Hajnia e shekullit - Page 6

**Zero Cool** · 29-01-13, 12:38

Bukoshi: Kam qenë mjaft transparent për 3-përqindëshin

Ish-kryeministri i Qeverisë në mërgim, Bujar Bukoshi, ka thënë se deri tash ka qenë mjaftueshëm transparent rreth fondit të 3-përqindëshit. Në një prononcim për portalin Telegraf, Bukoshi ka theksuar se nuk mërzitet shumë për llafet që thuhen herë pas here për këtë çështje.
Së fundi, ish-funksionari i lartë i LDK-së në diasporë, Hafiz Gagica, në një intervistë për emisionin Pressing të KTV-së, u ka kërkuar llogari ish-menaxherëve të Fondit 3-përqindësh për mënyrën se si janë përdorur këto para, ndërsa ka thënë se për këtë duhet të flasin sidomos Bujar Bukoshi dhe Isa Mustafa, i cili asokohe ka qenë ministër i Financave në Qeverinë në mërgim.

“Unë kam qenë transparent deri tash për këtë çështje, por mund të jem ende më transparent. Varet se kush dhe si kërkohet kjo”, ka thënë Bukoshi.

Në “Pressing”, Gagica kishte kërkuar edhe nga organet e drejtësisë që të merren me këtë çështje, duke thënë se nuk mjaftojnë vetëm deklaratat nëpër media. Gagica ka thënë se ish-kryeministri Bukoshi duhet të sqarojë edhe rreth shitjes së ish-“Dardania bank”, e cila menaxhonte të hyrat nga fondi 3-përqindësh.

Pas përfundimit të luftës, një pjesë e ish-fondeve të ish-Qeverisë Bukoshi, patën kaluar në kuadër të ish-fondit UFORK, drejtuesit e të cilit deklarojnë se paratë u shfrytëzuan për qëllime të rindërtimit të vendit.

PS: Nese nuk kam harru, pas lufte u ndertuan nja 7-8 shtepi 1 kateshe dhe mbaroi fondi i 3%shit ! Tybe ma hajna se LDK-istat ska ...:P

**Zero Cool** · 04-04-13, 17:05

Kontribuuesit e 3 % duan llogari financiare në Shqipëri e Kosovë

Berlin, 04.04.2013

Grupi i veprimtarëve dhe kontribuuesve në ish- Fondin e Republikës së Kosovës në Gjermani kanë kërkuar nga organet financiare në Shqipëri dhe Kosovë të japin përgjigje se si janë menaxhuar mjetet e Fondit të trepërqindëshit dhe ato të “Dardania Bankës”.

Në një deklaratë për media, të nënshkruar nga përfaqësuesit e këtij grupi, Nezir Fejza dhe Emrush Çeku, thuhet se procedura për verifikimin se ku kanë shkuar dhe si janë menaxhuar këto mjete tanimë është në shqyrtim e sipër nga organet kompetente gjermane.

"Njëkohësisht, njoftojmë mediet dhe organet shtetërore në Shqipëri dhe Kosovë, se në të njëjtën kohë është bërë kallëzim penal kundër ish-kryeministrit të Qeverisë së Kosovës në ekzil, z. Bujar Bukoshi, dhe përgjegjësve të tjerë, të cilët kanë pasur qasje në xhirollogaritë rrjedhëse të Fondit të Republikës së Kosovës. Dhe se lënda i është dorëzuar Ministrisë së Punëve të Brendshme të Bayernit, Ministrisë së Apelit në Baden Württemberg, si dhe Ministrisë shtetërore të Financave të Republikës së Bayernit, për shqyrtim të dokumentacionit përkatës të Fondit të trepërqindshit (3%), i cili, siç dihet, ka qenë nën kompetencat e ish-Qeverisë së Kosovës në ekzil, në periudhën e viteve 1992-2012“, thuhet në deklaratë. Autoritetet financiare gjermane, sipas njoftimit, do të bëjnë edhe verifikimi e pagesës së tatimeve për mjetet financiare që ka poseduar Fondi.

