Lajme aktuale nga vendi !

Larg nga liberalizimi!
Jeton Llapashtica | 17-03-2012 23:52 CET

Qytetarët e Kosovës, të paktën gjatë këtij viti, nuk do të mund të lëvizin pa viza, ashtu sikurse që ishte premtuar nga qeveritarët e vendit. Ngecjet e shumta në fushën e drejtësisë, në sundimin e ligjit dhe në luftimin e korrupsionit, si kritere kryesore për liberalizim vizash, edhe për një kohë të gjatë do t’ia pamundësojnë qytetarit të vendit që të lëvizë lirshëm në zonën Shëngen.

Në janar të këtij viti ministrja e Integrimeve, Vlora Çitaku, gjatë një interviste për mediet ka thënë se “beson që deri në fund të vitit 2012 kosovarët do të lëvizin pa viza”. Ajo madje, pati deklaruar se Prishtina zyrtare është e vetëdijshme se kriteret që duhet t’i plotësojë Kosova, që janë kërkuar nga bashkësia ndërkombëtare janë më të rënda sesa ato të cilat janë kërkuar për vendet tjera të rajonit.

Por, një burim ndërkombëtar i ka thënë “Zërit” se kosovarët nuk duhet të “shohin ëndrra” se do të arrijnë të lëvizin pa viza së paku edhe njëzet e katër muaj. “Unë habitem kur i dëgjoj deklaratat e disa qeveritarëve në Kosovë, të cilët thonë se shumë shpejt Kosova do të përfitojë liberalizimin. E para, ju nuk i keni plotësuar as për së afërmi kriteret për liberalizim, e dyta edhe për t’i plotësuar ato nuk është e mundur para njëzet muajve”, ka thënë ai.

Ky zyrtar ndërkombëtar ka deklaruar se drejtuesit e Qeverisë së Kosovës e kanë problem serioz me sundimin e ligjit dhe më pak problem çështjen e menaxhimit të kufijve. Sipas tij, derisa të mos jetë në nivel të duhur sundimi i ligjit, qytetarët do të bëhen viktimë e politikës.

Njohësi i mirë i integrimeve evropiane, Shenoll Muharremi, thotë se Kosova ka përparuar

dukshëm në raport me menaxhimin e integruar të kufijve, por, sipas tij, sfidë e madhe mbetet sundimi i ligjit, ku përveç luftimit të korrupsionit i domosdoshëm është edhe rregullimi i infrastrukturës ligjore, e cila i paraprin konfiskimit të pasurisë së fituar në mënyrë të paligjshme.

“Menaxhimi i Integruar i Kufijve (IBM) patjetër që është njëra prej kritereve tepër të rëndësishme për liberalizimin e vizave, ne kemi problem në veri, por çështja e marrëveshjes që ka bërë Kosova me Serbinë në Bruksel synon që ta zgjedhë çështjen e menaxhimit të integruar dhe është në vijë me kriteret që kërkohen të plotësohen për procesin e liberalizimit të vizave”, thotë Muahrremi, duke shtuar se tashmë “topi” është te Serbia, prej të cilës varet nëse do ta zbatojë ose jo marrëveshjen.

“Nëse zbatohet marrëveshja që është arritur me Serbinë, Kosova do ta arrijë kushtin për menaxhim të integruar të kufijve”, thotë ai, duke u shprehur pesimist se Serbia do ta zbatojë marrëveshjen.

Sipas tij, çështje shumë më komplekse sesa menaxhimi i integruar i kufijve është sundimi

i ligjit, gjë në të cilën Kosova është shumë mbrapa. “Ne ende nuk kemi legjislacion të mirëfilltë për konfiskim të pasurisë së paligjshme. Ende nuk ekziston vullnet veprues për ta luftuar qoftë korrupsionin, qoftë për të investuar më shumë që sistemi i drejtësisë të jetë i pavarur, të jetë efiçentë, dhe të marrë vendime profesionale”, thotë Muharremi.

Ndërsa deputetja e Lëvizjes Vetëvendosje, Alma Lama, thotë se liberalizimi i vizave është duke shërbyer si vegël me të cilën bashkësia ndërkombëtare po e shantazhon palën kosovare që gjatë procesit të bisedimeve Kosovë-Serbi të lëshojë pe në raport me palën serbe.

“Së dyti, lufta ndaj krimit dhe korrupsioni si njëra nga kushtet, e bën procesin të pamundur, ngase kjo qeveri nuk mund t’i i prijë kësaj lufte, meqenëse vetë është pjesë e krimit dhe korrupsionit dhe gjithashtu e kontrollon sistemin e drejtësisë”, thotë ajo.

Çitaku: Po punojmë pareshtur për liberalizimin

Gjatë një prononcimi për “Zëri”, ministrja e Integrimeve, Vlora Çitaku, ka thënë se Kosova ka përparuar shumë në raport me Menaxhimin e Integruar të Kufijve, dhe se Serbia i bart pasojat e moszbatimit të marrëveshjes dhe jo Kosova.

“Normalisht që Kosova ka probleme kronike sa i përket sundimit të rendit dhe ligjit. Megjithatë, në ekzistencën tonë katërvjeçare si shtet ne kemi arritur që me hapa të shpejtë të ndërtojmë një infrastrukturë ligjore jashtëzakonisht të avancuar, po ashtu të krijojmë kushte për punë për prokurorët, gjyqtarët, policët, pakrasimisht më të mira sesa vendet tjera të rajonit”, ka thënë ajo.

Rexhepi: Plan operativ kundër zgjedhjeve serbe
Lajmi i Fundite Shtunë, Mars 17th, 2012
PRISHTINE- Ministri i Punëve të Brendshme të Republikës së Kosovës, Bajram Rexhepi ka deklaruar se Policia e Kosovës është duke përgatitur planin operativ për të penguar organizimin dhe mbajtjen e zgjedhjeve lokale serbe në territorin e vendit tonë.
Ministri Rexhepi ka thënë se do të ftohen edhe EULEX-i dhe KFOR-i që të ndihmojnë realizimin e këtij plani, pasi me organizimin dhe mbajtjen e zgjedhjeve lokale serbe situata mund të tensionohet.
“Derisa Serbia pretendon se do t’i mbajë zgjedhjet, atëherë ne si institucione të Kosovës duhet të jemi të gatshëm të reagojmë dhe jo vetëm ditën e zgjedhjeve. Duhet të shfrytëzojmë të gjitha mjetet demokratike, do të ndalojmë hyrjet e personave të paautorizuar në kufij dhe materialeve që kanë të bëjnë me zgjedhjet”, tha ministri për emisionin Debat të RTK.
Sipas Rexhepit, KFOR-i nuk ka detyrime ndaj zgjedhjeve, por nëse grupet radikale serbe përpiqen të organizojnë tubime elektorale nxitëse, atëherë forcat paqeruajtëse nuk do të mund të qëndrojë duarkryq, por duhet të ofrojnë siguri për të gjithë qytetarët.
Rexhepi po ashtu ka thënë se qasja ndaj veriut duhet të ndryshojë, pasi situata nuk mund të ndërrohet me deklarata nga distanca, duke shtuar se si ai ashtu edhe kryeministri Thaçi janë të gatshëm të takohen me përfaqësuesit e serbëve të veriut, por jo si kryetarë komunash, sepse ata janë jolegjitimë.

