Lajme Aktuale....

[Guri i madh]

Postimi origjinal është bërë nga Lona

Shpërthen në BDI, rrahje me grushta mes Abdylaqim Ademit dhe Hazbi Likës



Siç mëson portali Shqipmedia nga burime anonime pranë selisë së BDI-së në Reçice të Vogel dy ditë më parë ka ndodhur përleshje fizike mes dy sekretarëve të partisë respektivisht sekretarit administrativ Hazbi Likës dhe sekretarit organizativ gjegjësisht ministrit të Ekologjisë Abdylaqim Ademi.
Rrahja mes dy funksionarëve të partisë vjen si rezultat i raporteve të acaruara gjatë kohë mes këtyre dy funksionarëve të cilët kanë rezultuar para dy ditësh në selinë e BDI-së me konfrotim fizik ku është dashtur intervenimi i personave tjerë në seli për të qetësuar situatën.
Portali Shqipmedia mëson së mes dy sekretarëve të BDI-së që moti nuk ekzistojnë raporte të mira bile shpesh të tensionuara që në kohën kur si zv/kryeministër ishte Abdylaqim Ademi ndërsa Hazbi Lika kryetar i komunës së Tetovës. Shpesh kryetari Ali Ahmeti ka intervenuar që këto dy funksionar mos eskalojnë situatën mirëpo këtë herë edhe Ahmeti nuk ka mundur të bëjë asgjë.
A është kjo një shenjë se në BDI situata ka dalë prej kontrolli nga mosdurimi mes grupeve të interesit pritet të shihet ditët në vazhdim, ku pritet emërimi i rektorit të ri të USHT-së në vend të ushtruesit të detyrës rektor Vullnet Ameti të cilin e përkrah klani i Hazbi Likës ndërsa e kundërshton klani i Abdilaqim Ademit

Izet Mexhiti i dhuron objekt Ansamblit Kulturor “Ibe Palikuqi”


Sot në komunën e Çairit u bë hapja solemne e objektit të ri të Ansamblit Kulturorë “Ibe Palikuqi” .
I cili është ndërtuar me mbështetje financiare nga komuna Çair .
Në këtë eveniment ishin të pranishëm kryetari i Bashkimit Demokratik për Integrim z.Ali Ahmeti,kryetari i komunës së Çairit z.Mexhiti, përfaqësues të institucioneve të ndryshme si dhe shumë zyrtar tjerë të pushtetit ekzekutiv dhe qendror të vendit .
z. Mexhiti theksoi se Ibe Palikuqi si Ansambël Kulturorë ka luajtur rol të rëndësishëm dhe ka një vlerë të madhe kombëtare , sepse edhe atëher kur ishte më vështirë , gjatë sistemit komunsit këtu janë kultivuar pandërprerë vlera kombëtare shqiptare.
” Ne nuk ndalemi këtu ne përveç se investojmë në kulturë , folklor . Ne pak më vonë në muajin nëntorë do të bëjmë edhe hapjen e sallës të klubit të mundjes ”Liria” një institucion tjetër që nga radhët e veta nxori kampion botërorë e olimpik , e që padyshim na nderojnë dhe na bëjnë krenarë neve si shqiptarë.’’
theksoi mes tjerash z. Mexhiti.
Ndërkohë që kryetari i Bashkimti Demokratik për Integrim z.Ali Ahmeti tha :
“Pse detyrë e përhershme mbetet përkrahja e ansambleve folklorike, e ansambleve kombëtare. Mbetet sepse ansamblet kombëtare janë pikërisht ai burimi i freskët i kthjellët ku të gjitha gjëndrat e muzikës pa vajtur tek ai pus, pa vajtur tek ai burim nuk mund të krijojnë asgjë.
Qasja e autoriteteve që kanë marrë përgjegjësi nga populli ka qenë dhe mbetet përkrahja e folklorit, përkrahja e sporteve dhe përkrahja e gjitha aktiviteteve të rinisë.. Mbetet sepse ansamblet kombëtare janë mu ai burimi i freskët i kthjellët ku të gjitha gjëndrat e muzikës pa vajtur tek ai pus, pa vajtur tek ai burim nuk mund të krijojnë asgjë “
Ansambli “Ibe Palikuqi” është themeluar në vitin 1979, ky ansambël numëron rreth 120 anëtarë që gjatë këtyre viteve kanë marr pjesë në qindra festivale të vendit dhe ndërkombëtare ku janë shpërblyer me shumë çmime të para

qyky zabuni me tre era ABDIL AQIM ADEMI i merton do shuplaka po jo grushta apo boksa ,ani po thojn se LUAN krasniqi NE SPITALIN e ROTWEJNIT e ka rreh vllaun e vet agimin edhe nipin e vet qe nuk ja die emrin ,e isha duke u mendue nese zhvillohet nji meq ne mes LUAN KRASNIQIT edhe kti me tre emra ABDIL AQIM ADEMIT

[Fshatari]

Grevë urie e prefektit francez, kërkon fonde për qytetin
Nje prefekt francez ka nisur një grevë urie jashtë asamblesë kombëtare me kërkesën për ndihma emergjente për qytetin e tij të vrafër dhe për të theksuar varfërinë urbane.
Politikani i Partisë së Gjelbër Stephane Gatignon i Sevranit, pranë Parisit, ngriti një tendë jashtë legjislaturës të premten, duke kërkuar pesë milionë euro fonde shtesë, raporton DPA.
“Unë jam i vendosur të shkojë përpara - të paktën deri të martën”, kur parlamentarët francezë pritet të diskutojnë fondet për qytetet e varfra, iu tha 43-vjeçari gazetarëve.
Gatignon tha se derisa Sevrani nuk merr më shumë para, qeveria lokale nuk do të jetë në gjendje të paguajë faturat për qytetin prej 51 mijë banorësh, që gjendet në verilindje të kryeqytetit.
Sevran është një nga qytetet më të varfëra të vendit dhe me normën më të lartë të papunësisë, por edhe të krimit.
Protesta e Gatignon-it shkaktoi reagime të përziera.
Ndërsa Ministri i Brendshëm Manuel Valls shprehu solidaritetin, ministri për çështje të vogla urbane Francois Lami, kërkoi nga ai që të ulet në tryezën e negociimit.
_________________________________
http://www.evropaelire.org/content/news/24767881.html
______________________________________________
Bash due me i sugjerue ketij kryetarit te komunes nje mundesi me i gjet ato pare
qe i mungojne per me mujt me i pague faturat :
- Shko ti baco te gjenerali yt, marnhac, shefi i euleshit, e thuej t'i kethejne atje ne france do milice te vet, e pastaj t'shkojne ata milice ne banken qendrore franceze
e t'i plaçkisin me arme 5 milion euro. Kjo asht zgjidhja ma e mire...qeshtu ia kane
pas ba kur u futen keta bandita ne shtetin e Kosoves...
Edhe ne francen e kuchnerit greve urie a ?!
Kane met njerezit pa buke, mu si keta greket e piste.

[Lona]

Ligj të veçantë kundër mobingut në punë

Shkup , 11 nëntor - Qeveria do të sjellë brenda tre muajsh ligj të veçantë për mbrojtjen nga shqetësimi psikik në vendin e punës, dukuri e njohur si mobing.
Vendimin për këtë nismë ligjore, e cila do të vlejë si në sektorin publik, ashtu dhe në atë privat, e ka sjellë Qeveria në seancën e fundit të saj me kërkesë të Lidhjes së Sindikatave të Maqedonisë.
Projektligji do të ngërthejë kërkesat dhe propozimet e sindikatave, ndërsa do të përfshihen në të edhe standardet dhe praktikat më të mira të Bashkimit Evropian.
“Hartimi i një ligji të veçantë ka për qëllim rregullimin e kësaj materie, në çdo pikëpamje dhe aspekt, si dhe t’i japë rëndësi politike vëmendjes që ka Qeveria ndaj kësaj materie”, ka deklaruar zëdhënësi i Qeverisë, Aleksandar Gjorgjev.
Sipas paralajmërimeve, ligji do të parashohë kualifikimin e veprës “shqetësim psikik në vendin e punës”, si dhe të gjitha situatat kur do të vlerësohet se është kryer kjo vepër. Ligji do të parashohë sanksione për punëdhënësit që kryejnë mobing.



Gati shtatorja e Adem Jasharit

Shkup, 11 nëntor - Shtatorja e komandantit legjendar, Adem Jashari, është gati dhe do të vendoset këtë fundjavë në hyrje të fshatit Radushë.
Punimet rreth këtij monumenti janë në fazën finale, ndërsa siç bën të ditur Këshilli Organizativ i fshatit Radushë, në shpalosjen e tij do të marrë pjesë kreu më i lartë i BDI-së i prirë nga Ali Ahmeti.
Në solemnitetin e paralajmëruar do të marrin pjesë edhe mysafirë nga Kosova, Shqipëria, Bujanoci e Presheva.
Në këtë ngjarje pritet të marrë pjesë edhe aktori Reshat Arbana, si dhe shoqëri të ndryshme kulturore-artistike nga vendi.
Ndërkaq, bëhet e ditur se këngëtarja shqiptare nga Kosova, Shkurte Fejza, i ka dedikuar një këngë aktit të vendosjes së bustit të heroit kombëtar, Adem Jashari.



Meshari i Gjon Buzukut mbërrin në Shqipëri

Tiranë, 11 nëntor - Ka mbërritur nga Selia e Vatikanit në Tiranë kopja origjinale e librit të parë shqip, Meshari i Gjon Buzukut.

Kopja origjinale e Mesharit e cila daton që nga viti 1555 vjen në Tiranë me rastin e 100 vjetorit të shpalljes së Pavarësisë, ndërsa ajo do të qëndrojë e ekspozuar në Bibliotekën Kombëtare gjatë muajit nëntor, njofton "Oranews".

Meshari i Gjon Buzukut do të ekspozohet nesër në orën 18:00 në Bibliotekën Kombëtare ndërsa do të qëndrojë atje deri më datën 28 Nëntor.

Biblioteka Apostolike e Vatikanit pranoi kërkesën e Shqipërisë për të ekspozuar veprën më të lashtë në gjuhën shqipe, “Mesharin”, në Tiranë.

Që nga botimi e deri me 1740, gati dy shekuj, “Meshari” ishte një vepër e humbur, një vepër e panjohur. Më 1740 në Bibliotekën e Propaganda Fides, afër Romës, Mesharin e don Gjon Buzukut (1555) e zbuloi ipeshkvi i Shkupit Imzot Gjon Nikollë Kazazi nga Gjakova.

Libri mendohet të jetë shtypur në Venedik me alfabetin latin, duke shtuar disa shenja cirilike për tingujt në shqip. Ky zbulim bëri bujë të madhe, sepse është libri i parë në gjuhën shqipe.

Ky zbulim mbeti në heshtje për më tepër se një shekull, deri më 1909, kur e rizbuloi arbëreshi Pal Skiroi, në Bibliotekën e Vatikanit, ku gjendet edhe sot me shënimin Katalogu: R.G. Liturgia III, 194.


Fillon ndërtimi i kishës mbi vakëfin e BFI-së

Shkup, 11 nëntor – Janë hedhur sot themelet e kishës “Shën Konstantini dhe Elena” në afërsi të Shtëpisë Memoriale të Nënës Terezë në Shkup, mbi truallin që është vakëf i Bashkësisë Fetare Islame të Maqedonisë.
Me një solemnitet në të cilin ka marrë pjesë dhe kreu i Qeverisë, Nikola Gruevski, kanë nisur punimet ndërtimore për objektin kishtar, i cili u dislokua me marrëveshje politike nga vendi fillimisht i paraparë në sheshin kryesor të Shkupit.
Investitor i kishës do të jetë Kisha Ortodokse Maqedonase, ndërsa trualli, i cili llogaritet si vakëf i BFI-së, i nacionalizuar në kohën e komunizmit, iu bë dhuratë nga Qeveria këtij institucioni fetar ortodoks.
Kisha duhej të ndërtohej në sheshin kryesor të Shkupit, aty ku, siç thonë nga KOM-i, ajo e ka vendin e saj autentik, por u zhvendos me anë të marrëveshjes për bashkëqeverisje mes VMRO-DPMNE-së dhe BDI-së.