Këtë proces gjyqësor pranë organeve gjermane e ka iniciuar një grup i veprimtarëve dhe kontribuuesve që kanë paguar në mënyrë obliguese mjetet e tyre financiare në këtë fond, duke kërkuar në të njëjtën kohë nga organet e drejtësisë në Shqipëri dhe Kosovë, si dhe nga EULEX-i, që ta hetojnë dhe bëjnë transparent menaxhimin e këtij fondi. Por, sipas njoftimit, „deri më sot nuk kemi marrë asnjë konfirmim me shkrim nga këto organe.

Gjithashtu, ky grup ka bërë kërkesën me shkrim pranë organeve kompetente në Tiranë dhe Prishtinë që të verifikohet se si janë menaxhuar mjetet financiare të “Dardania Bankës”, pra se ku kanë përfunduar dhe si janë shpenzuar ato mjete, përkatësisht si janë bërë transaksionet nga Fondi ish-Republikës së Kosovës në Gjermani në këtë bankë dhe me çfarë kritereve financiare .

"Para se të luftohet korrupsioni në Kosovë kërkohet që paraprakisht të spastrohen dhe të sqarohen të gjitha dilemat dhe dyshimet rreth keqmenaxhimit të mundshëm të mjeteve të paguara në këto fonde nga mijëra bashkatdhetarë tanë për lirinë dhe pavarësinë e Kosovës, siç ishte Fondi i trepërqindshit i RK, si dhe fonde të tjera“, thuhet në deklaratë, raporton Koha Ditore.

**Zero Cool** · 17-04-13, 16:20

Isa Mustafa me pesë paga

Kryetar i Prishtinës, Isa Mustafa del të jetë një nga ata nuk ia di fundin të hyrave vjetore, pasi që merr pesë paga, konkretisht 36.181 euro.

Tek deklarimi i pasurisë është thënë se janë gjashtë zyrtarë të lartë publik në vend që mbajnë nga pesë vende pune dhe marrin paga, i tillë del të jetë i pari i Prishtinës dhe LDK-së.

Ai gjatë deklarimit të pasurisë ka shkruar se ka pagën vjetore si kryetar i Komunës prej 12 mijë e 681 euro, pastaj honorar nga Universitetit të Prishtinës merr 9 mijë e 500 euro, honorar nga Akademia e Shkencave dhe Arteve të Kosovës merr 4 mijë e 500 euro, honorar nga Libri Shkollor merr 1 mijë e 500 euro, ndërsa divident në Riinvest merr 8 mijë euro.

Pas deklarimit që pati bërë kreu i Agjencisë Kosovare Kundër Korrupsionit, Hasan Preteni se gjashtë zyrtare të lartë në Kosovë kanë nga 5 funksione, kryetari i Kuvendit, Jakup Krasniqi i pati quajtur ata supermen.

“Çfarë supermenash janë ata zyrtarë që kanë deri në pesë vende të punës? A mund t’i kryejnë të gjitha detyrat siç i kërkojnë ligjet në Kosovë? Është e pamundshme, prandaj ata njerëz që mbajnë poste zyrtare, ata për çdo ditë e shkelin ligjin. Përditë bëjnë veprime të paligjshme dhe askush s’ua prish tymin e duhanit”, pati thënë Krasniqi.

Oqeani · 17-04-13, 16:29

Isa - Ky facen e minit te lakt e ka - ne face shihet se eshte hajn !

**Zero Cool** · 17-04-13, 17:06

Citim:

Postimi origjinal është bërë nga Oqeani

Isa - Ky facen e minit te lakt e ka - ne face shihet se eshte hajn !

Mos bon hajgare, njeri e ka buzekeshjen shume theksi.

Oqeani · 17-04-13, 17:11

Po po , si mini lakt !

Fshatari · 17-04-13, 17:16

Citim:

Postimi origjinal është bërë nga Zero Cool

Mos bon hajgare, njeri e ka buzekeshjen shume theksi.

