - AKR", të cilën fillimisht e ka cilësuar si organizatë biznesore, por me kalimin e kohës e shndërron në parti politike, edhe pse shumë herë ka deklaruar se nuk dëshiron të merret me politik. Sidoqoftë ky biznesmen i njohur, më 4 janar 2006 (pikërisht në kohën kur në Vjenë po vazhdonin negociatat Prishtinë-Beograd, me ndëmjetësimin e Ahtisarit, për statusin e Kosovës) zhvillon një intervistë të gjatë (prej 8 faqesh) në gazetën serbe "Nedeljni Telegraf" me titull: "Sudbina regiona je u rukama Beograda: KOSOVO NE MOZHE BEZ SRBIJE - Fati i rajonit është në duar të Beogradit: KOSOVA NUK MUNDET PA SERBINË". Në këtë intervistë të gjatë, kjo gazetë për herë të parë publikon edhe shumë fotografi të z.Behgjet Pacolli, dhe në mesin e tyre publikon një fotografi me Mercedesin e tij (1980) dhe një foto, të dalur në vitin 1981 në Restorant "Dora" në Prishtinë, me UDB'ashin Selim Brosha, emri i të cilit shpeshherë është përmendur si njëri i implikuar në vrasjen e vëllezërve Gërvalla dhe Kadri Zeka. Madje edhe në procesin gjyqësor kundër Sllobodan Millosheviçit në Hagë, një dëshmitar i mbrojtur (ish'UDB'ash shqiptar) me Kodin K-6, në seancën gjyqësore të datës 10 qershor 2002 ka pranuar se në vrasjen vëllezërve Jusuf e Bardhosh Gërvalla është përfshirë edhe punëtori i shërbimit sekret, Selim Brosha.





Prishtinë, 1981 - Restorant `DORA`: UDB'ashi Selim BROSHA (i pari nga e majta) duke ngrënë e pirë me bisnesmenin Behgjet PACOLLI (në mes) - aktualisht zv.kryministër në qeverinë e Kosovës! ( UDB-ashi Selim Brosha gjatë viteve të 70'ta dhe 80'ta ka rrahur e gjymtuar mijëra atdhetarë, të cilët u dergjën burgjeve të ish'jugosllavisë!!!). Fotografia lartë: Behgjet Pacolli me mercedes.



E shkëputur nga gazeta "Nedeljni Telegraf", 4 janar 2006, fq.11












BEHGJET PACOLLI: "Sudbina regiona je u rukama Beograda: KOSOVO NE MO�E BEZ SRBIJE - Fati i rajonit është në duar të Beogradit:


KOSOVA NUK MUNDET PA SERBINË".

[Zero Cool]

Gega, Buxhovit: “Terroristë” ishim e mbetshim në bindjen tënde dhe të millosheviqëve!



Hysen Gega, ish i burgosur politik dhe veteran i UÇK-së, reagon ndaj deklaratave të Jusuf Buxhovit, të dhëna më datë 22 janar 2014, në emisionin “Rubikon” të KTV-së.








Siç dihet, Gega e ka akuzuar Buxhovin se e ka marrë në pyetje në Sekretariatin e Prishtinës, përkitazi me vëllezërit Gërvalla. Hysen Gega ishte arrestuar më 31 dhjetor 1980. Hetimet ndaj tij kanë zgjatur rreth gjashtë muaj. Sipas deklaratave të tij, atë e kanë marrë në pyetje Mehmet Lumi, Lorenc Selmani dhe Adem Ibrahimi. Ndërsa, në fillim të janarit 1981, ka thënë se atë e ka marrë në pyetje edhe Jusuf Buxhovi.

Buxhovi, në Rubikon të KTV-së ka reaguar se ata që e akuzojnë rreth vëllezërve Jusuf e Bardhosh Gërvalla e Kadri Zeka, kanë qenë bashkëpunëtorë, madje më ekstremistë të UDB-së jugosllave. Sipas tij, këto akuza kanë filluar pas daljes në skenë të LDK-së, duke shtuar se qëllimi i akuzave ishte njollosja e LDK-së dhe e veprimtarëve të saj, ndër të cilët e llogarit veten. Buxhovi po ashtu thotë se sipas BND-së gjermane, Hysen Gega është terrorist dhe LPK ishte në ndikim të KGB-së.