Rasmussen: Trendi i zgjerimit të NATO-s do të vijojë

Shkup, 12 nëntor- Dyert e NATO-s janë të hapura dhe trendi i Samitit të NATO-s në Pragë prej para dhjetë vitesh, për anëtarësimin e vendeve të reja, do të vijojë tutje.
Kështu ka deklaruar Sekretari Gjeneral i NATO-s, Anders Fog Rasmusen, në seancën plenare të Takimit të 58-të Vjetor të Asamblesë Parlamentare të NATO-s, që ka filluar më 9 nëntor dhe do të përfundojë ditën e sotme.
Edhe kryeministri Nikola Gruevski do të mbajë sot fjalim në këtë takim të AP-së të NATO, ndërsa krahas tij me fjalime do t'u drejtohen të pranishmëve edhe krerët e vendeve të tjera kandidate për anëtarësim në NATO, si Bosnja e Hercegovina, Mali i Zi dhe Gjeorgjia.
Në tri ditët e kaluara, rreth 350 deputetë nga gjithsej 28 vende-anëtare të NATO-s nga Amerika Veriore dhe Evropa, si dhe delegatë të vendeve-partnerë, vëzhgues dhe ekspertë, diskutuan mbi situatën në Ukrainë, për krizën në Siri dhe për anëtarësimin e shteteve të reja në Aleancë.

[Lona]

Përleshje mes kurdëve dhe forcave turke

Cizre, 11 nëntor - Përleshje në mes të aktivistëve kurdë dhe forcave të sigurisë janë raportuar të shtunën në Turqinë jugore.

Mijëra kurdë kanë dalë në rrugë në provincën Cizre për të treguar solidaritet me një grevë të gjerë urie.

Tensionet janë rritur në Turqinë juglindore, të banuar kryesisht me kurdë, për disa javë, derisa 700 persona, të mbajtur në pothuaj 50 burgje, kanë refuzuar ushqimin tash 60 ditë.

Gjashtë nga politikanët kryesore kurdë të Turqisë iu kanë bashkuar militantëve dhe aktivistëve në grevën, e cila kërkon nga qeveria e Taip Erdoganit që t’i lejojë liderit të partisë së ndaluar të Punëtorëve të Kurdistanit(PKK), Abdullah Ocalan – i burgosur në një ishull në jug të Stambollit- që të ketë qasje te avokatët pas 15 muajsh të humbjes së kontakteve me ta.


Izraeli paralajmëron pëshkallëzim situate

Gazë, 11 nëntor - Paralajmërime për autonominë e veriut Ministri izraelit i Mbrojtjes Ehud Barak ka tërhequr vërejtjen kundër një përshkallëzimi të dhunës pas përleshjeve në mes të militantëve palestinezë dhe forcave izraelite, që lanë të vrarë 5 persona dh plagosën 30 të tjerë.

Ushtria izraelite tha se katër nga ushtarët e saj janë lënduar kur një patrullë e tyre është goditur me një sulm rakete nga militantët palestinezë.

Izraeli është kundërpërgjigjur duke gjuajtur me tanke në zonën lindore të qytetit të Gazës.

Mjekët palestinezë thanë se pesë civilë janë vrarë dhe 26 janë lënduar nga granatimet izraelite.

Raportet e pakonfirmuara të mediave thonë se pesë raketa janë gjuajtur në një zonë të pabanuar të Izraelit, pas të cilit veprim, Izraeli është kundërpërgjigjue me sulme ajrore në Gazë.

Kufiri i siguruar rëndë ka qenë dëshmitar i sulmeve në rritje të militantëve palestinezë, që kanë nxitur sulmet hakmarrëse të izraelitëve.


Greqi, mes protestash miratohet buxheti për vitin 2013

Athinë, 12 Nëntor - Parlamenti grek, miratoi mbrëmë në orët e vona buxhetin e ri për vitin 2013. Buxheti u miratua me 167 vota pro dhe me 128 kundër.

Buxheti i propozuar nga Qeveria parashikon masa të reja shtrënguese për vitin 2013, si kusht për të marrë këstin e ndihmës me vlerë 31.5 miliardë euro, prej kreditorëve të huaj.
Buxheti parashikon një defiçit buxhetor më të lartë se sa pritej dhe recesion më të thellë, pasi masat shtrënguese të përsëritura po i lënë gjurmët e tyre në ekonomi. Deficiti i përgjithshëm buxhetor në vitin 2013 pritet të jetë 5.2% të PBB, ekonomia do të tkurret me 4.5% në vitin 2013 dhe borxhi publik parashikohet në 189,1% të PBB-së. Një tjetër paketë shtrënguese për rritjen e taksave dhe shkurtimet e pensioneve u miratua javën e kaluar.

Kryeministri Antonis Samaras më herët kishte paralajmëruar se pa kredi të re, Greqia do të dalë nga Eurozona të premten.

Përpara votimit, më shumë se 10 mijë protestues u mblodhën jashtë Parlamentit duke protestuar kundra miratimit të buxhetit.

Me 2 projektligje të rëndësishme të miratuara nga Parlamenti, ministri grek i Financave Janis Stournaras shkon në mbledhjen e Eurogrupit, e cila sot duhet të merrte vendim për lirimin e këstit të ndihmës. Por deklaratat e ditëve të fundit të zyrtarëve evropianë, e vënë në dyshim diçka të tillë.


Siri, një klerik zgjidhet kreu i opozitës

Një klerik i cili është arratisur nga Siria është përzgjedhur si kreu i opozitës në një mbledhje në Katar që kishte për qëllim krijimin e një koalicioni opozitar ndaj presidentit Bashar al-Assad.

Moaz al-Khatib, një ish-imam sunit në xhaminë e Damaskut, është përzgjedhur në një përpjekje të grupeve opozitare për tu bashkuar ndaj regjimit në Siri.

Opozita siriane ka qenë nën presion nga Shtetet e Bashkuara të Amerikës për të arritur më në fund një marrëveshje. Moaz al-Khatib, 52 vjeç, është larguar nga Damasku për në Kajro në korrik, pas disa arrestimeve nga policia siriane.

Në një intervistë me Reuters në muajin korrik, al-Khatib shprehej: “Dua që populli sirian të qëndrojë i bashkuar.”

Më shumë se 36 mijë persona janë vrarë në konfliktin e gjatë në Siri dhe mijëra të tjerë janë arratisur nga vendi.

[e-uritura]

SHKUP – Mediat maqedonase të dielën në mbrëmje paralajmëruan një sërë skandalesh në Kishën Ortodokse Maqedonase. Sipas portalit OhridSky, bëhet fjalë për një prift, i cili ka disa të dashura, që në ligjet e kishës është e ndaluar. Por ajo që vlen të përmendet në këtë rast është një aferë homoseksuale mes një prifti maqedonas dhe një hoxhë shqiptar, detaje të tjera rreth kësaj afere nuk ka.

Sa i përket dashurisë me femra, një përfaqësues i lartë i Kishës Ortodokse Maqedonase, sipas të gjitha gjasave duhet të jetë në rangun e Peshkopit, supozohet se ka ruajtur marrëdhënie me të dashurën e tij të vjetër, e cila tani është e ve.


(globisot.net)

[Lona]

Vetëm kështu mund të ndalet Messi (Video)

Ylli argjentinas i futbollit, Leo Messi ka kaluar një aventurë të hidhur teksa ndodhej në Arabinë Saudite, ku kombëtarja argjentinase do të luajë një miqësore të mërkurën.

Me të zbarkuar në aeroportin ‘Mbreti Fahd’ të Riadit, lojtari është rrethuar menjëherë nga fansa dhe agjentët e sigurisë e kanë mbrojtur duke mbajtur armë në duar. Por një prej këtyre armëve është drejtuar në mënyrë të pavullnetshme në fytyrën e kampionit amerikano-jugor, që ka përjetuar momente tensioni. Gjithsesi, frika ka zgjatur pak dhe sulmuesi i Barcelonës është hipur nga agjentët në makinë për të arritur qendrën e qytetit.


Debati për “branitellat”, Xhaferi vë çakmakun mbi tavolinë

Shkup, 13 nëntor - Koordinatori i Grupit Parlamentar të BDI-së, Talat Xhaferi, ka vënë sot çakmakun përpara vetes, mbase jo për të ndezur duhan, por për të dhënë mesazhin e njëjtë figurativ me atë të një dite më parë të deputetit të PDSH-së, Ziadin Sela.
Simbolikën e çakmakut duket se e ka kuptuar drejtë kryesuesja e Komisionit për Punë dhe Politikë Sociale, deputetja e LSDM-së, Cvetanka Ivanova, e cila ka reaguar ndaj këtij gjesti dhe i ka kërkuar deputetit mënjanimin e mjetit ndezës.
Javën e kaluar, deputeti i PDSH-së, Ziadin Sela, kërcënoi me çakmakun në dorë se po qe se kalon Ligji i “branitellave”, do të djegë Parlamentin, gjest që Sela e arsyetoi më pas në një prononcim për “Nova Makedonija”.
“Atë që e thashë, e thashë figurativisht. Më habit fakti se mediat i japin më shumë rëndësi fjalëve të thëna simbolikisht, sesa faktit se po vritet demokracia në Parlament. Fjalët e mia ishin nxjerrë nga konteksti. Ajo qe thënë simbolikisht, nuk ishte për t’u djegur por për t’u ndërtuar një Parlament i vërtetë. Dhe ky i fundit, për ne është Parlamenti Dydhomësh”, ka deklaruar Sela.
Ndërkohë, sot ka filluar shqyrtimi i amendamentit të dytë të propozuar nga deputeti i RDK-së, Izet Zeqiri, me të cilin kërkohet ndryshimi i emërtimit të ligjit, gjegjësisht përfshirja e të dyja palëve konfliktuoze në titullin e tij.



Komunat gjermane kërkojnë kthimin e vizave për Maqedoninë

Berlin, 13 nëntor – Komunat gjermane kërkuan nga qeveria federale që të angazhohet për kthimin e vizave për qytetarët e Maqedonisë dhe Serbisë, ndërsa këtë e shpjegojnë me rritjen e numrit të azilkërkuesve dhe potencojnë se veç më kanë vështirësi të sigurojnë vendosjen e azilantëve në vendet e strehimit.

Sipas Gerd Landsberg, drejtor i përgjithshëm federal në komuna dhe bashkësi vendore, procedura për shqyrtimin e kërkesës së azilit do të duhej të përfundojë në afat prej tre javësh.

Vetëm në tetor të këtij viti 2.700 persona nga Serbia dhe 1.300 nga Maqedonia kërkuan azil në Gjermani. Janë parashtruar 9.950 kërkesa për azil që është pothuaj se 50 për qind më shumë se san ë shtator dhe rreth 140 për qind më shumë se në tetor të vitit 2011.


MASH-i injoron kërkesat e shkollave të Tetovës

Tetovë, 13 nëntor- Udhëheqësi i Sektorit për Veprimtari Publike pranë Komunës së Tetovës, Iljaz Halimi ka bërë të ditur të gjitha problemet me të cilat ballafaqohet ky sektor në sferën e arsimit, kulturës dhe sportit.

Ai ka theksuar se me kohë gjatë fillimit të procesit mësimor është njoftuar Ministria e Arsimit, por pavarësisht nga kjo të gjitha kërkesat që kanë bërë shkollat mbeten të paralizuara.

Sipas Halimit, ende ka nxënës që nuk i posedojnë të gjitha librat e nevojshëm, dhe për këtë shkak nxënësit dhe prindërit vazhdimisht ankohen.Ai ka bërë të ditur se disa tekste shkollore siç janë “Natyra” për klasën e katërt, “Historia” për klasën e gjashtë dhe të tetë , “Gjeografia” për klasën e gjashtë, “Arsimi muzikor” për klasën e pestë etj vazhdojnë të jenë nga autor maqedonas dhe me përmbajtje fyese për shqiptarët.“Edhe këtë vit shkollor në shumë shkolla mungon kuadri i nevojshëm teknik dhe ai profesional.