Sejdiu gjuan “shkelmat” e fundit
Jeton Llapashtica, Fadil Halimi | 17-03-2012 15:06 CET

Përkrahësit e ish-kryetarit të Lidhjes Demokratike të Kosovës (LDK), Fatmir Sejdiu, kanë penguar të shtunën kremtimin e datëlindjes së njëzetedytë të themelimit të degës së kësaj partie në Podujevë. Me fishkëllima të shumta dhe brohoritje që kanë thirrur emrin e ish-presidentit Sejdiu, rreth tridhjetë veta nga vendlindja e Sejdiut kanë penguar kryetarin e degës së LDK-së në Podujevë, Agim Veliu, që ta lexojë fjalimin e tij.

Të njëjtën gjë përkrahësit e Sejdiut e kanë bërë edhe në kohën kur kryetari i partisë së dytë në vend, Isa Mustafa ka mbajtur fjalim para rreth pesëqind anëtarëve llapjanë, duke ia arritur që me “sukses” ta bëjnë të padëgjuar fjalimin e tij.

Ndërkaq, ndryshe nga Mustafa, i cili nuk është marrë me fishkëllimat dhe thirrjet e përkrahësve të Fatmir Sejdiut, kryetari i degës, Veliu u është kundërpërgjigjur atyre duke thirrur “Rugova” teksa e ka mbajtur fjalimin në foltore.

Gjatë “shkelmave të fundit” që kanë dhënë përkrahësit e Sejdiut, të cilin Gjykata Kushtetuese e pati rrëzuar nga funksioni, duke e cilësuar si shkelës të Kushtetutës dhe më pas anëtarët e partisë nuk ia patën besuar edhe një mandat si kryetar të LDK-së, të pranishëm në sallë kanë qenë nënkryetarë, anëtarë dhe deputetë të partisë.

Mustafa: LDK-ja në rrugë të mbarë

Në një situatë të zhurmshme dhe të tensionuar, lideri i Lidhjes Demokratike të Kosovës, Isa Mustafa, ka thënë se organet udhëheqëse të kësaj partie janë duke punuar vazhdimisht që ta reformojnë, ta ngrenë dhe forcojnë atë.

“LDK-ja ka hyrë në rrugën e transformimit, zhvillimit e të rilindjes së saj. Andaj, këto reforma mund të mos i pëlqejnë dikujt, por reforma bëhen në interes të anëtarësisë së gjerë, të rigjenerimit e të rritjes së LDK-së. Lidhja Demokratike e Kosovës vlerëson lart rolin e presidentit historik Ibrahim Rugova në zhvillimin e LDK-së e të çlirimit të vendit dhe kontributin e Fatmir Sejdiut që ka dhënë në udhëheqjen e LDK-së”, ka thënë Mustafa para simpatizantëve llapjanë.

Ndërsa Agim Veliu, i cili drejton edhe Komunën e Podujevës, ka thënë se me programin e saj nacional e demokratik dhe me intelektualët në gjirin e saj, Lidhja Demokratike e Kosovës ka arritur të ketë besimin e shqiptarëve që t’iu prirë proceseve për liri, pavarësi e demokraci.

“Modeli i veprimtarit paqësor, e Rugovizmi si filozofi e veprimit politik, ndryshe krejt nga praktikat e përgjakshme të disa liderëve të popujve në Evropën Juglindore, bënë që opinioni demokratik perëndimor të rrisë ndjeshmërinë për çështjen e pazgjidhur shqiptare e njëherësh ta ketë mbështetjen e demokracive të zhvilluara”, ka thënë Veliu.

Pavarësisht nga atmosfera e krijuar në festimin e 22-vjetorit të themelimit të degës së LDK-së në Podujevë, e cila më pas ishte pasuar me themelimin e nëndegëve dhe aktiveve, Musafa dhe Veliu së bashku kanë përshëndetur anëtarësimin e të rinjve në parti.

Sejdiu pretendon shkatërrimin e LDK-së

Situata e krijuar të shtunën në Podujevë, për analistët politikë dhe njohësit e mirë të funksionimit të LDK-së është pasqyrë e qartë se ish-presidenti Sejdiu është i frustruar dhe si rrjedhojë është duke u angazhuar maksimalisht që ta shkatërrojë udhëheqësin aktuale të partisë që e ka drejtuar vetë.

Publicisti Shkëlzen Gashi thotë se gjithçka që po ndodh në LDK është hakmarrje që ish-kryetari Sejdiu po e bën ndaj Mustafës, meqenëse sipas tij, Mustafa ia ka marrë timonin e partisë pa e treguar ambicien e tij disa muaj para Kuvendit Zgjedhor.

“Kjo që po i ndodh Isa Mustafës në disa degë, si me atë në Gjakovë apo në Podujevë, është e përgatitur nga Fatmir Sejdiu. Këtë duhet ta shohim ashtu si është në të vërtetë, pra jo luftë për parime, por luftë për interesa personale në mes tyre, pra interesa grupore e klanore”, thotë Gashi.

Sipas tij, Sejdiu momentalisht nuk ka ndikim më të madh se Mustafa në parti, por, përpjekja e tij është që ta shkatërrojë sa më shumë Lidhjen Demokratike të Kosovës.

“Sejdiu nuk mund të fitojë më, ashtu sikurse që nuk ka mundur të fitojë Nexhat Daci, pra ka vdekur politikisht, tash vetëm është duke u hakmarrur, është interesuar që ta shkatërrojë Isën (Mustafa) dhe ta ndajë LDK-në”, shprehet ai.

Ndërsa analisti, Behxhet Shala thotë se Fatmir Sejdiu ndjehet i vetmuar, prandaj ambicia e tij është që në çdo formë ta rimarrë partinë, por sipas tij, momentalisht ai e ka të pamundur që ta bëjë një veprim të tillë, meqenëse shumica e anëtarësisë është mbështetëse e kryetarit aktual.