Si ta shohin vetevendosje menihere ka me ia çkrue hajmaline si hashimit : ketu banon ...

halla e madhe · 17-04-13, 18:11

Citim:

Postimi origjinal është bërë nga Zero Cool

Mos bon hajgare, njeri e ka buzekeshjen shume theksi.

..edhe baca Ise koka si Hasha a?s'paska faj qe po ju keshka situates

**Zero Cool** · 17-04-13, 18:18

Citim:

Postimi origjinal është bërë nga halla e madhe

..edhe baca Ise koka si Hasha a?s'paska faj qe po ju keshka situates

kta te LDK-s normal jane melaqe veq sdi ka u bo ky kshtu

Fshatari · 21-04-13, 08:08

Citim:

Postimi origjinal është bërë nga Zero Cool

kta te LDK-s normal jane melaqe veq sdi ka u bo ky kshtu

"ka u"= Emer; shkruhet ne trajte te pashquar : ka; ne trajten e shquar: kau e jo ka u.
- zgerdhihet( te qeshnen e ka skthi); asht politikan i rruem(me 5 rroga ma)!
-gjinia e ketij emni asht asnjense...

halla e madhe · 21-04-13, 10:32

Citim:

Postimi origjinal është bërë nga Fshatari

"ka u"= Emer; shkruhet ne trajte te pashquar : ka; ne trajten e shquar: kau e jo ka u.
- zgerdhihet( te qeshnen e ka skthi); asht politikan i rruem(me 5 rroga ma)!
-gjinia e ketij emni asht asnjense...

.. medet kur mileti udheheqet nga asnjejsat

Oqeani · 21-04-13, 13:33

Asnjanes : katundarçe i thojne : mushkê : s'po e din fshatarumi

**Zero Cool** · 04-06-13, 15:53

Natali Velijaj kapet me telefon në burg

Prishtinë, 04.06.2013

Gjatë ditës së hënë gardianët e kanë kapur me telefon në xhep të dyshuarën kryesore për zhdukjen e 1.4 milionëve të pasaportave biometrike, Natali Veliaj. Ligjërisht telefonat mobil janë të ndaluar brenda burgut, ndërkaq, Nuhi Paçarizi avokat i saj, konfirmoi për Express konfiskimin e mobilit.

Gjatë të hënës Natali Velijaj kishte kërkuar me ngulm disa herë që gardianët t’a lirojnë nga qelia për të shkuar në toalet.

Por, insistimi i saj i shpeshtë ngriti dyshimet tek një oficere kujdestare e sigurisë, e cila
kontrolloi të dyshuarën kryesore për zhdukjen e 1.4 milionë eurove të pasaportave biometrike të kosovarëve.

Pas këtij kontrolli jorutinor, oficerja ka hasur në një telefon mobil në xhepin e trenerkave të shtetases gjermane.

Burime të Express thonë se me të njëjtin mjet Velijaj dyshohet t’i ketë kryer tri telefonata gjatë asaj dite.
“Ende nuk po dihet se si i është futur telefoni brenda. Ai është konfiskuar dhe është dërguar si material për t’u hetuar meqë kemi vërejtur se ka pasur tri komunikime me të”, ka bërë të ditur burimi i Gazetës.

Konfiskimin e telefonit të Natalisë e ka konfirmuar për Express edhe njëri nga mbrojtësit e shtetases gjermane, avokati Nuhi Paçarizi.

“Po jam i njoftuar por nuk di se si ka arritur ajo deri te telefoni”, tha Paçarizi shkurt.

Ai mohon të jetë në dijeni se më kë ka mundur të bisedojë Velijaj.

Kontrabandimi i çfarëdo lloj mjeti të komunikimit, armëve apo lëndëve narkotike brenda institucioneve
korrektuese është e vepër ligjërisht e dënueshme.

Monitorimi dhe mbikëqyrja e punës së shërbimeve korrektuese në Kosovë sipas ligjeve në fuqi bie në kompetencën e Ministrisë së Drejtësisë.