Në kërkesat e 11 shkollave fillore për punësimin edhe të 31 kuadrove për punë teknike dhe profesionale,përgjigja nga MASH është negative,që do të thotë se asnjë punësim i ri nuk është lejuar”, tha Halimi.

Sipas tij, Qeveria dhe MASH në mënyrë selektive ndan mjete për kulturën dhe nevojat tjera që kan shkollat dhe kjo shihet më së miri në buxhetin e projektuar për vitin 2013, ku me bllok dotacione nuk parashihet as edhe një denar për zhvillimin e kulturës në Komunën e Tetovës.Ministria e Arsimit edhe për vitin shkollor 2012/13 nuk ka siguruar mjete për meremetimin e shkollave.

[Lona]

Arrestohet Natali Velija, përvetësoi 1,4 milion euro të pasaportave

Prishtinë, 13 Nëntor - Policia e EULEX-it ka arrestuar pronaren e firmës “Consulting EU Sh.p.”, shtetasen gjermane Natali Velija, e cila dyshohet se ka përvetësuar rreth 1, 4 milion euro, njofton KTV. Mjetet e përvetësuara, ajo ishte dashur t’ia transferonte ndërmarrjes austriake “Österreichische Staatsdruckerei” (OeSD), e cila ka prodhuar pasaportat e Kosovës.

Asaj i është caktuar masa e ndalimit, por për shkak të gjendjes së rëndë shëndetësore ajo po merr ndihmë mjekësore në prani të policisë. Njoftohet se gjendja e saj shëndetësore është e rëndë.

Ministria e Punëve të Brendshme kishte derdhur mjetet në konton e “Consulting EU Sh.p.”, për të paguar paratë për pasaportat e prodhuara nga ndërmarrja austriake “Österreichische Staatsdruckerei” (OeSD). Por, pronarja e firmës “Consulting EU Sh.p.”, Natali Velija, përfaqësuese e OeSD-së në Kosovë, nuk i ka transferuar paratë në konton e kompanisë austriake.

Siç njofton KTV, krahas arrestimit të Natali Velija, policia është duke bastisur disa lokacione në Prishtinë.


Kosova, “kryekushti” i BE-së për Serbinë

Prishtinë, 13 nëntor - Bashkimi Evropian ka përcaktuar tri kushte për Serbinë, në rrugën e saj drejt marrjes së datës për nisjen e negociatave për anëtarësim në BE.

E para ka të bëjë me bisedimet me Prishtinën, ndërkaq dy të tjerat kanë të bëjnë me çështjet e brendshme të Serbisë, ai ajo për buxhetin dhe lirinë e mediave dhe të institucioneve të pavarura. Këto bëhen të ditura në një shkrim të gazetës serbe, “Danas”.

Gazeta duke cituar burimet e veta, thotë se çështja e Kosovës është prioritet për BE-në.

Në këtë kuadër thuhet se thuhet se takimi i parë i kryeministrit serb, Ivica Daçiq me kryeministrin e Kosovës, Hashim Thaçi ka qenë “shumë i qëlluar” dhe tash priten rezultatet e para, transmeton REL.

Në rezultate, siç shkruan gazeta, nënkuptohet, zbatimi i marrëveshjes për Integrimin e Menaxhuar të Kufirit(IBM) dhe shpërbërja e strukturave paralele serbe në veriun e Kosovës, në fushën e drejtësisë dhe të sigurisë.

Në muajin dhjetor është paraparë një takim tjetër në mes të dy kryeministrave nën ndërmjetësimin e shefes së diplomacisë evropiane, Catherine Ashton.

Deri më tash, Thaçi dhe Daçiq janë takuar dy herë. Takimi i javës së kaluar është vlerësuar të ketë qenë konstruktiv.


Dacic: Thaçi le të matet mirë çfarë flet

Beograd, 13 nëntor - Hashim Thaçi duhet ke jetë i kujdesshëm se çka flet, ka thënë kryeministri i Serbisë, Ivica Dacic, duke komentuar deklaratën e kryeministrit të Kosovës se “Serbia duke insistuar në ndarje po luan me zjarrin për çka mund të përfundojë si Pashallëk i Beogradit”

“Retorika e tillë Thaçit është e menduar për konsum të brendshëm në Kosovë. Se, nuk do të vendosë Prishtina dhe është larg asaj për të vendosur se çfarë do të jetë Serbia”, ka thënë Dacic për “Blic”.

“Në vend të deklaratave të tilla, më mirë është të merret me dialogun që na pret, marrëveshjet në lidhje me përmirësimin e jetës së bashkësisë serbe, trashëgimisë kulturore, energjisë dhe shumë gjëra të tjera me rëndësi jetike që duhet përmirësuar dhe zgjidhur”.


Dacic sërish provokon: Nuk jep Hashim? Jep, jep...

Beograd, 13 nëntor - Kryeministri serb, Ivica Dacic, thotë se tha Hashim Thaçi tashti është në pozitë në të cilën ishte Slobodan Milosevici (krimineli dhe ish presidenti i të ashtuquajturës Jugosllavi) gjatë bisedimeve për Kosovën në Rambouillet.

"Nuk jep kurrgjë? E valla ke me dhanë. Atë që e ke kërkuar në Rambouillet, tash serbët e Kosovës e kërkojnë nga ti”, ka thënë Dacici.

Në pyetjen nëse deri në dhjetor - kur është planifikuar takimi tjetër me Thaçin - do të ketë rezultate konkrete në terren, Dacic tha se nuk po shkon në bisedimet “për t’ia dorëzuar Thaçit Kosovën, por që ta zgjidhin problemin”.

Ai shton se janë marrë vesh që disa gjëra të përshpejtohen, “që të përshpejtohen negociatat”, por ai nuk e di se kur do të ndodhë kjo.

“Mendoj se në këtë moment këtë nuk e di as Catherine Ashton”, shton Dacici.

“Ne e kthyem Serbinë në lojë, ku është lojtar, e jo spektator. Hajt të vendosim për Kosovën. Gjithmonë kemi humbur dhe kjo nuk është e lehtë, prandaj kemi nevojë për një politikë të mençur", tha kryeministri serb për RTS.

Sipas tij, Serbia ka bërë politikën që e ka larguar vendin nga ruajtja e interesit nacional në Kosovë.

“Dhe tash, shihe Kushtetutën?! Shkruan që Kosova është Serbi, po ku është kjo në jetën reale. Jeta është ndryshe. Unë i thash Thaçit se nuk do ta lejoja këtë po të isha unë president atëherë kur ishte Milosevici. Ne gjithmonë ëndërrojmë për aleatë të fortë. E s’ka gjë nga kjo. Realiteti është se serbë në Kosovë ka çdo herë e më pak”.

Ai thotë se rrëfimi i statusit Kosovës është i tillë që Serbia duhet ta imponojë, sepse në Evropë këtë e çështje e marrin të përfunduar.

“Pasojë e politikës që bazohej në mungesë bisedimesh ishte shpallja e njëanshme e Pavarësisë së Kosovës. Nëse dikush Thaçit do t’ia propozonte ndarjen e Kosovës, do ta pranonte duke kënduar. Tash është ndryshe. Ne kurrë nuk kishim aleatë. Kurrë nuk kanë mbështetur deri në fund”.

Dacici tha se kjo është kohë historike që të zgjidhet “çështja e Kosovës” sipas interesit serb dhe se për të kryesori është statusi i serbëve në Kosovë.

“Nëse ne nuk jemi të vetëdijshëm për këtë, serbë në Kosovë nuk do të ketë më”.

Ai përsëriti se Serbia nuk do ta pranojë Kosovën. Sipas tij, “Kosova po rrëshqet drejtë pavarësisë, prandaj Serbia duhet ta zgjidhë këtë status sa më shpejtë”. Ndërsa, akuzon Kostunicën dhe Tadicin se në kohën e tyre është shpallur pavarësia e Kosovës.

“E çfarë kanë bërë, mos kanë nisur luftë. Nëse ne nuk duam të luftojmë, nuk duhet të kërcënojmë, por të bëjmë politikë reale që nuk do t’ju mbetet fëmijëve e nipërve tanë ta zgjidhin. Megjithatë, Serbia këtë shans nuk do ta lëshojë”, deklaron ai, duke theksuar se atë e presidentin serb Tomislav Nikolic askush nuk do mund ta akuzojë në të ardhmen.

"Kam luftuar në Kosovë", thotë Dacic. “Tash na duhet politika reale. Liderët e serbëve nga Kosova kanë banesa në Beograd, ndërsa marrin paga nga pushteti i Kosovës. Diçka ne duhet të përtypim që të arrihen rezultatet”, ka thënë Dacic.


"Serbët e dinë se Kosova është e humbur"

Prishtinë, 13 nëntor - Analisti gjerman dhe eksperti për politikën gjermane në Ballkan, Bodo Weber, i tha agjencisë “Anadolu” se çështja e Kosovës ka mbaruar me pavarësinë e këtij shteti dhe se kryesorja është që këtë Perëndimi t’ia thotë qartë Beogradit, njëjtë si ka vepruar kancelarja gjermane Angela Merkel.

"A do të shkohet në variantin e përmirësimit gradual të marrëdhënieve mes Serbisë dhe Kosovës me mosnjohje të ndërsjellë, a do të jetë kjo njohje formale apo de facto para hyrjes së Serbisë në BE apo se, në fund, do të ndodhë një variant tjetër, kjo nuk është vendimtare në këtë moment. Unë personalisht jam për variantin e sinqeritetit”, thotë Weber.

"Që nga viti 2008, e gjithë elita politike në Serbi e di se Kosova është e humbur, dhe po ashtu e dinë se ata janë përgjegjës kryesor për këtë humbje. Sepse, asnjë plan i ofruar nga elita politike serbe, që ka synuar ta mbajë Kosovën si pjesë të territorit të Serbisë, nuk ka përmbajtur interesin e sinqertë që në shtet të mbajnë popullatën shqiptare”.

Weber ka komentuar edhe lëvizjet e fundit në skenën politike serbe.

"Duket se qeveria e re në Serbi është duke u përpjekur që të vazhdojë edhe më shumë në rrugën sipërfaqësore të pushtetit të mëparshëm. Pra, politika edhe BE edhe Kosovë, edhe BeH edhe Milorad Dodik. Por, Perëndimi vitin e kaluar ka filluar ta mbyllë atë rrugë, mbi të gjitha me intervenimin e kancelares gjermane Merkel, pas shpërthimit të dhunës në veri të Kosovës. Kjo valle nuk mund të zgjas shumë”.

Weber shpreson se Perëndimi do të ketë një qasje më diferencuese nga ajo që kishte për të preferuarin e mëparshëm Bors Tadic, dhe se do të dëgjojë zërat e opozitës dhe shoqërisë civile në Serbi.

[Lona]

“21 janari”, amnistohen deputetët e PS

Tiranë, 13 nëntor - Amnistia parlamentare, e cila hyn në fuqi më 28 Nëntor 2012, me rastin e 100-vjetorit të pavarësisë, fal tre deputetët e Partisë Socialiste, Tom Doshin, Taulant Ballën e Besnik Barajn, të akuzuar për “21 janarin”.

Tre të zgjedhurit socialistë po hetohen nga Prokuroria e Përgjithshme që prej datës 23 janar 2012 për veprën penale të “organizimit dhe pjesëmarrjes në grumbullime e manifestime të paligjshme”, parashikuar nga neni 262 i Kodit Penal të Republikës së Shqipërisë, shkruan "Panorama".

Numri i çështjeve që ndodhen ende në Prokurori, të cilat preken nga amnistia, është i madh, por çështja e 21 janarit është një prej tyre.

Gazeta “Panorama” disponon kopjen e ligjit për amnistinë me gjithë ndryshimet e pësuara në Kuvend, dokument i hartuar pas votimit në seancë. Ky dokument i është dërguar Policisë, gjykatave e Prokurorisë për zbatim pas hyrjes në fuqi më 28 Nëntor.