“Nëse ai dhe Isa Mustafa e duan LDK-në ashtu siç po deklarohen, atëherë ata duhet të ulen së bashku, të punojnë bashkë dhe ta përmirësojnë njëri-tjetrin aty ku ka nevojë. Mendoj se përçarja mes Isa Mustafës dhe Fatmir Sejdiut, vetëm sa e dëmton partinë dhe nuk i kontribuon aspak konsolidimit të kësaj partie”, shprehet ai.

Sipas tij, nëse Sejdiu vazhdon të punojë që ta përçajë LDK-në, atëherë ka shumë mundësi që në një të ardhme ky subjekt politik ta përjetojë edhe një ndarje, sikurse që ka ndodhur kur është zgjedhur Sejdiu kryetar i partisë.

Gjatë kuvendit që është mbajtur në fillim të nëntorit të vitit 2010, kryetari i Prishtinës, Isa Mustafa është zgjedhur kryetar i LDK-së. Ai në këtë pozitë pati ardhur vetëm disa javë pasi Gjykata Kushtetuese e pati dhënë mendimin se Sejdiu e ka shkelur Kushtetutën, duke mbajtur njëkohësisht pozitën e presidentit dhe atë të kryetarit të partisë.

Sejdiu në funksion të Thaçit

Publicisti Shkëlzen Gashi thotë se me veprimet e tij karshi LDK-së, ish-presidenti Sejdiu është duke i bërë argat të mirë kundërshtarit më të ashpër të kësaj partie, kryeministrit Hashim Thaçi.

“Fatmir Sejdiu po ia bën një shërbim shumë të madh PDK-së dhe Hashim Thaçit. Unë nuk e di a është i vetëdijshëm ai apo këtë po e bën pa vetëdije, por e rëndësishme është që ai po i bën shërbim Thaçit”, thotë Gashi.

Tahiri: BE-ja të ndalë zgjedhjet serbe
Bashkimi Evropian është garant i marrëveshjeve të arritura në mes të Kosovës dhe Serbisë, prandaj po BE-ja duhet të ndikojë te Beogradi zyrtar që të ndalojë mbajtjen e zgjedhjeve serbe në Kosovë.
Kështu ka deklaruar në një intervistë për Kosovapress, zëvendëskryeministrja Edita Tahiri, kryengeociatore e ekipit të Kosovës në dialogun me Serbinë.
Zëvendëskryeministrja e Qeverisë së Kosovës dhe udhëheqësja e delegacionit të Kosovës në dialogun teknik me Serbinë, Edita Tahiri ka deklaruar se ekipet e dialogut janë emëruar nga ministritë në bazë të fushave për të cilat është biseduar. Ajo ka shpalosur të arriturat e këtyre ekipeve, gjë që kanë rezultuar me marrëveshjet e arritura ku, sipas saj, Serbia “de fakto” e ka njohur pavarësinë e Kosovës.
Udhëheqësja e delegacionit të Kosovës Edita Tahiri ka sqaruar se ekipi i dialogut teknik ka qenë i emëruar sipas fushave nga ministritë përkatëse, ndërsa ajo si kryenegociatore ka pasur parasysh vizionin e këtij procesi, i cili ka qenë që dialogu teknik të sigurojë avancimin e interesit nacional të Republikës së Kosovës, gjë që sipas saj edhe ka ndodhur.
“Kemi arrit suksesin që Serbia de fakto e ka njohur pavarësinë e Kosovës, sepse, për shembull, marrëveshja për bashkëpunimin rajonal, për të cilin kompetent ka qenë Ministria e Jashtme, që të japë platformën, ekipin, kemi arritur që Kosova sot jo vetëm të plotësojë standardin e bashkëpunimit, rajonal por të përfaqësohet si shtet i pavarur dhe sovran në të gjitha takimet rajonale dhe më gjerë, të flas për veten, të nënshkruajë vetë marrëveshjet për dallim nga e kaluara, që siç e dimë, Kosova është përfaqësuar nga UNMIK-u dhe kjo marrëveshje i jep fund përfaqësimit të UNMIK-ut në emër të Kosovës. Po ashtu, është më rëndësi të thuhet që vendimet që i kemi marrë dhe marrëveshjet e arritura kanë një rezultat kapital, ai është që Bashkimi Evropian i ka hapur dyert zyrtare për anëtarësimin e Kosovës në BE”, ka thënë Tahiri.
Ajo shtoi se të gjithë ata që duan ta analizojnë dialogun teknik dhe rezultatet e Republikës së Kosovës në këtë dialog, duhet ta bëjnë këtë me një qasje vizionare, duke e parë se si kanë arritur të forcojnë sovranitetin ndërkombëtar të Kosovës, sepse tash flet vetë për vetveten, nënshkruan për vetveten, përfaqësohesh si shtet i pavarur dhe sovran.
Ndërkaq, duke folur për lëshimin e takimit të palës kosovare në Beograd për shkak të fusnotës dhe po ashtu edhe të Serbisë në Slloveni për shkak të fusnotës, Tahiri ka deklaruar se për zbatimin e marrëveshjeve përgjegjës është Bashkimi Evropian , i cili është edhe garantues i këtyre marrëveshjeve dhe i mbetet BE-së të përdorë të gjitha mekanizmat për zbatimin e marrëveshjeve .
“Të dy palët duhet ta interpretojnë marrëveshjen në mënyrë të saktë dhe në rastet kur ndonjë palë nuk e kupton mirë, në këtë rast, Serbia si duket nuk e kaptuar mirë se çka thotë marrëveshja për bashkëpunime rajonale, atëherë duhet t’i drejtohet ndërmjetësuesit, Bashkimit Evropian, për të marrë interpretimin e saktë dhe zyrtar”, ka thënë Tahiri.
Udhëheqësja e delegacionit të Kosovës në këtë dialog teknik, Edita Tahiri ndalet edhe te deklarimet e fundit për bisedimet për veriun ku thotë se bisedat politike me Serbinë kanë përfunduar njëherë e përgjithmonë .
“Ky është kapitull i mbyllur dhe çfarëdo tendencash që mund të ketë Serbia në këtë drejtim janë tendenca për t’i prekur kufijtë e Ballkanit dhe në qoftë se ndodhë kjo, përgjigjen veç e dha kryeministri”, ka thënë Tahiri.
Megjithatë, sipas saj, nuk pritet që së shpejti të ketë raund të ri të bisedimeve pasi që Serbia po hyn në zgjedhje, por, sipas saj, grupet teknike duhet të punojnë për zbatimin e marrëveshjeve të arritura, posaçërisht asaj për menaxhimin e integruar të kufirit.
“Serbia do të bëjë një gabim të madh në qoftë se vazhdon me politika iluzioniste dhe tash është radha e BE-së që të flasë me një zë dhe me një zë të prerë e të vendosur që të mos lejojë Serbinë në punët e brendshme të Kosovës, me fjalë tjera të bëjë zgjedhje në Kosovë”, ka thënë Tahiri.
Marrëveshjen për bashkëpunimet rajonale e ka shpjeguar në mënyrë të hollësishme kryeministri i Qeverisë së Republikës së Kosovës, e po ashtu edhe kryenegociatorja Edita Tahiri ka dhënë konferencë për shtyp ku ka shpjeguar rezultatet e arritjes dhe menjëherë ka vazhduar punën diplomatike në Bruksel, Paris dhe Londër për të biseduar me këto qendra vendimmarrëse, meqenëse ishte java kur BE-ja merrte vendime të rëndësishme për perspektiven evropiane të Kosovës. (rtk)