Gega, i lindur më 1950 në Sallagrazhdë, sipas njohësve të biografisë së tij, që në moshën e re aktivizohet në grupet ilegale kundër regjimit jugosllav. Ai dënohet me 12 vjet burg, të cilin e mban në burgun famëkeq CZ në Beograd. Pas vuajtjes së dënimit, në vitin 1993 përsëri do të arrestohet dhe burgoset me tre vjet e gjysmë. Pas lirimit nga burgu, më 1997 do të angazhohet në radhët e UÇK-së. Në Kosovën e çliruar do të tërhiqet nga aktiviteti politik për t’u marrë me bletari.

Në vitin 1978 Riza Salihu thuhet se ka formuar “Grupin Komunist Zëri i Kosovës”. Sipas dëshmive të plasuara deri tash, në janar të vitit 1980 Riza Salihu, në cilësi të kryetarit të grupit e urdhëron Hysen Gegen për ta vrarë Jusuf Gërvallën, me arsyetim se është UDB-ash i rrezikshëm. Gega në deklaratë e tij ka thënë se Salihu ia kishte dhënë revolen ta vras Gërvallën.

“Riza Salihu thoshte dhe propagandonte se Jusufi (Gërvalla) është agjent i UDB-së. Pohimet e tij më shtynë që unë të bëja pyetje në ambasadën shqiptare në Vjenë se mos kishin ndonjë fakt për Jusufin. Aty atëherë ishte njëri, që më duket se quhej Simon Qirici, sekretar i parë, ndërsa vetë ambasadori ishte farefis me Avni Rrustemin. Prej tyre mora garancinë se Jusufi është i pastër dhe se mund të bashkëpunonim lirisht e pa asnjë rezervë me të. Ata madje edhe na rekomandonin bashkëpunimin”, ka thënë Gega në një intervistë më 2012.

“Megjithatë, edhe pas këtij episodi ai vazhdonte shpifjet e tij kundër Jusuf Gërvallës, duke shkuar aq larg sa në një rast më tha: ‘I vjen keq se s’ka kush e bën, sepse ai madje e meriton edhe plumbin”, duke nxjerrë me këtë rast edhe revolen e duke më thënë: ‘Ja merre këtë dhe vrite, sepse ai e meriton plumbin”, propozim të cilin ia refuzova me fjalët: ‘Më mirë mbaje për vete, sepse mund të të duhet ndonjë ditë për të vrarë veten’. Për këtë përcaktim të Rizait pastaj informova Ibrahimin, Jusufin dhe Bardhin”, ka thënë Gega.

Në një intervistë të shkëputur nga libri: “Terror, dhimbje, qëndresë“, i Faridin Tafallarit, Gega për arrestimin dhe hetimet kundër tij ka thënë: “Kah fundi i hetimeve më ka marrë në pyetje edhe Adem Ibrahimi. Por, në fillim të janarit 1981, data e saktë nuk më kujtohet, po ashtu më ka marrë në pyetje edhe Jusuf Buxhovi. Kështu ma kanë prezantuar atë. Për Jusuf Buxhovin kisha dëgjuar më parë se ishte korrespodent i ‘Rilindjes’ në Bon, por nuk e kisha parë kurrë me sy”.

Se a ka pasur ndonjë pyetje të Buxhovit rreth vëllezërve Gërvalla, Gega thotë: “Jo, ai s´më pyeste asgjë për ta, vetëm se i ofendonte, i shante. Thoshte se ata janë në një rrugë të gabuar, se ne kurrë s´kemi qenë më mirë”.

Gjatë hetuesisë, Gega thotë se në muajin qershor, në zyrat e Sekretariatit të Punëve të Brendshme në Prizren, Mehmet Lumi i kishte thënë: “Do të lëshojmë prej burgut e do t´i bëjmë të gjitha kushtet e mundshme, do të japim armë çfarë të duash, kemi armë speciale… Shko likuidoi vëllezërit Gërvalla, ose Ibrahim Kelmendin! Të holla, përveç shpenzimeve, njëqindmijë marka më tepër i ke”!