Ndërkohë që administrata e burgjeve në Kosovë vazhdon të kritikohet për keqmenaxhim, meqë, rasti Velijaj nuk është i pari kur një të dyshuari për vepra të rënda kriminale i gjenden mjete të ndaluara brenda qelisë.
Ndryshe më 12 qershor të këtij viti Natali Velijaj i përfundon paraburgimi prej gjashtë muajsh.

Në rast se deri në atë datë Prokuroria e EULEX’it, e cila udhëheq hetimet në rastin e njohur si “Skandali i pasaportave”, nuk ngrit aktakuzë, ajo do të duhej të lirohej nga kjo masë e sigurisë deri në një vendim tjetër të Gjykatës.

**Zero Cool** · 08-06-13, 18:41

Pacolli e deklaron në AKK si pronë të vetën “Grandin”

Prishtinë, 08.06.2013

Qe nga muaji maj i vitit të kaluar hoteli “Grand” ka kaluar nën menaxhimin e Agjencisë kosovare të privatizimit, ngase blerësi nuk i kishte përmbushur detyrimet ndaj AKP-së. Por, Behxhet Pacolli vazhdon ta konsiderojë si pronë të vetën hotelin më më nam dikur në Kosovë.

Në raportin e deklarimit të pasurisë që Pacolli e ka deklaruar në Agjencinë kundër Korrupsionit, zëvendës kryeministri, hotelin “Grand” e ka deklaruar pronë të tijen. Ai në këtë hotel, vlerën aksioneve e ka vlerësuar me 3.6 milion euro, shkruan Kosova sot.

Yll Hoxha nga lëvizja "Vetëvendosje" gjestin e Pacollit e ka parë si mungesë respekti institucional.

"Është skandaloze që një zyrtar kaq i lartë të sillet me shpërfilljeve ndaj vendimeve të Gjykatës Supreme dhe institucionve të shtetit. Kjo flet për frymën e kundërligjshme të instaluar në Qeverinë e Kosovës nga përfaqësuesit më të lartë të saj", ka deklaruar Yll Hoxha nga lëvizja "Vetëvendosje".

Ndryshe, Agjencia kosovare e Privativit është duke pritura një venim të Gjykatës Supreme, që më pas ta qet në shitje hotelin “Grand”.

**Zero Cool** · 13-06-13, 18:43

Skandali i pasaportave, zbardhen transferet e Natalies

Prishtinë, 13.06.2013

Më 4 qershor 2013, prokurorja e EULEX-it, Nina Grande, ka vendosur t’i zgjerojë hetimet për të përfshirë akuza të reja kundër Natalie Veliajt, Fisnik dhe Betim Blakajt, si dhe për të përfshirë shtatë të pandehur të rinj. Këtë propozim prokurorja e EULEX-it e ka dërguar në Gjykatën Themelore të Prishtinës, ku dje është mbajtur edhe një seancë dëgjimore.

“Ekziston dëshmia që tregon se Natalie Veliaj ishte në posedim të afro 1.5 milionë eurove. Llogaritë e saj bankare tregojnë se ajo tërhoqi 648 000 euro para të gatshme dhe pjesën tjetër të parave e transferoi në disa llogari të tjera bankare të kompanive dhe të të dyshuarve të fundit, Nazmi Thaçi, Adriatik Thaçi, Ergyn Dogani, Jakup Blakori, Hashim Shala, Imer Fazlia dhe Sefedin Shala. Velijaj gjithashtu ka transferuar të holla për kompaninë “FIMEX”, kompani me të cilën ajo dhe Fisnik Blakaj janë të lidhur me Betim Blakajn, shkruan gazeta “Kosova Sot”.

Prokuroria është ende duke hetuar se çfarë ka ndodhur me paratë, pasi u transferuan te personat e përmendur nga Natalie Veliaj.

Pavarësisht kërkesës së prokurores, gjyqtarja Allten Murseli ka vendosur të shtojë paraburgimin me një muaj për Natalie Veliajn dhe t’i lërë në masën e arrestit shtëpiak vëllezërit Blakaj.