Izraeli- Turqia, a kercnohet nje lufte e re???

[Makresh]

Postimi origjinal është bërë nga sherri

Libani lëshon raketa drejt Izraelit Tue Nov 29, 8:52 amDisa raketa të lëshuara nga jugu i Libanit ranë gjatë natës mbi veriun e Izraelit. Bëhet e ditur se incidenti i ndodhur nuk ka shkaktuar viktima. Zëdhënësi i ushtrisë izraelite njoftoi në një deklaratë se “Disa raketa kanë shpërthyer në rajonin Galilesë perëndimore, pa shkaktuar viktima”, kanë bërë të ditur autoritetet izralite me anë të një komunikate, por pa dhënë detaje të tjera. Më tej zëdhënësi pohoi se ushtria izraelite i është përgjigjur zjarrit. “Ushtria izraelite reagoi duke sulmuar zonën nga ku ishin nisur raketat”, përfundon komunikata

Galilea eshte aneksuar ne vitin 1981 nga shteti hebre.
Libani, jo raketa, por bomba atomike duhet leshon ne ato vende.
Shpresoj qe keto bomba e keto raketa do te shumezohen menjeher pas renies se qafir basharit nga te gjitha shtetet arabe, te aferta apo te largeta.

[sherri]

Në 100 miliardë dollarë llogaritet vlera e gazit të zbuluar në truallin 12 në detin Egje pranë Qipros, të pagëzuar”Afërdita”.
Depozitat e zbuluara aty janë të mjaftueshme për të furnizuar Qipron dhe aleatët e saj për 210-vjet.
“Qipro hyn në hartën e energjetikës botërore si një nga vendet me potencial të fortë energjetik. Gjithashtu Qipro, në hartën e energjetikës botërore do të zërë një vend të rëndësishëm ku zëri i saj do të jetë i “respektueshëm” në Europë e më tej saj”, deklaroi presidenti i Qipros, duke njoftuar mbarë opinionin për rezultate tepër të kënaqshme në truallin 12.
Në raportin e tij, mbi kërkimet për hidrokarbure të cilin presidentin Qipriot, Kirstofia e bëri të njohur në rezidencën presidenciale të Qipros para gazetarëve, pohoi se kompania Noble Energy, mbas një studimi të gjatë disa vjeçar dhe një sërë kërkimesh mundi të zbulojë burime të mëdha gazi, me një trashësi prej 310 këmbësh. Thellësia e shpimit arriti në 5,861 metra me thellësi detare 1689 metra.
Sipas përllogaritjeve të para, shtoi ai, rezulton se depozitat e zbuluara të gazit dhe vëllimi i tij fillojnë nga 5-ë deri në 8-ë triliardë metër kub gaz.
I ashpër dhe i menjëhershëm ka qenë dhe reagimi i Turqisë!

Pas incidentit të rëndë të ndodhur dy ditë më çarë midis Turqisë dhe Greqia, me implikimin e anijeve të të dyja flotave luftarake. Incident i cili u mbajt në heshtje të plotë nga mediat e të dy vendeve për arsye që vetë të dy palët e dinë më mirë.
Sot, agjencia e lajmeve Izraelite “Debka”, ka njoftuar se anijet luftarake turke, hapën zjarr në zonën ku kryhen kërkime dhe u zbulua sasia e madhe e gazit, pra në truallin 12 të Qipros.
Agjencia Izraelite e lajmeve Debka, i referohet burimeve zyrtare të Ministrisë së Mbrojtjes të Izraelit.
Në njoftimin e saj ajo bënë me dije se anijet luftarake të flotës detare të marinës turke, të cilat ndodhen për një kohë të gjatë dhe vëzhgojnë me kujdes çdo lëvizje pranë zonës ku kryhen kërkimet nga kompania Amerikane në bashkëpunim me një kompani Izraelite, hap zjarr për t’i frikësuar ato. Edhe pse të dy palët, si Izraeli dhe Qipro nuk dolën në ndonjë deklaratë të përbashkët, rreth këtij incidenti të rëndë, ato menjëherë kanë përforcuar prezencën e tyre ushtarake në rajon me disa anije luftarake si dhe kanë ofruar ndihmë ajrore nga aviacioni Izraelit, i cili patrullon 24-orë rajonin.
Madje, Izraeli anuloi dhe një stërvitje ushtarak të planifikuar shumë kohë më parë midis aviacionit luftarak Turk dhe ati Izraelit në kuadër të përpjekjes së “pajtimit” të dy palëve nga faktorët ndërkombëtar, pasi për një periudhë të gjatë kohë marrëdhëniet midis tyre ishin të ngrira, në tension dhe jo pak herë arritën dhe në prag lufte.