[Arb]

Syla:"Shpifën, mashtruan – Paratë e Jasharajve nuk më erdhën as mua"

(i plotësuar) - Azem Sylaj ka thënë se ka marrë ndihma nga viti 1994 deri në fushatën zgjedhore të vitit 2010, duke u përgjigjur nëse ai kishte marrë pension invalidor, gjë për të cilën akuzohet. Ai tha se pasi fitoi mandatin e deputetit, ka marrë rrogën e tij (të deputetit) nga Kuvendi i Kosovës, që nga muaji mars (2011).

Prokuroria zvicerane këtë muaj ka ngritur padi penale për zhvatje të shtetit zviceranr nga fondi i sigurimeve. Sipas akuzës Sylaj ka përfituar mbi 400 mijë franga në mënyrë të paligjshme, në 9 vjetët e fundit, pasi vite më parë ishte shpallur me vlerësim psikiatrik “100 për qind i çmendur”. Por, ai i mohoi këto akuza.

“Të gjitha këto janë shpifje për denigrim. Nuk gjendet askund se kam marrë edhe atje edhe këtu rrogë. Unë moralisht dhe sinqerish them se nuk e kam mashtruar shtetin e Zvicrës”, ka thënë Syla. Ai për më tepër, e ka mohuar ekzistencën e ndonjë aktakuze të atillë në shtetin e Zvicrës. “Deri më tash nuk ka hetime ndaj meje”, ka thënë Sylaj. Ai ka hedhur poshtë informacionet se atij i është hequr viza C. “Edhe viza C nuk më është hequr, para dy ditësh jam kon në Zvicër dhe jam shumë i dëshpëruar për tërë këto akuza”, ka thënë ai. Sylaj ka thënë se pavarësisht të gjithave e falënderon Zvicrën. “Unë tashti do të pres ligjërisht njoftimin e shtetit zviceran për lejeqëndrim ose do të shkojë ta tërheq lejen dhe do ta falënderojë shumë shtetin zviceran”.

Ai ka thënë se i vjen keq pas gjithë atij invetsimi të tij të gjatë e të shumanshëm për kombine shtetin. “E tërë veprimtaria ime si pedagog, veprimtar dhe së fundi si luftëtar për këtë liri që sot e gëzojmë, po goditen. Ato janë akuza politike, dje SHIK-u, sot Azemi çka janë këto”, ka thënë ai.

I pyetur për shtetin zviceran, Sylaj ka thënë se nuk i bie të flaës. “...nuk do të thotë se nuk kam marrë ndihma prej azilanti, por jo pensione, sepse nuk kam punuar atje”. Më pas ai ka pranuar se ka një avokat. “Ma kanë gjet një avokat zviceran atje, me shtetësi zvicerane, por shqiptar, se unë nuk e flas mirë gjuhën zvicerane, por me kuptu e kuptoj. E vërteta duhet të jetë në anën time”, ka thënë Sylaj.

I pyetur për kërkesën për dorëheqje të parashtruar nga eurodeputetja Lunaçek, Sylaj ka thënë: “Unë nuk kisha hyrë tek deklarata e mikes, për hir të Kosovës, unë nuk bahna pengesë. Ma merr mendja se Lunaçek është e painformuar për mua. “Dorëheqja nuk përbën problem moral për mua”.
Ai më pas ka vazhduar të flas për pohimet e Dik Martit, duke e parafrazuar atë ka thënë se edhe ‘vetë Dik Marti ka thënë se është e pamundur në ato kushte (të azilantit) të jetohet, e lëre më të bëhet tregti me organe’.

Më pas ai ka folur për linjat me shtetin mik, SHBA-në. “Linjat me shtetin mik, amerikën i kam nga ’92-shi. E kam lidhur një miqësi të sinqertë me amerikanët. Kemi bashkëpunuar në Rambuje, bombardimet...e deri më sot”, ka thënë Sylaj.
I pyetur nëse do ta padisë shtetin zviceran, pasi ndihet i pafajshëm, Sylaj ka thënë: “Moralisht dhe drejtësisht, është e drejtë me i padit, por do të shohim”, ka thënë Sylaj.

I pyetur për shkelje të ligjit në mënyrë të pavetëdijshme, Sylaj ka thënë se as me pavetëdije nuk ka mundur t’i ndodhte kjo. Ai më pas ka thënë se këto akuza po ia dëmtojnë familjen, vetë atë, miqtë e tij, por edhe UÇK-në. “40 vjet kam punuar për popullin tim”.

I pyetur për raportet me familjen Jasharaj, ai ka kujtuar dhimbjen për tragjedinë që pësoi ajo familje, për humbjen e gati të gjithë anëtareve të Adem e Hamëz Jasharit.

Kurse sa i përket akuzës së bërë para disa ditësh, nga ana e Rexhep Selimit, për atë se nuk dihet se çka është bërë me një shumë parash prej 40 mijë marka të cilat, sipas Selimit, ishin të dedikuara për blerjen e armatimit për familjen Jashari, Syla ka thënë se këto mjete nuk kanë kaluar nëpër duar të tij dhe se këtu nuk ka kurrfarë keqpërdorimi të mjeteve nga ana e tij.

Duke folur më tej për komentimin e bërë nga Rexhep Selimi se Sylaj nuk ia kishte dërguar armët Adem Jasharit, ai ka thënë: Respektin për Rexhep Selimin që e kam pasur për të kur ka qenë luftëtar i UÇK-së kur ishte UÇK-ja guerile, shpresoj le të jetë djalë i mirë, a ka qenë djalë i mirë le ta pyes veten?
Ai ka thënë se në Kosovë kanë hyjë shumë armë dhe nuk ka çka të thotë për ato akuza, të cilat i quan shpifje.

