Miliona femra ndihen te zevendesuara nga nje top futbolli.

[Kalt]

Si në Shqipëri, Gjermani, Holandë dhe në mbarë botën, miliona femra ndihen të zëvendësuara nga një top futbolli
14-06-2006
Femrat: Një "shkelm" televizorit, zgjidhja më e mirë
Aida Tuci


Ndërkohë që gjermanët dhe pjesa më e madhe e botës e kanë mendjen te futbolli, zviceranët e kanë kapur në ajër rastin për t'u kujdesur për të gjitha femrat e botës të mbetura vetëm në shtëpi. Janë pikërisht meshkujt e Alpeve të Zvicrës që kanë ofruar një zgjidhje shumë jetësore, po ta mendosh, për konfliktin e vjetër mes grave dhe sportit. Duke parashikuar që miliona femra do ta ndiejnë veten si "vejusha" me fillimin e Kampionatit Botëror "Gjermani 2006", ku të tradhtuara për një top do të braktisen nga burrat e mbledhur nëpër lokale, zviceranët zgjidhjen e tyre e kanë publikuar përmes një reklame, e cila i fton të gjitha të vizitojnë Alpet e Zvicrës, ku pa dyshim do të priten si "mbretëresha" nga meshkujt më të bukur të Zvicrës. "Ejani në Alpe, sepse këtu meshkujt ju duan më shumë juve sesa futbollin!" Ky është spoti që në fakt është ideuar dhe realizuar nga Ministria e Turizmit e Zvicrës, ku protagonistë kryesor ka meshkuj tërë muskuj, ndër të cilët edhe Mister Zvicra 2005, i cili paraqitet duke mjelë një lopë dhe duke buzëqeshur plot nënkuptime... E kush femër do të mund t'i rezistonte?
Oferta speciale vetëm për gratë përfshin shëtitje të gjata, lojëra golfi, shoping dhe çlodhje. Dhe për habi, duke iu referuar zëdhënësit të Ministrisë së Turizmit, kanë qenë të shumtë burrat që kanë prenotuar javë të gjata pushimesh për bashkëshortet e tyre. Me sa duket, ata janë gati të pranojnë edhe tradhtinë vetëm për të mos humbur një ndeshje të kampionatit botëror... Çfarë "burrash"!...
Ndërsa një grup femrash holandeze janë ngritur në protestë kundër Kupës së Botës. Në fakt, duket e çuditshme, por edhe ato kanë problemet e tyre në lidhje më këtë botëror. Sigurisht që "problemi" për ta janë bashkëshortët, pasi ata i kanë lënë tërësisht pas dore dhe janë përqendruar në ndeshjet e Kupës së Botës. "Ne, gratë e Holandës, jemi ngritur në protestë kundër Kupës së Botës. Nuk duhet të lejojmë që burrat tanë të magjepsen në një mënyrë të tillë nga një kompeticion. Kupa e Botës nuk duhet të zhvillohet më.
Ne lihemi pas dore gjatë gjithë kësaj periudhe, por problemi më i madh është se një kompeticion sportiv po arrin të ndërhyjë në marrëdhëniet bashkëshortore të njerëzve. Jemi shumë të pakënaqura dhe kërkesa jonë do të shkojë më larg se kaq. Nuk mund të qëndrojmë të heshtura më. Burrat tanë qëndrojnë gjatë gjithë kohës para televizorit, ose jashtë shtëpisë për të parë ndeshjet.
E gjithë kjo nuk është e drejtë. Të gjithë mendojnë se femrat nuk e kuptojnë futbollin dhe roli i tyre është për të shërbyer birrën dhe për të mos shqetësuar gjatë ndeshjes. Eshtë vërtet diçka e keqe," është thënë në deklaratën që kanë bërë femrat holandeze të bashkuara në grupin "antibotëror". Me sa duket, përveç spektaklit dhe emocionit që dhuron futbolli, ai ka edhe një anë negative, por kjo gjithmonë sipas femrave...

Sporti Shqiptar

[Dilaver]

Këtë vit qyteti Baden –Baden ka pasur më shumë fat se qytetet tjera në Gjermani. Këtu janë të vendosur gratë e futbollistëve anglez, të cilat shpenzojnë shuma marramendëse parash nëpër dyqane të rrobave.
Përderisa lojtarët djersiten duke vrapuar pas topit, gratë e tyre, tërë ditën, janë duke iu harxhuar paratë atyre.
Rekordin më të ri në këtë qytet tashmë e kanë thyer 8 gra, ose të dashura të lojtarëve anglez.
Çka ndryshojnë gratë e futbollistëve anglez nga gratë normale?
Për vetëm 10 minuta ato kanë shpenzuar mbi 80 mijë euro, ndër të cilat 4395 euro i kanë harxhuar vetëm në këpucë. Të gjithë pronaret e dyqaneve tashmë kanë një favorit tjetër për këtë Botëror, Anglinë.
Ata shpresojnë që Anglia të arrijë në finale, në mënyrë që gratë e lojtarëve të kombëtares së Anglisë të qëndrojnë sa më gjatë në Baden – Baden. Pa dyshim, Nr. 1 dhe mbretëresha e shoppingut është, Victoria Beckham.
Bashkëshortja e yllit të futbollit David Beckham, Victoria, vetëm për 10 minuta harxhon më shumë para se sa që harxhon për disa vjet të tëra në rroba një grua e një familjeje me ekonomi mesatare. Nuk paguan asnjëherë me para kesh, por vetëm me kartelë të bankës.
Kështu harxhojnë gratë e futbollistëve anglezë, natyrisht brenda një dite:

Cheryl, e dashura e Ashley Cole
(Rroga vjetore e futbollistit 5,3 milionë euro): Syzë dielli: R. Cavalli 300 euro, çantë: Chloé 700 euro, t- shirt: 80 euro, pantallona të shkurtë: True Religion 200 euro, çizme: Anna Sui
551 euro, Total: 1831 euro.

Victoria, bashkëshortja e yllit të futbollit David Beckham (rroga vjetore
e futbollistit 8,5 milionë euro): këmishë: Pink Joseph 293 euro, pantallona të shkurtë: Roberto Cavalli 440 euro, çantë: Chanel 660 euro, këpuca: D&G 550, Total: 1943 euro.

Express