Propozim i pamoralshëm nga Izraeli për ngjarjen "Mavi Marmara"

E enjte 24 Maj 2012 21:41

Izraeli i ka propozuar në mënyrë të fshehtë lekë familjeve të viktimave të ngjarjes "Mavi Marmara", ndërkohë që përgjigjja e tyre ka qenë "jo".
Qeveria e Izraelit duke arritur të kontaktojë me familjet e viktimave të ngjarjes "Mavi Marmara" u ka propozuar atyre 6 milionë dollarë dhe dhënien e mesazhit "kërkojmë ndjesë".
Ndërkohë ka dalë në pah se Izraeli ka kërkuar prej viktimave që të heqin dorë nga proceset gjyqësore.
Sipas lajmit të gazetës "Haber Türk", Ramazan Arëturk (Ramazan Arıtürk) avokati i një prej familjeve e ka refuzuar propozimin me fjalët: "Kjo nuk është e moralshme. Ne nuk mund ta lëmë Turqinë jashtë".
Avokati Ramazan Arëturk i cili përfaqëson familjet e 9 viktimave që humbën jetën në bastisje dhe ata që u plagosën në anije, bëri një deklaratë ku tha se qeveria e Izraelit e ka bërë këtë propozim para një muaji me anë të ambasadorit. Në propozimin e qeverisë izraelite thuhej: "Ne mund t'i transferojmë 6 milionë dollarë një shoqate çifute në Stamboll dhe këto lekë t'u paguhen si dëmshpërblim viktimave. Ne, si qeveria e Izraelit mund t'i dërgojmë familjeve të viktimave edhe mesazhin "kërkojmë ndjesë". Por edhe ju tërhiqini paditë kombëtare dhe ndërkombëtare që keni hapur".
Por Arëturk ambasadorit i është përgjigjur me fjalët: "Ne nuk mund ta pranojmë në asnjë mënyrë një propozim ku anashkalohet Shteti i Republikës Turke, dhe këtë propozim nuk e shikojmë si të moralshëm".
Avokati turk gjithashtu ka bërë të ditur se propozimi dhe refuzimi i janë përcjellë edhe Ministrisë së Punëve të Jashtme të Turqisë, e cila duke vënë në dukje se vendimi ka qenë shumë i përshtatshëm ka shprehur falënderimet e saj. Arëturk tha se "refuzimi" ka qenë vendimi i përbashkët i klientëve të tij./trt/

Turqi, arrestohen edhe gjashtë gjeneralë
18:10 / 29.05.2012
Shpërndaje
Autoritetet turke prangosën ditën e martë gjashtë gjeneralë në pension, me akuzën e organizimit të një grushti shteti për rrëzimin e një qeverie me prirje islamike në vitet 1990. Midis të arrestuarve janë edhe ish-kreu i forcave ajrore dhe ai i forcave tokësore turke.
Sipas agjencisë së lajmeve “Anatolia”, ushtarakët besohet se ushtruan presion mbi ish-kryeministrin Necmettin Erbakan, duke luajtur rol në largimin e tij në vitin 1997, raporton TCH.
Disa dhjetëra oficerë në pension ose ende aktivë, së bashku me disa ish-gjeneralë të tjerë, janë arrestuar vitet e fundit nga qeveria me prirje islamike e kryeministrit Recep Taytip Erdogan, dhe po gjykohen për të njëjtat akuza.
Përndjekja e drejtuesve të lartë ushtarakë është mundësuar pas ndryshimeve kushtetuese të vitit 2010, që i zhveshën nga imuniteti të cilin gëzonin.
Aktualisht, në Turqi janë duke u zhvilluar edhe dy çështje të tjera paralele, në lidhje me një grusht të suksesshëm shteti në fillimin e viteve 1980 dhe një tentativë për të rrëzuar qeverinë e Erdoganit në vitin 2004, nga një grup ushtarakësh. /Telegrafi