Qeveria

[Zero Cool]

Çfarë ka Hashim Thaçi që veç po lëvdohet.



Nuk i mjaftuan postimet vetëlavdërese në Facebook, iu desh edhe hera e tretë për të përmendur krejt sukseset për këto 7 vite sa ka në krye të Qeverisë së Kosovës. ka nis qysh nga mbrëmja e së mërkurës për të treguar arritjet që qeveria e tij ka bërë këtë kohë.

Dicka të tillë bëri edhe në mbledhjen e parë të Qeverisë për këtë vit.

Kryeministri i Kosovës Hashim Thaçi foli për gjashtë vitet e qeverisjes së tij, duke falënderuar partnerët e koalicionit.

Ai përmendi sukseset e qeverisjes gjatë këtyre viteve, ndërsa theksoi suksesin, sipas tij, të arritur në dialogun Kosovë-Serbi në Bruksel.

“Me Marrëveshjen për menaxhimin e integruar të kufirit, Serbia de fakto ka njohur shtetin e Kosovës dhe tani policët e doganierët e Kosovës i kryejnë detyrat si çdo zyrtar i shteteve tjera. I kuptoj kritikat, por ky proces ka qenë transparent, me aprovimin e plotë të Kuvendit të Kosovës dhe me votat e dy të tretat e Kuvendit”, tha kreu i qeverisë së vendit.

Njëjtë veproi edhe mbrëmë e sot në mëngjes në faqen e tij të Facebook.

Duke marrë shkas nga 7 vjetori i qeverisjes së tij, ai ka treguar se gjatë këtyre viteve në krye të Qeverisë ka kaluar nëpër sfida jo të lehta. Thaçi thotë se është krenar për të arriturat e përbashkëta të shoqërisë dhe të shtetit të Kosovës. “Sot filluam vitin e shtatë të qeverisjes. Bashkërisht shënuam suksese të mëdha, por u ballafaquam edhe me sfida jo të lehta. Jam krenar me të arriturat e përbashkëta të shoqërisë sonë dhe të shtetit tonë të ri. Ju falënderoj për mbështetjen dhe besimin tuaj.

U jam mirënjohës edhe kritikëve të qeverisë. Së bashku, kemi bërë shumë. Bashkërisht, kam besim se mund të bëjmë edhe më shumë”, ka shkruar, Hashim Thaçi në profilin e tij në ”Facebook”.