Më datë 23 janar 2012, prokurorja e Përgjithshme, Ina Rama, deklaroi në konferencë shtypi se atë ditë i ka kërkuar Parlamentit autorizim për hetimin e tre deputetëve të PS (kërkesa për heqjen e imunitetit). Kryeprokurorja përmendi qartë dhe publikisht se ishte e nevojshme që deputetët të hetohen në lidhje me veprën penale të “organizimit dhe pjesëmarrjes në grumbullime e manifestime të paligjshme”, e parashikuar si krim në nenin 262 të Kodit Penal.

Pikërisht ky nen i Kodit Penal, mes shumë të tjerave, është përjashtuar nga kriteri ndalues i ligjit për amnistinë, i votuar pak ditë më parë në Parlamentin e Shqipërisë.


Berisha: Shqipëria është Norvegjia e Ballkanit, superfuqi energjitike

Tiranë, 13 nëntor - Sot u zhvillua konferenca për Zhvillimin e Tregut të Gazit në Shqipëri. I pranishëm në këtë konferencë ishte edhe ambasadori i BE-së në Shqipëri, Ettore Sequi, i cili i bëri apel përfaqësuesve të TAP, pjesëmarrës në konferencë që të shfrytëzojnë tregun shqiptar që ka nevojë për gaz, por njëkohësisht të investojnë, shkruan "Shekulli".

“Me gazsjellësin e Kaukazit verior që do sjellë gaz në Shqipëri ne presim që tregtarët komercialë të sjellin atë që kanë premtuar. Gjithë korridori të jetë fleksibël dhe të rrisë tregun në gjithë vendin ku kalon. Korridori nuk duhet të ndalojë për duhet të vijojë me rritjen e kërkesës. Është kredit për Shqipërinë që ky investim të vijë në këtë vend. Shqipëria duhet të jetë më shumë se një vend pritës, pjesëmarrës në zhvillimin e Europës. TAP duhet të integrohet dhe të bëjë investime në Shqipëri. Ka mundësi të ketë përfitime të pritshme në Shqipëri, ku dhe Shqipëria duhet të përfitojë sa më shumë nga ky investim”, theksoi Sequi.

Ndërsa kryeministri Berisha në fjalën e tij tha se për Shqipërinë, TAP përbën projektin e një procesi industrializimi, sipas tij Shqipëria po kthehet në një superfuqi energjetike të lakmueshme.

“Shqipëria përfaqëson një Norvegji të vogël në rajonin e Ballkanit. Shqipëria është në rrugën e transformimit të një superfuqie energjetike, sipas të dhënave vendi ka depozita enorme hidrokarbure. Kompanitë më serioze janë duke eksploruar në zona të ndryshme të vendit dhe suksesi është i pashmangshëm. Shqipëria është e vendosur të bashkëpunojë për zgjerimin e hapësirave të tregut për këtë projekt në veri të Ballkanit dhe më gjerë. Ajo është e vendosur të vërë në dispozicion depot e saj natyrore të saj. Shqipëria po punon me intensitet për të përmirësuar klimën e biznesit. Qeveria ka marrë masa që Shqipëria të renditet në një vend të lakmueshëm nga kompanitë”, u shpreh Berisha.

Ai premtoi se qeveria do të bëjë gjithçka për liberalizimin e tregut të gazit.

“Ne po bëjmë gjithçka për të përmbushur çdo detyrim që rrjedh nga konsorciumi dhe palët e tjera për një partneritet serioz në këtë projekt të madh. Shqipëria u është mirënjohëse partnerëve në të këtë projekt për gatishmërinë që ka shprehur për të bashkëpunuar për masterplanin e gazifikimit. Masterplani është i rëndësishëm në mënyrë që qytetarët të përfitojnë në maksimum nga përdorimi i gazit”, tha Berisha.

Sot u zhvillua konferenca për Zhvillimin e Tregut të Gazit në Shqipëri.

I pranishëm në këtë konferencë ishte edhe ambasadori i BE-së në Shqipëri, Ettore Sequi, i cili i bëri apel përfaqësuesve të TAP, pjesëmarrës në konferencë që të shfrytëzojnë tregun shqiptar që ka nevojë për gaz, por njëkohësisht të investojnë.

“Me gazsjellësin e Kaukazit verior që do sjellë gaz në Shqipëri ne presim që tregtarët komercialë të sjellin atë që kanë premtuar. Gjithë korridori të jetë fleksibël dhe të rrisë tregun në gjithë vendin ku kalon. Korridori nuk duhet të ndalojë për duhet të vijojë me rritjen e kërkesës. Është kredit për Shqipërinë që ky investim të vijë në këtë vend. Shqipëria duhet të jetë më shumë se një vend pritës, pjesëmarrës në zhvillimin e Europës. TAP duhet të integrohet dhe të bëjë investime në Shqipëri. Ka mundësi të ketë përfitime të pritshme në Shqipëri, ku dhe Shqipëria duhet të përfitojë sa më shumë nga ky investim”, theksoi Sequi.

Ndërsa kryeministri Berisha në fjalën e tij tha se për Shqipërinë, TAP përbën projektin e një procesi industrializimi, sipas tij Shqipëria po kthehet në një superfuqi energjetike të lakmueshme.

“Shqipëria përfaqëson një Norvegji të vogël në rajonin e Ballkanit. Shqipëria është në rrugën e transformimit të një superfuqie energjetike, sipas të dhënave vendi ka depozita enorme hidrokarbure. Kompanitë më serioze janë duke eksploruar në zona të ndryshme të vendit dhe suksesi është i pashmangshëm. Shqipëria është e vendosur të bashkëpunojë për zgjerimin e hapësirave të tregut për këtë projekt në veri të Ballkanit dhe më gjerë. Ajo është e vendosur të vërë në dispozicion depot e saj natyrore të saj. Shqipëria po punon me intensitet për të përmirësuar klimën e biznesit. Qeveria ka marrë masa që Shqipëria të renditet në një vend të lakmueshëm nga kompanitë”, u shpreh Berisha.

Ai premtoi se qeveria do të bëjë gjithçka për liberalizimin e tregut të gazit.

“Ne po bëjmë gjithçka për të përmbushur çdo detyrim që rrjedh nga konsorciumi dhe palët e tjera për një partneritet serioz në këtë projekt të madh. Shqipëria u është mirënjohëse partnerëve në të këtë projekt për gatishmërinë që ka shprehur për të bashkëpunuar për masterplanin e gazifikimit. Masterplani është i rëndësishëm në mënyrë që qytetarët të përfitojnë në maksimum nga përdorimi i gazit”, tha Berisha.


Lëkundje tërmeti në Shqipëri, s`ka njoftime për dëme

Tiranë, 13 nëntor - Regjistrohet një lëkundje e fortë tërmeti në territorin e Shqipërisë, shkruan "Oranews".

Tërmeti ka qënë me magnitudë 3.4 ballë dhe 2 km nën tokë ndërsa epiqendra e tij ka qënë në afërsi të Urës Vajgurore.

Mësohet se lëkundjet e forta të tërmetit janë ndiher edhe në Mallakastër dhe në zonat përreth.

Nuk raportohet për dëme materiale apo të lënduar në njerëz.

[Lona]

Vendet e Gjirit njohin opozitën siriane

Doha, 13 Nëntor - Gjashtë shtete të Gjirit Persik kanë njohur një koalicion të ri opozitar në Siri si “përfaqësuesit legjitimë të vendit”.

Koalicioni Kombëtar për Revolucionin Sirian dhe Forcat e Opozitës u shpall të dielën në Doha të Katarit, me qëllim unifikimin e fraksioneve që kërkojnë të rrëzojnë presidentin Bashar al Assad.

Kryetari i koalicionit do të jetë Moaz al Khatib, një ish imam i xhamisë Umajad në Damask, që u largua nga Siria më herët gjatë vitit. Vendet perëndimore dhe Turqia më herët gjatë ditës mirëpritën krijimin e koalicionit.

Ndërkohë, ushtria izraelite njoftoi se tanket e saj kanë kryer “të shtëna direkte” ndaj artilierisë siriane pasi goditje mortaje siriane u qëlluan dhe ranë pranë një pike ushtarake izraelite në Lartësitë e Golanit për të dytën ditë rresht.

Një ankesë është bërë pranë komandës së forcave të OKB-së që veprojnë në zonë, pas asaj që korrespondentët e cilësuan si incidentin më të rëndë mes dy vendeve që prej luftës arabo-izraelite në vitin 1973.

Ndërkohë, në zona të tjera, aviacioni i qeverisë siriane bombardoi qytetin e kontrolluar nga rebelët, Ras al Ain, në afërsi të kufirit me Turqinë. Dy avionë dhe disa helikopterë shënjestruan qytetin, duke spostuar civilët në arrati drejt kampit turk Sejlanpinar.

Për fat të mirë, nuk janë raportuar viktima. NATO ka deklaruar se do të bëjë gjithçka për të mbrojtur Turqinë, një nga vendet anëtare të saj.

Gjatë javës së kaluar, ka pasur zëra se Aleanca mund ta furnizojë Turqinë me raketa tokë-ajër të tipit “Patriot”, në mënyrë që të mbrojë kufirin e saj.


Meksika blen 40 aeroplanë të rinj A320

Keretaro, 13 nëntor - Aviokompania meksikane Interxhet bëri të ditur se do të blejë nga Erbasi, 40 aeoplanë udhëtarësh A320.

Biznesi është me vlerë prej 32 miliardë dollarëve.

"Kontrata ka të bëjë për model të ri të aeroplanit të Erbasit, të cilët kanë shpenzim të zvogëluar të karburantit", theksoi shefi i kompanisë, Migel Aleman Velasko në forumin e biznesit në qytetin Keretaro, në shtetin me emër të njëjtë në pjesën qendrore të Meksikës.


A janë shkundur marrëdhëniet speciale të Rusisë me Gjermaninë?

Ligjvënësit gjermanë, javën e kaluar, kanë miratuar një rezolutë jodetyruese, e cila i bën thirrje kancerlares Angela Merkel që të ngrejë çështjen e të drejtave të njeriut në Rusi, kur këtë javë të takohet me presidentin Vladimir Putin në Moskë.

Bundestagu ka miratuar raportin e komisionarit për marrëdhëniet gjermano-ruse, Andreas Schockenhoff, i cili ka konstatuar hapa prapa në zhvillimin demokratik të Rusisë, me kthimin e Putinit për mandatin e tretë presidencial.

Berlini ka qenë një nga miqtë më të mirë të Rusisë në Evropë gjatë viteve të kancelarit gjerman, Gerhard Schroeder, por marrëdhëniet e tyre kanë ndryshuar nën Merkelin.

Constanze Stelzenmueller është ndjekëse e çështjeve transatlantike në Fondin Marshall të Gjermaninë.

“Mendoj se është një marrëdhënie, të cilën diplomatët gjermanë pëlqejnë ta quajnë ‘strategjike’ – marrëdhënie në të cilën nuk ndajmë shumë vlera, porse kemi nevojë për gjëra të caktuara. Aleatët, miqtë janë njerëzit me të cilët vërtet ndani vlera. Rusët nuk kualifikohen si aleatë apo miq”, thotë Stelezenmueller.

Importet ruse llogaritet se përfshijnë afërsisht një të tretën e konsumit të gazit natyror të Gjermanisë.

Marrë parasysh këtë, Merkel ka larguar Gjermaninë nga varësia me energjinë ruse, duke ndërtuar centrale qymyri. Ajo po ashtu ka qenë njëra nga kritiket më të zëshme evropiane të presidentit të Bjellorusisë, Alyaksandr Lukashenka – një aleat i afërt i Moskës.

Merkel ka nënshkruar Programin për Partneritet Lindor të Bashkimit Evropian, me gjithë kundërshtimet e Moskës. Stelzenmueller thotë se një gjë e tillë ka forcuar pozicionet e anëtareve të BE-së, si Polonia dhe Suedia, të cilat kanë favorizuar zhvillimin e lidhjeve më të ngushta me ish-fqinjët sovjetikë të Rusisë.