“Unë gjatë luftës kam pasur përgjegjësin e komandantit dhe fondi prej 40.000 (dyzetëmijë) markave ka shkuar i tëri për luftën e UÇK-së, për armë e për gjithëçka, e edhe 40 mijë të tjera edhe 4 milionë kanë shkuar për luftën”, ka thënë ai.

I pyetur për akuzat e Nazmi Bllacës për disa vrasje në kohën e pasluftës në Kosovë, Syla ka thënë se ai nuk ka qenë kurrë shef i SHIK-ut, dhe akuzat i quajti shpifje që kanë qëllim bëhen për të denigruar figurën e tij dhe luftën çlirimtare. / BS


Kam marrë ndihma sociale të azilantit, por jo pension invalidor
Pas një rekapitullimi të jetës së tij ndër vite, Azem Syla ka folur në fund të emisionit Debat në RTK për akuzat se e ka mashtruar Zvicrën.

“Janë shpifje. Janë mashtrime. Kam marrë ndihma sociale të azilantit, por jo pension invalidor. Si të marrë pa punuar kurrë. Kam qenë në Zvicër së fundi dhe kam folur me ta. Nuk i kam mashtuar asnjëherë. Jam mirë me ta, është një prej shteteve që na ka ndihmuar në luftë dhe më pas. Ndihma kam marrë deri në fillim të vitit 2011 kur kam nisur të marrë pagën e deputetit të Kuvendit. Nuk i kam marrë të dyja”, ka rrëfyer Syla. Ai tha se kur ka shkuar të interesohet për rastin e tij e ka gjetur një referente me mbiemrin Millosheviq që punonte në zyrat e shërbimit zviceran.

Syla ka thënë se për momentin nuk ka hetime nga Prokuroria zvicerane, porse beson fuqishëm në drejtësinë e Zvicrës. Deputeti i PDK-së tha se shpifjet po bëhen për të denigruar figurën e tij dhe luftën çlirimtare.







Vleresimi psikiatrik se Azem Syla eshte 100% eshte i cmendur doli i vertete, ne baze te intervistes se tij me ate gazetarin analfabet, Rizvan Berisha.

Qeveria e Kosovës përshëndet vendimin për rastin ”Kleçka”
(I plotësuar) - Qeveria e Kosovës ka përshendetur vendimin e Trupit Gjykues për shpalljen e pavlefshme të dëshmive kryesore në rastin Limaj dhe të tjerët.
Zëvëndëskryeministri, Hajredin Kuçi tha pas mbledhjes së qeverisë se lufta e Ushtrisë Çlirimtare ka qenë në përputhje me normat ndërkombëtare, duke shprehur bindjen për pafajësinë e deputetit, Fatmir Limaj. Ai tha se Limaj ka mbështetjen e plotë për t’iu kthyer jetës politike në vend.
Ndërkaq sot Trupi Gjykues ka shpallur të papranueshme të gjitha deklaratat dhe ditarët e dëshmitarit “X” në rastin ”Kleçka”. Siç dihet padia ndaj dhjetë ish-luftëtarëve të UÇK-së ishte ngritur nga prokuroria e EULEX-it, duke u bazuar në dëshmitë, e tani më të ndjerit Agim Zogaj, i njohur si dëshmitari “X”.
Hidhen poshtë deklaratat dhe ditarët e dëshmitarit X
Dëshmitë e Agim Zogajt, i njohur si dëshmitari X janë hedhur poshtë nga paneli i gjyqtarëve në rastin Klecka kundër 9 ish luftëtarëve dhe deputetit Fatmir Limaj. Të gjitha deklaratat, ekzaminimet dhe ditarët e X-it janë konsideruar si të papranueshme dhe janë vecuar nga shkresat e lëndës.
Gjyqtari ka kërkuar nga avokatët mbrojtës që ta përgatisin fjalën përfundimtare si dhe i është kërkuar prokurorit Maurizio Salustro që ta ndërroj aktakuzën apo të shtoj dicka tjetër nëse ka. Ai është përgjigjur se nuk ka cfarë ti shtoj pos asaj që ka bërë më herët.
Tashmë pritet fjala përfundimtar e trupit gjykues në këtë rast, që mund të jetë edhe fundi i procesit ende pa nisur gjykimi pasi X-i ishte dëshmitari kryesor në këtë rast.

[Arb]

Ja kush jane njerezit e Levizjes se magjupeve te Kosoves.

http://rtklive.com/s_video/debat.asx

Keta njerez definitivisht kurre nuk kane bere asgje te mire per Kosoven.

[Arb]

Frikën që jetuam dhe frika me të cilën jetojmë

08 February, 2012 03:20:00





Shkruan:Kim MEHMETI

Në vitet e socializmit, kur në Kosovë zhvillohej diferencimi i egër, nëpërmjet të cilit Beogradi i ndante shqiptarët në “të ndershëm” dhe “destrukivë”, sa herë që nisesha për në Prishtinë, dashamirët më këshillonin të kisha kujdes me kë kontaktoja, ngaqë “këta të këtushmit” i merrnin vesh të gjitha ende pa u kthyer unë në Shkup. Nuk kishte nevojë të më tregonin cilët ishin “ata këtu”. Unë kërkoja shpjegim se kush i lajmëronte “këta këtu” për atë që unë bëja “atje”. Pa hamendje më thoshin: “spiunët shqiptarë”. Unë vazhdoja të shkoja në Prishtinë, atje ku ishin ata që më përkrahnin, ata të cilëve u besoja e më besonin. Kuptohet, e dija se edhe disa miqve të mi atje u thoshin të kenë kujdes kur kontaktojnë me mua, duke u thënë se më “çonin këta” të këtushmit që t’u tregoja se çka “bënin ata atje”.

Asokohe, i sapokthyer në vendlindje, pas shumë bredhjeve nëpër botë, nëpër profesione e nëpër shtigjet e jetës, kisha ndjenjën se shqiptaria vlonte nga spiunët dhe sa nuk u binda se edhe pulat e kuqe të shqiptarëve nuk bënin vezë, por merreshin me spiunim e pulave të bardha. Mbase edhe shkaku se isha i sapoardhur në mjedisin e popullit tim, shumë shpejt e kuptova se e gjithë ajo lojë kishte për qëllim të na bënte mosbesues ndaj njëri-tjetrit, të kishim frikë nga vetvetja e të mbështeteshim te “tjetri”. Thjesht donin ta ndërprisnin komunikimin e shqiptarëve të Maqedonisë me ata të Kosovës, ta konsideronim njëri-tjetrin si “fatkeqësinë tonë”. Të jetonim me frikën se ngado që të shkoje, shikimi i kujdestarëve të përcillte. E sa i përket Shqipërisë, atë edhe ashtu e jetonim trishtueshëm, ngaqë e fshihnim nën sqetulla, në formë të ndonjë libri të ndaluar, të ardhur nga përtej kufirit e për të cilin mund të shkoje edhe në burg.

