Historia "relative" !

[pokeri]

Historia "relative" !
Se çfarë ka dodhur me kombin tonë gjatë Historisë, dihet deri diku. Ajo që dua të theksoj është relativizimi i fatit dhe fatkeqësisë në kontekstin Historik. E dij që ka "tipa" të cilët posa ta shohin kush e ka hapur temën do të vërsulen ndaj meje (por jam mësuar me këto gjëra), pa u ndaluar fare në thelbin e çështjes (temës), por nejse...
Përmes një rrëfimi të thjeshtë dua të pasqyroj idenë time.

Dikur moti në Indi jetonte një plak të cilit i kishte vdekur gruaja, dhe ia kishte lënë një djalë njëvjeçar. Plaku ishte i detyruar të punonte dhe të përpiqej shumë që ta rriste
djalin, të cilin e kishte shpresën dhe gëzimin e vetëm. Punonte me një kal duke sjellur dru nga pylli i afërm dhe kësisoj siguronte mbijetesën për djalin dhe për vete.
Vitet kaluan dhe kur djali i mbushi 19 vjet, ndodhi që ta harronte hapur derën e ahurit dhe natën i iku kali në bjeshkë, për t'u bashkuar me kuaj të egër. Plaku i shkretë mbeti pa të vetmin burim të të ardhurave. Menjëherë erdhën fqinjtë dhe të afërmit e tij, për ta ngushëlluar.
- Çfarë fatkeqësie e madhe! - i thanë.
Mirëpo, plaku iu përgjigj;
- Askush nuk e din çka është fat i mirë, e çka fatkeqësi?!
Pas disa ditësh, papritmas në oborr u dëgjua troku dhe hingëllima ... kali i arratisur ishte kthyer bashkë me dy kuaj tjerë, të egër.
Plaku dhe biri i tij, përnjëherë u bënë të pasur.
Të afërmit dhe fqinjtë, erdhën menjëherë për ta ndarë gëzimin bashkë.
- Çfarë fati i rrallë dhe i mirë!- i thanë.
Mirëpo, plaku sërish iu përgjigj;
- Askush nuk e din çka është fat i mirë, e çka fatkeqësi?!
Të nesërmen, djali i plakut e shaloi një kal të egër dhe kalëroi. Kali filloi të vërtitej, të kërcente dhe pa një pa dy e rrëzoi në tokë djaloshin. Ai ra dhe e theu këmbën.
Menjëherë erdhën fqinjtë.
- Çfarë fatkeqësie!?- i thanë plakut.
E plaku u përgjigj qetë;
- Askush nuk e din çka është fat i mirë, e çka fatkeqësi?!
Nuk kaloi shumë kohë dhe shpërtheu lufta. Të gjithë të rinjtë u mobilizuan në mbrojtje të Atdheut. Vetëm djali i plakut mbeti në shtëpi sepse e kishte këmbën e thyer.
Prap erdhën fqinjtë dhe i thanë;
- Ty o fqiu ynë, çdo fatkeqësi të sjell fat të mirë.
Mirëpo, plaku edhe kësaj radhe u përgjigj;
- Askush nuk e din çka është fat i mirë, e çka fatkeqësi!?

E kush ta dij në këtë Historinë tonë, çka ishte fat e çka fatkeqësi!?
Nëse e dini ju lus që ta rrëfeni. Çka e pandehni fat? Çka fatkeqësi?
Çka e konsideroni si fat në fatkeqësi (në kontekstin historik)?