“Diplomacia gjermane ka qenë mjaft e lumtur për të lëvizur në sinkronizim me Stokholmin dhe Varshavën në një politikë më pro-aktive në periferinë lindore. Shembull i kësaj është politika gjermano-polake ndaj Bjellorusisë”, thotë Stelzenmueller.

Kur është shfaqur raporti i Schockenhoffit muajin e kaluar, Ministria e Jashtme ruse ka reaguar me zemërim. Ajo ka akuzuar Schockenhoffin për diskreditim të Putinit dhe ka marrë hapa radikalë, duke thënë se nuk e njeh Schockenhoffin si përfaqësues të Qeverisë gjermane.

Zëdhënësi i Merkelit, Steffen Seibert, ka thënë se reagimi i Rusisë është “i çuditshëm” dhe i ka rikujtuar Kremlinit se “Berlini vendos vetë se kush përfaqëson Qeverinë gjermane”. Ai ka konfirmuar se Schockenhoff do të udhëtojë me Merkelin në Moskë për të marrë pjesë në seancën e Dialogut të Petersburgut.

Edwuard Lucas, njohës i Rusisë, thotë se vullneti për t’u konfrontuar publikisht me Moskën, është zhvillim i ri për pushtetin e Merkelit.

“Në zemër të partisë së Merkelit shohim pakënaqësi publike me Rusinë dhe gatishmëri, në emër të Gjermanisë, për t’u zënë publikisht me të”, thotë Lucas.

Një shenjë tjetër e këtij vullneti të ri, shton Lucas, është vendimi i Gjermanisë për të gjykuar një çift spiunësh, të cilët janë arrestuar në vitin 2011 dhe besohet se kanë spiunuar për Moskën qysh në fund të viteve 1980.

Të gjitha këto zhvillime e bëjnë ogurzi udhëtimin e Merkelit në Moskë, thotë Lucas.


Zgjerohet skandali me gjeneralin Petereus, përfshihet edhe komandanti Alen

Sharlot, 13 nëntor - Komandanti i armatës amerikane në Afganistan, Xhon Alen është i përfshirë në skandalin e ish shefit të CIA-s gjenerali Petereus.

Agjent të FBI-së mbrëmë ka hyrë në shtëpinë e gruas, lidhja e dashurisë e së cilës me Dejvid Petereus solli deri te dorëheqja e tij si drejtor i CIA-s.

Zëdhënësja e FBI-së Sheli Linç deklaroi se agjentët kanë hyrë në shtëpinë e Pola Broduel në Sharlot, Karolinën Veriore. Ajo refuzoi të japë më shumë hollësi për shkaqet e ndërhyrjes.


Koreja e Veriut teston raketa

Pamje të fundit satelitore të regjistruara nga një organizatë akademike amerikane tregojnë se Koreja e Veriut ka kryer së fundmi disa teste në një impiant raketash.

Instituti SHBA-Kore në Universitetin John Hopkins ka deklaruar se analizat e imazheve tregojnë se Koreja e Veriut vazhdon të zhvillojë raketa me rreze të gjatë veprimi.

Sipas burimit, është provuar se janë kryer të paktën dy teste të motorëve të raketave që pas dështimit në prill të lëshimit të një prej raketave, njoftoi instituti.

Peniani deklaroi se lëshimi i raketës në prill kishte si qëllim vendosjen e një sateliti në orbitë, operacion ky që u kritikua nga SHBA, Koreja e Jugut dhe Japonia.

“Që nga testi i dështuar, Veriu ka kryer të paktën 2, ndoshta edhe më shumë, eksperimente të motorëve të raketave në bazën Sohae Satellite Launching Station, më i fundit prej të cilëve daton në shtator 2012”, thotë një raport i institutit.

Prova duket se ka përfshirë “motorat me karburant të lëngshëm të fazës së parë”, si për mjetin e lëshimit të satelitit ashtu edhe për një raketë me rreze të gjatë, të parë për herë të parë në paradën ushtarake të këtij viti.

Gjithashtu, ka pasur të dhëna për ndërtimin e një impianti raketash për lëshimin e tyre në të ardhmen. Raporti sugjeron më tej se Koreja e Veriut mund të kryejë teste të tjera tani që zgjedhjet presidenciale në Shtetet e Bashkuara kanë përfunduar, ndërsa në Jug do të zhvillohen në dhjetor.

“Nëse testimi i motorëve të raketave ose ndërtimi i platformave të lëshimit janë në përgatitje për këto aktivitete mbetet e paqartë”, ka shtuar institucioni.


Rusia dhe Sllovenia nënshkruajnë marrëveshje për tubacionin

Moskë, 13 nëntor - Gjiganti rus i gazit, Gazprom dhe kompania sllovene, Plinovodi, kanë nënshruar një marrëveshje për investime në seksionin slloven të ndërtimit të tubacionit të gazit të Jugut.

Shefi i Gazpromit, Aleksei Miller dhe zyrtarë të Plinovodi u pajtuan sot rreth kësaj marrëveshje në Moskë.

Kryeministri rus, Dmitry Medvedev dhe homologu i tij slloven, Janez Jansa morën pjesë në ceremoninë e nënshkrimit.

Miller tha se marrëveshja përfundimtare e investimeve do të zbulohet nesër.

Marrëveshjet përfundimtare të investimeve duhet të kryhen me çdo shtet, përgjatë rrugës ku kalon tubacioni.

Tubacioni Jugor do të kalojë në gjithë pjesën e poshtme të Detit të Zi, nga porti rus i Dzhubgas e deri te Varna në Bullgari. Një degë do të kalojë përmes Serbisë, Hungarisë, Sllovenisë dhe Austrisë, ndërsa dega tjetër përmes Kroacisë dhe Greqisë.

Tubacioni pritet që t’i nisë operimet në vitin 2015.

[Guri i madh]

Momenti kur Izraeli vret shefin e Hamas-it nga ajri / VIDEO




Ky është momenti kur një goditje ajrore izraelite vret një nga drejtuesit më të lartë të Hamas-it, Ahmed al- Jabari.
Video e sulmit mbi makinën e Jabari-t është postuar online nga vetë Forca Mbrojtëse Izraelite, që ofron informacione të përditësuara për operacionin e Izraelit mbi bazat e militantëve izraelitë.
Jabari akuzohet nga Izraeli si autor i një serie krimesh të përgjakshme, përfshi rrëmbimin e ushtarit izraelit Gilad Shalit.
http://www.youtube.com/watch?feature...&v=P6U2ZQ0EhN4

http://www.youtube.com/watch?feature...&v=P6U2ZQ0EhN4

[Lona]

Vriten tre izraelitë në sulmin nga Rripi i Gazës

Jerusalem, 15 nëntor - Një predhë e gjuajtur nga Rripi i Gazës, mbi Izraelin jugor goditi një ndërtesë banimi me ç'rast humbën jetën tre persona, njoftoi televizioni izraelit.

Kjo është kumtesa e parë për viktimat izraelite pasi që armata izraelite dje filloi ofensivë ajrore mbi Rripin e Gazës

Tel-Aviv, 15 nëntor - Qeveria izraelite mbrëmë miratoi rekrutim të rezervistëve që të zgjerohet operacioni në Rripin e Gazës, pas vrasjes së komandantit të krahut ushtarak të Hamasit, Ahmed al Xhabari në sulmin izraelit të kryer nga ajri.

Në serinë e sulmeve ajrore izraelite janë vrarë të paktën nëntë palestinezë, midis të cilëve edhe Xhabari, ndërsa mbi Izraelin dje kanë rënë 85 predha të gjuajtura nga Rripi i Gazës.

Sekretari i përgjithshëm i KB-së, Ban Ki-mun bëri thirrje për ndërprerje urgjente të dhunës. SHBA-ja theksoi se Izraeli ka të drejtë që të mbrohet dhe i dënoi sulmet raketore në jug të shtetit.

Zëdhënësi i Departamentit të Shtetit, Mark Toner në një kumtesë theksoi se "inkurajohet që Izraeli të vazhdojë të bëjë përpjekje për shmangie të viktimave civile".

Forin ofisi britanik kumtoi se Britania e Madhe "do të vazhdojë që t'u bëjë thirrje palëve që të japin mbështetje dhe të pengojnë eskalim të rrezikshëm, i cili nuk do të jetë në interes të askujt".

Shefat e diplomacive të shteteve nga Liga Arabe bënë thirrje në takim urgjent ditën e premte në lidhje me eskalimin e dhunës.

Egjipti i dënoi sulmet izraelite dhe e revokoi ambasadorin e tij në Kajro. Ata kërkuan edhe takim urgjent të KS-së së KB-së dhe Ligës Arabe.

Presidenti palestinez Mahmud Abas organizata, e së cilës Fatah dominon në territor tjetër palestinez - Bregu Perëndimor, e dënoi operacionin izraelit.

Krahu ushtarak i Hamasit në Tuiter porositi: "Duart tona të bekuara do të vijnë deri te liderët dhe ushtarët tuaj kudo që të jenë (Ju e hapët portën e ferrit për vete)".

Luftë e ashpër, viktima të reja nga izraelitët

Gazë, 15 nëntor - Tre palestinezë janë vrarë sot në një goditje ajrore izraelite në Rripin e Gazës. Janë vrarë anëtarë të brigadave Izedin al Kasam, krah i armatosur i Hamasit.

Me to, numri i viktimave të palës palestineze nga operacioni i forcave izraelite cili filloi dje është 11. Të plagosur janë mbi 100 njerëz. Midis të vrarëve janë edhe disa fëmijë dhe një grua shtatzënë, lajmëruan mediat palestineze.

Zëdhënësi i armatës izraelite deklaroi se 32 predha janë gjuajtur nga Rripi i Gazës mbi Izraelin nga mesnata sipas kohës lokale (22:00 sipas Griniçit).

Nuk ka informacione për viktima. Në operacionet e armatës izraelite janë përfshirë aeroplanë F-16, helikopterë Apaçi dhe anije ushtarake, të cilat granatojnë caqe nëpër brigjet e Rripit të Gazës.


Tirana fton Akademinë Serbe, Kosova bojkoton konferencën

Tiranë, 15 nëntor - Shqiperine dhe Kosovën, për të disatën i ndan Serbia. Sivjet, ato janë 'përçarë' në disa ngjarje, ndryshe nga ç'duhej të ndodhte në 100-vjetorin e Pavarësisë, kur dy shtetet me etni të njëjta do të duhej të ishin më të bashkuara se kurrë.

Shkak i dasisë mes dy vendeve janë bërë institucionet shkencore, e përkatësisht akademitë e shkencave. Të hënën, Akademia e Shkencave të Shqipërisë ka organizuar një konferencë shkencore me rastin e 40-vjetorit të themelimit të saj.

Me këtë rast, ka ftuar për të marrë pjesë akademitë e shumë shteteve të Ballkanit e më gjerë, ndër të cilat edhe Akademinë e Serbisë. Kjo ftesë i ka kushtuar Tiranës, mungesën e Akademisë së Kosovës, e cila, me të mësuar për të, ka anuluar ardhjen në konferencë.

Kjo, për arsye se sipas tyre, Akademia Serbe në vitin 1986 ka hartuar projektin famëkeq, me emrin "Memorandum SANU", si platformë kryesore në të cilën u mbështet Millosheviçi në ndërmarrjen e masave represive dhe zhvillimin e luftërave të përgjakshme në ish-Jugosllavi, veçanërisht ndaj shqiptarëve që nga viti 1987.

Lajmin e kanë konfirmuar burimet e "Gazetës Shqiptare" në Akademinë e Shkencave të Shqipërisë. Ndonëse të rezervuara dhe duke refuzuar të sqarojnë publikisht, ata na thanë dje, se kjo çështje qëndron pikërisht kështu, por janë ftuar të gjitha akademitë, kësisoj nuk mund të lihej pa ftuar ajo serbe.

"Ç'të bëjë akademia, kur politikanët shqiptarë e serbë, kosovarë e serbë, takohen në rangjet më të larta? Në rang ministrash e kryeministrash?", shtuan burimet tona, pranë anëtarëve të kryesisë së Akademisë së Shkencave.