Sot, në kohën e demokracisë, në kohën kur në forma të ndryshme e jetojmë lirinë nëpër “Shqipëritë” tona, sa herë që nisem për në Prishtinë, dashamirët më këshillojnë të mos “llaptoj” shumë kundër pushtetarëve të atjeshëm, të mos takohem në vende publike me Albinin, ngaqë “SHIK-u i Hashimit” i di të gjitha e t’i nxjerr në sipërfaqe kontaktet me mikeshat e tua serbe gjatë kohës sa ke jetuar në Beograd. Edhe kur nisem për në Shqipëri, ka nga ata që më këshillojnë të mos “leh shumë” kundër diplomacisë inferiore të Tiranës zyrtare, e cila është aq “properëndimore” sa nuk e di çka është duke ndodhur në lindje të vendit të saj, ku Shqipëria kufizohet me shqiptarët.

Pra, më thonë se “SHIK-u i Salës” i merr vesh të gjitha dhe pushtetarëve të atjeshëm nuk u pëlqen kur thua se antishqiptaria në Maqedoni ka edhe mbështetje institucionale, ngaqë kryqin e madh mbi Vodno nuk e ndërtuan tifozët e ekipeve sportive maqedonase, kishën në Kalanë e Shkupit nuk filluan ta ndërtonin tifozët e futbollit maqedonas, se projektin “Shkupi 2014″ nuk e projektuan të rinj të frustruar maqedonas, se Enciklopedinë fyese ndaj shqiptarëve nuk e botuan tifozët e hendbollit maqedonas, se autorë të librave shkollorë ku fyhen shqiptarët nuk janë tifozët maqedonas të basketbollit…, se të gjitha këto projekte që nxisin antishqiptari i realizoi qeveria maqedonase, ku marrin pjesë edhe pushtetarë shqiptarë. Pra, dashamirët më këshillojnë të jem i matur, të mos akuzoj Tiranën pse ajo këto koncepte antishqiptare i quan “eksese” të izoluara, pse nuk thotë hapur se këta të rinj që sot kërkojnë “dhoma gazi për shqiptarët”, e që kanë lindur në vitin kur Maqedonia shpalli pavarësinë, u ushqyen me antishqiptari edhe nga institucionet shtetërore.

Ata që më duan e që i shqetëson qëndrimi im ndaj disa dukurive nëpër “Shqipëritë” tona, edhe kur nuk udhëtojë as në Tiranë as në Prishtinë më japin këshilla. Dhe thuajse nga tri herë në ditë ma rikujtojnë të mos i hidhëroj së tepërmi pushtetarët e këtushëm të BDI-së, ngaqë shumica nga ata na qenkan “të lidhur me Sashon”, kështu që mund të më gjejë ndonjë e keqe, të cilën e ka “porositur Stojani, por e realizon Hasani”, apo të cilën “ta bën Hasani e i përshkruhet Stojanit”. Unë i pyes si është e mundur diçka e tillë kur pushtetarët tanë aq vrullshëm e valëvisin flamurin kombëtar, kur aq flijuam që të kemi të zgjedhurit tanë. Ata ulin krahët e unë e di që e mendojnë atë që unë e them hapur: shumë nga politikanët tanë mbulohen me flamurin kuq e zi e me shqiponjën dykrerëshe, por i përkulen vetëm ngjyrës së euros dhe asaj të dollarit.

As dikur e as tani, nuk u e besoj atyre që edhe pa dashje mbjellin farën e frikës që ka për qëllim të mos i besojmë njëri-tjetrit, të mos i besojmë vetvetes. E di, edhe sot, njësoj si dikur në socializëm, dikush dëshiron që të jetojmë me frikën se fatin na e përcakton vetëm “nëna” parti, se ne nuk i takojmë shtetit, por pushtetit. Pra, atëherë e dija se këtë frikë e mbillnin “të kuqtë” që nuk duronin shumëngjyrshmërinë, e sot atë e mbjellin “demokratët” që nuk privatizuan vetëm pronën shoqërore, por edhe popullin. Andaj, edhe sot, njësoj si dikur, ndihem tmerrësisht keq pse ne shqiptarët vetvetiu e njollosim vetveten si popull që nga gjitha profesionet, më së shumti e parapëlqen atë të “spiunimit”.

Po në vitet e dy dekadat e fundit të shekullit të njëzet, sa herë që shkoja në Prishtinë, dashamirët më thoshin: Ki kujdes me kë kontakton, se policia maqedonase do i marrë vesh të gjitha para se të kthehesh në Shkup. Miqve të mi në Prishtinë, dashamirët e tyre u thoshin të kujdeseshin gjatë kontakteve me mua, ngaqë mund të kisha shkuar atje edhe me ndonjë “detyrë speciale”. Ne, rioshët e atëhershëm, jetonim me frikën se tërë kohën ishim të përgjuar, frikë të cilën e përballonim lehtë, jo pse ishim trima, por ngaqë e dinim se nuk ishim nga ata “peshqit” e mëdhenj me të cilët ushqeheshin peshkaqenët komunistë dhe pse na mbante ëndrra se një ditë, kur do të jetojmë lirinë tonë, s’do të kemi nevojë të fshihemi nga SHIK-et e “Shqipërive” tona.

Tani, kur dëgjoj dashamirët të më këshillojnë të jem më i kujdesshëm kur “llaptoj” për pushtetarët në Prishtinë e në Tiranë, kur më tregojnë se me cilët nuk duhet të takohem në vende publike për të mos e irrituar “Hashimin apo Salën”, kur më thonë se pushtetarët e këtushëm nuk më mbrojnë mua nga “sashot”, por Gruevskin e mbrojnë nga unë, shumëçka më bën të ndihem si dikur kur ëndërronim të jetonim pa frikën se jemi të përgjuar. Dhe shpesh më ndodh që njësoj si në vitet e rinisë së hershme, të kem ndjenjën se edhe pulat e shqiptarëve në pushtet nuk bëjnë gjë tjetër përpos që i përcjellin hap pas hapi pulat e shqiptarëve që kritikojnë qeveritarët. Pra, shumëçka më ngjan në jetën që bënim dikur kur jetonim frikën se UDBA e Beogradit e dinte se ç’bënim edhe në shtrat. Andaj, dashamirëve që sot më këshillojnë të jem i kujdesshëm ndaj “SHIK-ut të Thaçit e të Salës” unë ua them atë që ua thosha miqve të mi të dikurshëm që më përgjëroheshin të jem i kujdesshëm ndaj spiunëve të “kuq” shqiptarë: njeriun nuk e lë pa gjumë ajo që dinë të tjerët për të, por gjërat që i fsheh nga bota dhe jeton me frikën se ato një ditë do të mund të