Por, Gega ka refuzuar. Dhe, atentati në Shtutgard, ku vriten vëllezërit Gërvalla dhe Kadri Zeka, kryhet derisa Gega vuan dënimin.

Në artikullin “Duhet thyer heshtja”, Donika Gërvalla shkruan këto fjalë, duke iu referuar Gegës si viktimë edhe e tradhtisë shqiptare: “Nuk duhet të heshtet as për atë burrë që e dërguan me armë tek babi në shtëpi që ta vriste. Babi, pa i nuhatur aspak qëllimet e tij, gjatë bisedës së gjatë që zhvilluan e bëri që të nxjerrë armën, ta vërë para vetes në tavolinë dhe t’i thotë: ‘Jusuf, bëj çfarë të duash me mua. Unë kam ardhur të të vras, sepse më patën bindur se je tradhtar. E shoh që qenkam mashtruar’. Përgjigjja e Babit ishte miqësia që i ofroi. Po i njëjti person, një atdhetar i flaktë dhe i pakompromis, nga të njëjtët njerëz dërgohet në Kosovë, bie në kurth dhe dënohet me 14 vjet burg. Një viktimë e regjimit jugosllav dhe njëkohësisht një viktimë e tradhtisë shqiptare”.

Se gisht në këtë vrasje mund të kishte ndonjë shqiptar, dyshime ka patur edhe i ndjeri Jusuf Gërvalla, për të cilin thuhet se në spital, në prag të vdekjes kishte thënë: “Nëse vrasësi është shqiptar, mos u zbuloftë kurrë”.

Ndryshe, në reagimin e tij dërguar mediave sot, Gega thotë se Buxhovi ka gënjyer, në përpjekjet e “tij të dëshpëruara për të shpërlarë diç nga biografia tij e pistë”.

“Ai bëri edhe disa akuza të tjera të cilat nuk i ka bërë më keq as vet kasapi i Ballkanit, (Slobodan) Milosheviqi gjatë misionit të tij kriminal për t’i shfarosur shqiptarët. Para këtyre akuzave të poshtra nuk munda të heshtë dot”, thotë Gega në këtë reagim.

“Në këtë intervistë Buxhovi tha se të gjithë ata që qenë pjesë e organizatave atdhetare, që i organizuan demonstratat gjithëpopullore kundër Jugosllavisë më 1981, dhe e bënë luftën për çlirimin e Kosovës më 1998-99, për të nuk janë gjë tjetër pos terroristë. Kjo është një akuzë nga më të egrat dhe më ë antikombëtaret që ka mundur ta bëjë dikush ndonjëherë dhe për këtë do të duhej të viheshin në lëvizje organet e akuzës”.

Gega e akuzon Buxhovin se ka qenë dhe vazhdon të jetë një proserb, sepse për vrasjen e Jusuf e Bardhosh Gërvallës dhe Kadri Zekës, mendon njëjtë “sikur ish-nomeklatura titiste dhe udbashe, se vrasja e tyre kishte qenë ‘qërim hesapesh mes bandash kriminale shqiptare’”.

“Ky ishte lajmi zyrtar i Tanjug-ut jugosllav më 18 janar 1982 që e citonte gazeta ‘Rilindja’... Pra, për vrasjen e Gërvallajve dhe të Kadri Zekës, Buxhovi ndan sot mendim të njëjtë sikur dikur policia sekrete jugosllave. E, tashti, kush mund të më bind mua se këtë lajm dhe këtë komunikatë të policisë sekrete jugosllave nuk e ka shkruar dhe nuk e ka konstruktuar vet Jusuf Buxhovi”?

Gega, në reagimin e tij, përsërit se pas arrestimit tim ai është intervistuar edhe nga Buxhovi.

“Gjatë gjithë kohës ai i fyente dhe i mallkonte Gërvallajt dhe Ibrahim Kelmendin; i quante armiq të Jugosllavisë dhe bashkëpunëtorë të regjimit të Shqipërisë. Po ashtu, nga kjo bisedë kuptova se Buxhovi kishte qenë i informuar në detaje me aktivitetin e Lëvizjes në Perëndim, duke më thënë se i kishte përcjellë dhe i kishte raportuar lëvizjet dhe punët e mia dhe të shokëve të mi, Jusuf Gëvallës, Bardhosh Gërvallës dhe Ibrahim Kelmendit dhe të tjerëve”.