Ata thonë se, kur kryeministri Berisha e ai Thaçi, takohen me ministra e kryeministra serbë, nuk i takon akademisë të bëjë politikë, as të refuzojë praninë e akademikëve serbe.

LETRA E AKADEMISË SË KOSOVËS

Gazeta "Koha ditore" në Prishtinë, shkruante dje se "ftesa që i është bërë Akademisë Serbe të Shkencave dhe të Arteve për të marrë pjesë në kremtimin e 40-vjetorit të Akademisë së Shkencave të Shqipërisë, ka bërë që Akademia e Shkencave dhe e Arteve të Kosovës të mos marrë pjesë në këtë kremtim".

Sipas saj, në këtë festim, të hënën ishte i pranishëm nënkryetari i Akademisë Serbe, Lubisha Rakiq. Por, Akademia e Kosovës e kishte paralajmëruar mungesën e saj, përmes një letre që i ka dërguar Akademisë së Shkencave të Shqipërisë në datën 29 tetor të këtij viti.

Në letër shkruhet se "këto ditë mësuam se në kremtimin e 40-vjetorit të Akademisë së Shkencave të Shqipërisë ishte ftuArteve. Është punë e juaja se kë ftoni, por duke marrë parasysh rolin e Akademisë Serbe në përpilimin e suazave 'shkencore' dhe ideologjike në nxitjen e dhunës dhe të gjakderdhjes masive deri te gjenocidi i hapur ndaj shqiptarëve, kroatëve, boshnjakëve etj., Akademia jonë nuk e ka pritur mirë këtë ftesë".

Citojmë, prej së njëjtës letër se, "Akademia Serbe në vitin 1986 ka hartuar projektin famëkeq, me emrin 'Memorandum SANU', si platformë kryesore në të cilën u mbështet Millosheviçi në ndërmarrjen e masave represive dhe zhvillimin e luftërave të përgjakshme në ish-Jugosllavi, veçanërisht ndaj shqiptarëve që nga viti 1987".

E për të theksuar edhe një herë idenë e tyre, akademikët e Prishtinës vërejnë se, anëtar i ekipit të këtij "Memorandumi" ishte edhe nënkryetari i sotëm i Akademisë Serbe, akademik Lubisha Rakiq. Ky i fundit, siç ASHAK paralajmëronte, në fakt ishte i pranishëm në Tiranë, në konferencën shkencore të së hënës në Akademinë e Shkencave të Shqipërisë.

E duke e pasur të sigurt ardhjen e tij, akademikët e Kosovës, në letrën e tyre shkruajnë: "Siç morëm vesh, ai e ka paralajmëruar ardhjen në përvjetorin e Akademisë suaj. Për shkak të këtij projekti, nga i cili kjo Akademi ende nuk është distancuar, ajo mbeti e izoluar deri vonë nga asociacionet e akademive evropiane, por dhe nga disa akademi të ish-Jugosllavisë, të cilat edhe sot nuk e ftojnë në asnjë takim".

Por, për kërkesën dhe ankesën e parashtruar, ata citojnë edhe një precedent. "Vitin e kaluar, Akademia Kroate e Shkencave dhe e Arteve,për shkak të këtij 'Memorandumi' nuk e ftoi Akademinë Serbe, madje as atë Malazeze, në 150-vjetorin e themelimit të saj. Dhe këtë fakt e keni ditur edhe ju z. Kryetar". Të pakënaqur me këtë hap, udhëheqja e Akademisë së Shkencave dhe të Arteve të Kosovës vendosi të mos marrë pjesë në këtë përvjetor të Akademisë suaj", - thuhet mes të tjerash, në letrën e nënshkruar nga kryetari i Akademisë së Shkencave dhe të Arteve të Kosovës, akademik Hivzi Islami.

AKADEMIKËT SERBË
Shqiptarët, si komb, kanë qenë herët objekt i studimeve të akademikëve serbë, aq herët, sa asokohe nuk kishte Shqipëri e Kosovë, si ne i dimë e i njohim sot, pra të ndara.

Projektet antishqiptare (pra jo vetëm për kosovarët siç rëndom thuhet, por edhe për shqiptarët këtej kufirit), njihen përmes dy emrave: Ilia Garashanini dhe Vasa Çubrilloviç.

Sigurisht që nuk ka vetëm kaq, por ne po përmendim vetëm këta. "Naçertanje" është platforma e Ilija Garashaninit krijuar në bazë të Doktrinës së shenjtë serbe. "Naçertanje" konkretisht bazohej në programin e shfarosjes dhe dëbimit të shqiptarëve me dhunë në përputhje me reagimet e opinionit të jashtëm ndërkombëtar.

Plani i Garashaninit, shkruar diku rreth 1840-ës, synonte shfarosjen e shqiptarëve dhe aneksimin e shumë territoreve të Ballkanit, si Bosnja, Hercegovina, Mali i Zi, Shqipëria veriore (që përfshinte Kosovën), etj. Garashanini shkruante se kjo e drejtë "e shenjtë e historisë" u takonte serbëve dhe bazohej në perandorinë e Dushanit të shekullit 14.

I dyti, por jo për nga rëndësia, është Vasa Çubrilloviç, që njihet për projektin "Dëbimi i shqiptarëve".

Ky i fundit njihet si: akademiku serb i memorandumit famëzi të vitit 1937. Çubrilloviç kërkonte pak a shumë që të realizohej spastrimi etnik i territoreve iliro-shqiptare, të pikës shqiptare që ndan tokat e vjetra të Rashkës nga Maqedonia dhe Lugina e Vardarit, siç e përcakton ai pjesën lindore të territoreve shqiptare.

Dhe ndërkohë, për të përmbyllur skemën, Çubrilloviç parashihte edhe mjetet e mekanizmat e kolonizimit të atyre trevave me sllave.


Dunlap: Kushtet në burgjet e Maqedonisë ishin mizore

Uashington, 15 nëntor – Shtetasja amerikane, Kendi Dunlap e cila muajin e kaluar në Maqedoni u arrestua për bartje ilegale të monetave jashtë vendit, për televizionin amerikan “News center”, rrëfen “përjetimet e paharruara” nga burgu i Shutkës në Maqedoni.

Ajo thotë se në burg kushtet kanë qenë mizore, ndërsa tentimet që të komunikojë me përfaqësuesit zyrtarë kanë qenë të kota. Dunlap thotë se e ka ndarë qelinë edhe me shtatë gra, prej të cilave dy kanë qenë të dënuara për vrasje.

“Ushqimin e shërbenin me një karrocë të galvanizuar pune, tejet johumane. Nuk kishte as lugë, as pirun, asgjë”, rrëfen Dunpal në intervistën për televizionin amerikan.

Shtetasja amerikane Dunlap gjatë kohës së qëndrimit në burg ka patur vazhdimisht marramendje, madje e ka humbur shikimin në syrin e djathtë. Si infermiere, ajo i ka kuptuar këto simptome si sulm në tru.

Kur rojtarët në burg kanë refuzuar ti ndihmojnë, njëra nga të burgosurat i ka dhënë nga ilaçet e saj për tension të gjakut të cilat ka arritur ti fsheh nga rojtarët kur një anëtar i familjes i ka sjellë ilaçin.

“Zoti më vendosi në vendin e vërtetë. Ata gra ishin shumë të mira. Ata nuk ishin disa me të cilat do të mendonit se një ditë do të afroheshit, por unë asnjëherë nuk do ti harroj”, thotë Dunlap.

Bashkëshorti i saj shpjegon për labirintet juridike në Maqedoni, për atë se avokati i parë ka tentuar ti mashtrojë dhe për t’u marrë sa më shumë para.

“Edhe pse ai ishte proces shumë i ngadalshëm për ne, për sistemin gjyqësor të Maqedonisë, ishte çuditërisht i shpejtë. Ne u falënderojmë edhe avokatëve tanë, por më shumë i falënderohemi Zotit”, thotë Mark.

Kendi thotë se është falënderuese për ndihmën e madhe të Ambasadës së SHBA-ve në Shkup. Kendi ishte në burg prej 28 shtator deri më 24 tetor.

[Guri i madh]

Presidenti më i varfër në botë





Zakonisht stili i jetesës së politikanëve është shumë larg nga ai i elektoratit të tyre. Por nuk ndodh kështu në Uruguai. Njihuni me presidentin që jeton në një fermë të rrënuar dhe dhuron shumicën e pagës së tij
Rrobat lahen diku jashtë shtëpisë. Uji vjen nga një pus në oborr, i veshur me bimë. Vetëm dy oficerë policie dhe Manuela, një qen me tre këmbë, bëjnë roje.
Kjo është rezidenca e presidentit të Uruguait, Jose Mujica, stili i jetesës të të cilit ndryshon shumë nga shumica e liderëve në botë.
Mujica ka hequr dorë nga shtëpia luksoze që ofron shteti uruguaian për liderët dhe ka vendosur që të qëndrojë në fermën e gruas, në një rrugë të paasfaltuar jashtë kryeqytetit Montevideo.
Presidenti dhe e shoqja punojnë vetë tokën e rrisin lule.
Ky stil jetese i kufizuar vjen për shkak se Mujica e dhuron rreth 90 përqind të pagës së tij mujore prej 12 mijë dollarë. Për këtë arsye ai është cilësuar si presidenti më i varfër në botë.
“Kam jetuar kështu shumicën e jetës sime,” thotë ai, i ulur në një karrige të vjetër në kopsht.
“Mund të jetoj mirë me këtë që kam”.
Nga paga e dhuruar e tij përfitojnë njerëzit e varfër dhe sipërmarrjet e vogla. Nga ajo që mbetet mund të thuhet se ai merr sa një uruguaian mesatar, pra rreth 775 dollarë në muaj.
Në vitin 2010, pasuria e tij e deklaruar me detyrim ishte 1800 dollarë, vlera e një Volkswagen Beetle e vitit 1987.
I zgjedhur në vitin 2009, Mujica kaloi vitet ’60 dhe ’70 si pjesë e guerileve Tupamaros, një grup i armatosur i majtë, i frymëzuar nga revolucioni kuban.
Ai është qëlluar gjashtë herë dhe ka kaluar 14 vite në burg. Shumicën e dënimit e ka kaluar në kushte të ashpra dhe në izolim deri në vitin 1985 kur Uruguai u kthye në demokraci.
Vitet në burg e kanë ndihmuar që të ketë një vizion të ri për jetën.
“Më thonë presidenti më i varfër, por nuk ndjehem i varfër. Njerëzit e varfër janë ata që punojnë vetëm për të pasur një stil të shtrenjtë jetesës dhe duan gjithmonë e më shumë,” thotë ai.
“Kjo është çështje lirie. Nëse ti nuk ke shumë gjëra në pronësi, nuk të duhet të punosh gjithë jetën si skllav për t’i mbajtur ato, ndaj ke më shumë kohë për veten.
Mund të dukem si një plakush ekscentrik, por kjo është një zgjidhje e lirë,” thotë ai.
Por edhe pse e simpatizojnë për stilin e jetesës, kjo nuk do të thotë se ai nuk është i kritikuar për atë që bën qeveria.
Opozita uruguaiane thotë se rritja ekonomike e vendit nuk ka sjellë shërbime më të mira publike në arsim e shëndetësi.
Për herë të parë që prej vitit 2009 kur ai u zgjodh, popullariteti i ka rënë nën 50 përqind.
Megjithatë ai nuk ka pse shqetësohet shumë për popullaritetin. Ligjet e Uruguajit nuk i lejojnë atij të rizgjidhet. Kështu, në moshën 77 vjeçare, ai do të tërhiqet nga politika.
Kur ta bëjë këtë gjë, do të marrë një pension dhe ndryshe nga sa ndodh me shumë ish- presidentë, ai nuk do e ketë të vështirë të mësohet me pagesën që do marrë.

[Lona]

Moskës s’i lejohet prezencë më e madhe në Transdniester

Transdniester, 18 nëntor - Presidenti i Moldavisë ka refuzuar propozimin e Rusisë për të hapur konsullatën e saj në territorin separatist të Transdniesterit.