[Fshatari]

Schwrtz: Amerika do të ndërhyjë në veri
Gazetari amerikan Stephen Suleyman Schwartz thotë se Kosova është nën imperializmin e Bashkimit Evropian, të EULEX-it, UNMIK-ut, të agjencive të huaja që përbëhen prej njerëzve të patrajnuar e të papërvojë.
“Ata marrin vendimet. E kjo asht absurde. Ata duhet ta lejojnë Kosovën, Republikën e Kosovës, të drejtohet prej kosovarëve”, thotë Schwartz për Rrokum TV, duke theksuar se duhet dhënë fund ndërhyrjes që ai e quan “Mafia Humanitare Ndërkombëtare”.
“Ata nuk janë njerëz të mirë”, shton Swchartz.
Kur është fjala te problemi i veriut të Kosovës, gazetari amerikan thotë se problem është Evropa Perëndimore që “haptazi po firmos me serbët”.
“Ata simpatizojnë serbët”, thotë Schwartz, sipas të cilit nëse situata përkeqësohet, SHBA-të do të ndërhyjnë. “Nëse Serbia shtyn në veri, SHBA ka me reagua për me e tërheqë Serbinë”. /Telegrafi/
__________________________________________________
http://www.telegrafi.com/lajme/schwr...i-2-21169.html
__________________________________________________ _________
Ma fjale tjera, udebeja, eulexi i drejtuar nga mafia evropiane, firmosin me çetniket e tadiçit; poshterojne qeverine e Kosoves; vjedhin pasurine e Kosoves.
Rezyme:
“Mafia Humanitare Ndërkombëtare” i ka simpati serbët sepse i gjasojne njeri-tjetrit.
Paçavura bre! Ju kam thane qe 100 vjete.

....nje konstatim mjaft real, siq duket Amerika ia besoi qeshtjen e Kosoven Europes mirpo shifet qarte qe Europa eshte duke na kthyer ne goje te ujkut.

[Arb]

Postimi origjinal është bërë nga Fshatari

__________________________________________________ _________
Ma fjale tjera, udebeja, eulexi i drejtuar nga mafia evropiane, firmosin me çetniket e tadiçit; poshterojne qeverine e Kosoves; vjedhin pasurine e Kosoves.
Rezyme:
“Mafia Humanitare Ndërkombëtare” i ka simpati serbët sepse i gjasojne njeri-tjetrit.
Paçavura bre! Ju kam thane qe 100 vjete.

E gjithe kjo behet me ndihmen e cetnikeve Taci me co...

[Fshatari]

Momentet e vështira të Fyles
Të martën ndodhi ajo që pritej, komisionieri për Zgjerim, Stefan Fyle erdhi në Kosovë dhe tha, deklarativisht, se po nis studimi i fizibilitetit për Kosovën, ndonëse njëjtë siç ndodhi edhe me vizitën e komisioneres për çështjen e vizave, Malmstrom, nuk pati pothuajse asgjë konkrete për të thënë.
Ndoshta më shumë edhe si reagim ndaj shkrimeve në medie se po vjen duarthatë, Fyle para kamerave televizive, i dorëzoi Presidentes dhe dy liderëve të tjerë të Kosovës, Hashim Thaçit e Jakup Krasniqit një dokument, i cili në fakt nuk përmban asgjë konkrete për studimin e fizibilitetit, shkruan “Zëri”.
Sidoqoftë, për dallim nga Malmstrom, komisionari Fyle ka kaluar ndoshta disa nga orët më të vështira në karrierë.
Atij “nuk i ranë në qafë” vetëm kosovarët, por të martën në Prishtinë, Fyle u përball edhe me insistimin dhe pothuajse akuzat e ambasadorëve të vetë BE-së, se Brukseli nuk ka kurrfarë plani konkret për Kosovën.
Momentet e vështira për komisionerin evropian kanë nisur pas largimit të medieve nga salla, ku mbahej takimi i Këshillit kombëtar për integrime evropiane, prej nga kanë nisur kritikat edhe nga vetë ambasadorët e BE-së.
Mësohet se ambasadori britanik, Ian Cliff, i përkrahur edhe nga ambasadori italian, Michael Giffoni i kanë thënë Fyles se e gjitha që Brukseli po bën është rritja e shpresave të kosovarëve derisa nuk kanë asnjë plan konkret se çfarë do të bëhet me Kosovën në të ardhmen.
Më i zëshmi thuhet se ka qenë britaniku Cliff, i cili i ka kërkuar Fyles të dijë nëse BE ka një plan të saktë se si do të bëhet në të ardhmen me marrëdhëniet Kosovë-BE, kur të afrohet koha e nënshkrimit të Marrëveshjes për Stabilizim-Asociim.
Në vend të përgjigjes që duket se i ka munguar zyrtarit çek të BE-së, ai ka shprehur habinë për këto fjalë të ambasadorëve që në fakt do të duhej ta mbronin atë e jo ta kritikonin. /Telegrafi/
__________________________________________________ ____
http://www.telegrafi.com/lajme/momen...s-2-21270.html
__________________________________________________ ______________________

Pse paska ardh fyelli i çekise ?
Pergjigjeja ne vazhdim:



"Më i zëshmi thuhet se ka qenë britaniku Cliff, i cili i ka kërkuar Fyles të dijë nëse BE ka një plan të saktë se si do të bëhet në të ardhmen me marrëdhëniet Kosovë-BE, kur të afrohet koha e nënshkrimit të Marrëveshjes për Stabilizim-Asociim.
Në vend të përgjigjes që duket se i ka munguar zyrtarit çek të BE-së, ai ka shprehur habinë për këto fjalë të ambasadorëve që në fakt do të duhej ta mbronin atë e jo ta kritikonin. /Telegrafi/"

Gani Thaçi kërkon 6.000 euro pagë
Enis Veliu | 28-03-2012 00:05 CET

Bordi Ekzekutiv i Byrosë Kosovare të Sigurimeve, nuk e ka aprovuar dorëheqjen e parevokueshme të drejtorit ekzekutiv të kësaj shoqatë, Gani Thaçi, pasi që kontributi i tij në shoqatë është konsideruar si i domosdoshëm në këtë proces.

Gani Thaçi ka kërkuar 6.000 euro pagë, si kusht për të vazhduar punën si drejtor Ekzekutiv i Byrosë Kosovare të Sigurimeve.