Gega thotë se kontaktin tjetër me Buxhovin e kishte pasur më 1991, pas daljes nga burgu, në një takim ku deklaron se ishte ballafaquar verbalisht me Buxhovin.

“Me sa mbaj mend këtë ballafaqimi e kishte ideuar Bujar Bukoshi, ndërsa në takim ka qenë Kadri Bala, ish-sekretar i Degës së LDK-së në Suharekë. Më duhet të them se Buxhovi, si i pafytyrë që është, gënjeu në intervistën tek Rubikoni, kur tha se unë kinse u paskësha zënë ngushtë dhe kinse gati sa nuk paskësha qarë (...) Së pari dua t’i them Buxhovit se unë jam përballur me sfida të rënda njerëzore në jetë, të rrezikshme, me dhunë barbare, me kërcënime, me tyta bajonetash në fyt, por kurrë s’jam dhënë, e aq më pak të zihem ngushtë para një palo-burri siç ishte Buxhovi. Se në atë ballafaqim nuk i kam kërkuar falje Buxhovit dhe as që më ka shkuar mendja për një gjë të tillë, kam dëshmitar z. Kadri Bala.

Në intervistën tek Rubikoni, mes përpëlitjeve të dëshpëruara në të cilat e ka hedhur ky akt qyqar dhe lig, Buxhovi ndryshoi deklaratën nga ajo e vitit 1991. Tha se në atë datë kur më kishte intervistuar si hetues, në cilësinë e gazetarit paskësh qenë bashkë me Fadil Hoxhën në një vizite zyrtare në Afrikë (...), ndërsa në ballafaqimin e vitit 1991 pati thënë se kishte qenë në vizitë zyrtare në Indokinë (...) Dale more burrë, se Afrika është e madhe, në cilin vend konkretisht paske qenë!? Gënjeve më 1991, tani, apo në të dyja rastet?

Me anë të këtij reagimi publik, për hir të së vërtetës historike, edhe një herë dua të dëshmojë publikisht se, anëtarët Lëvizjes dhe ish-të burgosurit politikë, u afruan me radhët e Lidhjes Demokratike të Kosovës më 1990 dhe 1991, për hir të unitetit kombëtar... Unë i them Jusuf Buxhovit se, në atë kohë nuk e kam ditur se ai e paskësh themeluar LDK-në. Po ta dija këtë fakt, natyrisht, nuk do të afrohesha kurrë në ‘partinë e tij’. Ne kemi besuar se atë parti e kishte themeluar Ibrahim Rugova, bashkë me Bujar Bukoshin, Zejnel Kelmendin e të tjerë...

Buxhovi, si një spekulant i shkollës serbe, që gënjen në sy e fare nuk skuqet, bëri një spekulim idiot tek ‘Rubikoni’ kur tha se Hysen Gega dhe marksistë-leninistët janë terroristë dhe të rrezikshëm të cilët i djegin librat... Buxhovi me asnjë predispozitë nuk ngjan në një intelektual. Diskursi i tij, i folur dhe i shkruar, nuk i kapërcen dot dijet e një polici të rëndomtë... Dua t’ia bëjë me dije Buxhovit një fakt, se në mesin e disa librave që kam në bibliotekën time modeste, e kam edhe librin modest të tij të shkruar dhe të botuar kaherë ‘Shënimet e Gjon Nikollë Kazazit’, të cilin nuk e kam djegur kurrë dhe as që më shkon mendja ta bëjë një gjë të tillë. Dua t’i them Buxhovit se ne, siç na quajti ai ‘terroristët epokës së Kallashit’, nuk djegim libra. Të egër, barbarë dhe terroristë ne jemi cilësuar vetëm nga Milosevici dhe nga Jusuf Buxhovi. Mbase të tillë qemë ne, jemi tani, dhe ashtu qofshim në mendjen dhe në bindjen e Buxhovit dhe të millosheviqëve”, thuhet në reagimin e Gegës.