Nicolae Timofti ka hedhur poshtë planin e Moskës, pasi zyrtarët e Kremlinit kanë kritikuar vendimin e Moldavisë për t’iu bashkuar një pakti evropian të energjisë, i cili synon të zvogëlojë dominimin e gazit rus në BE dhe në shtetet e saj lindore fqinje.

Timofti po ashtu ka thënë se ai nuk do të miratojë hapjen e konsullatës ruse derisa Rusia të mos tërheqë trupat e saj nga Transdniesteri.

Moska ka mbajtur një forcë prej 1,200 trupash në rajonin rusishtfolës, prejse ai është ndarë nga qeveria qendrore moladave më 1992.


Obama arrin në Bangkok

Presidenti i Shteteve të Bashkuara, Barack Obama, ka arritur në Bangkok.

Kjo është ndalesa e parë e tij në turneun aziatik, që përfshin edhe Birmaninë e Kamboxhian.

Obama pritet të theksojë rëndësinë e Tajlandës si aleat i Shteteve të Bashkuara, ndërsa do të takojë mbretin Bhumibol Adulyadej.

Ky është turneu i parë i Obamës jashtë vendit prejse është rizgjedhur për mandatin e dytë presidencial, më 6 nëntor.


Izraeli dhe Hamasi vazhdojnë luftimet

Kryeministri Benjamin Netanyahu ka thënë se Izraeli është i gatshëm që të zgjerojë në mënyrë të konsiderueshme operacionin kundër militantëve në Rripin e Gazës.

Ai i ka bërë këto komente të dielën, derisa Izraeli ka vazhduar të sulmojë Gazën nga ajri dhe deti për të pestën ditën me radhë. Dy ndërtesa mediatike janë shkatërruar, ashtu si edhe një zyrë e Hamasit.

Ushtria izraelite ka thënë se do të godasë qindra objektiva në Gaza, derisa ajo të ndalojë hedhjen e raketave në territorin izraelit.

Raketat e Gazës raportohet të kenë goditur edhe Jerusalemin e Tel Avivin.

Shoqata e Huaj Mediatike në Lindjen e Mesme i ka kërkuar llogari Izraelit për bombardimin e dy ndërtesave, në të cilat janë plagosur disa gazetarë.

Ushtria e Izraelit ka thënë se ka qëlluar antenat e tyre, të cilat Hamasi i përdor për të komunikuar me forcat e tij në terren.

Organizata Botërore e Shëndetësisë ka thënë se spitalet në Gaza janë të mbipopulluara me të plagosur dhe se furnizimet me barna kanë nisur të zvogëlohen.

​​
Izraeli ka vënë në gatishmëri 75,000 forca rezervë. Një ministër i qeverisë ka thënë se ofensiva tokësore në Gaza mund të nisë të dielën, nëse nuk ndalen raketat.

Dhuna në territorin palestinez është intensifikuar qysh të mërkurën, kur një raketë e Izraelit ka vrarë shefin e krahut ushtarak të Hamasit në Rripin e Gazës.

Lëvizja Islamike ka thënë se ushtria izraelite, me këtë vrasje, “i ka hapur dyert e ferrit”.

Pavarësisht sulmeve të vazhdueshme, diplomatët, në anën tjetër, kanë vazhduar përpjekjet për ndërmjetësimin e armëpushimit.

Presidenti i Egjiptit, Muhammad Morsi, ka thënë se është në kontakt me Hamasin dhe zyrtarët izraelitë.

Ministrat arabë janë takuar në Kajro dhe kanë rëndë dakord për të dërguar një delegacion në Gaza brenda 48 orëve. Delegacioni do të udhëhiqet nga shefi i Ligës Arabe, Nabil El-Araby.

Ministrat arabë kanë shprehur mbështetje të fuqishme për palestinezët në Gaza dhe kanë dënuar sulmet izraelite kundër Hamasit, i cili sundon këtë rajon qysh në vitin 2007.

Ministri i Jashtëm i Libanit, Adnan Mansour, ka thënë se vendet arabe duhet të tregojnë vendosmëri të fuqishme diplomatike dhe të mbështesin palestinezët në Gaza.

“Ne u bëjmë thirrje të gjitha vendeve arabe që kanë marrëdhënie diplomatike me Izraelin, që të ndërmarrin hapa në nivel diplomatik, duke tërhequr ambasadorët e tyre, duke ndërprerë të gjitha lidhjet diplomatike dhe duke anuluar çdo marrëveshje”, ka thënë Mansour.

Mbi 50 persona, palestinezë dhe izraelitë, thuhet të kenë humbur jetën në pesë ditë luftime. Kjo vlerësohet të jetë dhuna më e keqe ndërmjet Izraelit dhe Gazës në disa vjet.


Mijëra indianë në funeralin e politikanit anti-mysliman

Mumbai, 18 nëntor - Dhjetëra mijëra njerëz kanë mbushur rrugët e Mumbait për të ndjekur funeralin e politikanit nacionalist hindus, Bal Thackeray.

Raportet thonë se rreth 20,000 policë janë vendosur në kryeqytetin indian për të garantuar sigurinë.

Thackeray, i cili ka vdekur të shtunën në moshën 86-vjeçare, ka themeluar partinë e krahut të djathtë Shiv Sen, më 1996, me synimin për të mbajtuar emigrantët e Indisë Jugore jashtë shtetit Maharashtra dhe për të ndaluar përhapjen e Islamit.

Një hetim i qeverisë ka fajësuar Thackerayn për nxitje të dhunës kundër myslimanëve, gjatë trazirave në vitet 1990, në të cilat kanë humbur jetën mbi 1,000 njerëz.

Megjithatë, Thackaray nuk është gjykuar kurrë. Ai u ka bërë thirrje hindusve që të formojnë skuadra të sulmuesve vetëvrasës për të qëlluar myslimanët.


Obama viziton Mianmarin

Jangon, 19 nëntor - Presidenti amerikan Barak Obama u bë presidenti i parë në detyrë i SHBA-së, që viziton Birmaninë (e njohur edhe si Mianmar). Obama pritet ta mbajë një fjalim në Rangun (i njohur edhe si Jangon).

Shtëpia e Bardhë lëshoi fragmente nga fjalimi në të cilin Obama do të thotë, se “kam ardhur për të mbajtur premtimin tim, dhe të zgjasë dorën e miqësisë", por do të theksojë se “ky udhëtim sapo ka filluar, dhe ka shumë rrugë për të bërë”. Udhëheqësit e Birmanisë kanë prezantuar reformat që synojnë përmirësimin e të drejtave të njeriut, të cilat janë shkelur gjatë dekadave të rejgimit ushtarak.

Zyrtarët amerikanë theksojnë se vizita e Obamës është një shenjë e mbështetjes për këto reforma. Obama takon presidentin Thein Sein dhe drejtuesen e opozitës Aung Sun Su Ki


Jordan, protesta kundër heqjes së subvencioneve për derivate

Aman, 19 nëntor - Mijëra njerëz mbrëmë iu bashkangjitën protestave nëpër tërë Jordaninë kundër vendimit të qeverisë që t'i heqë subvencionet për derivate, transmeton BTA.

Dje ishte dita e parë e demonstratave kundër vendimit qeveritar, në të cilat morën pjesë ithtarë të majtistes, islamistë dhe qytetarë të rëndomtë.

Protestat shpeshherë janë përcjellë me dhunë, ndërsa epilogu deri në këtë moment është një i vdekur, 70 të plagosur dhe 200 të burgosur.

Kryeqyteti Aman, i cili është "epiqendra" e demonstratave, mbrëmë ishte skenë e tre mitingjeve të ndara me thirrje që qeveria të japë dorëheqje për shkak të heqjes së subvencioneve për derivate.

Rreth 300 pjesëmarrës në njërën nga protestat madje i bëri thirrje mbretit Abdullai i Dytë të abdikojë. Thirrjet për ndërrimin e regjimit shënojnë eskalim të lëvizjes protestuese, e cila deri para kësaj krize i ka kufizuar kërkesat e tyre deri në "reformim të regjimit", vërejnë agjencitë.

Në pajtim me ligjdhënien jordaneze dërgimi i mesazheve deri te mbreti dhe kërcënimet kundër qeverisë janë vepra penale që kërcënohen me dënime me burg prej 10 vjet. Sipas autoriteteve, protestat mbrëmë kanë kaluar pa incidente.


Opozita siriane "pushton" një bazë ushtarake

Damask, 19 nëntor - Kryengritësit sirianë deklaruan se e kanë zënë një bazë ushtarake të qeverisë në afërsi të kufirit turk, derisa ka pasur raporte të sulmeve në Damask, në rrethin ku besohet se jetojnë besnikët e qeverisë.

Një deklaratë nga Qendra Mediale Aleppo e opozitës, thotë se rreth 15 tanke dhe të paktën 18 ushtarë janë zënë kur kryengritësit morën kontrollin e bazës së forcave speciale në Orum al-Sughra, të vendosur në mes të Alepos dhe kufirit turk.

Në videon e postuar nga kryengritësit që pretendon se tregon bazën, shihen tanke dhe artileri të sekuestruara.

Nuk ka verifikim të pavarur të rënies së bazës.

Televizioni shtetëror sirian pranoi se “terroristët” me mortaja qëlluan në rrethin Mezze 86 të Damaskut, duke plagosur civilë dhe dëmtuar ndërtesa.

Rrethi është i banuar kryesisht me anëtarë të sektit (islamik)alavitë, sekt të cilit i takon edhe presidenti sirian Bashar al-Asad.

[Lona]

Protestuesit djegin zyrat e Vëllazërisë Myslimane

Suez, 23 nëntor - Protestuesit në Egjipt u kanë vënë zjarrin zyrave të Vëllazërisë Myslimane në tre qytete të vendit - Suez, Ismailia and Port Said.

Ata janë duke protestuar kundër ndryshimeve kushtetuese që ka bërë presidenti Muhammad Morsi.

Morsi, i cili vjen nga Vëllazëria Myslimane, ka nxjerrë të enjten një dekret të ri, duke i dhënë më shumë pushtet vetes.

Sipas dekretit, “vendimet dhe ligjet e nxjerra nga presidenti, janë përfundimtare dhe nuk mund t’iu nënshtrohen ankesave”.

Raportet thonë se kundërshtarët dhe mbështetësit e presidentit janë përleshur në Aleksandri.

Aktivistët që mbështesin reformat, akuzojnë Morsin për “zgjerim të pushtetit diktatorial, duke sulmuar idealet e revoltës së vitit të kaluar”.


Morsi thotë se punon për stabilitet

Kajro, 23 nëntor - Presidenti i Egjiptit, Muhammad Morsi, u ka thënë mbështetësve të tij se vendi është në rrugë drejt “lirisë dhe demokracisë”.

Ai i ka bërë këto komente një ditë pasi me një dekret të ri kushtetues, i ka shtuar vetes kompetencat.

Morsi, duke iu adresuar mijëra mbështetësve jashtë pallatit presidencial në Kajro, ka thënë se është duke punuar për “stabilitetin politik, social dhe ekonomik”.

Ai po ashtu ka thënë se nuk është kundër një “opozite të vërtetë dhe të fortë” të Egjiptit.

Dekreti i Morsit, sipas të cilit “vendimet dhe ligjet e nxjerra nga presidenti, janë përfundimtare dhe nuk mund t’iu nënshtrohen ankesave”, është cilësuar si autokratik.

Mijëra protestues janë tubuar sot në Kajro për ta kundërshtuar atë, ndërsa policia ka përdorur gazin lotsjellës kundër tyre.

Po ashtu ka pasur raporte për përleshje ndërmjet mbështetësve të Morsit dhe kundërshtarëve të tij në Aleksandri.

Më herët, televizioni shtetëror ka raportuar se protestuesit, në disa qytete, u kanë vënë zjarrin zyrave të Vëllazërisë Myslimane – lëvizjes së cilës i përket edhe vetë Morsi.


Siria: Turqia po bën “hapa provokues”

Damask, 23 nëntor - Siria ka dënuar kërkesën që i ka bërë Turqia NATO-s për të vendosur raketa "Patriot" pranë kufirit të saj.

Ministria e Jashtme siriane ka thënë se ky është një “hap provokues”.