Javën që lamë pas Gani Thaçi, cili është vëlla i kryeministrit të Kosovës, i ka paraqitur bordit të shoqatës dorëheqje nga kjo pozitë, por një kërkesë e tillë nuk është aprovuar edhe nga bordi i Shoqatës.

Gazeta ka provuar që me telefon ta kontaktojë Gani Thaçin, por kontakti me të ka qenë i pamundur. Ndërkaq, në anën tjetër Rrahim Pacolli, kryetar bordi i Byrosë Kosovare të Sigurimeve ka konfi rmuar se bordi i shoqatës që drejton ai nuk e ka aprovuar dorëheqjen e parevokueshme të drejtorit Thaçi.

“Është e vërtetë që ai javën që lamë pas ka dhënë dorëheqje nga pozita e drejtorit të Shoqatës, por bordi nuk e ka pranuar kërkesën e tij për dorëheqje, pasi që kontributi i tij në shoqatë është mëse i domosdoshëm”, tha ai.

Por, burime të besueshme të gazetës brenda Shoqatës thonë se një nga arsyet pse drejtori Gani Thaçi ka ofruar dorëheqjen ka qenë paga.

“Drejtori ka kërkuar që paga e tij të rritet nga 4.000 euro, sa e ka tash, në 6.000 euro. Kjo ka qenë një nga arsyet pse drejtori Thaçi i ka ofruar dorëheqjen bordit të shoqatës”, tha burimi i besueshëm i gazetës brenda Byrosë Kosovare të Sigurimeve.

Por, një gjë të tillë e mohon Pacolli. Ai thotë se dorëheqja është bërë për arsye personale. “Nuk është e vërtetë që drejtori ka kërkuar t’i rritet paga për 2.000 euro”, ka thënë Pacolli nëpërmjet telefonit.

Përndryshe, Gani Thaçi ka më shumë se tre vjet që ka punuar si zëvendësdrejtor i Shoqatës së Sigurimeve të Kosovës. Por, vetëm një javë pasi ishte bërë drejtor ai kishte ofruar dorëheqjen e të cilën nuk ia ka aprovuar bordi i kësaj shoqatë që kryesohet nga Rrahim Pacolli.

[Llapjani_HH]

Falsifikatori i dokumenteve në hierarkinë e lartë të Qeverisë

Një veturë e vjedhur në Stokholm të Suedisë po kërkohej në gjithë botën nga Interpoli. Të gjitha të dhënat e saj ishin postuar në faqen e internetit të Policisë Ndërkombëtare. Ishin bërë tre vjet prej 31 marsit të vitit 2000, kur vetura nuk po gjendej kurrkund.

Por, rreth 2000 kilometra larg këtij shteti skandinav, kjo veturë e tipit “Jeep Grand Cherokee” po bënte rrugë nëpër Kosovë. Atë po e ngiste prej kohësh një zyrtar i Kosovës - Astrit Haraqija, shkruan “Koha Ditore”.

Haraqija, që tash mban pozitën e zëvendësministrit të Financave në Qeverinë e Hashim Thaçit, me këtë veturë të vjedhur në Suedi e me dokumente false ishte nisur drejt Shqipërisë më 24 shkurt 2003.

Në atë kohë mbante pozitën e shefit ekzekutiv të Komunës së Gjakovës, kur në pikën kufitare ndërmjet Kosovës dhe Shqipërisë ishte ndalur nga Policia e Kosovës.

Gjatë një kontrolli të dokumenteve ishte konstatuar se autorizimi për ngasje ishte i falsifikuar dhe se Policia kishte rënë në veturën që po kërkohej prej tre vjetësh nga Interpoli. Automjetin e kishte konfiskuar.

Ky zëvendësministër tashmë me vendim gjykate është i gjykuar dhe shpallur fajtor si falsifikator i dokumentit zyrtar. E, megjithatë, vendimi i gjykatës nuk i ka dalë pengesë që të përfshihet në Qeverinë e Hashim Thaçit, që kishte ardhur në pushtet me zotimin për të luftuar krimin dhe korrupsionin.

Xheladin Osmani, gjyqtar në Gjykatën komunale në Prizren e konfirmon procedurën penale dhe dosjen kundër Astrit Haraqisë.

Ai kishte nxjerrë aktgjykim duke e shpallur fajtor zëvendësministrin për veprën penale të falsifikim dokumentit dhe kishte vendosur me urdhër ndëshkimor sipas kërkesës së Prokurorisë publike komunale të Prizrenit.

Gjoba ishte modeste,megjithatë konstatonte se Haraqija ishte falsifikator.

I dënuari nuk ishte pajtuar me aktgjykimin. Ai ishte ankuar në shkallën e dytë, në Gjykatën e Qarkut në Prizren. Mirëpo, një kolegj penal i kësaj gjykate kishte refuzuar ankesën e Haraqisë si të pabazuar dhe e kishte vërtetuar në tërësi aktgjykimin e Gjykatës komunale të Prizrenit.

Pas këtij aktgjykimi, falsifikatori nuk është ndalur me kaq. Kishte bërë kërkesë në Gjykatën Supreme të Kosovës për mbrojtje të ligjshmërisë.

Një vit më venë, kolegji penal prej tre gjyqtarësh i udhëhequr nga Rexhep Haxhimusa, më 10 shtator 2008 kishte nxjerr aktgjykim duke e pranuar si të bazuar kërkesën për mbrojtje të ligjshmërisë.

Me këtë aktgjykim Supremja kishte ndryshuar aktgjykimin e formës së prerë të Gjykatës komunale të Prizrenit dhe vërtetuar nga Gjykata e Qarkut për shkak të shkeljes së ligjit penal, konkretisht të nenit 332, paragrafi 3, lidhur me paragrafin 1.

Ky kolegj kishte hequr paragrafin 3, duke e lënë vetëm paragrafin 1. Me këtë kishte konstatuar se vepra penale ishte përshkruar në mënyrë absolute. Por në asnjë pikë nuk ka vënë në dyshim kryerjen e veprës penale.
Telegrafi

Ani thejshin ktyniher kta t'LDK-ës nuk vjedhin?!
Qysh po ju dalin rrent kadal kadal edhe ktyne.

E deshtët se deshtët Astrit Haraqin i LDK-ës u kanë, e tash dihet, sikur shum ish anëtar po i avyten qeveris t'Hashimit me mujt me vjedh si përpara.

Thojn: Uku kimen e nrron po zanatin nuk e harron.

[Oqeani]

Llapjani HH- Po them diç por mos u prek a !!!

Pleqt thojne : Per konop ish !!!! -

Une po them : Per litar jemi !