rrugtimi i droges e perfshin edhe Kosoven

[Neferta]

Flitet perdit per narko dileret te pasurit e kazinove ndertuesit e rrokaqiejve gjipmenet me nje fjale trafiku nderkombetare i heroines made in Afganistan
Matrapazet dhe familjet e tyre qe tani jetojn ne maje te lluksit nuk i frigohen ase shtetit as zotit. ATA VEPROJN PRAN NESH DHE NE LAGJET TONA ATA JAN MBRETER.!!!!!!!
Nga Afganistani drejt Europës, sasi e madhe e drogës kalon edhe nëpër Kosovë. Kufijtë e saj të pakontrolluar sa duhet, ashtu sikur edhe të shumë shteteve të Ballkanit, bëjnë që brenda vitit drejt Perëndimit, të kalojnë nga 80 deri 85 tonë drogë të llojit heroinë. Zyra e Kombeve të Bashkuara për Droga dhe Krime vë në pah edhe klanet familjare mafioze shqiptare nga Kosova e Shqipëria.

Kosova është një nga vendet e Ballkanit, e cila nuk mund t’i kontrollojë si duhet kufijtë e vet. Për këtë arsye, një sasi e madhe e drogës trafikohet nëpërmjet kufijve të saj. Për më tepër, grupet mafioze shqiptare nga Shqipëria dhe Kosova përdorin edhe klanet familjare për të bërë më të lehtë trafikimin e drogës.
Por në lidhje me trafikimin e drogës, hiç më mirë nuk janë as vendet e tjera.
Pavarësisht kësaj, meqë Kosova është shteti i vetëm në rajon që ka mbetur në listën e zezë Schengen, qytetarët e së cilës pa viza nuk mund të shkojnë askund në Evropë, atëherë ky problem duket të jetë më i madh për të.
Droga që vjen nga Afganistani, kalon edhe nëpër Kosovë, si një nga vendet transite me destinim Evropën Perëndimore.
Kështu thuhet në një raport të publikuar nga Zyra e Kombeve të Bashkuara për Droga dhe Krime, i cili flet edhe për shtetet e tjera, ndërkohë që Expressi sjell pjesë të asaj që ka të bëjë me Kosovën.
Rrugët e hapura
Kosova së shpejti do të nisë dhënien e pasaportave biometrike.
Lëshimi i tyre, të cilat në vend të ngjyrës së kaltër tash do të kenë ngjyrë të kuqe, është vetëm një nga kushtet të cilat duhen për liberalizimin e vizave.
Ministria e Punëve të Brendshme, dhjetë ditë më parë ka dërguar një pasaportë të tillë në Aeroportin e Prishtinës.
Policia kufitare, nëpërmjet një ekzemplari, ka testuar elementet e sigurisë së pasaportës, të cilat janë duke u prodhuar në Austri nga një kompani e këtij vendi, e cila ka fituar tenderin e shpallur nga Ministria e Punëve të Brendshme e Kosovës.
“Elementet e sigurisë kanë dalë të jenë shumë të forta si dhe sistemi kufitar i aeroportit njihte të dhënat”, thotë për Express, një person i afërt me testimin e kryer.
Por derisa autoritetet e Kosovës duket se nuk kanë shumë problem me pasaportat, më shumë telashe duket se kanë me trafiqet ilegale. Pa e përfshirë pjesën kufitare në veri të vendit që është një tregim në vete, probleme duket se kanë edhe me pjesët që kufizohet me Maqedoninë, Shqipërinë e Malin e Zi.
Në këtë rast, kontrollimi i kufijve del të jetë një prej pikave më të dobëta të shtetit, kur vjen puna te futja e vendit në zonën e bardhë Schengen, ndonëse Kosova ende nuk e ka marrë as udhërrëfyesin, që është hapi i parë në këtë proces.
Një raport i publikuar nga Zyra e Kombeve të Bashkuara për Droga dhe Krime me titullin “Tregtia globale e opiumit afgan- vlerësimet e kërcënimit”, nxjerr në pah se Kosova është një vend nëpër të cilin kalon në masë të madhe droga dhe llojet e saj, e cila për burim ka kryesisht Afganistanin.
Për më tepër, në këtë dokument tregohen qartë edhe rrugët nëpër të cilën kalon droga, e cila pak mbetet në vend dhe rajon, kurse pjesa dërrmuese, falë bashkëpunimeve shumë të mira ndërmjet trafikuesve, destinim kryesor ka shtetet e Evropës Perëndimore.