Sistemi "Patriot" është i projektuar për të ndërprerë aeroplanët ose raketat e armiqve.

Turqia, e cila mbështet opozitën siriane, ka një kufi prej 900 kilometrash me Sirinë.

Rusia po ashtu ka kritikuar kërkesën e Turqisë. Ministri i Jashtëm rus, Sergei Lavrov, ka thënë se kërkesa e saj rrezikon që të përfshijë NATO-n në konfliktin e Sirisë.

Kjo e fundit po përballet me protesta antiqeveritare qysh në mars të vitit të kaluar. Regjimi i presidentit Bashar al-Assad ka shtypur me dhunë protestuesit.

Aktivistët thonë se mbi 40,000 persona kanë humbur jetën në trazira.


PE miraton rezolutë për zgjerimin e BE-së

Bruksel, 23 nëntor - Parlamenti Evropian votoi me shumicë të madhe një rezolutë jodetyruese për zgjerimin e Bashkimit Evropian. Deputetët theksuan se do të vazhdojnë angazhimet për zgjerimin pavarësisht krizës së euros.

Në Strasburg ku së fundi kryesisht flitet për krizën financiare, shumë europarlamentarë thonë se "ata nuk do të ishin fare atje, po të mos ekzistonte zgjerimi i Bashkimit Evropian". Raportuesja e Parlamentit Evropian Marilena Koppá, paralajmëron nga "dëshpërimi" që po vërehet kohët e fundit, si pasojë e lodhjes me zgjerimin e BE-së. Eurodeputetja greke thotë se një prej sukseseve më të mëdha në politikën e jashtme ishte pikërisht zgjerimi i BE-së.

“Kjo fuqi e Evropës është theksuar edhe me rastin e ndarjes së Çmimit Nobel për Paqe?, pohon ajo. Dëshpërimi që vërehet gjithandej është megjithatë i arsyeshëm. BE-ja po vë objektiva gjithnjë e më të larta, ndërkohë që disa politikanë vënë në pikëpyetje të gjitha, në veçanti anëtarësimin e një vendi të caktuar, Turqisë.

Mendime të ndryshme për Turqinë

Në debatin e fundit nuk u fol gati aspak lidhur me disa kërkesa për rivendosjen e vizave për disa vende të Ballkanit. Komisioneri për Zgjerimin Stefan Fülle pohon se "Kriteriet e Kopenhagës", të miratuara para 20 vitesh, mbeten edhe më tej baza e negociatave për anëtarësimin e vendeve të tjera. Marilena Koppá lidhur me këtë thotë: "Bëhet fjalë për besueshmërinë ndaj nesh. Nëse një vend i përmbush kushtet për anëtarësim, atëherë nuk guxon të ketë asnjë dyshim se ky vend i takon familjes evropiane."

Rezistencë lidhur me këto ide ka nga konservatorët e djathtë të Austrisë, nga partia FPÖ. Franz Obermayr nga kjo parti pohon: „Raportuesja duket se shumë gjëra po i sheh me syze rozë, në veçanti ato që kanë të bëjnë me Kriteret e Kopenhagës. Në Turqi unë nuk shoh asnjë zhvillim pozitiv në çështjen e lirisë së mendimit, lirisë së medieve, lirisë së fesë dhe të drejtave të grave. Të gjitha këto janë çështje të hapura ku nuk po shoh ndonjë zgjidhje të shpejtë."

Kriteret e Kopenhagës të miratuara në vitin 1993 parashikojnë vendosjen e stabilitetin politik, ekonominë e tregut dhe kërkojnë përmbushjen e kushteve për anëtarësim. Secili vend duhet të plotësojë për shembull kushtin e reformave juridike, para anëtarësimit. Gabimet të mos përsëriten Me rastin e anëtarësimit të Bullgarisë dhe Rumanisë ka pasur vërejtje se këto vende nuk janë financuar sa duhet. Tani ka vërejtje edhe lidhur me Kroacinë, e cila do të anëtarësohet në verën e vitit të ardhshëm.

Eurodeputeti spanjoll José Millán Mon kritikon kërkesat e britanikëve për shkurtime në buxhet. “A është kjo BE-ja e ardhmërisë? A është kjo ardhmëria e gjeneratave të reja? Shkurtimet më së shumti dëmtojnë vendet e reja anëtare të BE-së", thotë ai. Rezoluta e miratuar të enjten parashikon financimin e duhur të zgjerimeve të reja. Komisioni i BE-së kërkon që liderët e shteteve anëtare të kundërshtojnë frikën nga zgjerimi i BE-së. Kriza nuk duhet të ndikojë në procesin e zgjerimit”, pohon socialdemokrati gjerman Knut Fleckenstein. (DW)


Egjipt, policia shpërndan natën protestën

Kajro, 24 nëntor - Protestuesit opozitarë që u vendosën në tendat e ngritura në sheshin Tahrir në Kajro, u shpërndanë gjatë natës nga forcat e policisë.

Protestat janë thërritur nga të gjitha fraksionet qeveritare pas dekretit të presidentit Mohamed Morsi që ndalon të gjitha institucionet e tjera të vendit, përfshirë këtu ato të drejtësisë, që t’i anulojnë vendimet e marra.

Protestuesit e vendosur në tenda të premten pasdite, deklaruan se do të qendrojnë në sheshin simbol të lirisë për një javë rresht. Por gjatë orëve të natës ndërhyrja e forcave të policisë me gaz lotsjellës ka shpërndarë turmën.

Udhëheqësit e opozitës kërkuan sërish revolucion për të ndalur atë që ata e quajnë kalimin e vendit në një dikaturë.

Shoqatat të të drejtave të njeriut dhe juristë vendas thanë se lëvizja e presidentit është një goditje për revolucionin dhe demokracinë dhe se me anë të saj ai është në gjurmët e Hosni Mubarak i rrëzuar me protesta popullore shkurtin e 2011-ës.

Opozita deklaron se nuk do të tërhiqet nga qendrimi i saj për të mbrojtur demokracinë dhe revolucionin.

Presidenti Morsi reagoi duke deklaruar se pikërisht për të mbrojtur demokracinë dhe revolucionin nxorri dekretin e tij. Ai shkarkoi kryeprokurorin e përgjithshëm të vendit si dhe kërkoi rigjykim për të gjithë të akuzuarti për vrasje dhe dhunë ndaj demostruesve gjatë protestave anti-Mubarak.

[Lona]

Rusia kundër raketave Patriot në kufirin Turqi-Siri

Rusia ka paralajmëruar kundër një dislokimi të mundshëm të raketave patriot të NATO-s pranë kufirit të Turqisë me Sirinë.

Zëdhënësi i Ministrisë së Jashtme Alexander Lukashevich tha sot se kërkesa e Turqisë për dislokimin nuk do të ruante stabilitetin në rajon.

Ambasadorët e Natos u takuan dje për të shqyrtuar kërkesën e Turqisë, që pason disa javë bisedime mes Ankarasë dhe aleatëve të Natos për mënyrat për të shtuar sigurinë në kufirin e saj prej 900 kilometrash për të mënjanuar efektet e luftës civile siriane.

Sekretari i përgjithshëm i aleancës, Anders Fogh Rasmussen, tha se dislokimi do të shtojë aftësitë mbrojtëse ajrore të Turqisë dhe do të kontribuojë në mënjanimin e përshkallëzimit të krizës përgjatë kurifit juglindor.


Mohamed Morsi “vetëshpallet faraon”

Kajro, 23 nëntor - Opozita egjiptiane bërri thirrje për protesta masive ditën e premte kundër dekretit të presidentit Mohamed Morsi që i jep këtij të fundit kompetenca të zgjeruara e të pakundërshtueshme. Sipas opozitës, me këtë dekret, Morsi u vetëshpall “faraon” dhe goditi rëndë ligjet dhe kushtetutën e vendit.

“Ky vendim është një goditje për demokracinë. Ne u bëjmë thirrje të gjithë egjiptianëve të dalin në të gjitha sheshet dhe rrugët e vendit për të protestuar kundër këtij dekreti”, deklaroi kreu i sindikatës së juristëve, Sameh Ashour përkrah të cilit qendronin dy udhëheqësit e opozitës, Mohamed ElBaradei dhe Amr Moussa.

Dekreti i lëshuar së fundmi citon se vendimet e presidentit nuk mund të rrëzohen nga asnjë autoritet tjetër, përfshirë këtu edhe Gjykatën Supreme apo të tjera organe të lartë të drejtësisë që mbrojnë Kushtetutën e vendit.

Mbështetësit e presidentit, që u mblodhën ditën e enjte para Gjykatës Supreme në Kajro për të festuar dekretin, thonë se lëvizja është mëse e nevojshme për të mbrojtur revolucionin egjiptian.

Pak muaj më parë, një vendim i dekretit të presidentit Morsi që shkarkonte Prokurorin e Përgjithshëm të vendit u cilësua si një lëvizje anti-kushtetuese nga Gjykata Supreme në Egjipt, por me dekretin e ri, jo vetëm që asnjë institucion tjetër nuk do të mund të hedhë poshtë vendimet e presidentit, por ato bëhen edhe të padiskutueshme.


Presidenti meksikan kërkon t'ia ndryshoj emrin shtetit të tij

Meksiko Siti, 23 nëntor - Presidenti meksikan Felipe Kalderon, dëshiron që t'i shfrytëzojë ditët e fundit në krye të shtetit për ta ndërruar emrin e tij.

Ai dje dërgoi deri te Kongresi kombëtar projekt-ndryshime të Kushtetutës, me të cilat emri do të ndryshohet nga Shtetet e Bashkuara të Meksikës, siç zyrtarisht tani quhet vendi në Meksikë, siç është e njohur në mbarë botën.

Ky shtet emrin Shtetet e Bashkuara të Meksikës e mori në shekullin e 19-të nga themeluesit e saj, të cilët ishin të inspiruar nga SHBA-ja si shembull për demokraci dhe liri.

"Emri i vendit tonë më nuk ka nevojë ta kopjojë emrin e shteteve tjera. Më falni për shprehjen, por emri i Meksikës është Meksikë", tha Kalderon.

Kalderon më 1 dhjetor do t'ia dorëzojë detyrën presidenciale Enrike Pena Nietos nga Partia institucionale-revolucionare.


Tre të vrarë dhe mbi 90 të plagosur në Afganistan

Vardak, 23 nëntor - Të paktën tre persona janë vrarë dhe mbi 90 të tjerë janë plagosur nga një sulm vetëvrasës në provincën Vardak të Afganistanit.

Lajmin e ka konfirmuar për Radion Evropa e Lirë Ghullam Farooq Mukhles, kreu i Departamentit të Shëndetësisë në Vardak.

Përgjegjësinë për shpërthimin e kanë marrë talibanët.

Një zëdhënës i tyre ka thënë sulmi është kryer për t’iu hakmarrë Qeverisë afgane, e cila të mërkurën ka ekzekutuar katër talibanë të burgosur.

Burimet zyrtare thonë se shpërthimi i sotëm ka ndodhur në afërsi të një objekti, i cili shërben për trajnime të policisë dhe ushtarëve afganë.


Gaza thotë se ushtria izraelite ka vrarë një palestinez

Gazë, 23 nëntor - Autoritetet spitalore thonë se një palestinez është qëlluar për vdekje nga trupat izraelite pranë kufirit të Gazës.

Një zëdhënës i ushtrisë së Izraelit nuk ka mundur të konfirmojë incidentin, duke thënë se “trazirat” kanë shpërthyer në anën palestineze të kufirit dhe kanë bërë që ushtarët izraelitë të tërheqin vërejtjen me të shtëna paralajmëruese.

Nëse konfirmohet, ajo do të ishte viktima e parë prejse Izraeli dhe lëvizja islamike e Hamasit kanë hyrë në armëpushim, të mërkurën vonë.

Marrëveshja për armëpushim ka pasuar më shumë se një javë luftime ndërmjet dy palëve.

Zëdhënësi i Hamasit, Sami Abu Zuhri, ka akuzuar Izraelin për shkelje të armëpushimit, që ka ndërmjetësuar Egjipti.