Drejt Evropës
Dokumenti i Organizatës së Kombeve të Bashkuara, publikuar javë më parë, por që i referohet vitit 2009, tregon se vetëm për atë vit, 80 deri 85 tonë drogë e llojit heroinë, është trafikuar drejt Evropës Juglindore.
Derisa në rajon janë ndalur vetëm 5 tonë për konsum të kësaj sasie, pjesa tjetër, nëpërmjet rrugës që njihet si “itinerari ballkanik”, që vlerësohet si më e rëndësishmja nga trafikantët, është dërguar drejt Evropës Perëndimore dhe Qendrore.
Dokumenti sqaron se “Rruga e Ballkanit” fillon në Afganistan, kalon nëpër Republikën Islamike të Iranit, pastaj nëpër Turqi, dhe arrin në pjesën tjetër të Ballkanit, nëpërmjet Bullgarisë.
Raporti vë në dukje edhe një element shtesë, që u ndihmon trafikantëve, përveç moskontrollimit si duhet të kufijve të shteteve respektive.
Kështu, nëse qytetarëve turq u kërkohet vizë për të në shumicën e vendeve të Ballkanit, duke përjashtuar Maqedoninë, Kosovën, Shqipërinë dhe Bosnjën e Hercegovinën, atëherë shtetasit bullgarë nuk kanë nevojë për vizë për të hyrë në Serbi, apo vendet e zonës Schengen. ”Në vitin 2009, të paktën 25 për qind e heroinës së kapur në dogana bullgare ishte fshehur në importet turke”, thuhet në dokument, ndërkohë që për Kosovën thuhet se “vendi duhet të veprojë më me forcë për ruajtjen e hyrjes kontrabandë të heroinës nga Maqedonia dhe Shqipëria”.
“Kosova është në mënyrë të veçantë e kërcënuar për shkak të vendndodhjes së saj përgjatë rrugës kryesore të trafikimit të heroinës nga Bullgaria për në Itali”, thuhet më tej në raport, duke mos lënë anash edhe një element tjetër.
“Grupet kriminale shqiptare nga Shqipëria përdorin klanet familjare dhe lidhjet e tyre në Kosovë për të lehtësuar trafikimin e heroinës drejt Shqipërisë”, thuhet më tej në këtë raport.
Shtetet e paafta
Dokumenti vëren se në shumicën e vendeve të Ballkanit, kapaciteti i kufizuar i doganave është një problem serioz, ngase ka skanerë të pamjaftueshëm si dhe qenë nuhatës.
Duke krahasuar paaftësinë e vendeve të Ballkanit në luftë kundër trafikimit të heroinës, dokumenti jep shembull se në vitin 2009, sasia e heroinës së kapur në të gjitha vendet e Ballkanit, ishte sa një e dhjeta e sasisë së konfiskuar në Turqi.
Kështu, rreth 90 përqind e drogës e llojit më të lartë, që është heroina, e që konsumohet në Itali, kalon nëpër rajonin e Ballkanit.
Janë katër rrugë nëpër të cilat heroina kalon drejt Italisë, dhe e cila kalon nëpërmjet Gadishullit Ballkanik. E para është nga Bullgaria, Maqedonia, Kosova dhe Shqipëria, pastaj e dyta është nëpërmjet Greqisë, e treta Greqisë dhe Shqipërisë dhe e katërta nga Bullgaria, Serbia, Bosnja, Kroacia dhe Sllovenia.

Policia flet me statistika
Por Policia e Kosovës insiston se kanë bërë shumë në luftimin e trafikut ilegal të drogës. Zyrtarë të saj, duke u bazuar në të dhënat statistikore të tyre, tregojnë se nga janari deri në shtator të këtij viti, ata kanë pasur 241 raste të aksioneve në përpjekje për të luftuar trafikimin ilegal të substancave narkotike.
Nga këto 241 aksione, të dhënat e tyre të siguruara nga Expressi tregojnë se janë arrestuar 356 persona, prej të cilëve 353 janë shqiptarë, 6 serbë, 22 të tjerë kurse 192 janë ndaluar. Ata më tej kanë të evidentuar se nga ta, 370 janë meshkuj dhe 11 femra.
Sa i përket konfiskimit të llojeve të drogës nga të gjitha aksionet, del se Policia e Kosovës ka sekuestruar 33 kilogram heroinë, 95 kilogram marihuanë, 2,5 kilogramë kokainë, 3 mijë e 774 bimë të kanabisit, 691 ekstazi dhe 3 kilogramë droga të tjera.